咁point form啦。
***********
1. 明報咁樣分開幾日報導法，其實係有D混亂。
1.2.即係，而家上訴委員會係一個機制；體恤安置又係另一個機制。
1.3.先講第一個機制。係系列(3)咁講，而家上訴機制入面，其實係可以咁樣處理件事﹕「今年上半年經上訴委員會審理後取消「遷出通知書」的個案，主要為上訴人或其同住家庭成員年老、患重病、殘障，或家庭成員（如子女）已離開家庭」。青山出得信，都係重病啦，下麻。
1.4.咁所以，第一個結論係，為乜上訴委員會見到青山醫院出埋信，不過都係要硬過，要求兩個租戶死都要遷出﹖
1.5.第二個機制係體恤安置。體恤安置係，你有任何特殊需要，可以唔洗排隊，一野比間公屋你；衣個機制同你係米上訴緊，甚至係米公屋租戶或者排緊隊申請公屋，全部無關。
1.6.咁講係米好簡單呢﹖用個例子，就知唔簡單﹕以往十幾年前好多例子係，離婚家暴，你有興趣可以睇政府十幾年前點答立法會 -- 個重點係，就算我冇申請公屋，甚至我住緊公屋，我都可以因為離婚有特殊需要，去透過體恤安置獲編配公屋 -- 衣D特殊需要，就真係好特殊，兩公婆打到阿媽都唔認得之餘，仲要你冇錢出去租屋離開對方，先可以由體恤安置既機制去上樓的。
1.7.咁所以，我相信衣個policy未改，所以係今次個CASE，就算有住戶因為接左「遷出通知書」，都應該可以再由體恤安置途徑即時入返公屋體系 -- 而非好似何永賢之流九唔搭八講，可以轉介佢去中轉屋到住，已經係做好左件事，只係過程中唔夠人性化。
2.當然，其實唔洗講上面兩個機制咁複雜，可以再更加簡單具體解決件事﹕一開始房署做調查，發現個兩個租客係十幾年前申報時有問題，不過原來係入得青山醫院既，仲要係個申報問題發生左啦，不過其實對佢地黎講冇任何material benefit。咁，米唔好告佢，將個file放埋一邊囉 -- 衣個就係最人性化最簡單既處理。
2.1.即係，入得青山，都係超級大獲。你問醫院兩句，就知係米要長期覆診。再加上，所謂既申報不實，其實問兩野，就知有冇實際得益。問完之後，唔一定要上會既 -- 如果係人性化處理的話。
2.2.所以，衣度係大政策問題啦。
3.第一個大政策問題係，就好似我之前講富戶政策一樣，其實打擊濫用公屋之類，全部都係好煩既野，入面除左法律指引，仲涉及好多政策邏輯，政策價值取向 -- 你唔好同我講法律就係法律。你要明既係，係成個房屋政策引入體恤安置，就係有個政策價值取向，係成個房屋政策入面，其實有好多位已經預留左彈性，去滿足個政策目標。
3.1.你將打擊濫用，變左做全民舉報，變左做KPI，甚至好自豪咁樣，搵退休紀律部隊去調查，跟手再同民建聯去分享，咁即係咩﹖即係，「阿SIR做野唔洗你教」。
3.3.咁上訴委員會有好多聲稱唔同背景既人，今次直頭有埋所謂既社工添，咁不過罪證鑒作丫麻，咁米罪名成立，CASE CLOSE囉。
3.4.青山醫院推薦信﹖其中一個租客跳左樓﹖咁米搵社工跟進囉。
4. 我想講既係，係成個過程入面，由調查，到房署正式發通知書，再到上訴委員會，你話經過咁多程序，中間既人冇責任﹖
4.1.當然，何永賢好似冇責任，事關唔係佢落成落腳去做成個過程。不過，點解係個過程入面，所有人都覺得冇問題，其實就係一個文化，或者係一個潛規則 -- 老細話要打擊濫用公屋，話好多野要刑事化，話要盡打收回單位麻，咁米照做囉。
4.2.咁你話，何永賢，以至衣個KPI文化，再以至整個政府強調既所謂 遵守法律文化，係米好精彩，邊個都冇責任呢。
