巴拿馬水

公務員飲觀音水單野，表面上係大茶飯。

不過，有個最重點既問題係要問。問完，就知今次事件係咩招標制度有問題，比人食左大茶飯丫；還是係，今次係擦鞋擦出禍。

個問題係﹕九龍區有幾多間公司入標；第二高枝標既價，係幾多錢呢。

睇完我個問題，如果你又明我點解咁問，咁下面就唔駛睇啦。

********

即係咁，你睇政府招標衣樣野，其實幾何會有制度上既問題呢﹖當年日本口罩比人扼單野，係好特殊情況；除此之外，你要扼政府就真係難過做芯片。

詳細小小講。

你睇政府恆常一般採購，就有衣個常用貨品和服務設立供應商名冊。你要入個名冊，要申請，個過程入面，有大把野要你做；你入左個名冊，中過標之後，基本上以後都係食政府就有生意，所以某D公司係專做政府就得，都冇誘因去玩野。

你再睇實際操作結果，以往政府貨品服務供應，特別係服務個方面，其實來來去去都係做開都係個班人。

一般既政府服務，例如做清潔阿蟲鼠呀，唔係碧瑤就係莊臣，頂多再加幾間就分完餅仔；講保安警衛，特別係D敏感部門，又係來來去去都係個幾間；至於物管，中海外就係大戶，有興趣就自己SEARCH。

唔係一般服務，係比較「新型」既服務，你就會見到集誌社講既衣種，結構係米同david webb早幾年講既謎網股好似呢﹖

而衣類組織結構，你睇關愛隊個邊又係一樣 -- 衣度又係集誌社講出黎。

再唔係，唔係「新型」既服務，不過就類似我之前講既環保署D咩社區教育撥款﹕最近房屋局出tender攪既咩劏房問題服務隊，最後每枝標幾百萬，你話又係比左邊個丫拿﹖有興趣既話，可以自己睇。

***********

再即係咁，一般政府服務入面，點解來來去去都會係同一班人呢﹖

我唔係公務員，亦都唔多公務員坐得落去D投標board入面，所以就冇咩information會係坊間見到啦 -- EVEN係部門board，都係要某個level先坐到board批到錢，所以唔係好多人會接觸到政府點批tender點批contractor。 

不過，你睇無論係工程或者以往政府講既招標制度，其實政府一直都強調，除左睇錢之外，仲會睇入標公司既往績，睇間公司既財力，營運紀錄，仲有好多due diligence野要睇。

要睇咁多野，一黎政府本身自己有規範，二黎ICAC其實都有公營採購指引，有D咩事偏離左之後，出到黎個結果會比人質疑的話，有人係可以同ICAC投訴。

所以，好正常咁睇，你只要有一次成功投得政府枝標，咁你之後就好大機會，以後成世都可以食政府糧。事關，你已經fufill到政府咁煩既投標規定，衣樣野唔係人人可以做到 -- 亦所以，點解會有咁多退休，well紀律部隊會做咩消防阿保安顧問甚至自己開公司，其實都係咁解，事關唔講咩人事，佢地本身熟政府個D麻煩要求就已經好值錢。

**************

咁，唔講投標公司，下面個角度亦同今次事件更加有關。

由另一角度，公務員都唔會想自己搵麻煩﹕而家枝標做得好好地，你點都唔會突然之間合約到期之後，唔知點解要award比第二間公司 -- given that另一間公司可能係冇成功中個標冇track record，又或者係規模財力whatever都冇而家間公司咁好 (而家間公司已經比政府養緊麻 -- 你唔係碧瑤做開衣範，你點都唔會無啦啦養住咁大批車隊設備麻﹖)。

除非係，第二間公司出個價平好多次餘，仲所有野都同做緊個間公司一樣啦，咁就可以award度隻標。

之但係，衣個情況，有幾大機會出現呢 -- 當然，如果第二間公司係自己或者自己老友開既，又另一回事，即係例如衣隻咁樣。

所以，碧瑤個D做慣做熟，知個遊戲點玩，最後只會越做越大。

亦都所以，政府award枝標比返而家間公司，或者係輪住幾間公司award枝標比佢，其實係正常--即係，傳統智慧都話你知，If it works, don't touch it。

