近排睇新聞，發展局常秘何女士，其實都語出驚人架。
佢近排講到白石角站，講到咁樣﹕
政府公布白石角站選址。發展局常任秘書長何珮玲表示，坊間最初有誤會，以為會在教大運動場建站，其實當局並無這個傾向，認為新選址較近科學園，建站效益最大。
藉此機會，我們認同應改善白石角和科學園一帶的公共交通接駁。政府會邀請香港鐵路有限公司（港鐵公司），研究以現時位處白石角的香港教育大學（教大）運動中心用地為基礎，興建新的東鐵線科學園╱白石角車站，並按教大早前要求重置運動中心到大學本部附近的地點，方便同學使用。
至於白石角站又要用兩塊地做補貼，就預左啦，下麻。
佢近排講到白石角站，講到咁樣﹕
政府公布白石角站選址。發展局常任秘書長何珮玲表示，坊間最初有誤會，以為會在教大運動場建站，其實當局並無這個傾向，認為新選址較近科學園，建站效益最大。
咁你話，林鄭係2021年公佈施政報告時，佢係點樣宣佈展開白石角站架話﹖林鄭係2021年施政報告咁寫左出黎﹕
藉此機會，我們認同應改善白石角和科學園一帶的公共交通接駁。政府會邀請香港鐵路有限公司（港鐵公司），研究以現時位處白石角的香港教育大學（教大）運動中心用地為基礎，興建新的東鐵線科學園╱白石角車站，並按教大早前要求重置運動中心到大學本部附近的地點，方便同學使用。
當然，你緊係可以話，我講既係「基礎」JAK，咁個站搬去近科學園甚至搬埋去大學站隔黎媽住上落，我都吹你唔漲既，你想點米點囉。
至於白石角站又要用兩塊地做補貼，就預左啦，下麻。
甯漢豪話咩「石角站取消建公屋 甯漢豪稱融資不易 與周邊氛圍「唔係好夾」」，就求其啦。好多人抽水講啟德，就是但啦；融資就，香港有咩係「比塊地你」解決唔到既﹖
近幾單新道路工程都係咁（將藍/中九龍/粉繞），路政署好急收貨，好多週邊都未完工。 工程合約價低者得，唔夠價又趕起貨，邊有人執靚佢。
之前青沙都玩到有判頭走佬，收貨遲左不過無爆鑊姐
***********
講起厚面皮，又講起中九龍幹線，其實就仲有單。
早排中九龍幹線隧道入面有拖頭自炒，主要原因就當然係條友擺貨擺得衰啦。
不過，唔記得邊到睇到，有個唔知咩拖頭協會既人，竟然夠膽死同記者公開講話，條幹線路面鋪得差，有好多暗斜灣都係原因之一。
衣位人兄，真係要比掌聲佢，可惜搵唔返邊到睇到。
不過，你求其搵，其實係人行過條幹線，都話佢個路面鋪到好似玩水上樂園咁，成條路都唔平。
所以，你見路政署耐唔耐就話中九龍幹線扲到國際獎項，就真係要小佢老尾 -- 冇錯，中九龍幹線成個工程係好複雜，做得出黎都好勁。之但係，有乜可能係最「細微細眼」，但係最影響用家既地方 -- 即係會唔會影響行車安全既地方 -- 可以做得咁差﹖
你唔講條隧道本身，其他附帶工程，都係一絕。
你睇衣個上年尾海泓道泥頭車翻側，都應該屬於中九幹線其中一部份工程 -- 條路開左幾個月，就已經炒大獲鳥。
你冇行過都好，去睇下包師傅同D友點講，就知近年路政署設計路面班友，真係天才黎架，衣個位會炒車，就真係預左的。
再唔係，離小小題，你睇埋車CAM人早排又走去試粉嶺繞道，你就真係知道，而家既工程管理係咩樣，好多野，目標為本，政績行先，比班官影左相先再講。
至於入面有個COMMENT話﹕
近幾單新道路工程都係咁（將藍/中九龍/粉繞），路政署好急收貨，好多週邊都未完工。 工程合約價低者得，唔夠價又趕起貨，邊有人執靚佢。
之前青沙都玩到有判頭走佬，收貨遲左不過無爆鑊姐
咁衣D係米事實，就唔知啦。
不過，中九龍繞道仲有一系列既工程，個D咩花園平台上蓋下世先攪掂就唔好理啦。之但係，你去中九幹線個網頁睇，佢D機電大樓工程原本就話2025年攪掂，不過而家要2027年啦，咁又都唔好理啦。
又再之但係，佢個加橋隔音平屏障上蓋幾時先攪掂，仲要夜晚封路封到幾時呢﹖佢話2026年攪掂，就都仲好令人懷疑。
***************
完。
沒有留言:
發佈留言