4.3.所以，何永賢既責任係乜，成個過程既人責任又係乜，就真係精彩。而家興講高層政府官員責任制，咁中低層既責任就係跟住高層，連委任既上訴委員會都最好要有同樣mentality囉 -- 當然，你話而家「上半年取消遷出通知 166宗超去年全年」，不過有幾多CASE九唔搭八上左去個上訴委員會，幾多實際個案係PASS左，就真係no comment啦。
4.4.衣個，米係成個香港公共行政，以至好多盛事好多野既 由治及興既體現囉。
5.同樣，你睇體恤安置成個政策，又係一絕。
5.1.上面講 離婚體恤安置 係2011年數字。係今個系列(1)入面，明報就話「本報發現房署編配體恤安置單位由2018/19年度873個，減至2024/25年度320個」。
5.2.不過，實情係點﹖實情係咁。我估你都唔睇架啦，咁簡單講。
5.2.1.上面條LINK，係十年前左右答立法會。你睇個表，就好攪笑。係2011/12年，每年係有2000多宗體恤安置個案成功獲批。當時房署亦都每年留左約2000個單位，係FOR社署推薦 -- 所以，社署批得推薦既，都會上到樓。
5.2.2.你睇個表，個數字都唔知點解 (﹗﹗﹗) 由2011年既2千宗以上，跌到去2015/16年既1236宗 -- 之後再去到明報講既2024/25年度320個。
5.2.3.係個回覆入面，政府係咁解釋﹕「政府或社區組織近年均推出不同的房屋援助措施，如關愛基金下的房屋援助項目及光房／光屋等，以協助紓緩有需要人士所面對的房屋壓力。相信這些措施可能有助減低社署近年推薦「體恤安置」及「有條件租約」個案的數字」。你聽完，只會覺得，佢係米痴媽根架。
5.2.4.ANYWAY，體恤安置越玩越縮，其實同房屋供應有關，不過政府點都唔會承認。我求其SEARCH返，社總係2016年已經講過。再求其搵甘乃威係2019年又講 -- 你睇政府個回覆，其實係攪緊笑﹕社署話佢地推薦比房署既個案「多數獲得接納」，不過而家嘈既係，D議員呀社工呀推薦比社署既個案，係彈返轉頭，兩者跟本講緊唔同野丫麻。
5.2.5.再當然，求其搵，連TVB係2021年都做個故仔，講有精神病康復病人，有曬醫生紙都做唔到體恤安置 -- 以往體恤安置其實係主要睇醫生評估，而家就，well，跳完樓先睇下你有冇需要，咁囉。
5.2.6. 所以每次有咩斬人事件後講咩社署呼籲之類，再講咩資源唔夠，真係食屎啦。以往房署預留左2千個單位做體恤安置，用唔曬，社署都唔好接CASE比房署呀。
5.3.咁你話，體恤安置衣家野，由2011/12年既2千宗以上，去到明報所講，2024/25年得返320宗，其實係米香港真係由治及興，冇人因為特殊理由而要特快上公屋呢﹖
5.4.拿，又係我好鐘意既 尊貴梁文廣出場既時間啦。佢係TVB同埋ICABLE新聞兩個評論，真係嘆為觀止。
5.4.1.係TVB入面，個題已經講左令人驚嘆既重點﹕特別需要人士藉體恤安置計劃申請公屋 房委會委員建議嚴格把關。即係咁，阿梁尊貴係米想講，個租戶住左係度，因為申請時填錯野但係冇真正得到任何理益，再之後有埋青山醫院醫生出信，之後都要「嚴格把關」，事關 (就好似佢咁講)「如不經過深思熟慮，就直接體恤安置，可能對其他公屋輪候市民不公」，咁呀﹖
5.4.1.係TVB入面，個題已經講左令人驚嘆既重點﹕特別需要人士藉體恤安置計劃申請公屋 房委會委員建議嚴格把關。即係咁，阿梁尊貴係米想講，個租戶住左係度，因為申請時填錯野但係冇真正得到任何理益，再之後有埋青山醫院醫生出信，之後都要「嚴格把關」，事關 (就好似佢咁講)「如不經過深思熟慮，就直接體恤安置，可能對其他公屋輪候市民不公」，咁呀﹖
