消失的檔案 (1)

2025年5月22日星期四

卜約翰

卜約翰：從網站上「消失」的申訴署報告

【明報文章】《明報》早前報道，申訴專員公署的大量調查報告、年報、調解個案和相關新聞稿，已從其網站移除，共移除了至少230份調查報告，部分報告可追溯至2013年，而在今年4月中旬仍然可查閱。

打擊公共問責制 損害公署公信力

以2022/23年度作為保留及移除報告的分水嶺，可說是武斷且無道理。申訴署表示，從其網站移除有關報告，是「考慮到近年給予政府部門及相關公營機構的建議，一般在兩年多內已獲得落實，因此，2023年4月之前發布的調查報告已不合時宜，甚或對公眾有所誤導。故此，公署經詳細檢視後，將不再反映現况的調查報告及內容移除」，「所有相關的調查報告及檔案已長期保存，並沒有銷毀」；公眾如欲查閱相關資料，可以向公署提出申請。然而該署今次的做法，是對香港公共問責制度的重大打擊，也損害了申訴專員公署的公信力。

政府在1989年設立申訴專員公署，前稱行政事務申訴專員公署，主要負責調查公眾對公共機構（包括政府部門）的行政失當投訴。2001年，當局修例使申訴專員相對獨立於政府運作。

移除申訴署網站上的報告，影響眾多持份者。首先，這些報告協助政府提高政策執行的效率與效果。例如新上任的官員（如政務主任、行政主任），可迅速從檔案了解公眾關注且歷久不衰的議題，以及政府曾採取的管理方式。其次，這些檔案有助立法會監督政府運作。第三，記者利用申訴專員報告來調查攸關公眾利益的議題。第四，學者運用這些檔案研究公職人員與政治人物的行為，包括如何設定議程、解決公眾問題，以至迴避責任等。學者也利用這些報告編寫真實案例作為教學材料，因其內容詳盡、可靠、具相關性，且提供具體改進建議。此外，公眾期望有一個透明與負責任的政府，而這正有賴透過這些報告來了解當局如何處理投訴。

藉申訴署報告 可判斷政府改進情况

這些報告及當局的相關行動，影響政府聲譽：一方面，我們看到有官員推卸責任、鑽法律漏洞、未能妥善處理意料之外的後果，以及某些棘手問題持續存在；但另一方面，當政府接受報告提出的改進建議，我們能夠看到官員努力改善公共服務，也體現當局履行其公開透明的承諾。

公眾之前一直能夠在公署網站上搜索和閱覽相關調查報告，這有助維護公共利益。鑑於這些報告涉及眾多持份者，當局應確保所有申訴專員報告在公署網站上可以直接和方便地查閱。

我曾經利用有關檔案來撰寫公共行政的教學案例，主要探討跨部門政策協調、缺乏執法及立法漏洞等問題。所涉議題或許看似微不足道，例如在公共場所晾曬衣物、阻塞路邊垃圾桶、隨意棄置建築廢料、街市攤位管理不善，及忽視村屋的非法且潛在危險構築物。報告詳細指出各部門如何推卸責任、不願承擔義務，以及官員與市民如何利用法律漏洞。這些問題困擾居民，並導致市民之間、市民與政府部門之間的摩擦與不滿。

透過這些報告，我們可以判斷政府部門的學習與改進情况，及其對過去所忽視的問題有否更為敏感。若政府確實有改進，這些報告也能夠成為講述香港良好治理故事的基礎。

了解當前施政問題 歷史背景至關重要

如果當局只提供2022/23年度之後的報告，公眾與立法會可能無法得知，某些近期的問題實則由來已久。例如香港的樹木管理問題——在一份仍可查閱的報告中（註），申訴專員指出於2018至2022年間，政府每年平均收到2.4萬宗有關樹木的投訴。這是一個驚人數字。其中，每年有3.3%至5.9%投訴涉及政府部門之間權責的爭議。然而，2016及2019年的兩份相關申訴署報告，已無法在公署網頁查閱。

這些報告顯示樹木管理不善長期困擾公眾。請記住：香港曾經發生行人被倒塌樹木擊斃的事件。要了解當前情况，這些歷史背景至關重要。因此，立法會議員、記者和公眾應該能夠容易且直接地取得這些較早期的報告。

眾所皆知，香港官員建立及維護政府檔案的責任，目前未受明確清晰的法律所約束。因此，是否維護檔案，完全由政府自行決定。全球其他地方皆不會如此運作。公眾問責制及高效行政，需依賴由法律管理的檔案體系，以確保資料清晰、確定、連續及穩定。

政府於2018年一份文件仍宣稱會「盡可能」地尋求對公眾負責、維持公開與透明。因此，這裏有一個可以讓政府輕鬆取得公眾支持的方法——在網站上完整恢復申訴專員報告的檔案，使公眾可以方便地查閱，由此可以消除公眾的不滿（dissatisfaction）。然後，制定並落實《檔案法》，以確保香港的公共治理邁向21世紀現代化。

註：申訴署主動調查報告《有關政府土地上樹木投訴的處理》，2023年7月13日

作者卜約翰（John P. Burns）是港大榮休教授

■稿例

原文網址：https://news.mingpao.com/pns/%e8%a7%80%e9%bb%9e/article/20250522/s00012/1747848306163

所謂的管治藝術 (6)

好耐之前係度講 雙雄啟示，其實我唔係想講「長官意志，AO治港」。我想講既係，所謂既管治藝術。

之前想講好耐，不過唔記得左。之但係，見到衣個系列第(1)個篇文，係度講 美國財長背心 同 盧比奧，就令我醒起返衣樣野。

**********
先講結論﹕所謂既管治，其實係需要有技術，亦都要有好長既經驗累積。除此之外，仲要有個制度整合，先可以做到有效管治。

而不過，而家個制度要既核心唔係有效管治去推政策，個制度本身亦都鼓勵所有人做RENT SEEKER，即係扼錢。

所以，結論係，所有野攪到成PAT屎咁，係必然。

係米廢話呢﹖

呵。

***********

所以，原本打左好多字，不過都係唔好長話長說啦。

講兩句抽水算啦。

***********

阿副司長卓永興話，「有客觀數據顯示」，「旅客到港過夜個時間並未變少」，其實就係九唔搭八。事關﹕

1.係麥當勞訓覺都係過夜。咁就算真係「旅客到港夜時間並未變少」，又代表咩呢﹖同「市民不應憑一兩個畫面就認為旅客不消費」，個關係又點呢﹖

2.所以，明報殺曬所有介事去搵旅發局數據，去求證阿副司長講既野係米正確--仲要只係求證過夜旅客數目，而唔去睇埋個平均消費 -- 就無謂；

3.1.而當你又好似明報咁去旅發局到搵旅客既「客觀數據」，其實又係攪笑。你可以CLICK衣度睇旅發局個網係點整合旅遊數據 -- 冇錯，佢個網竟然係得2025年既數據；佢叫你去個旅遊網搵咩數據，原來又係得過去12個月既數據；

3.2.我記得以前旅發局個網係齊數據，不過，ANYWAY，冇所謂，你都可以係其他門路搵數據。例如，統計署再GEN返旅發局季刊個數據出黎，話比你聽近幾年過夜客同不過夜客個消費情況。我GEN完CAP埋圖，個「客觀數據」如下﹕

3.2.1.幅圖睇到幾樣野﹕

3.2.1a. 第一樣係，COVID幾年冇旅客黎我就索性冇統計，幾仆街呢 -- 不過佢冇統計個平均消費，但係其實有統計個幾年既旅客數目架下；

3.2.1b, 第二樣係，中國內地個欄，無論係過夜或者不過夜旅客個欄，即係個平均消費，係2024年都跌左，小過2023年；

3.3.所以，你睇衣個表，再對比返阿副司長講既野，其實都唔知佢up乜。個「客觀數據」就係，內地旅客個人均消費係小左囉。咁佢話，「市民不應憑一兩個畫面就認為旅客不消費」，其實即係咩呢﹖

3.4.當然，平均消費小左都係有消費，並非「旅客不消費」。不過，佢既意思係咩呢﹖

4. 拿，唔係題外話。我特別想講衣野，係想話，唔止申訴專員，咁優秀既旅發局其實都係做緊類似既野。你要搵數據，佢會叫你去個旅遊網入面搵；

4.1.你去個旅遊網入面搵，佢就同你講個 旅客入境消費季刊 係要比錢去買，又或者可以網上免費閱讀 -- 不過佢個網要登記，登記個頁仲寫埋「歡迎蒞臨「旅業網」，本網站專為旅遊專業人員而設，以協助互相交流，發展業務」 -- 咁所以我都唔登記廢事理佢；

4.2.當然，你可以去統計署、立法會慢慢搵旅客資料。不過，而家攪到咁麻煩，你都知咩事啦﹖

5.其實唔止申訴專員或者旅發局。其實，好多局呀署呀，好多數據研究都冇左。

5.1.頭先一睇，我致愛既規劃署，其實好多「已完成研究」都收左皮 -- 你見我係講市建局個post入面講既 九龍城市區更新計劃規劃研究，係可以google返係規劃署到搵出黎，不過你上佢網就唔會搵到的。

5.2.佢係個網叫你「如需要索取上表沒有列出的研究，請聯絡我們」，就真係劃龍點曬d精添﹗佢連index都冇，你唔知有份咁既野，又點索取呢 -- 所以，死左知道有衣份野個批人，或者知道有份野不過老人痴呆之後 (即係在下，我，就黎痴呆架啦)，就冇人會記得規劃署同市建局係某時某刻做過乜，咁就咩問題都唔存在的鳥。

6. 所以，係香港，講管治，真係攪笑。

7. 亦所以，點解咁多資料唔會係網上出現 -- 衣個，米又係管治問題囉。

*********

當然，抽多獲水。

前排阿家超去左阿聯酋講咩成果，講咩成功爭取30日免簽證入境。佢講完之後，就好多人話，其實而家入境都唔洗簽證。

咁你睇貿發局，其實係咁講﹕

阿拉伯聯合酋長國駐港總領事館阿拉伯聯合酋長國駐港總領事館於2024年1月22日發出以下通告：

1. 香港特區護照持有人：抵達阿拉伯聯合酋長國時免費獲發30天旅客簽證。入境檢查時，會直接在護照蓋上旅客簽證。

2. 香港簽證身份書持有人：阿拉伯聯合酋長國不承認香港簽證身份書為旅遊證件

3. 政府官員出訪阿拉伯聯合酋長國的簽證申請將個別處理。

well，即係，而家特首爭取到免簽真係好方便喎﹗不過，之前個落地簽證，其實就係入境時會直接幫你 吸個引就入得境 -- 而家個免簽，係做小左一個步驟囉。

咁樣都可以係成果﹖

係，可以係成果。你睇返阿拉伯工商協會主席希偉政個訪問，當佢講到下面段說話，你就明點解家超要特別講衣個成果﹕

他認為最重要是從經驗中汲取教訓，不重蹈覆轍，倡政府停止諮詢「錯誤的人」，讓協會等熟悉伊斯蘭金融的持份者參與，從國際角度而非本地人或機構重塑政策。

唔解啦，你唔係咁都唔明麻﹖

***************

題外話﹕

上面統計署除左有公佈旅客平均消費之餘，其實仲有個統計表講唔同旅客來源地，入面有中東來港旅客數目，我又cap埋出黎先﹕

well，睇個表就真係潛力無限呀﹗香港繼續力谷中東旅客，的士司機努力學阿拉伯文啦﹗

*****************

完。

所謂的管治藝術 (5)

2025年5月12日 香港財經

David Webb:政府應削基建開支以達收支平衡

知名股評人兼財經網站Webb-site創辦人David Webb今日在香港外國記者會(FCC)舉辦的告別對談會表示，香港政府應該削減大型基建項目開支以做到收支平衡，又謂目前香港政府面臨「技能缺口」問題，並表示希望可以引入更多人才到政府，以及希望由更加熟悉經濟學及自由市場的人擔任財政司司長。

