冇錯，波叔係好多問題，甚至講出黎既野好多都係邏輯上有問題，唔可以自圓其說﹕除左上個POST講既乜春經濟周期下稅收平穩之外，佢近排仲有形到講話，陸路離境稅仍在設想階段可再商量，就真係痴曬線 -- 原來預算案入面講出黎既係建議，政府可以隨時再改架喎。
香港政府幾時變得唔係行政主導，咁聽意見架﹖
又不過，其實我地唔應該鬧波叔。
**************
之前都講啦，其實比家超既施政報告已經攪到好似預算案咁，好多濕濕碎碎既野，阿家超都要講埋。所以，阿波叔作為財政司又可以有幾多自主呢﹖
再者，係人都知香港根本冇財力攪北部都會區架，不過家超講左要攪，家超個老細夏生之前仲親自督軍，成個港澳辦中聯辦仲拉大隊去考察，咁如果你係波叔，你可以點﹖
所以，波叔係廢，佢自己講既野係好多時九唔搭八，前後矛盾，邏輯有問題。不過，佢都係收ODER辦事，係個框框之下，佢根本冇野可以做到啦。
**************
上面兩段，其實就係早幾個禮拜打既草稿。咁而家長話短說，講下UPDATE既野。
**************
阿炳強去泰國冇刊憲單野，就證明我係先知。
我係先知，因為我之前評副局去泰國時都話，如果有咩成果，阿炳強就會自己去啦，點會輪到副局。
咁今次炳強真係去左，不過又真係弱智左，攪到冇人記得佢所謂既救到人，淨係記得佢發爛渣鬧記者 -- 佢去泰國冇刊憲單野，估唔到可以講成個月，都仲要做反駁隊反駁明報。
其實明報駛咩咁傻咁天真，咁認真講道理呢﹖
當炳強話，「營救關乎被禁錮港人的生命安全、行動有隱蔽性，事前公開會影響拯救行動，亦影響了生命」，咁你只要咁樣反問就可以﹕
你點知自己去泰國要幾耐﹖你知唔知泰國唔係所有地方收電話都收得好好﹖咁如果你去泰國期間係香港有危害國家安全既事發生，咁到時如果真係搵唔到你，動用唔到只有保安局長可以動用既法定權力去應對，咁樣係米危害國家安全﹖究竟有咩重要得過國家安全﹖你有冇國家安全既意識﹖你係米置國安不顧﹖
完。
******************
巴拿馬單野又係值得講。
巴拿馬單野又係值得講。
值得講既係，今日連阿張良都痴左線，竟然係度附和唔知邊個放風比HK01同明報既所謂分析，係度講D咁既野﹕
自由市場不等於政府不予規管，美國的反壟斷和反合併法律，及美英澳等國可以國家利益或安全為由阻止一些外資收購本國戰略性的企業（如能源、高科技）和基建設施，乃典型例子。2016年澳洲政府否決長江實業和中國國家電網公司聯手收購澳洲電力公司Ausgrid 50.4%股份的計劃，指不符合澳洲「國家利益」。政府可藉法規以至勸喻影響企業的「商業」決定，如2020年在英註冊的匯豐控股受指示決定不派息，以配合當時英國政府的金融安全部署，犧牲廣大小股東（包括香港）和外資股東（如中國平安保險）的利益。
我真係唔洗查外國相關國安法例，我都好可以肯定講，上面講既野根本唔可以同長實單CASE比。
大佬呀，唔好咁磁能線啦。
澳洲否決外國公司收購澳洲電力，又或者美國反對日本仔收購美國鋼廠，反對既係外國公司收購本地企業丫麻 -- 張良自己都講話「阻止一些外資收購本國戰略性的企業」。
而家長實做既係乜﹖係賣非中國及非本地資產港口。佢又唔係收購，佢更加唔係賣其他國家「本國戰略性的企業」，咁其他國家會嘈乜春﹖就算嘈，都同佢QUOTE既咩法律規管無關囉。
所以，長實都醒，留返大陸同香港既碼頭係冇賣到的，咁你用外國例子就只有證明自己係弱智，或者係諗唔到點講要九唔搭八搵例子。
當然，如果你好似大陸或者葉劉李慧琼之流講話，長實賣外國資產都要考慮中國國家利益，咁你係米即係同全世界政府講，以後大陸或者香港公司 -- EVEN係巴拿馬定唔知邊度註冊架下 -- 收購你既資產時，都會代表中國政府利益，所以衣個唔係單純商業行為，你以後要小心評估呀下。
