一系列觸目驚心的現實 (3)

之前唔記得講 另一樣觸目驚心既野。

房委會早排出黎話，濫用公屋會刑事化。咁所有電視即時新聞，都見阿資助房屋小組主席黃碧如又好進擊咁出黎咁講﹕

租戶住在那裏，或者在公屋做小手工拿出來買，或者與人補習，我們認為不需要到這種程度處理。我相信因為他自己仍在那裡住，那他對起居生活都需要有要求，他擺貨程度應該不會很誇張。

佢出黎個日，全世界都淨係QUOTE佢衣句BITE，甚至去到第二日佢去電台，有人問佢擺貨又算唔算濫用，佢仍然係講，「若擺貨程度不太誇張，就不算嚴重濫用公屋，但仍有機會違反租約。」

即係，全世界都問緊，咩既行為先算做濫用公屋，會跌落刑事化入面。

**************

我開頭記錯佢係BIG4會計師，所以講野先會咁痴線。

即係，你寫條例出黎，你要定義咩係小手工，咩叫做擺貨程度誇張，就真係搵返李國能出黎都唔識幫你寫。

又例如，你話係間公屋教琴位位最低消費3舊水一個鐘 (3舊水算小喇，下麻)，一個月賺你幾多十萬，咁其實同補習有咩分別，咁係米唔算濫用﹖

佢講左好多野，最後竟然有幾份報紙係第二日佢上完電台之後，先再講返出黎，原來係米刑事化，最重點唔單止係你係單位做乜 ---- 你睇HK01個報導，另個重點原來係，「主要針對利用公屋單位牟利、而不住在該單位的人士」。

**************

大佬，其實衣個米先係修例既重點囉。

你睇同一篇報導，弱智既公屋聯會總幹事招國偉係同一個電台節目入面話，「至於有否居住在公屋單位內是否重要因素，招國偉認為要視乎單位主要用途是自住還是從事商業活動為主」，其實米就係同黃碧如帶左黎個BITE一樣，係痴膠花囉。

即係，佢地會話，我做小手工同人補習就唔係牟利唔係商業活動，衣d只係倫理關係既表現，咁我日日都同成條走廊住隔離幾個單位既10個小學生係屋企做3個鐘補習，1個月收幾皮野，咁又算唔算係商業活動呀﹖如果10個唔算，咁5個又算唔算呢﹖你到時係米又要出埋補習班相關個條例出黎呢﹖

所以，你話用「主要用途是自住還是從事商業活動為主」，其實「主要用途」係寫唔到落條例，好多佢自己提出黎所謂既非商業活動唔係城規土地用途個d，唔係咁易介定，除非你條例會好似地政城規個d寫到咁死 -- 當然，寫到咁死，都唔代表執管會咁死，又真既。

又之但係，你講濫用公屋講到會咁嚴格執法，就係另一回事喇。同埋，係工廈係新界改變土地用途既話，一般人察覺唔到亦唔理，之但係公屋就好明顯囉。

所以點解黃碧如無啦啦又轉左個重點，講返另一個重要原素 (甚至講講下似係前提) 係針對「不在該單位的人士」。

***************

再係技術層面講多句。

如果修例重點係「商業活動」，「係米牟利」，其實係唔知點寫。

即係，如果佢唔係條例到寫明咩為之「商業活動」 (例如分租之類)，咁所有涉及錢銀交易，即係佢講既補習小手作之類，都會係商業活動。

又之但係，如果要寫明咩行為先會構成「商業活動」，個名單就會係無盡。

至於同時要滿足埋「非自住」衣個條件，就就更加難寫﹕

佢講到明係要「非自住」先會刑事化架麻，咁我分租一間房出去但我又長期住係度，咁米唔係「非自住」。又之但係，咁米解決唔到佢好重點去講既分租問題囉 -- 衣個例子，就更加顯示到招國偉同好多弱智尊貴成日將個重點擺落 「要視乎單位主要用途是自住還是從事商業活動為主」，好多時係分唔清個主要用途，或者分左之後唔係佢地想要既結果的。

再用返佢講「若擺貨程度不太誇張」既例子，咁我真係擺到成個廳同房都好，但我又真係開曬水電每晚又返黎訓幾個鐘，咁你又唔當係自住呀﹖

事實上，你睇下幾多長者戶，其實擺雜物都已經擺到好跨張囉。係阿黃女士心目中，好多長者係「對起居生活都需要有要求」既相反囉。咁到時長者以至一般人收錢擺貨擺到好誇張但住係度，又點處理呢﹖

************

結論係，我開頭記錯黃碧如係BIG4會計師，心諗佢出黎亂UP講補習講小手作都算喇。第二日見佢改口風講「非自住」，我再CHECK，原來佢係律師。

佢今次出黎解到一獲泡，其實又係米運房局班人亂寫文件，講到一舊舊，攪到佢都唔知自己謂乜呢﹖

*************

Anyway，衣件又係近排一件「觸目驚心的現實」。

**************

完。

一系列觸目驚心的現實 (2)

衣位尊貴真係經典，明報肯不停登佢既文仲經典。

你有冇睇佢成篇文﹖如果有心睇，睇到第6段你就會唔對路，之後就會發現，哦，食屎喇。

********

佢成篇文全部論證所謂證據假設，其實係基於第6段講既野，之後再有第7段個結論。我全段照COPY﹕

立法會早前公布《低收入及中低收入住戶特徵》報告，揭示一系列觸目驚心的現實。1996至2021這25年間，非從事經濟活動住戶（即家中無任何人工作的住戶）在全港住戶的比例，從10.7%升至20.4%，幾乎翻了一倍；而在低收入住戶（全港收入最低20%的家庭）中，家中無任何人工作的住戶比例，更從1996年33.8%（12.5萬戶）激增至2021年74.1%（39.6萬戶），是25年前的3倍多——即是說目前每4戶低收入家庭中，就有3戶完全不工作。

完全不工作的家庭數目猛增，固然有人口老化的原因，惟處於勞動年齡卻不工作的住戶亦同步增長，且兩者增幅一致。尤其是在低收入住戶中，處於勞動年齡卻完全不工作的家庭，25年間更增加了逾200%！

其實睇到第3句，就知唔對路。第3句係，「1995至2021這25年間」。

2021年發生咩事﹖米就係全世界開始與病毒共存，不過係大陸同香港仍然管到他媽的咁嚴格，米仲係防疫防到痴左線，餐廳晚市唔記得有冇，不過幾多健身酒吧唔比開，之後仲有限聚令繼續keep住。

咁2021年低收入住戶「家中無任何人工作的住戶比例」上升，又幾奇﹖

***************

我份人穩陣，我再睇埋立法會同甚至統計署最源始SOURCE。

統計署個中期人口普查網頁話比你聽，「2021年人口普查於2021年6月23日至8月4日期間進行」。咁我衣度已經dobuble confirmed左，個調查仲係圍封強檢whatever既時候做。

我再快速納埋立法會個所謂報告，佢又真係經典。基本上，佢真係用返統計署數據整合，再九唔搭八拉埋其他租金社福開支黎講，之後講廢話結論建議。

佢最廢個段係乜﹖係衣段﹕

2.6 以上第2.5(b)及(c)段指出，約4萬人未有投入勞工市場的原因可能與照顧責任有較直接的關係。至於第2.5(d)所述的8萬多位屬工作年齡的料理家務者及“提早退休人士”，如果能更深入了解他們未能或主動選擇不參與勞工巿場的原因，並幫助他們解決相關障礙及讓相關人士較積極投入勞工巿場，這不但有望改善這些低收入住户的入息，更可在一定程度上幫助紓緩本港勞動力緊絀對經濟的影響。

要「更深入了解他們未能或主動選擇不參與勞工市場的原因」﹖原因米係成間餐廳執左或者唔開晚市，咁米冇工返囉。小你。

再唔係，你要點弱智都好，你諗返2021年既失業率係幾多呢﹖咩行業既失業率係特別勁呢﹖

我唔查，都知係零售餐飲清潔，即係佢所謂既低收入住戶囉。

小。

******************

所以，無論係阿尊貴、立法會報告、統計署個調查，我全部都冇認真睇。

因為，你扲2021年出黎同其他年份比較，就係食曬屎。

你要比較全世界或者只係大陸經濟發展，你會唔會特登走去問，點解1937年至到1949年中國經濟咁差既﹖你更加唔會問，點解全世界大部份國家既經濟係1941年至1949年都唔掂既﹖

********************

所以，結論係，洪雯篇文真係好似佢自己係篇文第6段一開頭咁講，揭露左一系列觸目驚心的現實。

1. 點解佢可以咁弱智，寫出黎都弱智喇，之後仲要引用立法會個報告 -- 你係都睇原始SOURCE引用統計署喇

2. 點解明報可以咁弱智，垃圾成咁都比佢寫咁多個星期寫衣所謂一系列既野

3. 點解立法會研究可以咁弱智，你知統計署個調查時段係咁，就唔應該扲衣份野同其他時後既調查做比較。就算要做比較，都會係一開頭就大大段加句WARNING講個時段係不可比 -- 而你又痴線在，煞有介事，話要「更深入了解」乜春野原因喎。

**********************

咁你話丫，衣個世界係米真係痴曬線喇。

一系列觸目驚心的現實 (1)

2025年1月23日星期四

洪雯：欲擺脫財赤困境 香港須推行深層次改革（四）

【明報文章】上周四，我嘗試分析香港建築工程「又貴又慢」的兩個原因，包括體制和人的因素，導致行政審批低效、行業難創新。尚有第三個原因，就是本港勞工成本高。因工程工期太長，且省人力的新技術、新手段難獲採用，本港工程因此需更多人力、工作更長時間，成本自然貴。但還有一個因素就是本地勞工不足，勞工隊伍很不穩定，且工人薪金快速上升。

據勞福局《2023年人力推算報告》，2023年本地勞動人口整體欠缺約5萬人；2028年短缺增至約18萬，尤以熟練技術人員為甚。勞動力供應不足，在香港周邊經濟體如日本、新加坡、澳門等都出現。但本港勞工短缺，伴隨着低於周邊經濟體、且持續下降的勞動人口參與率（labour force participation rate, LFPR）。

香港勞動人口參與率

顯著低於周邊經濟體

LFPR即勞動人口（正在就業或積極尋找就業崗位的人）在15歲及以上人口中所佔比例。LFPR深刻影響社會生產力：LFPR愈高，代表社會中積極參與經濟活動的人口比例愈高、經濟發展動力愈足；LFPR愈低，代表社會中被動地依靠其他人撫養或依賴社會福利的人愈多、社會負擔愈重。香港未來需要增加人口，惟我們更需充分發掘現有人口潛力，提升LFPR。

本港LFPR在1984年8月達到峰值66.5%後一路下跌，到2024年9至11月跌至56.9%，下跌近10個百分點，且顯著低於周邊經濟體。比如，本港LFPR比新加坡（2023年12月68.6%）低11.7個百分點，也顯著低於內地（2023年12月66.4%）、澳門（2024年10月67.8%）、馬來西亞（2023年12月70.5%）、印尼（2023年12月69.3%）、韓國（2024年11月64.6%）、台灣（2024年11月59.3%），且一直處於持續下降趨勢。

很多人將此歸咎本港嚴重老齡化，但若與日本這個超級老齡化社會比較，香港LFPR比日本（2024年10月63.5%）低了6.6個百分點，差距相當大！顯然，除了老齡化，香港LFPR超低還有其他原因。

立法會早前公布《低收入及中低收入住戶特徵》報告，揭示一系列觸目驚心的現實。1996至2021這25年間，非從事經濟活動住戶（即家中無任何人工作的住戶）在全港住戶的比例，從10.7%升至20.4%，幾乎翻了一倍；而在低收入住戶（全港收入最低20%的家庭）中，家中無任何人工作的住戶比例，更從1996年33.8%（12.5萬戶）激增至2021年74.1%（39.6萬戶），是25年前的3倍多——即是說目前每4戶低收入家庭中，就有3戶完全不工作。

完全不工作的家庭數目猛增，固然有人口老化的原因，惟處於勞動年齡卻不工作的住戶亦同步增長，且兩者增幅一致。尤其是在低收入住戶中，處於勞動年齡卻完全不工作的家庭，25年間更增加了逾200%！

勞動年齡人士不工作，可能是要照顧兒童、老人、病患者等。但數據同時顯示，在低收入、非長者、不工作的家庭中，只有35.3%家中有需受照顧的成員（老弱病殘幼），而40.8%的家中並無任何需受照顧成員。

不去工作，靠什麼生存？該報告的數據顯示，對於低收入且不工作的家庭，政府提供的恒常現金福利佔其總收入比例，從1996年26.8%飈升至2021年82.7%。可見25年來，本港為數不少的健全、處於勞動年齡、家中並無受照顧者的家庭，在社會福利支持下退出了勞動力市場，成為香港勞動力不足的一個重要原因。

我認為，這一現象與福利和房屋政策密切相關。由於我們的政策導向出現問題，有時候辛苦努力的夾心階層，過得還不如依賴福利的基層，事實上引導了市民向下流動，甚至鼓勵部分市民退出勞動力市場。從這個角度看，我們的房屋和福利政策鎖住了一部分勞動力，同時也導致房屋和福利支出飛升，成為公共財政的無底洞。可以說，本港某些深層次矛盾跟政策設計失當密切相關。通過適當改革，不但能降低財政支出，更可釋放勞動力，鼓勵向上的階層流動。

調整房策 有助節流並推動階層流動

為縮短公屋輪候時間，政府近年集中資源、不惜代價增建公屋，措施包括土地使用的「兩個7：3」（新增土地七成用於公營房屋，三成用於私人房屋；公營房屋中七成屬公屋，三成屬資助出售房屋）；千方百計騰出土地建公屋，包括拆除工廈，趕走當中的企業，或花費大錢搬走配水庫等。我們還有耗資300億元的簡約公屋、100億元的過渡房屋。

然而我認為，通過大量增建公屋來解決香港房屋問題是「落錯了藥」，後患無窮——因為公屋輪候時間長，根本不是供應不足，而是需求過度，即本不該輪候公屋、有條件向上流動的人，迫不得已「向下流」輪候公屋。

