兩句時事 -- 小小又係市建局 (2)

之前係郵政第二個POST入面，講起政府個「額外地積比率先導計劃」。

我當時就話，個計劃唔知包唔包市建 -- 雖然我傾向佢係包。

咁 米 就係個POST度回，話包。

我都仲係疑惑。

咁今日明報有人寫左篇咁既文，我都仲係疑惑。

疑惑既原因係，無論係發展局個新聞稿定係個聯合作業備考，都係冇提市建局受唔受理。

佢個中文新聞稿係咁講﹕

在先導計劃下，發展商如承諾拆卸位於七個舊區、樓齡達50年或以上、且地盤面積不小於700平方米的住宅樓宇，並重建作住宅用途，將可獲提供額外20%的免補地價總樓面面積作為鼓勵。

個英文聯合作業備考，都係咁既意思﹕

Under the Pilot Scheme, if an owner commits to pull down an old residential building on an eligible redevelopment site in the seven designated areas with more pressing redevelopment needs1 and redevelop it mainly into residential uses, it can obtain additional 20% land premium-free PR/gross floor area (GFA) as bonus (bonus PR). 

照字面去睇，應該係拆卸舊樓前，如果個業主承諾左咁咁咁，之後再向城規會申請，最後就可以獲額外地積比。

咁的話，如果市建展開左個項目，如果未拆樓，咁佢係收購前甚至招標前未承諾個一堆野，之後先再搵發展商招標，咁究竟佢合唔合乎資格呢﹖佢係米可以招左標，先再向城規會申請﹖

我覺得係得既。

不過，又，如果佢拆左棟舊樓，先再招標，之後再同城規會申請，就令我懷疑佢係米合資格，亦都令我疑惑，究竟個標價係要點出 (雖然市建一般都唔會折左樓先招標既)。

而又再不過，佢好多項目，其實係展開左，做埋人口凍結，咁係米又合乎個計劃﹖佢係個先導計劃推出前，其實就展開左個項目架喎 -- 佢係可能未招標正式搵發展商。

另外，新聞稿同埋作業備考 (我淨係納左開頭幾版) 講既「樓齡達50年或以上」，都令我有疑惑。例如，市建九龍城個盤，咁好多50年樓，不過有D係40年，甚至有棟係計劃宣佈時只有25年樓齡；而個盤入面，係扲左棟市政大廈同公園，咁又點算，係米要將個盤劃開好多份，有D份數或者地盤係合乎資格，有D就唔合乎﹖

咁的話，我求其納，個計劃好似冇講清楚，衣D重建盤係點計算，係米按百份比計定點 -- 衣個，亦都係令我疑惑，個計劃適唔適用於市建項目既原因。

不過，都係個句，我直覺覺得，市建係合資格參與個計劃；成個計劃，係益市建局的。

***********

唔係題外話，講返篇文。

至於我上面QUOTE個篇文，佢又係講到市建有好多問題之類，又係講咩「但大型重建由收地、賠償至發展，往往歷時十數年」。

佢衣個係市建既官方講法。

佢係篇文提裕民坊，咁真係要講多次﹕你懶，就自己睇WIKI，觀塘市中心重建計劃2007年宣佈啟動法定程序，2009年第一期既觀月樺峰就招左標，第二同三期既凱匯就2014年招埋標，咁個時間唔而需要10年啦。

(當然，觀月樺峰其實係政府送比市建既前巴士站用地啦....)

成個項目，第四五期攪咁耐，「往往歷時十數年」，我之前都講過，係因為逆權侵佔官司既問題 -- 衣個問題，最重要個點係，市建局之前冇諗過會出現衣樣野，所以先攪咁耐處理。

你睇上面引個段新聞，係我求其搵的，不過內文都有簡單解釋﹕

因應深水埗青山道/元州街的重建項目內的一名樓梯鋪佔用人，早前成功向法庭以逆權侵佔的方式取得業權，昨日召開的市建局董事會特別研究賠償機制，建議容許成功以逆權侵佔方式佔有項目大廈共用空間的業權人，能夠享有一般業權人的賠償待遇，但做法卻不適用於觀塘市中心重建項目第五區之違例建築佔用人。

唔係個間樓梯舖佔用人贏左場官司，成個觀塘市中心重建就唔需要考慮新賠償機制，唔需要成個計劃攪咁耐，唔洗十年就已經攪掂鳥 -- 個計劃要拖到而家，仲要係因為唔好彩 -- 裕民坊其實2018年左右攪掂，不過之後因為樓市跌，招標唔掂，先再拖到今時今日。

又至於上面QUOTE個篇文講咩「根據《城市規劃條例》第16條提出申請規劃許可....5年時間可謂相當緊絀」，就算把啦，而家城規程序縮短左咁多，加上大家都識做，好多規劃許何都好快攪掂。

再者，兩成喎﹗多兩成地積比喎﹗即係市建九龍城項目原計劃興建既樓面面積係 275,952平方米，即係而家樓面面積既3.77倍。

如果放寬兩成，即係多左5.5萬平方米，咁即係而家樓面面積既幾多倍﹖﹗

咁再簡單D，衣個放寬左既5.5萬平方米，即係超過55萬平方尺。

根據個「額外地積比率先導計劃」，九龍城個補價標準金額係每尺大約$6,131。 

我當你連埋建築費成本要1萬蚊尺(已經係好多)，賣就賣到1萬5千蚊 ，咁衣度即係每尺賺5千蚊。即係，你將衣5千蚊尺，再乘返多出黎既55萬平方尺，咁衣個額外補地價既結果係，成個盤係額外淨賺多27.5億。

結論係，有錢，就咩都得啦，幾廿億喎﹗

(題外話﹕補定先，上面條數，其實係有偏差的。

即係，根據政府文件，個補價標準金額其實係每平方米66,000 -- 政府好多時用米唔用尺的。上面衣個每尺$6,131補價標準金額係出自東方 -- 1平米方等於10.764平方尺衣D咁煩既野，我唔計，COPY東方算啦。

不過，最重要個點係，我懶，一直都將1平方米等於10平方尺的。所以，上面放寬左既九龍城項目額外樓面總面積，其實係接近60萬尺，而非只係55萬尺的 (即係﹕放寬左5.5萬平方米X10.764)。

所以，額外補地價淨賺，其實超過30億，而非只係27.5億的。

另外，上面衣個賣樓價1萬5千蚊尺，係超級保守 -- 佢對面啟德最貴既「天璽．天」，唔知做而家乜玩到平均2.5萬蚊尺，貴既甚至3萬蚊樓上；成個啟德，最平個D咩嘉匯都要2萬蚊。咁市建個九龍城項目係宋王台站，猛車邊又係太子道西傳統豪宅區邊皮，1萬5千蚊真係超級保守 -- 事實上，而家九龍城項目附近賈炳達道個幾個十零年私樓，都要萬3蚊尺。)

***********

第二樣想講既，係西藏。

簡單講，好多人講話尼泊爾同大陸既比較，講咩訊息透明度之類。

要幫大陸講野既人，有好多唔同講法。

不過，最簡單講，你唔記得東航墮機啦﹖

當時墮機，個乘客名單米因為所謂既私隱，所以冇公開到囉。,

至於個調查報告係點﹖我之前米係度講過，係因為國家安全，所以國家民航局唔公佈丫麻 --最尾係有外國記者問左美國國家運輸安全委員會，之後老尾個委員會先公佈左個結果。

咁，米係囉，你要將大陸同尼泊爾既救災透明度相比﹖唔好講笑啦。

東航墮機，至多都係國企前解放軍軍官做機長之類既問題，咁都會因為國安理由，而唔公佈個名單以至調查結果。

咁，而家講既係，吉隆喎﹗西藏喎﹗仲要一帶一路喎﹗

你鬼佬記者扲到入藏函入西藏先算啦。

*************

補多句郵政。

其實呢，之前計郵政條數時，我米話郵差郵務員合計總薪酬大約係21億，之但係年報寫住，加埋其他郵務監督，總薪酬先係21億。咁所以，我可能高估左郵差薪酬。

不過，其實，當時寫寫下，我發覺得可能唔錯得太遠。

事關，年報係2024年既數字，我用既郵務員薪酬就係2026年最新數字，兩者係有落差 -- 而整個香港郵政既人手，係衣幾年都跌，之但係有通漲有跳POINT，咁兩年既總薪酬係可以上升。所以，我估既數，未必高估好多。

我早兩日寫個時已經發現衣樣野。

不過，要解釋就太煩啦，所以而家補返算。

************

最後，仲有野講，不過唔記我，就講樣好笑野。

民建聯班智將一直都話，大陸電費平，唔該買多D大陸電啦。

之前都講過，就算你當佢地班智將真心都好，重點係，中電可以買大亞灣甚至同南方電網完全聯網，買曬大陸電都冇問題。之但係，港燈冇衣樣野架麻﹗

而家港燈同中電係有限度聯網，就算而家好似攪緊加強聯網，不過你要港燈入大陸電，根本冇可能，亦要好大投資。

更加攪笑既係，前排李先知有個咁既標題，聞風筆動：「北都水電專供走廊」倡議 料影響2033中電利潤管制談判／文：李先知，內文係咁﹕

【明報文章】政府正在制訂香港首個五年規劃及《施政報告》，民建聯上周向政府遞交《香港五年規劃及施政報告-智算產業發展倡議》政策倡議書，提出在北部都會區構建「水電專供走廊」，在電力方面推動與南方電網合作簽訂長期低價綠電協議，建設北都區智算中心專屬輸電通道，目標將電價降低30%至40%。知情者表示，由於政府與中電有利潤管制協議，現階段引入內地電網或會引來法律挑戰；但不排除政府與中電商討下一個利潤管制協議時會提出這個問題。

睇完真係笑到我丫。

真係洗乜知情者講。

最現實既問題係，南方電網賣綠電比你，電費會平咩﹖

想當年用東江水救粵海投資，救完啦，不過水費幾時平過﹖

再者，都係我之前個句，中電而家話係北都已經興建左幾個變電話，足夠北都未來十年使用。咁你北都引入「水電專供走廊」丫麻，咁個批變電站米轉曬做博物館囉 -- 不過佢地每年都要扲返8%投資回報。

咁個批變電站發唔到電，做左博物館，不過都照樣問非北都用戶 -- 即係你同我 -- 繼續扲返8%回報，即係繼續加電費，就真係正。

仲有，政府要兩電攪乜氫能測試，我係中電就拿拿聲換曬D機組，跟手鼓勵你買多D大陸電﹕我換曬機組，入曬帳，唔洗發電都有8%回報，真係躺平都有著數。

當然，唔SEARCH返啦，前排港燈公佈業績，阿CEO定唔邊個好有形咁講，港燈設施老化啦，夠使用年期啦，都需要更新設備；而好多設備想當年係繁忙路段地底，更換要好多錢好多時間。

咁你米引入「水電專供走廊」囉，調低個准許利潤囉。

中電同港燈都一樣，唔計發電機組都夠期，仲要配合政府碳中和，再加上佢好多野都夠期，你米CUT佢利潤囉。你CUT佢利潤，佢米慢慢先同你換設備，等佢壞左先算囉 -- 到時停電又乜春，你就唔好嘈。

你唔想成日停電，又想要電費平，咁你米政府自己或者搵大陸公司收左兩電個資產之後，再拿拿聲換囉 -- 不過，有冇大陸公司有能力買曬兩電資產，之後仲要咁偉大減埋個電費﹖

最後，講埋個現實，即將要面對既問題出黎。

你睇中電份管制協議 (港燈都類似，所以只睇中電)，其實每樣資產都有個使用年期，變電站雜項就25年，電纜就60年，架空線就60或者45年。

所以，好多上世紀70年代新界或者都市發展既電纜電線，無論係個管制協議既使用期，又或者實際上設備既使用年期，其實都就黎到期，要換的鳥。

另外，如果你話，個設備未夠期都唔好用啦，我地而家用天然氣啦，慳返個投資啦﹖咁份管制協議好清楚講明﹕

倘若任何一方認為某項實際或建議的指明市場變化，會導致產生擱淺成本，則各公司應與政府忠誠商討，而各公司應實行政府合理地要求實行的措施，以儘量減低該擱淺成本的數額。

關於上文第(1)款提及的措施所不能減少的擱淺成本（下稱“擱淺成本餘款”），各公司應從市場收回，而數額及機制須按第(3)款的規定和議定實行。在該協議沒有達成的情況下，則須按第9 條規定實行。

你唔同意唔想賠比兩電，就要仲裁鳥 -- 要仲裁，除非個官係家超炳強或者係西環派黎，否則的話，政府都祇有輸硬。

亦所以，我成日講，中電有好多北都投資已經入左帳，已經收緊你電費作為回報。

你日後北都全部輸入大陸電，玩「水電專供」，又唔想中電加電費要其他用戶食左北都既資本投入，咁中電米同你講，「因為市場變化」，令到北都個批投資左既變電站「產生擱淺成本」，咁米政府賠返比中電囉。

