**********
早個post我米臨尾講到，「當經濟復甦係咁倚靠政府開支，當中又再要倚賴基建.....咁究竟而家個經濟復甦下，有幾多錢係做到咩滴漏做到咩政府開支產生既multiplier effect呢﹖」
其實，可以再講清楚小小既﹕以往政府派錢落去比NGO，就真係請local人，有local職位，你出糧就會消費，衣D就係miltiplier，係私人市場消費條數入面會見到。
ANYWAY，易思行講咩四大核心錯配，講咩「1) 財務承擔的錯配：地方債務轉移至公營機構」，咁唔駛你講啦，下麻。
咁你話，究竟係「地方債務轉移至公營機構」，定係「地方債務轉移落韭菜身上」呢，就真係，你自己諗下啦。
同樣，以往派錢攪基建，就算都係起樓，原料要大陸外地入口都好。不過，好多工序都要係香港再做多次，香港仲有好多工人公司有野撈。例如，你起樓，都要落石屎要扎鐵砌磚，班local地盤佬出糧叫雞食煙都係消費。
相反，而家派錢比咩中旅攪咩啟航，真係派完就算，清潔工保安都唔請多個；又或者派錢比MIC組裝屋，好多野係派完就算，或者直接派去大陸，香港做小好多野 -- 就算唔係MIC，多左咁多外勞non-local地盤佬，咁你話佢地出左糧會點﹖
所以，我既結論係就，當你既「政府開支」係GDP既比重增加左咁多既時候，而個「政府開支」既使用/派錢方式又係咁的話，咁同以往相比，個multiplier effect影響米細左；咁multiple左之後，對消費既影響米更加明顯囉。
即係，再抽句水﹕
你以往起樓好多野，就算唔講本地分判商有冇工開，你睇竊聽風雲 (丫，定係個D咩 Z風暴呢....) 都知，有咩阿大SIR緊係過澳門同你傾，起碼都振興下澳門經濟，之後都振興埋香港丫。而家，咩都MIC，咁阿大SIR仲香港消咩費﹖
***********
另一樣想講既係，阿炳強好野呀。
前排佢講記協，話咩釘死任何破壞國安既人。我好FAIR，用返新聞稿﹕
我想在此警吿所有人，不論你用任何名稱，甚麼樣的幌子，只要是從事危害國家安全、勾結外部勢力或顛覆國家政權的行為，我告訴你，我一定會「釘死」你，後果自負。
我想在此警吿所有人，不論你用任何名稱，甚麼樣的幌子，只要是從事危害國家安全、勾結外部勢力或顛覆國家政權的行為，我告訴你，我一定會「釘死」你，後果自負。
好多評論都九唔搭八。
最簡單一樣，就係，丫，執行調查追捕之類既權力，究竟係警務人員定係局長話﹖就算係跟返警隊條例，指示阿警務處處長做野，又係邊個話﹖
你話某個行業有害群之馬你要釘死都算啦，你而家係指明個團體，就真係有型 -- 陳美寶幾時會出聲話，而家網約車D例就生效啦，要釘死仲未扲到牌既UBER同滴滴出行丫拿﹖
當然，求其啦，阿炳強成日都係咁架啦，咁有鋪演戲隱都冇辦法架。
不過，講完記協一大輪，又十惡不赦，又天打雷劈，之但係記協都仲繼續存在，咁係米有人失職呢﹖
**************
歷史博物館個「香港故事」前排開返，跟手就不停有評論話個展淨係咩唱好祖國，攪咩去殖唱紅之類。
攪衣D，你就預左架啦。不過，唔計意識形態，你去睇過個展，就知佢係連最基本既野都唔合格。
咁我早排用左15分鐘，極速行完個展，影左幾張相，你就會見到個問題係邊﹕
咁官方話要預兩個鐘先行曬個展；咁你要仔細每樣野都去睇，就真係要咁多時間。之但係，我行左15分鐘，其實都真係覺得好唔對路。
