香港經濟．滴漏效應．研究框架 (3)

你要了解香港衣幾年經濟，我覺得上面個框架都好齊，解釋都好多野。不過，真係要更加落手腳去做，整靚D數出黎，就太煩，咁唔做啦。

之但係，「稅」係其中一樣好有趣，亦都好重要既野。

我早幾個月係度講過，家超成日講咩科研開始有成果，北都係新引擎，招商引資又有成果既。我當時話，你遲兩年睇稅局年報，就見到真章。

當然，衣幾年咁多專才，你有心追返衣兩年稅局年報，其實睇返個薪俸稅分佈，我都幾肯定條數係奇奇怪怪。

又之但係，早兩個星期，其實我搵過一條數﹕

中国历年税收收入（1987-2024）

當然，我係睇唔明條數﹕你年年經濟增長咁勁，又冇十幾年前咁大幅既減稅降費，再加上衣幾年遠洋捕撈同追左好多稅，咁點解條數會仲係咁難睇，成個稅收係不升反降既呢﹖

我再搵，之前見到BBC都有疑問，都嘗試解釋。

BBC段新聞，值得睇的。

**************

另一樣值得睇或者講既係，科技。

美國馬先生耐唔耐都發神經，話十零年後人類唔洗工作之類。

不過，其實有個好根本性既問題﹕人類唔洗工作之後，社會以至政府點運作，資源點分配﹖

前排睇易思行，佢衣篇野就幾好﹕篇野既重點係，老美等西方國家好倚賴薪俸稅去運作，如果人類唔洗工作，稅收大幅下降，咁政府點樣營運。咁除左開數碼稅加消售稅去做替代，其實有咩方法可以減小貧富懸殊社會動盪﹖

阿馬生就話，唔驚既，到時人類就唔駛工作架啦，佢就講到有烏托邦既意味。

實際既問題就係，你唔好望其他，你望下大陸，要全力發展AI人工智能，咁係米全部人都零活就業，就可以攪掂冇事發生﹖

當然，好多野都 -- 唔怕，要犧牲既，大把可以犧牲；未犧牲既，即係仲有錢，就唔該交稅，交返你衣二十年唔記得交既稅。

***************

另外，又係易思行，之前收藏左佢衣篇，又唔記得講。 

衣篇就更加簡單﹕佢引彭博，話香港AI相關產品出口有成1.24萬億港紙。你要再詳細睇數據，我求其GOOGLE左衣篇。

不過，重點唔係出口左幾多。個重點係，易思行個句﹕

轉口同物流賺既係「搬運費」、「手續費」同倉儲費，毛利率極低....香港最主要係「賺個勞力錢」。

其實，衣句說話，可以話係正確，或者係唔正確。

即係，你見國泰剛剛出左個勁靚既業績，其實你睇之前香港空運出口數據，都大約估到，所以衣幾個月跌市佢都冇跌。

之但係，易思行又錯唔曬，事關衣D轉口，就算毛利較高，都係某幾間公司受惠 -- 你做轉運，個量或者毛利點都有限啦。

即係，做得衣D高毛利既野，係航空公司做，個量可以點高呢﹖你香港起完三跑，唔通再起四跑，比國泰增加個總運力呀﹖

再者，唔講運力，就算講左好多年既咩冷鏈物流，講配送藥物疫苗以至吹水講既新鮮食品，你個量又可以去到幾大，貢獻到幾多經濟呢﹖

個量係可以好大既，如果大陸比你轉口黎香港既外國藥進口去大灣區的話 -- 不過，你諗下好啦，同埋大陸真係會有咁既需求再加批准囉。

就算大陸真係肯，你又扲曬批文都好。如果我係大陸人，同一隻進口藥，你估我會留返係上面甲一醫院，定係落黎養和打丫拿。

肯駛錢既，都知會點選擇啦，下麻。

所以，你見陳茂波成日講咩香港出口好強勁，帶動咩經濟增長，其實就係亂UP。香港個批野，係轉口，唔係出口。

再者，又係睇數，睇返我上個POST，你米睇下成個運輸物流行業係咩表現囉。

嘿﹗

***************

ANYWAY，衣個POST係補充。

原本可以加埋之前個POST，再引伸好多野，不過唔講啦。

***************

完。

香港經濟．滴漏效應．研究框架 (2)

早排聽左小小羅家聰講香港經濟講咩K型經濟，不過聽左陣就冇聽，事關佢地應該都係亂UP。

佢地係亂UP，因為講咩滴漏效應就係隨口UP冇數冇方法；講到咩貧富懸殊，就連香港同英國有幾多人年收入超過1百萬都唔係好知個數係點，就知佢地係亂黎。

所以，聽完之後，早兩日搵左D野。

點知，今日就見到明報篇文，又講左小小我想回帶講既野。

咁簡單用唔同方式黎到講兩句。

********************

先講明報個報導。

明報個新聞其實係出自立法會研究部衣個數據透視。

基本上，明報就講曬份野架啦；你如果睇明報或者睇立法會份野，都應該有D熟口面﹗

冇錯，我早幾年講香港經濟講餐飲業，其實都係用類似既方法，你有興趣可以睇下衣篇講
無就業式經濟復甦下的施政報告 (4)，或者睇下衣稿講關於香港飲食業及其他問題。

後面個篇我原本HIDE左，不過而家放返出黎。

********************

你睇明報個報導或者立法會個數據透視，其實大部份數據都係統計處網站搵到出黎。

但係，要留意既係，你睇衣D數據，係要好小心咁樣分開返，究竟有邊D數據係用「當時市價計算」，有邊D數據係用「某年環比物價計算」。

衣樣係重要，因為如果唔係用「某年環比物計」做個錨，你就根本唔係做緊數據比較。

例如，係明報新聞入面，阿李兆波係咁講﹕

經濟學者李兆波指出，《數據透視》涉及貨品的部分銷售額未計算通脹，相信計算通脹後零售業部分類別的銷售額實質跌幅將超過五成，強調本港零售業在高租金、人工成本影響下，價格優勢已不顯著，而珠寶和百貨商品在境外替代品較多，無論境外旅客或本地旅客都不會傾向在港購物。

咁李兆波講既係冇錯，立法會個數據透視真係用左個「名義價值」去交代條數出黎，咁真係未反映通脹之類。

咁你再去統計處網站去睇，佢又真係冇個「某年環比物價計算」 -- 你有睇開，就知佢網站有唔同數據主題，佢係「經濟」個欄好多數都有「物價環比」，之但係「行業」個欄係冇「物價環比」。係「行業」入面，好多時都只係有個「指數」比較。

又之但係，其實行業入面講既銷售，好多時你用「物價環比」既概念，即係你計算埋咩通脹就好奇怪 -- 「經濟」入面好多項目係扣除埋通脹，係因為要計算 (或者比較) 個購買力甚至個購買量/消費量有冇變化；係某些行業既銷售額入面，其實你扣除左通貨膨脹係代表咩，或者有咩意義﹖

又或者係咁講，如果我要知個量扣除通脹後有冇變化，其實用返「以環比物價」計算既「私人消費開支」就會睇到。例如，衣個係「經濟」SECTION既表就會睇到咁多年香港「私人消費開支」既環比變化。當然，個表就冇「行業」入面將唔同行業銷售分得咁仔細。

************

咁講正題。

你去統計處個網頁，睇佢衣個主題導覽，其實就有好多唔同數據，之前我都係度quote過。

用衣個網頁去睇香港經濟，其實係睇下面幾個表就得，之後就可以有個框架，去睇香港經濟。

不過，你睇下面所有link，其實都要做幾樣野﹕

1.我會將個年份範圍set做「2016年至最近一年」﹕咁做既原因係，香港經濟最好個年係2018年，咁理論上做比較就要用2018年做錨，去同今年比較；我set做2016年，係因為想確認2018年係米peak左咁解；

2.統計處好煩，佢好多時default係有衣兩年既季度數據。所以，我會click走佢所有季度選項，淨係睇年份。

3.做完之後，你會得出既數據，就會由下面第一幅圖，變成第二幅咁樣﹕以往我貼出黎既數據，都要咁麻煩咁樣整的﹕

4.咁所以，你明我以往打衣D字講香港經濟係幾咁麻煩啦﹗亦所以，黎緊落黎，我淨係會貼LINK，唔貼圖﹗

***************
咁你睇最開頭羅家馮智政講咩香港經濟，你最首先要攪清楚既係，究竟香港經濟而家係有幾好。

我之前都有講過，官府成日話咩香港經濟疫後強勁反彈，之但係去到早兩年，個實質本地生產總值即係GDP都仲係差過2018年。

你睇我上面幅圖，其實係出自下面條LINK﹕

表310-31003：按主要開支組成部分劃分的本地生產總值 - 以2024年環比物量計算
https://www.censtatd.gov.hk/tc/web_table.html?id=310-31003#

你由幅圖或者條LINK睇到，用2024年環比物價計算，2018年個本地生產總值係3,194,466百萬，即係3.194萬億。去到2024年，2024年個本地生產總值係3,186,526百萬，即係3.186萬億，亦再即係仲未及2018年。

去到2025年個本地生產總值先升到去3,301,474百萬，即係3.301萬億，先正式超越2018年。

咁你話，香港經濟個實質增長，真係有幾好﹖特別係，如果你同老美呀台灣呀新加坡之類比，我唔CHECK數字，都知一定係差過人。

***************

上面衣條係GDP大數。

你再睇個細數，衣幾年個本地生產總值組成，其實又有咩變化﹖

你要睇個細數，可能要先睇統計處2012年出既衣本書仔，再睇埋佢季度報告個註釋，去解釋佢唔同數字既概念同定義。又之但係，我咁多年都深究唔度，點解佢D數字係根佢個計算方法去計，都係唔MATCH的。

ANYWAY，佢個季度報告係咁講的﹕

以開支面編製的本地生產總值，是把用在貨品及服務方面的最終開支減去進口成分。其計算方法如下：

本地生產總值 = 私人消費開支
+ 政府消費開支
+ 本地固定資本形成總額
+ 存貨增減
+ 貨品出口及服務輸出
− 貨品進口及服務輸入

咁你睇上面幅圖，就算2025年本地生產總值個數已經超過2018年。不過，「私人消費開支」、「本地回定資本形成總額」、同埋「貨品出口與服務輸出總額」都係仲未超過2018年；相對上，係計算GDP要扣減既「貨品進口及服務輸入」都小過2018年，衣個就合乎比例。

你睇好多數都唔及2018年，咁點解個GDP會升﹖

正如我年幾前係度講過，係因為政府消費開支大增丫麻。

咁你可以睇下衣個表﹕

表310-32022：按組成部分劃分的政府消費開支 - 以2024年環比物量計算
https://www.censtatd.gov.hk/tc/web_table.html?id=310-32022

個表顯示，政府消費開支由2018年既3245.76億，增加到2025年既4133.44億，多左成千億，或者係多左成27%。

當然，相對3萬億GDP，衣4千億好似好小。又之但係，你又要好小心，唔好以為政府既開支係咁簡單。事關，如果你詳細睇上面個表，表入面列出既政府開支，其實只係有「僱員報酬」、「購買貨品及服務」同埋「非參與商業活動政府部門售予住戶及企業的銷售額」。

你見衣幾項，小左樣好大既政府開支 -- 就係基建。

所以，如果你又睇另一個表﹕

表310-32032：按組成部分劃分的本地固定資本形成總額 - 以2024年環比物量計算
https://www.censtatd.gov.hk/tc/web_table.html?id=310-32032#

咁就首先會睇到，個表D數都係唔MATCH架。

不過，就咁睇條大數，「私營部門」既開支係2018年有4,610.08億，2025年就跌到3,600.28億；「公營部門」既開支係2018年1,493.46億，2025年就升到1,941.41億，多左接近500億。

你睇衣條數，「私營部門」開支大跌，係因為佢地唔起樓唔玩重建商廈之類，所以個開支大跌啦。

不過，衣個接近2,000億既「公營部門」開支，又或者係多左接近500億，就係政府近年講既咩加快基建開支，即係咩北都呀之類。

咁所以，如果你將衣條「本地固定資本形成」入面「公營部門」條數，再加埋「政府開支」條數，咁衣幾年GDP增長，「政府總開支」其實佔比係大左好多。

兩條數加埋，係由2018年既3245.76億+1493.46億= 4739.22億，升到去2025年既4133.44億+1941.41億=6074.85億。

如果再計埋佢地既GDP佔比，2018年GDP係3.194萬億，「政府總開支」(即係上面既政府開支+公營部門本地固定資本條數) 即係佔約14.8%；2025年GDP係3.301萬億，「政府總開支」即係佔約18.4%。

咁所以，衣幾年所謂既經濟增長，其實係好靠政府開支，特別係基建開支 -- 而好多野係萬變不離其中的，你睇財政預算案，其實都會睇到類似政府開支加快既野。

咁相對政府開支，你可以睇下面個表﹕

表310-31012：按組成部分劃分的私人消費開支 - 以2024年環比物價計算
https://www.censtatd.gov.hk/tc/web_table.html?id=310-31012#

你睇衣個表，就會睇到類似上面份立法會數據透視份野，即係大部份私人消費開支係2025年都係未追得返2018年條數。

衣個表由消費層面去睇，仲會睇到條數叫做「非本地居民在本地市場的開支」，即係類似立法會數據透視入面遊客條數。如果你CLICK入去睇，衣條數係2018年係3497.58億，去到2025年係1975.21億，小左4成有多。

即係，政府成日講咩旅客數目返黎，用咁多錢攪咩盛事經濟。但係，旅客條數，係仍然小左4成。當然，個2千億唔係大數 -- 旅遊不嬲都佔GDP好小架啦 -- 之但係，你用咁多人力物力，仲攪到西貢都無處不旅遊，最尾竟然返到條咁既數出黎，就真係精彩。

ANYWAY，我真係要提多你一次﹕衣個數，係以2024年既環比物價計算，係實數，唔係名義數值黎既。

睇完消費開支層面，你可以睇經濟活動既層面。你有興趣，就自己睇衣兩個表﹕

表310-34501：按經濟活動劃分的本地生產總值 - 以2024年環比物價計算
https://www.censtatd.gov.hk/tc/web_table.html?id=310-34501#

表655-82101：四個主要行業的增加價值及就業人數
https://www.censtatd.gov.hk/tc/web_table.html?id=655-82101&param=N4IgxgbiBcoMJwJqJqAjDEBaADHkANCAPoAuxmOhJADhdGgL5ECSAcgCKonmYZHE6MHEQDWAUwCexDNBAA1ahOkAmTAHYKYqcQDMmXcQqNmIAM5RYteiqLyAgsQDSAUUTF7nYgGUXAGRc4ABUXDmJ2LmgAbRAAJQBDAHdiAFliAAtRABNiLOoABQAnAHs6NCy6AFJiADsQAF0iFxT8vwB5d1d3TzDfAODQ8M4YGITkmnFC2oKSsoriarr60wAbGFJCgFdxRiA

咁我唔詳細講，不過你睇第一個表會發現到樣野﹕

1.你就咁睇，比較返2018同2025年，有D行業既表現都係差唔多個數；

2.不過，你睇咩「進出口貿易、批發及零售」、「住宿及膳食服務」，其實個「生產總值」跌得慘烈；

3. 升得明顯既係有「金融及保險」同埋「公共行政、社會及個人服務」；

如果睇埋第二個表講四個主要行業，你會發現到樣仲有趣既野 (不過要留意佢衣個表係當時市值，唔係環比物價)﹕

1.「金融」佔GDP比重由2018年既19.8%，升到2024年既26.2%；其他3個主要行業，全部都跌；

2. 你睇個「佔總就業人數的百分比」，「金融」佔GDP比重係上升左，佢個增加值實數都係升左好多；之但係，「金融」「佔總就業人數的百分比」係由2018年既6.8%，只係升到2024年既7.2%。

2.1. 如果你以實際人數去睇，「金融」「人數」條數，都只係由2018年既264,300升到去2024年既265,000-- 冇錯，「金融」「人數」條數係2018年之後係有升，不過去到2021年高峰之後係年年都跌。

3.相對上，「專業服務及其他工商業支援服務」其實係佔GDP條數唔靚的，不過人數就上升 -- 上升既，主要係科研資訊科技既從業員，衣個就係政府政策。

4.衣個金融佔GDP上升，但係人數下跌，係好有趣既野；資訊科技呀科研個批GDP貢獻唔大既野，就唔知點解發展左咁多年比左咁多錢都仲係冇乜貢獻，之但係人手又升左咁多。

5. 你話，係米好有趣呢。

**********

睇完上面大經濟環境條數，你就可以睇埋下面幾條數。

第一條係本地居民收入，即係下面個表﹕

表310-36201：本地居民總收入、實質本地居民總收入、按人口平均計算的本地居民總收入及按人口平均計算的實質本地居民總收入
https://www.censtatd.gov.hk/tc/web_table.html?id=310-36201#

唔洗開黎睇都知，收入無論係以名義或者實際去計，都係上升，事關個GDP升左麻。

亦都唔洗開都知，個「按人口平均計算的實質本地居民總收入 (以2024年環比物量計算)」都係升，原因好簡單﹕香港小左人口麻。

咁你睇衣個本地居民收入條數，好似好靚，係由2018年既444,741元，去到2024年已經被超越；個數係2024同2025年分別係465,636元同埋481,446元 -- 你要記住，衣個係實際環比數來的。