你唔洗早講，不過而家都講左啦，咁比亞迪吉利電池廠仲想收購咩外國公司，我至愛既中遠集團要收購外國港口，咁外國政府係米以後都要考慮埋國安呢﹖
係既話，快D同德國佬講，提下佢地，中遠收購漢堡港碼頭時同埋日後會考慮國家 --即係中國 -- 既利益架。
再唔係，而家李強話中國歡迎外資，咁唔講大陸，講香港，青衣塊物流用地比新加坡中左標；除左衣樣，衣排又不停宣傳法國飛機零件公司黎香港啦。
咁如果有咩國際乜春地緣政治衝突，咁到時係國家利益面前，丫，又會點呢﹖係既話，早D同衣班鬼子佬講呀。
******************
******************
題外話。
你睇阿張良，除左講咩外國法律，最尾又要講咩「李強總理鼓勵外資企業深度融入中國市場，並盼美方與中方務實合作」，跟手最尾再講咩不同處理手法，但係就硬係唔夠膽講自己睇法，就真係煩。
冇人叫你野野出黎做國師既，拆唔掂米唔好講囉，一定要搵野講既咩﹖
阿甯漢豪走出黎講﹕正研究就修改地契「補地價」推出「按實補價」，即按實際興建規模而非最高樓面面積釐定補價金額，「目的是讓一些發展早日可以『去馬』和成事」。
第一太平戴維斯估值及專業顧問服務董事總經理陳超國直言，「按實補價」有利分期發展的大型項目較易達成補地價協議，因為毋須預先就日後才動工的期數補地價，可減少各方對未來估算的分歧，降低發展商財務壓力及風險；相信發展商的項目發展速度可因此加快，尤其市區項目，例如多間發展商以財團形式籌備的油塘灣大型住宅項目，待容許分期補地價，有助加速發展。
陳超國補充，非市區及不必分期發展的項目則不會受惠「按實補價」，發展商往往會用盡地積比率；「按實補價」非新事物，沙士後政府曾容許工廈分期補價，讓用家可按需要擴充產能，能吸引投資。
第二個措施是一個較創新的概念，叫「按實補價」，英文稱pay for what you build。如果大家記得，其中一個轉型的問題，是要付十足的地價，這些工業大廈的地積比率往往相當高，因為是很久之前興建，而當時容許很高的地積比率，達至十五或十二倍。我們一向的土地政策是地盡其用，換句話說，土地的收入亦要盡量地盡其用。無論業主選擇興建多少倍的樓宇面積，例如他不想建至十五倍，建至八倍已足夠個人用途，我們在補地價方面，都是以最高的十五倍地積比率徵收地價，所以令到重建要付地價的入場費相當高。「按實補價」的新概念，是由業主自己提出希望興建的密度、樓面面積等，地政總署會按照他們希望興建的樓面面積徵收補地價。
WELL，當年活化工廈個D地既地積比率係幾多﹖北都個批新界農地既地會係幾多呢﹖
******************
講返正題。
當然，誠哥單野有幾個POINT都冇咩人講，或者唔敢講啦。例如，我上面講既，佢冇賣香港同大陸碼頭，所以講咩外國 國安例係點，就係磁能線啦。
唔係一般評論講既，話咩誠哥澤鉅都話經濟前景唔掂。
句野最緊要既implication係，阿爺叫我投資北都﹖唔好意思喎，我要限制資本開支及新投資喎。
我知長和唔係長實，不是有咩分別﹖再者，長和都係攪開物流港口零售電訊甚至生物科技好多野，而家限制資本開支，咁北都你自己玩啦。
SEE﹖
所以，單賣港口DEAL點會唔繼續﹖我連北都衣壇野都唔理你，其他我駛理你﹖
亦所以，點解中聯辦港澳辦衣期咁落力媽差長和，我估衣個先係更加重要既原因。
亦當然，我都同意羅尚沛所講，賣唔賣港口就唔係最令皇上震怒。最令阿皇上震怒既係，你怕侵侵都唔怕我﹖侵侵講兩句你就要賣野，你唔怕我嬲架﹖
********************
講起今日既明報，今日有樣新聞又係好重要。
阿甯漢豪走出黎講﹕正研究就修改地契「補地價」推出「按實補價」，即按實際興建規模而非最高樓面面積釐定補價金額，「目的是讓一些發展早日可以『去馬』和成事」。