此話怎講？香港根本不缺公屋，今日香港已有約30%家庭（約83萬戶）居於公屋，這一比例在全球我能夠找到數據的經濟體（包括歐洲高福利國家）中屬最高。同時，香港社會存在相當比例的夾心階層，即所謂「窮中產」，他們收入超出了輪候公屋資格的上限，惟購買或租住「正常的」私樓非常吃力。他們需要的，是可供他們選擇的可負擔房屋（從供應端着手），或是賦能他們解決房屋問題的手段（從需求端着手）。但在本港房屋體系中，前者嚴重缺乏，後者更幾乎為零。

結果，不少窮中產只能租住劏房，或與家人擠在一起，生活境遇還不如公屋中的基層。年輕人大多屬窮中產，不少人只能選擇晚婚、晚育，甚至不婚不育。

人是追隨資源走的。由於社會資源嚴重向公屋傾斜，收入增加後反而更難解決住房問題，自然吸引大量市民輪候公屋。青壯年人士刻意控制收入，甚至放棄工作來輪候公屋，並不少見。公屋輪候冊快速膨脹，從2004年的9.1萬宗申請，升到2016年高峰期的28萬宗，是2004年的3倍。近年公屋建成量上升，輪候數字有所回落，2024年9月底為21.3萬宗，但亦是20年前的2.3倍，當中約四成是40歲或以下人士。

可見公屋輪候時間長，不是供應不足，而是需求過度。我們的房屋政策，其實是創造了對公屋的需求，一大批勞動力因此鎖在公屋之中，導致本港勞動參與率愈來愈低，基層不斷膨脹。

公屋膨脹 無法解決劏房問題

從公共財政角度看，隨着公屋膨脹，納稅人負擔也愈來愈沉重。公屋租金尚不夠支付日常維修保養，更不要說土地投入和建築成本。根據2021年人口普查數據計算，政府當年透過公屋補貼給公屋居民的房屋福利總額約340億元，每戶平均每年補貼約4.1萬元。隨着公屋量攀升，補貼自然也上升。

另外，公屋居民總量增加，對整體福利的需求必然上升，因為符合入住公屋資格的住戶必然會依賴不少其他福利。例如公屋長者大都符合資格申請公共福利金，隨着公共福利金於2022年調整，有關金額迅速飈升。

開支驚人是一回事，但大量興建公屋，根本無法解決本港劏房問題，因超過三分之一劏房戶屬夾心階層，收入超出輪候公屋資格上限。同時，資源流向公屋，而缺乏公屋之外的房屋台階，公屋戶亦難以踏出公屋向上流動，導致長期以來公屋流轉率極低；即使是大力打擊濫用公屋後，也只有約2%流轉率。

港人常羨慕新加坡房屋政策。殊不知新加坡公租房（類同香港公屋）只給最弱勢家庭，且嚴格限制入住時間，只能租住兩年，續租必須重新申請；政府同時大量供應出售組屋（類同香港居屋），協助市民置業。這樣的制度，迫使入住公租房的家庭必須努力往上走，難以「躺平」。雖然公租房在新加坡房屋總量中只佔4.6%，但流轉極快，平均輪候時間只需兩個月！這背後的邏輯，實在值得香港借鑑。

2021年香港政府引入現金津貼試行計劃，為輪候公屋超過3年的合資格家庭提供現金補貼。過去3年，政府已向10.5萬個輪候公屋住戶發放約51億元現金津貼。此計劃更延長一年至今年6月。

入住公屋者已被視為「人生贏家」，不少人不惜放棄工作來輪候公屋。如今輪候過程中還有津貼，變相增加了公屋吸引力，打擊了自食其力的市民。所以，我認為將有關津貼恒常化的建議不可取。

總結而言，我強烈建議政府迅速調整房屋政策，從不惜代價建公屋安置基層，轉向提供向上的房屋台階，推動社會向上的階層流動，協助市民擺脫依賴公屋。此舉將避免香港社會裏基層坐大及福利需求膨脹，從而大大減輕公共財政的沉重負擔，並能擴大中產階層，增強社會整體活力和向上動力。下期（2月6日）續談。

作者是立法會議員

（本網發表的時事文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）

原文網址：https://news.mingpao.com/pns/%e8%a7%80%e9%bb%9e/article/20250123/s00012/1737564438818

香港納稅人數目及KK園心理學 (5)

最後，抽句水先。

前排保安局副局去左泰國，去跟進咩禁錮個案既。

跟手阿黎棟國出黎話，「保安局出馬反映政府高度重視 有信心12人能獲救返港」。

阿黎生做左尊貴之後傻左，定係老人痴味，唔識咩叫為官之道呢﹖

如果真係預計會有實質進展，就唔會係副局去，起碼都搵局長啦，下麻。

特別係，阿局長咁進擊，真係有料到的話，就直頭家超都會出埋黎見定傳媒，講定希望今次出發會有成果。

你搵阿副局去，就擺明係，之前冇做野，或者做唔到野，甚至未同人打招呼，大家諗定有咩講可以有咩「成果」，咁就要過去架喇。

咁而家過左去，米就係做下野，咁囉。

阿黎尊貴，而家副局返左黎成個禮拜，唯一返到黎既係比左贖金既人。你咁有信心，咁究竟其他人幾時返到黎呢﹖

*********

講開咩「有信心12人能獲救回港」，早幾日其中一個家屬話，同政府講左咁耐都冇聲氣，而家見到大陸有個所謂明星比人救左，香港政府先做野，咁係米遲呢，就唔知點喇 ，都唔算遲既 (之類喇) -- 佢講到自己要同自己DOU返，咁我唔QUOTE佢喇。

不過，你睇擒日班家屬，見完保安局之後竟然要不停多謝政府，要比信心政府，你就知咩事。

*********

完。

香港納稅人數目及KK園心理學 (4)

唔差在講埋香港電騙。

*********

衣幾年好多電編，話咩你個網絡情人係投資專家，要同你一齊投資之類。又或者話，你個情人係唔知邊度意外受傷，差幾廿萬就會醫好，之後可以過黎同你結婚。

衣D又係同 始祖電郵詐騙一樣，又係內客要夠弱智，fiter左一班人走，之後先慢慢扼D易扼既人。

不過，針對大陸專才，又有D唔同。

**********

專才比返大陸人扼，其實就好易理解。用PT FORM快手﹕

1. 好個方面諗，佢地信政府，咁公安打黎話你銀行帳戶有問題，要你同佢合作，咁係應該架麻。

2. 正常個方面諗，大陸公安問你扲錢，問你扲銀行提款卡，你夠擔唔比咩﹖唔講普通人，大陸公安遠洋捕撈，跨省拉民企老細衣類野都夠痴線喇。痴線到浙江省人民檢察院同人民日報都要出聲。

3. 再者，黎得香港，自己或屋企點都有兩個錢。咁係大陸，你有咁多錢，通常都係合法正當渠道得返黎既，做個國企銀行中層人工得萬零蚊，不過唔知點解年收入有幾千萬。咁你屋企人咁行得正企得正，又當你收到公安話你戶口有問題，咁你會點丫拿。

所以，你話提咩防騙子，仲要特別針對港漂專才去招呼，去做所謂既教育，就真係攪笑。

要扼佢地，用既係另一套騙子心理學囉。

香港由治及興，遲十年，衣套都應該扼到好多所謂既新舊香港人鳥。

************

未完。

香港納稅人數目及KK園心理學 (3)

早幾日羅尚沛係RF講kk園，明示暗示其實好多人係主動去kk園，被扼既情況係有，不過唔係全部；再者，就算係扼，都會扼個D主動接觸佢地既人，唔會係泰國街上面求其老粒個人入園。

之後佢再講好多人偽善，講kk園豬仔好慘，不過咁多年大陸工廠都係咁慘，富士康工人跳樓跳到唔係新聞，其實又同KK園差幾遠﹖咁而家講咁多野既人，又唔見佢個時發聲。

******

我都大致同意佢講既野。不過，早幾年北大有班學生聲援深圳工人，之後班學生咩下場話﹖

所以，而家好多人無論係大陸定香港出黎講野，都係咁架喇，真係冇油水或者政治唔正確，又點會出黎。

********

ANYWAY，我想講既係，KK園心理學，以至係一般偷呃拐骗心理學。

********

好耐之前睇過，有人話點解D詐騙電郵會咁蠢，話自己係非洲有個金礦，之後引誘你去投資﹖

個電郵咁蠢，係因為成本問題 -- 我寫到咁蠢你都信，就證明你易扼，我要成功扼落去扼到舊錢既機會先高。

如果我寫個電郵係合理小小，電郵引返黎既人原來係蠢唔曬，咁我米要答好多個電郵﹖

所以，當年既電郵係要寫到咁蠢，其實係一個fiter，係過濾既功能，係為詐騙節省成本。咁係降低發出電郵後扼到人既成功率，不過隨之而來，係增加有回應之後既成功率，即係增加cost effectiveness。

**********

KK園一樣。

點解好小聽被扼入KK園既人，其實係泰國街頭被人老粒﹖多數被扼既人，都係話有份荀工，見左你去泰國先老粒你﹖

我會話，原因同詐騙電郵一樣。

即係，你有貪念，鐘意搵快錢，甚至覺得做偏門小小既事情去搵錢都冇所謂，我先會老粒你去KK園。

如果你係冇乜貪念，又係忠忠直直，我老粒左你去KK園，要做「training」做思想教育都有排做。

所以，用有份荀工做FITER，之後你上當，再去到泰國先老粒你，其實係同詐騙電郵個邏輯一樣 -- 大佬，有人叫你由泰國帶鑽石去台灣，咁就有12萬蚊收，你咁都信，即係你係詐騙業就算未必有前途，不過都應該易D適應個「行業」喇，下麻。

**********

當然，上面係我分析既JAK。你可以話，蠢人去到KK園，最後咩都做唔到野，不過佢既器官都值錢架麻。

係既，不過人地主業係詐騙囉 -- 至於點解有個主業﹖米係因為得到好多老細認可，作為產業發展囉。至於邊個係老細﹖入得園區既都係講普通話廣東話既，咁個老細一定係台灣人喇。

**********

最後，大陸衣排好HIT既係，有個中科院博士被騙去KK園。

你信唔信，定係會唔會信到十足﹖

緬北白家係比人拉之前都用萬幾蚊去請人聲稱管理賭場，咁多大陸人去左，你估佢地係米全部都弱智真係信去做賭丫拿﹖

至於你話點解係緬甸發生既事，最後成班講普通話主腦要移送去大陸呢，又係no comment，佢地一定係同台灣佬有聯繫，咁台灣係中國一部份，咁所以米送返去大陸囉。

你睇上面條LINK話，曾志偉都拍過片同白家大老賀壽，咁白家就緊係同台灣有關係喇。

***********

未完。

香港納稅人數目及KK園心理學 (2)

原本唔想打字。不過，見到麥萃才唔知係OUTDATE唔為意定亂UP，所以打兩隻字。

上面明報篇新聞入面，我特別BOLD左麥萃才講既野。佢話﹕

麥萃才又說，現時有100多萬名納稅人，僅佔全港打工仔約半，稅基狹窄已為人詬病多年。他認為政府可循多方面開源，包括調整稅基、增加稅率、增收新稅等，但「任何制度的改變，都應該充分諮詢市場和市民」。

不過，實情係，有圖有真相。

跟據統計署最新數據，係2024年9-11月，勞動人口係有383萬人，就業人數係371萬﹕

再睇稅局年報，係2022-23課稅年度，係有183萬納稅人，扣除免稅額之類，當中只有14.3萬人係唔需要交稅，即係有168.7萬人要交稅﹕

咁佢明報係用「納稅人」3隻字，咁我張 183萬納稅人/371萬就業人口，係等於49.3%，咁真係「佔全港打工仔約半」，不過就絕對唔係「現時有100多萬名納稅人」囉。

********

再者，你要調整稅基做乜都好，其實都同佢講既「現時有100多萬名納稅人」冇關係。

因為，比例上咁小納稅人，係因為好多的士佬、街市賣菜出日薪、八鄉車房整車佬、再加好多地盤樓宇裝修唔理佢係米黑工，其實都係唔洗交稅，或者交既只係部份收入。

你講「調整稅基，增加稅率」，其實都唔可能將上面班人包落去稅網，個納稅人數目係唔會變，佢講既「稅基狹窄」問題仍然解決唔到。

即係，我覺得佢先用 納稅人比例唔多做前提，再講解決方法係「調整稅基，增加稅率」，其實係九唔搭八。

你話銷售稅個D無野好講，但係你話純粹針對薪俸稅，咁我會話，你再做咩調整稅階，上面街市賣菜個班都唔會交稅，唔裝八達通既的士佬都唔會同你交。

********

又再當然，我知上面納稅人同勞動人口個source係唔同年份，不過變動應該唔會好大掛。

********

anyway，佢唔係我隨口up，我竟然過份到係上幾個post記錯政府經營開支係700億，就自己認錯冇乜所謂喇。

之但係，你上得報紙講野，就唔可以錯個咁重要既fact，甚至係你個立論既重要ASSUMPTION喇 --我唔同意你既立論邏輯，係一個COMENT，不過「100多萬納稅人」係FACT黎架麻。你講100多萬人，個數真係小到嚇人架麻。

除非你話，183萬米同100多萬差唔多囉...............