**********

咁好啦，個平均收入咁靚，「金融」條數又做得咁好，咁仲唔係有滴漏效應﹖

你要睇咩滴漏效應，除左隨口UP之外，最簡單既MEASURE方法，就係睇上面講過既咩消費開支，另再加之前係度QUOTE過既食肆收益。

即係，可以睇衣個表﹕

表625-68004：按食肆類別劃分的按月食肆收益
https://www.censtatd.gov.hk/tc/web_table.html?id=625-68004#

衣個表我上面幾年前個POST條LINK都POST過。不過，我而家特登貼多次個表出黎，你睇完就知點解﹕

見到麻﹗個表竟然多左個COLUMN，叫做「食肆收益數量指數」﹗

我兩年前睇衣個表，係冇衣個數；衣個數，你睇佢註釋，係咁解的﹕

食肆收益數量指數是把食肆收益價值指數內的物價變動因素扣除後所得。消費物價指數的相關組成部分會用作平減物價指數。食肆收益數量指數是以環比連接法編製並按年重訂權數。

即係，以往個表只係得未扣除通脹既食肆收益價值指數。而家，統計處竟然會整左個扣減脹既食肆收益數量指數出黎喎﹗

所以，你見我幾年前上面條LINK講餐飲個POST，我當時係話，所有餐飲類別都跌，淨係「「雜類食肆場所」都勁，不過係向好果方面勁，由2018年118.8，大升到131.2」。

但係，如果你用佢扣除通脹個食肆收益數量指數去睇，其實就算係「雜類食肆場所」都好，係2018個數已經PEAK左，就算係之後幾年，都追唔到2018年個數，咁個收益根本就冇大升過。

又再當然，如果要睇分項，「雜類食肆場所」(你當係兩送飯啦)個食肆收益數量指數係2025年係開始跌，同期「非中式快餐」、「快餐店」同「酒吧」係開始回升。

又再之但係，你如果將食肆收益價值指數同食肆收益數量指數比較，你就會見到個真實慘烈景像，我特登將上面幅圖尾個部份貼埋出黎﹕

你睇個「所有食肆」既收益價值指數，由2018年既139.2，慢慢追，去到2025年追到去127.7，咁都好似OK啦，個差距都收窄左好多啦。

但係，如果你睇個收益數量指數，係由2018年既143.2，擴大去到2025年既112.8。衣幾年係有追，不過個差距扣左通脹之後，仲係好大。

咁即係咩﹖

即係，食肆執左咁多都好，都係加唔到價，或者有加都追唔到通脹。你睇「酒吧」條數，係特別恐怖 -- 就算減左烈酒稅個D，都唔會咁樣影響架麻。

**********

你見上面幾個表，經濟有增長，本地居民平均實際收入都有增長，咁點解消費同食肆都係咁差，好似滴咩效應唔存在呢﹖

你要驗證滴漏效應係米消失，最嚴謹既方法，就係要做個regression，去睇GDP同上面幾樣野係衣十幾年黎既關係。

之但係，我唔會得閒做 -- 要做，亦都冇咁簡單。

因為，上面講既係本地居民平均收入麻。

要睇真正有冇滴漏效應，又或者消費點解轉變，其實係要睇多樣我之前一路有睇既野。

冇錯，就係上面講jobless recovery條link入面個樣野 -- 去稅局搵年報，睇返每年薪俸稅納稅人既分佈。

要睇既係，係3百幾萬勞動人口入面，有幾多人要被評稅同交稅。衣個要被評稅交稅既人，係大約3百萬就業人口 (即係勞動人口入面扣除失業之類既人) 入面，又大約通常係佔2百萬唔夠 -- 之前講過啦，香港要交稅薪俸既，一直都係唔夠2百萬人的 (至於點解咁多人唔駛交稅，你問下的士佬，或者去街市睇下米知)。

而再要睇既係，衣2百萬左右既納稅人入面，有幾多係年薪5百萬、1百萬，1百至50萬、再同50萬樓下。

你睇衣幾個數，係因為個稅階唔同，以及，最重要既係，50萬年薪大約係4萬蚊人工，以往大約佔左一半既納稅人的鳥。

你要咁樣睇稅局份年報，係因為，究竟經濟有咁多增長啦，究竟相應上，要打工既香港人，係收入分佈有冇相應上升﹖又或者係，會唔會就算政府成日話家庭平均收入上升左，之但係因為失業率上升又或者外勞之類崏其他原因，所以某類納稅人例如2萬蚊左右人工既清潔保安人數小左﹖

當然，係香港既情況，其實有D煩，事關衣幾年改過個稅階，免稅額個D又變。

不過，我唔查稅局年報，直覺都話到比我聽，應該係最頂層年薪1百萬既係多人左 (起碼通脹都係度啦。再唔係，我米比個你睇市建同機管局班高層，衣批高收入人士佢地既人工係點變囉)。但係，佢地只係佔總人口甚至勞動人口好細百份比，所以唔會有太強既滴漏。

至於最基層，人數會較多，佢地人工都應該升左，但係佢地人工升左之餘，都唔見到會用多左好多錢 (即係咩marginal propensity to consume個D野)。最簡單﹕我懶，唔查，問左AI，佢話保安份工由2020年大約1萬4千蚊，加到今年最盡1萬9千，多左5千蚊一個月，咁之但係，計埋通脹好多野，你會駛多好多錢咩﹖

所以，如果要講滴漏效應或者內部消費需求，最重要係中間個層既納稅人數目，我相信分佈係唔會點變 -- 衣個中間個層，大約係上面講既1百至50萬。你唔同意，咁頂盡再放寬落到去40萬，即係月薪3.3萬個批，先係對內部消費最有影響個批人。

咁所以，滴咩漏JAK﹖ 結果就反映到去消費入面囉。

*************

補多句，題外話。

我一直既直覺，即係靠估既理解係﹕你有衣個3.3萬月薪，好多時家庭既就會買樓，自己一個就租樓，變相用黎消費既disposable income就唔多呢。

所以，我一般黎講會將100萬至50萬年薪當做最影響消費既中層。你有興趣去稅局睇，或者睇返我上面條LINK，就會發現，衣批人係較高薪得黎，比例上都仲算係較多個隻。

而我又真係去搵多次，係最新有資料既2023-24課稅年度，年薪50萬樓下既納稅人，係佔納稅人既60.35%。係同一個課稅年度，年薪50至1百萬衣個「中層數」，大約有27.5%左右。

我上面jobless recovery有幾個年度，係2015-16課稅年度，衣個「中層數」係22.79%；係2018-19課稅年度，衣個數係22.17%。咁你會見到，衣個「中層數」以往其實幾穩定；就算2023-24年升到27.5%，都係大約係20-30%衣個數。

*************

再者，最後，都係個句。

我之前講專才，就話左比你聽，班專才其實唔知係米要交大陸稅 -- 如果要交大陸稅之後，就應該抵銷左香港筆稅款，咁佢地就未必要交香港稅。

(題外話，財新好野呀，衣兩日爆左話大陸打算玩離岸信託徵稅，追捉你20年；衣幾日仲攪境外保單徵稅，HK01入面講既CRS就係我之前講個樣野。)

咁你明我想講咩架啦﹖

香港近幾年咁多外勞咁多專才，理論上佢地會填補左我上面講既「中層數」就業人口，再加可能填補部份較基層既工作啦。

但係，我之前都講，你大陸長假期甚至淨係星期六日去啟德或者多專才住既區行下，你就唔會見到人影都唔多覺，事關好多專才就返鄉下 -- 而家長假好多「香港人」返大陸，咁固然真係有好多係所謂既「本地人」。之但係，專才都好多。

咁衣班人，我唔理佢有冇交稅都好，甚至我唔理佢佢地係RIDE ON到或者貢獻到所謂香港經濟復甦。

之但係，佢地扣左稅扣埋租數之類，實際可動用收入又會有幾多﹖又會有幾多係香港消費，有幾多滴漏﹖

你再睇埋，究竟佢地實際可動用收入，有幾多係要交比阿爺，有幾多唔可以留係香港 ，或者要洗都去歐州日本洗﹖

(補返句﹕WELL，你明我衣段講咩架呵﹖你留係香港，炒股賺左既，就追返你今年同之前廿年既收入收你增值稅啦)

你將衣個人口結構變化 (即係專才取代以往既本土中產)，加埋落去上面個框架，其實就可以或者係先可以解釋到，點解香港經濟好似好返，但係以經濟活動黎計，就淨係得金融同科研個邊好似係請多左人或者個經濟增加值上升；但同時間，其他就業，同埋成個私人消費都仲係唔掂。

*************

好簡單，我咩都唔講，上面既野，其實可以再引伸落去。

我淨係想問﹕

當經濟復甦係咁倚靠政府開支，當中又再要倚賴基建，咁係基建開支入面，官府又唔知判比咩公司，總之起樓又要返大陸玩組裝合成，玩輕軌又要搵大陸公司之餘，跟手又唔知有幾多係外勞之下。咁究竟而家個經濟復甦下，有幾多錢係做到咩滴漏做到咩政府開支產生既multiplier effect呢﹖

你明衣個道理，個框架就好完滿架啦。

*************

題外話。

我真係唔會比錢明報，所以睇唔到李先知。不過，佢衣個題真係好FUNNY﹕ 聞風筆動：飛機拆解傳跟內地標準 業界憂損國際商機 ／文：李先知。

ANYWAY，淨係睇個題，我就諗，好奇怪咩﹖係咁都唔奇架﹗

*************
未完。

香港經濟．滴漏效應．研究框架 (1)

2026年8月6日 星期四　9:10AM28°C

旅客較2018年減1/4 消費跌44% 百貨珠寶零售重災 學者倡盛事吸東南亞中產

發布日期 2026年8月6日星期四

圖4之3

【明報專訊】政府力推本地盛事吸引遊客來港以拉動經濟，立法會新一期《數據透視》資料顯示，2025年旅客數量較2018年下跌約四分之一，旅客消費額更下跌44%，過夜和不過夜旅客的人均消費分別減少17%和48%。有經濟學者指出，旅客在港購物顯著減少，近年內地客消費能力較弱，呼籲當局營辦盛事時避免過度聚焦內地客，積極拓展東南亞及其他國際中產客群。

一日遊人均消費減半 過夜客不再側重購物

新一份立法會《數據透視》指出，訪港旅客數量仍未回復至新冠疫情前水平（見圖），去年入境旅客雖回升逼近5000萬人次，比2018年高峰仍少約23%，即1520萬人次；其消費表現亦遜色，去年過夜旅客人均消費自2023年高峰的6939元回落至5503元，亦較2019年的5818元低，而不過夜旅客人均消費則從2018年的2202元回落到1139元。

報告亦展示零售業市况（見圖），其中與旅客需求關係較密切的「非必需商品」類別跌幅最顯著，如百貨公司的銷售額跌43%，珠寶首飾與鐘表跌39%，衣物與鞋類亦跌32%。過夜客消費模式改變，購物消費佔比從51%跌至36%，餐飲和其他活動消費佔比則從28%升至37%。

李兆波指零售失價格優勢 內地客財力減

經濟學者李兆波指出，《數據透視》涉及貨品的部分銷售額未計算通脹，相信計算通脹後零售業部分類別的銷售額實質跌幅將超過五成，強調本港零售業在高租金、人工成本影響下，價格優勢已不顯著，而珠寶和百貨商品在境外替代品較多，無論境外旅客或本地旅客都不會傾向在港購物。他認為要補足流失的營業額較困難，相信政府提出推動有本地特色的旅遊項目是一個方向，惟需較長時間發展。

稱泰友人入境遭留難 「難吸高消費客群」

至於旅客消費模式轉變，李兆波稱現時內地旅客消費力減弱，而現行「盛事經濟」仍過度聚焦內地客，「個focus（焦點）真的應該有些改變」，需要為東南亞中產旅客做更多盛事，「做更多國際化的」，另要避免球星美斯來港事件重演，強調盛事的負面影響也很持久。李又說，自己曾與泰國友人入境香港，當時友人遭「留難」盤查，他也被要求登記身分資料，而他們到日本、韓國都未曾有同類遭遇，形容其經歷與吸引高消費力國際客群的目標相悖。

原文網址：https://news.mingpao.com/pns/%e6%b8%af%e8%81%9e/article/20260806/s00002/1785952603145

阿媽係女人之 -- 換水管需要高層次部署解決方案 (2)

見到今日明報衣個社評，我就醒起，衣個更換水管就係我之前另一樣想講既野。

不過，可以講既唔多，咁求其講兩句。

********

你見近年爆水管，咁係議會班智障尊貴都有講兩句。不過，最多講既就係，問返政府攪個咩智管網攪成點，又或者係咩新水管工程協調機制攪成點。

問得衣D野既，都係智障。

原因係，衣D野根本唔關事。

關事既係，政府擺出黎既所謂 以風險為本更換水管工程策略 (以及近年講既咩新科技) -- 個策略過左咁多年，擺明就係廢的。

*********

即係咁，無論你明報個社評，又或者政府點樣答班智障，其實一直都會講下衣段歷史﹕

水務署在二○○○年至二○一五年進行了一項全港性更換及修復水管計劃，更換及修復了長約3 000公里的老化水管（包括食水及鹹水水管），令整體供水管網的運作狀況得以提升。

當時點解會有衣個計劃﹖

係因為，當年全港有接過一半既水管 (無論係咸水定淡水) 都超過30甚至50年，夠期就要換，所以就有衣個分幾期既全港更換及修復水管計劃。

同時間，我唔駛查資料，都知明報衣個講法係低能﹕

政府早就注意到並且十分重視這些問題，2000年開始至今已經更換和修復了總長度3240公里的老舊水管，目前只剩下5%的老舊水管仍未處理。

低能既原因在於，當時個更換水管計劃係做左15年，就算計劃開始時真係有5%老舊水管未處理，不過過左15年，就好多水管又變返舊，所以點會「目前只剩下5%的老舊水管仍未處理」。

我求其GOOGLE，搵返當年2006年有份上地政規劃及工務委員會既文件，份文件有好多野睇，你識睇就會知而家個問題係邊。例如﹕

1. 份文件話，當年全港總水管長度係約7,40公里，大約45%就使用超過30年。所以，政府係1996年就研究要換衣批水管，之後分幾個工程階段去換，由2000年初換到2015年；

2.你睇附件4，就話因為50同60年代鋪既水管因為設計問題，所以壽命係30年左右，而海水管就只係得20年；其他較後期鋪設既水管壽命就大約有50年到60年，海水管都係40年左右；

3.附件4都話埋比你聽，係2006年，使用期過左30年以上既水管有45%，20-30年既都有16%。前者30年以上，就係衣個全港更換水管計劃處理左啦；

3.1. 咁份文件係2006年寫，而家係2026年，即係過左20年，咁亦即係而家使用緊既水管入面，有16%係已經用左40-50年(講明D﹕ 寫文件時係20-30年，咁加返20年，而家米係40-50年囉；又我假定佢2015年完成計劃後冇換過水管先)。你用當時7,400公里個數再乘返16%，即係而家有1,184公里既水管，係用左40-50年。

3.2.衣個就係重點啦 -- 而衣個重點，你見唔到近年有任何所謂議員質詢係問過；就算我特登搵返政府係2025年最新個份文件講到點樣處爆水管問題，佢都淨係講左「使用超過50年的鑄鐵及石棉水泥水管情況 」個數字出黎，個數係35.85公里。

3.3.佢衣個數，擺明就淨係講鑄鐵同石棉水管，其他超過50年既就唔包括啦 -- 咁我真係好想知，究竟有幾多爆左既水管，係超過50年但唔係衣類呢。

3.4.至於全港水管年齡分佈，我求其搵近年既質詢呀或者立法會文件，係見唔到的。

4.另一樣重要既係，評估個工程費用。

4.1.不過，衣樣係睇唔到既。

4.2.我既意思係，份文件有講到，當時唔同階段既更換水管計劃，係唔同階段換左幾多水管，以及唔同階段既核准或者預算費用。

4.3.但係，你將唔同階段個「預算/水管長度」，個每公里水管更換費用係有好大變化，比較唔度。事關，唔同路段既工程難度都唔同，費用自然唔同。

5. 之但係，當年無論換300公里又或者係800公里既水管，都係幾十億。之但係，而家係一定冇可能，個價錢必定係以倍去計的 。

5.1. 好簡單，你睇份文件，當年搵個顧問去做設計勘探唔同評估，都係6,470萬。而家，冇幾億都做唔到啦。至於工程費用，淨係人工都DOUBLE左。

***********

睇完上面幾個數，咁米知個問題係邊囉﹗

2015年完左個全港性更換及修復水管計劃，之後就改用咩風險為本策略，近衣幾年就話要用咩科技用咩智管網智能減壓，其實全部都係廢話。

當而家過左20年，有超過1千公里既水管係夠期或者接近夠期，咁你要做既，唔係話咩風險評估，睇下幾段水管個水壓有問題呀，風險大呀，有可能要換呀。

要做既，就應該係要整多個全港性更換計劃。

原因，好簡單﹕除左係因為夠期之外，個重點係，換水管係好煩既事，你之前個全港計劃，每個階段要換個百幾公里又或者800公里既水管都好，點都要5年以上先攪得掂。

你唔整個全港性計劃，見到邊度爆先去做，咁真係頭痛醫頭，爆完就再爆。

再者，而家你見邊度爆，或者邊度有風險先要換，咁衣D風險為本既方法，已經證實左唔WORK啦。面對緊超過1千公里夠期或者就夠期既水管，你有咩智管網，其實又有咩用﹖

又再者，當年要做全面性更換計劃，係因為水管有設計再加使用壽命，夠期就要換。就算你有幾多科技都好，都係敵唔過物料既物理限制囉 --- 唔通你話有咩智管網，有咩智能減壓，就可以無限期延長水管壽命﹖

