每年一度﹕評施政報告

其實都係回帶返早兩年既野。

要評施政報告，其實最宏觀以往最多人用既，係兩種方法﹕睇段落著墨 + 數關鍵字。

即係，簡單咁講﹕

1. 今年份報告有228段，講經濟既由29去到156，即係大約130段。至於所謂既講民生，就由157去到221，即係大約60段。咁，你再同上年比，就會見到大約每年個著墨會係點。

1.1.不過，我懶得做比較，淨係納返上年，係有171段，不過由1-49都係講國安講管治治理，50-88係講經濟，其餘講所謂民生，就知今年既變化係點。

2.至於關鍵字，以往會有人數下出現左幾次「國安」「中國」「內地」「大灣區」「融合」之類既字，今年唔數。

2.1.又不過，份野仍然係好有以往阿家超既一貫特色。咁唔好煩，即係懶，下面我照COPY出黎評兩句，講下個特色。

2.1.下面斜體係施政報告原文，冇BOLD冇乘既係我既解說。

*********

21.「教育、科技和人才委員會」 —— 由政務司司長任主席，成員包括教育局局長、創新科技及工業局局長和勞工及福利局局長等，統籌推進教育科技人才融合發展，擴大銜接連貫，推動育才、匯才、科技協同發展，同時推動國際高端人才集聚香港；

107. 「人才服務辦公室」（人才辦）除因應人才個人需求提供協助外，會加強推廣線上平台，提供薪酬、稅務、教育及簽證等全方位資訊，擴大合作伙伴網絡，與業界及僱主團體共辦線上線下招聘會，讓僱主與人才進行直接職業配對。人才辦會再舉辦國際人才論壇，並到海外宣傳。


．上年施政報告整左個人才辦。今年施政報告要響應所謂既「改革」，所以係好開首既段落，又話要整多個再高層次既「科技．科技和人才委員會」去攪人才。

．咁你個人才辦係米唔見左﹖原來唔係，不過又變左做WORKING UNIT。即係，上年攪既人才辦，原來係唔夠高級，而家又要再高級D，就可以解決個問題喎。

．本質上，同家超咁多年黎成立幾百個小組去解決幾百個問題一樣。

**************
31. 政府會推動國際大宗商品交易所在港設立認可倉庫，通過稅務優惠等措施，吸納企業落戶香港，推動大宗商品倉儲和貿易量。

42. 香港的黃金進出口量位居全球前列。地緣政治日趨複雜，突顯香港的安全性和穩定環境優勢，吸引國際黃金現貨在香港儲存，推動黃金交易、清算和交割，更可發展香港成為黃金交易中心，帶動投資交易、衍生產品、保險、倉儲、貿易和物流服務等相關產業鏈的發展。

43. 政府會推動構建國際級黃金倉儲設施，拓展用家及投資者在港存放和交割實金，帶動抵押和借用等衍生金融服務，為金融業開創新增長點。

53. 有國際大宗商品交易所表示計劃在香港設立認可倉庫，在港存儲交割大宗商品，包括有色金屬產品。我們會把握機遇，推動建立設施和配套，吸引內地企業在香港進行大宗商品貿易，尤其有色金屬，進一步推動香港航運和貿易服務。

．衣幾項又係今年施政報告特色﹕佢會係好多唔同細段入面重複又重複講同一樣野，變相成份報告攪到好長。

．睇完上面，令我諗起乜﹖米係你寫PAPER唔夠字數，就求其係唔同段落寫返同一樣野囉。即係，充撐字數，或者邏輯有問題，未諗好就寫定落黎，唔記得前面寫過．

．當然，頭先聽RF羅尚沛已經講左，當年港交所買LME想發展大宗商品交易，點知大陸就話佢行自己個套，你港交所唔好攪佢；而家香港又玩大宗商品交易，大陸肯同你玩呀﹖

．又當然，羅尚沛就講左個最重要既問題﹕商品倉喎，你成個貨櫃碼頭唔要用黎擺電解鋁呀﹖商品衣家野要幾多地方﹖

．又再當然，更加不方便既真相係，其實大陸周邊就有好多黃金倉或者其他所謂既商品倉儲，咁點解要特別係香港去做﹖唯一解釋係，佢又諗住沙特北韓俄羅斯會有興趣去用囉。

．SEE，上面就係重點。你睇佢第42段講既，「地緣政治日趨複雜，突顯香港的安全性和穩定環境優勢，吸引國際黃金現貨在香港儲存」，就知佢既所謂黃金交易target既係咩人。