********

未完。

見講開，咁下個POST講埋最近kk園。

香港納稅人數目及KK園心理學 (1)

2025年1月17日星期五 港聞二

彭博社：港研再加「富人稅」 政府拒評揣測 學者籲勿損稅制優勢

【明報專訊】財政司長陳茂波月初在網誌談及，本年度（2024/25）財政赤字預計1000億元以下。彭博社昨引述知情人士報道，港府正考慮連續第二年增收「富人稅」，或降低門檻讓更多人按最高稅率繳稅。財政司長辦公室回覆，不會評論個別建議或揣測。有立法會議員及經濟學者則稱，不能完全依賴加稅消滅赤字，提醒當局勿「因加得減」，致本港失去稅制簡單、稅率低的競爭優勢。

去年《財政預算案》引入薪俸稅和個人入息課稅的標準稅率兩級制，倘納稅人入息淨額逾500萬元，首500萬元將續以15%稅率計算稅款，超過500萬元的部分則以16%計算。納稅人另可以累進稅率計算稅款，倘扣除免稅額後應課稅入息實額超過20萬元，超出部分將以最高17%計算應繳稅款。兩者取較低的稅款額徵收。

擬加最高階稅率 或降相關門檻

彭博社昨報道，港府正研究提升標準稅率，即以高於現行16%的稅率，計算入息淨額中超出500萬元的部分；或降低門檻，讓更多高收入者須按最高稅率計算稅款。財政司長辦公室稱，預算案諮詢過程中接獲社會各界不同意見，不會評論個別建議或揣測。

議員憂損人才來港意欲

民建聯立法會議員陳仲尼稱，政府近年力推搶人才、搶企業政策，「高端的人才均有很豐富的經驗和很尖端的技能，他們的薪酬一定是高的」，增加稅率或會減低他們來港意欲，認為標準稅率最多可升至16.5%至17%，否則或招致人才流失等反效果。他續說，低稅率是香港招商引資、吸引人才的一大優勢，寄語當局開源應對財赤的同時，要緊記要維持香港與新加坡等鄰近地區相較下的競爭力。

浸大會計、經濟及金融學系副教授麥萃才說，本港薪俸稅收每年約800億元，不能單靠增薪俸稅消滅千億財赤，「如果全靠薪俸稅去填，是否等於要將稅率提高一倍呢？」他說，本港現將標準稅率定於15%或16%，低於其他已發展經濟體，「有一定可上升空間」，但提醒港府勿「因加得減」，加稅太多致超高薪者離開香港。

學者有倡改稅基 有籲部門減5%開支

麥萃才又說，現時有100多萬名納稅人，僅佔全港打工仔約半，稅基狹窄已為人詬病多年。他認為政府可循多方面開源，包括調整稅基、增加稅率、增收新稅等，但「任何制度的改變，都應該充分諮詢市場和市民」。

中大經濟學系副教授、劉佐德全球經濟及金融研究所常務所長莊太量表示，薪俸稅僅佔政府收入約10%，「好年的時候，你和我均不交稅，政府都能照常運作」，而加稅必然會減低香港競爭力。他建議政府從節流入手，舉例政府總開支高達7000多億元，可要求各部門分兩年削減開支，每年減5%，「其實政府開支有很多都不太必要，例如換過些枱櫈都涉很多程序，會不會有方法便宜些」。

原文網址：https://news.mingpao.com/pns/%e6%b8%af%e8%81%9e/article/20250117/s00002/1737046029673

歸來吧﹗抗生素戰士﹗

我講既係我。

食左兩個禮拜抗生素，竟然都唔死得。

*****
anyway，特別開post打字，係因為邵家臻。

我一向都唔係死者為大個類人，對公眾人物就要更加要特別公允。所以，我會咁講﹕

．有睇衣度既，都會知我對佢早年開始走紅，即係大約2010年再之後打後既評價，就係，佢既才智能力唔配合佢做人態度。簡單講，即係自視過高。

．去到佢做立法會議員，唔知係米佢終於見識到更多，又或者係老左一節，所以反而係冇左個種無理頭既傲氣。當然，佢係立法會議員既崗位上，對業界對界別對社會，其實又真係唔太多發揮，或者冇令人記得既地方。

．當然，而佢入獄，之後留係香港，攪埋石牆花，就更加令人respect。即係，好多人會低調、會走，其實係一個合理、正常選擇。不過，佢係選舉留係度，繼續做野，仲要唔係收收埋埋去做野。衣樣，就應該respect喇。

．又再當然，其實佢係一個畸形時代既反映。無論係佢，黃碧雲，姚松炎，或者某程度上某些既公民黨人，其實係冇能力，或者係擁有既能力其實唔適合去攪政治。如果唔係衣個畸形既大環境，衣班人繼續係象牙塔或者專業入面，其實成個人生都會唔同，亦都會係更加適合佢地。

．anyway，佢由確診到咁快走，都未嘗唔係好事。食唔到講唔到訓唔到，係好痛苦的。

*******

講其他野。

*******

花墟重建城規申訴會，主流傳媒都冇乜報，衣個下家產明報更加只係即時新聞講兩句，每日明報係冇出的。

咁集誌社又有個最詳盡既報導。

報導入面問，點解太子大廈維修完兩年就要重建，市建局就係策略性位置所以一定要重建喎 -- 究竟市建知唔知自己講乜，佢既mission係乜，佢以後仲叫人做定維修保養既時候會唔會面紅丫拿。

報導入面又有人問，點解做完維修得64年既太子大廈就要重建，不過75年樓既唐樓就要單枝並冇包括入重建圍，市建局就話想「保留返d白位」比私人發展商去做喎 -- 咁你唔係一路都講單棟樓重建冇規劃效益，唔係講話咩要街道整合既咩﹖

一個花墟項目，就見到市建局係阿韋志成或者最近衣幾屆政府之後，市建局係幾咁仆街的 -- 你話以往重建長沙灣觀塘既時候，阿朱凱迪個班人不停媽差市建局，不過當時做出黎既，真係合理好多，唔會為左「策略性位置」就九唔搭八去收購。

你睇而家成個長沙灣青山道，當年朱凱迪好多人反對，重建左之後，其實係好好多的。

**********

又要講財政預算案。

唔洗睇羅兵咸喇，衣度早個月已經話比你聽，下個月公佈財政預算案既時候，儲備只會淨返政府開支10個月鳥。

不過，近排好多人講財赤，我又真係忍唔住要講多幾句。

***********

最想講既係，擒日又見到管浩嗚出黎講兩蚊乘車優惠，佢竟然話，倡乘車優惠調回65歲 管浩鳴:沒理由補貼有工作人士。

用佢既邏輯，政府係米要即時除消個在職家庭津貼計劃呀﹖

黎緊政府又話要講咩銀髮經濟，仲講到咩鼓勵65歲以下長者都仲有工作能力「要加強職業配對工作」，咁班友到時又洗唔洗精神分裂，或者要老人痴呆突然康復，醒起兩蚊車調低到60歲既其中一個理由係鼓勵長者就業丫拿﹖

作為局長既羅致光當年係咁講架，個邏輯都冇錯架，咁遲下卓永興講鼓勵長者就業，到時係米要將兩蚊計劃改返去65歲，不過又要開個政府常額職位去督導鼓勵就業，之後又要比返幾千萬去做研究丫拿﹖

當然，點解我特別想講阿管浩嗚衣個quote﹖

事關，佢做社聯主席，真係香港社福界之恥。佢做社聯主席，等同香港LGBT界別搵何君堯做代言人，工權會搵張宇仁做名譽主席一樣，點會搵個完全唔認同界別理念既人做主席﹖

而我係打衣篇字之前，仲特登搵埋社聯係點選主席。你睇佢個章程第39同40條，個主席係機構互選，你班所謂社福界選隻狗出黎都好過選管浩嗚下麻﹖

佢以後再講話咩急症室收費要收回成本，生果金唔好出雙糧，甚至要開衣個累退式既消費稅，咁係米社聯立場呀﹖

***********

再講多個人。

所謂既立法會議員洪雯又係明報九唔搭八，寫左兩篇文 一、二 去講香港政府財赤。佢兩篇文都唔洗睇架，不過佢下面第一篇文頭個段，就真係好難聽﹕

為立法會議員，為納稅人守好「錢包」，保障香港公共財政的可持續性，避免把沉重負擔壓在下一代人的肩上，並令資源用得其所，推動向上的階層流動，是我份內的責任。有些話縱然不好聽，但總得有人說出來。

佢係篇文入面，講左好多財赤既原因，例如咩支出快過增長呀，其實即係阿媽等於女人。

咁既然講左咁多阿媽都係女人既野，咁你又要「為納稅人守好錢包」，咁你係過去幾年係立法會財委會批左幾多九唔搭八既工程或者人事編制申請﹖

再者，香港財赤比我預計再早左出現，仲有個好簡單既原因﹕陳茂波冇理頭派錢。

即係咁，唔駛CHECK返舊POST，我都肯定自己係度估2022/23年既預算案時，我係講過，陳茂波應該唔會再派錢。事關，當時波叔係2021/22年派完錢既時候，財政儲蓄得返8千億，再派就真係食屎。

咁好喇，政府係之後竟然再派多兩次錢。懶，唔自己搵，咁你自己睇HK01衣個表，波叔係2022/23同23/24再派多兩次錢，個度用左1000億。

邊個要保守納稅人錢包話﹖你唔係金魚腦既話都應該記得，係復常後派錢，當時真係弱智既都識講，派錢係要黎去旅行，當時根本冇人信派錢會刺激乜春本地經濟 -- 而23/24年個財政儲備，係8千億都唔夠，邊有可能仲去派錢，仲要派成3百幾億架。

洪雯話要同納稅人守好錢包，管浩嗎就話要急症室公共服務收回成本，你要水費各項收費加幾多，再用幾多年先收返個兩年派左既1千億呀﹖

**************

洪雯出完黎，跟手擒日港大所謂既經管學院又出黎整左個攪笑既咩香港經濟政策綠皮書。

我冇睇佢個綠皮書，因為只要睇佢點回記者，就知佢出黎係攪笑。佢最好笑個句係下面﹕

金融學副教授劉洋分析，儲備仍遠高於2004年的水平，又指香港出現的是結構性赤字，與經濟週期性不景氣關係較低，故此不用太悲觀

2004年政府開支係幾多呀，請問﹖

我搵埋比你﹕2004/05既經營支出係2,122億，非經營開支係534，加埋即係2,656億。當年儲備係特於政府開支10個月，不過當時支出特別係基建支出細，要拖要減唔係難事；係收入面，當時經過沙士都衰到貼地，收入就算唔扭轉都唔會再跌。

阿副教授，你扲而家既情況同2004年比﹖我淨係要問，早幾年個1千億樓上賣地收入，幾時先可以有返一半﹖

當然，港大幾位人兄都有D真話。例如，佢夠膽死話財赤係結構性之餘，仲夠膽講話香港而家個REAL GDP仲未返到去2018年水平 -- 香港由治及興左架喇，李加超前排仲話香港住戶平均收入創左新高添。

吓﹗

**************

當然，無論係洪雯港大或者任何一個人講預算案，只要佢答唔到點樣彌補到或者解決到賣地收入個1000億缺口，咁你都唔駛再聽佢講任何野。

再睇返，近期最精彩亦都最值得討論既新聞，其實係甯漢豪下面個句，不過竟然冇人講。

明報即時新聞係咁講﹕

雖然賣地收益遠低於預期的約330億元，不過甯漢豪稱，近年經濟環境說明，政府不能夠純粹依賴地價收入支撐開支，而賣地收入是市場行為，政府不能為爭取賣地收入而定不符合市場狀况的地價。她又說，賣地收入雖然重要，但亦不是政府最高的收入來源，政府仍有薪俸稅及利得稅等收入，佔比都較賣地收入高。

「政府不能夠純粹依賴地價收入支撐開支」、「亦不是政府最高的收入來源」。

你話係米精彩﹖

我上個POST話，政府既經常開性﹖即係薪俸稅利得稅加印花稅，勉強可以頂住個6千幾億經常性開支 (我唔記得講既係，勉強頂得住仲要係因為近幾年改左個薪俸稅階、小左好多免稅額，改左差餉徵收方法，又多左好多罰款再加基金回撥呀下)。

不過，賣地既非經常收入就頂唔住每年1000億基建既非經常開支。

你而家竟然胎膽死講，賣地收入唔係政府最高收入來源，去justify賣唔出土地，跟手再講「政府不能夠純粹依賴地價收入支撐開支」﹖

我貼多次政府個中期預測出黎﹕

(題外話，睇上面個圖，政府近年既經營開支係6千幾億 -- 我上個post講話係7千億，擺明係我病到傻左，所以睇到新聞話政府開支係7千億我就照寫。anyway，唔影響我講既邏輯的。所以，我衣個post上面都改口，講返政府經營開支係6千億呢)

你睇上圖，以往政府做BUDGET一路都係兩盤帳即係經營同非經營帳睇送食飯。

(份圖見唔到既係，以往好景幾年，就真係太多錢，所以就要黎加下免稅額派雙糧甚至派錢，令到個儲備相對應返個所謂既合理政府開支月數。)

即係，好簡單，經營收入一向都係穩定增長，係可預見，所以當經營收入以至成個財政收入係2010年左右好返好多時，政府係由梁振英時代米開始攪好多低收入津貼之類，社福醫療既經營開支米不斷上升囉。同時間，當時賣地年年都過千億，咁非經常開支即係基建米有錢囉。

咁你而家突然講「政府不能夠純粹化依賴地價收入支撐開支」，咁近至衣兩年，你仲申請咁多基建撥款，咁其實你係想用邊忽收入去填數架呢﹖

再者，以後或者未來幾年睇財政預算案非經營帳目時，個非經營收入我全部當係得100億，衣個咁係米你既意思。

咁即係波叔下個月份BUDGET個非經營收入，我再見到好似上年咁估，未來幾年非經營收入有500億甚至800億既時候，我就要問究竟係佢錯定甯漢豪錯啦﹖

如果到時波叔真係話，非經營開支仍然有過千億，不過非經營收入得個100億既話，咁個非經營收入既deficit點填呢﹖

所以呢，甯漢豪講既野係好值得討論。不過，因為冇人用返政府財爺既角度去睇以往點制訂預算，所以冇人識得講。

************

當然，好耐之前我係度講過，我係估錯2019/20年既政府帳目，當時估佢已經要蝕近千億，不過最後只係蝕4百幾億。當時既原因係，好多基建合約批唔到出黎，最後非經營開支只係8百幾億，有興趣可以睇返當年個表。

最近阿波叔話，今年預算會小左，唔會過千億，其實又係用衣招。早排廢柴明報就難得有個好新聞，講政府近一年既延長招標CASE多左好多。

即係，你睇甯漢豪而家都放定風講明日大嶼收皮，又成日講基建要有先後綬急，就知政府係會放慢某些基建。

又之但係，都係個句，而家個8千億基建承擔額，其實大部份開左工唔可以停。咁如果「政府不能夠純粹依賴地價收入支撐開支」，咁衣8千億可以用咩去支撐呢，阿嬸。

你恰D唔識或者唔敢講既人就得JAK。又之但係，D錢係要找數架麻。

************

所以，都係個句，你見而家大部份人講政府BUDGET，例如上面港大經管同所謂既立法會議員之類，講咩做大個餅，減下兩蚊優惠，收回咩政府服務成本，甚至係CUT公務員人工醫療社福開支，就全部都係攪笑。

