希偉政定理 (3) -- 其他

打左好多字，都係求其完左佢算。

***********
希偉政講過乜﹖佢講既係﹕

「他認為最重要是從經驗中汲取教訓，不重蹈覆轍，倡政府停止諮詢「錯誤的人」，讓協會等熟悉伊斯蘭金融的持份者參與，從國際角度而非本地人或機構重塑政策。」

***********

你睇熊瞄命名，其實都可以咁講，「倡政府停止諮詢「錯誤的人」，讓真係識MARKETING的持份者參與，從專業角度而非擦鞋角度重塑政策」。

***********

中九龍幹線就唔關事啦。

不過，你見政府最近個旅遊熱點工作組講既咩9項旅遊熱點，又或者個咩促進銀髮經濟工作組咩5個範疇30個項目，希偉政定理又再適用。

唔詳細講。不過，可以講兩句﹕

個9項旅遊熱點，例如咩四山旅遊，你估大陸人唔識，要你推廣咩﹖你講咩舊城中環深度遊，我求其SEARCH都見返旅發局係2017年開始已經講緊衣D野。至於咩維園市集之類，就算把啦。

個銀髮工作組，就更加攪笑，講咩樂齡科技商品化就社聯2021年甚至之前講緊其實都成PAT屎，跟手講咩銀色消費飲食業DISCOUNT就更加攪笑，你求其SEARCH 「長者飲食優惠」就多到你唔想睇 -- 真係唔洗咩學者講，都識講「銀髮經濟發展潛力很大，如果我們有具體計劃、明確方向、長遠目標、符合長者需要的政策，對我們發展經濟大有幫助；但如果仍然是很零散、無方向、無目標，就是浪費社會時間」。

***********

當然，銀髮經濟唔只係經濟政策既。不過，你要明，兩個工作組出黎，其實係以咩角度去重塑政策，你就知道唔洗咁認真。

希偉政定理，完全適用呀。

IN LORD EDWIN WE TRUST!

**********

完。