********
篇文個標題已經講左個重點﹕「結業潮」之前是「開業潮」。
衣點冇咩人講，我亦都冇留意。不過，衣個問題亦都唔知重點，因為呢，而家講緊既唔係新開業既餐廳結業，而係傳統酒樓甚至其他中高底檔餐飲業，都好似無差別集體唔掂 -- 就算未結業，都睇唔到前景個種。
*********
另一篇文值得睇，就係阿曾國平FB問，「其實大家成日講嘅「業主唔肯減租」，係一個點樣得出嚟嘅結論？」，之後係COMMENT入面，有人提到差估署個零售業租金指數，仲提到下面幾樣野﹕
人云亦云，政治正確。
永遠瀨租金貴（明明大把工廈食肆嘅價錢對標旺區街舖、商場），殊不知經歷社運及三年疫情後，今時今日香港主要旺區嘅零售租金比起高峰期早已大跌5-8成
差估署有兩條數睇，一條零售租金指數（since 1993)，一條每季差餉額，plot個chart出黎，一目了然當然，人工、食材等成本係升咗唔少嘅
核心商業區街舖同一線商場租金指數難搵，主要靠專業私人機構統計，完整time series 要錢買。政府條零售指數始終太粗疏
咪姐係空置率囉，唔係冇數，但街舖同商場嘅數據係好難統計，租約不是買賣成交，一嚟時間跨度不一、二嚟條款細節多走盞位（eg長免租期對衝高呎租
其實租金指數就正如佢自己所講，條數太粗疏，反映唔到餐飲業加唔加租既問題。另一個問題就係，如果業主有意加租，租客選擇結業，之後單位空置左，就唔會反映係租金指數入面，亦都反映唔到「業主唔肯減租」對餐飲業既影響。
當然，你再睇埋差估署個報告，租金指數OVERALL係冇「早已大跌5-8成」 -- 主要旺區有冇，就show唔到，不過直覺話我知，一般黎講，應該冇咁多。
************
當然，其實餐飲業好唔好景，就應該要睇一條大數。無錯，又係統計署既GDP分項數字，我COPY埋出黎喇﹕
上面3幅圖，又係之前COPY過既香港GDP條數，不過今次淨係睇私人消費開支個BREAKDOWN，同埋今次唔用當時計價，用返2021年計價，咁會易比較D。
簡單起見，你全部用2018年同2023年去比，就會睇到幾樣野 (我淨係講第一幅圖)﹕
1. 整體私人消費開支都係縮左，由2018年既19,903億，跌到去2023年既19,560億
2.「食品」類別更加明顯，由2,865億，跌到去2,064億
3.「非本地居民在本地市場的開支」就由3,102億，跌到去1,487億
當然，「食品」衣條數係好壟統，不過衣條數同埋「私人消費開支」條大數話比你知，係扣除通脹之下，香港人係「食品」in general上駛既錢其實係小左。
如果你睇埋上面第二幅圖，就更加會睇到，係「食品」個大項入面，其實「含酒精飲品」條數係升左，即係淨講「食品」又跌得多左 -- 衣樣我冇深究。
再睇第三幅圖，其實就係之前COPY過出黎既野，即係「住宿及膳食服務」，其實係由2018年既670億跌到去2023年既547億 -- 當然，衣個都係睇唔到「餐飲業」條數。
如果要specifically睇餐飲業條數，可以再睇埋衣度，統計署個 表625-68003：按食肆類別劃分的食肆收益 。衣個表好長，我gen部份數據出黎﹕
如果你又係比較2018年同2023年，你睇個指，又會睇到幾樣野﹕
1.「中式餐館」2018年個指數係158.9，2023年係126.2
2.「非中式餐館」變覆唔大，由135.4，輕微跌到133.4
3.「快餐店」2018年個指數係116.2，2023年係120.4
4.「酒吧」就勁，由2018年172.5，大跌到130.9
4.「酒吧」就勁，由2018年172.5，大跌到130.9
5.「雜類食肆場所」都勁，不過係向好果方面勁，由2018年118.8，大升到131.2
6.「所有食肆」個指數其實只係輕微下跌，由130.9，跌到127.5
至於上面既定義，其實我都唔知「雜類食肆場所」係乜，所以特登去搵個統計報告，佢就有衣個定義﹕
．其他自設座位的餐食場所
．外賣店及不設座位的餐膳售賣處
．聚會餐飲及其他膳食服務活動
．咖啡店
．涼茶鋪
．其他飲品供應場所
衣個指數升咁多，應該係受惠於咖啡店同埋外賣店 -- 外賣店，應該即係三送飯喇。