Webb稱，自梁錦松(Antony Leung)之後便一直走下坡(It's been all downhill from there），但坦言目前高官遭到外國制裁下，使得許多人更願意留在私營部門，而不是冒着個人風險出任公職。

他認為，香港政府應該削減開支，特別是一些非必要的基建項目，以做到收支平衡。同時呼籲改善福利制度，與其提供廣泛的救濟，不如為一些殘疾人士、重病者提供更多支持。他主張政府改革土地制度讓其更加市場化，將土地用於優先發展的行業，而不是讓土地以最高出價出售，並放寬土地租賃的用途。

談到香港推行國安法影響，Webb稱，他必須小心他所說的話，因為他仍然住在香港，「我覺得這本身就回答了問題」。他認為目前仍存在開放的政策辯論空間，不過有些事情必須更加小心，因為大家也不知道真正的「紅線」是什麼，更像是模糊不清的「粉紅線」。

他亦認為，當局過度強調對國家安全的宣傳，可能會削弱香港的吸引力。香港仍然是一個良好的商業環境，擁有低稅制和創業便利性，應更加強調這些優勢。

Webb對香港及中國未來依然樂觀，他認為香港及中國長遠會變得更加民主，因為計劃經濟並非實現經濟增長的最佳選擇，沒有一個大型經濟體能在高度限制自由的情況下實現繁榮，讓市場自由運作才是更加有效，經濟進步需要開放及問責。

他稱，過去中國改革開放，透過放鬆計劃經濟，讓經濟的部分環節自由運作來創造繁榮，但目前的領導層未能繼續這一進程。他相信，隨着時間的推移，領導層會改變，最終將過渡更開放的社會，這對每個人都有益。

所謂管治藝術 (4)

卓永興指窮遊報道誇大 「旅客過夜時間未減」

【明報專訊】內地遊客五一訪港期間，有人以「特種兵」方式遊港，以盡量少花費為原則，甚至有人在快餐店過夜。副政務司長卓永興昨在公布旅遊熱點項目時表示，留意到近日社交媒體流傳旅客在麥當勞過夜的相片，認為有關報道誇大實情，有客觀數據顯示「旅客到港過夜個時間並未變少」，市民不應憑一兩個畫面就認為旅客不消費。

稱客賞美景後自然會尋食肆

卓永興稱，內地旅客來港不消費的說法「實際上亦不可行」，認為不會有遊客真的「帶樽水」走一日就返回出發地，他以昨日公布的「旅遊熱點」「四山」之一的大帽山為例，強調旅客縱使只為美景而來，行畢大帽山自然會尋找食肆，如大帽山腳出名的茶樓等，另外也可去荃灣消費。

旅發局數據顯示，今年3月內地旅客過夜比例為41%，按年下跌約兩個百分點，年內過夜內地客比例維持40%至48%，平均逗留3至3.4晚。

原文網址：https://news.mingpao.com/pns/%e6%b8%af%e8%81%9e/article/20250521/s00002/1747763804753

所謂管治藝術 (3)

消息：申訴署易帥後 數高層離任

【明報專訊】有經歷數任申訴專員、已離職的公署資深僱員向本報稱，對公署下架調查報告等資料感痛心。綜合不同消息，公署去年易帥後，高層流失嚴重，兩名助理專員及總調查主任等先後離任，聽聞副專員蘇錦成亦將離任，公署或重組架構。本報就此已向公署查詢，正待回覆。

3年前更新網站 有測流量

申訴專員陳積志稱基於網站流量等而下架資料，該前僱員說，2022年更新網站時改善界面、搜索功能和硬件，同事曾測試網站流量，而當時保留10年資料，考慮之一是太久遠報告或欠時效性，但「（現在保留）3年，跟10年差很遠」。

該前僱員稱，公署的調查報告均經「千錘百煉」而成，選取對公眾利益有重大影響，甚至積弊已深的問題，例如食環署街市租務及管理、鄉郊棄車等，有些問題目前尚未解決。他說，公開報告除了有利傳媒、市民及學者研究公共行政，也是學院及部門培訓公共管理人才的教材，也有律師參考公署處理《公開資料守則》的個案。

前僱員憂「外殼仍在靈魂不同」

他說，前人努力建立公署威信，下架資料恐削公信力，成為其他部門的反面教材。他強調「專員非政府敵人，而是公共行政的諫官，目的不是想被諫者衰，而是想他好」，公署一直幫助政府及社會進步，不是損害政府威信。他又說，香港是國際申訴專員協會成員，同業均擁抱透明、開放的價值，憂本港能否與國際接軌，而國際監管機構也會互相參考案例，下架後或失此功能。他憂慮公署「外殼仍在，靈魂已不同」。

公署負責處理對部門投訴，卻不在《公開資料守則》規管機構之列。對於若索取公署資料被拒應向誰投訴，他說公署一向透過「公開資料政策」自願遵從守則。

原文網址：https://news.mingpao.com/pns/%e8%a6%81%e8%81%9e/article/20250521/s00001/1747763802921

所謂管治藝術 (2)

阿拉伯商會：港未認律法礙伊斯蘭金融 缺需求專才難展拳腳 促諮詢「對的人」

[2025.03.23] 發表

【明報專訊】政府上月更新人才清單，新增伊斯蘭金融專才等專業工種，讓他們經指定計劃申請來港時獲入境便利。阿拉伯工商協會主席希偉政(Lord Edwin E. Hitti)接受本報專訪表示，協會有不少相關金融專才，惟本港市場缺乏需求，「無人僱用他們」，只能從事伊斯蘭金融以外工作。他認為本港至今未認可《伊斯蘭律法》，穆斯林商人有感未受保障，來港投資意欲自然減少。他形容體制健全的香港猶如鑽石，相信重新「拋光」後，即找對的人建議正確方針，定能拓展伊斯蘭金融。

明報記者 施晉宇

本報向律政司查詢有否計劃認可伊斯蘭律法，以及會否擔心未認可該律法而可能導致本港競爭力不及鄰近地區。律政司發言人引述《仲裁條例》稱，在港仲裁可按當事人意願，選擇以伊斯蘭法律作為適用的實體法律解決爭議；亦可選擇熟悉伊斯蘭法律的仲裁員及律師代表等參與。發言人稱，近年律政司長及副司長多次外訪，其中不乏伊斯蘭國家，向外界宣傳本港多元化法律及爭議解決服務，並進一步了解外地持份者對本港相關服務的看法和需要。

律政司：在港仲裁 伊斯蘭律法適用

商會：違律法港法庭未必受理

伊斯蘭金融須遵從伊斯蘭律法規定，即符合按《古蘭經》及《聖訓》制定的法規，例如不可「錢生錢」等(見另稿)。希偉政表示，伊斯蘭金融貿易雙方一般會列明合約除受當地法律規管，同時要考慮伊斯蘭律法，以保障穆斯林商人，惟本港未認可伊斯蘭律法，舉例若伊斯蘭銀行向某公司批出貸款，其後發現該公司違反律法，用於賭博或酒類等業務，即使提出訴訟，基於本港法律無限制貸款用途，法院未必受理。

今屆政府擬拓展中東市場，包括伊斯蘭金融，特首李家超前年便率團訪問沙特阿拉伯和阿聯酋等地。希偉政稱，政府推動伊斯蘭金融意願良好，伊斯蘭世界對香港這國際金融中心一向熟悉並欣賞，因本港法制健全、透明度高及貪污少，但認為在伊斯蘭律法未認可下，本港缺乏「說好香港故事」基礎。他說，即使協會過去多年推動伊斯蘭調解中心及香港伊斯蘭指數，均未獲當局重視。

大馬有伊斯蘭金融法

律師會：港宜效獅城合約列條款

馬來西亞先後於1983及2013年落實《伊斯蘭銀行法》及《伊斯蘭金融服務法》。本身是穆斯林的律師會副會長黎雅明認為，若律政司要審視及修訂本港所有相關條例，估計需約4至5年，對本港欲追上全球伊斯蘭金融發展相當費時。他認為，相較馬來西亞在法例納入伊斯蘭律法，本港適合採取新加坡做法，即在合約列明符合伊斯蘭律法的條款，舉例禁止雙方收取利息，若日後其中一方以延遲付款為由強制收息，對方就可以違約為由興訟，相信對雙方有足夠保障。

「迪拜王子」阿里．馬克圖姆去年聲稱來港設立家族辦公室，身分遭質疑，其後據報他將不會在港開展業務。希偉政不點名說，阿里是被從事珠寶貿易的中介人包裝成「王子」，但阿里無管理家族辦公室經驗，事件影響阿拉伯世界對香港印象。他認為最重要是從經驗中汲取教訓，不重蹈覆轍，倡政府停止諮詢「錯誤的人」，讓協會等熟悉伊斯蘭金融的持份者參與，從國際角度而非本地人或機構重塑政策。

所謂管治藝術 (1)

