早兩日，光傳媒又引述信報話，「建制消息：高層官員向公眾道歉是最低消費 應要有人孭飛」。
睇完，我就覺得戇居；睇埋今日明報，就覺得個條建制派係米江玉歡之流，唔識咩係中國政治倫理，咩叫由治及興呢﹖
你睇民建聯工聯會衣D唔知係根正紅苗，定係適時務看風駛理既，就緊係唔出聲啦。
*************
正題。
正題。
明報好野喎，搵到今次同之前飲用水兩枝標既要求。報導內文可以唔駛詳細睇，睇明報下面個圖就得。
望住幅圖，個「2025年 標書提及不設評分制度」就緊係重點。
不過，入面最重點係，2023年係有「15分為ISO等國際標準」、「餘下15分為運送日程及網上預訂系統」。
即係，我求其search，你睇輝立係農夫山泉上市個時，都話農夫山泉有ISO認證架。
不過，你熟國情都知，除左做國際代工個D廠之外，而家大陸好多只做內需既廠，佢地有咩認證，都只係用中國版認證，例如衣度話農夫山泉個ISO係中國質量認證中心做既ISO，再加國標認證。咁你話，大陸有幾多水真係「ISO等國際標準」丫拿。
如果係其他細廠不知明廠，又有幾多又係國際認證﹖
至於「運送日程及網上預訂系統」，唔係香港做開飲用水既大廠，咁又有咩本地或者大陸公司會有衣個咁既網上系統﹖要做個咁既系統要幾多錢去建立維護丫拿 -- 份政府合約中標價都係5千幾萬，有冇人會特登淨係為左衣份約整個系統出黎丫拿﹖
咁你話，之前2023年個標書要求係度啦，咁點解無啦啦2025年會冇左﹖明報入面就咁講個原因﹕
署方解釋，因為「考慮到樽裝飲用水的規格簡單明確，必須符合的技術規格和運送安排要求（包括就飲用水水質安全標準的香港法例規定）亦已在招標文件內列為必要的要求」。
真係，唔好癲啦，之前要佢交曬第三方ISO認證，而家無啦啦放寬叫佢自己做declartion﹖ 咁個訂水物流要求個D，又做乜無啦啦冇左呢 -- 佢話「運送安排要求劾已狂招標文件內列為必要的要求」，就你睇明報幅圖，咁係評分到冇左呀下。
跟手係第二度，阿署長話﹕
根據現行的採購規例，如果是「購買貨品」，一般不會對有關公司作財務審查，因為購買貨品與服務不同，後者涉及聘請員工、買機器等工作，才有足夠能力落實合約，政府必定要審查財務；至於貨品購買，政府採取的方式是「貨到付款」，並且檢驗貨品符合標書技術上的要求，才會付款。而在採購貨品時，政府會要求相關企業提供貨品總值約2%的按金，用於追討損失。
咁又再唔好理而家既採購規例係米真係咁痴線啦，不過佢之前標書列明15分係比運送日程客戶服務之類，其實米係由另一角度去做間公司既財務能力評估囉 -- 你冇咁上下財務，又點會有能力做衣D野﹖
即係，根據之前報導，而家間「鑫鼎鑫」係攪笑到，扲住中左個枝標，之後先去搵物流公司傾合約去運水 -- 即係中標時，其實係唔知個物流費用係幾多，中標公司係點安排物流架，甚至唔知間中標公司搵唔搵到物流架喎﹗咁政府都可以批枝標出黎﹖
所以，結論係，咁樣改個招標條件，冇左個評分準則，你話有咩原因﹖
係由治及興既角度，放寬咁多招標要求，就緊係想多D非現有公司可以分享香港由治及興帶黎既好處啦；係另一角度，就係，well，想帶黎多D競爭，反對現有公司壟斷掛 (﹗﹗﹗)。
咁你明我講咩，更加明我做乜係上個POST問左個條問題 -- 究竟點解誠哥係九龍區會中到枝標，枝標第二高價既究竟係出左幾錢，或者係有咩唔掂，所以中唔到枝標，攪到九龍區繼續飲COOL水丫拿﹖
**********
ANYWAY，其實唔駛郭志仁講，甚至唔重複講佢既跨境運輸成本問題。
你用常識諗，都知誠哥或者本地供水大廠，其實係有成本優勢 -- 就算佢枝水幾貴都好，不過佢本身個物流倉儲，其實 內地 甚至 其他LOCAL細公司都唔可以相比 -- 當然，如果你可以忍受D水擺係牛潭尾個唔知咩倉，我就只有甘拜下風。