你睇上面兩張相，其實就好形象化成個展既基本問題。
兩段文字，都係香港咩交通建基個SECTION度影出黎。
你睇段字，其實係想講咩﹖
佢真係報紙caption，看圖寫字呀﹖
第一張相，講香港幾條海底隧道，你列曬每條隧道幾時通車，邊度去邊度，個用意係乜﹖
第二張相，講幾間巴士公司邊年成立，再講紅VAN幾時合法化，對黎睇展既人，又有咩意思﹖
你叫我默書考試測驗背曬佢呀﹖
你個展係叫香港故事，重點係「故事」。要看圖寫字，我求其問AI張相係咩黎就得啦。
即係，你個展，所有野PRESENT出黎既目的，背後都要有脈絡，講返香港某時某事之類既歷史背景，背後有咩「故事」，咁衣個先係「香港故事」。
最老套講，你講得三條隧道，就緊係要講未有海底隧道之前，打風落雨，係港島返工既人就返唔到九龍屋企；隧道開左，甚至有埋地鐵，市民工商生活點轉變。
你想唔悶，以往香港D館一直以黎既手法就係，整幾段粵語殘片，講想當年D友打風冇船過海要點點點。你而家求其到，連咁都唔整個野出黎﹖
至於你講巴士講紅VAN，你要講紅VAN合法化，就點都要講六七暴動巴士停駛背景 -- 你唔講六七暴動，米講反英抗暴反殖民地高壓管治囉，不過有咩理由唔連埋成個「故事」去講﹖
衣個，先係成個展既問題 -- 佢連最基本既脈絡都唔講，成個展就係好多相呀好多道具呀好多多媒體好好玩呀，不過擺出黎就唔知做乜。
我已經唔講，成個展既展示安排係幾咁混亂，連個歷史「故事」順返小小次序都講唔到出黎。
之但係，丁公之前攪既上一代香港故事，就真係有地位，真係做得好，真係令人尊敬，所以行內甚至行外人先尊稱佢做丁公 (拿，應該係尊稱掛，我都唔知衣個稱呼係點黎，WIKI都冇講)。
而家個香港故事攪到咁，就真係引證好多野 -- 上面條LINK阿程翔就講左啦。
即係，當年我都好似跟過丁新豹定唔知邊個行香港墳場 (除左丁公，我記得仲有人攪過既)。咁你繼續做墳場研究，寫下香港有幸埋忠骨米好囉。
而家，你個忠骨同腰骨係邊﹖
ANYWAY，手痕，講起忠骨，就順手搵下張自忠個墳係文革有冇比人挖過，竟然見到鳳凰網差唔多廿年前咁大逆不道，講D咁既野喎﹗乜大陸唔係刪左好多網既咩﹖做咩咁失策呀。
又不過，如果張自忠個衣冠冢佢個碑移左黎香港，丁公又可以歌頌鳥 -- 至於係大陸文革時比人挖左，就是但啦。
總結，都係個句，官方既歷史官方既香港故事，係而家個時代下，就緊係咁架啦。不過，你唔講咁多野，甚至好多野唔參與，其實係唔會死的。
你有咁多興趣咁多野可以做，為乜係都要痴埋去呢﹖
我好多時對程翔既野都麻麻地。不過，直接copy返上面條LINK，就真係，「這是筆者覺得最無奈也最可惜的一人」。
當然，佢痴得埋去，但係都冇劉智鵬之流咁核突，甚至都仲有小小身段，都算係咁啦。
唉。
************
最後，之前講開香港爆水管，講到好多野夠期就要換。
其實，你將我好多之前講既野加埋，都係成個城市要面對既問題，跟本就係一個大POLICY來的。
即係，無論係我之前講既舊樓維修重建，又或者係高齡公屋重建，其實全部都係衣個城市老化既問題，好多野夠期就要處理。
香港唔同外國。