咁政府冇錢，米加稅囉。

嘿﹗

所以，民建聯班友，真係弱智，並不是扮的 -- 當然，要兩地溶合，要國家支援，就係政治正確，講下又有乜所謂。

至於佢地諗唔諗到或者有冇諗過電費或者「擱淺成本」既問題﹖

我相信係前者，即係智力既問題。

**************

最後，講起大陸電，諗 起樣野。

早排有則唔顯眼既報導，講咩全港首個新能源車電池回收設施啟用。

段新聞入面，就話係有間叫晉景新能既公司，去做衣個項目。

咁之前文匯有個報導，我唔比LINK，不過佢係咁講﹕

晋揚國際（香港）董事總經理郭可兒表示，位於屯門環保園的回收廠，整座投資額約4,600萬元，其中1,500萬元由特區政府資助，其餘由晋揚國際出資。預料廠房初期每年可處理約1萬噸舊電池，每年可生產約5,000噸鋰電池黑粉，其後電池處理量將提升至約3萬噸。由於集團廠房採用專利技術，電池回收率達97%，比一般傳統方式的78%回收率高出19個百分點。雖然廠房不涉及後期的黑粉提煉，但強調未來目標是處理多元產品以切合香港需要。

郭可兒補充，整座電動車電池回收廠面積約10萬方呎，預計鋰電池黑粉生產線將於上半年試產及運作，未來會繼續深化生產線。以每顆電池重約350至750公斤估計，即每年大概可處理約2萬架車輛的電池。目前本港大部分電動車都採用三元鋰電池及磷酸鐵鋰電池，集團的生產線可處理此兩款電池。

她續指，預計整座廠房回本期約5年至7年。除了黑粉生產，廠房未來亦會有智能拆解、梯次利用及有其他產線陸續出現。其中，梯次利用是指檢測過舊電池後，如果發現該電池仍可利用，便會將之循環再用，製造小型儲能系統再賣出市場，將電池生命周期延長多5年。

睇完段新聞，我既感想係好簡單﹕間公司投資個3,100萬，再加政府資助1,500萬，成個項目「回本期約5至7年」，衣個項目真係正常人邊會做呀。

之後既感想係，衣間係咩公司。

求其搵，哦，原來之前係做建築，根手轉型做環保，再根手衣兩年先再轉型做電池回收。

咁明啦。

即係，你睇比亞迪，佢聲稱做電池回收，其實都係將仲用到既電池做儲能或者比沖電設施去用，淨返唔知幾多先要黎回收，事關回收真係唔值錢，或者係個成本太高唔MAKE SENSE。

咁而家政府出資助，係環保園入面有衣個電池回收設施，咁又有人明知個回本期要5至7年都肯去做，咁米要拍手歡呼囉﹗

不過，你望下晉景新能由今年6月宣佈項目之後既股價，再睇佢之前年年都蝕剛好幾千萬去到上年先有錢賺 (起碼AASTOCK條LINK講既近5年)，咁你話，佢支持政府，係米正確呢。

當然，衣間野，除左近年轉型，轉到去攪電池回收，早個月仲用2億股份再加20億現金，去聲稱收購大陸雲計算公司添。佢今年先開始賺錢，就可以簽份收購協議，仲要玩埋雲計算 (如果單野真係攪掂的話)，就真係無敵。

ANYWAY，至於我一SEARCH佢個名，跟手有個suggested search係 晉景新能lihkg，之後竟然出左個連登POST叫做「微訊雞又開工了」。

咁我唔貼LINK啦。咁微訊雞做野，同間公司又可以冇關係既。

總之，佢肯幫政府做電池回收，唔理回本期係要幾耐都去做，就真係支持政府。

我真係好想知，有冇人會講下衣間野個背景。衣期支持政府既，都係好有趣的。

不過，我就冇心冇能力去查的。

*********

完。

兩句時事 -- 小小又係市建局 (1)

陳雅妍：市區重建模式：由「自助餐」走向「廚師發辦」

發布日期 2026年9月2日星期三

【明報文章】香港樓宇老化問題日益嚴重，過去10年，全港樓齡達50年或以上的樓宇，每年平均增加500多幢，但市建局及私人市場每年平均只能重建約160幢。舊樓增加速度，遠高於重建速度，單靠現行模式，難以應付未來的城市更新需要。

早前政府推出「額外地積比率先導計劃」，讓合資格私人住宅重建項目，獲得額外20%免補地價樓面面積；發展商亦可選擇將有關額外地積比率套現，用作抵消原址重建或其他土地交易地價。當局最新《聯合作業備考》已進一步交代計劃的適用條件、申請程序及安排，令政策框架更為清晰。

過往市建局的大型市區重建模式，較像5星級酒店的自助餐——由市建局先準備「食材」，包括收地、整合業權、清拆地盤、處理城規程序，再把大型項目推出市場。這種模式可一次過整合較大範圍，有利規劃公共空間、交通、社區設施及樓宇佈局，避免逐幢重建形成「牙籤樓」。

但大型重建由收地、賠償至發展，往往歷時十數年。當項目推出市場時，早年訂立的規劃條件，未必仍切合市况及投資意欲；一旦遇上市况逆轉，項目可能需要修訂，市建局亦需承擔更高的時間、土地和市場風險。觀塘裕民坊重建，正反映大型市區更新面對的時間和市場風險；花墟重建的討論亦說明，重建不應該只是推倒重來，更牽涉原有社區網絡、生活肌理、地方記憶等。

政府的新措施，可以理解為將市區更新由「自助餐」轉向「廚師發辦」——當局不再預先整合所有地盤，而是由市場按個別項目的需要，自行組合重建方案，靈活運用額外發展潛力。這或可以提高市場參與度，不過發展商亦須自行處理整合業權、規劃申請、補地價、承擔市場波動等風險。

額外兩成樓面 未必足以「變魔術」

上述先導計劃涵蓋長沙灣、馬頭角、旺角、西營盤及上環、荃灣、灣仔、油麻地，共7個指定地區。合資格地盤須包含樓齡達50年或以上的住宅元素，並以住宅為主要重建用途，地盤面積不小於700平方米。額外地積比率一般按相關分區計劃大綱圖（Outline Zoning Plan）訂明的最高住宅地積比率或樓面面積計算；如規劃圖未有相關限制，則參照《建築物（規劃）規例》的上限。地政總署會根據指定地區訂立及更新標準地價，以計算額外地積比率價值。

然而，即使增加20%樓面面積，亦未必足以抵消高昂的收購、拆卸及建築成本。市建局收購住宅物業所採用的「7年樓齡」補償機制，在樓市下滑及調整期內，容易陷入「高買低賣」困境。這不僅使市建局面臨嚴重虧損，更會拖慢整個市區更新步伐。現時市區較具發展潛力的地盤，大多已經陸續重建，餘下項目不少面積較小、業權分散，或受規劃、交通及保育限制，屬於重建難度較高的「雞肋地盤」。

更重要的是，增加地積比率不能簡化為「加高」、「加密」。舊區道路交通、排水及社區設施，均有承載限制。倘若重建只是單純「拆舊建新」，卻未能改善行人環境、公共空間和社區配套，居民生活質素未必能相應提升。

先導計劃為期5年 時間相當緊絀

申請人可以選擇把額外地積比率直接用於原址重建，或採取套現安排。如果選擇原址使用，申請人須取得城規會批准之後，才可向地政總署提交申請修訂地契。另一選擇是將其價值抵消地價，亦可用於北部都會區，及其他地區的政府賣地、地契修訂等土地交易。對於現時受高度、密度或設計所限制的舊區地盤，容許將增加的樓面面積轉移，或把額外發展潛力轉化為地價抵扣，提供更量身訂做及具彈性的「廚師發辦」發展選擇。

該先導計劃的申請期定為5年。申請人須提交地契修訂申請，並根據《城市規劃條例》第16條提出申請規劃許可，取得城規會批准。這個安排，意味5年期限不止是「入紙」限期，也涵蓋規劃研究、技術評估和佈局設計圖（Master Layout Plan）所需的前期工作。對涉及規劃、交通和多項環境評估報告的項目而言，5年時間可謂相當緊絀。

《聯合作業備考》亦列明，尚未使用的額外地積比率價值，可由原址地契修訂書簽立日起保留10年，用於日後合資格的其他土地交易。10年有效期為發展商物色「接收」項目提供彈性，也避免必須即時將舊區發展與另一項土地交易綑綁完成。值得注意的是，作業備考內的「地契修訂」，包括換地。換言之，透過換地推進原址重建項目，同樣須面對先導計劃5年申請期及其後完成換地條款的要求。對於需要處理多幅土地、補地價或其他複雜安排的個案而言，時間管理將是成敗關鍵。

市場不怕嚴謹 而是缺可預測性

《聯合作業備考》已就資格、計算方式、原址使用和有效期提供較清晰框架，釐清計劃的發展細節。然而，5年限期能否完成城規申請、業權整合及換地，仍待個別實際發展項目驗證。市場最擔心的不是規則嚴格，而是程序欠缺可預測性。政府應進一步加強跨部門協調，加快部門間的處理安排，並密切檢視5年期限是否足以應付複雜重建項目的實際需要。

由「自助餐」走向「廚師發辦」，不代表政府可以撒手不理，也不代表市場可以「任意點菜」。當局仍須提供清晰規則、跨部門協調及合理時間框架，才能夠使市場真正有信心投入這場高難度的舊區重建發展。

作者是註冊建築師

（本網發表的時事文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）

[陳雅妍]

原文網址：https://news.mingpao.com/pns/%e8%a7%80%e9%bb%9e/article/20260902/s00012/1788281195696

尼泊爾﹕咩地緣政治JAK

原本唔打字，不過係FB見到上面AM730個POST，真係覺得衣壇野有D好笑，就超簡單講。

***********
擒日，尼泊爾話淨係要錢，唔需要外國救援組織黎 -- 佢地個原因係，2015年大地震，當時多國救援部隊引起混亂喎。 

衣個原因，一睇就知係亂UP。

稍有常識，都知係上面幅圖個段新聞，亦即係衣段，AM730衣個引台灣佬中天新聞，入面講到既先係真正原因啦﹕

外界一度猜測，尼泊爾拒絕外國搜救隊，可能與災區鄰近中國西藏、地處敏感邊境有關。不過，尼泊爾外交部否認此說法，強調決定完全基於救災能力評估，與地緣政治因素無關。

即係，你比得大陸解放軍過黎協助，咁印度佬又可唔可以過黎呢﹖

結果係，更加攪笑既亦都係，頭先一SEARCH最新消息，尼泊爾原來擒晚又轉軑，比中印澳韓既專家去災區。

咁你話，救災唔講政治，就真係攪笑啦 -- 至於開頭點解拒絕外國援助，係唔想得罪各方，定有人唔想各方去吉隆邊境呢，就唔知啦。

雖然我咁講，你都估到我傾向係講乜。

之但係，點都係求其估，講黎就冇意思。

**********
咁講開又講多句。

你睇擒日新聞，其實有樣野係要留意。

你見衣十年，大陸咁多天災人禍，基本上習大就唔會出現；就算係李強，其實都好小出現。

上網搵到既係，李強2024年去左湖南睇水災，之後就唔多見李強有現身。

今次吉隆尼泊爾泥石流，習大要開政治局會議，要對外公佈埋係會議上要默哀，之後仲要李強親自去埋吉隆，咁你話今次係咩事，點解咁特別呢﹖

咁唔好理咩李強蔡奇邊個得寵之類好多大紀元既宮廷劇。李強係國務院系統，管經濟建設，攪咩水電邊境管制建設以至商業貿易設施，應該係關佢事。

所以，佢去得，應該似係經濟或者實務原因多。

ANYWAY，相關既係，衣排都有人講，吉隆其實係2015年尼泊爾大地震，成個關口都收皮要重建。

咁點解個關口點都要係度﹖

新聞都有講，好多印度人要去朝聖 -- 多數新聞都冇詳細講，不過HK01就引左BBC講，班印度人要去既就係西藏岡仁波齊峰。咁早兩年，阿羅尚沛都係講衣樣，講好多佛教徒一生人點要去個度一次，去「轉山」。

你有興趣就自己搵咩黎。

所以，引伸出黎，冇咁重要既就係，個關口就一定要重建，咁就關李強事。

(題外話﹕個關口附近一帶，其實地質自然環境都好惡攪，不過因為衣個旅客原因，所以就好多尼泊爾人係度搵食，點都要繼續係度生活。)