認真講。
你諗下，政府幾廿個唔同office，你淨係每個地點CALL水，運一次去唔同地點個成本其實都好甘；如果係某日淨係某個OFFICE要5枝水，咁我都唔知好唔好CALL GOOGLE VAN送去。
仲未考慮到，一個政府大廈有唔同部門，唔同部門會唔同時間CALL，即係差唔多要每日都送水，咁冇個network同個量，可以送去唔同政府部門之餘送埋去附近OFFICE，而每日只係招呼政府一個客，係死緊。
所以，誠哥橫掂做開好多唔同office客，咁一定有優勢；你一間不知名公司，或者係冇咁多客既公司，根本扲唔到個economy of scales，咁就算枝水既成本平啦，不過物流成本又點可能同誠哥鬥﹖
衣個情況，米等同個D咩水泥呀建才呀，都係件貨唔值錢，不過物流倉儲成本就超高，咁所以個市場係好大地域性。
亦所以，都話個句，你話一間咁既貿易公司中到枝標，或者係個招標文件冇係物流上要求中標公司有任何門檻要求，就真係攪笑。
****************
講正題。
之前都講，公務員就緊係，If it works, don't touch it。
而家touch左啦喎，改左要求啦喎，之後又真係出左事喎，咁其實你所謂要追究要咩盛，就緊係要追究，邊個要改左個招標要求啦。不過，個班傳聞要求「高層官員向公眾道歉是最低消費 應要有人孭飛」既建制派，究竟夠唔夠膽問，邊個改動個招標要求，同埋點解要改個招標要求呢﹖
當然，你再睇阿署長同局長，佢地都係講，要審視個招標制度；新聞都同你講，而家係唔洗審查財務呀，「現採購制未必能堵詐騙者」 (即係明報個題)，咁即係，個問題原來係詐騙，係制度喎﹗
嘿﹗之前個POST都話左啦，「首先就係錯得太離譜，其次之後個處理都好「慎重」，所以成件事真係好「詭異」」。
咁你話，好勇猛既HK01，夠唔夠膽問下，點解個招標條件好好地都要改丫拿。
*******************
真係正題。
所以，就係題解時間啦。
「懲前毖後，治病救人」，其實就係偉大既毛主席，係延安整風時所作出既指示方針宗旨 (延安整風都有人叫做搶救運動啦)。
去到衣幾年，中國咩政法網，甚至最鐘意老毛既習總書記，係紀委都仲講緊衣樣野。
求其搵，阿政法網做左個幾好既簡介，引用返文革期間既歷史去再講歷史。咁原文照copy出黎 (大佬，你自己SEARCH啦，我唔放LINK啦)﹕
1972年4月24日 《人民日报》发表社论《惩前毖后，治病救人》
本站发表时间：[2020-04-24] 来源：人民网 作者：
1972年4月24日，《人民日报》发表社论指出，30年前，在延安整风运动中，毛主席总结我们党内斗争的历史经验，提出了一条著名的马克思主义的方针：“惩前毖后，治病救人。”毛主席反复强调指出：“要相信百分之九十以上的干部是好的和比较好的。犯了错误的人，大多数是可以改的”，“打击面要小，教育面要宽”。要严格区分敌我矛盾和人民内部矛盾这两类不同性质的矛盾。除了极少数混进革命队伍的阶级敌人和屡教不改、不可救药的分子外，对一切犯错误的同志，不论老干部、新干部，党内的同志、党外的同志，都要按照“团结--批评--团结”的公式，采取教育为主的方针。对犯错误的同志，第一要进行严肃的批评，分清是非，目的是坚持马克思列宁主义的原则，坚持毛主席的无产阶级革命路线。第二还要从团结的愿望出发，努力帮助他们改正错误，欢迎进步。要搞“五湖四海”，不搞山头主义、宗派主义。要提倡顾全大局。对犯错误的同志的处理，要以全党利益为出发点，以党的利益高于个人和局部的利益为出发点。要关怀他们，教育他们，只要他们认识错误并决心改正，就要信任他们，发挥他们的作用。“对于人的处理问题取慎重态度，既不含糊敷衍，又不损害同志，这是我们的党兴旺发达的标志之一。”