你見西方國家，好多野可以唔處理，或者用唔同方式保留，或者小修小補去處理，米是但囉；你要發展新野，米搵城市中心既鄰近地方囉。香港，同好多大城市，就係衣度最唔同 -- 當然，你話而家又熱浪又乘，倫敦巴黎要繼續衣種方式，就真係.....如果未來幾年全個夏天都30度甚至40度以上，咁裝冷氣緊要D丫，定唔好理建築物外觀改曬成個建築供電系統緊要D丫拿﹖
當然，舊建築唔改，都可以城市再擴張，係外圍興建返適合人類夏天居住既地方掛。
之但係，香港要擴張﹖你唔係講緊北都丫麻﹖而家講緊既係，市中心或者好多新市鎮，係有好高密度既公屋，真係就黎好多都有50年樓齡以上的鳥。你望下彩虹隔黎既坪石，就真係，WELL。
再再再講返香港。
而家講緊五年規劃，你估會唔會講都市更新既問題丫拿﹖
緊係唔會啦，香港有頭一二等大事丫麻。
ANYWAY，好多野，其實都係個句，萬變不離既。
************
真係最後，今朝睇到易思行衣篇文，佢QUOTE完FT再有小小自己野。佢個POST第一句是咁的﹕
FT 報導指出，S&P 預估北部都會區未來數年開支將超逾 3,600 億港元，遠高於官方預算的 2,240 億，當中約 1,400 億更要由政府相關機構（如港鐵及公營機構）承受。
其實呢，唔需要FT，你求其搵最大個幾項相關工程新聞，都已經估到鳥。
FT 報導指出，S&P 預估北部都會區未來數年開支將超逾 3,600 億港元，遠高於官方預算的 2,240 億，當中約 1,400 億更要由政府相關機構（如港鐵及公營機構）承受。
其實呢，唔需要FT，你求其搵最大個幾項相關工程新聞，都已經估到鳥。
即係，港鐵北環線第一期古洞就已經要3百億，跟手瑞銀之前已經估左，加埋第二期就要過千億啦。
跟手你睇之前中電講左，淨係未來5年北都投資又25億，再之後幾年又幾多億丫拿﹖你計埋媒氣呀電訊呀之類，加埋又可能百億啦。
再跟手，咩叫公營機構﹖米係科技園公司囉。
你仲未計，政府個河套園區投資公司，我都唔知當唔佢係公營機構 (科技園公司係公營機構，咁河套區投資公司唔係﹖)；再跟手係，港投公司唔駛波叔講野，佢都一定會落手啦，咁又唔知幾多百億。
衣度，加埋就1,400億，都唔係好大條數，亦都唔係好多野啦 -- 唔講咁多，一開始，淨係港鐵，第二期北環線都接近成千億。
ANYWAY，易思行講咩四大核心錯配，講咩「1) 財務承擔的錯配：地方債務轉移至公營機構」，咁唔駛你講啦，下麻。
又之但係，冇咩既，都係個句﹕中電投資成25億落去北都，有好重既財務承擔喎，又如何﹖佢有准許回報8%，已經係你打字時，透過電費開始收返，收足你幾十年鳥。
港鐵一樣，米加價囉。如果港鐵真係有日債務爆出黎，米改過可加可減機制囉。唔通佢加價，你會唔搭地鐵﹖
咁你話，究竟係「地方債務轉移至公營機構」，定係「地方債務轉移落韭菜身上」呢，就真係，你自己諗下啦。
你諗唔到的話，不過都應該仲記得，機管局話要起三跑，咁個債務好大部份，係邊個比左架呵﹖
唔記得既話，你問下機管局，佢今年除稅後又有20.43億溢利，今次又派5億比政府 -- 咁究竟幾時會減返向旅客收個三跑機場建設費呢﹖
上年我講過衣樣野，真係唔好回帶再講啦。
當然，你睇上面條LINK，上年阿陳含賓都仲有講兩句；今年，真係冇人理機管局賺幾多的鳥。
真係你老尾丫，又搵咩「香港社會創投基金擔任社區營造顧問」，真係擺明送錢，再加塞住外人把口，有咩就去搵顧問唔好搵市建啦。
係有限既內文仲係咁寫﹕