你攪掂個經營帳都好，個非經營帳每年千幾億，冇左賣地之後點死﹗陳茂波話而家每年基建1千億 (阿尊貴張欣宇講話每年9百億就肯定係錯，你自己望下個BUDGET喇)，

佢上年份BUDGET個中期預測仲更加估算未來幾年個基建開支每年去到1千3百億甚至1千4百億。而家話基建要先後緩急，咁即係點呀﹖

************

ANYWAY，黎緊下個月預算案，會非常之好睇 -- 特別係睇佢又點樣回撥唔同基金甚至外匯基金累計盈餘做靚條數，同埋個中期預測會點攪，都係好好笑。

最後，嗯，房委會加完租有錢賺喎。

所以，抵死架，之前米話囉，阿波叔自己扼自己，係2019年決定分幾年回撥房屋儲備金去整靚盤數，當時話房委會盤數絕對冇問題，最後攪到公屋要加租。

今年份預算案，又有咩可以撥起丫拿﹗

************

以往我打完POST都會睇一次有幾多錯字。不過，訓，唔睇喇。

************

完。

財政預算 -- 活學活用

擒日立法會財委會出左個記者會，回顧過去一年工作。有興趣可以睇衣段新聞。

段新聞大字標題話，財委會過去一年批左2500億。不過，睇返內文，就會見到，實際批既工程金額係1789.6億，即係淨低個700億可能係開位，可能係公營機構資助金，可能係放落咩咩創科基金、甚至可能係對國際組織既捐款。

咁唔好理喇，淨係睇工務工程，咁好簡單計個數。

上個POST話，而家政府承擔左8,373億政府工程，咁阿波叔就聲稱每年實際工程開支係大約1,000億，咁所以出年發表個預算案入面，政府個最新工務工程承擔額就大約係 (現有既)8,373億 - (每年用左既) 1,000 + (今年財委會批既)1789.6億，即係9162.6億。

SEE﹖ 

政府盤數入面好多細項要估，其實就唔難估，係你了唔了解佢盤數，搵唔搵到重要既資料。

所以，顏寶剛衣兩日話，退休金長遠安排恐成債務「隱形炸彈」，其實就真係天真。

退休金理論上除左公務員加薪會影響到長俸計算之外，其實大約都估到個數，個數亦都會隨住令取長俸既舊制公務員死亡而慢慢回落。

不過，上面個工務工程承擔額先係真章，先係會不斷膨脹唔識停。

出年個承擔額係9千億，再多兩年就過硬1萬億，已經超過個退休金「隱形炸彈」鳥 -- 除非你話，黎緊兩年政府會停曬所有工務工程，不過咁大個北都大查飯，你信唔信會停﹖

阿新局長一上任就同你講雙創新，要縮減工程規劃時間鳥。

結論就，都係個句，衣1萬億承擔左既政府非經常性開支，以往就靠賣地黎到融資。而家賣唔到地，咁靠咩呢﹖

前排個基建債券唔足額認購，就笑到我丫。

咁，下年仲發唔發銀債好丫拿﹖我早幾個POST仲話，黎緊銀債都有人認購既，不過個認購超額就會越黎越小。而家睇個勢，真係唔知要訂個咩息率先會確保到足額認購鳥。

*********

題外話，曾國衛真係冇令我失望。

佢早兩日難得係新聞出現，去SELL個智慧投票箱。

點知，擒晚就話個箱唔用喇喎。

究竟邊個諗衣條橋出黎﹖條橋又用左幾多時間去諗同測驗﹖又邊個會批衣條橋出黎既呢﹖

真係，去切腹喇。

所以，前排話咩環境局呀、財金官員係另一高危局長，我就心諗，阿曾生真係勁，勁到冇人記得佢既唔存在。

不過，近排有人好似想做野，開口話香港政府唔識攪對台關係，仲開埋政制局個名喎。

我唔識台灣政治喇，不過近排阿前總統英九阿花蓮王傅崐萁成日返大陸接聖旨，將國民黨攪到好似中國共產黨台灣支部，咁會唔會香港有野要配合呢﹖又以阿曾生既能力，又可能做到D咩呢﹖

咁，係米要換人呀﹖

*********

話時話，講開阿局長，運輸署對上既局長係邊個話﹖巴士公司加價洗唔洗經行會架下﹖

你睇兩巴加價，勁到可以加個7.5%出黎，咁班尊貴仲唔走出黎話新局長有料到既﹖

*********

完。

外匯基金之謎思

衣兩日家超上完去北京前後，其實又好多人講政府盤數，咁我又講兩句。

*******
好多人話波叔將發債當收入係打橫黎講係整靚盤數，咁我就唔同意既。

因為，都係之前講過，衣個係應計制同現金制既唔同入數手法﹕咁一般而言，以至係財政預算案而言，香港盤數係用現金制去睇，咁發債當收入係好正常，事關你評香港有冇財赤時，都係用返佢個現金制盤數黎講架麻。

好喇，咁衣幾個禮拜，你見莊太量同好多友 (最新就有佢同麥萃才) 不停講，香港財赤其實唔係一般人諗得咁嚴重架，因為香港仲有好龐大既外匯基金，遲D做大個餅又可以改善收入喇。

咁聽完，我又真係覺得唔對路。

其中，莊太量衣期都講幾多野，甚至係文匯有個詳細訪問比佢解釋，講話外匯基金可以封頂，超額部份撥返入去庫房。睇完，我又真係會問，佢係米真係識架。

*******

先講外匯基金。

好多人例如莊太量都講，外匯基金有好龐大儲備，所以香港政府財赤其實冇想象中嚴重。

咁好喇，要理解莊太量個講法，你就要先了解，而家外匯基金有幾多資產﹖外匯基金又有咩作用，咩先為之超額呢﹖

去到2023年年結，外匯基金個負債表係咁樣﹕係大約有4萬億資產。

咁你睇個表，其實會睇到幾樣重要但冇咩人提既野。

第一樣係，累計盈餘。係2千年頭，個時又係財赤，咁其實好多人已經提出，既然外匯基金有咁多錢，兼且有咁多累計盈餘，所以可以將個累計盈餘劃入庫房去做民生工程。

衣度有份2005年立法會文件，入面有好多重要既資料，陣間可以再講。

第二樣係，外匯基金負債表入面有政府儲備同埋其他法定機構存款，咁外匯基金係每年要按返個保證息率 (我唔記我點訂，病緊，都冇心機查喇) ，將部份盈餘比返政府擺落財政儲備入面。

所以，你睇衣個外匯基金表現既表，係有兩個支付項目，係2023年係支付左355億落去財政儲備，另外都要比返法定機構。

所以，你見莊太量係文匯或者其他訪問講話，政府財政唔係好差，外匯基金係2023年都賺左2000億既時候，跟手話要將超額儲倫撥比財政儲備，又再跟手講話咩「另外一邊因為有好大儲備，所賺的利息會多過政府蝕的」，其實我係唔太明佢講咩既。

事關，外匯基金每年賺到既錢，其實已經係有機制分返比庫房，所以佢話將基金封頂超額部份放落庫房，其實而家都有分左多少既。

當然，個息率其實唔係美國定期或者咩 -- 不過我真係唔記得呢，但衣度話2024年既息率只係3.7%，低過10年期美國債券的。

再當然，文匯個報導入面都有暗示，莊太量自己冇講，而坊間亦都根本唔知咩係超額儲備 -- 換句話講，咩為之合適既外匯儲備水平。

************

好喇，我嘗試自己拆條數比你睇，或者解下以往官方有冇類似既講法。

最簡單既方法係，係2千年頭個時，D尊貴米話，我唔動用你外匯基金原本筆本金，不過每年得出黎既累計盈餘米應該放落財政儲蓄到囉。

當年份討論文件係2005年既數，當年累計盈餘係4千億左右。過左差唔多廿年，而家既累計盈餘去到6千5百億。

題外話， 個表現真係呢，好到唔駛理喇。

又不過唔好理，如果我係莊太量，我起碼都會講，個6千5百億累計盈餘係米可以撥去庫房，起碼我有個實數講到出黎咩為之超額。

而之但係，如果只係講個6千5百億，就算把喇  -- 當然，阿波叔係黎緊份預算案會唔會打衣個累計盈餘既主意呢﹖我覺得會。

如果遲下有人放風，就肯定會添 -- 識得衣樣野既，又肯放風既，就即係波叔放出黎架喇。

*************

當然，你又再睇返2005年立法會份文件，其實就好多野睇到。

份文件有講到，當年政府認為咩為之合適儲備，以至儲備同外匯基金既關係。

份文件講左儲備有3個需要，亦都講埋比你聽個大約實際金額應該係點。個解說好清楚，咁我COPY埋出黎﹕

7.  鑒於1997年及1998年發生亞洲金融危機，當時的財政司司長在1998年度財政預算案演詞中表示，政府當局有需要把相當數額的公帑留作儲備，以應付以下三方面的需要： 

(a) 應付日常運作需要儲備可讓政府手上有足夠資金應付日常的現金流量需要，並用以支付年中入不敷支的月份的所需開支； 

(b) 處變應急的需要儲備可用來抵銷經濟周期回落所帶來的衝擊，以及應付世界或區內的突發事件對公共財政所構成的壓力；及 

(c) 應付金融需求儲備有助保持匯率穩定。 

8.  當時的財政司司長亦就如何釐定須維持的財政儲備水平訂定指引。他認為，財政儲備應持有相等於政府12個月開支的數額(以3個月開支的數額作為增減幅度)，以應付日常運作及處變應急的需要。至於金融需求方面，他認為要界定在金融需求方面的適當財政儲備水平殊不容易，但經驗顯示，財政儲備越雄厚，公眾信心越強大。他表示，政府會採用M1定義的港元貨幣供應作為儲備的基準(增減幅度為M1貨幣供應量的25%)。 

9.  在2002年度財政預算案演詞中，當時的財政司司長指出，自從亞洲金融風暴爆發後，金管局已落實一系列措施，強化港元匯率的穩定，外匯基金亦已有3,000億元的累積盈餘，加強了外匯基金捍港元匯率穩定的能力。當時的財政司司長表示，他認為財政儲備已無須與貨幣供應量掛，只須預留一筆相等於政府12個月開支左右的儲備，便應足夠應付政府開支的日常和應急需要。他亦指出，雖然財政儲備已無須與貨幣供應量掛，但政府的財政儲備將會繼續存放於外匯基金，令外匯基金有更充足的資源來支持港元及金融穩定。 

****************

好喇，上面份文件，即係2005年既時候，政府認為，財政儲備既合適水平，係政府開支既12個月。

用衣個標準，係出年公佈預算案既時候，連埋發債之類，再加埋赤字比預期大，財政儲備大約係10個月左右既政府開支 -- 衣個估算好易做，你睇發表左既預算案既中期預測，佢估24/25年既儲備係等於11個月政府開支；咁而家收入小左咁多，所以10個月左右就唔會錯 (其實演詞都有講，不過睇中期預測個表就簡單好多，唔洗睇咁多廢話)。

咁你話，用返2005年既標準，香港政府而家既財政問題係米值得擔心呢﹖香港既儲備用返當時官方標準去睇，係米已經唔合格呢﹖

再睇埋外匯儲備，你話咩為之「超額外匯儲備」﹖其實咁多年黎都冇一個數既。又之但係，既然上面份文件話，「政府會採用M1定義的港元貨幣供應作為儲備的基準」，咁我好求其咁用貨幣供應既M1去講，你估2千年頭既M1係幾多，而家又係幾多﹖當時同而家既相對應外匯儲備又係幾多拿﹖

你唔洗去金管局搵，我又係KEYWORD SEARCH，統計署又會GEN到個貨幣供應既表比你﹕

2001年﹕M1=2,580億；M2=35,550億

2010年﹕M1=10,172億；M2=71,362億

2023年﹕M1=25,982億；M2=171,952億

懶，就咁GOOGLE，外匯基金係2001年6月既總資產係10,277億港元，當時M1係2,580億，比例大約係4倍。2023年外匯基金資產大約係4萬億港元，不過M1升到去25,982億，比例跌到去1.5倍。

當然，衣個比例其實係講黎曬氣。因為，外匯基金用作支持港元既作用，需要有幾多資產儲備做BACKUP，其實係冇客觀標準。

甚至金管局會同你講，衣20年做左好多優化措施，要衝擊港元真係超級冇可能。

又之但係，金管局夠唔夠膽講幾多儲備係足夠，幾多先係超額﹖莊太量自己都唔會夠膽講。而你睇返個外匯儲蓄同M1既比例，又真係跌得好多下。

*******************

所以，好多人話，香港除左有政府既財政儲備之外，仲有龐大外匯儲備，所以財赤問題唔係咁嚴重，其實就係廢話。

一黎，而家外匯基金本身就包括左財政儲備 (政府同法定機構放左落去既存款)，而外匯基金每年亦都會同政府分帳。

二黎，跟本冇人可以夠膽講咩為之超額儲備，講完有咩事咁點算 -- 所以，就算要講動用外匯基金去填庫房條數既話，識講既，都只係會講累計盈餘。

*******************

再當然，講到政府財赤，跟手又有人會講話，其實政府大把物業大把投資，其實可以變演黎到填儲備。

講得出衣樣野既人，就係睇到政府既資產，但冇睇負債。

衣樣，我好耐之前都講過，不過而家又可以UPDATE下。

*********************

你睇多次庫務署衣份用應計制編寫既政府財務報表，其實我之前都係講，識睇就一定係睇佢既承擔額。

你睇個報表入面既資產負債表，政府係有淨資產17,396億。不過，資產入面，好大部份係財政儲備，又或者係隧道政府建築之類既回定資產。政府當年就可以用五隧一橋發債去玩現金流等救命，不過而家咁多隧道唔洗錢，你仲可以發幾多債﹖唔通而家將軍澳隧道唔收錢，為左發債就重新收返呀﹖

除左上面既資產之外，係3,970億既「政府企業的投資及給予政府企業的貸款」，其實有千幾億係港鐵股權，都係唔可以變現 -- 你賣曬個千幾億既話，港鐵仲同你可加可減機制﹖你賣得個兩成之後保留返個控股地位淨係扲返幾百億，咁就不如唔好賣。