US Taiwan Watch: 美國台灣觀測站

【川普眼中「你辦事我放心」的良相盧比歐、財相貝森特】
​
中國國務院在5月12日發佈《新時代的中國國家安全》報告，提出「以人民安全為宗旨、以政治安全為根本、以國家利益為准則」的「總體國家安全觀」。可以看出中國已經漸漸不再強調十幾年前開始宣傳的對外進取主旋律，無論是透過軍事、準軍事動作進行擴張，或是透過「一帶一路」、「亞投行」、「數位人民幣」等大型國際合作計劃拓展影響力，看起來都有暫緩的跡象。目前中國是「穩」字當頭：穩定內部情勢，穩定週邊情勢，也穩定美中大國關係。這除了受到國內經濟下行限制，近期軍中整肅、黨內接班不順，再加上川普帶來的衝擊，都限制了中國對外進取的條件。夫水之積也不厚，則其負大舟也無力。
​
至於美國何時會提出川普第二本的《國家安全戰略》？重責大任自然落在負責撰寫的國家安全會議。有趣的是，自從5/1前任瓦爾茲（Mike Waltz）改被提名聯合國大使後，國安顧問的工作一直由國務卿盧比歐（Marco Rubio）兼任。按照川普第一任期的兩次國安顧問換人經驗，代理國安顧問大約都只代理一週時間。然而川普上週曾提到，新國安顧問會在半年內提名。這意味著盧比歐還會代理國安顧問好幾個月的時間。過去季辛吉（Henry Kissinger）也曾經身兼國務卿及國安顧問長達兩年時間，盧比歐兼任數月不算破天荒。此外，此波國安會人事調整中真正離開的其實也只有瓦爾茲。之前一度被傳出會一同離開的副國安顧問黃之瀚（Alex Wong）以及被MAGA派網紅盧默（Laura Loomer）點名下台的亞洲事務副資深主任簡以榮（Ivan Kanapathy）都留任。這樣的安排除了能最大程度地維持國安會運作，這些官員在理念上與盧比歐都屬於「鷹派」，可預期在協作上會相對順暢。
​
然而正如同本屆川普政府改由財政部及商務部而非貿易談判代表主導美國對外貿易談判那樣，國務院可能也會漸漸主導部份原本由國安會業管的國安業務。根據華盛頓郵報訪問盧比歐的拉美特使Mauricio Claver-Carone，未來國安會的人事「只會精簡不會增補」。國安工作將由總統設定議程及目標、國務院制定政策，而國安會則負責跨部會執行政策。
​
這也表示盧比歐會相當程度主導《國家安全戰略》的撰寫。在2017年川普第一任期的《國家安全戰略》，就是由當年2月接替弗林（Mike Flynn）接任國安顧問的的麥馬斯特（H. R. McMaster）主導，並在12月提出。可以預期，這次的《國家安全戰略》還是會延續去年共和黨的「美國優先」政綱。不過身兼二職的盧比歐也可能在這本報告中更好地與自身的情勢理解、戰略理念以及國務院的工作整合，而後再有新的國安顧問按照這本報告與盧比歐的國安會合作。
​
這也意味著，未來無論國安顧問是誰，例如已經與聞國安事務的白宮副幕僚長兼國土安全顧問米勒（Stephen Miller），執行的都會是盧比歐照川普「美國優先」精神的理解來擘劃的戰略。因此盧比歐對美國軍國大事的話語權也可能直追當年的季辛吉。某種程度透露出川普對盧比歐的信任以及仰賴。
​
信任部份，盧比歐上任之前就常被媒體唱衰他可能做不到兩年。當然盧比歐過往的鷹派傾向和川普本人及親近的MAGA人士可能格格不入。然而從盧比歐在烏俄戰爭的應處可以看得出來，盧比歐對川普展現的不只是忠心，還有相當好的政治能力，能在取得川普信任之餘還能找到施展自己能力及理念的空間。這也是我們並不完全看衰盧比歐的原因。
​
盧比歐不是政治素人，而是個有14年參議員經歷的政治人物。他有理念，但也一定是個人精。華盛頓郵報報導指出，盧比歐不帶幕僚進國務院、不強勢攬權、不強加新保守主義意識形態、甚至重用MAGA派的國務院政策規劃主任安東（Michael Anton）和公共外交次卿畢提（Darren Beattie），就是為了能保有自己的政治資本，避免步上波頓（John Bolton）和麥馬斯特等和川普鬧翻而被川普開除的前國安顧問後塵。目前看來成效不錯，包括盧默及班農（Steve Bannon）等MAGA派意見領袖目前都對盧比歐相當服氣。相對而言，民主黨參議員范霍倫（Chris Van Hollen）則嘲笑「盧比歐的MAGA大腦移植手術非常徹底」。
​
此外，盧比歐的能力可見是受到川普肯定的。上任百日，可以看得出川普是「內事不決貝森特，外事不決盧比歐」。這兩人辦事牢靠，能貫徹川普意志，能調和鼎鼐，更重要的是，他們還能收拾馬斯克（Elon Musk）、副總統范斯（JD Vance）、國防部長赫格塞斯（Pete Hegseth）、商務部長盧特尼克（Howard Lutnick）、白宮貿易顧問納瓦羅（Peter Navarro）等人留下的爛攤子。
​
財政部長貝森特（Scott Bessent）能在全球關稅大戰的亂局中敲定貿易談判迅速穩定各國信心，甚至與中方開始接觸談判，讓川普得以脫離和聯準會主席鮑爾（Jerome Powell）和習近平對峙的僵局。盧比歐則是在馬斯克大砍國際開發總署及國務院經費、川普及范斯得罪烏克蘭及歐洲各盟友時，與烏克蘭談判代表凱洛格（Keith Kellogg）及貝森特說服了烏克蘭達成礦產協議，也讓烏俄可能在土耳其開始商議停火。在外界看來，盧比歐的地位一度因為和馬斯克對槓看似岌岌可危。但隨著馬斯克退場，盧比歐兼任國安顧問，甚至連川普都鬆口他和范斯都是2028年可能接班的人選。川普曾說：「每當我有麻煩時，我會找馬可，他就幫我解決麻煩」，足見川普對他的倚重。相信無論是親身觀察，還是看到民調及市場反應，川普應該都能體會到，治國不能光靠網紅和民粹口號，還是需要真正的幹才良臣。
​
或許我們也能從中得知，川普的「劇場政治」總是把話講到最滿、戲劇張力一定要開到最滿（例如他跟澤倫斯基在全球觀眾面前吵架完後講說「This will be a great Television」，顯然能否上相比實際外交關係還要重要得多）但是民主體制當中會有很多機制讓領導者的劇場政治就停留在劇場階段，實際上的運作仍然要回歸到體制，會受到官僚體制、國會、以及司法體系等機制來平衡（checks and balance）。

技術文 (5)

先解釋下先。

上面幾個POST﹕

(2)係全國性法律既國安法；

(3)就係因應23條而制訂既維護國家安全條例，係本地立法；

(4)就係最新根據維護國家安全條例而制訂既 維護國家安全規例，係附屬法例一種，都係本地立法。

****

正題。

馮睎乾有講國安法附例衣樣野。

今次呢，我就唔同意佢講既。簡單講，幾樣﹕

1. 佢話，「這次，特區政府快刀斬亂麻，聲稱以「先訂立，後審議」的方式，通過「国安附屬條例」，由宣布制訂條例到刊憲生效，全程花不到48小時。立法速度之快，不是絕後也是空前吧」，其實就係錯既。

一般人理解既法例，其實係主體法例，有好多唔同條文規定之類。除左主體法例之外，大部份主體法例都會訂明授權某官員機構之類，訂立附屬法例、規例、規則、whatever。

例如，之前係度QUOTE過社聯點選主席，就係主體法例訂明 社聯會自己定規則去選主席，唔需要立法會通過。除左社聯，好多公共機構都有唔同既house rules之類，因為唔太重要，或者尊重返個機構業界既話，有時衣類rules都列明係該機構自己去做，唔需要立法會通過。

上面講既係最liberal個種house rules，連附屬法例都唔係。

另一種根據主體法例去制訂既規定，其實附屬法例或者規例，衣類野係需要立法會通過。

附屬法例係做咩既呢﹖可能係要為主體法例做操作上既規定、又或者要列明某些罰款金額。衣類規例唔係house rules，係有法律效果，所以要立法會通過。

咁，點解要係附屬法例入面攪，而唔係主體法例到攪﹖要用附例既形或去訂立，就係為左方便修改。事關，要改主體法例，就要好長立法過程，要首讀咩讀，攪得黎都幾個月，所以唔係監禁係簡單罰款之類，都會係度攪。

改附例，即係上面既咩規例之類，就好多時係用衣隻「先訂立，後審議」既方式去處理，即係刊左憲就自動生效，再係法例規定既咩立法會預告修改期後處理﹕如果冇人處理，個附例就繼續行 (因為已經刊憲生效左)；有人處理，要求修改、廢除，就立法會通過先算。

用附例既好處，就係咁 -- 方便，簡單，快捷。

比個例子。香港法例第237章《定額罰款(交通違例事項)條例》就好Q長，包左好多唔同目的條文，例如咩情況下要被罰款，涉及有咩上訴之類既法律程序；係衣條例入面，第25條「訂立規例的權力」，就列明「運輸及物流局局長可訂立規例」去做一系例既野，咁所以政府就訂立左237A章《定額罰款(交通違例事項)規例》。衣個附例，就係規定你要點樣交罰款，同埋張單係乜樣。

所以，馮翁話咩「不是絕後也是空前吧」，其實就唔係，事關大部份附例都係用衣種形式去做 -- 當然，你話政府宣佈完，跟手立法會既處理方式，就係快刀手，不過咁技術，就唔講，衣個係立法會點樣，WELL，高效配合政府既事。

至於另一種「先審議後訂立」方式既附例，其實係有，不過就好小見，通常係D咩決議，要立法會舉手通過先生效。有興趣，可以去立法會衣度睇下衣兩類係咩黎，佢入面原來都有咁樣解咩為之「先訂立後審議」程序，解得清楚，可以COPY部份出黎﹕

附屬法例是指根據或憑藉任何條例訂立並具有立法效力的文告、規則、規例、命令、決議、公告、法院規則、附例或其他文書。該等法例通常須經立法會審議。根據釋義及通則條例(第1章)第V部，審議的程序有兩種：先審議後訂立的程序，或先訂立後審議的程序。

2.第二樣我唔同意既就係，佢成篇文。

我同意政府所講，今次既附例，大部份都只不過係將國安法具體執行再寫清楚個規定。基本上，我QUOTE左既全國性法律國安法第六十二條，同立法會立根據基本法廿三條立既維護國家安全條例第8條，其實都有講到公署既權力係點 ﹕

國安法講既第六十二條「香港特別行政區本地法律規定與本法不一致的，適用本法規定」，你明點解架麻﹖﹗你唔係要劃出腸呀麻﹖

本地立法第8(3)(b)條，講到「據此，任何人在作出執行該職能上的任何決定時，須將國家安全視為最重要的因素，並據此給予適當的考慮，而在任何條例中與該等職能相關的提述，須據此理解」，米同而家個附例一樣。

不過，今次要再寫附例，又係米當年寫得唔好要再寫得清晰D啦，就觀點與角度啦 -- 如果想當年寫得都OK，今次又要寫多次，真係得閒呀﹖

當然，上年諗過時，又點諗到國安都有人扮，咁而家要再寫埋去附例，又唔算漏招既，不過D記者真係夠薑問呀下，陣間又出黎反駁你呢........

又不過，其實今次附例其他好主要額外加既都係D咩罰則，都冇咩所謂啦，係唔知點解主體法例唔寫埋JAK，個D罪行唔係罰款個D冇咩所謂既野喎............

**********

當然，我最想講既，唔係咩國安處所設做禁區衣D新聞不停講既無聊野。

真係值得講既係，明報引述既衣句說話﹕

「政府消息人士稱，公署不會直接指派警員工作，亦不會指示法院辦事。」

嗯﹖政府邊個消息人士幾時代表左公署呀﹖

條附例入面，又邊隻字寫左「不會指示法院辦事﹖」

條附例寫既係「特區政府的任何部門或機關或任何公務人員須應公署的要求」，咁法院係米特區政府的任何機關﹖係政府電話簿入面搵到司法機構入面，個批係米「任何公務員」﹖

************

當然，唔好攪事啦，上兩個POST已經講左，衣個附例唔係新增權力，不嬲都係度。不過，今次有「消息人士」話「不會指示法院辦事」，咁法院主動配合，又可唔可以呀﹖

*************

最後，陳文敏衣篇又係技術文，值得睇的。

你要特別睇佢講法院角色，講立法原意。

你估，今次如果真係開委員會審條附例，有冇人會夠膽問，規例第3同第4條既部門機構公務員，究竟包唔包括埋法院；問完之後，又會唔會寫落個小組委員會報告，去反映個立法原意丫拿。

陳文敏講完，班友應該會醒，應該唔會問掛。

************

真係最後。

今次附例，其實真係將以往係個全國性法律又或者本地立法所講既權力，再講多次，真係冇特別囉。

不過，如果將個注意力擺左落去咩禁區，就係硬膠，或者係配合到政府囉。

至於陳文敏篇文，well，睇黎做乜丫，不過佢有心講，都可以睇下既。

************

丫，補多句，衣篇文麻麻地，上個系列講市建局個篇，精彩好多。

************

完。

技術文 (4)

《維護國家安全(中央人民政府駐香港特別行政區維護國家安全公署)規例》

3. 4. 特區政府須為公署確定有否《香港國安法》第五十五條所指的情形提供協助等

如公署署長或任何副署長批准公署為確定有否《香港國安法》第五十五條所指的情形而採取某項措施，特區政府的任何部門或機關或任何公務人員須應公署的要求，為公署採取該項措施而依法及時提供一切所需和合理的協助、便利、配合、支持和保障。

4. 特區政府須為公署確定有否《香港國安法》第五十五條所指的情形提供協助等

如公署在根據《香港國安法》第五十五條行使管轄權時—— 

(a) 決定依法採取某項措施；或

(b) 執行某法律文書，

特區政府的任何部門或機關或任何公務人員須應公署的要求，為公署採取該項措施或執行該文書而依法及時提供一切所需和合理的協助、便利、配合、支持和保障。

技術文 (3)

文件 A305 《維護國家安全條例》

8.其他條例的釋義等

(1)凡本條例與另一條例，如無本款的話是會有不一致之處的，則須以最能顧及本條例的目的和作用的方式，理解該另一條例。

(2)凡另一條例提述特區的安全(包括與“特區的安全”意義相同的詞句)，須理解為包括國家安全。

(3)凡特區的法律授予某人任何職能 ——

(a)該職能須理解為包括維護國家安全的責任；及
(b)據此，任何人在作出執行該職能上的任何決定時，須將國家安全視為最重要的因素，並據此給予適當的考慮，而在任何條例中與該等職能相關的提述，須據此理解。

技術文 (2)