衣樣真係好重要，亦都好痴線。
如果衣個做法係落實的話，咁以後賣地係米又係「按實際興建規模而非最高樓面面積釐定賣地底價」﹖
政策上，賣地同補地價係同一邏輯，都係發展商扲塊地去做某些野時要比既地價。
如果你話衣個唔係一般政策，而係特事特辦，「目的是讓一些發展早日可以去馬和成事」，咁咩野係「一些發展」可以特事特辦呢﹖
真係磁能線架喎。
如果要政策講得通，唔講咩特事特辦，咁以後係米有咩地皮要賣啦，咁按最高可興建樓面個政府底價係4千蚊既，不過有發展商入標時就講明我淨係會興建7成樓面，咁到時個底價係米變左做3千5蚊﹖
係既話，又算唔算冇違反阿寗漢豪隨口UP既，政府唔會賤賣土地 -- 當然，而家個「按實補價」，已經唔知算唔算賤賣鳥。
又再當然，小你老尾啦，無論係補地價又或者賣地都好，明明塊地可以用盡PLOT RATIO，而家為左要「早日可以去馬」而用唔盡個plot ratio，咁就算唔係賤賣土地，都係浪費土地 ----- 咁既話，你就唔好講話咩香港土地好珍貴呀，我地要一地多用呀，我地就算經濟環境唔咩理想不過都要做地穩定個土地儲備呀，之類啦。
真係磁能線架。
你睇劉國勳係個報導入面就擺明唔識，政府講乜差佢都話好啦。衣單野，其他發展商都會話好架。
你見新聞入面，阿林健鋒仲要扮勉強收貨，講到分期比地價仲有用 -- 而家去買電器買生果呀﹖咁不如投得越多地折扣就越多，甚至送埋幅地比你丫﹖
咁呢，我衣幾日真係會特別留意新聞，睇下有冇人會講衣單咁痴線既野，定真係冇人留意冇人識 -- 識既地產商就緊係留意，仲拍曬手啦。
*********************
題外話。
你見呀第一太平有人咁出黎講，就真係可以講兩句﹕
第一太平戴維斯估值及專業顧問服務董事總經理陳超國直言，「按實補價」有利分期發展的大型項目較易達成補地價協議，因為毋須預先就日後才動工的期數補地價，可減少各方對未來估算的分歧，降低發展商財務壓力及風險；相信發展商的項目發展速度可因此加快，尤其市區項目，例如多間發展商以財團形式籌備的油塘灣大型住宅項目，待容許分期補地價，有助加速發展。
陳超國補充，非市區及不必分期發展的項目則不會受惠「按實補價」，發展商往往會用盡地積比率；「按實補價」非新事物，沙士後政府曾容許工廈分期補價，讓用家可按需要擴充產能，能吸引投資。
佢話「非市區及不必分期發展的項目則不會受惠「按實補價」，發展商往往會用盡地積比率」，咁我都有D懷疑。
用返最經典既新地西沙項目為例，如果當年有按實補價，新地會唔會比咁多錢過百億去做補地價﹖中間佢唔攪咁多野既話係米唔洗攬咁多公共設施上身丫拿﹖
又而家元朗咁多供應，仲講緊南生圍都要起樓啦，你估發展商會唔會用盡個PLOT RATIO，定係忍手控制住個供應唔起盡順手扮豪宅起多D屋仔丫拿﹖
至於佢講話咩工廈分期補價之類，我印象中係唔同野黎。搵返當年個活化工廈發言，睇返當時發展局局長阿林鄭點講，就知根本唔係同一樣野。
當年活化工廈有項好重要既分別係，個發言自己咁講﹕
第二個措施是一個較創新的概念，叫「按實補價」，英文稱pay for what you build。如果大家記得，其中一個轉型的問題，是要付十足的地價，這些工業大廈的地積比率往往相當高，因為是很久之前興建，而當時容許很高的地積比率，達至十五或十二倍。我們一向的土地政策是地盡其用，換句話說，土地的收入亦要盡量地盡其用。無論業主選擇興建多少倍的樓宇面積，例如他不想建至十五倍，建至八倍已足夠個人用途，我們在補地價方面，都是以最高的十五倍地積比率徵收地價，所以令到重建要付地價的入場費相當高。「按實補價」的新概念，是由業主自己提出希望興建的密度、樓面面積等，地政總署會按照他們希望興建的樓面面積徵收補地價。