*************

當然，換水管，其實係件好煩既事。

你要講錢，要政府而家比過百億甚至唔知幾多百億出黎換水管，我都估佢地唔會。有錢，都去做其他「更加有意義」既野啦。

即係，我求其搵，你睇下政府同水務處早幾個禮拜就係衣個港台新聞講，「本財政年度用於修復及更換水管的開支預算比去年將增加超過50%」。不過，你再睇佢前面個句係講乜﹕

水務署又指，香港山丘多及地勢起伏，令供水系統面對獨特挑戰，為應對水管老化及爆裂問題，署方將因應水管的爆裂及滲漏記錄、水管使用年期、物料、對市民的嚴重性等因素，分階段有序部署水管改善工程，加快更換或修復水管，現正進行的水管改善工程約50公里長，而準備在年底開展的新水管改善工程約40公里長，

而家做緊50公里，年底就開始做40公里。

嘿﹗

另一樣煩既係，當年攪衣個更換水管計劃，其實最煩既就係唔同工程協調。當年係牛頭角呀深水埗呀，都有人嘈，話做乜D工程要封路一封就封幾年，或者係封完幾個月，隔幾個月之後又要再封。

咁所以，其實係當年，就已經慢慢有個咩協調機制，減小個封路時間 -- 而家政府答班智時再強調下面衣樣野，其實可能層次再高啦，不過就一路都做緊，同更換水管工程冇咩關係﹕

為加快更換水管工作，水務署於二○二四年十二月成立由水務署署長督導的跨部門專責小組（小組），成員包括發展局、運輸署、路政署、警務處、環境保護署及民政事務總署等相關部門代表，商討制定更換水管涉及的施工期和臨時交通安排，務求加快工程之餘亦減少對市民的影響。

(衣個係COPY先上面其中一條LINK，咁唔LINK多次啦)

*************

最後，其實今個POST真係好簡單。

你見明報個社評QUOTE班官講野，無論係咩「智管網」，或者係咩「智能供水壓力管理系統」，其實係廢話。

水管問題，本身就係使用年期既問題。你智咩管網，或者咩智能供水壓力管理都好，其實都係有物理限制既問題。

再者，我唔係工程人，不過你見屯門個D成日都爆水，其實正常都會問，係米人口多左咁多，就算你點鋪新水管都好，都要用到舊水管；咁舊有水管係不同時段水壓變化都會大左，咁你點減壓點智能係米都攪唔掂﹖

究竟有幾多問題，係使用年期同設計壽命問題，你點都攪唔掂既呢﹖

*************

再最尾多一次。

你見明報講﹕「但更換和修復工程未能全面鋪開是缺乏經費，還是工程承擔能力問題，需要給市民一個解釋」，就真係弱智既典範。

有錢，就有「工程承擔能力」架啦。問題係，上面QUOTE左港台新聞，而家水務署話用多左一倍BUDGET去更換水管，其實都淨係每年做個50公里。

上面我求其估，話夠期既水管有1,184公里，咁你話如果用而家個風險為本策略，幾時先攪掂衣1,184公里夠期水管丫拿 -- 過多幾年，又多幾百公里夠期，就事但啦。

當然，如果你真係有興趣睇水務署既「經費」，你睇BUDGET米得囉，我COPY埋今年2026/27年個BUDGET比你，今年係供水既預算係有92.8億，比上年多左......1.2%。

我再搵埋3年前2023/24年既數比你，佢個供水既預算都係87.58億，比上年多左5%。

咁你話，每年水務署既BUDGET都係唔夠一百億，咁佢地缺既究竟係乜﹖

再者，你識睇就睇佢BUDGET入面既「二零二六至二七年度需要特別留意的事項」，或者唔識睇但係有常識，都會知道佢近年好多經費比重都係落左去北都 -- 咁既話，究竟有幾多BUDGET落去到換水管，會唔會好似當年咁整返個前膽性全港更換計劃呢﹖

嘿﹗

****************

真係最後，補多句。

我再睇返上面QUOTE個份2025年立法會文件，其實政府個風險為本政策就好FUNNY，佢係咁寫﹕

(e) 鑄鐵和石棉水泥水管
.......

32. 水務署已識別了44公里較高爆裂或滲漏風險、位處主要交通路段，及已使用約50年或以上的鑄鐵及石棉水泥水管，這些水管主要集中於中西區、九龍城、油尖旺及荃灣區。為減少工程對交通和市民的影響，從而加速處理老舊水管的更換工作，水務署已成立由水務署署長督導，成員包括發展局、運輸署、路政署、警務處、環境保護署及民政事務總署等相關部門代表組成的跨部門專責小組，商討及制定更換水管涉及的臨時交通安排、施工計劃等，以便及早制定方案，並向各區區議會講解，透過區議員向市民解釋有關安排。我們理解工程期間可能對市民的出行造成一定程度不便。然而，我們希望市民對有關工作予以體諒及配合，讓我們有序地完成有關的水管改善工程。

33. 現時，水務署正為相關工程進行規劃及檢視推展時間表。水務署會在2025年第四季至2028年第三季的3年內，開展改善其中8公里的老舊鑄鐵及石棉水泥水管的工作，相關水管的地區分布列於附件八。而餘下部分，包括28公里的老舊鑄鐵及石棉水泥水管，連同屆時已達50年使用年期約8公里的老舊鑄鐵及石棉水泥水管，共36公里的老舊水管，水務署爭取於2027年展開改善工程，並預計在8年內分階段完成。我們會適時為項目作階段性檢討。

我先假定鑄鐵同石棉水管係高風險，係得佢地先會爆，其他水管過左50年都唔會爆啦。

咁好FUNNY既係，佢換衣36公里既水管，要8年內分階段完成﹖

當年做個全港性更換水管工程，8年換到幾百公里甚至8百公里水管喎﹗

你要用8年，衣D水管又真係好高風險，就算你有個咩新部門協調機制，都可以慢慢攪喎﹗

衣個就係政府2015年打後用既「風險為本水管資產管理計劃」。

而家好多野，除左香港頭等大事同埋第二等大事 (即係要全力發展既北都) 之外，好多野都好FUNNY。

嘿﹗

****************
完。

阿媽係女人之 -- 換水管需要高層次部署解決方案 (1)

社評：爆水管擾民只有遲來解釋 需要高層次部署解決方案

發布日期 2026年7月31日星期五

【明報社評】屯門青山公路28日晚發生水管爆裂，影響周邊4個屋苑，至30日傍晚才修復完畢恢復供水。香港供應食水和鹹水的水管星羅密佈，水管總長度不斷增加，也在不斷老化，政府重視爆水管情况，不斷用新科技加強監測存在風險的水管，也在不斷更新和修復老舊水管，雖然爆水管情况已經大幅改善，然而在過去3個月內，卻發生6宗爆水管，情况令人費解。水管健康問題得到重視，花了錢去應對，但仍然發生嚴重影響民生的事件，政府欠市民一個解釋。

爆水管事件大幅減少

老舊水管問題未解決

爆水管事件在2000年有2500宗，到2024年已經大幅下降到27宗，問題彷彿已經「消失」。然而，問題並不因為發生宗數已經大減而可以「忽略不計」，因為爆水管影響到市民的食水供應，酒樓食肆的生意停頓。而且近期發生的幾宗事件，水務署都無法在承諾時間內修復，本月19日筲箕灣爆水管，水務署原公布可在翌日早上6時修復，結果延誤了5個小時。28日晚屯門青山公路旁的水管爆裂，則要到30日晚6時許才恢復供水。

水務署的解釋是，近月發生的爆水管，多半是用了近半個世紀的老舊水管，用鑄鐵及石棉水泥等物料所鑄造的水管因外部比較脆弱，而且周邊環境複雜，增加修復的難度。這個歸咎於老舊水管以及環境問題，似乎是無可避免。但屯門爆裂的水管雖已使用40年，但是屬鋼管，只是出現鏽蝕問題，即與製造物料無關，而是對鏽蝕問題缺乏有效監測。

政府早就注意到並且十分重視這些問題，2000年開始至今已經更換和修復了總長度3240公里的老舊水管，目前只剩下5%的老舊水管仍未處理。

與此同時，水務署引入科技手段，實施「智管網」計劃，覆蓋全港八成的水管。即在全港食水管網分成2400個監測區域，在水管內放置監測和感應儀器，通過收集的數據，用電腦系統分析，得知水管漏損程度。

這兩項重大工程，幾乎可以做到大幅改善水管健康，即使出現滲漏，水務署也可以通過風險評估提前得到預警，從而及時處理以避免發生爆水管。然而，事實並非如此。

近3個月來發生的6宗爆水管，是否都在「智管網」八成覆蓋範圍，若然，緣何水務署未能收到預警信號。水務署的解釋是，即使是老舊水管都在「智管網」覆蓋範圍，但是如果受外力衝擊時有較大可能突然爆裂。什麼是外力衝擊，是建築工程引起還是重型車輛頻繁路過導致，必須通過事故發生原因或者科學數據加以說明。

發展局長甯漢豪本月初在立法會表示，水務署將會與香港理工大學合作，下月成立「管道機械人」聯合實驗室，為水管做高精確度檢測。水務署表示，正在擴大及提升「智管網」，透過安裝實時傳感器，提升實時數據傳輸功能，加強管理供水管網滲漏。相關工程將於今年中至明年中分階段完成。

監測水管技術日新月異

水務署遲來的更新計劃

從上述兩名官員的說法，間接承認目前的「智管網」系統技術不夠先進，需要更精確的檢測數據。這個遲來的解釋，予人印象是水務署對於「智管網」的效用，沒有開誠布公跟市民交代。

水管健康問題，還關乎水壓問題。水務署在接連發生爆水管事件後表示，計劃在今個財政年度向立法會申請撥款以建構「智能供水壓力管理系統」，以動態調節政府管網供水水壓，在食水及鹹水供水管網安裝實時在線傳感器裝置，透過高精準度水力模型分析，利用人工智能及大數據，全方位持續監測整個供水管網的運作情况。這個遲來的計劃與撥款申請，也未必可以服眾。

至於更換和修復水管工程問題，水務署表示，更換和修復老舊水管需要按風險情况安排更換這些水管，「零碎及小規模水管更換工程並不奏效」。即是說水務署在安排工程的緩急先後，是根據水管使用年期和物料等因素，分階段優先更換或復修風險較高的水管。這種邏輯似乎合理，但更換和修復工程未能全面鋪開是缺乏經費，還是工程承擔能力問題，需要給市民一個解釋。

水務署亡羊補牢的改善水管健康計劃雖然遲到，但總比束手無策好。現在令人憂慮的不止是水務署的各種計劃是否能夠妥善解決問題，而是這些即使是有效的解決辦法是否能夠有效實施。

修復老舊水管或者鋪設新水管，以至在水管內安裝各種精密儀器，都牽涉在路面上進行工程，而任何工程都需要通過的部門包括：民政事務總署、警務處、運輸署、房屋署及路政署，根據過往的經驗，這個「三師會審」的過程，需要的程序和時間，是不可能按照水務署的計劃而順利展開的。如果要上升一個層次，則需要一個由更高層級官員主持的協調小組，才能加快工程的進度。

爆水管給市民生活帶來的不方便，是重大的民生問題，需要解釋和給出解決方案的，不應該是水務署，而是更高層級的官員。


■歡迎回應editorial@mingpao.com

原文網址：https://news.mingpao.com/pns/%e7%a4%be%e8%a9%95/article/20260731/s00003/1785434843150

心淡．平台工作者

真係心淡。

即係，我都知由字裡行間，都可以知道我肉樹林風有幾正。

不過，留言講個「正」字之餘，起碼都要講下邊部份正丫麻。

ANYWAY，其實我覺得我早兩個POST講中九龍幹線係好精彩架，不過又冇人有反應。咁你話係米心淡。

當然，要講中九龍幹線，其實我用100隻字就可以講到重點 -- 不過打多d字，講埋多d理據，長氣小小，咁好似好d咁囉。

即係，如果要簡單講中九幹線個收費問題，淨係咁講就得﹕

「你上年話要收錢時，份文件明明話中九幹線個容車率會係0.97，所以就收費去解決一系列問題。咁而家實際容車率得0.79，小個你當時估計咁多，即係咩問題都冇，咁仲有理據收錢﹖仲有，你以前d文件不停有提容車率，而家你最新份文件唔提不突止，仲要用不可比較既數據，淨係講減小幾多百份比既車流，就明顯係有問題。」

咁係米清楚簡單好多呢﹖

不過，就係冇咁精彩囉。

******

正題。

其實我擒日想講埋外賣平台講保障騎手，不過唔得閒就HOLD住。

咁而家講埋佢。

早幾個禮拜，孫玉菡又走出黎表演，係度講保障外賣平台工作者個法律框架。我想講既重點，明報就係咁講﹕

現時平台工作者常服務多於一個平台，孫玉菡指狀况複雜，若外賣員在為A平台運送食物時受傷，而身兼B平台的工作，A平台須全數負責工傷補償部分；至於收入補償，局方傾向把A和B平台都計入收入補償，兩者扣減比率會不同，攤分比率則有待磋商。

若外賣員受傷當下正在運送幾個平台的食物，孫則認為平台應分攤工傷賠償，至於如何分攤賠償責任，局方傾向計算工作者以往在各涉事平台的收入，以及各涉事平台本身的收入，具體做法有待討論。

你睇完佢衣兩段，其實係唔知佢講乜，佢既意思係唔準確架。例如，如果我將佢講既A同B代入唔同公司，變左咁樣講，「若外賣員為keeta平台運送食物時服務，而身兼FOODPANDA平台工作」，咁其實係指乜﹖

咩為之「身兼」﹖係米我同時幫兩個平台運送唔同ORDER，定係我只係送緊一個KEETA既ODER不過就同時開左兩個app，定還是我淨係開左keeta app不過我間唔中都有幫FOODPANDA送野，咁係 「工傷補償」同「收入補償」先有唔同待遇，或者唔同情況下需唔需要分攤﹖

我係睇唔明。

所以，我搵埋份立法會文件係點講﹕

(i) 平台公司賠償責任的分攤 

18. 如工傷意外發生時，平台工作者同時服務於多個平台，各涉事平台須分攤賠償責任。 

YEAH﹗ 

成份文件，就係得衣一句﹗

************

咁我真係唔明咩為之「身兼」，咩為之「分攤」，咩為之「賠償責任」，所以打左上面段野，睇完份文件衣句野之後，真係睇埋個會議紀錄。

一睇，嗯，班尊貴固然唔知自己講乜；我上面講既，原來都講中左小小政府心入面條蟲，我COPY下班尊貴同政府講咩呀下﹕

林銘鋒議員：

多謝主席.....第二，文件第18段提到，如工傷意外發生時，平台工作者同時服務於多個平台，各涉事平台須分攤賠償責任。請問分攤準則為何？例如參考新加坡，若工作者在多個平台從事同一類工作，平台的工傷補償責任將按比例，根據受傷工作者在各平台賺取的收入，做法相對清晰。留意到當局表示分攤責任屬於商業決定，請問當中的考慮大致為何？ 

陳沛良議員：

多謝主席.....第二個問題，剛才亦有同事提及，關於賠償責任分攤的問題。除了讓平台公司自行商議賠償責任的分攤外，我相信當局是否應該有分攤原則或計算方案給予他們，而非由平台公司自行協商各自負多少責任？

勞工及福利局局長：

分攤方面，我想借此機會說明清楚一些。所謂的“分攤”，我們的想法是指平台工作者在送單過程中，同一時間送兩間平台的訂單。以食物外送為例，若他同一時間接了兩間，一間是“K”字頭，另一間是“F”字頭，同一時間執行，當他同一時間執行，一旦發生意外，便由兩者分攤。但亦有另一種情況，平台工作者只是在執行一間平台的訂單，他在不同平台有工作、有登記、有收入，但在他發生意外當刻，涉事平台只有一間，在這種情況下，便不是分攤。我們的想法是，涉事平台亦要負責其他非涉事平台的收入，當然未必是全部，而如何計算，則會有一些調整安排，涉事平台亦要負責。這比較複雜，所以我們需要與相關持份者商討。由於平台工作與一般工作的形式實在大不相同，如何處理要仔細磋商。我們已有方案，但需要時間與各方再作磋商。多謝主席。 

上面兩個尊貴，其實都應該係之前政府同佢地BRIEFING時講過下咩新加玻例子，所以FEED左比佢地，就做樣講下啦。

不過，唔好理新加坡住，孫局個回應，係個委員會好後階段，好多人問完野啦，佢先講出黎。

原來佢一路講既「分攤」，又或者上面QUOTE出黎文件第18段講既「各涉事平台須分攤賠償責任」，真係我回應緊我上面講既問題﹕

係米「分攤」，點樣「分攤」，要睇下個外賣員送外賣時，係 只係執行一間公司定同時執行唔同公司既ORDER；唔同情況，有唔同或者係米需要「分攤」「工傷補償」既計算。

至於「收入」既補償計算，就真係要「涉事平台亦要負責其他非涉事平台的收入，當然未必是全部」，即係唔理發生意外一刻，你有冇開到其他非涉究平台既APP，就點都要「分攤」「收入補償」。

(當然，佢上面衣個「澄清」，就擺到明同佢係文件第18段，以至佢係明報個講法有出入啦。事關文件第18段就講到一舊舊點都要「分攤」；佢係明報無啦啦講咩「若外賣員在為A平台運送食物時受傷，而身兼B平台的工作，A平台須全數負責工傷補償部分」，咁佢無啦更講到「而身兼B平台的工作」，其實就完全唔關事，係多餘，攪到意思唔清楚的)

SEE﹖

我睇完佢明報講到一舊舊，諗左個問題，佢又真係會議上差唔多開完會先講出黎，咁即係咩﹖

米即係，佢份文件又係寫到一舊舊，自己都唔知自己講乜囉。

野野都要澄清，要「借此機會說明清楚一些」，就證明你唔掂囉﹗

寫文件既唔知自己寫咩，問既又唔知自己問咩，就真係良政善治，高效議政。

*******************

ANYWAY，阿尊貴講到新加坡，咁我又專登去睇下新加玻條例係米咁痴線，痴線到好似佢咁講，「例如參考新加坡，若工作者在多個平台從事同一類工作，平台的工傷補償責任將按比例，根據受傷工作者在各平台賺取的收入，做法相對清晰」。

咁我求其google platform worker protection singapore，就出左衣個結果。入面講到「責任分攤」，係咁講的﹕

Apportionment of liability

If a platform worker is injured while working for two or more platform operators at the same time, liability will be apportioned through a prioritisation of work tasks:

1. If the platform worker was performing both pick-up and delivery tasks at the time of accident, the platform operators that the platform worker was performing delivery tasks for will be liable.