《中華人民共和國香港特別行政區維護國家安全法》

第五十五條 有以下情形之一的，經香港特別行政區政府或者駐香港特別行政區維護國家安全公署提出，並報中央人民政府批准，由駐香港特別行政區維護國家安全公署對本法規定的危害國家安全犯罪案件行使管轄權：

(一) 案件涉及外國或者境外勢力介入的複雜情況，香港特別行政區管轄確有困難的；

(二) 出現香港特別行政區政府無法有效執行本法的嚴重情況的；

(三) 出現國家安全面臨重大現實威脅的情況的。


第六十二條 香港特別行政區本地法律規定與本法不一致的，適用本法規定。

技術文 (1)

列明公職人員須配合 「不會指示警員法院」

【明報專訊】政府建議制訂維護國家安全附屬法例，規定任何政府部門、機關及公務人員須按國安公署要求，及時提供一切所需協助和便利等。保安局長鄧炳強昨稱，除公務員以外，公營機構、半官方機構人員同負相關責任。政府消息人士稱，公署不會直接指派警員工作，亦不會指示法院辦事。

《港區國安法》第61條訂明國安公署按該例履行職責時，特區政府有關部門須提供必要便利和配合，《維護國家安全條例》也要求任何公務人員須為國安工作、在港負責維護國安工作的部門和機關及其人員提供一切所需協助等。政府表示為更有效執行相關法例，建議在附例列明，任何部門、機關及公務人員須按公署要求，包括在公署執行國安案件管轄權時，「依法及時提供一切所需和合理的協助、便利、配合、支持和保障」。

工聯會鄧家彪昨在立法會委員會聯席會議關注，除了公務員，其他公職人員是否同受規範。鄧炳強表示，凡特區法律授予職務的人員均有責任配合，例如公營機構和半官方機構人員。民建聯陳克勤稱公務員在附例的角色被動，鄧炳強回應稱今次立法原意是協助公署履職，並非強調政府責任，當局將制訂指引，列明公務員如何履行維護國安責任。

禁妨執法供假資料 「不遵文書」視情况豁免

議員關注域外效力 鄧炳強：正研究

政府同時建議就國安公署立案調查工作訂立條文，禁止蓄意抗拒或妨礙公署執行職務、向公署提供虛假或誤導資料，以及在沒有合理辯解下不遵從公署發出的法律文書。

選委界簡慧敏昨在會上問到附例是否具域外效力，舉例若有人在內地提供錯誤證供，回港後能否被追究。鄧炳強說留意到有關情况，正考慮如何處理。民建聯周浩鼎關注什麼情况下不遵從公署發出的法律文書可獲視為合理辯解，鄧炳強表示要視乎個別情况，舉例收件人不諳中文但收到只有中文的文件、存放須提交公署文件的電腦正在維修、正核實公署人員身分，或可構成合理辯解。

原文網址：https://news.mingpao.com/pns/%E6%B8%AF%E8%81%9E/article/20250513/s00002/1747073775384

市建局的宗旨 (3)

可以超級長話短說，不過見到係我最愛既市建局，咁都係講多兩句。

**********

其實唔洗睇本土研究社既COMMENT，事關佢地成日都係錯方向。

個重點方向係，你睇我上個POST，究竟市建局既宗旨入面，有邊個宗旨係比佢地研究埋成個土瓜灣既海濱發展，研究埋整個岸邊水體，同埋要設立水上活動區﹖

你話牛棚，話土瓜灣五街都好，你可以話佢地係「更良好地利用香港已建設環境中失修地區的土地，並騰出土地以應付各種發展需要」、「保存有歷史、文化或建築學價值的建築物、地點及構築物」，不過「涉及私人業權的翔龍灣對開臨海煤氣設施及青洲英坭碼頭用地」喎﹗

衣批野係咩失修地區的土地，係咩歷史文文化建築學價值建築物呀﹖

再講，玩到海濱長廊，同長實傾個傾左幾十年都攪唔掂既青州英泥碼頭，又關邊忽市區重建，改善舊區土地既事呀﹖

**********

市建局既宗旨入面，最後一項係有衣樣﹕

「從事行政長官在諮詢市建局後藉憲報刊登的命令而准許的其他活動，以及執行該等命令指派予市建局的其他職責。」

不過，之前個油旺地區研究唔講，我好懷疑今次無啦啦講研究咩土瓜灣海濱研究，究竟阿特首有冇刊憲指派佢地去做呢﹖冇既話，我好難認同海濱研究本身就係市建局既職責。

再者，就算你話市建局今次就好似阿總監咁講，係跟返幾十年之前，根據返2011年個市區重建策略入面提到既九龍城市區更新計劃再做研究，我都會話，市建局仍然係好食屎，同埋都冇理由將十幾年前刊憲命令，延伸去到今時今日。

***********

市建局食乜屎﹖

先講歷史，講返當年個九龍城市區更新研究。

你睇個新聞入面，甚至再去佢個乜春網誌原文，阿韋志成講左衣返說話﹕

市建局團隊為此已委聘顧問公司展開「土瓜灣海濱研究」，以2014年完成的《九龍城市區更新計劃》研究報告，及《啟德發展計劃》作基礎，深化並擴大研究範圍，從宏觀角度一併研究和規劃土瓜灣內陸地區、海濱空間用地的連接和暢達性，以及水體建設的發展，期望能與社會不同的持分者，共建「東維港灣區」。

《九龍城市區更新計劃》研究報告喎，個計劃係2011年做個市區重建策略檢討之後，再無啦啦掘出黎既野。

個策略文件唔係好長，不過都唔洗睇，因為當時針對既都係重建復修過程入面既諮詢問題，係回應民間團體同社會既質疑。個檢討係冇改變條例入面市建局個宗旨，冇叫佢代替規劃署同發展局，去攪咁多大型地區規劃。

不過，重點係，市區重建策略檢討時，一併提出攪左九龍城地區諮詢平台，嘗試吸收地區人士學者之類意見，之後就做左個《九龍城市區更新計劃》報告，去為未來重建發展做個建議出黎。

個所謂既地區諮詢平台，最後比班區佬攪左份報告出黎，個報告係衣度。

個報告你又唔洗睇，因為真係好長。不過，個報告有個重建優先項目重點，亦都講復修優先次席。衣批建議係佢份報告入面第4個SECTION。

咁入面係點講呢，就如下，我又係原文copy出黎﹕

重建優先範圍

• 土瓜灣五街及十三街一帶土瓜灣九龍城道與落山道一帶

• 土瓜灣九龍城道與落山道一帶

• 土瓜灣環字八街／銀漢街／崇安街一帶

復修及活化優先範圍

• 龍塘衙前圍道一帶

重建及復修混合範圍

• 土瓜灣銀漢街／上鄉道／貴州街／旭日街一帶

• 紅磡庇利街／春田街／新圍街／漆咸道北一帶

• 紅磡蕪湖街／溫思勞街／機利士南路一帶

方便起見，我又CAP埋份報告講上面建議個地圖出黎，個地圖都係份報告入面CAP的﹕

都係FACT都唔洗DOUBLE CHECK，可以咁樣回顧下市建局點跟進份報告﹕

1. 先講重建優先範疇，即係藍色個批，咁由上講到下；

1.1.五街係攪緊重建，不過更加重要既十三街重建係點話﹖之前COPY過新聞，阿總監話財務上有難道麻，應該下世都做唔到架啦；

1.2. 九龍城道同落山道中間藍色個忽呢﹖又係冇左影，不過隔左條馬頭圍道個邊既落山道再過小小，即係而家白色個忽，市建局上年就九唔搭八話收購重建囉，我米係度講左話，個收購範圍有樓宇做緊大維修，都比佢納入重建範疇丫麻；

1.3.至於最下面藍色環字八街個忽，又真係做緊；

2.跟住講綠色個批既「復修及活化優先範圍」，就係笑話，

2.1.你先唔好理佢係個範疇入面做左幾多復修，個範圍入面最大既市建計劃係，大規模重建修購，即係之前公佈個九龍城重建囉；

2.1.阿總監而家係網誌話攪個土瓜灣研究就係要跟進返個《九龍城市區更新計劃》，咁點解當年個研究報告係話要復修活化九龍城衣忽，而家就變左做大規模重建呢；

2.2.而更攪笑既係，個市區重建策略檢討或者仲係度個條例宗旨，係講話咩保留社區網絡文化之類，不過衣批所謂既非特色商戶就收皮，

3.至於最尾個批「重建及復修混合範圍」，就最簡單，基本上係冇攪過任何「重建」 -- 除左係報告發表時春田街有個公佈左既重建項目，就係隔黎順手攪埋煥然懿居之外，個批係粉粉地色既野，係冇攪任何重建，修復都係唔多，係攪下係D公園仔種下樹囉。

************

所以，如果阿總監扲返衣份報告出黎，話因為要跟進份報告，所以就要攪個《土瓜灣海濱研究》，其實就係偽善，係食得屎。

因為，之前個九龍城市區更新計劃報告入面，話要做既優先項目你都冇認真處理過，反而完全冇講過既馬頭圍道項目，九唔搭八既九龍城大規模重建，你就橫空出世爆出黎。

當然，以市建局既作風，個份野由做個一刻，就已經知道係低能。

事關，個份野係講地區需求，講既係專業人士同埋區佬建議，而衣樣野點都唔係市建局最緊要考慮 -- 你睇佢點處理十三街，點解選擇九龍城做重建，甚至睇佢點攪花墟，就知佢最著緊既係有冇錢賺，同埋個PROJECT係米易攪。

************

丫，又要抽多句水。

你睇我上面QUOTE個網頁，好彩佢係咁講﹕「基金於2012年撥款港幣497萬元予九龍城市區更新地區諮詢平台」。

即係，攪份咁既野，都係5百萬唔洗，再加其他九唔搭八既野，衣份用黎做樣既研究報告都唔洗一千萬，咁都算好彩 -- 而家份土瓜灣海濱研究，或者係之前份油旺研究，你估要幾錢丫拿﹖

************

最後，其實都係返去個個我最想講既問題。

市建局既宗旨係攪市區重建。你要做咩改善地區環境網絡都好，你個條例宗旨賦予你既權力，都係講緊你去利用重建得返黎既土地，去改善社區環境，去改善社區佈局。

我同本土研究社有小小分岐，甚至我唔認同佢地成日重點講咩納左公家地個論點﹕我唔介意或者會批評市建局納左重建項目範圍內既公家地去一併做重建，事關係規劃或者財務上係好事係合理。

不過，如果個公家地附近係冇任何重建項目 -- 例如而家既土瓜灣海濱，又或者係講咩油旺研究要攪咩 渡船街綠色走廊 -- 我就會同本土研究社一樣，唔認為應該由市建局去攪啦。

你而家九唔搭八話海濱都關你事 (海濱土地點係重建得返黎呀哥)，青州英泥廠都同重建收購無關， 咁你攪乜春海濱呢﹖

************

又再話說回頭，再再再講返我想講既條例宗旨。

如果你話，你係根據條例第5(f)，阿行政長官指示你去做土瓜灣海濱研究，我就真係冇野好講 -- 我仲要先假設真係刊左憲添呀下。

即係，而家冇人JR政府架喇。不過，你話由土發公司開始，去到條例本身，再去到2011年個市區重建策略檢討，究竟有邊個過程明示暗示過，香港法例第563章 係賦予左市建局權力，比阿市建局做埋規劃署個份，可以就市區咁大型唔關舊區重建既事去做研究呢，我就真係好懷疑。

即係，行政長官動用5(f)既權力，都要根據返條例目的。用個簡單例子，行政長官唔可以用5(f)，叫你去做國安架麻。咁，用5(f)係米可以叫你去研究海濱長廊活化水體衣D咁九唔搭八既野﹖

well，打橫黎講，都可以掛。

因為，懷疑都冇用，事關衣十年左右，特別係林鄭關始，就已經默許左阿韋志成亂Q咁黎，咁你都可以打橫黎話，就算塊地同收購重建無關，塊地就算係海，同收購重建項目隔左幾十個lot，都可以根據返條例宗旨講既「透過將老舊失修區重建成經妥善規劃，並(如適當的話)設有足夠交通設施、其他基礎建設及社區設施的新發展區，從而改善香港的住屋水平及已建設環境，以及已建設區的布局」-- 當然，你講完自己信唔信，又係另一回事。