特首李家超在剛過去的周日，出席香港首個五年規劃及施政報告地區諮詢會，提出考慮設立獨立、專業的代辦機構，幫助巿民處理屋宇大維修，巿民只需要「夾錢」。此一說法在網上引發關注，擔心由官僚機構進行維修，會否欠缺效率令成本大增。有官場及政界人士對此一提議亦感訝異，事關宏福苑大火後，政府提出改善現行巿建局「招標妥」制度，推出「加強版招標妥」，並因此向巿建局撥款1億元，有關機制研究多時，本打算在本月公布，現在特首考慮設立獨立專業的代辦機構，是否意味「加強版招標妥」要推倒重來，對此至今未有一個官方說法。
之後入面既內容，要比錢，睇唔到。
ANYWAY，講返易思行，至於佢講既咩其他錯配，再講咩郵輪碼頭咩港珠澳大橋例子，就米傻啦。
**************
真真係最後。
唔好講笑，早兩日睇FB講花墟天光墟，竟然有人講話，市建局早排入紙申請放寬花墟項目個地積比，將個項目既商用面積減小，增加返個住宅項目。
咁一睇，市建局就真係厲害，真係玩D咁既野。
WELL，我之前唔記得邊個POST都講過一兩句，話市建局年報交代計劃發展項目既預計單位數目時，其實有好多方法增加個單位數目架啦。而家花墟項目由公佈到收樓一刻，其實好多年咩﹖
去到要賠錢個一刻，我先話要再改個發展計劃，增加個住宅單位數目，其實就真係好醒目，好多人收左賠償，我再改計劃，就唔關你事。
咁，即係，都係個句，係私人市場，計既係重建潛力，你潛力大，個官就要我賠多D。至於市建，其實就冇衣樣野既，不過而家竟然話，「鑑於當前市場需要和辦公室供應過剩，該局已檢討發展計劃」。
咁我就要問，佢早兩年提出項目時，個市場辦公室供應好好咩﹖當時已經知道，同區洗衣街前水務署個盤仲要已經起緊添，你個時唔知架﹖
ANYWAY，頭先SEACH上面市建新聞時，竟然見到衣樣野﹕市建局聘社區營造顧問 諮詢地區持份者 探索花墟長遠可持續發展。
真係你老尾丫，又搵咩「香港社會創投基金擔任社區營造顧問」，真係擺明送錢，再加塞住外人把口，有咩就去搵顧問唔好搵市建啦。
衣個社會創投基金，阿主席魏生，我唔講你衣檔野啦，不過你有份攪個檔全城街馬，就年年比賽，年年個標題都係安排混亂行李安排亂黎連獎都頒錯。
你衣壇野，我唔理你用社企名義去攪，收咁多報名費，究竟有冇錢賺，或者幾多報名費用左落去行政開支或者其他供應商到。
我淨係想話，你攪好街馬，之後先攪花墟啦 -- 當然，花墟既咩可持續發展，其實係咩社區營造話事咩﹖
咁多年花墟發展，都係 繽紛 (即係你係洗衣街太子道過馬路一入花墟就見到最大有幾層個間花舖；佢仲有幾間分店的) 同幾間大野，自己攪掂架囉。
真係，關你咩官方咩公營機構咩社企事﹖
你市建係花墟攪個咩太子道西唐樓活化，就真係食左屎好耐啦，下麻。
**************
我個題原本淨係「隨口UP兩句」。
不過，市建太出色，我忍唔住要加多兩隻字。
ANYWAY，差D唔記得講，之前政府送比市建庇利街塊地，出左標中海外中埋標啦。HK01個題係﹕中海外69億奪市建局紅磡庇利街 每呎地價9362元 高估值上限19%
即係咁，HK01內文就話，「截標前市場對該用地的估值約44.2億至58億元，每方呎樓面地價約6,000至7,870元」，咁我之前講 東九龍線時，已經講到「我好相信，茶果嶺啟德兩塊地唔止8000蚊，事關附近茶果嶺koko hill 2016年個時都要近8000蚊」。
咁庇利街衣塊地，過$8,000好奇咩﹖