所以，好多所謂既政府資產，其實係唔可以變現。

再者，你睇佢個承擔額，其實係好精彩，先係真章。最精彩既係，之前都講過既，10,153億既退休金準備，衣條數係實數，冇得走既。

除左衣1萬億，佢FOOTNOTE31先係最精彩既數字。

衣個FOOTNOTE係叫做「於二零二三年三月三十一日及二零二二年三月三十一日，未包括在本綜合財務報表內的承擔餘額如下」。而係衣個ITEM入面，「基本工程項目、物業、機器及設備和非經常資助金」係2023年係8,373億，係2022年係7,653億。

衣個FOOTNOTE其實即係咩﹖主要既，其實即係每年係立法會財委會批既工程撥款。

係現金制之下，阿波叔就話每年基本工程開支係1千億左右；不過，立法會批既係整個工程項目由開工到工既承擔額，即係就算而家立法會唔再批錢唔比新項目開工都好，未來10年以內，都仲有8千億係要預留左去做工程。

當然，好多人唔明咩叫承擔額，連衣位尊貴都一貫弱智左，以為庫房批左錢就會係批出去個刻用曬，或者會放落去唔知邊到。不過，你只要明，個8千億係已經批左出去，政府幾時要用都得 -- 除非你話，SAY，立法會批左幾百億做填海，政府突然間唔填喇。

批左既錢，政府唔會唔用。反而係，個8千幾億批左出去既，超支就會再問立法會扲追加撥款囉。

ANYWAY，我就算假設政府由今日開始咩都唔做，不過佢都要為退休金同批左既工程找數，加埋係接近2萬億 -- 而衣2萬億，大約都係未來10-20年要比，即係分20年都好，每年都要比1千億出黎。

而你睇返當年份唔記得咩文件，退休金高峰唔係分20年或者20年後先開始，而係個高峰差唔多開始，即係20年後最後一批有長俸既公務員退休時，退休金承擔應該一早已經回落鳥的。

 (即係，好簡單咁解﹕公務員長糧制係2千年頭完架麻，當時60歲退休後，而家過左20年就領取緊退休金既人已經80歲，開始正常死亡，咁退休金準備就因應一併回落喇  -- 當然，通脹加人工又會令個退休總金額增加，不過死亡人數會抵銷甚至令到個金額縮小囉)。

********************

所以，其實上面講咁多，又係回帶。

********************

當然，其實仲有個問題，不過麥萃才其實自己都講左 -- 不過佢係用樂觀角度去講。

佢係明報話﹕

浸大會計、經濟及金融學系副教授麥萃才則指，今年度財赤增加不是源於政府開支上升。他說，公共財政不能單求平衡預算，舉例基建工程無即時經濟收益，短期帳面上帶來赤字，惟實際上並非財政問題而是融資問題。他指出目前庫房尚有數千億元儲備，認為可透過財政儲備「買時間」，經濟上「做大個餅」，日後經濟復蘇可以有較大增長。

睇完，佢同我一樣GET到既係，基建係冇即時經濟效益。不過，興建完基建，有冇經濟效益，係要睇你塊地要黎做乜架麻。

又係回帶。

香港幾大收入，其實係利得稅+薪俸稅+賣地+印花稅，入面係利得稅 千5億，賣地以往 近千億，之後就係 薪俸稅7百億，再之後印花稅變動大難講D，你可以自己再睇。

咁而家講搵企業落戶呀高才通呀，個D黎香港係做咩架話﹖

我當你真係政府咁講，係做科研、做無人車、做藥企、做咩都好，其實係唔賺錢既。我唔講APPLE個D公司以往用好多SANDWICH避稅，而家就多左好多國際協定去攪衣類野喇。

不過，個D黎香港既初創咩藥企，幾多係有錢賺﹖就算當佢真研究有成果賣到product，最後真係有錢賺喇，不過佢地係香港只係做研發，藥品銷售唔係香港，咁佢地要比幾多稅﹖就算係香港賣，又賣到幾多﹖

唔講藥品，我講呀美團係香港用無人機送外賣咁勁喇，咁佢每年會有幾多盈利丫，要交幾多稅丫拿﹖

香港一路都係屬地原則，係香港產生既利潤先要比稅。

係2023年，政府總收入係5,500億左右，利得稅+薪俸稅分別係1704億+798億，即係加埋有2,500億，再加埋近500億印花稅，即係衣3樣野有3000億，係超過總收入一半。

以往都講過，利得稅同薪俸稅既貢獻者其實絕大部份都係大企業同高薪人士。交稅既，係各大地產商、係銀行、係大企業。你估今年新世界交幾多稅丫拿﹖除左新世界自己，由佢而帶黎既薪俸稅、印花稅，仲有好多稅，係黎緊衣幾年，睇見個樓市咁款，咩野稅都會小左好多。

而家你要做大個餅丫麻，咁你話一間年賺我當係1千萬既初創黎左香港喇，咁佢要交幾多稅﹖班所謂高才通就算年薪50萬甚至一百萬都好，加加埋埋又係交幾多稅﹖

咁你話，所謂既學者呀、波叔之流，成日都話，香港個經濟週期好轉喇，稅收就會返黎喇，政府盤數就會好返喇，咁我就問你，而家政府目標企業，吸引緊黎既企業同所謂人才，佢地係會做D咩﹖香港真係做到政府所講個種轉型喇，稅收又會點扭轉丫拿﹖

以往投行一個DEAL可能幾百億，高層花紅幾千萬，每年交稅幾百萬甚至過千萬。咁你話係而家所謂既經濟轉型之下，將來仲會有幾多衣類人﹖你要攪無人機外賣，間公司係香港衣個市場可以每年賺到幾百億呀﹖

我特登睇稅局最新年報，係2022/23年度，年薪1千萬既人有3,143人，每人平均要交346萬蚊稅。係2021/22年度，衣個年薪既係有3,643人。

如果唔睇衣類最高薪既人，再睇中層，我估個人數會跌得仲慘烈 -- 你睇匯豐投行炒既都係中產，而家流失既都係衣班幾百萬年薪既職位。 

************

再講多次。

政府成日講乜春無處不旅遊，不過旅遊不嬲都唔係賺大錢既行業 -- 無論係公司或者個人黎講都係。咁既話，就算無處理旅遊好勁，咁政府又會從中收多幾多稅呢﹖

************

結論係，D所謂學者講既係冇錯架。

做大個餅，經濟好返，政府收入係會多左架。不過，問題係，你做返大個餅既時候，又係米之前個種 國際金融中心既餅﹖

************

最後，關於財赤，其實我個立場就一向都好清楚架喇。

李兆波同好多友不停話要減公務員人工去應付財赤，其實就係痴膠花。

一黎，政治上，你要減維護香港治安既良好公僕人工﹖

二黎，香港財赤問題，根本就唔係公務員薪金問題。最大獲既，係個D所謂做大個餅既基建 -- 而家已經係有8千億承擔額，再加埋黎緊北部都會區，其實已經有過萬億基建等緊扲錢。

再者，你減公務員人工，咁即係減埋香港其中一個消費主力。

又再者，最緊要既係，你減公務員，咁所有資助機構法定組織跟唔跟呀﹖

我早幾日係度講旅發局人工開支好勁既。如果你有心機去睇我條LINK，阿旅發局行政總裁年薪6百萬，佢下面管理層都係過好多百萬。你減人工，佢地班友洗小左錢，個市道又係一個deadloop -- 丫，唔洗搵喇，所有公共機構呀，乜春西九管理局阿CEO，人工仲多過6百萬添呀下。

****************

所以，結論都係，香港政府盤數，如果要繼續咁做建基，其實就真係諗想像唔到會點。

不過，衣個係大查飯，就算喇。

****************

講多句。

你話基建係米一定會做大個餅﹖

你問下麥萃才，就算啟德真係攪到個唔知點解咁平只係百零億既單軌，其實會有咩經濟效益﹖如果係都要攪，同攪個唔洗10億既BRT比，其實係社會經濟效益又有咩分別﹖

你諗下衣個問題，就會知道，班學者講既野，就真係唔洗理喇。

*****************

最後，再講多句喇。

如果你好似政府咁，將開支同收入分為經常性同非經常性，咁香港政府每年經常性開支大約7千億，經常性收入 (即係稅收加其他喇) 就係5千幾億，你要發埋債，其實都可能勉強應付喇。

至於非經常性收入主要就係賣地，非經常性開支就係基建開支喇。咁我當真係每年工程開支1千億，但往後10年加埋個承擔額係8千億，即係每年接近1千億。

咁你話未來10年每年賣到幾多錢地，每年賣唔賣到1千億，去找個8千億既數﹖我仲未計每年都有新工程撥款，即係承擔額係不斷增加的。

所以，你同我講話減10%公務員薪金，即係減個百零億可以解決到財赤﹖財委會求其一個項目都唔止百零億喇。

再唔係，你睇下之前我講過既財路阿科技卷，終於停左喇，不過衣幾年咁就派左66億出去，你話香港中小企而家有幾科技丫拿﹖你話貪左去既，係米得千零萬丫拿﹖

結論係，你攪唔掂非經常性開支即係基建條數，其他就唔駛諗喇。

******************

完。

2024年回顧

病病地，不過一路訓一路睇thread，都要忍唔住打埋今次字。

今年既回顧一定係﹕好後悔擒晚冇買飛去睇屎卡之奇幻旅程﹗

而家成個THREAD都係個演唱會，仲要聽住佢唱 KOLOR既海底隧道同埋MLA既失落沮喪歌﹗

下面佢兩首自己歌，即係 再見有時 同埋 我們只有一往直前 竟然仲好過albumn version。

不過，仲未有人係youtube放佢翻唱kolor既海底隧道，同埋洪嘉豪首膠歌 黑玻璃 (膠到極至變左好精彩我成日聽....)，就真係要再等陣添。

至於上面個spotify回顧，是的，今年仍然係MLA，不過竟然聽多左以前冇諗過會聽既張敬軒。

雙雄啟示

楊潤雄同林世雄比人炒左，咁睇開衣度既，都應該會估到我會講衣個題目。我特登擒日唔寫，睇下坊間d友會講乜。

咁我想講既又冇人講，咁就寫兩句，由細講到大。

*****

林世雄被炒，其實我當日佢上任我簡評新問責官員時，已經解釋左。

當時我話，佢幾十年黎既工程師training，一路都係技術官僚，又點可能做到局長﹖

之後係咩世紀暴雨既時候，我再評家超作風時，仲特登quote左林世雄個句經典，又係一個完美既預言，或者係完美既解釋﹕

當時，林世雄話，如果石澳道唔安全，就算特首要求開路，佢都唔會放行通車。當時我就話，行政長官係香港有超然既地位，佢咁講係完全政治唔正確。擒日，有線係回顧林世雄既時候，都特登quote返衣幕。

所以，林世雄表面既死因係，佢技術官僚出身，唔熟政策決策，亦都唔識同尊貴業界打交道。即係，阿阿家超講既，解說能力不足。

不過，佢實際既死因，其實係佢既技術官僚以至工程師身份 (做緊局長喇，仲講自己係工程師 -- 你見房屋局何詠賢有冇咁蠢丫，就算講都唔會拉埋特首講喇)，令到佢冇家超所謂既「有改革意識」、「認同施政理念」。

仲唔明我講咩﹖用個例子，就會講得白D。 

我成日係度講，用技術部門角度黎睇，天文台係示範左咩叫做改革排頭兵，成個掛風球考慮同公佈方式，都真係劃曬所有時代，可以係十幾個鐘頭之前預告幾時掛8號波，仲可以一早預告幾時落波。

衣樣野，林世雄又點會做到﹖同樣係工程部專業部門出身，你睇陳帆出黎講野，就係另一端例子喇，所以陳帆米撈到政協囉。

你再唔明，可以睇埋發展局寗漢豪近幾年不停講要檢討工務工程既流程，要降低建築成本。咁我都仲相信甯漢豪同埋新聞入面講阿董事會主席 (衣世人兄係呀林世雄前老細，最終又係退休前做埋常秘呢)既integrity。又之但係，你話搵個唔識既人做局長，定搵個有專業資格既人做局長，會易d「改革」丫拿﹖

再講多句﹕黎緊有咁多工程，除左鄧家彪會同你講阿中東王子個fd間公司係啟德攪單軌就一定掂之外 ，北部都會區黎緊咁多大查飯 (﹗﹗﹗)，你話如果有個「冇改革意識」，成日同特首say no既人係度做運輸基建既局長的話喎，你估係米會阻住緊「改革」丫拿﹖

所以，林世雄被炒既意義，其實大過楊潤雄好多，不過一般人唔識唔留意，林世雄本身亦都冇咁juicy，所以先冇人講佢。

至於好多新聞講林世雄既甩碌事件，例如咩易通行計劃延遲，旅客元旦訓街，其實，衣幾壇野唔係運輸署事既咩﹖當時既署長係邊個﹖米係羅淑佩囉。

******

楊潤雄被炒，就更加簡單，不過都可以有個唔簡單既解釋。

簡單既結論係，佢真係能力有問題之餘，做人都有問題。hk01今年其實有報導過衣個好有趣既新聞，話阿楊潤雄在上任兩年後先主動約班尊貴，不過食飯飲茶灌水時講既野，都係遊花園。

你連飲茶灌水都唔識，咁鬧你米可以大聲d囉。

至於佢講咩taylor swift個d，就算把喇，其他局既解說能力又好好咩。

***********

不過，上面係廢話，較唔簡單既解釋就係，最宏觀咁睇，係政府入面，任何人攪旅遊盛事，都係死緊，事關個大局就係咁，香港既吸引力真係大到，你攪咩都吸唔到海外旅客 -- 就算吸到大陸客，都係同你玩特種兵唔會消費。

丫，題外話，你可以好似旅發局咁話，香港多左好多菲律賓東南亞旅客。不過，實情係，同大陸客相比，個量仍然係唔需要理個隻，同埋亞洲其他國家都多左好多衣類客，根本同香港吸引力冇關係 -- 我fact都唔駛check，不過你去日本睇下就知。

*************

講返正題，亦都係另一個潤雄之死既重要原因。

冇咁宏觀咁睇，楊潤雄之死，其實就要睇阿家超改革左三司十一局之後，今屆文旅局其實係攪笑定位。

先講返上屆政府架構。

上屆民政事務局下面有一系列既署或其他機構，係包括民政事務總署、康文署、西九發展局、新聞署等等。而家係政府網頁好難搵返出黎，你睇wiki喇。但係，以往民政局以至下面既署，係比較純粹對內，真係攪本地民政。

