海洋公園大熊貓生左仔，好多智將就話要攪咩熊貓經濟，用大熊貓吸客。下至
信報社評，再下下至行會成員
林健峰都咁講。
好多人話，長隆大把大熊貓你睇，大陸人要睇洗乜黎香港，攪乜春香港熊貓經濟就多餘喇。
我就會問，香港以前係冇大熊貓咩﹖安安佳佳盈盈樂樂都係石頭爆出黎，之後返左火星呀﹖你當之前咁多年係香港既大熊貓冇出現過呀﹖
唔通，大熊貓就好似叫雞咁，之前得兩隻就普普通通，中央送多兩隻就好似起雙飛有雙倍快感，生多兩隻仔女就可以玩唔知咩，遊客就會更加HIGH，咁呀﹖
即係，之前兩隻大熊貓係香港都吸唔到人，多幾隻就可以嚇死你全世界都要黎搵你﹖
講熊貓經濟救旅遊既，唔係記憶力出事，就智力真係有問題架囉。
當然，要政治正確，為所謂既國寶做下勢，又明既 -- 不過個班智將唔似囉。
**********
拿拿拿，海洋公園係2020年叫救命之前，用左唔知幾多錢請顧問，整左個重生方案，
話會大興土木攪7大主題園區，會攪上面條LINK講到既7大主題區同埋山下園區入面既零售餐飲免費入場區域。
係2020年個叫救命撥款時，除左個54億救命錢之餘，仲扲左下面筆錢去做咁既野﹕
「我們建議 － ( a ) 提供追加撥款 1, 323 萬 元，讓政府進行重新審視的工作，為海洋公園提供追加撥款 1, 323 萬 元，讓政府進行重新審視的工作，為海洋公園的重生尋找路向 ；」
去到2021年個時，政府個重新審視工作小組完左個工作喇，咁當時個撥款有段係咁講﹕
「25. 我們預計水上樂園將會在今年夏季正式開幕，為巿民大眾提供 一 個 設 有 27 項室內及戶外水上遊樂設施的全天候消閒好去處。至於山下 園區提供總樓面面積 42 000 平方米 的零售 ／ 餐 飲 ／ 消閒區 ，初步預計 海洋公園公司將會在 2021 -2 2 至 2022 - 23 財政年度 進行和完成招標工作，並預計在 2022 - 23 財政年度取得相關前期款項 。 視乎私人投資者的發展計劃 ，預計零售 ／ 餐 飲 ／ 消閒區可 在 2026 -27 財政年度投入營運，而海洋公園公司屆時亦可開始收取相關租金 ／ 收益分帳。」不過，大熊貓出左世喇，阿主席而家講咩話﹖HK01個標題係話，
「海洋公園研大熊貓商機 龐建貽稱零售及健康兩個新園區計劃暫擱置」。
內文仲要咁講﹕
「惟項目前年因無投資者入標而流標，加上市場變化、海洋公園附近有新商場落成等因素，項目須暫時擱置.......龐稱：「最初覺得比較獨特，但幾年後發現香港及鄰近地區都多了許多此類設施，所以商業上未必最能幫到海洋公園帶來新收入及人流。」
WELL，政府2020年用左個追加撥款，話要審視海洋公園未來方向；2021年扲錢，都仲話要攪山下園區；2022年招標流標，之後冇左件事，跟手而家先話近年鄰近地區多左好多類似設施。
即係，如果係IPO招股書咁寫，之後d錢比你咁用法item可以突然唔見左既話，你比人告左喇﹗
至於立法會文件咁樣寫，扲完錢又可以做其他野既，就算把喇，想點都得，反正冇人理 -- 當時話個山下園區可以令到「海洋公園公司屆時亦可開始收取租金/收益金帳」，而家冇左喇，將來海洋公園財政又係米食得屎呢。
當然，海洋公園既財政又會再次出現問題，就一定架喇 -- 到時又再注資海洋公園之餘，米又再追加撥款開下位請下外部顧問，又再重新審視下海洋公園未來發展囉。
不過，真係搵人問下龐主席喇，之前盈盈樂樂佳佳係米假扮熊貓，所以先吸唔到人流﹖而家多左幾隻，先至可以攪到個熊貓救公園出黎呀﹖
***************
講到「商業上未必最能幫到海洋公園」，我就諗起明日大嶼。
阿發展局局長甯漢豪痴左線咁話，「
無最新估算，亦不敢再估算」明日大嶼做價之後，
本土研究社又出黎抽水話，個造價太貴、一定超支，所以唔夠膽講之類，再講埋技術上將來申請撥款就點都要講個造價喇。
本土研究社今次係抽水，因為佢都唔中個重點。個重點係兩個﹕