************

不過，anyway，點都係個句﹕事實上，市建局做既所謂地區研究，又真係，講完有幾多係成功﹖

之前都係度講過，幾十年前個旺角街區活化就係攪笑，不過當時都可以講話係政府叫佢地做，同埋成個區都係重建局範疇，真係有PROJECT係附近打算去做。

個時既PROJECT都算係配合舊區重建啦，不過近幾年講既假大空，就真係完全接受唔到囉 --  就算唔講衣D PROJECT係米合乎市建局既職能，不過佢地有冇能力去做，令到個PROJECT唔係假大空，比完唔知幾多顧問研究費之後，真係有野出到黎呢﹖

結論就唔洗講，都可以預見。

***************

最後，補多句。

市建局好有錢咩﹖佢而家連收購重建本業都唔知攪唔攪得掂，阿總監你自己都話發償係乜春杯水車薪。

當你自己係個訪問入面都講，

被問及市建局未來5年的多個重建項目預計開支800億，現時僅發120億，是否會繼續申請提高借貸額度時，韋志成指出，未來2年的項目僅需300億，目前局方有180億現金流，若加上120億借貸，可應對未來開支；若要完成所有已啟動的項目，則需近600多億，除發債外，或將已完成項目投入市場招標，以填補資金空缺。至於規劃中但未啟動的項目，會視乎市場情況推遲啟動。

咁你仲開土瓜灣海濱新PROJECT做乜春﹖真係驚自己請左咁多人冇野做，會比政府CUT BUDGET會比人叫回水呀﹖

***************

所以，就算唔講條例下市建局既角色，你要評市建局，其實都應該由佢個財務能力去講囉。

係咁既環境之下，仲開咁多新項目，真係痴媽根的 -- 就算要做土瓜灣海濱長廊，都係政府係規劃署係土木工程署做囉，真係關係市區重建局咩事呢﹖特別係，你而家好有錢呀﹖

***************

最後，諗起納埋公家地以至環境規劃衣樣野，可以再補多句。

你睇觀塘就係一個好例子。

當年佢納左裕民坊個公家運輸交匯處，我係唔反對。事實上，佢而家還返個交匯處出黎，又好似唔太差。

不過，而家成個觀塘市中心既規劃，你話係米食曬屎呢﹖

唔講咩市集，個商場都唔係人行的，亦都唔可以做到佢講咩成個周邊行人環境有乜春提升 -- 成個重建，除左起樓同有商場之外，同埋街景外觀好似整齊左之外，真係對個區有咩好處﹖

再者，我唔係保育狂人。不過，整到個街景其實又係商場，又真係好大好處，真係叫提升市容﹖

又再者，講到規劃，當年你納左咁多公園道路，有咁大個地盤比你啦，你都只係關心起樓。起完樓，而家成個市中心都一樣咁塞車，上康寧道物華街都仲係成PAT屎咁。

你當年搵顧問做既咩交通評估，咁細單野，都做到食曬屎咁，就知道，你所謂既研究，其實本質係咩啦。

***************

完。

市建局的宗旨 (2)

香港法例第563章

5.市建局的宗旨

市建局的宗旨為 ——

(a)作為一個依法設立的法人團體而取代土發公司，負責透過進行、鼓勵、推廣及促進市區重建，改善香港的住屋水平及已建設環境；

(b)透過將老舊失修區重建成經妥善規劃，並(如適當的話)設有足夠交通設施、其他基礎建設及社區設施的新發展區，從而改善香港的住屋水平及已建設環境，以及已建設區的布局；

(c)更良好地利用香港已建設環境中失修地區的土地，並騰出土地以應付各種發展需要；

(d)透過促進對個別建築物的結構穩定性、外部修飾的完整性以及消防安全方面的保養和改善，以及促進改善香港已建設環境的外觀及狀況，從而防止該已建設環境頹敗；

(e)保存有歷史、文化或建築學價值的建築物、地點及構築物；及

(f)從事行政長官在諮詢市建局後藉憲報刊登的命令而准許的其他活動，以及執行該等命令指派予市建局的其他職責。

市建局的宗旨 (1)

2025年5月12日星期一

港聞二

韋志成：海港修例助土瓜灣駁通海濱 可板道連「斷裂位」、魚尾石碼頭 建商住娛旅「東維港灣區」

【明報專訊】立法會上周三（7日）通過修訂《保護海港條例》，容許在維港兩岸進行小型填海工程。市建局行政總監韋志成昨稱，修例為優化土瓜灣沿岸海濱用地「拆牆鬆綁」，在沿岸數個「斷裂位」如海心公園魚尾石、臨海煤氣設施等建造行人板道或登岸台階等，將「障礙」駁通。他透露市建局已展開「土瓜灣海濱研究」，認為配合土瓜灣內陸和對開水體發展，該區絕對有潛力成為全港首個集休閒娛樂、旅遊、商業和住宅於一體的「東維港灣區」。

韋志成昨於網誌稱，市建局團隊已委聘顧問公司展開「土瓜灣海濱研究」，以2014年完成的《九龍城市區更新計劃》研究報告及《啟德發展計劃》作基礎，深化並擴大研究範圍，從宏觀角度一併研究和規劃土瓜灣內陸地區、海濱空間用地的連接和暢達，以及水體建設的發展，期望能與社會不同持份者，共建「東維港灣區」（Victoria Cove Area）。

他表示，土瓜灣位處市區核心區域，近年在政府、市建局和私人發展商配合舊區更新的發展下，大大改善舊區環境，亦加強與周邊地區的連接，方便市民穿梭新舊社區。此外，土瓜灣對出水體呈三角形，面積約348公頃，比維港沿岸其他地區的「海灣」大，連同土瓜灣內陸土地面積，整個「東維港灣區」面積更達798公頃，若以「海、岸、陸」三合一的新規劃概念，絕對有條件成為全港首個集休閒娛樂、旅遊、商業及住宅於一體的「東維港灣區」，媲美澳洲悉尼大型海濱區域Darling Harbour和挪威奧斯陸的Aker Brygge。

稱修例拆牆鬆綁 更大發展機遇

韋志成續稱，土瓜灣海濱仍有部分空間因為屬於私人住宅或商業設施而未開放予公眾，造成數個「斷裂位」，出現海濱走廊「碎片化」現象，包括海心公園對開的自然景觀魚尾石、涉及私人業權的翔龍灣對開臨海煤氣設施及青洲英坭碼頭用地，仍然未能駁通，認為立法會上周通過修訂《保護海港條例》，為小型填海工程「拆牆鬆綁」，正好為貫通土瓜灣海濱用地、善用海港資源，給予更大的靈活和發展機遇。

增內陸海濱連接 加入親水活動

除發展海濱，韋志成稱，土瓜灣區通往海濱空間的部分地方，現仍有不少未被充分利用的「政府、機構或社區」用地如臨時停車場、文化藝術（例如牛棚）等，亦有現時由老舊社區設施佔用的土地。他認為，要進一步做好內陸土地與海濱空間連接，應一併就這些用地與海濱的發展，從土地用途、道路和行人網絡、環境活化等一體化規劃。

本研社憂重建項目「食公家地」

此外，市建局亦會研究土瓜灣對開水體的發展，加入親水活動及其他休閒、體育活動的可行性，以構建一個由內陸、海濱與港灣整體發展，方便暢達且活力蓬勃的「東維港灣區」。

本土研究社成員陳劍青認為，市建局提出的計劃除「駁通」海濱，亦要「連接」內陸地區，擔心日後提出的重建項目，會透過「食公家地」方式增加住宅及商業用地，增加收入。他說，市建局前年公布的九龍城重建計劃及去年提出的旺角花墟項目，均用上「食公家地」方式，以「一地多用」等名義發展區內休憩用地，原於地面的公園變成私人住宅項目的平台公園，「在數字上，區內休憩空間未必有所減少，但會令區內公共空間分配不均，可達性亦會減低」。

原文網址：https://news.mingpao.com/pns/%e6%b8%af%e8%81%9e/article/20250512/s00002/1746986139844

過山車黎啦﹗

 

**************

外交部發言人前排講韓戰，咁我原本都想講衣樣野。不過，長話短說，講下東九龍線衣壇攪笑野先。

**************
以下係補打字時間﹕

先旨聲明，我都覺得今次打字就真係長得過份。

打打下字補補下字，最後，發現，原來想講既野好簡單，睇最尾個段就已經講曬鳥。

**************

開波。

**************
政府終於公佈左衣個東九龍智慧綠色集體運輸系統最新建議方案，計劃係東九龍觀塘山上面，起條所謂既輕軌，由彩雲邨經順天秀茂坪之類落藍田去油塘。

你有興趣睇歷史既話，其實WIKI都唔錯﹕

唔講遠古時代，其實係2014年公佈既 香港鐵路發展2014，入面已經提到要研究東九龍線，不過就攪左好耐，其實政府係2020年甚至再早之前，就已經話攪唔掂，個計劃都係，算把啦。

咁李家超上台之後，就九唔搭八話有替代方案，攪個高架無軌捷運系統，連接彩虹到秀茂坪。之後係建制所謂爭取之下，而家，最終，就攪左個延伸去到馬油塘藍田既方案。

*****************

個野點解攪左咁耐﹖就算話真係要攪，開頭又點解淨係攪到去秀茂坪寶達邨﹖

先答第一個「點解攪唔掂攪咁耐」既問題。

好簡單，成個秀茂坪之類都係幾多百米既山，要起重鐵，跟本攪唔掂個隧道緊急出口之類。所以，當年出左鐵路發展2014個時，張良已經比人問，衣個係米政治決定，賣個人情比推左衣樣野好耐既左仔。咁當時張良緊係否認，仲話會攪得掂添 -- 之後攪唔掂，就佢都唔係度啦。

咁好啦，點解早幾年，政府攪左好多年之後，又話淨係將條輕軌興建到秀茂坪一帶﹖

我文件資料都唔洗搵，都可以答到你﹕

1.秀茂坪寶達 同 藍田中間有個將軍澳隧道，你要經過條隧道或者隧道廣場，就算係攪輕軌都好，成個工都好複雜；

2. 過左將軍澳道，去到藍田公園對上個山坡，其實係當年既馬油塘中堆填區。而家個堆填區修復左，不過大部份地方都係擺左係度，事關衣類埋填區上面唔可以做大型建築，亦都可能有沼氣等問題 -- 你想攪隧道就等同玩爆破沼氣。葵涌公園荒廢左30年就係好例子；

3.工程之外，就係實際效益問題﹕你睇藍田站或者個上蓋屋苑匯景商場個catchment，你由佢而家propose個藍田北站，即係連德道個位行落去都係10分鐘左右。再遠小小既興田邨康華苑，可能要行15至20分鐘，不過衣度既人口係成個藍田站catchment大約一成都冇 -- 個批咩平田邨藍田邨甚至部份德田邨，行去匯景都唔洗10分鐘甚至5分鐘，咁有幾多人會搭個輕軌落個propose既油塘東站﹖仲要係，落到油塘東，你仲要行段路先到油塘地鐵站架下。

3.1.至於左仔顏汶羽成日九唔搭八講咩要處理廣田邨，就真係弱智既典範﹕佢都識講係兩個站中間，成條碧雲道既包括廣田邨既屋苑其實都係好小人口，廣田邨都係得4座7千人唔夠；班友都係搭慣小巴，所以有冇輕軌同佢地根本冇關係，事關佢地點都係兩個站中間 -- 反而，輕軌入左藍田之後，就會有更下家產既野，陣間會講。

