四川變臉．港女

繼清零突然之間百萬五之後，近排又有新野。

*******

．之前大大就話房住不炒，今日就要穩定樓市止跌，仲惶呀閒姐早兩個月仲講話公屋輪候過長違國安，咁而家香港個公屋同樓價點算好呢。

．又係早兩個月中証監話上市公司有股票質押風險，而家就央行做埋證券行比埋孖展你叫你無限輪迴質押股票做回購，証券時報衣個題真係一絕。

．更加變臉既係，阿李強係年頭個工作報告仲講話「加强逆周期调节，不搞“大水漫灌”和短期强刺激」，衣兩日就狂發國債央行放孖展變相狂印錢比你做回購。

********

係香港，早兩個月又開始有風向。

．舊電池陳智思，老是常出現。熊貓關事，抹黑關事，西九就應該關事既。

．阿再舊電池陳子政講既蒸魚論，冇人叫佢，佢會唔會夠膽講，仲要講埋叫人拉小D人喎。

．早一兩年唔記得邊Q個總之有班人話香港要小談國安，之後炳強家超就媽差個班人話佢地低估國安風險。而家范太又伸左個頭出黎叫你唔洗日日講國安，咁即係點﹖

．當然，最好笑既係，外交部駐港條友竟然同卿姐有咁多句，咁我同唔同佢傾好呀﹖

．而最重要既新聞，就緊係林鄭早兩個月先話自己冇野做，不過早兩個禮拜去左中大深圳個公共政策學院做埋顧問，仲要係度講野喎。咁工聯會條智將以後仲小唔小佢好﹖

********

四川變臉同港女一樣，真係話變就變。

問題只係，唔知佢幾時變，同埋樣跟住變。

你睇個大陸恢復進口日本水產單野，就已經好笑鳥。

*********

講起又講，陳子政講既，就係comparative advantage。

即係，我成日都係度講，你冇comparative advantage，想靠政策靠人力去整個competitive advantage出黎，就真係，師傅，唔係咁易架。

但，不過，好多時，我出盡奶力咁去做，我既重點唔係結果，而係過程，即係比人見到我出盡奶力，咁囉。

*********

講起變臉同咩advantage，繼日本仔海產之外，遲早又有野要變臉。

近排政府成日東施大陸，係度講發展咩低空經濟，講到低空經濟能醫百病。

不過，好衰唔衰，政府早兩年就攪左個規管無人機既例，入面竟然咁大膽提到，無人機只可以係日間飛行之餘，仲係大部份情況下要目視操作。仲要限死埋同操作員距離 (自己睇個小組委員會報告第13版喇)。

當然，更加吊跪既係，當年要立法，係因為葛珮帆之流最鐘意講D友用無人機偷拍，跟手更加重要既係，其實成個香港都係好多航道 (維港其實就已經係主要航道喇)，再加埋唔比你係郊野公園到飛，所以根本冇乜位比無人機操作。所以，民航處好想立法規管，令到無人機只可以係好有限空間時間去飛。

而家要攪低空經濟，阿葛博士突然之流就話冇咩所謂無人機米係高樓大廈之間送貨囉。

咁，上面無人機條附例係2021年8月過左，上面條LINK又話比你聽當年係開左兩次會過埋，冇人理條例入面既規定。咁而家要低空經濟，但係又要野野你目視操作，就真係攪笑鳥 -- 當然，民航處可以比好多豁免，不過咩都豁免，就變左攪笑，條例唔洗存在囉。

又當然，而家講到大陸咁先進，其實個實情都係，HK01個題已經寫左比你睇﹕「外賣從天而降！深圳公園開通美團無人機配送航線　10分鐘送2公里」。即係，10分鐘，先係兩公里，仲要係指定配送點。

最後，講起無人機，你睇下而家大陸講既EVTOL幾威，講到2025年就可以載客。又不過，實情係，廣州唔生性，係上年已經攪左個直昇機版本既載客低空經濟low-fi版，即係間接話比你聽，所謂既咩eVTOL無人機載具低空經濟，其實係CAP水為主。

***********

其實，仲有野講，不過算，事關我都係想紀錄下習大大衣排又變臉JAK。

都係個句，真係，難為李強，年頭先講唔大水漫灌，而家就洪水都要出埋黎。

***********

完。