希偉政定理 (1) -- 熊你老尾瞄

記得邊個係希偉政﹖唔記得，都冇所謂，最尾有題解。

為左唔好荒廢衣度，長話短說，講幾單新聞。

*********

第一單係熊貓。

對熊貓冇感覺，不過海洋公園個兩隻野叫做Jia Jia 同 De De，就點都要講下，事關成件事，就證明希偉政定理又再次適用。

即係咁，班官以為用 普通話併音就可以吸引大陸遊客。不過，你整個普通話併音，之後所有相關product都係用衣個併音既話，咁，如果我係大陸遊客，買完隻野，之後返鄉下去打卡威下，咁會唔會比豬朋狗友問，衣隻野普通話併音架喎，係米深圳貨式黎架﹖

再貼心小小去諗，你如果係大陸遊客，你用百度去search 「JIA JIA」，就見到D內地人係問點樣讀衣個字。如果你係非華語遊客，就仲PK -- 事關我一GOOGLE 「JIA JIA」，個result就係台灣條女歌手；係華語遊客搵google中文，咁 GOOGLE再建議你既關連字，就精彩到，竟然係衣個 佳家湯包 -- 衣兩隻熊瞄仔，原來係來自上海架﹖

咁你明啦﹖

我想講既係，你整個咁既普通話併音，對非華語黎講，就九唔搭八，你叫little brother之類反而親切明你做乜。對大陸客黎講，你用普通話併音，一黎我未必識讀，二黎，咁我洗乜黎香港買隻同四川熊貓都差唔多音既product﹖ 甚至係，我洗咩黎香港睇佢，同佢講JIA JIA NEI HO?

即係，你見親大陸遊客 -- 除左上糾音搏流量個D -- 如果要批評香港，最鐘意講既係乜﹖最鐘意講既係，香港冇咩特色，越黎越似大陸。咁你不廢摧灰之力，咁簡單就用個普通話併音，將海洋公園兩熊貓大陸化左佢，就真係天才。

*********

當然，你點講都得既。

如果你話，唔係既，好多同飽都鐘意普通話併音，夠親切丫麻。咁，你會唔會返大陸去日本，特登買件i love hk既公仔﹖

唔明既話，再比多個例子。

全世界黎香港，其實都要去澳牛 --  包括好多大陸人要去。去澳牛，就係要體驗咩係港式服務餐飲。你服務餐飲要做到大陸咁樣，我駛乜特登黎香港去食你老尾 -- 當然，唔排除小部份大陸人係痴線，會黎香港食海底撈。

咁仲未明﹖

唔明既話，我真係幫你唔到，你唔洗曬時間同我分享，香港既JIA JIA同長隆大熊瞄有咩唔同，香港呀JIA JIA有咩尊貴d，攪到我特登要黎睇佢。

你真係說服唔到我呢。

***********

Anyway，所以，我想講既就係，米係囉，隻熊貓叫咩名，就係引證左希偉政定理。

***********

打完字，都係補多句。

仆你個街丫，我特登搵長隆幾隻熊瞄叫咩名，我求其搵到hk01衣篇報導，長隆竟然有三飽胎熊瞄，D名又係熟口熟面，叫咩萌萌、帥帥、酷酷。

不過，衣個唔係重點。重點係，長隆個setting同近排旅發局係尖東個setting有d似既 -- 當然，旅發局個隻係cute版又攪笑d既。上網求其copy埋幅圖出黎又點話﹕

又不過，都係個句，成個大陸都係熊瞄，又真係好多人會特登黎香港睇熊瞄架喎。

***********

未完。