同一時間，係上屆既商經局下面，係有旅遊事務署、貿發局、投資推廣署、經貿辦，再加上工貿署等。你見攪旅遊發展所有對外事務，係商經局負責，基本上係統一處理。

亦所以，上屆講海洋公園迪士尼遊輪碼頭，係邱騰華出黎講，事關睇上面海洋公園幾壇野，係旅遊事務署負責。

好喇，今屆政府重組左，文旅局無啦啦橫空出世，扲左以前民政局既 康文署 同埋商經局既 旅遊事務署返黎。所以，成個文旅局除左對內，亦都要對外。

亦所以，康文署下面好多野，除左要考慮本地用家之外，無啦啦九唔搭八要滲入「旅遊」既政策考慮。例如，say喇，我攪博物館講香港本地史喇，無啦啦要考慮埋旅遊原素，理論上都要諗下點吸遊客喎。

你有興趣，就睇最新一屆政府架構圖，睇下文旅局幾騎呢。

咁冇咩既，學家超咁講，好多野都跨部門架麻，局長講既係領導能力架麻。不過，你要講旅遊，特別係講商務旅遊講高質客，講到會展吸引力，其實係組織架構上，就唔關楊潤雄事。

事關，衣d野係貿發局負責，而貿發局係under商經局，你睇而家政府budget貿發局都係由商經局睇住。

而貿發局除左招商吸引之外，佢亦都係睇住成個會展管理，即係吸引商務旅遊吸會展客個part，以至成個會展中心營運策略，又係由貿發局去睇，即係都係商經局負責。

再講深入D，你可以睇下貿發局個理事會，除左九唔搭八整左個新聞處處長入去之外(即係之前立廿三條比鄧炳強表揚個副秘呢)，政府既局方代表係，商經局邱應樺，而非楊潤雄的 (我知，旅發局主席都係理事會入面，不過份量同局長完全唔同喇)。

咁你話，楊潤雄以至文旅局同貿發局可以有幾大關係，甚至有幾清楚貿發局既所謂發展策略、年度計劃、日常運作等等﹖

所以，你見羅淑佩擒日上任就去貿發局攪個個個咩文創設計活動，其實就有d攪笑；你見本研社擒日抽水話展覽業谷唔起又係攪笑。

亦所以，如果你話要重組政府，要改革的話，就算唔改變經貿辦貿發局等架構，不過係米起碼都要擺埋文旅局局長落去貿發局個board度呀﹖

至於點解唔擺，有冇人發現衣個問題，就真係，另一個問題。

**********

再者，比多個實際操作例子，個例子係打緊字即時諗既，所以對有留意開既人黎講，係常識黎既。

係實際層面操作上，而家跟埋國策玩另類一邊倒，乜春都講中東東南亞，無論係投資經商旅遊，都講中東丫麻。不過，你試下google旅發局+中東，你係最前既result會見到咩野﹖旅發局飛去中東做巡迴宣傳喎，同阿聯酋航空簽合作備忘錄喎。

即係，我一路都話，旅發局一直都係廢廢地，再加上冇錢，其實真係燒下錢當做左野咁。

**********

補多句﹕

我再check返旅發局年報，或者應該咁講。政府每年向旅發局提供好多資助，衣幾年係10億以上，資助額仲多過經貿辦同貿發局。不過旅發局人工好貴，2023年10多億開支入面3億係人工；係2022年疫情時，開支跌到6.6億，不過人工都仍然接近3億。

所以，我都講過，旅發局係2022年疫情差唔多完，佢就攪好多煙花同埋無謂野，燒左好多錢係無謂野度，淨係向旅客派九唔搭八消費卷都用左好多錢，事關佢真係要燒錢證明自己既存在。你再睇埋，佢近幾年搵好多海外kol拍下片宣傳香港，不過最終黎既又係咩客﹖

************

講返正題。

而事實上，我睇完旅發局個新聞稿都覺得唔對啊，所以再用多幾分鐘SEARC下，就會見到，你睇下衣位尊貴問阿楊潤雄係中東點推廣香港時，阿楊潤雄答左咩野﹖

係個回覆入面，基本上，大部份做野既都係經貿辦以至投資推廣署，旅發局淨係九唔搭八派下野簽下合作備忘，再整下網站就當做左野 --佢做既野肯定係九唔搭八，事關如果有人問旅發局做完咁多野之後，香港多左幾多中東客呢，佢一定唔敢答你，或者答話咩建立形象要時間，慢慢黎喇之類。

相對旅發局，經貿辦篇制上真係政府部門，真係官方機構，係個AO管錢之餘上面又有內部睇住，所以又真係D錢要用得準D。所以，所謂真係做野做推廣既，特別係講緊吸引投資商務客既，其實都係經貿辦囉，亦所以你會見到上面答立法會個度，D野係冇咁虛既。

亦所以，上面衣個咩中東推廣，你睇完，好多實際工作，其實又係唔關文旅局事 -- 你話楊潤雄幾有統籌領導能力都好，真係有錢有官方角色既經貿辦同投資推廣署都唔係under文旅局架囉。

再者，好實際咁講，楊潤雄如果交單比經辦辦同投資推廣署叫佢做野，你估佢地會聽幾多丫拿﹖要交單交order，用多左錢用多左人，你文旅局跨部門比錢呀﹖

你睇下上面條link，預算案經貿辦最頂個版寫住咩﹖寫住阿管制人員係經貿辦常秘呀﹗controlling officer睇住經貿辦個budget既係商經局呀。你唔比錢，我又點做額外野呀﹖

又之但係，李家超九唔搭八將旅遊彈左比楊潤雄，所以佢先要九唔搭八代商經局去答個尊貴既問題，不過成個回應內容有一半係商經局負責的。

**************

所以，你話楊潤雄以至下任羅淑佩可以點樣無處不旅遊，點樣推盛事經濟，點樣推廣中東旅遊丫拿﹖係米一句話，羅淑佩有領導能力就要領導埋商經局下面既組織，定又要搵阿副司長出黎拆掂佢呀﹖

淨係靠個咁多年唔知存在為咩既旅發局 (講多次﹕旅發局十幾年黎不停講係世界做唔同推廣，不過就算係2019年之前，香港都係超高度集中內地客，仲要係內地客黎香港唔關旅發局事的)，你覺得文旅局可以點樣攪咩無處不旅遊﹖

如果你話要活化旅發局，就真係另一回，我亦都唔相信有人會做到囉 -- 況且攪起成個旅發局，做埋商務旅遊個D，你又要同貿發局經貿辦投資推廣處重新理順個組織，又唔係人攪的鳥 (特別係而家大家都UNDER唔同局)。

講開商經局，你睇邱應樺，佢係繼我成日提既曾國衛之後，另一個人間蒸發既所謂局長 -- 而家旅遊事務署唔係UNDER商經局，佢就真係超好命。

**************

結論係，楊潤雄之死，故然係佢個人問題，係抵死。

不過，由宏觀環境，去到政府架構，你要文旅局做無處理不旅遊，講到要吸亞拉伯旅客，就點都係會死。

**************

講完雙雄之死，咁再講多幾句。

你睇今次升上黎既，兩個都係前常秘，你就知道，李家超所謂既改革，其實都係要靠返班AO。成個所謂團隊有咁多副局，又有咁多建制尊貴，最後都係要搵現任AO上黎。

即係咁，你睇返而家既局長入面，可以咁樣分類同評價﹕

1. 技術官僚或者專業職系/紀律部隊出身，有6個﹕謝展寰蔡若蓮曾國衛都係極品，解說能力又係一絕；盧寵物既解說能力又係一流，可以成個業界同尊貴都要媽差佢；至於何詠賢，越黎越入戲，越黎越似AO，睇佢講簡約公屋講到九唔搭八就知；最後，炳強就no comment，事關佢既標準係另一回事。

2.建制出身，有2個﹕麥美娟+許正宇，佢地做過咩話﹖

3.街外出身，都係2個﹕孫東、邱應樺，前者係內地sales，絕對合格，後者你幾何見到佢﹖我淨係記得，好開頭上任時，佢又講錯野，講話要向外國解決23條係「迎難而上」；又或者係，佢講電話實明制係防止罪案時，又亂up唔知道個line to take。

4.其餘局長既係，全部AO出身，原本4個，而家5個 (楊潤雄都係AO喇)。唔數名啦，不過你見到個TREND喇，換人都係換多個AO返黎、

當然，你睇新任既陳美寶出黎，就係典型AO，講野既語氣內容，係翻版甯漢豪，基本上係冇感情，代表既係個職位。

羅淑佩衣排出黎講呢，其實唔似AO，係好似一個人，故下邊個﹖唔係何詠賢，不過都係一個係人都知，又係AO出身既女人。兩個都係自以為特別，會九唔搭八講講下公事就講私事，但係老細有ORDER就會咩都唔理加倍去交單個隻。

咁你明我講咩喇﹖

所以，睇羅淑佩咁既款，似係遲早出事。

***********

結論都係，搵AO做局長有好多好處。執行上，佢地最熟政府，最能夠推動公務員系統去做野；其他方面，佢地既training係就係按程序辦事，不過另一個特點就係聽老細話，有單就會接單。

所以，阿家超就算點偏好紀律部隊都好，點都係要靠AO囉。

***********
其實仲有野講，都係我上個post講既問題。

咁遲d先講。

***********

完。

總結海洋公園．及其他

諗諗下，擒日講海洋公園真係講得太煩。咁，用個最簡單既講故佬形式講多次，作結。

**********
盛智文末年，海洋公園計劃攪多次大龍鳳更新，利用興建新設施去吸引人流同提升盈利，想玩衣個財息兼收。

新計劃下既重頭戲係水上樂園。原本諗住用22.9億攪個水上樂園，點知超支到36億，最後要問政府齊頭借左54億去為水上樂園埋尾，同埋償還因為大龍鳳計劃而去問銀行借既商業貸款。

水上樂園係超支延遲完工好多問題之下，最後係2021年開放。原本估計每年入場人數110百萬左右，就可以打和盤數，多過110萬人就仲有錢賺。點知，最後開幕幾年都係得30萬人入場，唔計36億建造成本，開張到而家，水上樂園淨係營運都要每年蝕幾千萬。

如果想用海洋公園盈利去抵銷水上樂園蝕本，就更加係妄想，因為海洋公園十幾年黎既營運都係蝕錢，最新一年都人流已經係過去5年新高，不過都仲要蝕7千萬。

更加大問題係，雖然政府已經多次優待海洋公園，之前借既54億已經唔計利息，亦都可以延遲還款。不過，海洋公園係2028年就要開始還錢，開頭每年要還3千7百萬。

海洋公園包括埋水上樂園就每年都蝕錢，根本唔可以靠營運盈利去儲錢還錢。

如果要睇海洋公園儲備，你睇佢個銀行戶口，之前借落政府貸款54億，到而家用淨19億左右，都好似仲有d儲備，好似可以挨多陣。

不過，海洋公園衣幾年營運蝕小左錢，其實好大原因係，因為個19億用淨既政府貸款入面，大部份都擺左落去做定期，每年都有幾千萬利息收入。如果海洋公園要開始還錢，利息收入又會開始減少，變相每年要蝕小D錢就更難，要有盈利就再難上加難。

有人諗緊，熊貓經濟會係海洋公園既最後殺著，可以吸引人流同增加盈利。不過，海洋公園遊客過去一直既平均消費加埋餐飲金額都唔夠1百蚊，就算增加人流都唔可能大幅帶動園內餐飲消費收入。勉強去大幅加價，反而可能令入場人數減少，得不嘗失。

唔理現有樂園消費，就算真係熊貓經濟熱賣，熊貓公仔賣100蚊1隻，都要賣100萬隻，先可以帶黎1億收入，係未計及售賣成本後先可能勉強令到收支平衡。不過，而家海洋公園入場人數大約300多萬，真係可以每3個入場遊客就買1隻熊貓 ﹖

再者，養熊貓係要錢，如果興建熊貓館就要更大筆錢。究竟每年因為養熊貓既新增開支，又係米可以因為熊貓經濟帶黎既收入而抵銷﹖如果養熊貓成本貴過收入，只會加速海洋公園死亡。

衣個，就係海洋公圖既死局。

***********

well，將上面段字，改返做書面語，就係一個合家歡既報導鳥。

***********

講其他。

拜登特赦個仔喎﹗好奇呀﹖早排先係度講，侵侵要選總統既目標，攪個咁既內閣既原因，就係要確保4年落台之後會被特赦。

香港今年財赤又預計過千億喎﹗好奇呀﹖正常人係今年初都知今年賣地唔掂，利得稅收皮 (地產商銀利係大戶，你問新世界今年預計交幾多稅丫拿)，係得阿波叔或者唔識野既真心膠 (例如d保安升官上黎個d) 先會信波叔jak -- 我懷疑波叔其實都唔信自己。

一週一行喎﹗咩事呀，人仔又跌喇，你估落黎同黎玩週行個D會駛幾多錢做D咩丫拿﹖除左醫美醫療，仲有咩要同你駛錢丫拿﹖衣個弱智既惠康早排都話要賣多D內地貨同山姆競爭呀。

其實仲有其他野講，不過衣排打太多字，都係收皮。不過，王立第二戰研所近排衣篇文幾好，講緊樣我一直都想講，但又廢事講既野。

遲D講。

**************

完。

壓倒海洋公園的尾二根稻草

見阿斷SIR今年按傳統又講海洋公園，咁我都要再寫多篇。

事關，佢淨係用個EXCEL表睇盤數，得出個結論話「海洋公園仲輸緊錢，但至少蝕少啦，冇好似之前咁無底深潭越蝕越多。況且，照計明年真係明年會更好」。

咁，我就想再講個水上樂園，同講多次主題公園個business model。

***************

題外話，今日明報阿斷sir又正式係報紙講海洋公園業績。我唔會比錢明報，所以睇唔到內容，不過，佢篇文既內容應該同佢fb一樣 -- 所以，我就肯定唔同意佢既結論的。

***************

我懶，擒晚睇完斷sir篇文之後，就咁google「水上樂園+成本」，就搵到下面想講既資料。

你睇wiki個水上樂園，有好多有趣既資料話比你聽，例如﹕

1. 2013年5月 — 政府向立法會財務委員會申請為海洋公園提供附屬貸款22億9千萬港元並徵收浮動利息以推展水上樂園計劃，議案獲委員會通過。政府遞交文件顯示拆卸及準備工程於2013年年底展開，而主要建築工程於2015年年初動工。項目預計於2017年下半年完工，營運首年總入場人次預計超過150萬