另一樣重要既野係，阿李強點解要親自視察﹖

除左關口，或者成個雅魯藏布江以至吉隆附近有好多水利工程做緊，咁李強緊係要去望下啦。另一樣就係，大陸同尼泊爾好多合作，當中吹到係一帶一路項目，都係衣度攪緊。

求其搵，有台灣佬就話，吉隆關口佔左中尼貿易好大比例，好多新能源車之類都係度出口。

最痴媽根既係，個台灣佬有講，你上網亦都見到，大陸講左好耐既中尼鐵路，其實就研究緊係度出關。

咁點解大陸要攪中尼鐵路，衣篇一年前新浪財經既文，竟然好誠實。佢係咁講，我又搵幾段COPY最有趣既地方出黎﹕

根据规划，中尼铁路从西藏日喀则市出发，一路向西，经过萨迦县、定日县，再从吉隆口岸过境，一直修到尼泊尔首都加德满都。铁路全长515.8公里，中国境内长443.8公里，尼泊尔段长72公里。

不过在中尼铁路之前，耗资3000多亿的川藏铁路就已上马。这条铁路要跨越第一阶梯和第二阶梯，落差超过3000米，而且还要面临冻土、融雪、泥石流、山崩、雪崩、地震等一系列地质灾害。有鉴于此，以中国的技术实力，中尼铁路的修建是可能的。

而铁路一旦建成，对于尼泊尔而言，堪称史诗级利好。

尼泊尔位于喜马拉雅山脉南麓，其他三面被印度包围，“陆锁国”地位对其经济造成了深远的影响。

受限于其孤立的地理位置，尼泊尔外贸主要依赖印度。80%以上的商品和原材料都依赖印度进口。而出口产品，几乎也全都通过印度运输到其他国家。这种单一的经济依赖关系使得尼泊尔的经济在全球化进程中处于弱势。

根据世界银行的数据显示，尼泊尔的GDP总量仅为409亿美元，远低于南亚其他邻国，为全球最不发达的国家之一。

中尼铁路的开通，将助力尼泊尔融入中国构建的泛亚铁路网，摆脱被印度全面钳制的局面。尼泊尔政府预测，铁路开通后，该国的贸易额将大幅增加。

对于中国来说，这条铁路也具有非凡的战略价值。

衣段野，真係好多攪笑地方。

例如，佢開頭講到，規劃既鐵路沿線都有好多複雜地型，不過「有鑒於此」，中國既技術實有，又令到條鐵路可行喎 -- 佢唔係想話，川藏鐵路上左馬，所以中尼鐵路就可以好易攪掂麻﹖你個川藏鐵路，都係上緊馬咋喎。

至於其他，其實佢講咩經濟原因，最後都係返去個重點，即係最重要既衣句﹕中尼铁路的开通，将助力尼泊尔融入中国构建的泛亚铁路网，摆脱被印度全面钳制的局面。

大陸同尼泊爾攪咁多野，其實都係要拉攏尼泊爾。

衣個，又係最根本既，地緣政治，即係中印邊境問題。

咁所以，習大特登默哀，又要即刻搵李強親自去，衣個就係原因。

***********

完。

國家地理雜誌 -- 雅魯藏布江

早兩日打太多字，獻左太多醜，咁盡量簡單，講小小其他野。

我最想講既係雅魯藏布江。雖然唔太真係識，都係講兩算。

不過，講之前，講兩樣簡單野先。

**********
第一樣係，宏福聽證會個報告，係8月中宣佈，話由於時間緊迫，所以原訂9月提交，就要延期到10月先可以提交特首。

當時睇到段新聞，唔記得打字抽水添﹗

個抽水位係，年年施政報告都係9月公佈。如果宏福報告早過施政報告，又或者係附近時間，咁宏福報告就一定搶左個風頭，同埋一定會有人問，出左個報告啦，點解仲未有政府高層要接受懲處，個高層問責制係米未出世就死左。

再者，今次施政報告，就仲有五年規劃既公佈。

所以，個宏福報告，一定要讓路囉。

而衣個讓路，亦都睇到，政府有幾重視份報告 -- 當然，就算唔讓路，你都知有幾重視啦。

***********

第二樣講既，都係李家超，今次講佢早兩日落區。

當日睇新聞，我都非常好奇，究竟特首辦、新聞處、再加民政局，係邊個安排李家超做左永明金融既代言人﹖

你睇日咁多電視新聞，有條著住永明金融件衫既物體，不斷同李家超合照搶鏡。

第二日既報導先話，原來當日係有個「Ride to Shine Hong Kong 善德永明耀香港」，阿基金會主席仲同李家超介紹個活動。

咁我真係想問，原來而家個世界可以係咁架﹖

咁宏利AIA甚至係其他商業活動都唔好執輸，錢大媽快D攪個活動，跟手等阿特首落區個時，又扲住件錢大媽不賣隔夜肉既豬手，同阿特首介紹啦。

你做政府有份贊助或者係所謂盛事例如咩單車節之類，做主禮嘉賓，都正常啦。不過，你落區，可以咁順便比人介紹個九唔搭八既活動，扲到咁多AIR TIME，就真係管治新風格。

原來，而家唔只美寶可以做蘿蔔快跑代言人，特首都可以的。

**************
第三樣係，狗。

講到狗咬人，麥志豪講既野，就係最合理，不過亦都做唔到。佢衣兩日講到﹕

非牟利獸醫服務協會創辦人麥志豪稱，各城市對危險狗定義不同，部分地方准養比特鬥狗㹴，而非危險狗亦可咬人，關注相關準則無限延伸至其他狗，「點解禁呢隻唔禁嗰隻？警犬瑪連萊是否要禁？」他認為限4類狗足夠，應先規管飼主，建議立例養狗要考牌，料可杜絕「貪得意」養狗者。麥認為，戴狗繩罰則關鍵在於執法，「若有人執法，就算罰2500元，人們都會帶狗帶」。

同場既尊貴何敬康就九唔搭八，講話咩「建議強制要求危險狗的飼主須接受不少於10小時訓練」就係低能。而家最常咬人咬狗既，一定唔係危險狗 -- 柴柴之類既普通細狗，先至係最多咬人，事關佢地常見。

講返阿麥志豪。

佢個講法，最重要個句係，「料可杜絕「貪得意」養狗者」。

衣個，亦都係好多負責任狗主一路以黎既講法，即係狗主係要有責任，有知識之餘，最重要既，係唔應該貪玩就養狗，養到厭就棄養或者困佢係露台自身自滅。

又不過，麥志豪個建議，政府一定唔會接受，因為，其實係唔可行。

好簡單，唔講地盤車場狗，我淨係講新界村狗。

新界咁多村狗，咁如果無論你係村屋養開狗又或者新養狗，都要扲牌，咁當漁護黎到，話你屋企鐵絲網入面隻狗係米你養，問你有冇考牌，咁你會點答﹖

D鄉佬米同你講，個隻狗係流浪狗，佢自己入黎關我咩事，咁你吹得佢漲。你再嘈，天口凍，我整個香肉煲暖身，以後唔駛比你煩添呀。反正要扲狗返黎養，大把門路。

當然，上面講既，仲要係，如果唔係鄉村係圍村，咁你入到去條村先算啦。

所以，點攪個考牌制度呀﹖

**************

第四樣，正題，簡單講雅魯藏布江。

其實，係幾年之前，我都唔知咩黎。

不過，係上年，習大突然之間話要整個雅魯藏布江下游水電站，跟手羅尚沛講左幾次衣單野。咁，所以，就大約知咩事。

咁睇下衣張有趣既地圖，我特登係GOOGLE MAP整出黎﹕

張圖，我個MARKER就係條雅魯藏布江。

沿住條江，有個叫日喀則市，咁你係米有D印象呢﹖

衣排尼泊爾或者係吉隆泥石流，所有香港新聞米話，日喀則市吉隆縣吉隆口岸。

YES，衣個吉隆口岸，其實都係個頭。

當然，你睇個圖，吉隆其實就係日喀則市西南面，係加德滿都個頭；習大講既雅魯藏布江下游水電站，就係日喀則市東面林芝地區個邊，包埋衣個墨脫縣，即係雅魯藏布江下遊位置。

咁吉隆個泥石流點解出現﹖多數人都話，係高位冰崩導致。

咁衣類冰崩，你唔留意開 -- 我都冇留意 -- 都知唔係奇事。

事關，個頭全部都係珠穆朗瑪峰and friends，有冰崩有雪崩係咩奇事﹖就算尼泊爾唔地震，珠峰and friends得閒無事都雪崩導致山難架啦。

吉隆個邊就雪崩地震開，墨脫個邊係玩乜﹖

你求其search墨脫地震，就除左1950年個次8.5級地震，衣幾年墨脫耐唔耐都有4級甚至6級地震啦。最新個次，就係今個月頭，震左4.6級，係正墨脫條江度。

咁我想講乜﹖

雅魯藏布江水電站工程公佈個下，全世界都知佢係國安戰略工程，中國要係藏南插旗啦 -- 全個世界，當然係指，除大陸同愛國宣傳機器以外啦。

即係，墨脫落小小，就係藏南。藏南係咩黎﹖就係1960年代個時打既中印邊境戰爭所在地，係咩麥克馬洪線既麻煩野。

(丫，題外話，我特登CHECK埋，之前解放軍同印度佬係2020年玩石頭大戰個地方，係西藏自治區最西邊皮個邊，就唔係墨脫衣邊既藏南地區。)

RFI衣篇文就好長，不過佢最尾個幾段就講左個重點﹕

用雅魯藏布江下游水電工程來取代墨脫水電站的另一個目的，就是對藏南地區主權的宣稱。雅魯藏布江下游水電工程是習近平親自部署、親自指揮、親自督戰的工程，其最終政治目標是：千古一帝，功在禹上，績蓋毛鄧，武統台灣，收回藏南。

香港《大公文彙網》在介紹雅魯藏布江下游水電工程時，有意（或者無意）將雅魯藏布江下游水電工程的位置標在藏南地區，就是很好的例證。

BBC衣篇文，就更加簡單講左印度佬既諗法﹕

有印度官員將大壩視為對印度的潛在戰略壓力。上月，阿魯納恰爾邦首席部長佩瑪·堪杜（Pema Khandu）向印度媒體表示，一旦大壩竣工，錫昂河與布拉馬普特拉河可能「大幅乾涸」。

他表示，擔心大壩會被中國用作「水彈」。

「假設大壩建成，他們突然洩洪，我們的整個錫昂地帶將被摧毀，特別是阿迪部落及類似族群……他們的財產、土地，尤其是人命，將遭受毀滅性影響。」他說。

我QUOTE左兩個鬼佬傳媒，其實我想講既，並非雅魯藏布江水電站既戰略地位，衣D都只係半題外話。

我想講既，反而係，成個墨脫都係地震帶，沿江都係同吉隆一樣高低落差幾萬億米既雪山。

你望見吉隆泥石流，就好難免會諗到，丫，條藏布江水電站世紀工程，係米又有衣個風險呢﹖

所以，好多人話，大陸封左吉隆泥石流D片，係唔想比人見到天災睇到幾多中國人死，或者唔想比大陸人知道，泥石流攪到尼泊爾邊境滅頂。

我反而係諗，你唔好多事啦，成個藏南去到尼泊爾個邊都好敏感架麻，有人聯想到個世紀工程遲早出事，都唔好啦。

所以，我緊係唔好比你睇咁多片啦。

***********

當然，係大陸宣傳機器以至咩HK01之流口中，雅魯藏布江工程緊係世紀偉大工程啦，例如HK01衣個題，都夠曬感人﹕解密「雅魯藏布江水電站」為何是人類歷史最大工程。

你睇完，就緊係唔好問，成個藏南以至整個青藏高原唔係地震帶就係幾十萬米高山，咁究竟有幾多經濟活動幾多電力需求。

你都唔好問，林芝去最近較多人住既麗江昆明成都有幾遠。你更加唔好問，由墨脫去成日都之類，地理水平高低落差幾大，仲要路都唔多條，咁你要點樣先可以做到電纜西電西輸。

不過，雅魯藏布江衣個世紀工程，其實冇咩既。

你唔見我講左幾次既雄安洪災，其實米一樣。

BBC好鐘意雄安，近排又有篇文回完帶就再回帶講洪安水災問題。咁我懶，照QUOTE我想講既重點算﹕

如果說「疏解」所製造的張力，是人與人之間利益的摩擦，那麼緊鄰雄安的白洋淀，呈現的則是人與自然之間的張力。

雄安新區毗鄰白洋淀，這片華北平原上最大的淡水湖泊賦予了新區獨特的生態優勢，也構成了官方規劃中「藍綠交織」願景的核心。

但在水文學的意義上，白洋淀本身帶有天然的不穩定性：它是大量支流的匯入地，也是整個華北平原最重要的天然蓄洪區之一。華北一旦遭遇大水，這些河流將依照重力與地勢，將洪峰導向這裡。

在雄安宣布成立的最初幾年，中國科學院組織的專家評估就已明確提出，新區面臨高洪水風險等重大問題。評估報告的結論直白而具體：若雄安人口擴張至500萬規模，在百年一遇的洪水情境下，新區已開發區域的近一半將面臨被淹風險。這一警告寫入了學術文獻，但並未改變習近平的決定。

