咁呢，我緊係冇心機亦都唔覺得需要去睇去講喇。
不過，施政報告仲有樣野想講，亦都係佢衣排成日開口埋口都要講既新說法。
不過，施政報告仲有樣野想講，亦都係佢衣排成日開口埋口都要講既新說法。
下面係施政報告原文照quote﹕
你要問，就真係不停講衣句野既人都唔識答你。
224. 不同的客觀情況讓我相信，整體的施政方針是正確的。這約兩年多來，市民的家庭月入中位數增加約2,800元，上升超過百分之十，就業職位增加超過十萬個；公屋輪候時間縮短了半年，填補公屋短缺的「簡約公屋」即將建成入伙；地區治理和關愛服務落實到全港十八區；搶人才、搶企業，成績獲得普遍認同。
我想講既係，「家庭月入中位數」。
即係咁，你見到佢講，家庭月入中位數「兩年多來」升左$2,800，其實就係唔過份，事關而家中位數大約係3萬，通脹勁，請人難，咁兩年先升個10%又唔係好過份。
不過，我都覺得唔對路，咁去統計署睇下個表，又見到係咁樣樣 (都係個句，個表既數據你自己gen)﹕
我唔知佢講既「兩年多來」timeframe係點，亦都唔知佢講既月入中位數係邊個column。
咁我當係最簡單第一個column，咁我每年個數字又打返出黎呀下﹕
2018年﹕$28,500
2019年﹕$29,000
2020年﹕$27,500
2021年﹕$27,500
2022年﹕$28,300
2023年﹕$30,000
2024年7月﹕$30,000
睇完上面個數，你唔好問有冇通脹之類呀下。
不過，個數，真係同之前係度講過，阿署長講違泊抄牌數字一樣，個邏輯或者道理，都係二曲同工。
即係，明既，疫情麻，月入中位數係2020到2022跌左，低過2018/2019年都好正常呀。
而「兩年多來」既開始，即係2022年個數仲低過2018/2019年，咁大家都唔想既，咁果時係由治及興丫麻，進入緊jak，未進入得曬。
你亦都唔好問，點解「兩年多來」，其實個月入中位數去到2023年就停左，2024年7月個數仲係同2023年一樣冇變到喎。
你更加唔好問，點解黑暴最勁個年，家庭月入竟然會同2024年7月只係差個一千蚊 -- 仲要未計通脹呀下。你要問，我又要講一大段經濟轉型個d野。
如果你再問，就好似林妙茵咁要再問，究竟香港係去到由治及興既邊個階段呢﹖
你要問，就真係不停講衣句野既人都唔識答你。
總之，「整體的施政方針是正確的」。
*****************
anyway，上面講既數，其實係個方便睇既約數。
如果你要搵「兩年多來」同「$2,800」衣個combination，咁你去統計署再gen個細數出黎，其實唔怕煩去gen同睇每3個月rolling既數，係會搵到衣樣野﹕
佢好可能係將2022年4至6月個數同2024年5至7月條數去比較，再得出「這約兩年多來，市民的家庭月入中位數增加約2,800元」。
不過，唔好理，總之佢衣句野背後既道理再得出黎既結論，真係精彩喇。
*****************
又再多次anyway，我copy返早兩個月講違泊段文出黎，d圖我就唔copy喇 -- 係呀，之前既文其實冇洗到，係變曬草稿jak﹕
題外話。講起抄牌，阿署長反駁話喎，「他引述有人稱警隊每年抄牌數字要更勝去年，但反駁指今年抄牌數字較去年下跌約10%」。
佢講完，傳統媒體當然唔敢搵料反駁，網媒亦都唔多覺有講。不過，你去搵預算案，又搵到批好有趣既數字，我又copy出黎呀下。
佢講完，傳統媒體當然唔敢搵料反駁，網媒亦都唔多覺有講。不過，你去搵預算案，又搵到批好有趣既數字，我又copy出黎呀下。
以上既圖，簡單總結如下。以下係各年及實際抄牌數字﹕
2015年 -132.6 萬
2016年 -158.8萬
2017年 -184萬
2018年 -201.2萬
2019年 -141.4萬
2020年 -270.7萬
2021年 -329.8萬
2022年 -336.3萬
2023年 -301.2萬
*上面既數字佢會有小小幾萬既修訂，不過唔理喇
睇完上面既數字，你就會發現，係喎，署長冇講大話，反駁隊真係上身喎，佢真係同你講道理講事實，2023年抄牌數字真係小過2022年10%喎。
*****************
政府管治新風格，真係由最上層到上層都係貫徹始終。
*****************
丫，醒起，施政報告真係講低空經濟，佢係咁講既﹕
82. 政府將成立「發展低空經濟工作組」，由財政司副司長任組長，制訂發展策略和跨部門行動計劃，先以應用項目為起動，設定特定應用場地推動項目，並制訂法規及建設體系，研究部署基礎設備和網絡，包括：
．開拓低空飛行應用場景 —— 全力推行試點項目，設立地點開拓無人機應用，包括無人機配送、測量、建築保養、航拍、匯演和搜救等；
．修訂相關法規 —— 包括放寬「超視距飛行」和無人機重量和載貨限制，推動市場加大研發投入，促進技術試驗，發展空中遊覽；
佢除左衣兩點就仲有其他。不過，你都知我想講乜喇﹖
*****************
丫，醒起，施政報告真係講低空經濟，佢係咁講既﹕
82. 政府將成立「發展低空經濟工作組」，由財政司副司長任組長，制訂發展策略和跨部門行動計劃，先以應用項目為起動，設定特定應用場地推動項目，並制訂法規及建設體系，研究部署基礎設備和網絡，包括：
．開拓低空飛行應用場景 —— 全力推行試點項目，設立地點開拓無人機應用，包括無人機配送、測量、建築保養、航拍、匯演和搜救等；
．修訂相關法規 —— 包括放寬「超視距飛行」和無人機重量和載貨限制，推動市場加大研發投入，促進技術試驗，發展空中遊覽；
佢除左衣兩點就仲有其他。不過，你都知我想講乜喇﹖
早個禮拜米係度講低空經濟，米講左個「目視操作」規定囉。而家立左條例都係兩年多，又話要放寬「超視距飛行」。
咁，當日立法講到咁危險一定要目視操作，而家就上升到特首層面講要放寬。咁當年講既原因，原來係屎佛痕運房局民航處無里頭攪出黎，跟手班尊貴又唔知點解九唔搭八支持左呀﹖
當然，之前個post入面，阿葛佩帆話咩「香港高樓密集並無礙無人機送貨」。不過，佢講完，我又打完篇文之後，阿國慶無人機表演都因為安全理由而取消鳥。
******************
******************
完。
沒有留言:
發佈留言