5.4.1.1.咁究竟佢地本身住左係度，有醫生出信，之後一個跳樓死埋啦，咁都係要繼續深思熟慮﹖要思考幾耐，先知道佢地應該獲得體恤呢﹖係米要自焚先合標準，社署先可以加快處理﹖
5.4.2.係ICABLE NEWS，佢就更加出色。佢話「先找單人宿舍給他，或者寶田邨中轉屋之類，甚至過渡屋之類，立即轉介會立即接收，比『體恤安置』更快」。
5.4.2.1.即係咁，佢既意思係米，「唔死都死左個啦，咁都係繼續去住中轉屋先啦」。其實呢，體恤安置快唔快，係睇件CASE有幾緊急特殊，唔係佢講既咩「因為『體恤安置』要社署看完他的理據、分析他的狀況，因為始終『體恤安置』批出租約，等如排幾年隊上公屋的租約，他們會較審慎。」
5.4.2.3.又再再者，件CASE係上年11月尾發生，12月青山出信，第一個跳樓既係4月，第二個跳樓既係7月。咁你話，而家明愛係3月收到房署轉介，要幾耐先PASS到個CASE比社署再啟動個程序丫拿﹖社署要做乜春評估都好，如果遲到由4月先開始做，咁又要幾多個月先評完丫拿 -- 當然，而家明報話，個社署程序，係6月先啟動，就真係吹脹啦﹖
5.4.2.4.ANYWAY，都係個句，以往離婚打到爆肛訓幾日醫院，你話洗唔洗半年先體恤到上樓丫拿﹖而家油治及興左，就唔知，不過，以往係唔洗。
5.4.2.當然，梁文廣應該都係freudian slip，唔應該講既都講埋出黎架啦﹕以往十幾年前，社署同房署緊係快手比個CASE體恤安置上樓架啦。而家由治及左興，米先要慢慢分析囉。
5.4.3.即係，其實都係個句﹕十幾年前房委會預留左體恤安置2千個QUOTA，衣幾年就聲稱因為用唔曬，所以個QUOTA減到去350之後，係咁易補多句「這個數目並非上限，房委會會按既定政策處理社會福利署推薦的所有體恤安置需求。任何為體恤安置類別預留而未用盡的配額，將會編配予公屋申請者」。
5.4.4.咁你話，係埋房委會委員暨尊貴既立法會議員配合下，體恤安置其實都係配合緊成個大政策 -- 咩政策﹖米係打擊濫用公屋+收回公屋+加快上樓既KPI囉。
5.4.5.拿拿拿，我冇屈佢的。係系列(1)，梁智將自己咁講的﹕「由於近年社署轉介個案減少，因此小組委員曾建議減少實際編配單位數目，將配額分配予其他公屋類別」。
5.4.6.當然，你唔好問，點解「近年社署轉介個案減少」﹖係米因為，香港由治及興呢﹖
6.所以，結論，完架啦，今次係唔夠人性化架咋，大政策，KPI，所謂既執法思維，全部都冇問題架。
6.1. 你話，件事係4月死左個，7月死多個，唔係明報爆出黎，就冇人知冇人理，咁何永賢米可以繼續講，「指已收回約9000個單位 等同慳90億元建築費」囉 (衣條link即係系列4quote個段新聞)。今次件事爆左咁多日，除左梁文廣沖出黎護主，你話有幾多其他尊貴呀醫生呀NGO呀病人組織出過黎﹖大部份尊貴緊係唔夠膽講野啦，事關黎緊選舉，阿家超同中聯辦睇佢地既表現丫麻，咁你話當區立法會議員阿張欣宇同劉國fun，死左去邊丫拿。
7.最後，小多句。以往講精神病人講咩，除左咩NGO病人組織之外，社署呀醫衛局呀會出黎講野，之後又講咩關愛隊點發揮更大作用。今次﹖又係食曬屎。
8.真係最後，再小多句，上面何永賢個野「已收回約9000個單位」係8月講，就緊係包埋今次事件個單位啦。咁兩個跳左，比政府收回個單位，都係幫政府滿足到KPI啦。所以，你估何永賢下次又幾時報喜丫拿﹗真係下家產。
9.你估下，有冇人同佢講衣單CASE，話佢知收樓收到死左兩個﹖ 我唔信冇囉。有，就固然精彩，完全合乎佢既人設，繼續事事報喜。如果真係冇，就仲精彩。
10.完。
