無就業式經濟復甦下的施政報告 (5)

去到衣度，米就係講高才囉。

之前政府講高才通續簽個時，好多新聞個題都用政府個講法，「高才通近1.4萬人簽證到期46%棄續簽　留港者入息月薪中位數4萬」。

跟手你睇顏寶剛之類，都用政府個講法，講高才通月入中位數係4萬。

今年施政報告 (我終於第一次提啦﹗)，比家超仲咁樣講﹕

170. 自本屆政府推出一系列新的輸入人才政策，至今已有超過23萬人才來港工作和發展。其中，高才通計劃12的申請續簽率達55%。獲批續簽的高才質素高，在港主要從事創科、金融等行業，按每月收入計，95%高於香港收入中位數2萬多元，50%更是高出近一倍，顯示需求大，市場願意付較高工資招攬。高才通計劃可為香港帶來每年約340億元的經濟貢獻，相當於GDP的約1.2%。

咁明唔明個問題係邊﹖

個問題係，我當續簽既真係「95%高於香港收入中位數2萬多元」，不過今次比家超竟然自爆，話有「50%更是高出近一倍」-- 即係有50%原來係唔夠4萬元啦。

而個更加大既問題係，衣度個份母只係計「續簽」個55%高才，咁如果個份母係整個高才通計劃下既高才，即係上面所有數字全部減半。

用個例子。

你當有間野雞中學有20個學生，唔知點解今年有1個學生扲到好多粒星星入左港大醫科，其餘全部去曬食屎。咁個間中學可唔可以話，佢地入到大學既學生入面，入讀港大醫科既百份比係100%﹖

政府咁樣PRESENT個數字出黎，之後所有傳媒包括埋顏寶剛都用衣粒數，就真係好神奇。

************

而高才通更加神奇既地方係，就好似阿高才暨尊貴呀尚海龍咁講，「就算佢過往兩年時間只係嚟睇演唱會，只係嚟旅遊消費，都對我哋個經濟有幫助」。

即係咩呢﹖

高才通衣家野，我就算唔理佢係米扲個簽證黎旅遊。衣個所謂既高才通，有幾多其實係家住深圳，之後係香港返工﹖又有幾多係香港住，不過每個星期六日長假，都會返鄉下呢﹖

之前好多報導仲量聯行之類都出黎講，高才通就係香港租樓唔買樓；有線呀好多報導都有提，甚至有高才情願住深圳每日搭高鐵返中環。

近排深圳取消某些購房限制，衣班所謂既高才更加小意願係香港買樓甚至消費﹕寶安區係遠，深圳區係舊，不過去香港方便，樓價又平香港市區7成，咁你話班高才會點選擇﹖

****************

所以，結合埋上個POST講既勞動人口同埋納稅人資料，你米見到個咩jobless recovery同消費既關係 -- 香港勞動參與率跌，唔計人工增幅，納稅人既可支配收入又因為交稅小左，之後個11萬續簽既高才又唔知幾多係香港消費，咁你話香港既內部消費會點﹖

比家超衣幾日終於講咩，經濟轉型呀，行業洗牌呀，衣D九唔搭八既野。不過，都係個句，經濟轉型到中高檔食肆要食屎，茶樓又執粒，就真係香港獨有既經濟轉型。