咁庇利街衣塊地，過$8,000好奇咩﹖
佢入面近D土瓜灣站個幾塊地 -- 即係我成日講既榮光街項目 -- 早幾年最低個價都要8千5蚊啦。衣塊地係遠市中心，不過夠大夠工整有海景，咁又點會係咩市場預估「6,000至7,870元」。
當然，中海外玩到9千蚊樓上，就真係，係維港兩岸插旗囉。
又不過，市建局財赤﹖
米繼續送地比佢，除左可以不停開項目之外，佢又可以派錢請多D唔同既顧問做九唔搭八既研究計劃，廣結善緣囉。
**************
補多句。
特首李家超在剛過去的周日，出席香港首個五年規劃及施政報告地區諮詢會，提出考慮設立獨立、專業的代辦機構，幫助巿民處理屋宇大維修，巿民只需要「夾錢」。此一說法在網上引發關注，擔心由官僚機構進行維修，會否欠缺效率令成本大增。有官場及政界人士對此一提議亦感訝異，事關宏福苑大火後，政府提出改善現行巿建局「招標妥」制度，推出「加強版招標妥」，並因此向巿建局撥款1億元，有關機制研究多時，本打算在本月公布，現在特首考慮設立獨立專業的代辦機構，是否意味「加強版招標妥」要推倒重來，對此至今未有一個官方說法。
之後入面既內容，要比錢，睇唔到。
不過，都係廢話。
因為，個題同內文就引證左樣好簡單既野﹕
阿家超真係隨口UP，人講乜佢就講乜，話係好建議會思考囉。
其實，原因就好簡單﹕唔識，米唔好公開講咁多，廢事自己又條件反射，講多錯多囉。
至於你話，「此一說法在網上引發關注，擔心由官僚機構進行維修，會否欠缺效率令成本大增」，咁真係唔洗講﹕我之前都講過，官方代辦，真係條標仲好圍。
至於你話，「此一說法在網上引發關注，擔心由官僚機構進行維修，會否欠缺效率令成本大增」，咁真係唔洗講﹕我之前都講過，官方代辦，真係條標仲好圍。
我唔再講官方代辦機構係米要決定埋維修項目，甚至維修要用咩物料。
我就當業主有權做個大概決定，決定有咩項目先要維修，甚至指明，例如鋪外牆大概用咩紙皮石都好。
我係承建商，我唔洗圍標，不過全部用最靚既野用最高施工標準，慢工出細貨，確保你代辦機構唔好咩獲，咁係米大家都有著數先。
如果唔係，要我將貨就價，過左或者未過保養期D野都甩漏，咁係米你個官方代辦機構負責要咩獲﹖
大家都唔想既話，就唔該爽手D啦 -- 爽手D比錢呀。
所以，衣D咁簡單既principal-agent problem，只要你唔係條件反射式思考，或者只要你唔係低低能能以為有權就可以用盡之後就咩問題都解決曬，或者成日以為「阿sir做野唔洗你教」，就會知道，越多agnecy，就越多問題。
衣度已經話比你聽，「成本大增」，唔係因為效率問題，而係因為責任，因為邊個要唔要咩獲既問題。
所以，衣D咁簡單既principal-agent problem，只要你唔係條件反射式思考，或者只要你唔係低低能能以為有權就可以用盡之後就咩問題都解決曬，或者成日以為「阿sir做野唔洗你教」，就會知道，越多agnecy，就越多問題。
衣度已經話比你聽，「成本大增」，唔係因為效率問題，而係因為責任，因為邊個要唔要咩獲既問題。
唔洗咩獲，我米大茶飯派錢比你囉。
你唔知我講乜﹖
你知咩係科技卷咩叫創科資助架麻﹖政府要發展科技，派錢，係唔需要咩獲的。就算有人扼資助，都係佢地既問題，同我點派錢，是無關的。
**************
完。
**************
完。
