中流砥柱．紅太陽一直都升起 (8)

原本完架啦。

不過，求其SEARCH，又見到D下家產既文，咁寫多個系列。

********

真係你老尾丫，你睇下而家D扼飯食食愛國飯既，會講咩﹖

你求其SEARCH 英國 香港保衛戰，都見到唔洗大陸人九唔搭八，香港所謂歷史研究者都爭住瀨鞋底，例如阿劉蜀永 (雖然都係黎自大陸，不過而家係所謂既嶺南大學丫麻) 係紫荊就有篇咁既野：「二戰期間香港兩種不同性質抵抗的探討」 (我唔比LINK啦)。

佢D咁既野，唔洗睇內容都知講乜。

不過，我都求其抽幾段講 -- 佢真係可以唔理時空脈絡去亂講﹕

1938年4月，英國海軍查菲德上將（Lord Chatfield）曾勸喻要防守香港，認為只要香港存在，定能迫使日本人分兵力來襲，這樣就能延緩他們在新加坡進軍。前面我們曾提到，1940年6月，英國參謀長委員會認為香港駐軍無法長期扺擋日軍的攻勢，但他們又說沒有打算暗示要建議解除香港的防務，如果主動這樣做，將會對英國的聲譽造成無比損害。從中我們不難理解，英國要在香港抵擋一陣日軍進攻，主要出於兩種原因，一是減輕英國在新加坡的壓力，二是為了大英帝國的面子。

至於有英軍將領聲稱增兵香港有利於鼓勵中國抗戰，是他們真心支持中國抗戰，還是為達到自身目的虛晃一槍呢，從下面的史實各位讀者可做出自己的判斷。1941年5月，蔣介石曾提出派兵協防香港及緬甸。英國參謀長聯席會議對此有保留。陸軍總參謀長迪約翰（General John Dill）認為英國政府的既定政策，是「防止與日作戰」。他又說：「任何對中國的支援，必須有利我方之防衛形勢……與中國方面的協商，必須以我方的遠東戰爭計劃為依歸，而非中國方面的短期戰術目標。」很明顯，英國在香港的軍事行動並非真的是為了中國，而是以英國的利益為依歸。

和英軍短短十八天的抵抗不同，中共領導的抗日游擊隊港九大隊是香港淪陷三年零八個月期間唯一一支成建制、始終堅持抵抗的武裝力量。港九大隊前身的幾支武工隊曾參與搶救抗日文化人的秘密大營救。港九大隊以游擊戰方式四處打擊和牽制日軍，共計斃傷日軍 100 餘名，斃傷漢奸、偽警及敵方間諜等 70 餘名，俘虜、受降日偽軍 600 餘名；擊沉日軍船隻四艘，炸毀日軍飛機一架；繳獲長短槍支 550 餘支，機槍 60 餘挺，炮六門，車船 40 餘輛，以及大批彈藥。港九大隊參與營救盟軍飛行員，並且多次協助盟軍獲取日軍情報。日佔期間，港九大隊有 115 名烈士為保衛香港而犧牲。

佢咁樣「從中我們不難理解」.....「英國在香港的軍事行動並非真的是為了中國」，就真係痴媽根，你而家係識讀心術既海岸線呀﹖

即係，佢自己都QUOTE左句「任何對中國的支援，必須有利我方之防衛形勢……與中國方面的協商，必須以我方的遠東戰爭計劃為依歸，而非中國方面的短期戰術目標」。

佢QUOTE得衣句，我真係想問返佢，英國點樣可以派咩軍隊去香港達到咩戰術或者戰略目標丫拿。

佢係米想講，英國係冇可能係香港有任何戰術或者戰略目標架，不過英國雖然自身難保，不過就死都要派軍隊黎香港囉。

再實際講，而家英國派隊軍隊黎都唔知要幾多日，你想係二次大戰時期叫英國佬唔知用幾多日派人黎遠東﹖佢係米老人痴呆﹖

當然，其實最小佢老尾既係，英軍係保衛戰死左失蹤加埋2千幾人，成萬人被俘。你班下家產游擊隊「抵抗」左成三年零八個月，死左個115名烈士喎 -- 咁西灣墳場個幾千人係保衛戰個十零日死曬，就只係因為只顧英國利益，所以唔係人呢。

再下家產既係，英軍入面，有加拿大特登山長水遠黎既接近兩營士兵2千人，再加本身英軍入面都有華人兵團。你唔當英國佬係人JAK，個批唔關事既加拿大人、華人兵團甚至華藉英兵唔係人，紀念下佢地又犯法呀﹖

係呀，英國佬只係顧自己利益，不過又同意加拿大派人黎；加拿大明知派士兵黎香港係送死都派，咁你唔叫老毛係延安派人黎 ﹖

當然，講起老毛，又要再講多次佢點抗日。

係彭德懷打完百團大戰，之後由延安整風去到盧山會議，老毛都耐唔耐好得閒走出黎批評彭德懷，攪到彭德懷早到係1945年就要講「百團大戰……在政治上也是錯誤的。過早暴露了自己的力量，把日本軍隊主力從正面戰場吸引過來，有利於國民黨……這很明顯是民族義憤模糊了階級立場」。

明未﹖

階級立場，係緊要過民族義憤架 -- 所以，D友成日QUOTE老毛多謝日本仔，其實要QUOTE既，真係大把野可以QUOTE。

淨係我衣個POST講既栗裕收到咩指示，都知道咩叫所謂既「中流砥柱」，係抗戰時究竟做緊乜。要講衣D指示，再講當時佢地做乜，真係而家就算老毛再講出黎都真係違反宇宙大法。

最後，講返香港保衛戰，阿總督楊慕琦及駐港英軍司令莫德庇都冇走佬的。咁我唔講國民黨死左幾多高級將領，咁阿共產黨除左左權，仲有邊個高級將領係抗日戰爭犧性左﹖

再題外話，共產黨其中一個最打得既林彪，有冇發覺係抗日中後期失左蹤呢﹖佢打完平型關，傷左，由1938年開始，去蘇聯去左幾年，1941年先回國。回國後，佢都係冇做過野 -- 當然，你要求「中流砥柱」做野，又有D難道既，事關彭德懷係1945年檢查之前，其實你睇WIKI，阿小平同志係1943年已經講左﹕「百團大戰中本區軍事力量過於突出暴露，不僅自己傷亡很大，元氣不易恢復。且警惕了敵人對我們的嚴重注意，也產生了不利的影響。」。

所以，共產黨講黎講去，米係得平型關同百團大戰，之後米冇野講囉 -- 百團大戰之後，過於突出，「傷亡很大」，所以自我收皮。

相對共軍，國民黨個批將領係點﹖

你睇其中一個出名既張靈甫，除左出名殺老婆同比栗裕收皮之外，最出名既係，1939年中槍去香港養傷，之後唔理醫生勸告，1940年就提前歸隊，之後跛左成世。

我己經唔再講，張自忠 點樣同成班部隊將領殉國。

**********

ANYWAY，即係，其實想點講都冇所謂。

不過，好多友一邊九唔搭八，另一邊又話咩唔好扭曲歷史，要正視歷史，就真係好難聽。

**********

完。