其實呢，我想講既野，就難得呀李兆波已經講左 -- 佢成篇文，其實都係廢話，不過佢結論下面個句，其實就係我想講既野。個句係﹕
「香港仍有很多經濟數字未回到疫情以至2019年之前水平：恒指、樓價、零售銷售、餐飲銷售、旅客數字、失業率等。這已是5、6年前的事了，那麼施政報告能夠帶領香港到之前的興旺麼？」
咁所以，要評施政報告，其實衣句，再加衣個方向，已經可以評左大部份。
當然，就好似
上年我講施政報告入面提到既家庭月入中位數咁樣，我估今年個中位數都同2019年差唔多，唔會升到好多之餘，講實際可支配收入，就一定差過2019年。
原因﹖好簡單，你衣幾年交幾多稅呢﹖
**********
講稅，其實就係我想講既野。
好多人講咩JOBLESS RECOVERY，其實未必係唔識，不過就一定唔敢講。
你睇麥莘才次次出黎講廢話，就冇理由次次都唔識，淨係係度講咩「與外國相比，香港目前失業率在3%左右，「不算嚴重」」。
即係，香港所謂既JOBLESS RECOVERY，其實個問題係，勞動人口、勞動參與率、再加納稅人口數目問題。
**********
政府真係好煩，我求其去統計署同稅局搵，佢都冇每年個納稅人數目統計表；要搵BREAKDOWN，就更加無可能。
咁又要我曬時間，搵年報，cap幾幅圖出黎。
上面3幅圖，全部都係稅局年報入面既附表，全部都係講香港薪俸稅既人數呀、交幾多稅之類。之前講財政收入，我都cap過衣d表出黎。不過，我今次唔係講稅，所以約略講下算。
第一個表係2015/16年度，納稅人數係185.1萬，年薪1百萬以上既納稅人係有8.16%，即係15.05萬人。
第二個表係2018/19年度，納稅人數係183.7萬，年薪1百萬以上既納稅人係有10.08%，即係18.53萬人。
第三個表係2022/23年度，納稅人數係183.3萬，年薪1百萬以上既納稅人係有12.25%，即係22.16萬人。
好簡單咁睇，上面3個表，見到幾樣野﹕
1. 納稅人數目係2022/23年係仲小過2015/16年。
2.年薪1百萬以上既人係上升，不過個數其實係好慢咁上升；你計埋通漲，個數其實唔係話好好 -- 你仲未計，入面有幾多係公務員 (唔好忘記，高級公務員既人工加幅，係每年都仲要高過平均加幅)，或者近年成立好多法定機構乜乜局，去取代左唔見左既私人市場職位。
3.上面個表有講，不過我上面冇計比你睇 -- 你睇最尾個欄，每名納稅人平均稅款係值得講，所以而家計埋比你﹕
3.1.係2018/19年，年薪30萬以下既納稅人唔洗交稅，年薪30-50萬個批人要交376至4,123元稅，佢地亦係佔總納稅人比例最多，接近3成；
3.2.係2022/23年，年薪30萬以下既納稅人因為冇左寬免要交幾百數稅，年薪30-50萬個批人要交4千至1.1萬元稅，佢地依然係佔總納稅人比例最多，超過3成；
3.3.衣批數量最龐大既納稅人，係幾年之間，交多左DOBUBLE稅，年薪40萬左右個批，由交4千蚊變萬幾蚊，你話佔佢地年收入係升得幾跨張 -- 仲未計如果有樓，你要比多幾多差餉地租。
3.4. 你見年薪50-70萬既，都要交多成萬蚊稅，不過個上升比例就開始細左；
3.5.去到年薪100萬以上，因為一直都係標準稅率，所以交既稅其實冇咩變。又之但係，佢地人數唔多，對經濟消費影響唔大。
3.6.所以，題外話，你話之前調整乜春薪俸稅階，之後取消埋咁多退稅豁免，再之後問，點解香港人唔消費消費下沉既﹖睇完上面幾個數，你米知其中一個重要原因囉。