2. If the platform worker was only performing pick-up or delivery tasks at the time of accident, all platform operators that the platform worker was working for when injured will be liable.

If there is only 1 platform operator liable after the prioritisation of work tasks, this platform operator will be liable.

If more than 1 platform operator is liable after the prioritisation of work tasks, liability will be apportioned among all liable platform operators. Each platform operator's share of liability is determined by the ratio of the platform worker's earnings with that platform operator, to the platform worker's earnings among all liable platform operators over the lookback period.

又SEE﹖

如果係第一個情況，純粹係講工傷，咁就唔係條低能尊貴所講，「平台的工傷補償責任將按比例」，而只係this platform operator will be liable。

所以，我幾合理懷疑條尊貴係比人FEED完野就講，中間過程冇經大腦自己GOOGLE都冇，就真係似啦。

當然，我唔詳細睇新加坡條ACT啦。不過，佢好似冇特別就「收入補償」係米攤分做分開處理。

*******************

ANYWAY，點解我會又睇埋新加坡呢﹖

事關，個日睇完孫玉菡係明報講野，之後頭先打字前睇埋份文件，再睇到兩個尊貴講既野，咁我真係覺得好唔對路麻 (我係寫衣篇文之前最後一刻，先見到孫玉菡上面個澄清的 -- 所以一開始係因為唔對路而寫篇文)。

即係，我係平台工作者，我為一個平台工作期間受傷，咁點解「工傷補償」同之後既「入息補償」，要其他平台分擔呢﹖

唔講平台，如果我有份office正職，甚至我淨係做看更，不過得閒都會送下FOODPANDA，咁我做FOODPANDA炒車，咁唔通我份正職間公司都要陪個「入息補償」呀﹖

再唔係，唔講外賣，咁而家其實都開始有 裝修平台做維修，遲下唔知DESIGN呀化裝呀跳舞呀甚至其他炒散會唔會有平台啦。當然，而家衣類平台係做配對，你唔係加入個平台去接JOB。不過，你真係難保第時會唔會有衣D野 -- 我係「天下貓貓一樣貓」個老細的話，我都可能會整個「天下貓貓做保姆」既寵物保母平台。

咁到時，衣條咁神奇既「連座法」，又係米應該APPLY埋落去呀﹖

當然，上面既問題，其實有小小廢話，係小小槄草人黎。

事關，孫玉菡最後澄清左，起碼工傷原來唔會係所有情況下都玩「分攤」，所以係「工傷補償」就比較清楚。

至於「收入補償」方面，你再睇份文件，佢係第16段既收入，都特別咁講﹕

如平台工作者另從事非平台的全職或兼職工作，則毋須計算該工作收入以計算工傷補償。

咁呢，政府原來保左底，非平台工作既收入，係唔計落去「工傷補償」入面 -- 佢文件都有提到，佢「平台」既定義亦都只係講「從事食物及／或貨物外送服務」。

又之但係，係政策理念上，我都係唔明「收入補償」個分攤原則﹕

我成個禮拜都係送Keeta冇開個FOODPANDA個app，之但係如果我有咩工傷，就算FOODPANDA唔洗賠我工傷個部份，但係都要賠收入個部份，要負責我既「收入補償」﹖

如果我長期同某幾間保安公司再加幾個蛇頭去做酒樓炒散，咁本質上同上面FOODPANDA之類既平台差好遠﹖分別可能只係，FOODPANDA就用APP，酒樓蛇頭就係WHATSAPP囉。

咁的話，其實同FOODPANDA之類既平台，又差好遠﹖

**************

結論。

我原先以為，應該係大陸有條咁既騎手保障條例，所以香港先拿拿聲又要攪類既野，亦都所以我原本上個POST講開大陸騎手，就想講埋衣樣早幾個禮拜已經覺得唔對路既野。

不過，睇返份文件同個會議，原來新加坡同其他地區都有 -- 雖然人地個補償制度同香港考慮緊既好似幾唔同。

又之但係，我都係唔明架啦 -- 就算唔講個「收入補償」既攤分原則，而家政府話要保障勞工權益，咁點解只限平台，仲要係限外賣同外送平台﹖

我知，衣樣野就全世界都係起步緊，又之但係，其實好多有蛇頭做炒散既，本質上都係差不多的。

ANYWAY，你見孫局係入文件，就「補償分攤」都淨係夠膽講一句，就知件事未傾掂數啦。

**********

講到衣度，其實先係真正既結論。

阿局長一方面講到一舊舊，另一方面份文件寫到PAT屎，就好明顯自己都未諗清楚，無論係局或者業界都計唔掂數，究竟點先可以有個合理既「收入補償」「分攤」方式啦。

所以，而家米求其交住功課先囉 -- 反正今屆政府都好似就完啦，下麻。

衣樣，等同前排又又又又再扲返條消費者冷靜期條例出黎，諮詢完，你估幾時立到法丫拿﹖

就算而家咁高效，條例其實以往咁多次諮詢期亦都有埋個立法建議條草案都DRAFT左架架啦，不過真係一年唔洗就立到條例出黎﹖

今屆政府個期，去到2027年6月30日咋喎﹗

***************

最後，補多句題外話。

擒日見阿大國駐菲律賓領事阿井泉講野，佢講起領土爭議時，又應驗返我上個POST講既野。我照COPY佢講乜呀下﹕

井泉說，衝突是沒有任何必要的，老百姓真正關心的是工作，「是我（是否）能夠吃上飯」等生活需求。

你首先唔好理，作為中國外交官，菲律賓既老百姓真正關心咩佢都知，或者佢都要理啦。佢衣個邏輯，米就係我上個POST講既管治邏輯囉 -- 「老百姓真正關心的是工作，是我能夠吃上飯」。

所以，管理低端人口，就應該發揮中國傳統美德 -- 女人唔好比飽飯佢食，耐唔耐比小小好處佢，佢就會聽聽話話。

低端人口，就同女人一樣。

除左女人之外，亦都好似偉大既金將軍咁，要懂得管治的藝術。雖然我未睇個本講北韓既我們最幸福，不過下面衣段，就成日有人QUOTE的﹕

除此之外，每逢金氏父子誕辰，學校都會派發平日難得一見的糖果巧克力，這樣孩子們就知道親愛領導人的恩典了，好比久經訓練的小狗自會認得鈴聲代表食物。

去返之前個post既context，就係，有洪水，解放軍到來，我們就都會是巴夫洛夫的狗烏。

****************

丫，真係最後一句。

講起中菲領海之爭，我好似之前貼過下地圖，講下黃岩島係邊。

咁而家，唔貼啦。

不過，黃岩島係正馬尼拉灣蘇碧灣對出一百海里 (離最近既中國領土呀海南島500海里呢 -- 丫，唔係，中國領土包埋南沙，咁就近好多，不過都冇一百海里咁近)。

咁就算老尾無所謂，不過菲仔老百姓又點諗呢﹖得閒既話，叫井泉黎香港問下班菲傭，或者你問下屋企個菲備，點解井泉咁了解菲律賓人，阿井泉係米同好多菲傭都有路呀下。

不過，我已經唔講咩航道咩戰略意義。一個唔覺意原來個島既專屬經濟區又有石油天然氣乜礦之類，咁你賠返比菲仔老百姓呀﹖

ANYWAY，作為政治正確，黃岩島緊係屬於祖國架啦﹗

如果當年西班牙唔係殖民過菲律賓，成個菲律賓都係屬於祖國添呀﹗

****************

完。

時事．兩句．政治權述心理學

記得有野想講，不過唔記得係乜。

之但係，耐冇打字，同埋擒日見到個耐人尋味既新聞，所以打兩隻字。

********

擒晚睇到，梭角終於講左樣我之前想講既野。

梭角擒晚係FB入面，出左個POST，係引阿washington post既評論，話「《華郵》社論指特朗普減涉港制裁　或有助換取釋放黎智英」。

段新聞耐人尋味既係，佢FB出完個POST，我今朝再搵返，個POST係死LINK；佢網頁都係死埋LINK，係搵唔到段新聞。

之但係，上網搵，佢係THREAD就仲未刪POST，所以我都仲可以係上面COPY到個題出黎 -- 條thread幾時比佢刪埋，就唔知啦。

咁我諗係米佢寫錯，所以就刪POST。之但係，去washington post度睇，嗯，其實佢個所謂社評，係有講衣樣野，不過都係隨口UP mode，咁梭角理論上又冇錯既。

咁點解佢要刪post呢﹖係米有人叫呢，就唔好理。

又再之但係，梭角多人睇就刪post；衣度小人睇，咁我講埋我原本想講既野。

我想講既係，基本上，我早幾日，都係同washington post隨口UP mode諗既野一樣﹕老尾放寬左個制裁，係米關jimmy仔事呢﹖

當然，令我諗到衣樣野既原因係，因為另一樣野，一段更早前既新聞。

段新聞係7月初發生，個題照copy明報既係﹕黎智英財產充公案撤聆訊 律政司：另訂日期。

當時我都係度諗，jimmy仔係民族罪人喎﹗國安係頭等大事喎﹗點解會「另訂日期」既﹖

咁前幾日老尾放寬制裁，就令我諗到washington post講既野 -- 當然，我比washington post，就多一個根據，冇咁隨口up mode啦。

雖然，到而家，都係隨口up既jak，可能性都唔似有百份之一。

不過，而家梭角再刪post，就令件事，更加耐人尋味。

WELL，都係個句，衣度人小，我先講出黎。

反正，隨口up，如果成事，就有得係到認屎認咩呢。

冇件事的話，就當係唔記得囉。

***************

第二樣講既係，抽水。

阿謝局比人問到，黃錦輝收皮後，係米需要舉行補選。係明報，謝局就咁回應﹕

謝小華解釋，現屆選舉委員會任期至10月21日屆滿，距今3個多月，11月將舉行換屆選舉，而明年3月及年底分別舉行特首選舉及區議會選舉，反問為一個議席舉行補選是否合乎成本效益，「當然凡事要看是否急切及重要，立法會議席是重要，但是否急切，要考慮其他因素」。

咁呢，學習大大咁講，我地要衣法治國；咁香港所有煩事都要學大大，咁所以都應該衣法治港。

咁你睇返我之前個post，《立法會條例》入面，邊條係要求選委會決定係米要舉行立法會議席補選時，要考慮「是否急切及重要」，或者要「考慮其他因素」﹖

我quote多次條例呀下﹕

36.舉行補選以填補立法會議席空缺
(1)選舉管理委員會必須在以下情況而不得在其他情況下，按照根據《選舉管理委員會條例》(第541章)訂立並正有效的規例，安排舉行一項補選 ——
(a)在立法會秘書根據第35條宣布立法會議席出現空缺時；

****************

第三樣係，醒起，前排係想講馮晞乾早個星期講大陸仔燒狗單野。

馮晞乾講左野。懶，照COPY﹕

第三，是更深層也更荒謬的政治邏輯。全国人大代表、安徽省農業科學院副院長趙皖平已連續八年提出制定動物保護法的建議，但至今未獲採納。為什麼？早前有中国網民討論六月初揭發的重慶「山姆打包哥」虐畜事件，就提出一個大概只有大陸人才想到的觀點——中共不立法保護動物，原來跟「維穩」有關。

有網民說：「關於重慶事件，本質其實很簡單。中共不允許任何非官方組織存在，因此第一步就是打壓。第二，動物保護立法是好事，但中共不會輕易讓步，因為法律不能僅僅因為民眾抗議就改變。一旦開了口子，就可能引發更多政治變革的呼聲，而中共不想看到這樣的先例，在中共的治理模式裏，維穩永遠是第一。」

也有人引述一名大陸執業律師的說法，值得大家參考：「政府之所以無視家暴、輕判家暴，就是一個低端的維穩。因為一旦家暴男性沒辦法在家打老婆發洩，他們就會危害社會，雖然目前社會亂象多，可一旦嚴管家暴，社會問題會更多，同樣的、動保法也適用。一旦這些暴力份子沒有可以虐殺幼小的發洩點，社會就會動盪。於是，政府就一直硬性無視家暴、女性、動保，來達到低端群眾的維穩。」

衣幾段呢，好多可以講。不過，簡單，所以又PT FORM﹕

1. 衣幾點，並非好似馮晞乾咁講，「就提出一個大概只有大陸人才想到的觀點」。

1.2.我唔搵啦，不過係所謂既反修例運動時期，耐唔耐都有D左仔放風，話示威者應該收手，事關「中共不會輕易讓步，因為法律不能僅僅因為民眾抗議就改變。一旦開了口子，就可能引發更多政治變革的呼聲，而中共不想看到這樣的先例」。

1.3.衣個說法，其實對某類人黎講，都係「常識」 -- 而我都傾向認同衣類「常識」，係適用於而家習大既管治風格。

2. 第二段講既，你亦都可以係好多唔同方面，都見到係「常識」。

2.1. 你見習大成日講咩人民至上，講咩幸福感，其實你知唔知佢講乜﹖

2.2. 習大上台之後，點解要反壟斷，成日要約談邊個邊個去保護消費者權益﹖衣兩日仲癲到，咩京津冀消協組織約淡多家航空公司同賣飛平台，要佢地整改。

2.3. 之前都引阿羅尚沛講過下，大陸市監局咁Q多局反壟斷反左咁多年，究竟咩人得益﹖除左財政部收到好多罰款之外，真係唔知咩人得益。

2.4. 你話要規管平台保障消費者，而家大陸新聞最出名既係，惡意退款，D衫著完兩次就退你老尾款；早兩日睇新聞，仲玩到AI爛生果圖屈你退款。

2.5. 所以，點解大陸人落到黎會係大爺﹖你返上去，米又係做大爺，話大陸服務好。事關，市監局is watching you。

2.6. 你唔講市監局，上面講咩消協組織約談航空公司，最攪笑既係，佢約既唔止民企，仲有國航東航。大佬，衣D係國企，你叫中紀委落去兇國航個黨組書記 (通常都係董事長總經理總之係最大個個啦)兩野，就咩都攪掂啦，咁你約咩談jak。

2.6.1.甚至，國航個黨組書記，分分鐘都係中紀委委員，真係比個眼識，都自己識做啦，下麻。

2.6.2.聲稱要約談，其實就係要做SHOW，話比人知，我要比幸福感你班消費者啦。

2.7.衣個，同近年咩規管外賣騎手一樣﹕你要騎手供社保，就固然係社保冇錢要人供啦；另一樣就係，要保障騎手麻。

2.7.1.至於騎手想唔想比你保障﹖又係睇d財經野，就會有d高級黑野出黎，比你睇到不一樣的東西鳥。

3. 咁你明我想講咩未﹖上面馮晞乾聲稱QUOTE阿大陸律師講「低端群眾的維穩」，其實你要明白，除左數得出既大城市之外，大陸既「低端群眾」佔比係幾多。

3.1.你唔駛黃金周去尖沙咀睇啦，淨係大陸人自己都歧視所有河南人山西人東北人，你就知道，所謂既「低端群眾」係咩回事。你唔明，就上網SEARCH下咩叫做「十亿人民九亿骗，河南人民是教练，总部设在驻马店」。