1.造價唔係問題，政府一直個TONE都係，香港造地賣地係唔會蝕本。當年陳茂波講過類似既野，不過廢事慢慢GOOGLE；
1.3.好衰唔衰，好支持政府好支持基建既測量師學會係好早期，大約2019年就講過一條細數，照COPY﹕
「趙錦權指出，根據新的公私營房屋比例，預料「明日大嶼」下的住宅土地，同樣會有七成劃作公營房屋，三成撥出私樓發展。按此推算，根據政府就交椅洲人工島的規劃，若連計約400萬平方米商業或寫字樓的樓面面積的商業用地，預料交椅洲人工島可於10至20年內，為政府庫房帶來9,700至11,400億元的賣地收入。
趙錦權指出，預料屆時住宅賣地呎價將達9,000至一萬元；商業用地則為8,000至一萬元。他解釋，預計賣地時當局的配套及規劃尚未完成，加上公營房屋比例較高，發展商難以做到「高檔次」發展，故呎價相對較低。」
1.4.你估下，而家明日大嶼難以做到「高檔次」既土地，最後可唔可以賣到1萬蚊尺丫拿﹖打過6折之後，即係原來賣地收入就變到5,820至6,840鳥。當然，你估到時明日大嶼係米可以賣到衣個價呢﹖你睇洗衣街塊地皇，就知打過6折係幾樂觀呢。
1.5.當然，10年後賣地就冇人知咩事；我亦都成日講，衣D咁既估算其實就好流既。又不過，你有個5,800億既工程成本，就點都要搵個WORST SCENARIO出黎估個project要蝕幾錢，再睇埋個一刻既財政儲備輸唔輸得起。
1.6.而家既情況係，一定輸唔起囉。
2.第二個重點係，阿局長話「絕對有空間去「拉長」填海時間及分期填海...你用5年或10年填，對現金流（影響）都有不同」。
2.1.係呀，拉長個時間係對現金流有影響架，不過都會影響埋個回本期呢。
2.2.即係，你原本5年填海，大致係填到第3或4年都可以有土地賣出黎；而家填10年，係米都要第567年先可以賣第一塊地﹖咁你係減慢現金流支出呀，不過開頭幾年出左既開支，幾時可以回本呢﹖
2.3.唔講每年現金流變化，你拉長個填海投資期，米即係延後拉長個回本期囉。下麻，天才。
2.4.當然，你可以神到話，我減慢填海速度，不過都可以規劃上做到邊填邊賣，唔影響賣地時間既。你要反駁隊上身，就冇人駁到你架，未起好條路未整好三通一平，我都可以照賣地架喎。
2.5.不過，衣個米係重點囉。只講現金流出，唔講現金流入，就真係天才，擺明係耍你，有咩等運到，或者下屆政府再攪喇。
***************
講到明日大嶼，其實上面都唔係重點。重點係，李家超話，
香港經濟經歷結構轉型丫麻，結構轉型到茶餐廳酒樓都執垃，律師行都要走佬，股票成交大跌，我都係第一次聽。
不過，我就當香港真係結構轉型緊，真係走左去做創新科技中心，咁之後對於寫社樓同各類用地既變化係點，仲有幾多創科企業需要付出幾萬蚊尺價去買或者之後去租唔知幾錢既明日大嶼商業用地呢﹖
衣個米係明日大嶼同北都既問題，亦都係早幾個post講既高地價 -- 政府財政 問題囉。
北部都會區都可以話發展成本平D米送地比你囉，明日大嶼係坐底5,800億再加上阿局長唔敢估既上升左既工程費用，你話到時冇咁多高端商業需求，就真係食得屎囉 -- 發展商計唔掂數唔買你個咩債咩地花，政府自己都唔會計得掂條數囉。
講到經濟轉型，可以簡單D講個笑話。
當然，香港用普通話同中文就政治正確，不過原來英語優勢又突然間重要返喎﹗咁班友真係唔得閒喇，你知佢地聽到指令就會做到足之餘要做突喇 -- 至於佢地識唔識英文就另一回事。
就算識英文講到好似呀葉劉咁，就真係越講越衰。
又不過，個宣講會又唔ARM囉。
根據個報導，阿李慧琼問國安，阿中央大員就然係咁﹕「沒有太多新論述，只是強調維護國安的重要性」。我係阿炳強，就真係即時要走出黎話，香港唔可以低估國安風險囉，如果唔係做乜要每年比咁多錢國安﹖
另一樣耐人尋味，一般人聽唔明既，係商務部長衣句﹕「香港可以成為中國「雙循環」中的樞紐，並應建立更多「貿易圈」，以突破西方的圍堵」。
即係，香港可以成立更多公司，除左扲去買樓之集，仲可以去服務俄羅斯中東攪衣個「貿易圈」。咁到時，阿家超就可以繼續話，香港近年好好境呀，新公司成立既數目又創新高喇。
