每年一度﹕評施政報告 - 總結

打左一大輪字，都好似冇重點。咁講多兩句 -- 雖然，其實都係回帶。

**********
今次施政報告，你會睇到，其實係要交功課。

同以往近十幾年施政報告一樣，佢交既功課唔係好大既宏觀政策或者計劃，又或者提供個視野比你。

而更加大既問題係，因為今年要交好多經濟方面既功課，但係根本唔識，或者冇橋，或者冇膽，所以就要連財政預算案既內容都抄埋出黎 -- 而預算案本身就真好多時講d錢點用，講比較細節既野。

所以，今年施政報告講經濟以至其他野，就講得更加細，更加似功課作業，而非甚麼施政理念，更加唔好講更低層次既政策理念。

**********
唔講經濟個部份。

如果你再睇成份報告既開頭，更加係交功課味濃。個開頭太精彩，可以copy出黎﹕

4. 針對體系改革，我的理念是：

體系中欠缺但有需要建立的，要建立；有嚴重缺失的，要撥亂反正；有瓶頸、短板或阻礙的，要突破瓶頸、清除障礙；有需要鞏固的，要強化和完善。改革過程中，要判斷哪些要由零建立，哪些要動手術撥亂反正，哪些要固本培元。改革時要注重系統觀念，把握好全局和局部、當前和長遠、宏觀和微觀等的關係。可借鏡其他地方的成功經驗，但因基礎和體制可能不同，不能盲目照抄。改革方案要因時制宜，因地制宜。

5. 上任以來，我一直按這理念進行改革。

6. 在「一國兩制」的實踐建設方面，完成《基本法》第二十三條本地立法的憲制責任；重塑區議會，落實「愛國者治港」原則體系建設；完成立法，讓到期地契有序地簡易自動續期50年，超越2047年，體現「一國兩制」的長期堅持。

7. 在政府治理方面，改革政府架構體系，重置政策局職能，並由13局增至15局；增設三位副司長，強化統籌跨局工作；設立副司長領導專班，強化執行能力；改革政府文化，以結果為目標，制訂績效指標；建立「全政府動員」機制，以處理大型事故等。

8. 在經濟發展方面，破天荒成立香港投資管理有限公司，利用政府資金，促進產業和經濟發展；發展「八大中心」；「以產業導向」發展北部都會區(北都)；設立「人才服務辦公室」搶人才、「引進重點企業辦公室」搶企業；構建區域大學教育樞紐。

9. 在民生方面，推動醫療體制改革，建立邁向自主審批藥械體制；建立輸入醫護人員制度，改善公營醫療長期人手短缺；創新推出「簡約公屋」，填補公屋供應短期空白期；成立「解決劏房問題工作組」；凝聚資源精準扶貧；建立「一年一檢」最低工資保障制度；落實「三隧分流」等。

施政報告出之前，已經周街放風講緊話香港要把握三中全會精神，要體制改革。

所以，施政報告一開頭就講改革 -- 不過講既改革，竟然係講返衣幾年做既野，就真係擺明係交功課。

而係政治上，夏寶龍得閒無事就話香港要體制改革，就緊係覺得現存既不足，咁緊係要你有新野架喇。不過，你就數返白欖出黎，咁就以為係交到功課﹖

又不過，你睇衣幾段，其實就係成份施政報告既定調﹕交功課。

************

至於張良呀陳智思之類，話香港要建立新形象之類，就算把喇。

你睇成份野，我唔講咩選舉新聞自由之類既野 -- 你唔係以為佢覺得緊要，或者佢夠膽講麻 -- 淨係講點樣同西方或者國際社會解說，做乜春「唱好香港」佢都唔講，任何國際形勢以至交往佢都唔夠膽講，你就知衣份野既格局係點。

成份野，就算佢講到國際個section，個細題叫做「積極拓展市場　深化海外網絡」，佢都只係得下面一段，你就知阿家超對國際既睇法係點喇﹕

39. 我們會繼續積極拓展和深化海外網絡，包括與中東、東盟地區的金融合作，舉辦更多國際金融盛事，並在金融領域上尋求進一步與伊斯蘭市場合作。

*************

所以，結論係，個格局係咁就係咁。

無論係有冇能力、有冇膽、有冇意願、有冇人脈去撐，都係注定咁架喇。

以為交到功課米得囉。

*************

完。