4.咁所以，咩叫維穩﹖就係，人民至上，再加我比好多「自由度」你，再加多個愛國感召你，就可以令你「感到自豪」鳥。

***********

其實仲有野想講，不過簡略啦。

上面講既野，其實引伸到一個我想講好耐，但懶，一直都未開既題目﹕政治權述心理學，或者係維穩。

咁講兩句。

最簡單講，上年台灣攪大罷免，不過花蓮王傅崐萁係大罷免入面，完全冇事 -- 就算外界睇到花蓮有貪腐呀次次打風後都斷水斷電幾十年都冇發展呀，傅崐萁都係冇事。

even係上年大罷免完左，之後再有洪水死幾百人，傅崐萁之後都唔會有問題。

係香港，類似既事件，係2015年區議會選舉，幾條鉛水邨，都係建制贏左，泛民只係保住現任一個議席。

鉛水邨個選舉結果，其實好值得研究，亦都係好好既總結。

個總結係，好多人唔係要你幫手追究責任，唔係要你伸張公義 -- 佢地要既係，你幫佢即時解決問題，屋企冇水你就送水上去。

即係，要做既就好似上面hk01咁講，係要「動員物資及人力，為受影響居民提供支援」。「支援」完，就唔記得咩責任問題，就會支持你，支持政府的鳥。

我求其搵花蓮罷免既新聞，衣篇就講到類似上面講既野﹕

地方居民私下表示：「台北人選完就走了，留下的生活困境還是我們在承擔。」對花蓮人而言，颱風造成的斷路斷電、交通不便、通訊中斷，外地人無法真正體會與承擔。正是這種現實落差，加深了花蓮當地人對外來人的排斥，形成罷免行動難以突破的心理圍牆。因為花蓮狹長封閉的地形，只要一場地震、一個颱風，對外聯繫就可能中斷。

我用廣東話翻譯，就係咁﹕

係呀，花蓮次次打風都斷電斷路斷水斷糧，不過之次都係傅崐萁派救濟接濟災民。冇左佢，以後打風就冇人理花蓮人架啦 -- 咁花蓮因為管治差因為貪腐，所以基建樣樣都攪唔掂，就是但啦，總之有人係天災人禍時接濟到我米得囉。

衣個，其實係米同大陸既維穩，非常似呢﹖

好多人要既，唔好咩良政善治，唔係要咩合理既政策。

要既係，「幸福感」。

衣個，真係中國共產黨由成立以黎，都能夠掌握既唔秘密武器。

衣個，亦都係人性 -- 你比百零萬我一個月，我都可以日日寫篇文歌頌家超架。十零萬，就難d，淨係可以一個月一篇啦。

*******************

所以，我一直講宏福，其實真係好簡單﹕你比到個好價錢，其實大部份人都會接受冇聲出，咁就解決到個問題。

而家個問題係，有人又要面又唔肯應低威，但係又唔想比舊錢出黎，最後攪到pat屎，又要公安出手。

衣d，米唔明咩叫管治藝術囉。

等同於，衣期大陸又黎水災，咁衣類大陸點解泄洪唔做預早通知既潮文， 又不時係網上見到。

咁大陸求其泄洪，或者有目的咁泄洪，就唔係秘密；有人無聊到張上面篇野問ai，就ai都比埋例子你，講返早兩年涿州因為要做好咩「首都護城河」(同埋保住雄安)，所以就泄洪浸到阿媽都唔認得啦。

咁泄洪冇咩問題，早幾年深圳都仲泄到香港北區水浸啦。

最緊要既係，泄完之後，快手重建，又係一個暖心既故事，證明只有黨既存在，先可以人民至上。我求其GOOGLE泄洪重建，就搵到商報有衣個暖心故事，我quote段intro比你睇呀﹕

洪水退去，希望升起。汛情過後，來鳳縣迅速響應，各部門聞令而動，與廣大民兵、群眾並肩作戰，迅速投入災後清理與家園重建工作。清淤現場鐵鍬翻飛，消殺區域白霧瀰漫，搶修現場機器轟鳴……一場爭分奪秒、同心協力的災後恢復行動，在全縣上下全面鋪開，共同托舉家園復蘇的希望。

所以，你見大陸任何水災新聞，最緊要既係咩﹖係官兵點樣救災。

*************

唔得閒，咁求其，完。

中九龍幹線．數據專家 (2)

TO BE FAIR，厚面皮，其實就唔係寫中九幹線份文件既AO專利。

近排睇新聞，發展局常秘何女士，其實都語出驚人架。

佢近排講到白石角站，講到咁樣﹕

政府公布白石角站選址。發展局常任秘書長何珮玲表示，坊間最初有誤會，以為會在教大運動場建站，其實當局並無這個傾向，認為新選址較近科學園，建站效益最大。

咁你話，林鄭係2021年公佈施政報告時，佢係點樣宣佈展開白石角站架話﹖林鄭係2021年施政報告咁寫左出黎﹕

藉此機會，我們認同應改善白石角和科學園一帶的公共交通接駁。政府會邀請香港鐵路有限公司（港鐵公司），研究以現時位處白石角的香港教育大學（教大）運動中心用地為基礎，興建新的東鐵線科學園╱白石角車站，並按教大早前要求重置運動中心到大學本部附近的地點，方便同學使用。

當然，你緊係可以話，我講既係「基礎」JAK，咁個站搬去近科學園甚至搬埋去大學站隔黎媽住上落，我都吹你唔漲既，你想點米點囉。

至於白石角站又要用兩塊地做補貼，就預左啦，下麻。

甯漢豪話咩「石角站取消建公屋　甯漢豪稱融資不易　與周邊氛圍「唔係好夾」」，就求其啦。好多人抽水講啟德，就是但啦；融資就，香港有咩係「比塊地你」解決唔到既﹖

***********

講起厚面皮，又講起中九龍幹線，其實就仲有單。

早排中九龍幹線隧道入面有拖頭自炒，主要原因就當然係條友擺貨擺得衰啦。

不過，唔記得邊到睇到，有個唔知咩拖頭協會既人，竟然夠膽死同記者公開講話，條幹線路面鋪得差，有好多暗斜灣都係原因之一。

衣位人兄，真係要比掌聲佢，可惜搵唔返邊到睇到。

不過，你求其搵，其實係人行過條幹線，都話佢個路面鋪到好似玩水上樂園咁，成條路都唔平。

所以，你見路政署耐唔耐就話中九龍幹線扲到國際獎項，就真係要小佢老尾 -- 冇錯，中九龍幹線成個工程係好複雜，做得出黎都好勁。之但係，有乜可能係最「細微細眼」，但係最影響用家既地方 -- 即係會唔會影響行車安全既地方 -- 可以做得咁差﹖

你唔講條隧道本身，其他附帶工程，都係一絕。

你睇衣個上年尾海泓道泥頭車翻側，都應該屬於中九幹線其中一部份工程 -- 條路開左幾個月，就已經炒大獲鳥。

你冇行過都好，去睇下包師傅同D友點講，就知近年路政署設計路面班友，真係天才黎架，衣個位會炒車，就真係預左的。

再唔係，離小小題，你睇埋車CAM人早排又走去試粉嶺繞道，你就真係知道，而家既工程管理係咩樣，好多野，目標為本，政績行先，比班官影左相先再講。

至於入面有個COMMENT話﹕

近幾單新道路工程都係咁（將藍/中九龍/粉繞），路政署好急收貨，好多週邊都未完工。 工程合約價低者得，唔夠價又趕起貨，邊有人執靚佢。
之前青沙都玩到有判頭走佬，收貨遲左不過無爆鑊姐

咁衣D係米事實，就唔知啦。

不過，中九龍繞道仲有一系列既工程，個D咩花園平台上蓋下世先攪掂就唔好理啦。之但係，你去中九幹線個網頁睇，佢D機電大樓工程原本就話2025年攪掂，不過而家要2027年啦，咁又都唔好理啦。

又再之但係，佢個加橋隔音平屏障上蓋幾時先攪掂，仲要夜晚封路封到幾時呢﹖佢話2026年攪掂，就都仲好令人懷疑。

***************

完。

中九龍幹線．數據專家 (1)

早兩日唔記得睇邊度，話立法會將會討論中九龍幹線 (即係中九龍繞道啦，咁我叫慣幹線呢) 既正式收費時間。

我特登搵返份文件，份野係度，咁講兩句。

*********

你睇份野，最精彩既係咩﹖係衣幾段同衣幅圖﹕

21. 根據 2026 年 1 月至 5 月的數據，中九龍繞道（油麻地段）車流量持續上升。2026年 5月，該段繞道平日雙向車流量已增至約 71 000 架次，繁忙時段使用率亦達 0.75。由於中九龍繞道（九龍灣段）尚未開通，現時往來油塘及將軍澳一帶的車輛須依靠其他支路進出油麻地段隧道，令部分支路（例如油麻地段隧道東行往觀塘繞道）在繁忙時段出現飽和及緩車情況。上述情況預計於中九龍繞道（九龍灣段）開通後將有所改善。

22. 中九龍繞道（油麻地段）率先開通，已有效發揮分流作用，紓緩現有九龍區內主要道路的交通擠塞，其中龍翔道和加士居道的改善尤為顯著。以 2026 年 5 月上午繁忙時段為例，龍翔道車流量平均減少約18%；加士居道天橋車流量亦減少約15%，且未見明顯車龍，有別於通車前車龍長度達500 米或以上的情況。詳請見附件五及附件六。

26. 由於中九龍繞道（油麻地段）於繁忙時段的使用率已達 0.75，預計中九龍繞道（九龍灣段）開通後，油麻地段車流量將進一步上升，並接近飽和。因此，政府早前建議在繞道全線開通時同步徵費，以適度控制交通，並預留剩餘容車量應對未來交通增長。政府計劃於今年第4季向立法會提交《生效日期公告》，落實中九龍繞道8元收費安排。預計在繞道全線開通並收費後，繁忙時段車流量／容車量比率約0.85，在保留約15%剩餘容量的同時，可分流九龍東西向約20%的交通，平衡現時和未來的交通需要。

 

上面衣幾段，真係精彩。

你睇佢第22段內文，佢講到中九龍幹線分流功效好好，例如「以 2026 年 5 月上午繁忙時段為例，龍翔道車流量平均減少約18%；加士居道天橋車流量亦減少約15%」。

睇完，咁中九幹線係米好成功呢﹖

但係，你睇佢附件六個表，入面有詳細數據，咁一睇，嗯﹖

龍翔道既車流平均變化真係-18%喎，不過佢東行 (即係向黃大仙方向) 其實係 -14%到-11%，佢係西行減到超過20%，所以拉返條數先係-18%。

加士居道西天橋就仲攪笑。第22段既文字就話係-15%丫麻，不過個表話比你聽，加橋南行 (即係向紅磡海底隧道方向)係開頭兩月減左，係-1%同-3%，去到之後幾個月，係冇減過或者都係-1%。佢講到加橋車流大減15%，係北行先大減，南行係冇點變過的﹗

淨睇文字，中九幹線分流功效好好 -- 但係，睇個表，個分流效果係唔平均，甚至係 0，即係冇效果。

咁你話，咁樣PRESENT D數出黎，寫衣份文件位AO係米數據專家丫拿﹖

************

再者，寫衣份文件既唔止係數據專家，仲係精明驗眼師。當佢係份文件第22話﹕

加士居道天橋車流量亦減少約15%，且未見明顯車龍，有別於通車前車龍長度達500 米或以上的情況。

咁我就真係要問，你個表明明話，加橋南行個車流變化係0或者最多係-1%，即係小左20架車咁大把，咁之前有500米車龍，咁點解而家突然會冇曬車龍既﹖

你講既車龍，係邊條車龍呢﹖你如果淨係講北行，就唔該誠實小小，講明只限北行。

*************

咁唔講個表，講第二樣野。

當然，另一樣好神奇既係，佢係第22段同第26段都話﹕

由於中九龍繞道（油麻地段）於繁忙時段的使用率已達 0.75，預計中九龍繞道（九龍灣段）開通後，油麻地段車流量將進一步上升，並接近飽和。因此，政府早前建議在繞道全線開通時同步徵費，以適度控制交通，並預留剩餘容車量應對未來交通增長。

咁我想問，而家唔收錢，中九幹線係繁忙時間既使用率或者容車率係0.75丫麻，咁而家「該段繞道平日雙向車流量已增至約 71 000 架次」，咁你係米想話，中九幹線九龍灣段通車埋之後，個雙向車流會再增加2萬幾3萬，令到個容車率去到接近1啦，所以會令個「油麻地段車流....接近飽和」﹖

不過，加幾萬架車喎﹗你咁有信心﹖

再者，佢記唔記得點解要興建條幹線出黎﹖係要分流而家九龍東西行主幹道同部份內部交通既擠塞問題丫麻。

咁你話要唔要落實加價，其實係米要睇埋佢個分流效果係點﹖

我之前寫過幾次中九龍幹線，當時我都QUOTE過衣份2017年立法會財委會文件，入面有提到，興建左中九幹線之後，龍翔道呀亞皆老街呀漆咸道之類，個行車量/容車比率就會多數由爆標變返去1或者1.1。

份文件仲講埋，興建中九龍幹線既原因，係因為「根據在2012年進行交通調查的結果，預計沿中九龍主要東西走廊(包括界限街、太子道西、亞皆老街、窩打老道及漆咸道北)超出負荷的交通燈號控制路口，會由2012年的8個，增加至2026年的18個」，份文件之後仲列左幾個路口出黎。

好啦，所以要講中九龍幹線應唔應該加價，就一定要拉埋去佢分流效果黎講，了解佢加價之後其他路口交通流量會點變化。

不過，上面最新份文件就淨係講左龍翔道同加士居道天橋出黎 (再加亞皆老街啦)，其他咁多主幹道主要路口既變化，全部死曬，冇曬車行呀﹖

再者，我唔講其他路口，我淨係講返你份文件提過既野。

就當你認同政府份最新文件，咁中九幹線九龍灣段開通啦，成段中九龍幹線既車流會上升啦，咁所以要收錢啦。咁我就要問，如果你收錢，咁唔解唔SHOW唔預測龍翔道加橋既車流又會點變多次﹖

龍翔道東行而家個實際分流效果係-11%，咁收錢後係米變返做冇效﹖加橋而家個南行分流效果係0，中九收錢後係米又迫爆返加橋，出現返所謂既「500米車龍」﹖

你收錢就淨係講中九龍幹線既車流變化，收錢對於分流效果，對其他主幹道既車流既影響，就唔駛理呀﹖

當然，最根本既問題係，咩叫「政府早前建議在繞道全線開通時同步徵費，以適度控制交通，並預留剩餘容車量應對未來交通增長」﹖

即係話，都係我之前幾個POST回帶個句﹕

而家我興建左間新公立醫院啦，有床位淨啦，我就要加價或者HOLD起床位，叫當區病人去第二間醫院訓走廊，因為我地要「適度控制病人數目，並預留剩餘容車量應對未來病人增長」呀﹖

你唔好咁痴媽根啦。

基建起出黎，緊係要用盡佢；特別係你交通基建要疏道其他幹道交通，咁我就緊係要用盡衣個功能架啦，如果唔係起黎做乜。

****************

當然，上面都係一般層次。最高層次，係下面。

你要討論係米如期收費，你就要睇返當時收費理據，擺到去今日，仲係米VAILD。

你睇上年份文件，話點解中九龍幹線要收錢，其實係有幾個假設。

最簡單，睇衣幅圖﹕

份文件整左衣個圖出黎，跟手就講3個情景點點點。

內文唔詳細COPY，淨係COPY佢個大題出黎﹕

情景一：不予收費（接近沒有剩餘容車量應付未來交通需求增長，並且未能達致用者自付原則）

情景二：固定$17收費（隧道收入較高，但中九龍繞道的使用率偏低）

情景三：固定$10收費（有效發揮分流功能，預留適量剩餘容車量應付未來交通需求增長，且收回部份營運成本）

你睇上面既QUOTE之前，仲要特別留意，佢所有數據，都係假定九龍灣段未通車 -- 份文件係咁講「情景一假設中九龍繞道不徵收費用，根據我們最新的交通評估推算，預計車流量甚高，在剛開通的2026年於繁忙時段的使用率即接近飽和.....」。

咁，你識睇個表，就一野會發現到個最核心問題﹕

佢情景一係假定收費為$0之下，中九龍幹線個容車比率就會係0.97，所以就要收錢丫麻﹗

不過，而家通車後，個實際容車比率係幾多話﹖係 0.75喎﹗較份文件預測，小左成幾萬架次車流喎﹗

既然係咁，佢當日點解要收錢既最重要假設，即係個容車率係點，米已經係INVALID囉﹗咁你成份文件都錯曬，咁仲可以照衣份錯曬既文件，去落實收費﹖

再者，你睇佢情況三，如果收$10之後，個容車比率會由佢估計既0.97跌到去0.81丫麻。

咁而家話收$8，即係個容車比率會由而家既0.75，起碼跌到去0.6X。

(你唔係信佢文件講，「預計在繞道全線開通並收費後，繁忙時段車流量／容車量比率約0.85」丫麻。佢咁講，即係唔收錢的話，就真係會多幾萬架車行條幹線，所以就要收錢減低返個容車率﹖你個九龍灣段即係以往講既T2主幹道，其實係由將藍隧道或者油塘個藍田交匯處匯入 -- 個個位，每個鐘可以匯入幾多架車呢﹖

再者，現實上，而家由將軍澳出黎去西九龍既車，本身就係 將南/將軍澳隧道 出黎之後就上觀塘繞道再落去中九幹線架啦 -- 咁你多左條T2，係快左D，唔洗由觀塘繞道塞落去隧道。又之但係，咁會吸引到幾萬新車流﹖)

咁即係咩﹖

即係，我係都要收錢架啦，條繞道興建出黎係擺，唔預你好多車行架囉，總之我就要收錢啦﹗就算你話要咩「以適度控制交通，並預留剩餘容車量應對未來交通增長」，你都唔洗預個淨餘容車率去到0.3X甚至0.4丫麻，下麻。

最後，回帶多次。

你再睇清楚個表，佢上年就好清楚交代，如果中九幹線唔收費，咁假定埋中九幹線個容車率會係0.97都好，之但係龍翔道會係1.17，加橋會係1.39 -- 而家中九幹線個容車率冇0.97，所以龍翔道同加橋個容車率就邏輯上會高過佢衣個估算啦。