．即係，當然，其實香港一向都有保稅倉，保稅倉亦都唔係新野，全世界都知保稅倉係有個特別功能。唔明既話，有冇睇過 天能﹖套戲入面米講係丹麥定荷蘭個保稅倉入面，可以為顧客提供最貼心隱密既收藏品囉。咁你明我講咩喇﹖冇就去睇套戲。

．拿拿拿，不過，衣個真係真知灼見，冇人會解比你聽，就算識都唔會講 -- 你正路就好似羅尚沛咁諗，唔正路，或者係真正既正路呢，就係由我個思路去諗 -- 羅尚沛諗多兩野，以佢既段數同埋對國情既熟悉，都應該會係由衣個思路去講架喇。

**************
32. 全球海空運輸正向綠色發展，政府會培育可持續航空燃料和綠色船用燃料的產業發展，推動建設燃料加注中心，把握新能源的金融、貿易和航運發展機遇。

．之前米講左囉，大陸大把咩綠色燃料加注中心，你香港而家先攪，就是但喇。

．至於佢係前後幾段講話咩香港要發展高增值航運，咁你香港有幾多海事保險既人才，香港有咁多類似陳廣池郭偉健之類既法官，咁你話有幾多海事合約會指定香港做仲裁司法管轄地丫拿﹖

**************
49. 政府會改革現時的「香港海運港口局」，成為「香港海運港口發展局」，作為高層次諮詢機構，協助政府制訂政策和長遠發展策略。我們將委任非官方人士出任主席，成員主要來自航運業界，並設有穩定的專責研究和推廣團隊，增撥資源，提升研究能力、加強海內外推廣和強化人力培訓，更有效支援政府落實政策，推進香港航運業的可持續發展。

．衣段就經典。如果你睇電視，就會話施政報告要成立「香港海運港口發展局」。now新聞真係咁樣出的。

．實情係，改革喎，將原本個名加左發展兩隻字就係改單既第一步喇。至於其他改革啦喎，就係「設有穩定的專責研究和推廣團隊，增技資源」，乜乜差差。

．其實，你問下央企中遠集團下面既東方海外點解要剔走香港航線，米知點解囉，仲講咁多，真係咁又係改革呀﹖

．不過，咁又唔好怪中遠，而家連又係央企呀華潤都要撒出超市業務囉。

****************
60. 香港擁有豐富離岸貿易和供應鏈管理的優質人才和網絡，包括生產鏈管理、出口信用風險管理、貿易融資、營銷、檢測認證、會計等專業服務。我們會加強高增值供應鏈服務：

．構建高增值供應鏈服務機制 —— 投資推廣署與香港貿易發展局（貿發局）會建立機制，加強對接，吸引內地企業到香港建立國際或區域總部，並為在港企業提供一站式多元專業諮詢服務，協助它們「走出去」；

．加大保障企業出口 —— 香港出口信用保險局（信保局）的法定最高彌償百分率會由90%提升至95%，並提供更多、覆蓋地區更廣的免費買家信用調查服務。信保局亦會擴大對電商的融資支援；

61. 除擴展歐美市場外，我們會繼續擴闊經貿網絡，尤其「一帶一路」國家，包括：

．加大開拓內地服務貿易 —— 在剛簽署的CEPA服務貿易修訂協議（即關於修訂《〈內地與香港關於建立更緊密經貿關係的安排〉服務貿易協議》的協議二），內地對多個服務領域進一步開放，包括建築工程、檢測、認證、金融、電影、電視等，更在大部分領域取消經營三年規定優惠香港，同時吸引更多初創企業、海外企業和人才落戶香港以進入內地。我們會落實協議，並加強推廣和提供協助；

