中九龍幹線收費影響

其實我想講兩句市建局。

不過，見衣幾日都仲有人講中九龍幹線要收錢衣家野，咁講多兩句。

**********

你見D官同所謂既議員就九唔搭八，都係繼續講咩用者先付，講咩要政府提交車流評估數據。

咁數據衣家野，其實就好簡單。

你睇返2017年立法會財委會衣份 中九龍幹線--主要工程 撥款申請文件，入面有兩個好得意可愛既圖表，我COPY埋出黎 --- 我連佢個解說都COPY埋呀下。

睇完個圖，米係我上個POST講個樣野囉 -- 你用咁多錢做中九龍幹線時，個設計申請撥款既假設係，中九龍幹線唔收錢。

唔收錢，就係要盡量打爆條中九龍幹線，紓媛現有其他道路擠塞。

而家上面第一幅圖話你聽，就算中九龍幹線唔收錢都好，條幹線落成左啦，其實漆咸道窩打老道甚至龍翔道係繁忙時間個容車比率仍然係等於或者大過1。

上面第二幅圖就話比你聽，有中九龍幹線都好，亞皆老街/洗衣街 同 漆咸道poly對出個路口既剩餘容車量，都仲係負數。

咁如果中九龍幹線收左錢之後，你話衣幾個數字 -- 即係衣幾條路或者路口 既塞車情況會係點﹖

份文件仲要好溫馨咁提示你「比率在1.0至 1.2之間則表示擠塞情況仍受到控制。比率大於1.2時，表示交通擠塞較為嚴重 」 -- 如果中九龍幹線收錢，漆咸道北個幾個路口個數字肯定仍然大過1.2。

而更加攪笑既係，上面第7段 係present幅圖出黎之前，係咁講話﹕

「根據在2012年進行交通調查的結果，預計沿中九龍主要東西走廊(包括界限街、太子道西、亞皆老街、窩打老道及漆咸道北)超出負荷的交通燈號控制路口，會由2012年的8個，增加至2026年的18個。關鍵路口在繁忙時間的剩餘容車量3載於下表」

衣段講話，有幾個攪笑位﹕

1. 「2012年交通調查」。你估下，佢當年個調查有冇假設到，車輛增長係點﹖

我搵過5分鐘，你要係運輸署搵個領牌數字都幾麻煩，咁所以睇下個登記數字。睇2023年年報，係2013年，機動車輛登記數字係75萬，2022年個數字係92萬5千。再睇運輸署最新統計，個excel就話2024年個登記數字跌左，不過都有90萬4千。

咁你話，2012年當時既車輛數目假設，會唔會去到超過90萬咁過份﹖

2.更加攪笑既係，上面幅圖其實只係SHOW比你睇個「關鍵路口」，超出負荷既路口估計會增加至18個。

再加埋相關會塞既路段，你估有幾多條路受影響丫拿﹖

所以，結論都係，同之前一樣﹕你中九龍幹線既設計就係以唔收費做假設，要係繁忙時間盡量打爆條幹線，如果唔係就浪費工程本身付出左既金錢時間之餘，仲浪費埋佢解決周邊道路塞車既能力。

************

當然，上次我都係好簡略冇清楚講到，中九龍幹線另一個特點。

中九龍幹線以至將來T2路既特點係，佢地係用隧道形式既繞道，除左接駁兩端之外，冇幾多個出口 -- 甚至係油麻地個邊，都係接駁高速公路。

咁既設計，同觀塘繞道或者東區走廊好唔同，反而係類近中環灣仔繞道。

衣類設計有幾個影響。

第一個係，我上個POST就話，巴士會更難用中九龍幹線；政府講咩中九龍幹線公交優先，其實就係廢話 -- 觀塘繞道都有觀塘工業區、九龍灣、太子道東幾個唔同區域既出口，方便唔同路線巴士做規劃行唔同區；中九龍幹線所有出口其實係得兩邊，係謹局。

另一個有關連既影響係，相對其他替代道路，中九龍幹線既吸引力可能未必咁大 - 所以我成日講，政府反而係要諗方法打爆條幹線既車流。

又用實例。

我要由貨櫃碼頭3號幹線 (又或者係油麻地啦) 去九龍城或者淘大個頭，經中九龍幹線去到啟德個程係快。不過，我要由啟德再出返去九龍城淘大，其實都係要行返現有道路，係繁忙時間都有幾會塞返現有道路。

我如果由現有路線，SAY，由加士居道天橋再上東九龍走廊再行九龍城迴旋處太子道東之類，其實全程同東九龍幹線一樣，都係冇紅綠燈，係可能限速有分別，可能交匯位要塞車，不過以路程黎計，可能比中九龍幹線仲短仲直接，事關唔洗出左中九龍幹線再DOU路去目的地。

咁你話，如果唔係超級塞車，中九龍幹線既吸引力其實有幾大﹖

情況等同，你係藍田去油麻地，你碌落去藍田交匯處再行 T2同中九龍幹線係5+10分鐘 (碌落去藍田交匯處+中九龍幹線時間)；不過就算如果係繁忙時間，你行現有路線，即係觀塘繞道再行機場隧道東九龍走廊咁過，其實都係冇紅綠燈 (返而落藍田交匯處就有)，唔洗20分鐘點都去到油麻地 -- 上午繁忙時間由藍田去油麻地大部份西行路線，都唔太塞車的，所以九巴夠膽開16X路線。

咁如果中九龍幹線同T2要收錢，到底要收幾多錢先吸引到人行 -- 都係個句，唔好同我講話兩條隧道都只係分別收8蚊，係既話就非用者自付。

***********

上面幾個實例其實係廢話，事關又有個現乘例子。

你只要睇返類似既中環灣仔繞道，其實就會睇到將來中九龍幹線同T2路既問題或者作用 -- 而家中環灣仔繞道基本上唔會塞車 (你唔好同我嘈西隧東廊撞車既特殊情況)，亦都冇幾多巴士會行。

所以，如果你要講中環灣仔繞道係繁忙時間個容車量比率，就算把啦，講黎都曬氣。

衣個快，好難打爆個容車率，係衣類繞道既特點。將來中九龍幹線，個功能同路況都係一樣。

如果中九龍幹線要收你20蚊，就唔係衣類繞道既目的。

**************

當然，冇錢，要搵錢，就可以唔講運輸政策既，唔好理衣類策略性基建既興建目標既。

反正，興建基建既成本其實係sunk cost，已出之物，同今屆政府有冇錢其實係冇關係的。

**************

完。