又不過，你唔好理佢估錯得幾離譜先，佢當時夠膽講個預計龍翔道同加橋既容車率，咁點解最新份文件唔夠膽講，淨係同你用水份，去講「龍翔道車流量平均減少約18%；加士居道天橋車流量亦減少約15%」既﹖

講多次，你睇最新個實際數字，最新份文件係話，加橋南行係冇分流效果，即係個容車率我當佢仍然係上年估算既1.39。

佢一收錢，其他原本分流左既主幹道，個容車率會係點呢﹖

*****************

結論係，寫份文件既AO真係好野，明知到係政策上，中九龍幹線係完全冇收費既理據 -- 或者係佢提出黎既理據全部都係INVALD，不過都要寫份野出黎，講到中九龍幹線係應該收錢架啦。

至於之前寫既理據係點，點解要興建條中九龍幹線出黎，個工程目標係咩﹖唔記得啦，唔好理啦。

你睇多次，佢上年同今年都用左下面既所謂「原則」，去講點樣考慮中九幹線要收錢﹕

5. 就上述隧道費安排，政府一直秉持科學為本，按以下四大原則全面進行相關檢討工作：

（一） 交通管理需要：優先考慮交通管理需要，透過收集交通數據並評估交通需求，綜合考慮隧道及主幹道的使用率，以及其替代路線的交通情況及附近路網的承受能力、運輸業界的運作需要、人口增長及未來發展等因素，訂定合理的收費水平，以適度控制車流量，理順區域性交通，並提升整體路網的效率；

（二） 效率優先：適度調整收費以持續支持商用車輛使用隧道及主幹道，同時保持其交通暢通，促進物流業營運和發展；

（三） 公交優先：保障行經的公共交通服務暢順，便利市民大眾出行；以及

（四） 用者自付：隧道是政府的重要交通基建。與一般地面道路相比，隧道的建造、管理和營運涉及較高的費用，例如需長時間運作通風和照明系統、涉及較複雜的結構檢查和維修，並需聘請營辦商負責管理。按照用者自付的原則，收取合理費用。

睇完，係米嘔心呢﹖

當佢講到咩交通管理需要，佢而家完全估錯個中九龍幹線實際容車率，仲要係大幅估錯，由估計既0.97去到實際既0.75，咁佢第一點「交通管理需要」入面既所有提及既野 -- 亦都係最重要個點  -- 已經完全唔成立啦。

之後佢講既咩「效率優先」、「公交優先」，係0.75既容車率之下 (甚至係T2通車後當佢容車率升到0.85)，就已經係係0收費既情況下，已經「優先」左，個「原則」已經達到 -- 你再收費，根本同衣兩個所謂既「原則」無關。

佢淨低落黎，就係得返用者自付考慮 -- 如果我估錯曬，頭3個原因都唔重要，原來第4個原因先係最重要，所以我就要收錢的話，咁唔該所有「重要交通基建」都收你老尾錢啦﹗

你剛剛有條咩粉嶺繞道，或者之前一早興建落既中環灣仔繞道，唔駛錢做維修管理架﹖

***************

所以，真實既結論係，中九幹線要收錢就件事本身已經核突，根手份文件寫到咁，就真係核突中既核突，真係以結果為目標 -- 我係要收錢，所以求其夾硬既理由，都係理由，就算打倒昨日的我，數據完全唔MATCH，我都夠膽寫出黎。

當然，我已經唔問，係議會入面有冇人敢問 -- 淨係有冇人識，都已經係一個問題鳥。

至於坊間，我都唔覺得好多人識或者留意。以往好資深既記者就可能會識既，不過一黎就好多都收左皮，二黎就，唔好攪咁多事啦。

所以，份文件米可以「以結果為目標」，求Q其其寫D理由出黎，話點解中九龍幹線要如期收費囉。反正，邊有人質疑呢﹖

ANYWAY，寫衣份文件個位AO，真係要比個數據專家既稱號佢﹗咁樣撚D數出黎都得，真係勁﹗

***************

未完。

大團圓結局

本年度第二推薦﹗

SICA's 大團圓結局~

雖然之前失真模式同深宵便利店兩首歌玩新野，就明顯view數跌，但係肯玩新野就好值得G持，有睇衣度就CLICK下兩條LINK啦﹗

今次玩返香港大路主流POP ，都唔錯，應該會返VIEW數架啦。

年度推薦 -- 烏合之眾

原本今日唔諗住打字。

不過，想放衣首歌出黎，所以為表誠意，就講下廢話。

之但係，今日，我係為左推薦衣首歌，先打咁多字﹗

所以，比下面，聽啦，kolor既新歌，烏合之眾﹗

首歌，未聽真，都已經係年度推薦鳥﹗

再兩句五年規劃 (5)

最後，鄒烈篇文，其實我淨係想講BOLD左個段。即係，衣段﹕

7. 北都在住宅的pipeline上，已規劃的長遠供應量近700萬方呎，尚未包括鄰近的周邊地皮，已經判定了住宅是難賺大錢的。更重要的是北都希望與深圳以至大灣區融合，當模糊了邊境界線後，住宅的真實供應量應計及深圳周邊的住宅供應，商業上更難以計算。

衣段，就係個重點啦。

無論係講緊北都咩片區，利用住宅地去補貼物流創科又好，又或者係講緊香港賣地經濟又好，而家個問題係，你要玩兩地溶合，玩模糊邊界的話，咁我做咩要買古洞既樓﹖

又或者係，如果古洞洪水橋既樓價同福田南山樓價差唔遠，咁我做咩要買香港樓﹖

所以，以北都既角度考慮，佢個批咁既住宅，以至希望用住宅補貼產業發展既思路，就真係攪笑。

以土地經濟既角度，市區港島既住宅地都仲值錢，事關我讀國際學校、返港大科大之類，或者去養和，都方便D丫。但係，古洞洪水橋，甚至而家小欖爛緊尾個D樓，就真係會繼續慘不忍睹，黎緊就要享受大灣區溶合，或者係大陸最鐘意講既「同城化」紅利烏。

至於香港既財政，靠北都賣樓，又或者靠北都個批所謂既新經濟產業﹖

而家做就未有意思，不過你過多兩年，再睇下稅局年報，睇下個稅收，就知到李家超最近講既，「北都已經從紙上藍圖進入收成期」既實際情況係點鳥。

**********

講起收成期，之前就講過，北都未開始收成期，但係中電就因為投資北都而收成緊，個批資產可以入帳收你電費啦。

中電就醒，淨係講為北都做左幾多基建，唔會同你講增加左幾多資本開支。

不過，煤氣早排就食左誠實豆沙包，竟然咁講喎﹕

煤氣公司強調，一直對調整收費十分謹慎，由於過去兩年營運成本增加，燃氣行業人力成本上升，未來數年須投入龐大資本投資以維持安全可靠的服務，以及為北部都會區等新發展地區供氣，預計2026年及未來五年的資本投資總額將達131億元。經充分考慮客戶的承受能力，作出溫和的收費調整。

WELL，個131億資本投資總額，有幾多係北都丫拿。

**********

完。

再兩句五年規劃 (4)

簡單，PT FORM﹕

1. 每次見到張良寫野，我都覺得好煩。

1.2.成日要做國師，要又傾又砌，最尾其實就係面面俱圓，咩都冇講過。

1.3.又或者係，我要做國師麻，所以方方面面，全部人都打佢五十大板 -- 佢講既就好似好有道理，不過之後都係廢話。

2. 即係，當張良講衣段﹕

政府常被詬病固化封閉、落後市場。五年規劃的成效固然繫於公營部門改革、摒棄教條，提升「有為」效能，並走向「巧管」（smart regulation），惟業界何嘗不需擺脫過去靠房地產及國家惠港政策「躺着也會贏」之心態，更好發揮競爭創新精神，促進市場「高效」。規劃是表，裏子不能一切不變便可活出新氣象。

咁佢衣段緊係正確架。不過，所謂既「惠港政策」，係由商界到政府都九唔搭八係度日日講不停講，仲要講到好似所有問題都只係香港問題。

2.1.好簡單，我特登QUOTE埋羅淑佩個訪問。羅局同李家超衣幾年見旅客消費不似預期，就同你講，政府係做政策，把握既就係商界；旅客模式轉變啦，商界都要自己諗計諗方法。

2.2.不過，所謂既旅客消費模式轉變，其實係點解出現﹖

2.3.之前都係度講過，人仔弱，大陸經濟差就衣幾年都係，所以大陸客冇錢，米洗小D。不過，人仔衣幾年升返，消費都係弱就唔好講。不過，大陸旅客一直係日本消費都好勁，模式冇變架喎﹗

2.4.實情係，你睇thread，好多口痕友衣幾年都不停話，點解去澳門同香港既大陸旅客，好似係特別低質，特別唔識排隊，特別唔消費呢﹖好多聲稱係上海呀廣州呀既thread友都同你講，佢地小學都有教排隊，係上海廣州都冇咁多九唔搭八既旅客。

2.5.原因，好簡單﹕香港早幾年不停吹既係咩﹖開放更多大陸自由行城市。

2.6.我求其搵，最後一次開放多8個城市，係2024年，係咩太原蘭州哈爾濱 -- 衣D人，大陸長江流域以南既大陸人都歧視佢地。你再睇淘寶香港團，幾多低價團係低到你唔信，咁衣D團客會係咩人﹖

2.7.係2024年之後，嗯，你見唔見，除左低能既邵家輝之外，民建聯呀政府都小講左要繼續開放自由行城市﹖

原因係，我求其搵到，大陸D官自己都講，而家自由行城市開放數目合適啦，暫時HOLD住啦。李家超同民仔個D，緊係收到風，所以衣幾年先冇吹話要繼續擴大自由行啦。

2.8. 衣度我想講既係，要靠惠港政策，或者咩都係惠港政策既，唔止係商界，連香港同中央政府都係。佢個咁既擴大自由行政策，輸出既係咩旅客，米攪到個所謂既旅遊模式轉變囉；

2.9.衣個旅客消費模式轉變係你個政策既後果，之後又要業界接受要改變 -- 係向低端改變，咁就真係精彩。

2.10.不過，你估張良會唔會講﹖緊係唔會啦。商界就緊係可以打好大板，政府啦喎，信政府啦。

3.所以，開始講正題。

3.1. 張良講既咩歐美英國新加坡，仲要講埋咩「如勢將繼任英國首相的貝安德（Andy Burnham）便擁抱「生產型國家」（productive state）」，其實全部都係廢話。

3.2.重點係，人地係點做，或者做既野，同而家所謂香港五年規劃有冇關。

3.3.我之前用過美國亞馬遜係美國攪第二總部做例子，講外國點玩所謂既「招商引資」。人地做既，係送地送稅務優惠送好多野，換返黎既係亞馬遜附帶既一系列供應鏈，以及佢地帶黎既就業同稅收，再附帶人口流入之類；

3.4.去到而家，你要攪高科技，最好亦都係最近既例子就係台積電去日本熊本。台積電去熊本，有好多經濟原因。例如，熊本有地，有大量地下水，有稅務其他優惠補貼，再本身九州有一定晶片產業鏈；甚至你睇衣排台積電話點解要升級熊本間廠，原因係日本仔紀律好肯加班，同埋台灣缺電。你要網上搵，大把原因比到你。

3.5.不過，最重要既原因，其實係政治。即係，台積電點解要去老美設廠﹖係因為侵侵，即係政治。台積電去日本，除左有上面既因素之外，其實係要分散風險 -- 即係，都係政治。

4. 咁講返香港先。香港要玩五年規劃，要玩高科技玩生物科技丫麻。所以，你會見到，衣幾年，不停都講咩生物科技同其他數據要研究「過河」。

4.1.點解衣D咩數據過河由2022年講到而家，都仲係研究緊﹖原因好簡單﹕大陸咩數據，都係涉及國家安全，國家機密。

4.2.大陸所有地圖其實都因為個《中華人民共和國測繪法》，所以大多數地圖都有個「偏移」問題，百度呀之類既地圖要同國測局攪一輪糾正，你先會睇到個正確既地圖。地圖資訊除左受上面個測繪法規定，你再求其搵，地理資訊早幾年就涉及埋國安，即係國家機密添。

4.3.地理數據都係咁，你話好多生物樣本生物數據，點會唔係國家機密﹖你唔好講咩GDP失業率，大陸實際人口有幾多，COVID時死左幾多人，其實都係敏感詞。你仲要有咁多生物樣本數據，有幾多人係死於唔同癌症罕見病之類，衣D數據，真係，WELL，如果我發現某個省市特別多肺癌或者唔知咩罕見病，我問唔問個原因好﹖

4.4.即係，衣家全世界都吹左大陸得10億人口，吹都吹左幾年。如果我用唔同數據，估到你個人口原來冇14億，或者只係得13億，咁我話唔話比人知好﹖而家坊間好多人估，大陸係得10億人，有D痴左線仲吹到得5億，就唔好理啦。

5. 當然，上面既都係廢話，「數據過河」已經係太過「操作層次」。你要攪北都，攪高科技，其實最「宏觀操作」既，係政治，即係我上面講台積電個例子。

5.1.用上面台積電既例子，就係你有冇一個好勁既國際龍頭既企業會去北區，之後帶動埋成條產業鏈。香港有引進辦架，第一批引進企業時我都有講兩句，不過之後冇講；

5.2.但係，你睇上年個批引進辦成功引進既第唔知幾多批企業，重點宣傳既，竟然係「成功吸引多家海外知名醫藥巨企進駐香港，其中三家排名更位列全球十大，並計劃在港開展臨床測試項目，足證香港在創科及生命健康領域的國際吸引力」。

5.3. 其中一間知名藥企，其實係GSK﹗不過，GSK係段新聞入面自己都講，「作為新一批重點企業之一，葛蘭素史克有限公司（GSK）香港及澳門總經理張澤峰表示，早於80年代末已在香港開展業務，積極推動創新藥物及疫苗的研發。成為重點企業，標誌着公司在香港的業務進一步擴展，亦代表他們將加大在基礎設施、基建、人才交流和團隊建設方面的投入」。

5.4.咁其實，引進辦引進左「早於80年代末已在香港展開業務」既GSK，其實就一直都有OFFICE係香港；佢係主要做SALES做MARKETING，不過而家你「引進左」佢，又有好大分別咩﹖

5.5. 我想講既係，衣D咁既咩招商引資，講到咁大個既企業，係必然講國際政治。你個北都你個五年規劃，係咁既政治環境之下，可以引進咩國際企業呢﹖

5.6.你話，咁香港引進唔到台積電JAK，不過都可以叫大陸中芯落黎開廠做研發丫。WELL，大陸大把地方大把人電水咩都平仲可以唔理咩法規，咁我做咩要黎香港﹖黎左香港，對國家又有咩好處﹖中港兩個政府，攪咁大個北都，又真係為左要中芯同其他已經係大陸係深圳既科企黎香港咩？

6.另一個「宏觀操作」，係內部問題。

6.1.前排MANUS要賣比META，兩條創辦人就蒙盛盛係賣之前返左大陸，最後兩條友就被禁止出境。

6.2.衣段新聞未係最精彩。最精彩既係，之後早兩個月已經傳緊，大陸要限制民營企業頂尖AI人才出境。

6.3.上面聯合早報條LINK就話，「据了解，中国国有企业会扣住高管和干部的护照，而现在旅行限制也扩大到民营企业」。咁其實，除左好多高管幹部，大陸大把人係要扣住護照架啦 -- 最簡單，你做教師，特別係教政治既，全部都唔比出境架啦。衣個，好似唔係秘密，連鬼佬都報過架啦。

6.4.咁你話，香港係國家既一部份。不過，內地頂尖AI人才，究竟可唔可以黎香港，甚至只係留係北都丫拿﹖

7.唔講衣D，今日又傳緊「中國擬限制先進AI模型輸出！傳阿里巴巴、字節跳動等與官方磋商」，甚至段新聞入面講緊「官員也討論將 AI 技術外洩、遭竊或未經授權流出的行為，納入中國嚴格的《國家安全法》規範，並研究限制境外資金投資中國 AI 新創，以避免關鍵技術外流」。

7.1.咁你話，咩數據過河，北都呀河套區要溶入深圳，甚至講咩五年規劃，就真係，攪掂你個國安先啦。

8. 所以，結論係，張良係度講D咁虛無縹緲既野，就真係好黑人憎。

8.1.你要最宏觀，最理論，其實講既，係國際政治，係講國策，講係國策之下究竟北都其實「係國家一部份」「係大灣區城市」之餘，嗯，原來又可以有唔同架喎﹗

8.2. 而衣啲國策，你又要拉埋上面講既宏觀操作黎講，咁你都知我想講乜，咁唔講啦。

8.3. 當然，係溶入國家發展佈局之下，你一路講溶入大灣區，又要一路講香港可以有咩獨......特優勢，就好政治唔正確啦，又冇人夠膽公開講既。

8.4. 即係，你夠唔夠膽講，MANUS黎香港啦﹗香港好自由，有出入境自由架麻。你黎左香港，你就可以賣比META，我都唔會扣留你，唔比你出境架啦﹗

8.5. 你估睇完MANUS衣個例子，有幾多「專才」會留係北都，定走左去新加坡之後就衣世都唔返大陸唔去香港﹖專扼補貼既「專才」，就另作別論呀下。

9.嘿﹗

********

未完。

再兩句五年規劃 (3)