這份風險評估真正接受考驗，是在2023年7月底。颱風「杜蘇芮」帶來的超強降雨席捲華北，北京錄得140年以來最強降水。

應對這場洪災時，官員們的公開表態清晰呈現了決策的優先排序：河北省委書記將雄安新區明確列為全省防洪工作的「重中之重」；水利部部長公開表示，要制定分洪方案，確保北京與雄安新區的安全，並將兩者直接點名為保護重點。

在這樣的優先排序之下，位於北京與雄安之間的涿州市承受了沉重代價。這座擁有約60萬人口的城市遭受了災難性內澇，大量居民事後反映，洪水到來之前幾乎沒有收到預警，部分人僅提前數小時接到通知。

水利部部長李國英後來在官方媒體上也直接承認：如果沒有涿州和蓄滯洪區攔截洪水，下游雄安和天津所面臨的防洪壓力將「非常沉重」。

洪水退去後，涿州部分受災居民聚集於政府門口，手持橫幅要求賠償。其中一條橫幅上寫道：「還我家園，洪水不是天災，是人禍放水所致。」

***************

睇完個QUOTE，你唔好用個SOURCE係BBC黎質疑我。

你自己求其搵「涿州洪水 」，都見到有內媒仲擦到邊 (我早幾年睇冇擦邊個D就而家比人擦曬啦)。例如，財新衣篇要收錢，不過佢INTRO同幅圖都話左比你知﹕

「北拒马河在涿州境内汇入白沟河，后者最终与南拒马河一起，汇入大清河。大清河再往南，则流经雄安新区、廊坊等地。」

咁你唔犧牲涿州，將D洪水放出去，最尾係，「流經雄安新區」，你估會有咩政治後果丫拿。

講開又講，近排睇，高雄又幾勁。上面財新講既河北7大蓄滯洪區，咁原來高雄名陳其邁都係市內整左26個滯洪池。衣D池，平日就係公園之類，大雨就要黎畜洪。

新界北都，有冇衣D野玩丫拿﹖

不過，政府話衣幾年係北區做左好多排水改善工程，之但係前排紅雨，就攪到議會個北都考察團都收皮添。

***************

所以，講返正題。

我另一樣想講既係，洪安其實同雅魯藏布江之類，其實係工程學上，真係痴媽根既咩。工程難做，自然災害風險都大。

不過，偉大領導人有意志，個工程又有戰略意義，咁我地要有與天奮斗，其樂無窮既決心，就咩都唔怕架啦。

香港都係架。

鬼佬當年唔發展新界東北，固然係因為新界係租借，咁緊係唔好攪咁多野；90年代前前，市區地或新市鎮地都OK，就唔好攪鄉佬啦。

而家，香港要發展麻，咁北都緊係順理成章啦。

咁所以，香港成個新界西北部，其實有好多問題，令到成個發展要面對好多不確定性。

林超英早年就講，讀過地理就唔會係新田攪科技城，事關個頭係天生就係水浸黑點。不過，唔怕，人定勝天。

至於成個元朗新界北都係溶洞，土拓署幾十年前做埋個元朗地質研究，跟手都係人定勝天，元朗當年條天價行人橋要17億，因為要打100米深既椿，不過都冇問題，照上立法會扲錢。

天橋之外，元朗工業村附近個公屋盤地下有百幾二百米深既溶洞丫麻，咁米用新科技起樓囉 -- 不過係起得個10層，但係點都要宣傳下，比D自豪感你。

所以，結論係，衣個係國家發展戰略，要溶入國家發展大局，所以，所有難題，都係可以克服。

***********

完。

郵政改革 -- 原來是騙局

我衣篇文，原本個題係「郵政革芻議」。用衣個名，我係純粹扮曬野，抄呀胡適想當年篇文個幾隻字。

不過，打打下，我發覺而家個題好D，所以改左佢。

所以，衣篇文好長，不過最尾個部份先係重點 -- 衣篇文頭一半以至好大部份，都係迎合住衣個「郵政改革」既思路去寫，所以係廢話黎既﹗

ANYWAY，之前打左太多字，講到我好支持郵政改革。

所以，打返篇，我心目中，郵政應該改革既方向，點解改革係騙局。我都順便示範埋比你睇，咩叫真正 (有錢既) (以往) 政府思維。

當然，你睇我衣個post最尾個幾段，其實要解決香港郵政既問題，就非常簡單，絕非譚榮邦或者坊間九唔搭八之類，甚至唔洗好似我之前既post提到既野，講到咁麻煩。

最極端情況下，郵政其實係可以躺平，唔做任何改革都冇問題的。

**********

補多句﹕由於我打打下字先發現衣個騙局，所以下面我特登整個係人都睇到既分界線；分界線之後既，先係真正真正 (有錢既) (以往) 政府思維。

**********

上篇文提過幾個重點﹕

1.郵政2024/25年總營運開支係咁樣，我COPY埋出黎﹕

香港郵政總開支係33.59億，員工成本包埋MPF就係21億 (之前我個數唔包啦)，一般郵務運作係9.8億 (應該包左好多水電媒再加速遞等運輸配套)，折舊就係1.78億，租金就係0.7億。衣度，基本上就係佔開支超過9成。

如果再睇個分項，員工成本係佔總成本既62.58%，一般郵務運作係29.17%，折舊係5.29%，租金就唔理佢啦。

2. 員工薪金條數，郵差郵務員佔左好大比例 (唔用年報，用立法會質詢條數﹕郵政署最新有4,769員工，郵差郵務員已經有3,567人，係佔74.79%)。所以，我之前求其估，郵差再加郵務員 個 合計總薪金係21億。

而家睇埋年報，佢顯示總薪金開支先係21億。咁所以，郵差郵務員既總薪金就可能係小咁幾億，不過都起碼15甚至18億以上 (咁點解衣個亂估既數會差幾億，下面會解比你聽)。

郵差郵務員薪金條數佔個總薪金比例咁大，個原因係，就好似上面咁講，佢地本身個人數佔比好高。另外，其他高薪僱員，包括(1)郵務總監或者(2)非合約僱員入面屬於經理級既人數，其實都係好小數，加埋189人。咁佢地係人工高，不過人數太細啦，最多米幾億；

另外，補多句，你睇多次立法會條質詢，非公務員合約僱員本身就有1,016人，退休後服務合約僱員有70人。兩者加埋，有1,086人，即係佔總員工數22.77%僱員。

唔計上面所講小數經理級員工，衣批非公務員合約僱員，部份應該係保安或者清潔，部份會係空郵中心或者郵政總局之類做場地管理。甚至，部份人可能係應付D咩會議商務拓展做marketing 或者係designer。

(亦所以，就算佢地佔22.77%，不過佔總薪酬開支唔會太高 -- 場地管理做marketing之類會人工高小小，不過保安清潔唔會高過大部份既郵差郵務員囉)。

衣班人係米必須，究竟CUT到幾多人，就唔知 -- 當然，如果縮減業務，就部份人當然可以CUT，我下面會再講。

3. 無論係國際巨頭定係順豐，私人物流公司既淨利率都只係低單位數，最多都係4.X %。

************

睇完上面既背景，個改革其實就係非常之簡單﹕

1. 首先要做既係，縮減而家九唔搭八既業務。

香港郵政總開支入面，租金佔比其實唔多，係人工佔比多。人工多，係因為郵政要做所謂既發展業務，做左好多九唔搭八既野。例如，你係年報，求其搵，見阿「署長的話」講到，係2024年攪左D咁既野﹕

香港郵政於2024年8月舉辦了「電商業務拓展會」，旨在聯繫業界伙伴一同發掘跨境電子商貿的商機。拓展會大受歡迎，吸引了超過150名業界人士參加。我們亦繼續透過與中郵香港的聯合抖音號，協助更多本地品牌進入中國內地市場。透過這些服務，我們期望協助本地和中國內地企業發掘內銷市場的龐大潛力，也協助他們走向全球。

1.2. 你見香港有貿發局、有經貿辦、有投資推廣署、近排仲有好多乜春引進辦之類。咁多人攪衣D野，你香港郵政又要插手攪衣D野﹖

署長仲講，自己同便利店攪咩「智郵站」 -- 你連衣樣野都講埋，足證其實香港郵政係冇野搵野做。或者係，攪咁多野，係要令到個「業務發展部」班人有野做，或者係證明緊自己有做野，嘗試緊改善郵政業務；

1.3.之後係「業務回顧」，年報又再講郵政攪左或者參與左咩「新春電子商貿交流會2025」、「亞洲物流航運及空運會議」，就真係經典；

1.4.最離譜既，係衣段﹕

為紀念中央政府在2024年再次贈送一對大熊貓予香港特區，香港郵政以「喜迎大熊貓」為題發行一張郵票小型張，展現這對「國寶」新成員的可愛迷人風采，並衷心感謝中央政府對香港特區的關心和支持。為配合大熊貓主題，香港郵政更推出一系列以大熊貓為主題的紀念品，並舉辦了廣泛的宣傳活動，包括「大熊貓郵蹤」特別旅程，引領市民前往三間大熊貓郵政局和設有大熊貓裝飾的香港郵政大樓郵政廣場。是項推廣活動十分成功，獲傳媒廣泛報導。

佢係郵局攪裝飾攪吉祥物，你估用左幾多錢﹖當中又有幾多郵務員郵政監督要負責衣壇野，人工開支係幾多﹖

再者，「是項推廣活動十分成功，獲得傳媒廣泛報導」﹖佢夠唔夠膽講，有幾多人去過打卡﹖實際上，衣壇野有幾多收入﹖郵票可能有好小收入既，主題紀念品都可能有千零人會買，但係個收入都唔多。至於個d郵局主題裝飾，就一定冇收入。

當然，衣D係政治正確野，冇人會嘈佢的。

2.上面我講既係佢既所謂業務發展有幾無謂，有幾多空間縮減業務。

如果郵政縮減業務，純粹做郵務，再加埋做下國家郵政同萬國郵政聯盟既活動。

咁的話，應該可以縮減好多部門，前線郵差後勤郵務員人手，就算唔縮減一半，都應該可以減到兩成 (衣樣就要署長AO先會知)。

3. 除左郵差郵務員，縮減業務，另一個可以即時縮減人手既範疇，係個批人數為1,086人既非公務員合約僱員。

上面講過，衣批僱員好多可能係保安清潔場地管理，未必可以縮減好多。

不過，入面一定有好多係做MARKETING、EVENT MANAGEMENT公關甚至設計既人。

即係，你睇多次香港郵政個「業務發展部」，佢入面特別係UNDER高級總監(業務發展)個4個科，即係「對外事務科」、「業務分析及關係科」、「電子商務方案科」、「市場營銷組」，基本上都係非傳統郵政核心業務 。

「對外事務科」可能會做埋應付國家郵政同萬國郵政聯盟之類，總之係香港郵政本業既公關業務。

不過，衣4個科，其實好大部份都唔係傳統郵政業務，入面都應該好多係非公務員合約僱員；衣批人，亦即係我上面講既個批MARKETING人。

4. 當然，衣批非公務員合約僱員，究竟有幾多係唔可以隨便CUT既保安場地管理 (唔通你叫郵差考埋保安牌咩)，有幾多係MARKETING人，外人係唔知的，佢年報冇講。

但係，你當衣班非經理級既非公務員合約僱員 (仲要唔計必須既保安之類) 平均薪金係3萬，每人年薪係36萬。咁你炒到200個，或者係200個合約到期後唔續約，慳到既總薪酬係7,200百萬。

衣個數，好可能係低估，不過係合理。

5. 你要DOWNSIZE衣批非公務員合約僱員個成本未必好大，事關可以自然流失。雖然個人數亦唔知，咁我就當佢慳到1億。

之後，你再用肥雞餐，吸引唔需要既郵務總監同部份郵務員郵差，個度可能就唔需要幾十億 -- 你可以cut既郵差數目，其實都未必可以好多，最多可能係cut一成人手，慳個幾億。

不過，再之後，係現有郵差退休自然流失，之後你新請返黎既人，全部都係用合約制，全數減人工，就算係高級郵差都唔會好似而家既頂薪4萬 (郵差不需學歷，頂薪3萬都大把人做)，咁之後成個員工薪酬開支，點都會由而家既21億減到冇一半都有兩三成，即係4或5億 -- 雖然，衣個過程要時間。

6. 縮減完業務，個9.8億「一般郵務運作」都會減，問題係縮減業務規務係幾大 (仲做唔做小型包裹，就已經好大分別；個空郵中心點處理，又係好大分別)。

總之，如果減去最大個筆21億既薪酬開支，就算只係減兩到三成，再連埋其他業務瘦身，咁最後香港郵政個運作開支，一定會由而家33.59億，減到去20零億。

7. 20零億係咩概念﹖關愛隊兩年撥款，都6.76億；你睇今年個預算案，康文署個預算，博物館 個預算係12.73億，公共圖書館係15.69億。咁郵政如果用20零億去運作，又真係用左好多公帑咩﹖

