中流砥柱．紅太陽一直都升起 (7)

最後，講我真係想講既野。

之前係度提過高華本紅太陽是怎樣升起的。

係中大出版社個網頁，佢係咁樣介紹本書﹕

延安整風運動是深刻影響二十世紀中國歷史進程的重大事件，這是由毛澤東親自領導的中共黨內第一次大規模政治運動，也是建國後歷次政治運動的濫觴。毛澤東在延安整風中運用他所創造的思想改造和審幹、肅反兩種手段，全面清除了中共黨內存留的五四自由民主思想的影響，徹底轉換了中共的「俄化」氣質，重建了以毛澤東為絕對主宰的上層結構，奠定了黨的全盤毛澤東化的基礎，其間所產生的一系列概念、範式在1949年後改變了億萬中國人的生活和命運。本書作者歷時十餘年，搜尋考辨大量歷史資料，在此基礎上，從實證研究的角度，詳細剖析了延安整風的前因後果及運動所涉及的各個方面，力圖再現當年這場運動的歷史真貌，是目前海內外唯一一本全面研究延安整風運動的歷史著作。

你要睇抗日，其實都可以用衣個視角去睇。

即係，紅太陽其實唔係由延安整風開始講起；紅太陽本書既起點，係富田事變係反AB團，即係由1920年代末開始講起。

雖然成本書唔係直接講土地改革，本書基本上係講老毛係制定 整風 思想改造 權述方面既運用，不過，土地改革同其他係建國以後見到既政策，其實就如同高華講各項政治運動一樣，都係建國前已經出現左。

高華講 延安整風係之後 反右文革等等運動既「濫觴」，咁其實各式各樣既土地改革運動，由30年代初開始，其實係冇停過。

********

題外話。

咁你會話，當時共產黨已經有咁多打土豪，分田地，又點會「得到廣大人民支持」﹖個原因，其實係國民黨太差。

即係，衣D好賤格既咩中華民化研究院係度講國民黨接收變「劫收」，其實又冇錯既。不過，係好以往既時間，講到「劫收」，其實係講國民黨對收復台灣既處理手法﹕

日治台灣時期，基本上係先進富裕。不過，就算當時台灣人經過咁多年日本統治，都仲有部份人歡迎國民黨收復台灣既。又之但係，當時國民黨去接收台灣既，因為打仗打到窮，個個都成個乞衣；再加上當時急住同共產黨打仗，所以瘋狂將台灣資源軍備運返大陸，所以就比台灣佬講做劫收 -- 最後二二八都因為咁而起啦。

ANYWAY啦，而家大陸都有人將劫收廣泛應用去形容國民黨光復大陸之後既行為。之但係，劫收多數用係台灣啦。

**********

講返正題。

咁我想講咩呢﹖

冇咩既，阿特首以至習大大都話，要認識歷史，唔好扭曲歷史麻。

咁所以，你要講抗戰，就要認識歷史。

係咁囉。

我都話啦，其實我想講既，係系列(4)，即係之前，已經講過。

我冇講既係，你要認識歷史，唔好扭曲歷史，咁講東江縱隊幾神勇喎之前，你去西灣墳場睇下先啦。