(人民网资料)
1972年4月24日 《人民日报》发表社论《惩前毖后，治病救人》
本站发表时间：[2020-04-24] 来源：人民网 作者：
1972年4月24日，《人民日报》发表社论指出，30年前，在延安整风运动中，毛主席总结我们党内斗争的历史经验，提出了一条著名的马克思主义的方针：“惩前毖后，治病救人。”毛主席反复强调指出：“要相信百分之九十以上的干部是好的和比较好的。犯了错误的人，大多数是可以改的”，“打击面要小，教育面要宽”。要严格区分敌我矛盾和人民内部矛盾这两类不同性质的矛盾。除了极少数混进革命队伍的阶级敌人和屡教不改、不可救药的分子外，对一切犯错误的同志，不论老干部、新干部，党内的同志、党外的同志，都要按照“团结--批评--团结”的公式，采取教育为主的方针。对犯错误的同志，第一要进行严肃的批评，分清是非，目的是坚持马克思列宁主义的原则，坚持毛主席的无产阶级革命路线。第二还要从团结的愿望出发，努力帮助他们改正错误，欢迎进步。要搞“五湖四海”，不搞山头主义、宗派主义。要提倡顾全大局。对犯错误的同志的处理，要以全党利益为出发点，以党的利益高于个人和局部的利益为出发点。要关怀他们，教育他们，只要他们认识错误并决心改正，就要信任他们，发挥他们的作用。“对于人的处理问题取慎重态度，既不含糊敷衍，又不损害同志，这是我们的党兴旺发达的标志之一。”
(人民网资料)
衣個簡介幾好，因為講出幾個重點﹕
1.「堅持毛主席的無產階級革命路線」
而家唔 (常) 講無產階級革命路線啦。不過，之前都講過，共產黨政治入面，最高階既係路線，之後既係方針，最低層次先係政策。
你唔係讀政治，不過熟國情既，都知衣個規則；之前係度講阿蔡金強，甚至羅尚沛，其實都講過類似既野。
咁呢，上面講既路線，再配合埋「嚴格區分敵我矛盾和人民內部矛盾這類不同性質的矛盾」，其實就係重點﹕
你就要知道，如果我工作上有錯，而個種錯只係執行上既錯，而非路線既錯，咁就係可以被救治。
之但係，如果係路線既錯，就係政治錯誤，黨就要同你鬥爭，你既下場就係，陷包散。最著名既就係十次路線鬥爭；十次路線之後，去到改革開放初期麻，最重要既路線米係計劃經濟同資本主義市場經濟之爭，最後係 姓資姓社 之後有左定論囉 (當然，文革完左，衣類路線之爭就嚴格上冇死冇亡 -- 耀邦同紫陽連開除黨藉都冇啦)。
當然，由阿薄生開始，就已經唔用路線同你鬥爭。不過，阿薄生同之後好多友既「嚴重違紀問題」，「違反黨紀國法」，就係另一種形式啦 -- 「反對中央」、「反對以習近平同志為核心」，其實米又係「路線」囉。
所以呢，當年三鹿奶粉咁多官行政處分之後可以復出，其實係好自然既事 -- 黨已經治病救人，佢地都改過啦，咁米復出再升官囉。
2. 「要以全黨利益為出發點，以黨的利益高於個人和局部的利益為出發點」
字面都明啦，下麻﹖
「黨的利益」。
當然，而家「黨的利益」同「人民利益」係一致架麻。你求其SEARCH，都會搵到類似下面既野﹕「中國共產黨始終代表最廣大人民根本利益，人民的利益即是黨的利益，黨除了人民利益之外沒有自己的特殊利益」。
咁啦喎，黨既利益，即係政府既利益，亦即係人民既根本利益囉。
*****************
WELL，講左咁多，咁明未呢﹖我個題，都好清楚啦﹖
而家我放寬政府飲用水招標規定，令到內地公司可以同誠哥公平競爭，係實現黨同政府同人民既利益。
就算你話過程中有錯，都係執行上既錯，而非路線既錯。
如果建制派夠膽講「應要有人孭飛」，咁衣D所謂既建制派就係路線既錯誤，咁就唔可能救治啦。
再講「現實政治倫理」，今次我執行路線有錯就要孭飛，咁以後仲有人會執行黨既路線﹖
