******
兩句。
關於市建局，好合理既回應係，你唔搵退休工務員，就係搵業界去做行政總監架啦。
不過，搵到前發展商最大粒個位去做市建局行政總監，就真係出色。
即係，唔一定關利益輸送事。不過，過去咁多年既工作，訓練，人脈身邊人關心既野，所有野都係「睇住個樓市」，咁阿新行政總監日後「自然」關心既係乜，就真係一目了然啦。
等於，前總監阿韋志成係政府工程師出身做過發展局常秘，就「自然」會將市建局改造到成為規劃署，做埋曬唔係市建局應該做既野一樣。咁，阿新行政總監日後都會「自然」將市建局轉返做發展商 -- 咁樣，都算係，某種程度上，既，將市建局「回歸本業」掛。
當然，衣個係米政府取態呢，值得深思 -- 特別係市建局盤數而家咁款。
當然，衣個係米政府取態呢，值得深思 -- 特別係市建局盤數而家咁款。
*******
丫，話時話，睇返資料，佢2023年個訪問話，自己66歲，「踏入退休之年」，咁而家又唔退休去市建做行政總裁，政府打算比佢做到幾歲呢﹖
搵佢黎，係要過渡攪返盤數，定係冇人成咁呢 -- 不過，咁多錢，大把公務員未退休都肯去架喎。
嗯。
*******
講第二樣。
*******
講第二樣。
關於經濟日報篇報導，最重要個幾隻字係，「但近年立法會興起另一個受薪職位」-- 咁，明未﹖衣個新興起職業，係近年興起架咋。
當然，劉國勳之流，有咩專業去做咩城市規劃顧問呢﹖
當然，劉國勳之流，有咩專業去做咩城市規劃顧問呢﹖
陳克勤仲強勁，真係睇佢既學歷經歷 -- 即係除左做議員就係去過特首辦做影印 -- 都可以做「中石化（香港）石油公司的新能源戰略發展委員會副主任」，就知國企係幾咁愛才眼光獨到。
話時話，陳克勤同陳勇都做左華潤電力既非執董，華潤真係眼光獨到，一睇就知兩位係人才，攪到我都唔好意思賣隻華潤 -- 一年前24蚊冇賣，而家華潤就黎攪掂分拆新能源業務，我都開始想賣鳥。
*********
最後，題外話。
關於哈佛，就真係一流。我唔去哈佛，就算去唔到美國任何一間大學，我都唔會去英國去德國，情願走黎香港架喎，香港高等教育都真係好有優勢架喎。
不過，嗯，董明珠講既，又好似係講，海歸係英美既間諜喎。
咁呀，香港國安係米都應該查下所有係英美讀大學，之後返黎香港既人，睇下佢地係米間諜 -- 衣個，都係董明珠既思路。
話時話，Rubio話，會嚴格審查中國學生簽證，睇下申請人係米同共產黨有關。咁我睇到衣個報導，就真係有些小低能 -- 同共產黨有關，唔止係影響9千萬黨員。另一大影響係，共青團。
入左共青團，唔等於係黨員。不過，你入得大學，甚至係中學階段，如果係優秀人才，就多數都入左共青團架啦。咁雖然共青團團員唔等於黨員，不過係米同共產黨有關呢﹖
唔洗問啦，下麻。
anyway，香港班建制班有錢佬d仔女孫阿之類，入唔到美國去唔到哈佛，米去哈爾濱大學囉。阿鄧炳強都鼓勵你返大陸讀大學，認識國情架 -- 不過，講到延續五四薪火，就小心D，事關會令人聯想到火燒趙家樓，衣D達反國安，破壞法治既行為。
你見大陸官方都好小用五四薪火，就知道原因啦 。所以，有時呢，所謂愛國呢，都要認識國情，唔係又好似上年開國大典幅畫咁樣，出事，攪到添煩添亂鳥。
*********
最後，補多句。
市建局行政總裁衣D咁重要既職位，明報竟然將佢擺落 花生版入面做報導，就真係精彩 --當然，其他報紙報完好似冇報，其實又差唔多既。
又再補多句。
我冇睇政府新聞公佈，不過頭先打完字再睇資料，見到AM730衣個報導有衣幾句，咁又可能我估中喎﹕
發展局長甯漢豪指，蔡宏興長時間在建築界及房地產發展方面工作........她深信蔡宏興能領導市建局的管理團隊發揮所長，在維持市建局財政可持續的情況下，推動市區更新工作，有效應對樓宇老化的挑戰
最重要個幾隻字係，「在維持市建局財政可持續的情況下」。
*********
完。