WELL，當年活化工廈個D地既地積比率係幾多﹖北都個批新界農地既地會係幾多呢﹖
我冇CHECK啦，不過就算個批工廈地就算唔知點解活化或重建都可以做15至20倍地積比率，但其他城規採光通風一定唔會比佢做到，所以先可以或者被迫「向下」「按實補價」囉。至於新界批農地，你話個地積比率係「向下」定「向上」﹖你自己睇下早幾年施政報告點講。
再者，林鄭當年講既係「土地政策是地盡其用，換句話說，土地的收入亦要盡量地盡其用」。而家北都既農地一定係「向上」補價，咁係新版本既「按實補價」，又係米地盡其用呢﹖要用得「按實補價」，就一定唔係用盡個PLOT RATIO啦，咁點會係「地盡其用」﹖
另外，阿團結基金葉文棋就精彩呀，佢係同一段新聞咁講﹕
「按實補價」為創科產業設施的發展提供更多彈性，個別設施如研發中心和生產廠房等，未必需要用盡地積比率，因此措施應有助減少相關企業的現金流壓力，增加其落戶香港的誘因。
咁即係將來北都有塊地，有個企業話我用唔盡地積比率，或者我既現金流儲備比唔起錢買成塊地架，不過我研發好勁架，生產既野又好值錢架，所以政府批塊地比我喇 -- 即係我比唔起錢，但係我好勁，就批地比我。
咁政府究竟用咩標準批地，用咩標準選擇咩企業「增加其落戶香港的誘因」呢﹖咁又究竟要滿足咩最低使用地積比率，政府先會批塊地比佢呢 -- 大佬，都係個句，一方面話香港唔夠地要發展土地儲備，另一方面有人用唔夠塊地既PLOT RATIO我都要比塊地佢喎﹗
林鄭當年既活化工廈，就冇衣個issue，真係「地盡其用」囉。
不過，都係個句，一攪咁多野，就好多人發大財啦。真係精彩。
ANYWAY，至於分期補價，林鄭講既係「業主如果申請修訂地契而補地價，如補地價超過二千萬元，我們容許分五年來攤付補地價。具體來說，首先需要付百分之二十的首期，剩餘的百分之八十可以分五年，在每年年尾繳交」。就咁睇，佢主要針對既應該係改裝工廈，咁同真係重建補地價唔同囉。
********************
ANYWAY，上面活化工廈講既措施，其實同北都發展跟本係兩回事。北都個批大部份係農地，亦都唔係成棟建築物改裝囉。
所以，北都發展補地價，本質上就係同賣地冇分別。既然係咁，如果北都可以係農地上玩「按實補價」，咁以後一般賣地係米都可以用佢個「按實補價」邏輯去訂底價﹖
*********************
最後想講衣個醫療收費改革。
盧寵物真係好野。
佢月中就講話，以後公立醫院要照CT照MRI之類要收費啦，因為而家好多濫用呀過度使用呀，所以應該要收費呀令到緊急病人可以優先使用衣類服務呀。
真係仆佢個街丫。
之前係度講施政報告時，都比左條LINK出黎，而家照衣家野，全部都有分第一二類優先同埋例行個案，第一類仲要只係等一兩個禮拜，第二類要等耐D，例行既先要等幾年，咁本身個制度就令到緊急病人係優先架啦。
再者，衣類野你話照就照架﹖你行入去除曬衫就比你照到架﹖唔駛醫生寫紙架﹖咁你講既濫用，係醫生冇把關濫用呀﹖
咁而家收費啦，對衣類緊急第一類優先，原本就已經可以優先去照既，會有咩影響，會點快左呢﹖
**********************
到衣兩日講公營醫療收費改單，又係一絕。
我贊成加收費既。不過，點解咁多人會夜嬲嬲非緊急情況都會去急症室，就連班弱智既尊貴都知道一半 -- 而阿盧寵物就知都唔夠膽講，或者解決唔到，所以開頭唔敢講啦。
即係，阿弱智既陳凱欣都識同你咁講﹕
選委界陳凱欣指，今次改革幅度大，但政府未解答市民如不前往急症室，夜間或假日可到哪𥚃求醫。以43萬人口的深水埗區為例，該區只有一間普通科門診開至晚上10時，深宵時間無服務；唯一私院寶血醫院門診服務亦只開到10時，並需提前預約。她指市民如有臨時醫療需要，除非跨區，否則只能到明愛醫院急症室，擔心若無充分替代選擇，最終市民負擔增加，輪候人數卻沒減少。