上面政法網條友都講左，「要关怀他们，教育他们，只要他们认识错误并决心改正，就要信任他们，发挥他们的作用。“对于人的处理问题取慎重态度，既不含糊敷衍，又不损害同志，这是我们的党兴旺发达的标志之一。」
你而家下下都要有孭飛，咁又點可以做到「黨興旺發達」﹖
上面政法網未outdate架。
我QUOTE埋最權威既習主席係紀委講乜呀下；你真係唔熟主席講咩都好，自己GOOGLE下都識架麻 (大佬，我又唔比link啦，你自己GOOGLE啦)﹕
习近平总书记强调：“惩治，治是根本，惩是为了治。要通过加强纪律建设和纪检工作，管住纪律、看住权力，使干部向高标准努力，不犯或少犯错误特别是严重错误，这才是党组织对党员、干部最大的关心和爱护。”“惩前”是为了“毖后”，“治病”是为了“救人”，这是我们党正确对待和处理犯错误同志的科学态度和有效方法，也是我们党政治成熟的重要标志。什么时候这一方针贯彻得好，我们党就能解决自身问题，党的事业就兴旺发达；什么时候背离了这一方针，就会挫伤党员干部积极性，党的事业就遭受重大损失。
习近平总书记强调：“惩治，治是根本，惩是为了治。要通过加强纪律建设和纪检工作，管住纪律、看住权力，使干部向高标准努力，不犯或少犯错误特别是严重错误，这才是党组织对党员、干部最大的关心和爱护。”“惩前”是为了“毖后”，“治病”是为了“救人”，这是我们党正确对待和处理犯错误同志的科学态度和有效方法，也是我们党政治成熟的重要标志。什么时候这一方针贯彻得好，我们党就能解决自身问题，党的事业就兴旺发达；什么时候背离了这一方针，就会挫伤党员干部积极性，党的事业就遭受重大损失。
咁你話，如果今次有人要孭飛，阿署長真係要降級懲處 (降級既話份長糧會小好多架﹗﹗﹗)，咁你話以後仲有咩人會夠膽好似阿飛機咁，同阿公做野﹖
當然，如果之後有好吸引既補償，就冇野講啦。
*****************
題外話。
延安整風麻，細聲D講，估唔到香港公共圖書館而家都仲有得借 高華衣本鉅著 紅太陽是怎樣升起的。
衣本野大陸禁左好耐，你估CU幾時會將佢下架丫拿。
講起海陸豐暴動，就題外話。
由南昌起義開始既打土豪分田地，再到土改殺左幾多所謂地主﹖老毛仲激到係1948年出左個「新解放區土地改革要點」，話比你聽「第二阶段，平分土地，包括富农出租和多余的土地在内。但在待遇上，对待富农应同对待地主有所区别。总的打击面，一般不能超过户数百分之八，人口百分之十」 -- 所以土改就好有型，唔達標既地區都要搵齊百分之八既地主富農去打擊批鬥。咁成個土改，究竟死左幾多人丫拿﹖
你自己睇下WIKI入面個死亡人數係幾多百萬。
****************
套用返上面既共產黨政治決策層級，輸入人才，表面上起碼係大灣區溶合，衣個唔係路線，但係屬於方針既層級。
即係，求其SEACH，連九唔搭八但係「熟悉國情」既林定國都識同你講「確立「三連、兩通、一灣區」的基本方針」。
你而家仲不停講基本法，講雙非奶粉，就真係唔知咩係「政治」﹖唔理方針，只講個別利益，就係違背黨同國家同人民既利益。
ANYWAY，最衰今次出現左觀音水事件，如果唔係，之前講通才簽證單咁好笑既野，真係應該講先。
***************
最後一個題外話。
丫，上面有條link講 十次路線鬥爭既。
雖然路線話就話係敵我矛盾反黨自絕於人民，不過十次路線入面，有4位人兄包括阿 瞿秋白 李立三 彭德懷 劉少奇 竟然被翻案平反；阿獨秀冇平反不過可以係大陸有公開既紀念館；連阿林彪都仲係反黨不過都冇抹煞佢內戰既功績。
咁呢，所謂既路線鬥爭呢，WELL。
*****************
*****************
完。
沒有留言:
發佈留言