(拿拿拿，為免太抽象，我補返個圖﹕個藍田北站就係幅圖藍田公園近德田邨個位，對上淨係沿連德道有幾個屋苑；而藍田北站睇落同匯景好遠，其實個個位行落去都係10分鐘左右 -- 匯景商場就係啟田道，上面幅圖啟田商場對面。至於廣田邨就係右下角好Q遠，所以班友講咩改善行人接駁就係痴膠雞，10個人入面冇1個人會行去個藍田北站到，事關條路係暗斜得黎都斜斜地仲要起碼行15分鐘)

*********************

上面講左歷史，亦都順手講左個輕軌拉去藍田其實技術會有難道，亦都有多少無謂，唔合成本效益。

當然，你可以話，將條輕軌拉埋去藍田油塘，其實可以令到秀茂坪各站既人可以選擇去彩虹或者油塘，會分流到彩虹站以至觀塘線既乘客，亦都可以比乘客多個選擇。

不過，用多咁多錢，興建多咁多公里，就政府開頭都覺得戇居啦 -- 特別係，要重伸一次，佢唔係去到油塘地鐵站，佢係去到高超道，之後好神奇地興建天橋或者隧道，再穿過油美苑油塘邨個批屋苑，再穿埋個基座，先落去油超地鐵站。

衣條天橋或者隧道，由油塘東去油塘站，直線距離就唔遠，不過點可以穿過個居屋範圍或者插入個基座呢，就好神奇。

所以，衣度個結論係，條輕軌拉去油塘，其實係有多少無謂。

**********************

可以順手講多句。

你睇佢彩虹東站，即係彩雲邨個邊，其實都有類似情況。

(廢事講得咁抽象，我補返個GOOGLE MAP出黎﹕而家PROPOSE個彩雲東站就係新清水灣道彩雲商場對出；彩虹東站就係新清水灣道玉麟樓對出，而家應該係個冇人用既小巴站。)

你熟悉甚至只要經過個區，行過條新清水灣道上彩雲邨，你就會覺得個彩虹東站同埋彩雲站又係戇居。

彩雲邨係山上，而家大部份人住個頭既人都係行5到10分鐘落山去彩虹站。

如果要夾硬fit落輕軌個plan，就係有個咁戇居既情況﹕你用google map去計數，由個proposed既彩雲站沿新清水灣道行落去彩虹東站，係行落斜路5分鐘；你再之後由彩虹東站行落彩虹地鐵站，係加多3分鐘。

咁唔係智將既都會問，我住彩雲邨，要去彩虹站，如果搭輕軌既話，就係彩虹東站落左車點都要行返原本個3分鐘先去到彩虹站，仲未計上上落落等車，繁忙時間又唔知上唔上到喎。咁，我點解唔直接行落去﹖

衣度講既路程，其實仲未計我由屋企可能要DOU路先去到彩雲站，衣度又要加幾多分鐘 -- 而事實上，彩雲站係彩雲邨既外圍，你住另一邊又要行遠好多路先去到車站的。

咁唔講彩雲邨，就算你住再上小小既彩輝邨，你都唔會突登去搭衣個輕軌再轉車，情願行15分鐘落山，或者搭小巴啦，下麻。

至於上山，其實住近彩虹站既彩雲邨人，其實又係行路多；唔行路，而家一出地鐵站，就有幾架似專線小巴多個巴士既幾條線不停出現，搭2分鐘車就去到而家propose既彩雲站 -- 當然，有幾條巴士線係去西貢科大，班阿毛遲d冇得長車短搭架啦。

咁結論係，個彩雲站其實又係廢的 --落山唔會搭佢。我上山既話，我出地鐵要行3分鐘上山先去到彩虹東站，咁我一係行多幾分鐘返屋企，一係就搭巴士上山啦。

**********************

上面講既，係好走線好地區為本既問題，太過micro，要講大把野可以講，不過就無謂，所以唔講啦。

你只要記住，佢兩邊既站，其實都係無謂就得，成條線只係for山上面即係順天秀茂坪安達臣既人 -- 對兩邊站既居民黎講，佢地冇幾可會上山，所以對佢地黎講，條輕軌唯一用途，可能就好似政府咁講，可能係比你搭輕軌方便你去聯合醫院。

又不過，好攪笑既係，彩雲邨係屬於黃大仙區，係屬於醫管局九龍中聯網﹕即係，你自己睇盧寵物講，九龍中聯網係唔包括聯合醫院的，就算係所謂聯合醫院急症室有幾會服務埋黃大仙，不過其他康服好多野都係九龍中聯網攪掂，唔會去聯合醫院的 -- 你去得聯合，佢既服康跟進就係將軍澳醫院攪，你話彩雲既人會唔會山長水遠咁去將軍澳﹖

衣個所謂方便去聯合醫院，都係比秀茂坪順天個批本身好方便去聯合既人用，或者係遠小小藍田油塘個邊，先有D用。

*********************

講返正題。

係，而家先入正題。

成條東九龍線，而家未招標都知用輕軌，用高架路攪架啦。你睇下面兩段智將係明報講既野，其實就係重點﹕

顏期望當局招標時加入條款，愈快建成、系統客量愈靈活的入標者應加分。他說，東九系統定位是便利沿線山上居民日後毋須再搭小巴接駁鐵路，如系統可按需要增減車卡調節客量，將有助梳理整個九東交通，按沿線居民數十萬人計，相信系統每班車至少可載200至800人。

工聯會九龍東立法會議員鄧家彪估計，系統不會採用架空電纜，以電池推動，其次採用膠輪，以增強爬坡能力。

為左清晰簡單易明方便快捷，用pt form講﹕

1. 點顏汶羽強調「系統可按需要增減車卡調節客量」﹖原因好簡單﹕非繁忙時間根本冇客冇需求。就算繁忙時間有客量，都係上繁 冇人上山，下繁都冇乜人落山。

1.2.見佢咁講，就知佢都驚非繁時間冇客，條線長遠蝕到扒街。咁佢以為增減車卡可以控制成本﹖上山係要電，不過最大成本其實點都係capital works，增減車卡對成本控制有幾大用呢﹖

2. 第二樣想講既係，佢話每班車可載200至800人，衣個係重點，因為你睇衣幾日新聞政府放風區議會文件，都冇講個系統載客量。

2.1.咁我搵資料，你睇又係民建聯既柯創盛咁講雲巴，你就 OOOOOO 曬個咀的﹕

他又稱，雲巴每卡車廂載客量為70人，且可增至8卡車或以上，充電40分鐘便可駕駛200公里，相信可便利東九龍市民出行。

2.2. 「雲巴每卡車廂載客量為70人」，我又用GOOGLE MAP度返彩虹東站同彩雲站沿新清水灣道既距離，係500米多小小。咁即係，係衣兩個站之間，可以擺到幾多卡車廂呢﹖你當雲巴係海洋公園纜車都好，上落客要幾多時間，要幾多車廂之間既安全距離﹖

2..3 再搵資料，雲巴坪山線官網話列車長度33.6米有4節，即係每節列車大約8米。再睇NOW同一般人都話，坪山線成條列車載客量係280人，即係每節載70人 (280人/4節)，MATCH 柯創盛個講法。

2.4. 咁你要MATCH到顏汶羽個講法，要每班車最高載客量800人黎計，即係800人/70人，亦即係要有11.35節車卡，我當12節車卡啦。咁12節車卡，再乘返每節大約8米，就要有96米長既列車。

2.4.好啦，知道個列車長度，就有樣攪笑野啦。你彩虹東站同彩雲站得個500米距離，再加埋兩個站既月台其實都佔地方，咁如果真係要放架96米既列車落去，兩個站既月台距離其實會係幾多呢﹖到時，係米我企係前一班車車尾，其實已經望到後一班車既車頭呢﹖

2.5.再者，如果真係要載800人，個月台起碼要100米之餘，咁佢全程高架軌道麻，咁係繁忙時間點樣安排月台出入口呢﹖你見地鐵係繁忙時間疏導到好多人，因為佢個月台夠長夠闊，比例上都多電梯，D人可以慢慢係月台排隊。咁雲巴既月台有幾大裝到幾多電梯幾多人呢﹖

2.6. 上面既數字好抽象，你用輕鐵做現實既例子就最簡單﹕衣度話輕鐵一卡載200人，兩卡即係一列車就載400人。咁衣度又話輕鐵一卡20米，兩卡即係40米。咁又，即係話，一列輕鐵係40米，載到400人。對比返雲巴既大約96米列車載800人，咁輕鐵其實都係差唔多，兩列輕鐵大約係80米載800人 -- 咁邏輯上，兩者都係輕軌，咁載客CAPACITY差唔多，都係應該啦。

2.7.咁，個結論係，如果要好似顏汶羽咁講，雲巴要每班車至少可載800人，即係要有兩列或者4卡輕鐵。

2.8.好啦，睇完之後，你就可以visualize個情況啦。你就算未搭過輕鐵，都知一列輕鐵有幾長，人流有幾多架呵﹖你要個月台企到咁多人，可以疏散到咁多人，究竟要幾大個月台呢﹖都係個句，輕鐵係地面，東九輕軌係高架喎。

2.9.再者，最最最重要既係，如果真係要載800人，不過疏導乘客又要時間。咁係繁忙時間，究竟整條東九輕軌既最高有效運力係幾多﹖你要清左前排列車，後面個班先可以開架麻﹗

3.咁所以，衣度又拉到去另一個重要問題啦。講多次，顏汶羽講既「相信系統每班車至少可載200至800人」其實好重要，因為佢講衣句野既前面一句，又係重要﹕「按沿線居民數十萬人計」。

3.1.即係咁，雲巴係輕軌，唔係重鐵。你講到每班車最多載800人，其實已經唔係雲巴既服務範疇。你再睇比亞迪自己講，其實佢都係咁講﹕

「雲巴」是一款純電推動的列車，用橡膠輪胎在專用高架軌道行駛，全程無人駕駛，但每趟列車都設有一名安全監督員，應付突發情況。每列列車最多載客量約560人，屬於「小運量」的軌道運輸系統。劉學亮表示，「雲巴」行車時相對寧靜，目前在深圳坪山區運行的路線亦相當成功。

3.2. 比亞迪自己都話雲巴個市場係「小運量」最多載560人。560同800，比例上差好遠喎﹗咁當然，就算你話將來東九龍輕軌唔係雲巴都好，或者可以載夠800人都好，不過究竟市場上有咩技術選擇，點樣可以刻服到我上面講既問題呢﹖

3.3.更加核心既問題係，上面講到800人載客量，其實係米滿足到觀塘山上面既繁忙時間需求﹖顏汶羽淨係講到，「沿線居民數十萬人計」，不過無論係佢或者政府咁耐以黎，都冇official講過估計實際需求係幾多，at least我點都搵唔到啦。

3.4.政府唔講，我好相信，係因為用輕軌根本就計唔掂數。你有心機，可以用人口普查條數睇入面既非本區工作人口黎估。而我都好肯定，政府攪個東九龍線顧問研究，以至運輸署睇巴士繁忙時間個數字，都一定知道整個東九龍山係早上繁忙時間既落山需求，不過就係唔同公眾講。

3.5.用個最懶既方法，當年鐵路發展策略2014係咁講﹕

這些發展項目完成後，預計安達臣道地區的人口，會在現時觀塘北山上地區約300000的人口之外，增加約73000人。

3.6.我估而家成個觀塘北上山地區唔止30萬+7.3萬。你當係40萬先算，只要繁忙時間有一成落山需求，都有4萬人 -- 而一成肯定係小既，因為除左工作人口外，亦都有好多學生。

3.7. 咁我當最繁忙時間即係返學7點到8點，點都有2萬以上需求，咁係個一個鐘頭，究竟要有幾多列輕軌呢﹖每列輕軌載800人，即係要有25班列車；我又再當個需求或者出行需求係平均地雙向，分別去彩虹同油塘，即係於最繁忙既一個鐘頭內，每個方向要有12.5班列車，先可以滿足個2萬個乘客需求。