上任四周年｜羅淑佩：旅客消費模式轉變改買文創　埃及展「法老貓」吸金三千萬

有線新聞 2026年06月30日

【有線新聞】文化體育及旅遊局局長羅淑佩接受訪問時說，中東局勢影響訪港旅客人數，但有信心全年數字會達標，又說環球旅客消費模式改變，消費額不及以前。

文體旅局局長羅淑佩接受訪問提到，受中東局勢和油價波動影響，5月短途客增幅放緩，隨着局勢緩和，有信心全年有5,380萬人次旅客訪港。但同時要接受現實就是全球旅客消費模式都在變，由購買奢侈品轉向買文創產品，「有一些東西如果能吸引到我們旅客覺得必須是現在買或者是很有趣的，他們是樂意去消費，一個很明顯的例子就是我們在故宮文化博物館的埃及大展，我們那一隻法老貓以及一系列的周邊產品。大家可能覺得一個這樣的公仔值多少錢，可以跟大家說，結帳估計我們估計接近有3,000萬元的收入，不是開玩笑的。」

遊客增多，部分人選擇郊野露營，造成生態亂象，羅淑佩說會加強宣傳教育和分流，「生態旅遊並不是追求數字，我追求的其實是多些人認識到原來香港有不同山徑和海島，其實可以有很多的多樣性，例如我們不一定需要集中去西貢。」

羅淑佩提到旅遊業逐漸復蘇，不希望業界以往一些陋習重現，多年前與羅淑佩共事推動成立旅監局的陳慧欣接任旅遊事務專員，正正就是要繼續提醒業界，「她回來象徵着規管這些旅行團或者是這些過往我們很不願意見到的不良經營旅行團手法，強迫購物這些我們絕不容忍。」

要做到港澳辦主任夏寶龍所說的無處不旅遊，羅淑佩說一直都在全港18區發掘旅遊特色，舉例配合東九文化中心，東九龍可以主打文化藝術。

再兩句五年規劃 (2)

鄒烈的中環pov


1. 還記得2024年11月的「企業參與北部都會區發展簽署儀式」嗎？85間大型企業分批上台簽署一般意向書，涵蓋香港所有大型發展商，這個投名狀內容只有一句，就是「支持及參與北部都會區發展」，當日場面盛大。相隔逾一年，首個洪水橋片區招標上周截標時，最終僅接獲兩份標書，一共7間企業擬參與，不足當日簽署企業數目一成。這項被視為北都發展前哨的大型片區項目，反應無疑是遜預期。

2. 洪水橋片區整個項目投資額估計達150億元，恒地勇者無懼，以獨資方式參與，在目前地產市道以及息率前景未明下，可謂相當進取。不過，李氏家族對恒地一直有承擔，家族貸款有增無減，小股東毋須懼怕，若果投得，李家誠徐子淇夫婦明年值得更高級別的特區荷蘭水蓋。

3. 信置等6間機構以財團方式入標，成員包括大型國企及民企，當中有京東、中國旅遊集團這類非傳統地產項目參與者，分散投資風險意味十分重。數數手指，若果項目是股權平均分配，每間只是出資25億元，而且攤分多年繳付，又成功「應政府張單」；企業及科技用地部分，京東這些機構又有潛在協同效益，何樂而不為？

4. 至於其他未有參與的大型發展商中，長實尚可理解，企業及科技用地完全不是擅長部分，始終主席李澤鉅是數佬，計到數就參與，計唔到數就謝絕，明買明賣；新世界財力不足，不用多說。

5. 新地未有參與是次招標則有較多人議論，但是其實在片區附近，新地亦擁有住宅項目。

6. 事實上，是次招標反應冷淡，在發展商角度並非新奇，因為北都已經講了好幾年，業界都已經做了充分研究。

7. 北都在住宅的pipeline上，已規劃的長遠供應量近700萬方呎，尚未包括鄰近的周邊地皮，已經判定了住宅是難賺大錢的。更重要的是北都希望與深圳以至大灣區融合，當模糊了邊境界線後，住宅的真實供應量應計及深圳周邊的住宅供應，商業上更難以計算。

8. 當預期未來住宅價錢難賣得貴，再考慮到片區發展模式涉及大規模土地平整、道路及公共設施建設，建築成本高企，條數愈來愈難計；洪水橋片區發展期預料長達7年，項目面臨延誤及成本超支，發展商面對的風險則更高。

9. 若果住宅利潤微薄，就很難彌補企業及科技用地的風險──市場上難以找到具備足夠經驗及願意承諾50年的合作夥伴，就顯得整個洪水橋片區注定風險回報並不平等。

10. 此外，大型發展區成敗很大程度上取決於交通基建。洪水橋站等關鍵鐵路項目的興建及落成時間表一旦出現延誤，將直接影響項目的吸引力，增加前期銷售及招商困難。

11. 洪水橋片區僅是北都片區規劃的首場戰役。政府未來緊接推出粉嶺北及新田科技城兩個片區，其中新田科技城規模更大，市場估計單一項目投資額已逾300億元。未來如何調整招標條款、注入更多誘因，是一道又一道的難題。或許現實就是，發展北都便是如此困難，沒法改變，政府反而要更落力說服發展商參與一場不太賺錢的遊戲。

再兩句五年規劃 (1)

2026年7月8日 星期三

張炳良：五年規劃下 政府怎樣引導市場

發布日期 2026年7月8日星期三

【明報文章】特區政府早前公布香港經濟和社會發展第一個五年規劃（2026至2030年；「一五」）諮詢文件，坊間一些評論指內容缺乏驚喜，及未列明關鍵績效指標（KPI）。

香港五年規劃雖無往例可循，但早有就個別政策範疇制訂長遠發展藍圖的傳統，而且每年施政報告及預算案均勾畫未來策略大計，所以並非由零開始，也避免不了一定的「重疊」，不少關鍵詞和目標闡述或耳熟能詳。

避免不了「重疊」

諮詢文件六大部分（加快北部都會區建設及推進其他地區空間規劃(北都建設)；經濟、金融和貿易；創新科技和產業發展；民生及社會發展；區域合作發展；文體旅協同發展、綠色生活及其他），與3月時向立法會公布的六大專題研究範疇相若，但就「土地、房屋和加快發展北都」突出北都建設，並置於首位。至於未來經濟發展方向，國家「十五五」規劃已清楚着墨，確立為若干「中心」與「樞紐」（註1），亦融入諮詢文件。文本框架中規中矩，諮詢社會後可豐富內容、突出論述，以取信市場業界、激勵民心。


規劃過程不免各界皆有訴求，就像許願樹。五年規劃既需遠景，也須務實，優次有度，忌廣開戰線，不強求什麼都做；重點在於深化既有優勢和潛力，釋放動能，提高質素和附加值。作為頂層策略性、前瞻性的文件，須注入宏觀戰略視野和動力，起到運籌帷幄的導向作用。最終關鍵不在於文本，而在於規劃思維轉型及交付能量的基礎，構建切合新時代需要的發展模式，落實達標，始見真章。

制訂「一五」，正值環球經濟生態與地緣政治急變，以及我國總體發展與安全戰略調整之關鍵時刻，影響特區定位和作用；就當中變軌及險與機，應有論說。儘管一國兩制之下，香港不用複製內地模式，也不具備內地體制條件，反而應該摸索善用自己制度特色和條件的規劃路徑，惟仍然構成全國規劃系統的有機部分，須掌握國家發展大局，做到「國家所需，香港所長」及（一些方面）「能內地城市所不能」，為國家「增值」、「擴能」。

目標可達 才取得認受

「十五五」規劃定出全國性的共8個約束指標（即硬任務）和12個預期指標。前者涉及教育、環境生態、糧食和能源生產；後者涵蓋本地生產總值（GDP）增長、勞動生產力、城鎮化率、城鎮失業率、人均預期壽命等，並勾勒16個「強國」 願景。

香港要制訂類似指標也非由零開始，因長期已有各項預測和統計（如GDP、生產力）及服務標準（如教育、醫護）。訂KPI表面上不難，但要考慮交付能量，有依據、可操作，明白條件制約，因勢利導；尤其經濟發展，香港乃細小的外向型經濟體，受制於卻難左右外圍經濟變數及地緣政治因素，要看國家全球戰略可起的作用。

最終目標乃讓市民過好生活。除看到順境一面（如金融），香港「一五」還須處理好經濟轉型之痛、正視「K形經濟」挑戰，尤其人工智能（AI）和數字化帶來的社會民生衝擊，包括分配與機遇分叉擴大、一些行業萎縮、年輕人對前景徬徨、社會不快樂等（註2）。

目標可達，規劃方能贏取社會認受。有指標便需有評估。澳門五年規劃除年度評估，還有中期和總結評估，並引入第三方評估，可予參考。前提是具備可靠透明、可供追縱的資料，及科學的民調，不走過場。除統計處編製相關數據，政府也應鼓勵大學參與，並擔當第三方評核角色。


不能只訴諸行政權威

我國乃從中央計劃走向規劃發展，1990年代起實行社會主義市場經濟，重建市場，釋出民營空間。社會資源配置、投資與消費行為日重市場規律，促進競爭，過程中借鑑不少香港及海外經驗，惟始終堅持黨國及社會主義倫理基本元素。國家五年規劃成就可見，不單因具長期視野及訂定戰略目標，更因實行舉國體制。在規模優勢下，國家意志集中和調動資源，承擔發展風險，國家說了便要兌現，人民有所信心。儘管如此，國家力量有時也逆抗不了市場力量，需順勢而行。

香港實行資本主義自由市場，繼承英治「小政府大市場」傳統。回歸後政府逐步增強有為，但始終靠企業及市場去促進效率和創新，自由開放程度比內地城市大，公民社會活躍，政府與市場和社會的協作較柔性，跟內地中央（對地方）和政府（對市場）指導角色剛性、「強政府，（相對）弱社會」或「政社（比較）合一」的生態有別。香港過去對「政府不干預」下市場自由運作和社會自發動力有信心；今後要建立對政府有為及其規劃的信心，不能依仗行政主導權威，要靠實踐表現及符合市場邏輯。

「規劃＋市場」可有程度不同的結合。上世紀世界糾纏於國家（政府）與市場孰優孰劣的意識形態和政策路線之爭，在「國有化vs.私有（私營）化」、「社會化vs.市場化」之間徘徊。21世紀社會經濟發展不再是簡單的「市場主導vs.政府主導」二元選擇，而是講求「市場＋政府＋社會」協作互聯（interlinkage）。不同治理文化和經濟理念取向，會產生不同的市場結合政府格局，中國式社會主義市場經濟是一例。全球金融海嘯後歐美持續調整政經關係，如勢將繼任英國首相的貝安德（Andy Burnham）便擁抱「生產型國家」（productive state）。香港追求怎樣的結合？

規劃下如何市場主導

特區政府強調五年規劃不是以政府主導取代市場主導，而是政府扮演「頂層謀劃者」和「積極引導者」角色，實現「有為政府」與「高效市場」結合。此乃中央官員期盼的理想境界，仍須闡明政府規劃下如何市場主導。若政府導引不了市場，規劃何用？倘市場聽命於政府，何來主導？

上世紀70年代港英財政司夏鼎基提出以「積極不干預」原則取代之前的「自由放任」政策，有一整套義理邏輯和市場經濟哲學支撐。由「小政府」走到今天「積極有為」，政府標榜的「市場主導」總難一成不變。有政府規劃的「市場主導」跟過去「積極不干預」下的市場主導，看來既存延續也需突破。

政府及其智囊應整理出相稱的理論解說和運作邏輯，說明市場主導為何仍為制度優勢而非缺陷，確保規劃善用而非政治上或行政上輕易凌駕市場力量。說到底，既不迷信市場分配效果，也不高估政府能量及資源運用效益，提升公共治理和企業治理雙重效能，相輔相成。政府與市場的關係頗弔詭，當中涉及矛盾和盲點，須好好拿揑與平衡，挑戰在於實踐，考驗治理藝術。

內地體制下，政府主導和推動社會經濟發展的能量及經驗，遠超香港。新加坡行「國家發展主義」，政府導引能力也較香港強得多。過去主要依賴規管和批地批專營權手段的特區政府，可憑什麼優勢去引導市場？如何引導？官員或許行政效率優秀，但論市場智慧及產業擇優能力（pick the winner），不見得優於私人企業和投資者。大型基建如鐵路、新市鎮，確有一定往績，惟回歸後由政府主導的西九文化區、啟德郵輪碼頭等項目，均暴露交付之短，能力為市場所疑。

政府憑啥去引導市場

私營部門自主運作，主要看損益（profit & loss），產權受《基本法》保護，企業向股東負責，政府不能隨意干預其投資和營運決定，只能利誘，不能強制。而且香港公營企業力量薄弱，只有機管局及港鐵，不若新加坡之「政府關聯企業」佔國民經濟達半。近年成立的香港投資管理公司（被外界視為「港版淡馬錫」，儘管投資覆蓋不同），跟新加坡淡馬錫控股比較，資金規模懸殊，後者乃前者之40多倍。那麼特區政府有哪些具規模的政策工具/代理者，去確保其意志能夠引導由私人企業主宰的市場生態？

政府現要發展創科、AI及未來產業，不能期望用以前優之為之的政策手段邏輯便水到渠成；就算定下各種進取目標，若缺乏市場效益、官商協作、企業投入，也難走得遠。而且本地發展商也欠缺開發產業的成功經驗，乃過去生態使然。北都或許是轉換政策思維、改造經營生態和深化官商互動新模式的試驗場。

政府常被詬病固化封閉、落後市場。五年規劃的成效固然繫於公營部門改革、摒棄教條，提升「有為」效能，並走向「巧管」（smart regulation），惟業界何嘗不需擺脫過去靠房地產及國家惠港政策「躺着也會贏」之心態，更好發揮競爭創新精神，促進市場「高效」。規劃是表，裏子不能一切不變便可活出新氣象。

註1：鞏固提升國際金融、航運、貿易中心和國際航空樞紐地位，強化全球離岸人民幣業務樞紐、國際資產及財富管理中心、國際風險管理中心功能，構建大宗商品交易生態圈和高增值供應鏈服務中心，建設國際創新科技中心，深化國際法律及解決爭議服務中心、區域知識產權貿易中心、中外文化藝術交流中心建設，加快北都建設等。

註2：根據「World Happiness Report 2026」，香港在全球147個國家及地區中排第90位，遠低於內地（65）、台灣（26）和新加坡（36）。

作者是前運輸及房屋局長（2012-2017）、香港教育大學前校長（2008-2012，時稱香港教育學院）

原文網址：https://news.mingpao.com/pns/%e8%a7%80%e9%bb%9e/article/20260708/s00012/1783440164164

比D掌聲有線新聞．湯狀隨口UP (2)

原本我都覺得黃錦輝收皮後，補唔補選都冇乜所謂。

正如，黃元山上屆都係好早就過檔特首政策組，都係是但啦，多一個唔多，係米先。

不過，有線今次好野，佢好認真地，唔覺意輕輕地摑左湯狀一巴。

********
有線段新聞個重點係乜﹖

有兩個重點。

首先，有線新聞係咁講﹕

根據《立法會條例》列明，議員辭職後，立法會秘書處要在21日內宣布議席懸空，選舉管理委員會必須安排舉行一項補選。補選不可在立法會現屆任期結束前的4個月內，或立法會解散的情況下舉行。

之後佢引述阿湯狀，湯狀就話﹕

資深大律師湯家驊認為已有先例，而法例亦沒有強制政府必須或何時舉行補選，「法例在這方面是無任何界限，這個很明顯地就是，在立法當初的意圖是給最大空間特區政府，因應各種不同考慮作決定。

***********

其實唔駛CHECK，都知湯狀一定係亂UP。是關，選舉衣D野，立法時，點會冇詳細規定好多做法，點樣去應對唔同情況﹖

睇完有線咁講，我去CHECK 香港法例第542章《立法會條例》，咁條例第36條就已經有個規定啦﹕

36.舉行補選以填補立法會議席空缺
(1)選舉管理委員會必須在以下情況而不得在其他情況下，按照根據《選舉管理委員會條例》(第541章)訂立並正有效的規例，安排舉行一項補選 ——
(a)在立法會秘書根據第35條宣布立法會議席出現空缺時；

衣度第36(1)(a)條講既第35條，即係黃錦輝辭職或者其他理由，立法會秘書處要宣佈議席出缺。

我比埋第35條你﹕

35.立法會議席空缺須予宣布
(1)立法會秘書必須在知悉立法會議席出現空缺後21天內，藉憲報公告宣布立法會議席出現空缺。

所以，只要立法會秘書處根據第35條宣佈有議席出缺，選管會就要根據第36條去做野，「必須.....安排舉行一項補選」。

當然，第36條既中文有D麻麻地，佢英文會更加清楚﹕

36.By-election to be held to fill vacancy in membership of Legislative Council
(1)The Electoral Affairs Commission must, in accordance with regulations in force under the Electoral Affairs Commission Ordinance (Cap. 541), arrange for a by-election to be held in the following circumstances and not otherwise—
(a)on the making of a declaration as to the existence of a vacancy in the membership of the Legislative Council under section 35;

衣段英文係講咩話﹖CUT左D支節技術，佢係講﹕

The Electoral Affairs Commission must arrange for a by-election to be held — on the making of a declaration as to the existence of a vacancy in the membership of the Legislative Council under section 35;