．強化貿易機制對接 —— 繼續爭取早日加入《區域全面經濟伙伴關係協定》（RCEP）。我們正分別與孟加拉國和沙特阿拉伯進行投資協定談判，並計劃分別與埃及和秘魯開展談判。我們已完成與秘魯的自由貿易協定談判，期望今年內正式簽署。我們亦會擴展全球經貿辦事處網絡，聚焦新興市場經貿聯繫；及

．加大重點市場拓展 —— 我們會繼續積極外訪「一帶一路」等重點市場，率領工商界及專業服務界到「一帶一路」市場考察，並籌辦「一帶一路跨專業論壇」，推廣香港專業服務。

．衣度copy左好大段出黎，原本淨係想講一點﹕衣d其實係財政預算案應該講既野。

．不過，就好似上年評咁解，由林鄭開始，其實施政報告已經講埋好多應該係財政預算案講既野，今次係衰到連信保局個法定最高彌儐咁details既都要係施政報告講埋。

．另外，我原本一直都想講cepa同rcep，咁係度講埋。

．cepa就真係好好笑。你睇cepa攪左廿年，早兩年仲係講緊咩大門開小門唔開 -- 拿拿拿，仲要係王于漸之流講既。

．而家又再修訂多次喇，其實背景就好簡單﹕大陸唔掂，又要招商引資喇，米開大小小門囉；早十零年，我做乜要益你﹖情況等同，我一直講既咩「融入大灣區」一樣，深圳東莞唔會咁白痴叫自己local既人落黎香港搵機會，佢地只會叫人去佢地度發展。

．當然，cepa要咁攪，其實都係呼應係習大jak﹕ 前排習大都要寫信比香港寧波幫叫佢地返大陸建設祖國，就真係，知咩事喇。

．至於rcep，我可以話，香港一定入唔到。當然，日本仔香港領事已經話左「保證日本不是一個會作出不合邏輯、卑鄙、以牙還牙的國家」。不過，rcep同所有free trade agreement一樣，你要明白係咩黎先得架。

．即係，簽得衣d，係要減關稅削除市場準入限制。咁香港有咩關稅，開公司進入市場有幾多限制呢﹖外國同香港簽衣d野，究竟可以扲到咩著數呢﹖

．諗完，你米知，點解香港以往同咁小國家簽埋d咩自貿協定之類囉。而你係日本仔或者其他國家，我比你入rcep就真係比面你大佬，我唔比你入就係唔比面你大佬。咁而家比唔比啦喎，心照喇。

．see，衣d野又係冇人會同你講的。所以，不排除衣個post隨時會唔見。

．拿拿拿，你睇rfa或者莊太量衣d分析，其實都係九唔搭八。東南亞有幾多人要香港既會計律師服務﹖你睇下祖國同越南菲律賓日本仔咁friend，咁我一定要你既法律服務架喎。香港有咁多公正無私既法官，有咩合同糾紛我一定用香港既法院架。

．至於莊太量講既咩手機生產，之前米講過囉，大陸入左rcep唔洗再經香港轉口，反而令到香港轉口下跌添。

****************

推展航天科技研發

84. 香港科研團隊一直積極參與航天科技研發，今年更有香港居民獲選為預備航天員。我們非常感謝國家支持香港發展航天相關科技，政府將在InnoHK研發平台下成立一所研究中心，參與嫦娥八號任務，為國家的航天發展作出貢獻。

．衣個又係家超管治風格既經典體現﹗

．特登係施政報告開一個section叫「推展航天科技研發」 (我特登copy埋個subheading的)，之後成段就係講d咁既野，跟手就乜都冇，都真係交代左會點樣「推展航天科技研發」。