所以，暫時個結論係，麥萃才同好多九唔搭八鄧希煒係明報話咩「一般市民的觀感就是餐廳人手不足、價錢貴但不好食，高成本減弱企業競爭力、亦減低市民消費意欲」，你有冇睇過佢地既實際可支配收入係幾多﹖
香港係有經濟增長，不過薪金增幅係幾多﹖加完人工，再之後稅呀差餉地租，冇豁免之下又交多左幾多﹖
***********
上面都只係所謂既JOBLESS RECOVERY既部份問題。另一個問題係，勞動人口同勞動參與率。
政府係有衣個數字，不過我唔搵啦。事關，去WORLD BANK搵，其實會順手搵埋另一樣野。
下面幅圖，係出自WORLD BANK，你可以自己gen﹕
衣幅圖就精彩囉。幾樣﹕
1.香港既勞動參與率，係由1990年既64%左右，慢慢下跌，跟手大約係2015年左右，係維持61%；2019年同油治及興之後，最新係跌到56%；
2.大陸就由1990年既接近80%，穩定地跌到2015年既70%左右 -- 衣個係正常，你見國家越窮個參與率就越高，事關要搵食，所以非洲個批全部好勁；
2.1.不過，大陸係勁在，2020年之後，過埋疫情，都仲係跌。知唔知衣樣叫咩﹖大陸人有個好好既形容詞，你一定聽過﹕躺平。
3.淺藍色個條係南韓，咁民主化，經濟又發展緊，米所以同香港差唔多 -- 係香港油治及興開始之後，南韓又升返，香港就繼續跌；
4.美國個條唔駛理，我係想話比你聽成熟經濟體，已發展甚至最發達既國家，個勞動參與率係平穩。
5.新加坡個條先係我想講既野﹕你見佢個勞動參與率咁多年都上升，衣幾年同非州體齊，去到70%。
新加坡個勞動參與率點解咁勁，係米民不聊生，唔做野會死呢﹖我比埋幅GDP PER CAPITA既圖，即係人均收入比你睇。下面幅圖，都係world bank，都係衣幾個國家地區﹕
我唔講，你都見到啦﹕
香港同新加坡，係2010年之前，個平均人均收入，勉強都仲可以話，大家都仲係3萬至4萬個RANGE，唔差太遠。去到2019年，都係香港5萬頭，不過新加坡就開到就黎7萬。
去到油治及興既衣幾年，新加坡已經係拉開去到9萬，香港仲係5萬頭。
衣幾樣野加埋，米係問題囉 -- 我講既，唔係話香港溶入國家發展大局，所以個增長率就同大陸一樣咁優秀呀下。
至於點解邪惡美帝個增長率原來高過祖國，我就唔知，亦都睇唔到，亦都唔會講啦。
**************
咁我想講既，即係咩呢﹖
即係，勞動參與率係咩定義﹖
香港統計署同全世界一家，個定義都係「勞動人口參與率是指勞動人口佔所有15歲及以上陸上非住院人口的比例」。
當麥萃才同你講
「與外國相比，香港目前失業率在3%左右，「不算嚴重」」；當政府同你講香港失業率唔高行行都缺人要輸入外勞，咁你就可以去，睇下統計處個香港勞動人口、參與率、同埋失業率數字。
我好心，搵埋比你睇﹕
SEE﹖
香港2024年失業率係3%咋，不過個勞動人口參與率係得57%，實際就業人數同2020年差唔多 -- 不過當年個失業率係5.8%呢。
而更加大既問題係，衣幾年個勞動人口其實係跌緊，咁你個參與率跌左，所以個失業率先維持到所謂既低位。
所以，香港既經濟問題唔係咩jobless recovery，更加唔係徐家健九唔搭八講咩「熱烈慶祝」「不勞而獲」。
個問題係，個參與率低左，多左咁多人躺平，跟手政府財政有問題，又玩加稅取消免稅額，之後本地人既本地消費又下沉玩兩送飯，咁即係咩﹖
米係下沉旋渦囉。
*********
咁你話，衣個所謂既jobless recovery，係究竟市場創做唔到咁多職位，定係有職位但係選擇躺平，所以最後職位都唔見埋呢﹖
咁係好難講既問題，不過同我下一篇講既有關。