8.咁所以，如果將郵政downsize，唔玩營運基金，重新撥歸做政府部門，其實有咩問題﹖

9. 再者，最重要一點係﹕同博物館或者圖書館唔同，郵政係有郵務收入。所以，就算郵政運作開支係20億都好，甚至咩都唔做維持返33.59億開支，其實都係冇問題 (衣個我下面會再講)。

相對上，博物館圖書館既收入，係好小的 -- 博物館唔係特展就唔收錢，圖書館最多既收入就係遲還書既罰款。

博物館同圖書館個幾十億開支預算，就真係用左就用左，冇收入可以做對沖，冇野可以收回成本的。

*************

當然，如果要繼續用營運基金模式去攪郵政，其實有個方法都可以，我亦都覺得係work的。

首先，你要記住，香港郵政開支係大，不過其實佢係有收入。

佢係2024/25年，佢既營運入面，係有25.38億收入，只不過佢開支係33.59億。跟手，佢仲有1.36億其他收入，包括銀行存款之類。

所以，佢2024/25年，加埋個收入有27億左右，即係，其實只係蝕左6.84億 -- 如果你當衣個係郵政每年既「預算」，咁同博物館圖書館去比較，6.84億去提供郵政公共服務，就好抵啦。

(題外話，頭先見到，HK01大大隻字話郵政個虧損係8.21億，我唔知佢係比年報某PART FAKE左定淨係想講運作虧損 -- 郵政個運作虧損係8.12億，不過佢有1.36億其他收入，所以成個基金既虧損係6.84億)

就算蝕到10億，都仲係抵。

如果再套用返我上面求其估，郵政運作開支因為downsize減到20零億而唔太影響收入的話，就已經攪掂左件事添 -- 佢收入本身都有25.38億啦﹗

好啦，我繼續用返一直打開字既角度同思路先。

我當香港郵政downsize完，其實佢好多咩電商業務係唔會有錢賺，所以cut左成個業務發展科都唔太影響盈利 (好似千頌c咁講，佢電商郵件個量由3千萬跌到去百零萬咋 -- 再者，衣d郵件每件賺幾多丫)。

咁downsize完，慳到，SAY，8億成本，不過假設係最壞情況，佢收入都跌返幾億喎，咁點算好﹖

其實，好多方法的。

例如，加郵費又得唔知點增加收入都好，例如將部份香港郵政中心租出去，之後收入返返黎，咁每年應該唔會蝕咁多錢。

又再簡化，我亦都當衣個數係未來幾年既謹局，香港郵政加得員工人工就加郵費，所以打後每年都蝕4億。

咁要令到香港郵政繼續營運，每年都可以breakeven，就非常簡單﹕

政府注資100億落去，之後郵政承諾將個100億擺落去美國十年期國債，甚至只係擺返落去政府發行既綠債基建債，其實都有接近4厘息甚至樓上﹗

即係，每年個利息收入，已經有4億，已經可以比香港郵政打和﹗

**********************************************************************************************************************************************************************

騙局分界線

****************************************************************************************************************************************************************************************

寫到衣度，我先發覺，其實件事真係好簡單。

香港郵政係年年蝕錢，成本都不斷上升。

不過，佢有收入，就算收入追唔上成本增幅，咁只要佢做個簡單downsizing，甚至唔洗好似我講cut咁多人，每年淨係慳返幾億同時，盡量維持收入不變的話，咁佢每年只係蝕幾億。

蝕幾億，就好易解決﹕政府放舊種子基金落去個郵政營運基金，運用利息收入補貼郵政服務，咁每年郵政營運基金既「其他收入」即係利息，米可以令條數breakeven，就攪掂所有問題囉﹗

成件事，就係咁簡單﹗

***************

上面衣個方法，其實唔係新野。

你有睇我不斷講既海洋公園，米係利用香港政府係2020年幾次注資之後，每年有好大筆利息收入頂住條數囉﹗

再唔係，早兩年講預算案，我米講左好多政府種子基金既運作囉﹗

你唔記得，可以睇返明報衣條link，睇佢入面個圖得架。

簡單講﹕

係上年，陳茂波米回撥左6個種子基金返庫房，當中包括醫管局個公私營協作基金。

衣d基金，係林鄭以至梁振英時代成立，個目的係乜﹖

就係要鎖住筆錢做種子基金。係運作上，成立時注入個本金就唔會用佢，不過就再利用每年賺取既利息，去應付基金下既已有或計劃或可能既項目。

個時我米講，衣個公私型協作種子基金，米專門係for醫管局做衣d大腸癌青山眼之類既檢查。

因為有個基金，醫管局先越做越多協作計劃；亦都因為有協作計劃，醫管局先有個靈活性去做，亦都有個穩定既資金來源，唔洗等個局或者立法會批錢。

***************

當然，陳茂波要回撥基金，就話衣d基金鎖資源，冇有效運用公帑。

我特登搵返我上年寫篇文時既衣條link，當時陳茂波話，就算取消左個基金，都會「在預留未來五年所需的開支以不影響這些基金持續運作的前提下」。

咁其實，你信佢呀﹖就算信佢，五年後，佢已經唔係度，個所需開支就唔知點系鳥。

***************

well，衣段唔係題外話，都唔係抽水。

我想講既係，當年梁振英林鄭大攪種子基金，甚至玩好多預留撥款 (例如我講過幾次既十年醫院發展計劃)，係因為當時政府有錢，所以有本事設立種子基金，透過基金利息去fund去確保好多計劃或者policy。

要解決香港郵政個問題，如果政府有錢，其實就downsize都可以唔做，擺100億甚至擺夠200億落去個營運基金，規定郵政淨係可以放落去美債或者綠債，每年就有4億甚至8億收入，咁營運基金盤數就一定冇問題。

***************

再者，最尾以下落黎，衣段先係重點。

你擺100億落去個郵政營運金入面，你要評估合唔合理，其實個政策邏輯就好簡單﹕

你政府要將香港郵政攪私型化攪市場化，做一大輪肥雞餐之類既投資，成功將香港郵政轉營私型化做物流公司啦，仲要做到同DHL順豐一樣成功。

之但係，原來香港郵政最終同DHL同順豐一樣，每年都係賺個4%回報，即係同10年期美債一樣。

咁既話，政府同樣扲100億出黎，跟手有兩個政策選項﹕

選項(1)，將個100億 放落個郵政營運金基，之後每年賺個美債4%回報去COVER郵政營運虧損，同選項(2) 將個100億 攪一大輪，仲要額外比肥雞餐出黎，之後先再將郵政私有化，到最後先賺返郵政個每年營運4%既回報 (我假定郵政私有化完會同DHL順豐一樣咁勁啦)。

咁兩個選項，又有好大分別咩﹖

當然，係有分別﹕選項(2)個風險米大好多囉，同埋肥雞餐係冇回報，係之後香港郵政私營化之後先有回報呀下。

咁結論好簡單。

攪咁多野，如果最後私營化結果都係4%回報，咁做咩要攪咁多野，所有野維持現狀，至多擺舊錢去美債到，頂住營運基金條數米得囉﹖

所以，係投資角度，政府將筆錢放落去營運基金投資落美債每年有4%回報，再同你放筆錢落去郵政度攪改革之後郵政每年比返4%回報出黎，其實淨係睇最終結果 (即係唔好理肥雞餐之類其實係冇回報)，係冇分別。

當然，投資落去香港郵政，將郵政私營化，係宏觀市場既角度黎講，都仲係有個分別。

個分別係，郵政落場，如果真係市場化私營化，再利用佢既網絡優勢，包括佢較平租金既優勢係市場競爭，咁之後個結果係，加劇市場競爭，令到順豐小左生意或者利潤率下降，再令到其他細既物流公司執埋粒。

衣個，就係我衣個系列入面，好開頭個POST講既，為咩要香港郵政要與民爭利﹖點解香港要攪國進民退﹖

咁所以，如果純粹講政策，用咁大筆錢攪肥雞餐再攪私營化，為既係乜﹖

即係，回帶，都要講多次。

唔通真係好似譚榮邦咁講，「將有利可圖的業務範疇拱手相讓予競爭對手」，即係讓比順豐，原來係壞事呀﹖

係公共行政以至經濟理念黎講，原來政府見到有業務係有利可圖，就要去參與呀﹖

佢係米痴左呢﹖

香港郵政既成立或者個營運基金既決議MISSION，幾時要同私人公司競爭﹖咁機電署幾時去打市場價格戰，見到個市場有利可圖，就要殺曬D私人公司呀﹖

當然，如果你真係好似譚榮邦咁講，要一帶一路，有政治任務，就當然唔同講法既。

**************

所以，最尾，我打打下先發現，衣幾日我打咁多字，其實係廢話。

要解決郵政，最根本既問題，係要返返去我第一個POST既問題﹕香港郵政既存在，究竟係為左咩野。

要解決個問題，就更加簡單，其實係政府玩種子基金就已經完事。

再者，由公共財政角度，香港郵政每年蝕個幾億，甚至蝕到10億，其實根本唔係問題 -- 就算香港郵政唔改變業務結構，佢每年蝕10億，不過你只要將佢當成開支預算的話，衣個開支預算仲小過博物館圖書館 -- 講多次，你睇今年預算案，博物館同圖書館，開支預算係十幾億的。

**************

最後，現實D講，而家官府冇錢。

再者，而家有頭等同第二等大事，就算政府要擺100億出黎，都係擺落去北都創科園公司啦，下麻。

之但係，坊間講到香港郵政每年蝕個幾億，講到好似好大件事，跟手譚榮邦講埋D咁既野，再跟手邱應樺講到2028年會有個改革方案。

咁的話，我就越黎越覺得，我早兩個POST講既野，就真係似樣啦。

所以，我改埋個題，我真係覺得，衣排咁多人講郵政改革，原來是騙局。

要改革，唔係因為佢營運真係有好大既公共財政問題 (營運問題=/=公共財政有問題)，而係因為佢係政治上要轉型，要主動配合國家發展大局。

************

打埋衣篇文，衣個系列既水準就提高左好多 -- 我都係打打下，再認真睇郵政盤數，先諗到騙局衣樣野。

所以，有時，打字真係可以防止老人痴呆，當做智力遊戲，都唔錯的。

就打完衣篇文，我開頭都覺得自己因為懶唔詳細睇郵政年報，所以蠢左，跟住坊間思路講郵政要改革，浪費時間仲要真係獻醜打左咁多字。

(真係，冇講笑，我今日開頭淨係諗住講，點樣用種子基金黎到解決郵政問題，所以先認真睇郵政年報，睇佢每年蝕幾多的。)

不過，諗諗下，我又幾滿意自己諗到種子基金衣個救亡方向，同埋打打下字引伸出黎我個「原來是騙局」既結論，我都真係幾滿意。

推論到衣個結局出黎，真係唔錯 -- 衣個推論唔錯，衣個結局既預測，都應該會唔錯。

嘿﹗

************

最後，補多句。

其實而家郵政每年都淨係蝕幾億，條數唔大。你注資100億落去，買美國國債，每年利息收入4億，已經COVER到好大部份虧損。

之後你係個營運基金入面，定下硬指標，令到成個營運要面對hard budget constraints，就算慳唔到錢，要求每年開支增長唔可以超過上年之類，咁成件事就已經可以處理到啦。

咁點定硬指標，或者變相既硬指標﹖

所有野，都係制度設計JAK。

例如，你外聘署長，比夠200百萬年薪，不過另加條款﹕如果佢5年任期內成功做到改革，減到開支每年3億之類，阿外聘署長就可以有5百萬花紅，減得越多就越多花紅，又或者係開到新業務有錢賺，都會有花紅。

咁你話，個外聘署長會點做呢﹖

佢見到咁多九唔搭八部門，仲會唔會CUT人，或者令到個D九唔搭八既非公務員合約僱員自然流失﹖

你驚佢為左自己花紅亂黎，咁機制上，佢要做組織重組，個方案要交比個政策局去審批之類，咁米OK囉。

香港郵政咁多無聊架構，要慳幾億，其實唔係難事。

即係，我開頭話，攪改革就要搵個AO去理順成個架構。不過，衣個係大改。

如果淨係做簡單CUT COST，你求其搵個商界既人入去，手起刀落，EASY JOB啦。

************

完。

所謂既郵政改革 (5)