．真係人才。

****************
99.完善虛擬資產交易規管 —— 財庫局會就虛擬資產場外交易的規管完成第二輪諮詢，並提交規管虛擬資產托管服務提供者的擬議發牌制度；

．之前阿波講到好勁架，講到香港係虛擬資產中心架。而家係咩情況呢﹖你問下衣幾間野喇 -- 不過都好似有間扲到個牌既。

****************

117. 我們會在啟德社區隔離設施設立「青年驛站」旅舍和青年文化藝術交流空間等配置，在南昌社區中心設置「連青人網絡」實體互動平台，並加強與青年人溝通，包括善用新應用程式「HKYouth+」及其他線上媒體。

．衣個真係經典。啟德旅遊中樞塊地扲左黎做方倉。擺係度曬左幾年太陽，之後竟然係做青年旅舍。係個咁prime得黎又唔知做乜既地點攪衣個青年旅舍，真係破格思維。

***************
132. 特區政府已向中央政府提出進一步優化內地居民來港旅遊簽注的請求，包括恢復深圳「一簽多行」個人遊簽注及擴大「一周一行」個人遊簽注政策試點城市範圍等，中央政府有關部門表示將積極研究加速推進。

133. 為促進與東盟往來，政府即日起放寬柬埔寨、老撾和緬甸旅遊和商務「一簽多行」申請門檻和「一簽多行」簽證有效期由兩年增加至三年，去年已放寬的越南同樣受惠。我們會設加快審批通道，讓這些東盟國家團體旅客，經本地旅行代理商遞交簽證申請可獲特快處理。

．衣樣真係正。前排中央又送大禮開放青島同唔知咩自由行黎香港，點知香港零售都係跌，旅客人數又係死下死下咁。而家終於要攪返個一簽多行，佢諗住可以救返上水藥房呀﹖你大陸攪返掂個經濟同匯率先喇。

．至於特首至愛既柬埔寨、老撾和緬甸再加埋越南，都可以一簽多行，就真係，比佢地黎做「大宗商品交易」囉。咁你明喇﹖

***************
134. 針對中小企在經濟轉型期常遇到的挑戰，政府會推出以下支援措施：

．再推「還息不還本」 —— 容許「中小企融資擔保計劃」的借款企業（包括就現有在八成、九成和百分百特別擔保產品下已批出的貸款，以及在八成和九成信貸擔保產品下新造貸款）申請最多12個月「還息不還本」，並將八成和九成信貸擔保產品的最長貸款擔保期分別延長至十年和八年，同時向兩種擔保產品下新造貸款提供「部分本金還款」選項。金管局亦正積極考慮就銀行資本要求提供彈性，促進銀行為中小企提供融資；

．向「BUD專項基金」注資10億元 —— 通過基金（全稱「發展品牌、升級轉型及拓展內銷市場的專項基金」）協助中小企升級轉型和拓展新市場，包括擴大「電商易」的地域資助範圍至東盟十國，並更針對性資助企業推行綠色轉型項目；

．衣個真係利害。衣兩樣野，以往只會係預算案出現，今次真係將成段預算案copy過埋黎施政報告 (我copy埋比最近個次預算案比你喇)。咁阿波叔仲有咩講﹖

．至於個兩個擔保計劃，阿百份百貸款個壞帳率就成百億喇，咁百份百停左，就可以衣兩個計劃接力。

．丫，我之前就係想講衣樣野，點知唔記得左添 -- 我年頭都話喇，香港咁多餐廳執粒，其中一個原因肯定係申請左個百份百，見冇生意就執q左佢唔洗煩。而家睇黎，都似。

．至於個bud fund，你知唔知我諗起咩﹖個時講百份百貸款，我米話youtube都有廣告彈出黎，同你講開公司唔洗錢，可以問政府扲到好好好好多錢既。

．今年頭科技券就出事，有人涉嫌詐騙比人拉左喇。早兩個禮拜，新型工業化培訓乜春計劃又出事，又有人比人拉左。

．咁衣個bud fund又再注資，真係開心既jak。當然，bud fund衣家野就唔會咁樣出事喇，因為我真係「升級轉型及拓展內銷市場」，咁我真係好多marketing野真係要搵人係大陸做架麻。咁好多野真係搵人真係做左架麻，又點會係扼錢呢﹖