2. 2019年12月 — 公園時任行政總裁李繩宗接受訪問時表示水上樂園於2021年年內開幕，但正式開幕日子未定[29]。同月公園公佈2018至2019財政年度業績報告，被香港蘋果日報發現公園正與水上樂園顧問公司就設計問題對簿公堂，牽涉金額逾10.1億元；另外公園亦正面臨水上樂園兩個承建商就工期延長、額外工程等問題分別索償約4億元及3.7億元。水上樂園造價由2012年提出時預計的22.9億元飆升至36億元，超支達57%

3.根據海洋公園顧問研究推算，水上樂園每日接待15,000名遊客，約60%屬於本地遊客；預計於營運首年預料吸引到逾150萬名人次入場，約1成為為了水上樂園專程來訪，並且將會逗留香港3.6日。於2018年至2048年，將會為到香港每年帶來8.42億至12.4億港元的額外可量化淨經濟效益[46][47][48]，帶來（自2018年）2,900個至4,290個（至2048年）新就業機會[49][50][51][52][53]，由2014年至2048年間為本地生產總值作出180億港元之貢獻[54]。

除左上面既資料之餘，我google第一個結果就係衣段新聞，又係精彩，例如，係回應緊水上樂園既時候，阿旅遊事務專員黃智祖係咁講﹕

估計未來10年海洋樂園的營運開支，未計折舊每年約3億多元，最高或須約5億多元。他透露，其中以薪金佔大部分，維修費用則為餘下的部分。他亦預期，每年總入場人數約110萬人次，當中100萬人為本地旅客。他亦提醒田北辰指，除了門票收入外，公園亦有餐飲服務、櫃物櫃等服務收入。

****************

其實，上面既資料我上個post都有講到小小；而再睇完上面，就更加明水上樂園既問題。

咁我再講多好多句，講到係人都明個隻。

1. 當年財委會批出既貸款係22億9千萬，之後超支，所以海洋公園係再問中銀借左幾筆商業貸款。anyway，你就當水上樂園總成本係36億喇；

2.衣個借錢其實唔重要，因為係2020年第一次救命撥款，原本就話海洋公園合共向政府借個54億 (包埋上面22億喇) 可以延遲還款，不過就要係2021年9月開始還錢。又再不過，去到2021年既第二次救命撥款，就話公園都係攪唔掂，咁當時第二次救命撥款申請就決定﹕

2.1.免左政府貸款既利息 (﹗)；

2.2.仲將個還款期延遲去到2028年開始(﹗﹗)；

2.3.仲要將個還款期由10-20年延長去到31年(﹗﹗﹗)，開頭個20年左右仲要每年只係還個3千7百萬，係去到2047年先開始要還3.5億，之後再加落去直到還曬所有錢 (文件附件3有個還款表)；

3.咁好喇，政府點評估還款期延遲到2028年先開始之後，海洋公園就有能力還錢呢﹖佢文件附件4有個公園同水上樂園既營運開支同收入預測，佢預測水上樂園由第一年既收入已經係3.45億，開支就只係3.35億，所以水上樂園由第一年已經有錢賺，可以開始產生儲備還錢 (佢個估算應該係冇計折舊個d，不過以儲備或者現金流角度就無所謂喇)。

4.咁點解佢咁有信心水上樂園有錢賺﹖因為，第二次救命撥款文件入面，係預測入場人次頭幾年係140萬，之後幾年都keep到130萬。所以，阿專員係2021年段新聞話，「他亦預期，每年總入場人數約110萬人次」，其實已經小過份文件既預測架喇。

睇完上面幾點，其實，米即係擒日我講個point囉﹕

1.我先唔理海洋公園政府借左個54億要係2028年開始還，個水上樂園建造費用係36億，簡化咁除返25年線性折舊期，即係每年折舊成本係1.44億；跟手每年營運個水上樂園 (當係一年365日全天候營運)，用返年報個數係1.844億，即係衣舊水上樂園每年既成本係3.284億 (1.44億+1.844億)，亦即係個水上樂園每年要產生到3.284億收入，先回到本。

1.2.ok，你話純粹睇營運現金流睇下個水上樂園可以產生到幾多盈餘再變做儲備去還錢都好，咁就可以唔睇折舊 (即係好似斷sir咁，純粹睇個營運)。不過，我擒日個post已經話左比你聽，水上樂園個營運成本係1.844億，都係cover唔到個收入的。

2.講返正題。當然，上面講折舊講營運成本，其實係超樂觀估計，未來幾年個數可能會再爆上。事關，因為阿專員係段新聞既講法，係「未來10年海洋樂園的營運開支，未計折舊每年約3億多元，最高或須約5億多元」。冇理解錯既話，即係上面我根據今年年報去估，個3.284億折舊+營運成本既數係大幅低估，阿專員講緊既先係真實成本，係每年最高可以係3+5億，即係8億 -- 當然，你都可以話阿專員係亂UP，年報過度核數師就年報先係準喇。

2.1.而之但係，我係篇文跟住落黎既部份，會講阿專員點解咁重要既。

2.2.ANYWAY，如果你話個營運開支最高係5億多元，咁就算唔理個3億折舊，都真係食得屎。

3.又再講開又講，點解專員個數係差咁遠﹖因為折舊衣家野係藝術，阿專員講既可能係真話，樂園既報表就同你玩下財技 -- 例如水上樂園個建築物可以分40年 (阿專員say以為係20年)，機器就20年 (正常就say15年)，咁個每年折舊數就可以差好遠。

3.1.你如果有興趣睇，佢份年報有講折舊同減值policy，其實又好誠實話你聽個彈性係好大 -- 雖然一般會計政策又真係咁的﹕

4. anyway，就算我當水上樂園既成本係每年3.284億，咁但係上個財政年度同今個財政年度入場人數都係得30萬人，產生既收入都分別只係1.661億同1.297億，咁你話個入場人數唔去返100萬，即係簡單地將個收入乘返3倍既話，咁又點cover到3.284億衣個嚴重低估既成本﹖

(所以，阿顧問個100萬入場人次個估算，其實係正確既 -- 真係要有100萬人次入場，個水上樂園先圍到個成本)

4.1.亦所以，唔係題外話，阿專員係2021年立法會入面，係疫情期間，仲根據個顧問話，估計個水上樂園開幕後有110萬個入場人次，就真係驚為天人。

5.好，講返正題。用c奶既角度去睇，我當水上樂園好勁，每年收入有2億，已經比佢衣兩年既實際收入再多喇，咁你將個建造成本36億除返2億，個水上樂園要18年先回到本 -- 我個2億收入係高估之餘，仲未計18年入面要做幾多次大維修，甚至可能到廿零年就要報廢拆左成個水上樂園。

5.1.而SADLY，而家水上樂園冬天唔開，我都講佢有2億收入，不過仲係未扣個營運開支架下 -- 個營運開支都要2億，咁計埋就唔計個折舊就每年都仲係打和，咁衣世都回唔到本架喇。

6.所以，個水上樂園36億係一定蝕錢，倒左錢落咸水海。而家個水上樂園得30萬人次入場，亦都拉動唔到整個公園既入場人數增加門票餐飲收入，更加唔可能好似份文件咁吸引到旅客黎香港，即係無所謂既介外效應。

(註﹕下面打打下字，我發覺到水上樂園係好吊鬼地可能拉動到整個公園既入場人數的，下面第13點有講，真係非常吊鬼)

7.而家水上樂園係蝕錢，未來都睇唔到佢點樣可以入場人次無啦啦爆升賺錢 (我當熊貓好勁有好多人突然好想去個公園睇熊貓，不過都同水上樂園無關喇 -- 除非幾隻熊貓同你游水jak)，即係個36億建造成本要靠海洋公園去補貼還錢。

8.不過，你睇公園成盤數，其實又係蝕錢，我擒日cap埋個營運產生現金流，今年終於正式開始負數。唔計定期存款，個年終現金等值物係由上年既3.219億跌到去今年既1.499億。

9. 你可以好似斷sir咁話，海洋公園盤數係6月截止既，咁安安佳佳樂樂含含咩熊貓效應係仲未開始，所以下年盤數有機會好返。不過，之前好多人嘈話養隻熊貓好貴，光傳媒話有人估之前要1千2百萬一年。咁而家再多四件，一年駛唔駛3或4千萬甚至更多丫拿﹖

9.1.今年整個海洋公園蝕7千萬，我就當熊貓效應好勁都好，你估整個海洋公園可以收入多7千萬之餘，仲可以慳埋個額外增加既幾千萬飼養熊貓成本丫拿，令到成個公園既經營係有盈餘有錢賺丫拿﹖如果經營盈餘唔變做正數，每年都仲要蝕錢，咁2028年點樣開始還錢比政府﹖到時又問銀行借呀﹖

10. 再者，又係講返我成日講既折舊。你睇埋光傳媒報導入面馬會捐左1.2億提升設施，不過衣1.2億肯定唔係阿局長講既興建新熊貓館。興建一個咁既館，又要10億8億。你又將個館除返開30年，咁連埋每年養熊貓既營運開支，每年個成本又要幾多千萬甚至億丫拿﹖

11. 又再多次再者，海洋公園門票官方定價係成人498，小童249，樂愁卡長者100，我拉平均數300元正 (以前遊客飛團體飛係有折，所以公園門票收入係好低的，衣個數都可能高估)，當你個熊貓館每年吸引到額外30萬遊客，咁衣度係有額外9千萬門票收入 (即係，300大元*30萬遊客)，計埋餐飲同賣熊貓產品，係會有1億收入。咁我唔理個增加左既成本，係cover到熊貓飼養費用喎，分分鐘可以補貼埋個水上樂園喎。

12.不過，而家公園入場人數係314萬，你估熊貓係米可以吸引到額外一成客﹖即係我上面亂講既額外30萬遊客﹖

13.你又再估，個一成客既平均入場費又係米300蚊丫拿﹖你自己淘寶睇下，大陸旅行社賣緊既入場門票係，港紙3百蚊唔洗，咁你估D旅行社用幾多錢扲張飛返黎，海洋公園實際門票收入係幾多丫拿﹖

13.1.我唔淘寶，講高消費海外客，而家CHECK返，原來海洋公園成人門票，klook都係賣緊4百蚊一張飛，平過官方價1百蚊。如果，再連埋水上樂園個海洋快證，加埋先係711大元，咁你話海洋公園同水上樂園個實際平場入場收入係幾多丫拿。

13.2.題外話。水上樂園官網話個海洋快證普通版要320，進階版就要580，咁klook個海洋公園加埋海洋快證先係711大元，咁就好可能解釋到點解擒日我問，水上樂園入場人數不變，但點解水上樂園個收入跌左幾千萬鳥 -- 原來，又係變相減價﹗

13.3.原本海洋公園門票成人係498，水上樂園快證係580，加埋理應係1070。不過KLOOK COMBO係711，再計埋佢要賺差價，海洋公園實收唔知有冇6百蚊。

13.4.除左KLOOK之外，海洋公園附近間酒店又係有類似既COMBO賣飛，海洋公園又係要賣平飛出去 -- 題外話，之前都講過，海洋公園係酒店可得既分成都係好小。再CHECK返，WIKI就話係酒店收入既1.75%，年報就話，上年同今年分別收左1千1百萬同1千4百萬。

13.4.OK，講返正題。而衣個賣飛combo亦都好可能解釋到，點解海洋公園入場人數衣兩年升得咁多 -- 反正我單買水上樂園海洋快證都要580，咁我比多一百蚊多小小買埋海洋公園既飛囉 -- 不過，咁既話，海洋公園既實際平均門票收入會被拉低，平均人均餐飲其他消費又會小左囉，事關我唔會水上樂園食完又係公園食多次架麻，甚至可能遊完水倦得滯冇心機再行公園呢。

13.5.最後，佢COMBO飛如果真係等於平賣門票，係會直接令到個水上樂園收入跌左。不過，個報表應該唔會咁喪心病狂，收入就用返正價飛去入數，再將個discount打落去廣告費用之類當係成本入數掛 -- 如果係咁，而個水上樂園收入都跌，就仲食屎，所以應該唔會既。

14.再再講返正題，再講多次就算熊貓帶動到入場人數上升又會點。海洋公園2012/13年個最高入場人數紀錄係770萬 (衣個係年報數字，wiki唔準的)，之後幾年都維持到有7百多萬人次，不過去到2016/17年已經得返580萬人次，之後keep住都係5百頭，係去到2019同疫情再跌到去200萬樓下，所以而家314萬已經係近5年高峰。

15.咁你話，大陸經濟咁優秀，鬼佬客又小左咁多，仲要附近有咁多類似既公園競爭 (頭先search淘寶門票，長隆個海洋王國都同海洋公園差唔多錢，唔洗sell平吸客)，咁你話海洋公園可唔可以返返去500萬入場人次丫拿﹖

16.就算我當熊貓經濟真係好勁，海洋公園去返2016年開始既恆常5百幾萬入場人次，不過當時既業績係點﹖google返，2018年業績既新聞標題係「海洋公園虧損逾2億連續三年「見紅」　推四新項目救亡　未提加價」。即係，你有5百幾萬人入場，其實都係蝕錢。

17.咁點解蝕錢﹖我特登睇個年報，不過都係唔copy出黎，因為入面段新聞都有講，個原因都係個樣﹕公園指，由於在娛樂和遊人款待服務方面的投資增加，設施維修成本及其他營運成本上漲，及折舊高等，淨虧損2.365億元。比上個年度虧損輕微擴大。

17.1. see，又係「成本上漲」+「折舊高」。

18.如果你要cap圖，就係咁﹕

18.1. 公園2017/18年既經營營餘係3.294億，不過折舊已經係3.967億。又都係應驗我個句，起得越多野，就死得越快 -- 公園係2006年開始攪個全新計劃，2010年左右開始新項目落成，所以當時又開始打爆左個折舊。你有興趣，睇阿斷sir個表都會見到，我係舊post都講過的。

19.所以，結論係咩﹖你如果淨係睇最top line睇營運，可能可以好似斷sir咁講，海洋公園好似蝕小左喎，唔係無底深潭喎。

20.不過，如果你睇埋個折舊，再睇埋遲兩年開始要還錢比政府既財務費用，就會見到個潭會越黎越大。

21.而你係佢過往既表現都會睇到，海洋公園以至主題公園個business model就係，你起得越多野，營運就可能會好，不過興建既設施係要還的，具體就表現係個折舊入面。