******************
其實，呂大樂都算厚度，佢點會唔知政府點解咁鐘意攪「選擇性干預」﹖咁鐘意「斬件式」的介入﹖
有ORDER有人講無處不旅遊，我就要選擇性干預旅遊業；有咩出事，我米「斬件式」介入補獲囉。
再者，衣度神早都話，早兩年石澳道路陷都要阿局長甚至特首出黎，再加個MIRROR紅館出事就要局長都出黎，就知道，咩叫港式親自指導親自指揮。
無論係個過程，結果都係一樣。不過，係上面親自指揮個個係要權威，係香港親自指導個個就係接ORDER或者做東施。
丫，至於呂大樂講既咩「輸入專才須有產業政策 蜻蜓點水介入無效果」，其實就真係謎思。
即係，之前都講，究竟產業政策係米真係有效，就真係學界咁多年黎都冇人講到。好多實例係有用，日本南韓大把；同樣打水漂冇用既政策，其實都好多。
至於大陸成日話要攪產業政策，扶持企業，丫，佢之前攪比左幾多萬億攪左幾多芯片攪左幾多年，而家係咩境況話﹖
好多友話香港要學大陸，well，東莞以至成個廣東騰籠換鳥完，除左吹左個松山湖區，再加上深圳騰訊之餘，仲有d咩話﹖
比亞迪呀，電動車呀﹖你唔好講大陸有幾多電動車破左產，你內卷完先好講喇。
至於東莞而家咩情況。well，你求其google下東莞上年gdp係點，佢騰籠換鳥完，原來都仲係世界工廠攪緊乜，就知所謂既換鳥，所謂既產業政策係攪緊咩，個結果同以往有咩分別。
********************
最後，講D無聊野。
市建局阿總監又出黎講野喇。咁唔睇佢個網誌，睇
衣個報導，入面竟然提到兩樣野﹕
1.第一樣講既係樓宇狀況問題，市建局點樣選擇重建項目。
1.1.「馬頭圍道項目範圍內共有15幢樓宇，樓高3至9層，市建局團隊於項目啟動前，實地視察每幢樓宇內外公共地方，包括外牆、懸臂式構件、天面及樓梯等的狀況，並將所蒐集到的資料匯入由市建局自行開發的市區更新資訊系統（URIS）內的「樓宇狀況評估」程式，得出每幢樓宇的評估級別。結果顯示，項目內有 9 幢樓宇、即六成屬「欠缺維修及保養」或「維修及保養欠佳」的類別，反映大廈部分公用地方出現滲水、牆身裂紋，及批盪或石屎剝落等樓宇老化的情況，影響住戶的居住質素。」
1.2.我頂，佢講到好多大廈未遵辦政府命令，有D仲要拖左10年。點知，係佢個馬頭圍道項目入面，原來係得9幢樓即係6成屬「欠缺」、「欠佳」；
1.3.我FACT都唔洗CHCK，你去土瓜灣街市附近即係下鄉道搵衣類「欠佳」、「欠缺」既樓宇，真係周街都係。
1.4.至於出左聲想重建幾十年既十三街，個環境樓宇結構一定衰過馬頭圍項目。咁
阿總監你係2023年就話，
「市建局行政總監韋志成今日（18日）表示，早在近10年前已開始研究「土瓜灣十三街」重建，惟至今一直未有足夠儲備推展，估計現階段啟動十三街發展計劃，虧損會高達60億元，但未有交代何時會「儲夠錢」重建」。
1.5.SEE﹖ 市建局要攪馬頭圍項目，你睇相就知點解﹕個幾棟野得五六層，重建有數圍米做囉。十三街呀﹖冇數圍，10年前已經研究架喇，不過會蝕錢麻，結論米就係睇下有冇私人發展商落搭一齊做囉；
1.6.即係，用返我講花墟重建既邏輯，都係，同發展商爭利，有數圍我先去做。
2.第二樣野就仲精彩，係關於個維修問題。
2.1. 個報導話，「在過去3年，「發還修葺費用計劃」共收到約160宗申請，約六成個案可獲發特惠津貼，大部分工程涉及維修大廈外牆和更換渠管，支援在重建範圍內的業主遵辦政府發出的法定命令」。
2.2.我項丫，我之前都估到個咩特別津貼其實係廢廢地，點知原來真係得6成個案「可獲發特惠津貼」﹖咁個金額係點，就真係估都估到。至於不可發還個D，係米你幫手比呀﹖
2.3.你老味丫，
你市建局冇錢就可以發債，有咩米政府包底。小業主聽你講有個「可獲發特惠津貼」就明知會被收購都比錢做大維修，點知淨係得6成可以「獲發還」。真係，你老味。