選委界陳凱欣指，今次改革幅度大，但政府未解答市民如不前往急症室，夜間或假日可到哪𥚃求醫。以43萬人口的深水埗區為例，該區只有一間普通科門診開至晚上10時，深宵時間無服務；唯一私院寶血醫院門診服務亦只開到10時，並需提前預約。她指市民如有臨時醫療需要，除非跨區，否則只能到明愛醫院急症室，擔心若無充分替代選擇，最終市民負擔增加，輪候人數卻沒減少。
米係囉，盧寵物或者好多友九唔搭八同你講，其實私院都有夜診有急症室。
不過，你夜嬲嬲搵個夜診比我睇下，係米咁易搵丫拿。旺角聲稱有24小時集團式診所，不過係流的 -- 衣樣係連阿醫學會會長自己都係上面條link入面咁樣講的。
再者啦，扮弱智尊貴唔知或者唔敢講既另一半既真相係，去私院，你又知唔知私院最出名係咩呢﹖
武漢肺炎個時就固然拒收小朋友啦，前排連阿方太發燒都比私院REJECTED，都係叫佢CALL白車入急症室 -- 我都係求其SEARCH就搵到阿方太例子，所以衣樣真係COMMON鳥，唔係個別例子。
咁你話，好多發下燒都要去急症室既，其實算唔算濫用呢﹖係米真係有咁多私院私家醫院替代呢﹖
當然，你可以好似上面星島條LINK阿政府消息人士咁講既﹕
政府消息人士則解釋，運作夜診成本很高，因未必晚晚有病人，若要求有夜診，病人也要付出更高成本，並舉例指小童發燒，其實有不同方法緩解，若吃成藥後也無法退燒，相信家長會有判斷是否再作其他醫療選項。
不過，就算你聽左阿消息人士既建議，阿小童發燒食完藥都唔退消啦，咁個「其他醫療選項」係咩呢﹖米係入急症囉，小。
再唔係，我求其SEARCH兒童發燒要點處理，阿基層醫療署竟然話，如果小童體溫超過40度以上，就要盡速帶小朋友到急症室喎。
**********************
提外話。
頭先SEARCH返衣兩日報導，上年竟然有個咁既標題咁有趣既報導﹕盧寵茂不解市民夜間求診 家庭醫生指傷風可留家休息。
佢講得出不解市民夜間求診，就證明佢食得屎啦。
即係，實有濫用架，好多報紙係對上一次急症室加價時都有講，我住係醫院隔離，明知睇傷風要排8個鐘，咁我訓唔著米夜媽媽兩三點黎扲籌，朝早再黎睇囉。
係有人濫用，不過點解衣條友傷風感冒排急症，而唔係好似阿家庭醫生咁講，係屋企等到朝早先去排醫院門診﹖
早十幾年開始醫院門診淨係可以電話預約，而家應該冇乜WALIN即日籌的。訪問入面阿私家醫生叫人等下朝早先預約門診，咁你試下預約比我睇丫拿，睇下你係米野野咁好彩搶到個籌丫拿。
已經唔講，好多安老院係送長者入醫院，因為唔想負責任，亦都唔敢負責任留個叫生叫死，有咩頭雲身慶既長者留係院舍入面 -- 丫，武肺個時安老院群組係點黎架話﹖個時死左幾多長者丫拿﹖
當然，我又同意阿醫生講既，傷風可留家休息 -- 不過你要分到自己係普通傷風定流感甚至係好似阿教育局局長咁講因為回南天而腸胃炎囉。
當你前排見到私家診所條隊排到咩事，或者睇左幾次都唔好，咁你排唔到門診走左去急症室排隊都可以理解既 -- 大佬，好似我咁，之前情願做抗生素戰士睇足一個月私家醫生，你估個度幾錢，同埋排左幾耐丫拿﹖
************************
講返正題。
好啦，講左咁多，盧寵物竟然係早兩日個PRESS完左之後，先同你講會將會有更多夜診架啦。
我理得你講咩「但這也是雞與雞蛋問題」，咁但係一個POLICY唔係要全盤講出黎 -- 而唔係要班垃圾尊貴講完啦，你先補飛再講。
當然，佢係個PRESS度講咩醫療費用減免。不過，醫管局自己都咁講﹕「醫管局發言人補充，目前30萬合資格病人中，僅一兩萬人成功獲費用豁免」。
而家小人申請，一黎真係煩，二黎真係就算濫用班友，其實都唔會得閒到個個月都要病都要去睇，咁申請黎真係無謂。所以，個所謂既減免係形式上做下樣。