差D唔記得講，補多句先。

如果香港郵政要改革，要做私營化，其實仲有樣好重要既野必須要做﹕

官府可能或者應該都要修訂香港法例第98章《郵政署條例》掛。不過，條例咁長，咁我廢事睇就唔講。

不過，官府就一定要修訂香港法例第430E章《郵政署營運基金》個決議案。

即係，香港法例第430章係《營運基金條例》。咁根據第430章，政府可以藉立法會通過決議，去成立唔同既營運基金。

第430E章，就係1995年係立法會通過，之後以營運基金形式去RUN香港郵政。

你睇上面第430E章條LINK，其實係有講個營運基金提供既「服務」範圍，詳情就係第430E章既附表入面。

如果香港郵政要私營化要做其他野，改變左個營運基金運作方式「服務」範圍之類，咁第430E章就要修改，或者立法會要有個新既決議，去「增補」或者「取代」第430E章。

所以，你見前排話咩立法會通過注資落郵政署，其實都係通過決議，通過左條第430K章，注左46億落去郵政署營運基金。

衣個，理論上啦，係應該由個局去做。

不過，唔係由個有經驗既AO落場，入埋去郵政署做署長，去理順成個改革，知道日後有咩係要郵政做有咩要私營化做，咁又點可以跟手做個新決議出黎，去滿足法例既要求呢﹖

所以，回應返我上個POST所講，衣個就係點解要搵個AO落去做過渡期人物 --  就算唔係真係做大改革都好，邱應樺聲稱有個改革方案會係2028年出台丫麻。

咁到時，就算有咩都好，都好可能要做定個新決議去配合，咁就點都需要搵個AO去睇實成件事的。

你話衣幾年要搵個外人黎做署長，之後叫個坐係局既副秘隔山打牛去睇件事，就真係，算把啦。講得出衣樣野既，都唔知成件事係點運作，做所謂改革時，有咩法律或者制度上既野要考慮 -- 已經唔講我上個POST提及既好多實務組織野。

*********

結論係，原本衣系列都普普通通，冇咩特別意見出到黎。

不過，結合埋衣個法律要求，就寫得好左小小，坊間應該冇人會留意的。

所以，打咁多字，都算有小小意思。

*********

完。

所謂既郵政改革 (4)

擒日擺明唔得閒，所以越打字就越求其，攪到我夜晚都再執小小篇文。

咁而家打埋衣個系列最尾一篇﹕我估既，郵政係會點樣改革 -- 如果真係要攪私營化的話。

***********

第一步，好簡單，記唔記得之前食環署同新聞處既先例﹖

所以，第一件事係，今次傳緊食環前署長阿吳文傑會接任做香港郵政；咁佢做兩年之後，就一定會外聘京東之類既相關人士，去做香港郵政署長 -- 郵政係用營運基金去運作，外聘部門首長其實就仲合理過新聞處同食環署添。

講返正題同小小題外話。

你睇上面HK01條LINK，入面就好低能，問，「郵政署長公開招聘對解決財困更有效」？入面仲要講到﹕

有添馬中人讚吳文傑出任工作能力高，相信是合適接任人。他與前上司、局長謝展寰同被讚主動願意聽意見改善政策。另有官場中人認為，自負盈虧的郵政署倘公開招聘外間商業人才出任署長，對郵政署解決財困更有效。誠然，政務官幾年一調，若欠抱負未必會思考如何解決長遠困境。如郵政署多年前一度計劃動用大額公帑重建空郵中心，如在物流模式轉變、郵件量大跌下，據聞多得有商業頭腦的商經局長丘應樺上任後煞停。

HK01同埋個唔知存唔存在既「另有官場中人」，就係低能。因為，要解決財困，其實係有個事前功夫，衣個功夫，仲要係個必要條件。

個必要條件係，搵傳統AO吳文傑入局，就係要攪掂而家個200個轉職合約制員工之餘，仲要理順成個郵政系統，規劃定將來公私營合作或者賣盤後，究竟有咩人有幾多人可以留、成個組織架構要點重組，之後再決定點樣攪個所謂肥雞餐。

即係，要點樣DOWNSIZING -- 中文係，點迫人走。文雅d，就係裁員。

如果你而家公開招聘，搵個外人做署長，佢點識得做衣個組織重組工作，佢點震得住個班公務員﹖

食環可以搵前長官，因為係要執返食環班友，加強執法力度，就好似秦沛經典對白咁，有殺冇賠。

但係，郵政改革係架構重組，當中涉及好多人事，同埋最複雜既內部開支預算財務安排﹕衣D野，就算你扲住把刀都冇用，係唔識就唔識。

長官唔會識，更楻論係非公務員系統 (即係管財務既SEO或者再上個堆) 同埋 非AO既外人。所以，係衣個過渡時間，搵個AO黎睇住個局，係必需的。

ANYWAY，衣個位置係好重要既另一原因，係因為要做第二步既改革，就要係衣個時間「揀蟀」，睇下咩人要留，咩人要請走 -- 而內部既人，係差唔多時間，必定都知衣個過程。

所以，負責「揀蟀」既人，一定係要熟悉公務員系統，知道將來郵政變身後要點運作，有咩人係適合留低。

************

講第二步之前，你自己望下香港郵政個組織架構先﹕

第一幅圖，就係成個郵政架構；第二幅圖，就係郵政三個助理署長之下，其中一個「業務發展部」既架構 (其他幾個部既架構我唔COPY，你自己上郵政睇啦)。

你睇「業務發展部」個架構都知，部門入面，最大個位係阿助理署長。係佢之下，下面又要整個高級總監，之後阿高級總監下面，再分4個總監，再分管咩市場營銷、電子商務方案等等，就真係攪笑。

衣批人，都應該係高級郵務監督，係公務員體制下總薪級表45-49以上既人，係高級公務員，即係月薪13-15萬，未計政府供既額外MPF同某些可能既津貼。如果係舊制，就更加有長俸有好多不同津貼。

(拿，我再CHECK返，唔洗講高級郵務監督 -- 郵務監督已經係薪級表34起標，8萬蚊月薪，已經係高級公務員鳥。)

當然，衣批總監入面，某幾個位可能唔係公務員，而係合約員工，甚至可能係退休翻炒員工。不過，是但啦，反正都應該係同新制公務員有差唔多福利薪酬。

當然，除此之外，要特別要留意既係，成個郵政架構入面 (即係第一幅圖)，香港郵政設有個副署長職位﹕好大部份政府部門，其實副署長就係該職系可以晉升既最高點。

衣個副署長，係由內部晉升，係最熟悉部門運作個位，佢既角色係輔助由AO出任既署長，去做好多實務野。

你見運輸署環保署康文都係類似安排。

所以，開始講正題。

*************

如果我係政府，要做第二步的話，我會咁做﹕

1. 係2028年提出改革方案，會搵京東同香港郵政合作，香港郵政只做最基本派信服務，所有電商同其他商業服務就由京東以合作名義承包之類；而同京東既合作，仲會講到，京東會補貼埋傳統基本派信郵務服務，即係補貼埋政府服務；

2. 下任郵政署長會由商界出任，至於同京東有冇關係，就我唔知啦。至於副署長，會維持公務員身份，負責基本郵政服務，管理主要服務郵務個條公務員隊伍；

3. 同時，會將組織簡化，副署長會直接管理可能係3個分科，即係而家既郵務、內部審核、同埋組織發展，不過組織發展科而家個6個科，都可能縮減佢；

4. 又再同時，會加插一個同副署長同RANK (WELL，理論上同RANK啦) ，不過應該係私人市場請既職位，名就是但。衣個職位，主要係同京東合作，所謂既監察佢地既表現之類；再盡D，衣個位置可以開個委員會，由衣個職位同京東既人共同CHAIR去管理下面唔同商業發展科；

5. 最絕既係，而家個班高級郵務總監，即係咩市場營銷組總經理之類，日後就要聽名於衣個委員會，要達到佢地SET出黎既KPI之類；

6. 當然，政府緊係好有良心，會係架構重組之前比你選擇﹕你自覺做唔黎，或者就黎退休，我就比個肥雞餐你，等你可以安心退出；你繼續做，你做唔黎，唔該比心機D啦，私營化緊係有壓力架，你選擇留低，捱過，就係新一番天地啦；

*********

第三步要做既，其實同第二步係同步。

所有郵差郵務員，其實係宣佈合併重組一刻，就都係比兩個選擇你﹕一係肥雞餐退休或者離開，二係留薪，甚至係減薪但聲稱日後有花紅之類，之後部份轉職去做電商派遞，部份留返係郵務系統，做最基本既郵政工作。

不過，個前提係，由於改革會大幅縮減傳統業務，所以負責派信既，唔該快手D；轉過去電商既，就唔該睇下京東物流既做法係點，叫你一日送五六七個地址既家電都唔該唔好嘈。

衣個做法既道理好簡單﹕郵差頂薪係3萬2，高級郵差頂薪係接近4萬。郵差有2千幾人，你唔用衣個方法去迫人走，盤生意係做唔到落去。

即係，我又好簡化，你假設郵差平均人工係3萬 (郵差個薪級點係4至13點，10年左右就跳完point頂薪架啦)，將3萬乘2千人，一年郵差人工開支已經係7.2億。

物流行業咁低利潤率，點可能支持衣個員工開支﹖

再者，我係京都做派貨就兩萬蚊一個月，企我隔黎個郵差又係派貨，就三萬甚至四萬蚊一個月﹖

(當然，京東物流特別低利潤率，係要補貼佢自己既電商業務啦~)

當然，做得衣步，其實係好多人會選擇扲錢走，或者做做下都會走，所以係順便做埋成個人手downsizing -- 即係同個批郵務總監一樣，都係CUT人，都係迫你走。

*************

第四步，就差唔多啦。

基本上，就係維持最基本既郵政服務，之後整個機構簡化，將大部份電商服務變相或者以唔知咩形式，比京東承包，咁就完成整個香港郵政改革。

係成個PACKAGE，如果比得京東玩，佢就一定有著數。

唔講佢將來好似譚榮邦咁講，用到國際郵政網絡。淨係用而家香港郵政網絡，其實京東都應該有著數 ---擒日睇個郵政2024/25年報，香港郵政咁多郵局個租金都係7千萬左右。

即係，日後香港郵政淨係做基本服務架麻，佢郵局以至佢個空郵中心應該冇咩生意架啦。之但係，郵政服務都仲要用個郵局架麻，咁京東米淨係夾小小租，不過用埋你個網絡囉 -- 京東好多都係電器較高級既野，自提點就攪唔掂，同埋個倉都要大D地方啦呢。

即係，由生意營運既角度，你諗下，順豐既一個普通自提點，要幾錢租﹖順豐街鋪唔知幾錢，不過香港郵政有D鋪係政府大樓 (堅尼地城就有個) 或者係房委會屋邨既地舖 (即係非領展商場呀下)，你估幾錢租﹖

你又再諗下，係慈雲山馬鞍山甚至屯門，好多街鋪唔多既地區，順豐想租都租唔到，不過香港郵政就係好多屋邨插鳥旗。

如果京都要真係發展香港電商，要自行增加據點，我都唔知佢要點做，會點樣比人抬價鳥 -- 你睇佳寶衣排不停租舖，東大街衣個位租金要成11.8萬，真係唔知佢要賣幾多粒牛丸先交到租。

(我頭先SEARCH，仲見到佳寶用30萬月租係灣仔莊士頓道做幾層鋪，你話係米痴左線丫)

**************

上面既野，其實係最正路，亦都易做，原因有幾個。

1. 點解我成日提京東﹖因為，聽話的鳥兒有獎勵。

佢肯同信置華潤之類參與北都片區首發投地，咁緊係要獎勵，話比人聽，你參與北都有著數。唔參與既，就，WELL。

同埋，我係官府就一定會咁講﹕京東係北都投地，代表佢支持香港既國際物流中心樞紐，代表佢已經有大量投資係香港，所以香港郵政同佢合作係順理成張 -- 佢咁講，你又吹佢唔漲囉。

2. 係商業世界，關於炒人的藝術，早個月其實先有個案例。

上年匯豐銀行併左恆生，同阿波叔講左唔會裁員架麻；咁匯豐真係冇裁員，不過早個月做重組架構，將7大部門整合，其中6個由前恆生高層話事，匯豐既主管要同佢地匯報。

之前唔記得程總裁定邊個有提過衣樣野，不過星島有個咁既報導，個題仲好有趣，叫做﹕滙恒整合第一擊引大反差 涉7大部門 恒生高層掌6個 滙豐主管反需匯報｜獨家。

「大反差」，真係有趣。

3. 即係，你叫班郵務總監日後同京東匯報一樣，都係好有趣的。個結果，同匯豐班BANKER應該都一樣。以往匯豐班BANKER講環球智慧講自己係香港銀行界龍頭傾DEAL都同沙特王子傾 (衣個係李家超希望啦)，咁日後你地就唔該同恆生班地頭蟲匯報啦。

4. 講白d，你叫班郵務總監去比京東班人捽數﹖好多就退休既，都係算把啦，有肥雞餐就好食左佢啦。未到退休年齡既，就睇下隻雞有幾大，都可能算把啦。

5. 最後，最尾一個原因，係京東 (或者其他大陸電商) 黎講，就好似譚榮邦咁講，衣個可能係國家任務。

明未﹖

再者，京東之前收購佳寶，就算冇用40億咁多，都唔知用左幾多十億啦。同郵政合作，扲錢黎香港，支持香港國際金融創科物流中心發展，又真係政治正確囉 -- 已經唔講日後係米發展中東俄羅斯同北韓既物流市場鳥。