2.4.聽完你講衣句，我真係唔知仲比唔比錢去做大維修好。都係個句，會做，遲d又立法唔做維修既又拉又鎖丫麻，不過米做最低限度既野，可以claim足政府資助同埋你個「特惠津貼囉」，廢事做多左比你收購又蝕左。
講起回帶，之前阿尊貴加公屋聯會既梁文廣就話，公營房屋興建量達標喇，所以公私營房屋土地比例可以由7﹕3比再研究調節下。
不過，早
兩個禮拜佢又話，
「房委會資助房屋小組委員梁文廣說現在傳統公屋平均輪候時間仍超過5年，雖然明年初起，將會有簡約公屋可以入伙，但只能幫助綜合輪候時間，即簡約公屋加傳統公屋的輪候時間可回落至4.5年，不過，傳統公屋要回落至3年仍需一段頗長時間，在房屋政策上要繼續努力才可做到。」
you see﹖
衣D真係食屎的。記者對枝咪埋去，話有邊個邊個點睇，佢就會機械式跟住話係。跟手兩個月後，又醒起第二樣，之後又隨口UP政治正確再加上靠估既野。
衣個資助房屋小組委員，真係食得屎。
********************
最後，真係奇聞共賞，我都係睇連登見到。
建議當局考慮向每名市民派發本地消費券5,000元、考慮引進陸路離境稅每人50元，同時應分階段入市，買入價值約3萬億的藍籌股....針對本港司法界的情況，學會亦建議，法官不再穿戴假髮，合併現時的大律師及律師專業，及取消陪審團制度。大佬，唔好癲喇 -- 我講既係D報紙，衣D垃圾就唔好報喇。不過，都係得東方有報。
即係，之前派5000蚊就用左360億，而家再派多次就起碼用400億，就你比呀﹖
陸路離境稅就政治不正確 -- 香港人返大陸消費係呀家超既政續黎架 --咁又點會夠膽講出黎﹖
其他唔講，取消陪審團制度衣樣野，就真係問下湯家驊喇，佢話
「相信法官多過陪審團」喎，
拿，我特登QUOTE星島架，廢事話人屈佢喇。
不過，咁言下之意，好似上面個痴線佬咁講，不如取消陪審團制度丫。
不過，普通法其中一樣最重要既野就係陪審團，中央大員又不時話香港最重要既係普通法制度，咁阿湯狀你點接ORDER好呀﹖
至於檔「公共管治學會」，網上係冇資料，淨係見到理事長係阿前區議員陳財喜。
大佬，你都一把年紀就好去退休喇，仲留戀衣個世界做咩呢﹖就算諗住出黎CAP水，你衣D咁既水準你衣台咁既戲，又邊會有人睇呀﹖
*************************
佢個施政報告建議，仲唔係奇聞其賞﹖
我冇離題呢。
*************************
其實有樣好好笑既野想講，不過唔記得左。
*************************
補多句。
不過，房委會個居屋定價折扣價，一直都係睇個負擔能力既。咁佢個申請者負擔能力去到平均月入4萬幾蚊，即係好多人連大單位都負擔得到喇，所以都冇乜好講。
又不過，佢今次係啟德油塘既，一定賣得曬；其實甚至屯門個位置都幾好。係要擔心，佢又黎個安達臣道喇，又賣唔曬架喇，跟手團結基金又要寫文話好擔心喇。
真係戇居。
*************************
又醒起。
講起安達臣，見到早兩日又係發展局，講到話放寬洪水橋用地個住宅比例。跟手，有線就訪問左個測量師，
佢就講左下面段說話﹕
泓亮諮詢及評估董事總經理張翹楚：「最擔心次次不同，（百分比）越來越多，甚至連簡約公屋也搬進去，如何解決？最害怕是這個部分。所以我覺得重點是，說得通俗，不要『彈弓手』，這是第一件事；第二件事是規劃好一些、明確一些，不可以說今天說20%，明天好像還是不夠，可否升至30%、下個月可否升至40%。」
真係娃哈哈。
近年最出名改到面目全非既就係啟德喇，其實安達臣都係，當年林鄭就係將
安達臣石礦場6幅私樓地改左做居屋，變左係華懋中伏投左唯一個私樓盤，仲要攪到賣唔出計劃要轉做安老服務。
咁你話，個測量師點解咁勇敢走出黎講政府唔好彈弓手呢，係有原因既。
又不過，你有你講喇。
所以，係香港講產業政策﹖土地政策都已經咁攪笑喇，仲要講更加複雜既產業政策。
*************************
完。