3.8.你再將60分鐘除12.5班列車，即係5分鐘一班列車﹖個咁既輕軌月台，真係可以有地鐵一樣既效率﹖

3.9.再者，我講多次呀下﹕40萬人口，得一成人口，即係4萬人係上午繁忙時間要落山，係嚴重低估既數字。如果將個數加一倍去到兩成，就條輕軌點都計唔掂數 -- 不過，一個家庭，淨係計工作同返學人口，又點只兩成出行需求﹖

3.10.同埋，個輕軌冇可能可以一列車載到800人架下，除非佢D車站係好似港鐵咁大，即係重鐵既規模。衣個，就係我上面2.9講既，整條東九輕軌最高有效運力既問題。

4.當然，個4萬需求係亂估，亦都估唔到有幾多人死都唔搭輕軌要搭巴士 -- 順天搭巴士直出旺角尖沙咀，係驚塞車囉，不過一定方便個輕軌，甚至會快過輕軌添。不過，如果輕軌真係咩「小運量」，咁對於成個觀塘山既交通有咩幫助﹖

4.1.而更加攪笑既係，佢非繁忙時間係冇乜客，不過佢點都有D客。例如，D 海岸線買完送飲完茶返上秀茂坪，都可能會搭輕軌而棄巴士小巴。

4.2.咁衣度，就係我係好開頭講既，「反而，輕軌入左藍田之後，就會有更下家產既野，陣間會講」。

4.3.即係，而家有好多小巴甚至巴士，其實係吊住條命，主要靠繁忙時間賺錢補貼非繁忙時間。而家有輕軌，你估咁優秀既巴士公司會點做呢﹖小巴圍唔到數，係加價定唔玩呢﹖

4.4.你而家睇下去順天秀茂坪個D巴士咩27呀1A呀，有左輕軌之後點都有D影響，到時CUT佢老尾班次都好喎﹗越CUT就越小人搭，到時起碼旺角道唔洗咁多人排27號巴士阻住條路。

4.5.當然，我勉強都可以話，橫掂都係蝕錢客量小左，巴士小巴比重鐵攪死都甘心命抵。不過，如果真係比輕軌攪死，就真係攪笑。

4.6.個情況等同，馬鐵其實係廢廢地架 -- 特別係對於沙田河東乙明沙角個D黎講，真係雞肋。不過，有左佢之後，成個沙田好多巴士已有藉口，被CUT鳥。

***********

最後，講幾句唔係題外話。

政府公佈個輕軌消息時，話要係馬油塘整個車廠同埋住宅用地發展，去減輕個輕軌財務負擔。

先唔講佢送幾多地，到時又點放寬合資安排 (唔通比亞迪中標之後起樓咁攪笑﹖)，以至唔講塊地其實賣到咩樓價。想講既係，你係個輕軌沿線又擺多唔知幾多萬人落去，其實繁忙時間食得曬咁多人﹖馬油塘個位喎，秀茂坪寶達都應該落油塘架喎，到時馬油塘繁時真係上到車咩﹖個度真係冇條好小小既路，係靠你條輕軌架啦。

另一個攪笑既係，好多智將尊貴例如顏汶羽話，希望入標者預留日後將輕軌擴展至慈雲山既可行性喎。

其實佢知propose個彩虹東站係邊，慈雲山又係邊架呵﹖

上慈雲山既話正路道要經斧山道，同彩虹東站中間隔左個牛池灣。咁佢知唔知牛池灣村攪緊重建做公營房屋架呵﹖佢九唔搭八話預留去慈雲山，係米隨口UP下，到時好似啟德咁又係樓中間整條高架橋，咁呀﹖

你要扮認真，就應該要求政府係重建條村既時候PLAN埋所謂既接駁輕軌，甚至個輕軌站其實應該係條村入面而唔係而家個位 ，而唔好擺明係隨口UP囉。

而更加攪笑既係，而家佢話，延伸去慈雲山既話最擔心就係影響到龍翔道交通，就知佢係攪笑，唔記得牛池灣攪緊重建，甚至唔知彩虹東站個位係邊 -- 如果死都要駁去慈雲山，而彩虹東站又係PROPOSE個位既話，就緊係經牛池灣村或者平定道近斧山運動場個山頭劈過去斧山道架喇，點會又無啦啦出龍翔道咁攪笑呀﹗﹖

佢真係唔識隨口UP架喎。

(拿拿拿，講開又講，如果彩虹東站擺係牛池灣個位，同而家PROPOSED個彩雲站有段距離，就sensible好多。再者，擺個彩虹東站係牛池灣村，其實係再近d彩虹站，分分鐘可以兩個車站無縫連接，同埋大地方好多啦)

最後，最攪笑既係，班智將既尊貴話，政府保證左個輕軌工程唔會影響到現有新清水灣道同其他交通喎。真係，唔係咁都信麻﹖

*************

最後，衣個POST最開頭張相，係去郵輪碼頭時影的。你睇，興建左個空中花園之後，要再係上面整多個啟德單軌列車，就真係何期壯觀。

遲下所謂既東九龍輕軌，都會係一樣。

***************

結論係，其實我又過於認真。

衣個項目，擺明係政積工程，同埋送錢。日後營運蝕幾多，又或者起完之後其實有幾大作用呢，就是但啦。

***************

真係最後，補多句。

人老痴呆，醒起好多年前，田北辰提過要拆Q左個輕鐵。睇報導，當時田北辰咁講﹕

輕鐵只適合通車初期，現時屯門、元朗人口大幅增加，輕鐵每日50萬人次使用，但無專用系統，要與汽車及行人爭路，屬全世界罕見，他指現時輕鐵月台在繁忙時間非常擠迫，但輕鐵又不能擴充，是埋下計時炸彈。

將來東九輕軌係有專用系統，唔需要「與汽車及行人爭路」。不過，輕軌個月台會係點，佢唔擴充個運量都預計到係點，就已經諗起都攪笑。

原來，講到尾，真係用返輕鐵做例子，就知東九輕軌點解雞肋味濃鳥。

***************

完。

破窗效應．獅子山精神．盡皆過火，盡是癲狂

衣排有幾單新聞可以夾埋黎講，反映香港衰落既必然。

***********

第一單新聞係，警務署聲稱衣期交通意外多，所以早排又開始咩不定時不定點高調執法。玩左幾個禮拜，衣兩日最hit既係彌敦道亞皆老街口捉人綠公仔閃緊時過馬路，位位收你2000。

另一單係，証監會攪衣個場外交易市場，比衣個退市既公司股票繼續trade佢老尾。

************

先只係講單新聞既本身呀下。

************

第一單新聞入面講到既綠公仔呢，其實就唔係新聞啦。

早兩年瘋狂捉人亂過馬路時，其實就已經有個勇士走去司法覆核，話路面設計不良呀，綠公仔時間太短之類。我搵唔到個司法覆核結果，不過睇段新聞就知佢一定輸，事關佢拉埋咩執法不公黎講。

如果要講，要有些微勝算既話，其實好似咩一線搜查之類都做過故仔，講有d綠公仔轉燈後兩野就閃，正常人根本過唔到馬路。如果你淨係講衣樣講你比人炒牌個路口之餘，再搵多幾廿個綠公仔閃左5秒就轉閃既話，咁都可能有小小機會。你而家講埋咩執法不公，就一定輸。

咁講返正題。

well，我又成日行亞皆老街個路口，你試下係彌敦道南行過馬路去匯豐，估下個綠公仔幾時會閃﹖我早幾年真係睇過，係十秒唔夠 -- 如果個個都守法，見綠燈閃就唔過的話，你會見到個路口係星期日，應該無時無刻都有百零人等緊。

咁你話，如果個政府真係日日都嚴正執法，市民又真係個個守法，個城市點運作丫拿﹖

當然，都係要回帶講，衣單新聞其實就係政府好多公營機構同差佬既思維。

就好似之前講抄牌quote過出黎，阿蕭澤頤會同你講，抄牌好緊要架，事關違泊會有破窗效應，違規會變本加厲，最尾會有嚴重意外架 -- 而家個政府好多人都九唔搭八，不過佢地個mindset真係咁，香港人同中國人一樣，是要管的。

*****************

第二段新聞就仲精彩，亦引伸去另一樣野。

我唔知係放風人士定係彭博自己講，新聞入面要特別提到「面臨退市風險的公司包括中國恆大等至少八家中資房企」。

即係咩﹖當年要咁強硬迫交唔到課既公司退市，係要整治公司治理，管好個市場，同埋要保障投資者麻。

咁，而定就無啦啦整個咩粉紅版出黎，美其名係要「給可能持有幾無價值證券的投資者彌補損失的機會」，實際上，哦，原來衣差唔多10年黎都冇諗過，不過內房爆煲啦，咁就要考慮下「給可能持有幾無價值證券的投資者彌補損失的機會」。

咁而家無理頭要研究個粉紅板，又要保障返投資者喎，咁其實個d，well，投資者，其實係咩人呢﹖証監同港交所之前又攪一大輪，係為左咩呢﹖

真係，心照啦。

********************

衣兩單新聞，其實可以拉埋一齊講，講香港點解會死。

之前我都講過下，不過冇詳細講。咁而家講多兩句。

*********************

即係咁，你見近年政府同所有機構，都係咩都要管，咩都要加強執法，要嚴正執法。

你見瘋狂炒牌，就小d人拍手。不過，房署查富戶，就好多人拍手。

係公營機構，你見港鐵痴媽根教育呼籲你左行右企，好彩部份香港人仲係正常人，會叫港鐵食屎。

你又再見盧寵物控煙呀食環所謂打擊阻街呀，就一半一半人拍手啦，不過好多野既邏輯都係管到你死 -- 前排個低能既 吸煙與健康委員會走出黎話電影 破地獄多吸煙鏡頭，就真係一流。

而証監早10年前講咩前置執法，打擊咩迷網股，其實只係走前過成個社會，係比家超上場之前已經做野，咁解 -- 不過，丫，我又無聊SEARCH，就真係好耐唔見證監再睇前置式執法衣樣野，真係個鬼佬一走就冇左件事﹖

********************

ANWAY，好多人都贊成政府執法。

不過，當你衣幾年係旺角周街都見到d友係紅燈冇車都唔過馬路既時候，你就會諗，個班企定定既友究竟係內地同胞定係香港人 -- 而更加離譜既係，就算係夜晚8、9點，條街已經係死城真係車都唔多架既時候，d友都係企定定等綠燈先過馬路架喎﹗

********************

衣樣就係我想講架喇。

********************

大陸偷扼拐騙固然多啦，不過都有好多係被馴服到聽黨話跟黨走既九菜，所以見到紅燈會唔過馬路，聽到電話係公安來電就會比個銀行提款卡密碼甚至比埋個人佢。

傳統既香港人，所謂既獅子山精神年代既人，係會點﹖

係阻唔到人人又阻唔到我既時候，我就會衝紅燈過馬路。我唔係盲，唔係低能，我對自己過馬路安唔安全有責任架麻。

唔講日常生活，講拍戲，其實係更加好既例子。

麥當雄拍省港奇兵，唔會要政府封路就係街到搵班演員扲枝道具槍周街掃之餘，仲會真係燒阿沈威老尾。去到近幾年，前排thread先有人講，阿瑞導唔知拍乜戲，又唔知係大陸定香港，見到枝橙柱礙眼，就成枝鋸左佢。

唔講衣d，講個所謂資本市場，又係只要合法，甚至灰色地帶，只要有錢搵既，都會有人諗到交到課出黎 -- 早十幾年前，玩細價股個d友，會唔知係同老千玩緊﹖個遊戲大家都知，不過就係要搏發達丫麻。

係資本市場，我要批股要割九菜要做咩都得，我唔駛考慮咩道德咩國家利益。不過，香港個所謂國際金融中心就係咁黎 -- 丫，又唔覺意講左誠哥添。

**********************

即係，想講既係，傳統既香港人係唔理個政府，個政府亦都唔多理香港人。

唔出大事，就等個社會等個市場運作。出左大事，先黎補飛。衣個，先係香港傳統既所謂積極不干預，所謂既小政府大市場，總之政府就唔好攪咁多野 -- 而事實上，個政府亦都唔會識攪好多野。