咁所以，對政府或者京東黎講，其實咁樣安排，真係最易做 (係政府處理左郵政衣個包袱既角度) 同 最合理 (係京東發展香港物流以至其他政治上既角度)。

***************

最後，半抽水，不過下面衣段又係重要。

擒日QUOTE既HK01報導，譚榮邦同黃偉豪有咁講過﹕

譚榮邦認為邁向公司化並不能一步登天。他認為可以先成立諮詢委員會，引入外部專業意見，以協助郵政逐步轉型。

他 [即係黃偉豪] 認為，較為務實解決目前郵政問題的做法，是成立類似醫管局、機管局的公營機構，改以私人的條款招聘員工，刺激改革。但他提醒，如此一來亦要考慮現有員工作為公務員要轉制的問題，估計以「肥雞餐」處理在所難免。

我就會話，知唔知咩叫「以結果為目標」﹖

新聞處同食環署都搵左長官黎做處長，衣個咁大既改革事前有冇咩研究﹖你仲建議要搵個諮詢委員會，搵外部專業意見，你想講，叫政府搵你呀﹖

香港衣幾年有好多好大既改革，你見咁多城規程序地積比轉移北都咩法例成立埋創科園公司，有搵過咩外部意見﹖

政府應該有搵個外部意見 -- 不過個外部係西環，十零分鐘車程就到啦。咁仲要搵咩諮詢委員會，做D咁煩既野﹖

至於，你話要公務員轉制，就咁轉制就一定困難 -- 所以，你而家搵定AO刀手，2028年提改革方案，到時「利用市場力量」，係員工適應唔到新工作環境而被迫離開，或者提前接受唔知幾肥既「肥雞餐」，就係「以結果為目標」啦。

到時郵政署員工離職潮﹖京東會出黎同你頂，或者係，邊個夠膽出聲，就炳強或者佢下手出黎同你頂啦。

*************

再者，唔係題外話。

其實真係要問黃偉豪一句，醫管局同機管局好成功咩﹖

兩者都係獨市生意，咁醫管局有好大既公共功能，就唔講。

之但係，機管局喎﹗佢獨市經營，但係之前個D決策，就算唔講三跑，我講過幾次個條乜春海天中轉大樓，已經食緊屎；佢攪機場城市，工程延咁多期，攪到新世界11 SKIES食左好多次屎，咁機管局係一個私營化或者公營機構既好例子﹖

講多次，機管局前總裁林天福走個時年薪過千萬。

我唔理林天福任內幾痴線，三跑咩延期有幾多貪污再加上面講既咩中轉大樓。我淨係要問，你講到醫管局同機管局，你想郵政署長又過千萬年薪，或者好似西九馮程咁樣，超過6百萬年薪呀﹖

唔講郵政署長，係公務員系統入面，講到AO最頂層D8，而家月薪係33.6萬，年薪都係4百萬；郵政署長，係D2左右，月薪未夠22萬，年薪都係2百零萬咋。

咁所以，你話要郵政全盤公司化，其實你要處理佢個高層人工薪酬結構，係一個好麻煩既問題。你將佢部份賣比京東或者其他外人，再用類似公務員條款 (可能再優厚小小，或者有花紅之類) 搵條友黎做署長，再繼續由AO或者內部晉升一個人去做副處長，咁個成本結構會易攪好多。

而家AO郵政署署長人工就2百零萬年薪，咁你話有冇外人肯3百萬年薪去做郵政署署長﹖

一定有，冇既話京東都大把人比到你。

*************

真係最後，順手抽句水。

前排公務員去新皇崗演練，搭車去接駁巴士地點可以報銷交通費。跟手，阿勞工界鄧家彪話，「似乎慷慨得滯」。

咁你話，衣個勞工界代表係米一流呢﹖

你睇埋華員會阿會長點講﹕

他又指，上次啟德體育園演練，公務員劃一獲100元車馬費，即非實報實銷，安排引起爭議後，今次新皇崗演練改為實報實銷，可能考慮到議員壓力。他說，理念上正確，但行政成本相當高。

"報銷2.7元車錢，要上司個上司簽名核實。後面財務同事死咁滯，為咗處理10元、8塊，係咪過度慷慨？好難認同。"華員會會長蔡冠龍

所以，肥咩雞餐，其實冇問題的，你估工會仲會出聲咩﹖佢可能會同你講，你個肥雞餐「慷慨得滯」添呀。

再者，事實就話左比你聽，你睇之前勞聯同工聯會班人，分別聲稱同政府去傾個200條友轉合約制，傾左D咩返黎﹖

嘿﹗

*************

ANYWAY，我估政府會咁做，最尾唔會，就當冇件事；會既，我又可以出黎抽水鳥。

*************

完。

所謂既郵政改革 (3)

開始講郵政。

講郵政，第一樣要講既係，佢有咩最重要而唔可以代替既功能。

坊間好多人都唔識講，連郵政署長都亂UIP，係度講下面咁既野﹕

香港郵政昨日公布改以兩年公務員合約續聘今年9月完成試用期的員工，郵政署長戴淑嬈同日稱正全面檢視運作及營運模式，包括郵件派遞模式，考慮減少周一至五的派遞日數；改善郵政局網絡，檢視服務範圍重疊及使用率較低的郵政局，考慮關閉部分人流較小的郵局、縮短服務時間等。

署長係亂UP，事關郵政署有個最核心既功能，就係派送法定文件。

你見衣個系列第一個POST入面，阿林緻茵講左小小。佢係咁講﹕

管傳統信件寄遞的商業價值已大減，但絕大部分市民依然會認為郵政是必要服務，承載着無可替代的公共功能，包括法律文件的正式送達、政府公文書信、偏遠離島居民的物資與信件傳遞、長者與數位弱勢社群的實體通訊權益。

入面最重要既一樣公共功能係，「包括法律文件的正式送達」。

衣句野係乜﹖

好多政府法定通知，或者係好多通知書，都係有規定日期要送達到某人手上。例如，長官要告係不小心駕駛危險駕駛之類，根據道路交通條例，是咁講的﹕

68.擬就某些罪行提出檢控的通知
(1)除第(2)款另有規定外，任何人如被檢控第36、36A、37、38或41條所訂罪行(分別與危險駕駛引致死亡、危險駕駛引致身體受嚴重傷害、危險駕駛、不小心駕駛及超速駕駛相關的)，不得就該罪行被定罪，除非 ——
(由2000年第33號第5條修訂；由2010年第19號第17條修訂)
(a)在該罪行發生時或發生後24小時內，該人曾被警告謂將考慮根據前述一項或多項條文將其檢控；或
(b)在罪行發生後14天內，該人已於裁判官席前被檢控，或已獲送達一份有關的傳票；或
(c)在罪行發生後14天內(不計公眾假日)，一份指明被指控罪行的性質以及犯罪的時間及地點的擬檢控通知書，已送達該人或以掛號郵遞方式送予該人，或送達或以掛號郵遞方式送予該罪行發生時該車輛以其名義登記的人；或
(d)(如屬第41條所訂罪行)該人已根據《定額罰款(刑事訴訟)條例》(第240章) 第3AAB(1)或(2)條獲送達要求通知書，而該人沒有遵從該通知書的規定。
(由2024年第13號第59條修訂)

你睇第68(c)，就係比人影住駕交左碟比長官之後，長官睇完段車cam片，就要係罪行發生後14天內，要比份擬檢控通知書你。

比唔到，就告唔到你。

你話郵政署今日唔派信，所以剛好14天內送唔到比你，就真係攪笑。

除左衣類通知書或者法定通知 (除左長官，就稅局屋宇署等等好多衣類通知啦)，好多律師樓間或者法院既信件，都係用郵政署個印黎到做送達通知日期，要你係14天或者唔知幾多天內回覆。

(所以，嚴格黎講，林緻茵講既唔完全準確﹕如果佢係講「法律文件的正式送達、政府公文書信」 時，加句法定文件就會準確D)

甚至係，你欠銀行欠電話公司錢，都係用衣類形式通知你。

郵政署如果「考慮減少周一至五的派遞日數」，咁佢好多政府法院公文以至其他重要文件，係米要另外處理﹖

衣個，係郵政署最重要既功能，坊間好小人討論。

你唔解決或者考慮衣個問題，就所有野都係廢話。

**************

咁講到一般坊間講既郵政改革，其實又係全部廢話。

好多話，郵政應該要私人化，要做速遞做物流，總之要迎合市場。

咁佢地知唔知，香港最成功做到最大個間速遞公司，即係阿順豐 (嘉里之類性質唔同，我睇佢唔到啦；同埋，嘉里賣左比順豐啦)，個毛利個淨利率係幾多﹖我求其搵，是咁講佢2025年業績的﹕

順豐控股(06936.HK)公布截至去年12月底止全年業績，純利111.17億元人民幣(下同)，按年升9.3%；每股盈利2.23元。派末期息0.43元，上年同期派0.44元。期內，順豐收入3,082.27億元，按年升8.4%。當中，快運業務營業收入421.3億元，按年增長11.9%；供應鏈及國際業務營業收入729.4億元，按年增長3.5%。集團去年毛利升3.6%至近402.84億元。毛利率按年下降0.61個百分點至13.07%；淨利潤率升0.03個百分點至3.61%。

淨利率升左0.03%去到3.61%呀﹗真係要開香檳﹗

即係，順豐已經係私人公司，仲要係市場強者；而速遞物流點都係講economy of scales做得大先賺到錢 (你買左架飛機或者整左隊車隧返黎，都要個量夠大仲要個量係持續咁大，先support到個投資先有錢賺啦，下麻)。

咁順豐做到最大，又可以隨時調節人手加減人工請之類，毛利同淨利先咁恐怖，咁香港郵政憑咩係市場同佢競爭﹖

再者，更加基本既邏輯係，私人市場都有好多唔同公司競爭緊，咁點解要一個公營機構走埋落去到做競爭﹖要公營機構私營化，其實係為左咩﹖

係要透過民營化去補貼公共服務，定係減小政府財政包袱所以成個公共服務脫離公營化﹖

衣個係好基本既問題。

***************

講到衣度，前前前署長譚榮邦個訪問，就衣排成日比人扲黎講，包括阿林緻茵都講過下。除左衣個訪問，hk01都有個相關訪問，係譚榮邦同中大黃偉豪講郵政署可以點變化。

當然，譚榮邦係再早d時間，係kh01有衣篇文，甚至就講左某些我想講既野添。

不過，你睇譚榮邦講想當年，即係2006年左右點樣令到郵政署有盈利，當時譚榮邦點樣想同國際物流巨頭合作 (不過最後尾政府攪禍左啦)，你就要好小心個時代背景。

佢講左好多想當年既野。

真係要想當年的話，大陸當年係未有具規模既物流公司，香港玩既物流都係好細local野，或者就係外國巨頭。去到2010年左右，香港先有順豐甚至gogovan，電商開始之後就有菜鳥有京東物流之類。

2010年之後，世界已經唔同。我上面已經話比你聽，順豐近年個淨利率係3.61%，咁你香港郵政憑咩可以做得比順豐更好﹖

你再睇bittermelon衣篇文，係2023年尾寫，即係入面既數可能仲會受疫情影響。之但係，條數都反映到物流業個情況。佢個重點係咁﹕

再講，菜鳥的盈利能力其實不見突出。就以截至今年6月底第一財季為例，毛利率有13.7%，經營利潤率只有2.1%，淨利潤率更低至1.2%。做100元生意股東才賺1.2元，反映這門生意不易為。是不是行業普遍現象？看看順豐，同期毛利率有13.9%，雖然與菜鳥差不多，但順豐的經營利潤率有4.9%，淨利潤率也有3.9%，兩個數值均較菜鳥為高。又例如FedEx和DHL，兩者同期的經營利潤率分別是5.1%和8.4%，淨利潤率則分別是3.8%和4.9%，全都高於菜鳥。題外話，其實菜鳥不是最差。京東物流(2618)同期的毛利率和淨利潤率分別只有8.3%和0.9%，獲利能力實在慘不忍睹。

咁你明未﹖譚榮邦講既想當年，我唔知當年所謂既國際物流巨頭個淨利係點。不過，上面段quote話，fedex同dhl個淨利率都係低單位數。

咁你就知，所謂既將郵政私營化去做物流，係幾咁困難既一件事。

我求其search，唔覺意睇到阿千頌c係度咁講，其實就更加簡單。千頌c係咁講﹕

4：睇埋數字，至25年3月底止全年，香港郵政處理6.1億件郵件，當中有九成郵件都係做本地；但全年郵件量已經「六連跌」，比起2018/19年度嘅12.4億，依家數量腰斬。

你又會諗，「依家咁多人網購，佢冇食到電商條水咩？」

佢又好有趣地，香港郵政電商郵件量條數，係好反市場而行。2023/24年度仲有3280萬件，但第二年就大跌七成，得返1000萬件多啲，當局仲預計，去到2026/27年，會跌到得返140萬件。