．不過，都係個句，衣個係預算案既野黎，你講埋咁阿波仲有咩講，咁你做埋佢個份﹖

*****************
163. 不合標的住宅樓宇分間單位必須改建成合標準的「簡樸房」，由專業人士確認並申請認證，否則業主將不合標單位出租便要負刑事責任，住客則不須負法律責任。我們會給予現行住宅樓宇分間單位的業主時間，進行所需工程。法例會設寬限期，期間不就違法出租採取執法行動。

．改個名就好聽左。不過，我淨係諗到，一門大生意會誕生。

******************
166. 房委會會進一步完善充實置業階梯，回應市民置業需求，包括：

．調整公屋（包括綠表置居計劃（綠置居））和資助出售單位的比例 —— 房委會正檢視未來十年中後期落成的公營房屋項目，目標把公屋和資助出售單位的比例，由現時七比三逐步調整至六比四；

168. 房委會正進行11個重建計劃，今年內會公布重建彩虹邨的研究結果和細節，明年會公布西環邨及馬頭圍邨的重建方案。

181. 市區重建局正進行荃灣及深水埗規劃研究，將在明年下半年提出更新大綱藍圖。發展局亦正研究利用新開發土地推動大型舊區重建項目，包括跨區轉移地積比、建造更多「專用安置屋邨」等，目標在明年上半年制訂建議。

．其實，都係想講返我一直講開既野﹕你個長策入面既所謂需求，係嚴重壓低個公屋重建需求。你而家仲要攪不適切住房即係劏房即係.....「簡樸房」，咁你再將公屋同資助出售房屋單位由7:3調到落6:4，咁即係唔洗理重建同安置需求﹖

．就算你話興建多左出售單位，就可以同時騰出公屋單位，即係加快公屋流轉。不過，common，你個資助出售單位有綠白表之分，即係唔完全一換一架，阿哥。

．你今年施政報告冇新重建項目，仲係講緊彩虹，咁黎緊個幾十條邨幾時點樣重建，就等運到喇。

．至於市建局就繼續攪笑。你好有錢呀﹖要研究荃灣深水步規劃研究，出年仲要提出更新大綱藍圖。你個油旺研究出左個藍圖，幾時開工呀﹖你唔好話花墟已經係講左當做左。

．至於佢話「跨區轉移地積比」，建造更多「專用安置屋邨」就真係攪笑。以往市建局一直講既安置屋邨，都起碼講同區。房委會就更加唔好講，事關佢甚至要講緊原區安置，野野都要係附近搵安置屋邨。

．咁好喇，就算係你市建局，早十年講重建土瓜灣春田街榮光街，都係講話會比返個啟德option佢地去買，邊會咁創新講跨區安置﹖

．咁而家無啦啦講「專用安置屋邨」，我先唔講係咩concept，係比重建戶去買，定係破格到市建局做埋房委會無啦啦整個出租公屋比人去「安置」。之但係，如果所謂既「專用安置屋邨」如果係跨區，我估都係跨到去北部都會區個隻，咁你就真係驚天地泣鬼神囉。到時係米房委會攪重建都可以攪「跨區安置」﹖係既話，就所有野都簡單好多鳥。

******************
207. 「關愛隊」是政府完善地區治理架構的重要服務隊伍。全港452隊「關愛隊」已在去年全面起動。「關愛隊」勤奮用心，提供多元關愛和支援服務，例如已探訪合共約230 000長者戶和有需要住戶，提供超過22 000次簡單家居或其他各種支援，大獲市民讚賞。政府會恆常化「關愛隊」的撥款，並在下一期撥款，增加資助金額五成，支持「關愛隊」的工作。

．派錢，講完。