22.當然，你可以話，折舊唔影響現金流﹖係架，不過問題係，海洋公園興建既設施，好超大部份 (其實我原本想講全部，不過冇check就保險d個講法) 都係借錢返黎做工程架囉，到時到候要還錢架囉。咁所以，你可以將個折舊等同財務費用囉，折舊米以另一種形式影響個現金流同儲備囉。

23.我上個post講海洋公園個營運現金流係負數，現金等值物又新底，個現金等值物由上年既3.219億跌到去今年既1.499億。咁2028年開始，每年要還政府3千7百萬，你估佢個現金儲備到時頂唔頂到丫拿 -- 而家仲講緊要興建熊貓館呀。

24.補多句，再睇返，計埋3個月以上定期存款，公園係有16億現金。不過，同佢每年現金流出，再加埋個政府貸款，就真係，可以蝕多幾年，咁囉。

25.同埋，唔好唔記得，上年我同經濟日報都有個comment，係海洋公園靠定期賺錢。個16億如果唔放落定期，或者扲返一半出黎，公園每年又小左幾多收入呢﹖

********

最後，講多句。

海洋公園既問題，係營運模式問題，亦都係管治問題，亦再即係政策既問題 -- 海洋公園有條例管既，所以就算唔係官方機構都係法定機構，所以佢既問題亦都係政策問題。

咁，知唔知點解我特登quote呀旅遊事務專員黃智祖講既野呢﹖

係2021年個救命撥款安排入面，政府除左又申請撥款開設職位去檢討海洋公園發展之餘，仲借調左阿旅遊事務專員黃生去海洋公園做行政總裁，去睇住盤數，同埋監督衣個重新方案。我成日講既山下旅遊方案，就係黃生把口度講過出黎，不過而家又八萬五左喇。

所以，政府早幾年攪左咁大壇野，又延遲還款又重生計劃，不過，最尾都係要靠阿新主席出黎用財技去攪到海洋公園好似蝕小左咁多，就真係攪笑。

而家多幾隻大熊貓，海洋公園就又要走返條舊路，又要興建多一個熊貓館加設施。

最尾你話可唔可以cover到個成本﹖你見我上面報導條link，楊潤雄既語氣係，政府都要協助解決，就分分鐘係政府出錢，或者再dup商界馬會 -- 如果又係貸款海洋公園，咁都應可以加快該破產囉 -- 而家淨係要諗點填水上樂園條數點樣每年還個3千7百萬，都應該諗爆頭鳥。

即係，你可以繼續做數用回撥去整靚盤數，甚至繼續用變相減價或者唔同銷售安排去谷個水上樂園入場人數，做到個報紙標題可以年年都話「海洋公園入場人數創近年新高」，不過，個現金流係唔可以扼人的。

************

所以，都係我早兩年既結論一樣。海洋公園，係死局 -- 尤其係，水上樂園都救唔返佢條命，而家仲要變埋催命符添

************

至於我個題，其實題解就好易﹕水上樂園係尾二根稻草，最後個根米係熊貓館囉 -- 除非個館真係又dup人心口，咁就冇左借錢/還錢/折舊個問題。不過，個館既營運費用都會加速海洋公園死亡。

************

最後，補多句。

我係2020年個post米話，海洋公園攪咁多野，其實已經同海洋公園公司條例入面，指定海洋公園既職能好似有離題既。

早幾日打文時睇返，原來政府係2021年又真係修訂左條例，為海洋公園加左個保肓職能之外，仲加多左樣好重要既新野﹕「賦權海洋公園公司在香港境內或境外提供及管理有關康樂、教育及保育的設施，以及就這三個範疇籌辦項目或活動和提供諮詢服務」。

well，衣樣野好重要，基本上係海洋公園加左個全新既職能同定位，仲合乎融入大灣區既主旋律添。

不過，政府真係覺得，大陸D公園會同你合作既咩﹖再者，你又覺得海洋公園自己攪得好好咩﹖

哈。

************

再最後，補埋衣句。

我真係冇詳細睇海洋公園盤數。不過，衣篇報導衣句就係個啟視﹕訪客人均消費按年增6%。

你自己去klook睇下海洋公園d餐飲卷賣幾錢﹖小食亭84，餐廳145，去到最勁既海龍王餐廳套餐券係375。

都係我上年個句，你去迪士尼買杯野飲估下幾錢丫拿﹖

再講多句。

我以前都有個excel，而家唔知去邊，咁我就唔會續年搵比你喇。不過，海洋公園年報每年都有個餐飲同園內消費收入breakdown，阿主席報告或者新聞就淨係同你講消費增加幾多，但唔夠膽講個實數比你。事關，咁多年黎個人均消費都係好底，增長都係單位數跟通脹，甚至好似有試過下跌個隻。

咁我copy埋今年個年報比你睇﹕

see﹖

今年餐飲收入係2.154億，園內收入係8千2百萬 (我當衣個係非入場卷同餐飲既其他遊客開支，例如係買下紀念品喇)。

咁今年公園入場人次係314萬。你除返衣個人次，咁即係人均餐飲收入係$68.59，人均園內消費係$26.11。

so，就好似我往年咁講，公園以往個定位係條例下係非牟利機構，而佢事實上亦都唔係好吸引，所以唔會亦唔可能收得你太貴。

你再打爆個入場人數，其實帶動既收入都唔會好多 -- 就算你話熊貓經濟，有勁多熊貓公仔，你估去得海洋公園既人，會有幾肯消費，公園又夠膽將紀念品點樣定價丫拿。

我上年估個水上樂園可能係唯一救命單，就係見個水上樂園門票咁高，又好似真係多人去，咁先估個水上樂園可以定個高消費 -- 事實上，佢個VIP區又真係好貴架麻。點知，個水上樂園收入竟然係跌左囉。

所以，訪客人均消費按年增6%就好似好好聽，不過其實就即係唔消費，或者每人比完入場卷之後就唔再比錢，至多都係用幾十蚊買下野咁。

結論係，主題公園個business model已經衰，仲單靠入場卷做收入主力，就真係死得。

************
完。

海洋公園的公關藝術

海洋公園又出業績。

以往我年年都講，咁諗住今年唔講，事關又係回帶jak。

不過，佢太過仆街，所以點都要講，就算星期六都要打字去講。

*********
係2024年11月28日上午，各大報評都用社評或者即時新聞方式，去講海洋公園業績點點點，講佢今年都係要蝕錢。不過，所有評論都係用「消息人士」黎去講。

事關，海洋公園係要去到11月29日，先將佢份業績上網 -- 我11月28日去到黃昏都未係網頁見到份業績呀下。

即係話，你11月28日出新聞去評佢，就只可以用佢放風出黎既消息去講。

你可以做既，就只係可以跟住佢既官方說法，不停講話今年雖然唔掂，不過有大熊貓就會天下太平架喇。例如，經濟日報、明報、HK01既即時新聞，都係咁講，當一刻都只可以用官方口徑去廢UP。

你話，咁既公關藝術，係米仆街丫。

*********

往年我都每年評過海洋公園，早兩個月都講過。

我好有自信咁講，我評既係全香港最好，亦都係最中個重點 (拿拿拿，我求其係BLOGGER SEARCH返衣度海洋公園四隻字，我放返曬D文出黎 -- 雖然有d好似唔關事，不過事但喇)。

上年我就講到，海洋公園個業績最賤既地方係，佢用左個九唔搭八既回撥手法，用財技，去令到自己有錢賺。今年光傳媒睇左佢份業績，就用衣個角度講多次今年份業績既問題。

回撥當然係問題。不過，今年海洋公園個業績，其實係有另一個問題，會令到佢未來幾年都唔洗旨意有錢賺。

個問題係，水上樂園。

***********

早個月我就係度講過，海洋公園最新近既既神奇之處係，立法會財委會2020/21年批左筆救命錢比海洋公園。當時個重新方案既條件係話，海洋公園要係山下整個零售區，令到海洋公園可以日後有穩定既現金流去應付營運關支。點知，市道唔好，招標無人理，就竟然可以無啦啦擱置左個山下零售區 -- 咁當年立法會批錢係因為有衣個條件，而家你可以自己決定擱置就擱置﹖

我提衣樣野，唔係離題。因為，水上樂園，其實都係有同樣情況。

************

上年我係度評海洋公園既業績時就話，水上樂園可能係救海洋公園既唯一希望。

不過，今年唔洗睇份業績，我都知道，水上樂園又已經賴野鳥。

點解我會咁講﹖你自己SEACH「水上樂園+ 全天候開放」，仲會見到海洋公園係2021年PROMOTE水上樂園既時候話，水上樂園係全年都會開放。

不過，早排已經有新聞話，水上樂園要維修，出年夏季先開放，你鐘意可以睇衣個報導，我求其SEARCH出黎。

睇完上面幾行字，你就大約SENSE到個問題，知道個大獲野係邊喇﹕如果有生意，或者個水上樂園有錢賺，咁點解唔係KEEP住全天候開放既﹖

*************

我無心機得黎好好心機(﹗﹗﹗)，係佢份年報GOOGLE左水上樂園，就會見到個情況真係何其狀觀。

你可以自己睇下面既圖﹕

第一張圖係個損益表，話你聽公園連埋水上樂園既營運賺蝕。

第二張圖話你聽個收入breakdown，水上樂園今個財政年度竟然收入小左 -- 頭幾年開張，咁快吸引力已經下降﹗水上樂園係2022/23個財政年度收入係1.661億，去到2023/24年度，收入竟然下降到1.297億，可以無啦啦小左幾千萬 -- 本身收入都唔多，幾千萬已經好大件事架喇﹗anyway，1.297億衣個數，係好重要。

第三張圖話你知，係經營成本個brekdwon，水上樂園今年既經營成本係1.844億。即係，你將水上樂園今年個收入減成本，水上樂園淨係個營運成本已經蝕緊。

第四張圖係水上樂園既折舊，衣樣野我講左好多，今年個折舊係1.301億，每年都會差唔多。

第五張圖話你聽，個水上樂園入場人數，兩年都係30萬人 -- 入場人數相同，不過收入小左咁多，係米小左好多人去訂VIP飛，或者D人醒目左唔租佢個D設施用品。

睇完衣幾個圖，你就會見到，水上樂園原來又係蝕錢，所以今年開始，要係冬天開始封館維修止蝕﹗

你話丫，個水上樂園已經係新投入既項目，不過其實都係蝕本貨。

唔講咩會計咩IRR個D野，你淨係要問，個1.297億收入都COVER唔到個折舊，個收入仲要跌緊，咁個水上樂園黎緊個20年定30年折舊期，係米之後幾十年，每年都要蝕錢﹖

**************

你再睇返遠古歷史，當年水上樂園申請撥款既時做係點講﹖

衣份文件有個好簡單既附錄，而家睇返真係攪笑，咁我CAP埋出黎﹕

當時預計，水上樂園每日訪客人次係10,500人。當時仲係講到明會全年全天候開放，咁全天候開放即係10,500人*365日，即係3,832,500，齊頭即係383萬人。而家實際係幾多﹖係30萬人。

就算當年係亂估都好，不過你係根據衣個入場人數去問財委會去申請成個項目既貸款。而家全年100萬人都冇，你當年個Projection米錯曬，項目米肯定蝕錢，扲既錢米注定還唔到囉。

**************

所以，結論係，海洋公園其實就係我2020年係度講既 主題樂園typical例子﹕而家所謂既主題樂園，除非你有好強既ip去賣周邊產品，如果唔係一定做乜都蝕到訓街 -- 強如迪士尼有咁多ip咁多公仔扼錢野，其實都好難賺錢，或者樂園賺到既錢都比左好大部份母公司比母公司，分曬版權錢喇。

咁你話，海洋公園以往入場券平，餐飲仲未加得價，又冇咩具吸引力既產品ip賣錢。未來真係靠個幾隻熊貓，就可以令年幾億收入去平衡返條數﹖仲未計，未來幾年要還錢比政府。

所以，你見田北辰講咩唯一出路係大熊貓，或者海洋公園更新緊山上設施就實掂，我就會話，攪多d就死快d。

特別係，大佬，陳勇同班講廣東話唔正既唔知咩人，攪個隻大熊貓真係樣衰到，連班尊貴都頂唔順話「熊唔似熊、貓唔似貓」，就真係，你估海洋公園多左幾隻熊貓，就會多幾億收入呀﹖

******************

結論係，海洋公園醒呀，未出份業績，就用「消息人士」放風，令到所有報紙電視台都跟住你有限既「消息人士」資料去comment。

不過，其實又唔洗咁驚既，黎緊份業績都應該上立法會，不過唔會有人識睇，班智將淨係會講點樣利用熊貓經濟去返轉個業績既jak。

又不過，出年份業績都應該會繼續收皮，再黎多年就要還錢比政府，到時就真係精彩，d友又會九唔搭八懷念盛智文架喇。

******************

anyway，我估，遲下一定有人放風，話海洋公園係旅遊係公益項目，唔可以淨係用賺蝕去衡量 (其實而家都有人咁講架喇)。

不過，如果係咁既話，就唔該唔好不停充大頭鬼攪咁多野，每年都要蝕億億聲囉 --- 過兩年每年要還錢比政府，到時蝕既就係每年唔止幾億 -- 或者政府個幾十億又要撇左佢架喇。

都係個句﹕如果真係公益項目，就唔該唔好擴充，攪咁多壇野不停更新d所謂設施，簡簡單單做下教育米算囉。

當然，明既，唔攪咁多野，班高管又點會出到咁多糧，又點可以得閒就用唔知幾多千萬請顧問攪個重新方案 -- 攪完但係又做唔到要推返喎。

所以，真正既結論係，反正政府其他project都係蝕錢，咁蝕比海洋公園，有熊貓睇下，市民又真係用到，又唔係用百億咁蝕法去計數，都無所謂喇。

真係估唔到，我最後都有所覺悟。

********************

最後，睇返上年評論，攪到我特登去睇返海洋公園今年個現金流添。

唔講咁多，cap出黎，又係精彩的。

用返明報即時新聞條題，「海園去年蝕7160萬 稱大熊貓熱未至 收入、人次創疫後新高」，不過個經營活動現金流係負數，個營運現金流同之前幾年比又小左喇 (我之前cap左圖，所以cap埋今年先)。

********************

完。