就算醫管局同盧寵物不停講，話個安全網仲係度，將來甚至放寬個醫療減免，其實都唔會好多人申請。
事關，一黎就係唔會有人為左一年濫用個兩三次急症室而走去申請啦，二黎就係，你放寬左個門檻，其實個門檻都仲係度，望下HK01入面好簡單既表就知。
即係，唔好睇收入住。2人家庭冇長者的話，個資產上限係38.7萬，有1位長者個資產上限就係55.5萬。衣個資產上限好似好高，會好多人申請呀呵﹖
不過，綜援戶本身就唔洗申請啦。至於長者就自住物業唔計資產，不過多一層爛鬼唐樓就恭喜你 -- 你如果入左老人院得一層唔係自住樓呢，就我都唔知計唔計啦。
如果你行唔到樓梯所以將層唐樓出租，自己再用個租金出去租個有LIFT既單位住或者搬去同仔女住，咁就要更加加倍恭喜你，你一定申請唔到個醫療費減免。
所以，而家冇人申請個醫療豁免就係咁解，將來放寬左都唔見得好多人會申請。
************************
再者，邏輯上，你係唔想人濫用急症架麻。咁所謂濫用急症既除左綜援，最多就係低收入人士。咁你而家要再放寬個醫療豁免，咁個邏輯係邊﹖
我要減少濫用，但係我又要美其名有個安全網喎，咁米又整返個機制收返平D治療費用，咁囉﹖
*************************
ANYWAY，都係個句，我贊成公營醫院收費改革。
不過，盧寵物而家出到黎，都仲係好似唔知點解市民夜間要去急症室求診喎個種很傻很天真，你就會知道，佢真係明個問題係邊，真係想解決個問題，定純粹想減低個資助比率，即係想政府比小D錢，咁囉。
大佬，上面我已經唔講，你急症室加到4百蚊又點。佢知唔知而家係街睇私家醫生幾錢，夜診或者公眾假期期間，私家生生仲要貴幾多﹖
我肯定佢唔知囉。
************************
又再者，佢想用醫療收費令到所謂既讓急症室回復返去急症功能，其實唔係淨係攪收費就得。
就好似我早個POST咁講，預算案先CUT左個醫管局公私營合作種子基金，聲稱以後只係預算案保證個撥款。
咁，即係，你一方面又唔保證加強個公私營合作，係預防上做更多啦。咁另一方面，跟手又係治療上增加個收費啦，咁就真係好全面既改革囉 -- 當然，佢可以好厚面皮話，我要做既係公營醫療收費改革之麻，其他唔好理啦。
我已經唔講，早個星期宣佈個收費改革之前，阿基層醫療專員已經出黎贈慶，話個慢性共治計劃原來又係食緊屎，一成四參與家庭醫生停收新症。
政府講左好耐基層醫療，到而家都仲係講緊既階段，咁你話就咁攪急症室收費，個效果除左係搶錢之外，仲有咩效果呢﹖
我又已經唔講，當年講自願醫保時係講有埋醫療套餐，而家當然冇左件事，係個別醫院可能有類原素既PLAN啦。咁早排消委會出黎九唔搭八講話咩私院收費唔透明，其實又係返炒。
不過，政府攪唔掂衣家野，跟手就講話咩改善公營醫療減低資助率回歸乜春基本，其實就係廢話，加價只係搶錢。
所以，結論係，盧寵物醒呀，已經講定，以後公院收費兩年一檢 -- 上次2017年提高急症室收費之後，過左兩年其實已經冇效果，非緊急病人都係湧返曬出黎，所以佢就今次講定先 -- 係加價收回成本方面，佢就有遠見啦，其他改革配套就諗下先。
小。
*************************
其實仲有野可以講，不過打左好多字。
算。
*************************
丫，記得，衣樣真係好好笑，咁講兩句﹕
當年阿馬雲隻螞蟻名義上係點死架話﹖當年係資本無序擴張，違規放貸，鼓勵過度消費呀之類。而家金監總局要做咩話﹖
而家螞蟻都係唔知邊個，即係國家架啦。咁，係米要搵返呀馬生出黎，睇下點先可以刺激消費呢 -- 當然，阿馬生就緊係扮傻唔理你啦。
所以呢，好多野都好攪笑的。
阿誠哥先唔會同你傻。
*************************
完。