**************

唔係題外話。

至於「新型」服務，就係大茶飯，個準則係點，你都明啦，下麻。

即係，你睇下，個啟德乜春旅社，又比左中旅子公司，仲搵埋我至愛既尊貴阿文廣入去。遲下個野做到成PAT屎咁，你話佢都唔知講唔講野好啦。

**************

ANYWAY，明我講咩未﹖

即係，係今次觀音山水事件入面，一間冇track record既公司，佢入標，你除左睇佢公司註冊背景資本甚至個董事管理層係咩人之類，你都會問佢，要供應幾百萬枝水，咁佢物流車隊倉儲係點架麻。

而家HK01衣度話，間公司聘請左間深圳物流公司將深圳水運去香港牛潭尾個倉，之後就冇再講點分發，成件事係米攪笑﹖之前仲已經有人講，D觀音水放左係稅務大樓地下幾日冇人理，都仲未運上政府各部門，就真係弱智。

咁你話，班咁煩既公務員，以往做左幾十年飲用水採購，個標準係太古係屈臣氏，成個流程都係曬度，咁你話會唔會對住間不知明公司，就問漏咁多野﹖

甚至係，我當間公司咩問題都冇啦，公司有幾多資本有咩配套同內地公司簽咩約都比曬你啦，不過，咁你會唔會覺得將批水擺係牛潭尾個唔知咩倉，竟然係冇問題丫拿﹖

唔通，真係為左慳個千零萬，所以就比間不知名公司過關中標﹖

最後，WELL，HK01冇查，不過如果要認真查，就要睇埋牛潭尾個倉係米短租約 --黎緊牛潭尾攪教育城，個倉會唔會比政府收埋架﹖

你諗埋衣度，就真係，咁都可以過關﹖

***************

上面都係問題既一半。

另一半好好笑既問題係，政府話財庫局個會有三重行動去審視事件。

個三重行動入面，咩邀請審計署就唔駛理。最重要個點係，照COPY上面明報既報導呀下﹕

財庫局長許正宇說，事件為政府人員帶來憂慮，亦引起公眾高度關注，決定採取三重行動。其中專責小組將由他牽頭，成員包括公務員事務局、商經局、發展局和律政司代表，共同審視現有政府採購機制，堵塞可能出現的漏洞，避免日後同類事件發生，預計3個月後就初步建議提交報告。

SEE﹖

以往你睇D咩跨局野，全部都係由副司長去處理。咩低空經濟工作組、咩節慶安排、甚至係善用戰時遺跡，都要搵個副司長去攪。

今次阿許正宇攪個檢討委員會，聲稱涉及財庫局、公務員事務局、商經局、發展局，再加埋律政署，咁都淨係財庫局自己領頭攪掂﹖

所以，有D友話，今次財庫局去做主角去查物流署，係自己人查自己人。衣個POINT，係冇錯，不過唔係重點 -- 按政府衣幾年慣例，跨得部門就要副司長做，衣個先係重點，亦都係令件事更加可疑既地方。

*******************

睇完，咁你明，點解我會問個Post最頂既問題，同埋個題點解會咁寫啦。

嘿﹗

*******************

最後，你睇HK01幾落力，係度講咩離譜七件事。

咁米係囉，你睇連弱智既HK01都數到離譜七件事，咁阿事件其中一個主角阿黎志華之前做左咁多年財庫局庫務副秘有跟開投標委員會，而家仲要做埋常秘再加投標委員會主席，咁佢點會唔知HK01衣七件事﹖

