打擊濫用公屋 - KPI達成﹗(5)

下面咁長既野，我係2024年講富戶政策時打落。之前HIDE左，而家擺返出黎。

******************

 我冇講上面主旋律下各項政策係米正確。

你問我，打擊濫用公屋同富戶係應該。不過，阿房委會委員會阿李碧如早排癲到，話要收緊埋個轄免上限，其實就涉及好多問題。

即係咁，而家你住公屋住到滿60歲，其實房委會就好多野都有彈性。例如，有家庭成員到60歲既話，就會較後處理 -- 即係近乎唔理你係米寬敞戶。

係富戶政策入面，所有家庭成員到60歲門檻，就豁免左唔受富戶政策規管，有幾億身家都唔會被收回單位。

離地既人就緊係會話，咁緊係要收緊60歲既門檻喇。

做官既例如羅淑佩就穩陣d，識得講「社會一般對分配社會資源，包括公屋方面，對長者採取較寬鬆態度，貿然收緊安排或引起反響批評當局罔顧長者福利及需要」。

再貼地d，或者講埋佢心個句既係，長者富戶政策係好複雜，唔係口講話收緊扲個道德高地就得既，事關背後會有好多政策問題。

有個好簡單例子﹕我當你將個富戶政策收緊到70歲，如果長者有物業就要搬走。

咁我假定有個70歲要坐輪椅或者拐杖住係公屋既阿伯，咁佢阿哥死左就比左個唐5樓既物業比佢。個物業冇電梯，樓齡50年，咁係米要收左佢個公屋單位叫個阿伯搬去個唐5樓呢﹖

實有天才話，咁佢米賣左個2百零萬既唐樓，之後再租私人樓住囉，再唔係唔好繼承佢益左政府囉 -- 如果再天才既話就會話可以將個單位轉做逆按揭，我冇check，逆按揭未必計資產，不過都仲有收入呢，頂。

如果你係咁既天才，就可以加入紀律部隊，所有政策問題簡單化只有一個目標就ok。

不過，傳統ao就會同你諗，你叫個阿伯賣左層樓租私人樓，咁係米合乎以往流傳落黎既房屋政策目標，個社會又點睇咁既政策係米合理 -- 我先唔講個阿伯扲住幾百萬租樓會租幾耐喇，究竟佢會有幾長命喇。

我淨係會諗，你比佢住係公屋，等佢有多個錢，到佢身體有咩病賣左層樓住私家醫院康護院舍，之後先交返公屋出黎，咁都好合理，亦都減少倚賴公家體系，對公眾有益囉。

當然，如果你係天才既話，你又會話，咁長者70歲以上個富戶門檻高d米得囉，例如有一千萬資產，可以食到20年到死個日，咁就要收返個單位喇。

得既，實可以set個所謂既合理政策門檻。不過，你要搵個所謂既合理門檻，我都唔知要攪幾耐 -- 一個健康雙老家庭同殘疾家庭已經唔同，子女係米有問題要扲社福資源又唔同。

再者，講多句。講到長者病患，就淨係一個cancer自費標靶藥療程都同你講緊20萬起跳，個幾百萬有大病就好快用曬 -- 除非你又天才到話，咁老有cancer就公立醫院做化療之後寧養算喇。

所以，「長者福利及需要」係一門好複雜既政策，唔係淨係睇房屋，收緊佢老尾就攪得掂既 -- 已經唔講道德社會接受程度既問題。

***********

題外話，好耐之前，有個好熟公屋政策既人話冇衣件事，不過我印象中好似係有﹕

係廿年前，如果長者有物業，不過物業冇升降機而佢又係行動不便的話，咁個長者係可以同社福機構申請，用體恤安置既形式入住公屋而唔洗理資產審查，亦都唔洗交返間私樓出黎。

有人話冇上面衣件事喇。不過，咁係一種解決我上面提到長者有物業但可以保留公屋既方法。又之但係，一有衣d方法，又係有好多問題。

***********

頂，成個section離左題，咁開題再講。