而好多友形容咩香港人靈活變通，創意無限 -- 衣幾年個政府都仲係咁講架下 -- 其實就係上面個大環境，係冇九唔搭八限制之下，盡力搵錢做想做既野既表現。

所以，上面講到，瑞導鋸怇老尾枝燈柱，真係好合情合理架喎﹗

前排好多友又quote，話外國影評人將香港八九十年代既電影形容做「盡皆過火，盡是癲狂」，其實點解會咁多電影人或睇戲既人會走出黎quote﹖ 

最簡單既角度係，你見衣幾年既電影就真係好多變曬 鏗鏘集，就算唔難睇 -- 例如白日之下 -- 不過都係唔好睇，你就會諗，香港電影幾時先會去返癲狂，先會好睇﹖

瑞導套九龍城寨，其實我都覺得普通，未夠癲，不過都算好睇，所以先收得囉。即係，係咁既環境下，期望唔好咁高啦，好小小，就已經係好好的鳥。。

衣樣野，米同整個社會一樣囉。

***********************
所以，去到中期既結論，前排羅尚沛講，而家大陸同香港社會講政治正確，所以就越黎越多人敞平。

咁我就會講講，講 政治正確就太高層次啦。用低d既層次，就係大陸同香港政府都要個社會穩定，咩都要小心咩咩安全風險，又要擔心破窗效應，咁米所有野都要管到你死囉。

而攪笑既係，好多香港人又相信管到你死個套喎 -- 係，濫用公屋係可以查下既，不過當你個政府咁偉大咁大有為既時候，再加上已經咁多人走去信政府既時候，你仲要去做啦啦隊﹖

等同於，我成日係到講財赤，你係到支持佢cut兩蚊搭車，講到好似好緊要，仲要成為成份預算案既焦點既時候，咁點解你又或者冇咩人理佢個基建開支點樣打爆個budget喎。

***********************

講到衣度，就可以簡單講埋港交所個粉紅板做結尾啦。

水清則無魚，你支持港交所同證監玩前置式監管，就唔好問點解個創業版會死左，亦都唔好問點解早兩年連香港市場獨有既買賣殼秘技都冇埋。

不過，好吊脆既係，而家想攪個粉紅板出黎，話要「給可能持有幾無價值證券的投資者彌補損失的機會」，其實用人話，就係，要比人甩身。用另一個角度就係，以往公司出唔到業績，個懲罰就係公開市場上正式死亡；而家，要你死都係唔好既，我比多個機會你啦。

see﹖

你要嚴例監管嚴正執法係冇問題。不過，點解又要整個特別渠道出黎﹖

你話 要一事同人，成個社會都盡皆過火，盡是癲狂，又真係冇咩所謂。而當你話，只有一小攝人先可以咁做 -- 例如國企就無所謂可以買下賣下外國港口而置所謂既國家利益不顧 -- 咁就真係一流啦。

你要咁做，個結果就係，真係香港發大財既寫照 -- 咁明我講咩啦﹖

************************

個結論，係米好簡潔呢﹖

************************

題外話。

講起證監，雷曼真係轉捩點。究竟當年雷曼咁多苦主，有幾多賠左，有幾多又真係要賠，之後既implications，真係值得深思。

不過，ANYWAY，雷曼之後，我印象中啦，其實香港都仲有批ELN熱潮，不過當時好市，所以冇咩苦主 -- 亦都當然既係，衣十年八載，冇咩人玩市，係都玩美股，所以又好似冇咩LOCAL大事出過。

************************

丫，講多句。

上面講起賣港口，衣排又有好多人炒返起當年中遠賣美國長灘港，話中遠能長和不能。

well，嚴格黎講，當年其實係中遠收購董建華隻東方海外時，係要唔理國家利益係美國政府既威迫之下，賣左東方海外持有既長灘港 -- 所以，不顧國家利益既，除左係中遠之外，仲有董建華份。

************************

最後，上面好似好散，咁寫返個認真小小既結論啦。

香港其實同大陸一樣。

你見大陸早十年前甚至早六七年前經濟講到咁勁，講到話咩互聯網新四大發明，其實就係因為當時資本可以無序擴張，所以先吹到阿里可以挑戰amazon -- 而當時阿里又真係開始走去東南亞啦。

阿里一死，互聯網平台收皮，之後得返地產，地產係差唔多時間因為三條紅線死埋之後，衣幾年咩境況就有眼睇 -- 而家講咩人工智能講咩刺激消費，其實又係走緊回頭路，不過係國安作為前提之下條路走得攪笑D咁解。

香港都係一樣。

你由香港仲有幾多人會衝紅燈過馬路，就會知道香港未來經濟發展會點 -- 特別係，你講既未來發展，係要咩高科技要咩靈活變通。

衣D，真係見微知著 -- 或者當係吹水，又或者係，WELL，文化觀察 -- 既極致。

當然，如果你要既未來，係比人用黎發大財，就另計啦 。

都係個句，之前科技園公司玩航天科技就緊係發大財啦。上幾個post入面特別quote阿團結基金葉文祺 講under plot ratio既好處係可以吸引優質企業，都係發大財既一種。

咁你就知道，香港人點，其實冇咩所謂。

************************

完。

離地到上太空 (2)

真係攪佢唔掂，頂佢唔順。

同盧寵物一樣，佢都一樣真係離地到上太空。

佢早兩日講話，入住簡約公屋，慳到租金，一年慳萬零蚊，咁入住既居民幾年後或者有機會夠首期買居屋。

講得出衣返說話，就知係離地，不食人間煙火。

咁所以，算數，睇完都唔打字。

不過，頭先做緊野，見到佢上面個篇講年青人點點點，就真係點都要打字。

**********

即係，先唔理年青人有冇錢買居屋，佢知唔知居屋分左綠白表﹖分完之後，又有咩implications既呢﹖有幾樣重要既implications。

***********

最重要既係，綠表既話，你比既首期只係5%，白表就要比10%。

用返佢新聞入面條數，白表要比既係「連同律師費共30多萬元」，仲未計裝修，當中最緊要既係拆曬房委會九唔搭八唔係人用既廚房設施。咁上面30萬再加埋裝修，你估買間居屋到入住，要幾多錢﹖

律師費同裝修費係謹局。所以，個5%首期，即係白表要比27萬，綠表要比13.5萬，其實就係差好遠。你買得越大單位，個分別就更加大。

所以，結論係，雖然個綠白表資產上限係唔同，白表係高好多。不過，個首期同樣都係高好多。而事實上，我都唔認為MEET到佢個二人資產上限既人，會有幾多走去買居屋囉。

所以，個5%既分別，對抽居屋既人黎講，其實係大既。

************

第二樣重要既係，綠白表比例究竟係點呢﹖以往好多年前，係我有記憶既時間啦，其實係7:3比，即係綠表7白表3。

係咁多年黎，又綠白表又白居二，攪到公屋聯會係2019年嘈過，都唔知佢嘈乜春話衣個7:3綠表比例過高。

去到2020年開始有變化，唔知點解攪到變左4:6比，綠係4白係6。個理由應該又係咩白表人士買唔起私樓呀，需求大呀，咁米白表比例多D囉。

不過，又好神奇既係，係上年施政報告，比家超又九唔搭八話，要將個綠白表變返做5:5比喎，應該又係D咩加快公屋流轉，希望公屋居民置業騰出單位比有需要人士之類。

而更加神奇既係，施政報告講完之後，衣幾轉居屋都仲係5:5比，阿房委會資助房屋小組主席黃碧如仲係度話未有調整個綠白表比例既時間表喎。

ANYWAY，上面簡單自己GOOGLE CONFIRM完再講返個綠白表比例歷史，係想話比你聽，以往年青人排公屋，有時唔係為左上公屋，或者上公屋只係個Bonus或者保險，主要係為左個綠表資格。

即係，你入住到公屋，就有綠表資格去抽居屋。又再者，你兩條友排幾年隊，過左資格審查，不過未上到樓，其實都可以扲份綠表資格證明書去抽公屋。

所以，當何永賢講緊，年青人唔好輪公屋啦，而家大把居屋供應，咁佢其實知唔知輪公屋，其實就係個保險，起碼有間屋訓覺之餘，仲可以等時間抽居屋 -- 用白表定綠表都好，你估咁易抽到架，要抽中仲要合心水既，要等幾年呀﹖

而吊詭既係，當佢講話而家居屋供應多左啦，年青人唔好排公屋啦，不過阿特首又話將個白表比例CUT左佢喎，咁係米又鼓勵返人排返公屋，用綠表條隊增加抽居屋機會呢﹖

****************

所以，何永賢真係好吊詭架。

每次都見佢笑笑口懶係親民咁講房屋政策，講咩要提升公屋居民幸福感，你就要明，一個住半山，咁多年都係技術官僚既人，其實點解要作賤自己，做D咁既官呢﹖

至於佢離唔離地，其實都唔洗問啦，下麻。

又再至於佢熟唔熟房屋政策，同埋佢做既野有咩implications，咁我又會話，佢同  盧寵物唔明點解有人半夜三更傷風感冒排門診  一樣，佢可能真係唔熟政策，亦都唔明好多政策會有咩效果，所以就算個政策隻隻字都識，不過就係唔明點解結果會係咁囉。

*****************

題外話。

係抽佢水架啦，反正HK01都抽佢水。

睇佢講簡約公屋個POST，佢內文就話﹕

她指，女童一家四口的單位月租1600元，簡約公屋有助他們一家節省每月數千元的租金，一年便可儲到幾萬元。

之後HK01抽佢水，就HIGHLIGHT quote佢話﹕

儲得三、四年有廿幾萬，足夠畀居屋首期，一步就人生目標再提高啲。

咁真係，一年儲幾萬，三、四年又點有廿幾萬呀﹗唔通佢想話，住簡單公屋班友，本身就有幾廿萬，之後每年儲幾萬，所以幾年後就有廿幾萬首期呀﹖

佢唔只離地，做左咁多年建築師，數學都仲唔多掂添。

*****************

完。

離地到上太空 (1)

有市民成年後即輪候公屋 何永賢冀矯正觀念

香港電台-港聞
2025年4月2日週三 上午10:35

有市民成年後即輪候公屋 何永賢冀矯正觀念

房屋局局長何永賢在本台電視節目《盤點政策》表示，接任局長兩年半以來，面對的最主要問題是房屋供應不足，本港過往曾有一段長時間沒有居屋，以致居屋的認購額超標30多倍至60倍不等，反映置業需求很大。對於有市民在18歲便輪候公屋，她認為要找機會理順或矯正這個觀念，重申居屋很重要，而且必須要持續供應。

何永賢表示，展望未來5年，會陸續推出4萬5千個居屋單位，加上房協近5萬個單位，成為年輕人的置業希望，毋須為輪候公屋而壓低入息及資產。她以2024居屋為例，平均售價270萬元，首期一成，亦即27萬元，連同律師費共30多萬元，以利率4厘計算，月供1萬1千多元，對年輕人而言並非遙不可及。

何永賢又解說屋邨設計「幸福」理念，表示現時大約三分之一的公屋居民為長者，部分與兒孫共住，設計上要做到跨代共融及樂齡安居，例如在邨內的健身設施旁邊擺放椅子、提升公共設施及改善公共空間等，令居民有更多幸福感。

Val Kilmer's fire

 

Val Kilmer死左。

佢最精彩既唔係TOP GUN入面既Iceman，而係電影The Doors入面扮演樂隊主音Jim Morrison。

Val Kilmer攪到我聽The Doors；因為套戲同埋先入為主，攪到我覺得佢比Jim Morrison本尊更似本尊。

Anyway，套戲真係好似The Doors一樣迷幻，睇完唔知點咁。不過，Val Kilmer做得非常之好，令到套戲都成為係一套好戲。

另外，Val Kimer係HEAT入面都係一流，佢衣張相衣個做形又係經典。

Youtube居然有衣段經典。

RIP.