HK01仲要話咁講﹕

事件於7月中下旬開始發酵，特首李家超在8月3日亦已經公開回應，表示「如有發覺任何不符合標準，我們可以即時取消跟它的合約關係」。照道理，物流署以及其所屬的財庫局應該嚴肅跟進。鑫鼎鑫商貿的背景有沒有可疑，政府一查可知。其所報的辦公室是否正常，依地址上門一目了然。為什麼拖到8月16日才暫停合約？8月17日財庫局局長許正宇才召開緊急會議？如果是因為許正宇由8月9日起休假到8月17日，難道署任的陳浩濂就不用跟進了嗎？可以等待的緊急會議，還算不算緊急？

咁我就會問，局長唔係度，副局又唔做野，咁副司長死左呀﹖件事係跨部門架喎，特首又講過野喎。咁，表面上仲係制度問題喎，兩個副司長做乜隱形呢﹖

至於副局隱型就唔奇，事關今次唔見有署任安排 (之前許正宇去咩挪威個D就有架)。咁阿副局究竟有冇權搵咁多人黎開個緊急會議呢，就，你HK01就不如問下，既然咁大件事，咁點解阿局長又冇任何指示既呢﹖放假就真係放假，電話都唔駛聽架﹖打個電話，叫副司長甚至副局同班常秘開個會，又好難呀﹖

*****************

結論係，件事，首先就係錯得太離譜，其次之後個處理都好「慎重」，所以成件事真係好「詭異」，真係超過大茶飯既層次烏。

呵。

******************

最後，加多句啦。

之前光傳媒綜合報導，阿特別部門咁樣講﹕

《信報》專欄指出，警隊成為近期政府部門「慳家王」，因早前宣布基於地緣政治風險評估，警隊工作直接影響國安，有潛在的供應鏈及資訊保安風險，決定取消新一代警用通訊系統的招標，以「直接購買」方式物色服務供應商。保安局局長鄧炳強當時在立法會表示，原本估算涉52億元開支，最新估算為20億元，較原先預計招標大減6成。

係個報導入面，阿添馬中人就話﹕

然而，政府採購始終涉及公帑，萬一出現問題就會「被廉記請飲咖啡」，該人士表示「問題係點樣斷定貨源一定最平？最後由邊個拍板？就算委託畀『國家隊』做，如果最後買到嘅嘢唔係最平，又有邊個可以負責？」

咁呢，如果特別部門出事，都應該唔會有問題。至於其他部門，如果出左事啦喎，咁米睇下點囉。

WELL，我冇話衣個報導，同觀音山事件有關呀下 -- 今次觀音山，仲係用緊招標制度，唔係「直接購買」架麻。

不過，阿管浩嗚今日又係星島講咩 「事件是契機讓政府重新審視招標制度，建議政府日後邀請央企協助參與採購，借其龐大網絡及信譽，尋找內地可靠的產品」，就真係攪笑。

求其SEARCH，最近大陸阿華潤萬家先被內地法院裁定賣假貨，講到「售卖大量五粮液假酒」。

咁我唔講大陸同香港係食品添加濟之類既法規有幾大分別，係大陸食元素周期表都係合規。咁，我淨係要問，丫，華潤係米央企﹖上面光傳媒話社聯同華潤隆地簽左MOU攪直接採購，咁會唔會買到假貨丫拿﹖

社聯唔買酒(應該唔買掛....)，所以就算華潤耐唔耐都比人踢爆話賣假酒，就點都冇事啦。不過，華潤醫藥賣假藥，你又有冇買兩劑比阿同佳呀﹖

真係，求其SEARCH 華潤+假貨，都是但搵到好多囉。阿浩嗚仲夠膽講，「借其龐大網絡及信譽」，咁就應該身先士卒，DAY DAY食國貨用國貨啦。

******************

最後，我改左個題。

原本係「重點﹕不似是大茶飯」，改左做而家衣個。

事關，頭先上網聽 羅XX，佢話而家政府飲返COOL水，咁誠哥應該將COOL水改名做巴拿馬水，去激死班官。

咁，WELL，幾配合衣篇文，所以改埋佢先﹗

嘿﹗

******************
完。