上面講既係，must arrange for；中文係，必須。

所以，係呀，條例係冇講時間架，不過佢係話必須要舉行補選架。

咁，湯狀係有線新聞入面，「而法例亦沒有強制政府必須或何時舉行補選」，其實米錯左大半囉，條例係「有強制政府必須舉行補選」的。

咁你話，咁又真係冇講時間，冇講「何時」喎﹗

咁你唔好痴線啦，上屆黃元山2021年當選，2022年12月就過檔，之後任期吉左兩年幾都冇補選，咁就何唔何時，都唔關事啦。

再者，湯狀係衣個意思咩﹖佢重點講既係，法例有冇強制政府必須補選丫麻。

*******

當然，你求其GOOGLE「立法會條例+補選」，其實就仲簡單。

求其搵，第一版個result已經係2011年內地及政制事務局比立法會既衣份野，叫做「填補立法會出缺議席的安排 」。

份野你唔洗睇啦，不過一講幾隻字你就記得咩事 -- 五區公投。

YES，當年米係因為攪五區公投，所以政制局要研究咩替補機制，所以就整左份咁既文件  -- 衣兩日都有人開始九唔搭八，透過余錦賢放風，話應該要研究返咩替補機制，咁就唔好理啦。

不過，重點係，無論係上面信報條LINK講既野，又或者係政府2011年個份文件，其實都係咁講﹕

4. 根據《立法會條例》第 35及 36條，立法會秘書必須在知悉立法會議席出現空缺後 21 天內，藉憲報公告宣布立法會議席出現空缺，議席出缺的公告宣布後，選舉管理委員會（選管會）必須按照根據《選舉管理委員會條例》（第 541章）訂立並正有效的規例，安排舉行補選。《立法會條例》第 16 條規定，任何人如不再是議員，他在符合第 39 條有關喪失資格的條文的規定下，有資格再被選為議員。

see﹖

上面份政府文件，都用返立法會條例第35及36條，講到「選舉管理委員會（選管會）必須按照根據《選舉管理委員會條例》（第 541章）訂立並正有效的規例，安排舉行補選」。

所以，湯狀話咩法例冇要求，就食屎啦﹗

佢係米見到政府咁多次都冇攪補選，所以就唔CHECK例求其UP呢﹖你要幫口，都唔該check下先啦，阿資深大律師﹗

當然，冇人JR，就冇事既，唔補選米唔補選囉，其實又有咩所謂呢﹖

好多野，「阿sir做野唔洗你教」。

************

ANYWAY，今次係要讚下有線。

即係，都係個句，唔好理佢D咩乜春實錄或者膠國天下，佢好多野，都仲係擦邊擦睇幾好睇的 -- 如果你識睇的話。

當然，今次有線摑阿湯狀，又比較明顯，事關佢段新聞開頭就搵左例，明明話有個補選要求 -- 跟手搵湯狀講野，就話冇要求，就擺明係玩野啦。

************

講多句。

FACT都唔洗CHECK，歷史都唔洗搵。

當年「五區公投」，政府同班左仔一定話係咩勞民傷財呀，議員辭職就冇做好本份呀，市民冇左個民意代表呀之類。咁所以當年就話一定要有遞補機制，快手做返個補選啦。

咁而家選委界別冇左個民意代表喎﹗咁點解佢地唔要求政府即刻攪個補選既﹖

嘿﹗

************

完。

比D掌聲有線新聞．湯狀隨口UP (1)

黃錦輝涉醉駕｜議席補選掀關注　湯家驊稱政府可按先例平衡各方決定　不贊成特首選舉同步補選

有線新聞 2026年07月04日

【有線新聞】現屆立法會上任半年多，就有議員辭職，社會關注何時會補選。以往曾有議席懸空三年，資深大律師湯家驊指，法例無強制政府必須舉行補選，政府可根據先例，平衡社會需要和財政再作決定。

立法會上一次補選是2022年，當時填補4名選委會界別議員加入政府而出缺的議席，黃錦輝就是透過該次補選，首次晉身立法會。根據《立法會條例》列明，議員辭職後，立法會秘書處要在21日內宣布議席懸空，選舉管理委員會必須安排舉行一項補選。補選不可在立法會現屆任期結束前的4個月內，或立法會解散的情況下舉行。

自第一屆立法會成立至今，未計黃錦輝，共有51個議席於任期內懸空，當中30個議席懸空超過一年，期間政府舉行了10場立法會補選，涉及20個議席。對上一位辭任立法會議員加入特首政策組的黃元山，其議席屬於選委會界別，懸空了三年直至換屆。

資深大律師湯家驊認為已有先例，而法例亦沒有強制政府必須或何時舉行補選，「法例在這方面是無任何界限，這個很明顯地就是，在立法當初的意圖是給最大空間特區政府，因應各種不同考慮作決定。在可以回應到公帑，應使則使的情況之下，亦需要考慮到社會對於有沒有足夠立法會議員去進行審議法例的工作。」

至於多少議席懸空才要補選，湯家驊說，政府應在議員數目上取得平衡，「我留意到黃議員他涉及的是選委會的議席。例如是個別業界，法律界的話只得一位代表，如果法律界議員離任的話，我覺得補選要求可能會大些。」

有建議指明年特首換屆選舉可同步舉行立法會補選，湯家驊表明不贊成，認為兩者職能不同，選舉不應混為一談。

時事抽水

原本諗住遲D先打字。不過，黃錦輝玩醉驚，今日就已經辭職，所以都要講兩句。

黃錦輝衣單野之前，最出名既係乜﹖唔知，不過最令我記得既係，之前係度QUOTE過既，「我點解要答你呢﹖」。

拿拿拿，D友係咁架啦。

******

冇野講，咁講兩句洪水橘。

YOU SEE，塊地今日截標，得兩間入標。

你見純港資得恆地入標，就擺明係做樣；另一間入標既係，信和聯同招商局呀京東中旅呀 (﹗)之類入標，就係攪笑。

我都唔查衣塊地係米上年中止招標個塊地。

今次攪笑既係，之前講到要用片區模式開發，又講到北都咁吸引，上年會德豐仲講到好似一定會入標咁。事實而家係點，就真係唔需要講。

即係，你睇衣間野點COMMENT，就知咩事。

雖然佢就打左個保險，講到「招標反應反映市場對北部都會區仍保持興趣，惟參與度較政府早前意向書階段所反映的低，建議政府把握2027年推出另外兩幅地皮前的時機」。不過，實情係，都係得兩間入標。

你再睇佢COMMENT入面既真心話，睇完就知，邊會有人入標呢﹖佢主要係咁講個問題﹕

她指出，項目存在多個結構性障礙。首先是營運夥伴嚴重短缺，招標要求發展及營運至少一幅企業及科技用地，但市場上難以找到具備足夠經驗及願意承諾50年的合作夥伴。

其次是商業可行性不足，三幅企業及科技用地最低總樓面約177.6萬平方呎，預計長期虧損，而政府未交代數據中心供電配套，工業空置率亦遠高於歷史水平，住宅建築成本已逾150億元，整體回報極不合理。

同時，監管政策內部矛盾，技術建議書佔整體評分七成，並將先進物流列為高分用途，惟發展局書面確認純倉儲及第三方物流營運在該地帶不獲准許，令市場無所適從。

你睇見衣D條件，會諗起咩﹖

我係新世界，就即係諗起11SKIES啦﹗

「50年的合作夥伴」，50年喎﹗今次信和搵埋中旅招商局再加京東，咁個物流地就係京東負責架啦 -- 之但係，你估京東捱唔捱到50年丫拿﹖

至於佢個comment入面衣句，就唔知係高級黑定唔小心講左真心話，不過應該係要拉左佢﹕「三幅企業及科技用地最低總樓面約177.6萬平方呎，預計長期虧損」。

阿波叔同家超不停話北都科技發展係新增長動力，你而家話「預計長期虧損」﹖﹗

*************

原本可以繼續講。

不過，都係回帶，就唔洗講咁多啦。

你只要好簡單咁問一句，衣期吹出黎既杭州六小龍，其實係邊個五年規劃，邊個產業園區，邊個片區攪出黎架話﹖

係冇的。

同螞蟻騰訊好多以前成功既創科企業一樣，佢地爆出黎，關你政府春事 -- 佢地點解收皮，就反而關你事。

************

完。

奇文共賞．又係市建局財政 (3)

佢衣篇文 邱勇：7年樓齡之錨：市區重建的財政困局與出路 ，係我搵佢BACKGOUND時見到，又係個種風格。

不過，佢篇文令我想做一樣好耐之前做過下，不過應該冇認真做既野﹕睇市建局年報。

************

市建局都仲係一個正常機構，你係佢網頁係會搵到佢咁多年黎既年報。

我求其搵，用佢最新2024/25同埋15/16年報去睇D野。

市建局有樣幾好，佢D數其實都幾多幾透明。

************

第一樣野係，你睇佢年報，佢有PART係會講佢過去十年既營運表現，講返佢每年賺幾多呀、累積盈餘係幾多之類﹕

上面第一張圖係15/16年報。

你見佢2016年之前10年，係有兩年蝕錢，不過其餘全部係賺幾十億﹕比較突出既係，2010年就賺70億，2013同2016年就賺接近45億。

同時，佢既累積盈餘，去到2016年，係194億，淨資產係294億。

之前都解過，佢係因為係沙士後「低買之後再低+中賣」，大角咀好多項目大約係2010年左右開賣，所以當時係開始賺大錢 -- 市建賺錢，未必一定要ride on 樓市既上升周期的。

再睇第二張圖，出自2024/25年年報。

你見佢去到2022年，都每年有錢賺，係2022年仲賺緊65億；係2018年，就更加係歷史新高，賺左120億添。

佢既累積盈餘，去到2022年係新高，有438億；當時既淨資產，都係新高既538億。

當然，佢2023至2025年度，每年都開始要蝕錢。按年計，係要每年蝕35億、39億同27億。

之但係，你睇佢個累積盈餘，去到2025年都仲有336億，同佢最賺錢年度2018年相比，當時個累積盈餘都只係369億 -- 369億已經係高峰，而家仲有336億就絕對好過以往好多年添。

你再睇佢個淨資產，最高峰係2022年有538億。不過，佢2025年都仲有436億淨資產，同2018年既446億差唔遠。

即係，市建不停話自己窮，冇錢，要發債，要注資，之但係佢既累積盈餘呀，以至唔知計埋發債佔幾多既淨資產，其實條數都唔係好差。

佢2023至25年度開始要蝕錢，又或者個淨資產跌，我唔洗CHECK，其實都只係反映一樣野 -- 佢要買得大賠得大。

即係咩呢﹖

即係，之前講過，佢同一時間開好多大型項目。

以往係2010年前，佢開觀塘重建衣個大型項目，同時間就唔會攪咁多，至多都係大角咀攪下幾個單棟樓項目。所以，就算觀塘重建第四五期攪到一PAT屎，招標冇人理之後又要改個計劃都好 (個計劃改到衣兩日先封裕民坊)，資金回籠攪禍曬都好，都對佢既財政唔太大影響。

之但係，市建係2022年攪同樣要用十多年先完成既九龍城重建項目，跟手前後時間又要攪土瓜灣榮光街一帶咁大個項目，再加衣排又要攪土瓜灣五街 -- 衣個，應該係反映韋志成成日講既「小區」重建。

但係，攪咁多大型既小區，你成本一定上升，要做控制成本都更難，財政壓力米上升囉。

即係，佢同一時間攪咁多大型項目，收購要收幾年先賣得出去，仲要再過多幾年先同你攪分紅賣商場，咁所以2022年打後，每年都要蝕錢，又有咩奇事﹖

不過，衣D都係，買得大米賠得大囉。

即係，上面個表米印證左﹕唔計佢賺最多錢既2018年120億，佢第二高賺錢年份係2010年，賺70億。

講多次﹕當時樓市係未癲的。靠既，係時間差，同埋低買可以低賣賺錢。

當然，高買都可以高賣照賺，事關始終有個plot ratio同發水頂住。

嘿﹗

**********

所以，跟手下面兩幅圖，又係我不斷回帶講既野﹕

上面兩幅圖都係出自2024/25年年報，內容係市建局進行中47個項目既詳情 --我淨係COPY左頭兩版29個項目出黎。

個表主要睇既係﹕「發展前地盤資料」入面既「現有樓面面積」同「項目發展資料」入面既「住宅樓面面積」既變化，即係可以「發水」興建多幾多樓面面積。

你就咁望，好多個項目既變化都係痴左線的。比幾個例子﹕

1. YTM013花墟項目﹕我成日話，市建花墟個項目係圈地，搵易做有肉食既項目去做。花墟項目，應該係計埋政府送既體育場館之類。不過，佢個現有樓而面積係17,741平方米，將來個往宅樓面面積係67,746平方米，即係3.81倍，咁個發水面積係多過其他正常項目既兩至三倍的。

2.KC017九龍城衙前圍道項目﹕衣個大查飯，應該又係連埋市政大廈送個塊地，現有樓面面積係73,190，日後樓面總面積係275,952平方米，即係3.77倍。

3.SSP018昌華街項目﹕又係主要連埋體育館去攪，咁現有樓面面積係運動場個1,168，日後會係38,978，即係33倍。當然，衣個數係冇意思，事關日後會興建返個大樓比政府加埋重置個體育館，不過同時間都會興建近千個住宅，咁你話有冇錢賺丫拿。

4.跟手第二幅圖，我之前成日提既榮光街鴻福街庇利街個幾個項目，大部份重建後既樓面面積，都係原有地盤樓面面積既兩到三倍。咁市建局成日話衣D項目會蝕錢，就真係蝕佢老尾。

上面講既，係住宅樓面面積，我已經唔講個總樓面面積，入面有幾多商舖車位之類。

咁你睇完個表，你就要問，市建局成日話隨住重建越做越多，有肉食既盤越黎越小，咁我就真係想問，就算唔計政府送既大查飯，佢好多項目都可以「發水」兩到三倍，咁又點樣冇肉食呢﹖

再者，我唔掉比AI啦，不過就咁納，其實由市建局成立開始，好多項目個「發水」倍水都一樣係兩到三倍，同而家係冇變，咁市建成日講既咩有重建價值地盤越黎越小，即係點呢﹖

*********

講多句。

你仲要留意返，上面個表講既「發展項目資料」，越遠既項目就越靠估計。究竟發展商有冇方法增加個總面積之類呢，WELL。

*********

最後，下面兩個表可以睇佢個薪酬開支。

第一幅圖係2015/16年，個「員工成本(不包括總監酬金)」係3.4億。

第二幅圖係2024/25年，個footnote係咁寫「包括薪金及其他福利共五億四千五百七十九萬九千元（二零二三╱二四年度：四億八千八百零一萬元）及公積金計劃供款三千八百八十七萬六千元（二零二三╱二四年度：三千五百四十一萬四千元）。」

即係，員工開支我唔理包唔包總監之類，係2015到2024年接近10年間，係由3.4億增加到接近6億，即係增幅接近8成。

如果你要搵，阿前前行政總監係2015年係收364.5萬，前行政總監韋志成就係收609.5萬，增幅都類似啦。

我唔搵佢咩員工數目之類。不過，佢中低層人工係10年內點會加到8成﹖究竟成個機構請多左幾多人呢﹖嘿﹗

**********

總結係，睇份年報就睇到衣度算。

不過，數字係唔會扼人。

佢好多數，其實冇表面咁差 -- 只要佢唔好九唔搭八，再同時間攪咁多大型項目就得。

當然，佢唔會停架，事關佢唔停，財政真係有問題，到時政府先會比地佢架麻。

咁到時，政府又可以用佢既偉大土地經濟學理論，不停比地市建米得囉。

**********

當然，口痕友可以問句﹕

佢九龍城衙前圍道項目預計賣到既 樓面總面積係275,952平方米，發水發到成3.77倍喎。咁個項目一定大賺，咁到時會唔會「還錢」或者分返紅比政府呢﹖

佢到時一定係話，「賺到既錢，係要積榖防飢，等到日後蝕錢既時候，有累積盈餘頂住，所以係會留返係市建局的」。

嘿﹗

**********

最後，補多句。

擒日講起八文樓，就越諗越想小佢老尾。

以往市建局做重建，其實係好秘密，事關唔想人落釘或者炒賣，亦都唔想影響任何業主租客賠償。所以，就算去到2020年之前，好多項目都係今日宣佈展開，第二日早上就會做凍結人口。

同時間，以往好多人包括韋志成之流都會同你講，市建局重建政策包括埋個7年賠償，其實比左好多業主誘因去唔理個單位，情願等市建做收購都唔做維修，所以佢成日都話要檢討政策。

不過，你睇八文樓係咩情況﹖

2021/22年已經話會攪重建啦，跟手油旺研究又話要活化果欄，亞皆老街前水務處附近又要攪咩露天廣場。

你而家睇返上面條LINK，係米覺得攪笑之餘，如果你係業主，就要問，咁你仲規唔規我，我棟大廈仲做唔做大維修好呢﹖

當年到而家都仲有人講市建賠償政策令到業主唔肯負維修責任。而家個情況係，你自己主動公佈咁多野，講到有咁多大計，咁唔係我迫你講架。

你講完，我聽完，跟手唔做野，又係我錯呀﹖

市建同班官好多野，都真係好攪笑，都係一時講一套，就另一時做一套的。

**********

最後，我有D懷疑自己老人痴呆，可能好耐之前已經係度COPY過市建年報出黎講下。

不過，是但啦，當係UPDATE，事關佢衣期榮光街庇利街項目咁好賣，咁寫下文賀下佢都好。

**********

完。