***********
睇完上面一大輪數，其實唔係話比你聽點解好似出現個餐飲執粒潮。不過，上面係話比你聽﹕
1. 香港人係overall私人消費小左，餐飲業都順勢小左。
2.咁多種食肆入面除左「雜類」之外，傳統既中餐同非中餐都都唔太好景，不過「中式餐館」跌得最甘 -- 同時間，「快餐店」唔知係米包埋麥記，不過你睇個統計報告既定義，佢係包埋「美食廣場內的小店」。
3.上面第2點所講既，其實亦即係消費降左級，快餐店維持到之餘，消費都轉左型，三送飯突圍而出。
咁不過，我傾向相信，上面既唔係「因」，而係「果」 -- 消費小左，係導致某類餐飲業執粒，而唔係調轉黎睇。
咁點解會有結業潮，或者係私人消費開支點解小左，其實都係個D。阿程總裁衣篇文，其實又係個D野。
即係咁，佢第10點其實就係重點﹕而家係經濟前景同財富效應問題。如果香港市好，其實就可以維持到香港食肆既premium。
你話香港食肆唔值，服務唔好，不過其實過去10年都係咁，都係限時交台，都係服務麻麻；不過你只要有錢，其實都可以食到好野，酒樓D野都會大牒返小小，你亦都會願意去洗錢 -- 而家市唔好，先會咁多人用「值唔值」黎到衡量。
當然，移民潮肯定係香港私人消費開支下跌，餐飲收益跟手下跌既原因。不過，如果香港經濟好，恆指又仲係4萬點，樓價又創新高，其實飲食業或者經濟根本唔會有問題，香港人仍然會比得起錢食茶餐廳垃圾早餐 -- 那怕到時要成百蚊個早餐，你都會覺得冇問題。
所以，結論其實都係，經濟唔好，一消費要降級，就會要比較，以往唔覺得係問題既，就會變成問題 -- 正如好多人講，疲情前其實都大把人返深圳飲飲食食。
不過，d人冇講埋跟手衣幾句﹕個時香港飲食業冇問題咩，個時香港飲食業好有性價比，個時香港飲食業服務好好咩﹖
*****************
衣度又涉及個更深層次既問題。
早兩日梁啟智係facebook講既香港經濟問題，難得係我近期睇到幾好既文。
佢講既「高物價、高樓價、高工資」的鐵三角，其實類似好多人講既土地稅問題﹕香港表面稅率好低，不過由於 地價貴-樓價貴 衣個循環，所以其實香港政府係地稅收入好高，亦即香港人要比既土地稅率其實好高。
衣個，亦都同前排不停係度講既，香港政府財政問題有關。
即係，過往香港政府有錢，就擴充經常性開支；而你睇政府盤數，經常性收入 (即係薪俸稅物業稅印花稅) 的而且確可以抵銷到經常性開支。
不過，過往非經常收入增加 (高賣地收入)，亦都令到非經常開支 (即係基建) 不斷爆升，每年基建開支近千億，而家既 承擔額係6,500億。
衣個係「高收入、高樓價、高基建開支」既鐵三角，香港既基建開支其實經常都係比緊一個唔合理既premium，當經濟唔掂即係賣地收入減少既時候，就要還。
當然，係經濟學上，其實又冇乜野係premium -- 你有錢去飲飲食食，人地收得貴服務麻麻都唔係錯；你有錢去瘋狂基建搶高價或者唔問價照去，都係有錢冇扔洗米賺你錢。
不過，兩者其實都係面對經濟一唔掂，就點去維持衣個premium既問題咁解。
*****************
所以，如果用衣個角度，其實香港既餐飲業問題係，當經濟唔好，大家開始要睇抵唔抵既時候，就要成條餐飲業產業鏈去重新攪過 -- 無論係餐飲業既利潤生存，業主減唔減租，其實都係成個結構轉型、去premium、whatever喇既過程。
你見「雜類」餐飲爆得出黎，就知並非整個餐飲業都係死亡。
如果你要扭轉衣個過程，就要靠「外部勢力」，即係香港經濟突然翻生 (或者係大陸經濟翻生深圳物價勁升人仔匯率無啦啦超英趕美)，就可以返返去以往歌舞升平既日子。如果唔係，你唔執粒個價唔跌，就點都冇辦法扭轉。
*****************
當然，羅家聰同羅尚沛成日都講 purchasing power parity講law of one price，講兩地溶合之下，就物價人工所有野都會遲早等同，咁其實又同我講既冇衝突既 -- 個重點就係，香港係米仲可以有個premium係度。
至於可唔可以，well，就算點都好，如果香港人有錢返，都應該唔會想個個星期去食元素周期表掛 -- 如果係咁，米有返個premium係度囉。
******************
完。