個有趣或者簡單既位，就係，衣個唔係「反市場而行」，而係順市場而行﹕你見唔到，衣兩年多左好多咩菜鳥加盟驛站或者自提點，每件個驛站每件包裹淨係賺你幾蚊，做唔夠兩年就執粒咩﹖

而家係進化到，好多包裹直頭擺街你自己去扲；你扲唔到，我先慢慢搬入倉。

所以，唔講順豐，香港郵政點同衣D驛站去競爭﹖香港郵政個包裹量又點會唔「反市場而行」﹖

**************

當然，譚榮邦係再早d時間hk01篇文講既野咁，都講左另一樣大問題，亦都係我上面講左﹕

其次，港郵營運成本過高，削弱了競爭能力，最主要是因為港郵六七千名員工中約三分二是公務員，薪酬水平比一般物流公司高出很多。我在港郵工作期間，經歷了一次公務員薪酬調整，港郵的工資開支一下子便增加了九千萬元，全由港郵負擔，也不能轉嫁顧客身上，因為當時的局長曾公開責成我不准提出「加價」二字。

你如果要睇香港郵政個薪酬結構，可以睇年報。唔睇既話，睇衣條最近既立法會質詢就得。

衣條質詢問得唔好，不過可以簡單解﹕

1.郵差有2千零人，郵務員有1千5百人左右，係郵政編制最大既職系；

2.你求其search，郵差薪金係由接近2萬到4萬，郵務員就2萬到6萬。

3.咁你同私人公司比，有幾多速遞員係2萬到4萬人工﹖郵務員就係郵局做行政做其他野，有幾多私人公司有6萬﹖

4.最精彩既係，郵務監督，有110人左右。你睇個註釋，衣班人係指「郵務監督職系包括郵政署長、郵政副署長、郵政助理署長、總郵務監督、高級郵務監督、郵務監督、一級助理郵務監督及二級助理郵務監督。」

5.衣班人由郵務監督開始，都係屬於高中級公務員，你自己睇下有幾多人同埋個人工，我都廢事講。

6.上面衣幾項，仲未講個千幾個非公務員合約既員工。

睇完，其實無論郵政今次將唔將個200名試用期員工改做合約員工，郵政點都係死硬。

你如果真係要搵郵政年報，佢2024/25年顯示，未計強積金供款，員工成本係19.49億，折舊成本就1.78億；計埋其他開支，佢個運作總成本係33.59億。

如果要同順風比，我都係唔比，因為順風有外包有好多野。不過，你估順豐有幾多個速遞員有6萬蚊人工﹖

順風做全國全世界咁大生意，你又估佢個運作總成本係幾多丫拿﹖佢個成本收入比會係點丫拿﹖

********

上面衣條數，其實好有意義。意義在於，黃偉豪講咩郵政署要轉型要派肥雞餐。

咁好簡單，你話衣3千5百名郵差郵務員，我當個平均月薪係3萬(衣度肯定企估，不過是但)，年齡係40歲，即係有20年先退休 (公務員早兩年可選擇65歲退休，不過是但啦)。咁你話，衣度要賠幾多億先有吸引力，先可以令衣班員工離職或減人工轉職﹖

我簡單啲，假定要吸引佢地全部離職先。

我就咁將上面個人數x平均月薪x20年，係21億 -- 衣度係未計通脹、強積金供款同部份人係可能entitled既長俸。

衣21億，係大幅簡化之下，衣批郵差郵務員未來可得既收入。你唔起碼賠衣個數，佢地唔會走。

而衣21億，亦都係未計個110個批高、中、中低級公務員。

咁你話，我唔理郵政轉營之後成唔成功，你淨係個肥雞餐都要30億樓上。

我仲未計，你話早前注資助46 億去郵政基金比佢地運作3年。咁但係，如果全面私營化，你又要注資幾多做所謂既種子基金﹖

就算郵政改革後，都要時間先有生意返黎，咁就一定要有種子基金架麻﹖

咁你又比多幾十億出黎﹖

當然，補多句。

如果淨係要吸引班郵差郵務員轉職，個肥雞餐未必需要咁多億。

之但係，好好舊制公務員郵差仍然有長俸有好多野，退休後每個月可以扲舊錢扲到死個日。所以，你要賠比佢地既金額，就點都係好多錢。

而越高級，即係個批郵務總監，佢地既長俸更加恐怖，賠既亦都越多。

所以，就算只係吸引現有員工放棄公務員身份轉職做合約員工，筆賠償都仲係要好多億。

**********

當然，而家個局，其實我覺得幾易睇。

你見唔見，上面阿局長邱應樺話，係注資完之後，2028年就會提出改革方案﹖跟手佢仲咁講﹕

丘應樺表示，郵政署有採用自動化設施，並透過智郵寄、便利店等提供超過800個取件點。他續稱，郵政署作為政府部門，雖然自負盈虧，仍有許多規矩需要遵守，並非普通的商業營運，因此仍在研究如何發展電商，以提升競爭力及增加收入。

我估，政府應該係幾年後，真係將成個電商部門同埋部份郵政局，賣比京東或者菜鳥之類，再只係維持核心服務。

衣個係合理做法，亦都係政治上合理。

**********

即係，譚榮邦幾個訪問，有幾句係要留意﹕

1.發行郵票，零售文創物品的收入只是杯水車薪，港郵應放眼國家、放眼全球。過去是珠三角、長三角，現在是大灣區、一帶一路、中亞，甚至中東，未來將是北非、南美，都是特區和國家銳意發展的目標地區。港郵如在《國家「十五五」規劃》中積極找到參與空間，是其他物流公司千載難求的機遇和優勢，絕對不能輕輕放過，但其中最大的障礙卻是自己在思維上和機制上製造出來的絆腳石，必須剷除。

2.不過，社會有聲音質疑香港郵政是否已成夕陽行業，郵政現在又是否仍有潛力，是否轉型就有救？譚榮邦認為，即使電子郵件逐漸取代了傳統的通訊信件，但實體貨物始終需要物理上的傳遞。若將香港郵政視作一間物流公司來看待，郵政作為萬國郵政聯盟的會員，仍有其優勢，無須自行建立海外派遞團隊，可透過聯盟會員的郵政機構代為派遞。他又指，不少私人公司在遍遠地區都無團隊，反而利用郵政協助派遞，「你自己唔做，人哋就會攞嚟做」。

就宏觀發展而言，譚榮邦認為，香港郵政的潛力更與本港及國家的經濟戰略息息相關。譚榮邦指，他當年已看準長三角及珠三角的龐大機遇，曾嘗試發展，而時至今日，隨着特區政府積極開拓「一帶一路」及中亞市場，這些新興地區的物流需求正是郵政應該大力發掘的藍海。他又以科技發展為例，直指香港未來若要大舉發展創科，當中的高科技產品以至晶片，全部都需要可靠的實體物流網絡運送，都是放在眼前的商機。

佢衣兩段，係我上面quote出黎個幾條訪問link度copy出黎。佢退休後入左新民黨，之後做過咩，你wiki啦。

不過，佢衣幾句，其實係好政治正確，特別係佢講到「高科技產品及晶片」，直頭中埋國家思路。

所以，佢衣度講既野，我真係覺得政府會咁做。

***********

當然，唔考慮政治，佢下面講衣句野，其實我覺得先係最合理﹕

在香港郵政2006/07年報中，當時作為郵政署長我總結説：「長遠而言，我們必須逐步𨤳清香港郵政的未來方向，並決定以何種方式繼續營運。香港郵政如要真正在充滿競爭的市場中經營業務，則營運基金的運作模式只可作為權宜之計，並不能達到持續發展和保持盈利的目的。我們面前只有兩條路可供選擇：第一，是為增強競爭力而進行大膽而徹底的企業改革，第二，也是最壞的情況，就是終有一天要把香港郵政回復為政府資助部門，並將有利可圖的業務範疇拱手相讓予競爭對手。」——20年過去，情況未變，希望不會不幸言中，港郵可能真要打回原形，回復普通政府部門的地位。

衣個quote，佢出自佢係hk01早前寫個篇文。

我係認為，香港郵政應該走第二條路，即係佢所謂既「最壞的情況」。

好簡單，即係，就好似佢咁講，其實係政策上，香港郵政真係應該，「作為公共服務，香港郵政回復為政府資助部門」。

即係，就好似佢係另一個訪問咁講，「若政府現時仍不再開始改革郵政，倒不如復歸政府，只提供最低程度的法定及公共服務」，咁其實有咩問題﹖

佢上面話，「將有利可圖的業務範疇拱手相讓予競爭對手」，又其實有咩問題，點解會係佢講既最壞情況﹖

個問題反而係，點解一個以營運基金形式營運既公共部門 (我已經唔講係政府部門)，要係市場上面同私人機構競爭「有利可圖的業務」﹖

而家香港係要玩國企，學習大大咁樣，玩國進民退，要與民爭利呀﹖

**********

當然，如果政治上，要「配合國家發展大局」，就可能唔係咁考慮啦。

你明我講咩架啦。

**********

最後，我既總結係，佢講既，「倒不如復歸政府，只提供最低程度的法定及公共服務」，其實就係最根本問題。

郵政服務，係有法定同公共服務性質。咁只係提供最低限度服務，其實有咩問題﹖就算蝕錢，因為公共性質，米蝕囉 -- 你唔會話，香港博物館同圖書館蝕錢，所以執曬佢架麻﹖

衣個，就等同我成日講既海洋公園一樣。

海洋公園條例或者係佢自稱既目的都好簡單，就係要提供康樂、教育及保育。

我唔再quote條例啦。

不過，海洋公園攪咁多旅遊九唔搭八既野，攪埋水上樂園 (講多次，衣個係不幸，係睹輸左)，成個機構係人手或者硬件上都膨脹，所以成個營運就死左。

香港郵政都係面對同樣問題。

**********

真係最後，譚榮邦都講過，係佢年代，佢都有好多野想救郵局。

除左佢講既同國際物流公司去傾，佢都講過，佢年代其實攪過郵局提款服務，不過衣類服務都不烏烏之 -- 當時好多阿婆話唔想排銀行，所以譚榮邦就攪郵局提款服務。

之但係，其後金管局攪咩普惠金融，攪到阿婆都識用ALIPAY，攪到連便利店都有免購物提款，所以郵局提款又係收左皮。

由衣個例子，我想講既係，好多野，其實市場一定係做得好過公共機構。你郵政諗到既野，有利可圖的話，個市場都會跟住去做，你之後就會收皮。

就算香港郵政點樣私營化都好，如果佢始終有公共機構身份，就點都唔可能同市場競爭。

所以，你話要改革香港郵政，要先比個幾十億肥雞餐出黎，再搏下私營化 -- 我估，正常既官係唔會咁做，最尾情願不停比錢落去。

當然，而家突然開始玩瘦身，試用期轉合約制，我估係為左某些野鋪路 -- 最直接既估計係，某份業務係會比內地電商接手，之後肥唔肥雞餐就係佢地幫手處理埋。

對京東對菜鳥黎講，佢地用咩方式炒人點樣肥雞餐，彈性就大過政府好多。再者，幾十億，對佢地黎講，都未必係一回事啦。

你見京東係北都插旗，跟手譚榮邦講咩晶片，就似有d野的鳥。

********

今次篇文，其實就冇咩精彩既論點。

最尾，其實係講我認為應該點，同埋我估下政府想點，點攪要攪個合約制瘦身餐。

衣個瘦身餐就唔會為日後賣盤慳好多錢，不過都似係一個誠意金既。

anyway，是但啦。

********

完。

所謂既郵政改革 (2)

未死，咁講兩句。

講郵政之前，先講幾句題外話。

*********
早排見到坊間講郵政改革，我就諗起樣我成日係度講既野。

正所謂，萬變不離其宗，郵政改革，米同我成日講既海洋公園，係非常之類似囉。

大家都係，有條例係背後backup，都係公帑資助營運，有個社會效益，或者係公共責任既mission。不過，同時間，兩者都又要以商業務式營運 -- 而個營運方式係capex大fix cost大，點樣營唔營運都好，都有好大舊錢唔可以停。

我唔駛睇郵政營運基金盤數，都知佢同海洋公園盤數一樣。

當然，同海洋公園相比，郵政盤數既折舊會較細比例，但係員工開支應該會較大。

所以，陣間見我講郵政，其實有小小用返講海洋公園既套路。

***********

第二樣題外話係，市建局。

之前所有係坊間講市建局自負盈虧攪唔掂，要檢討7年樓齡賠償既人，唔該全部同我食屎啦。

我之前講左，市建黎緊今年一定有錢賺。

我甚至好似明報衣條LINK入面咁樣，睇返市建衣幾年虧損收窄，所以我都講過，市建今年應該有錢賺 (不過我廢事慢慢搵返我幾時講過，事關我成日講市建)。

而，冇錯，你睇上面條LINK，明報係講咩話﹖明報係話﹕

市區重建局2022/23、2023/24及2024/25年度均錄得虧損，主席周松崗昨晚在市建局銀禧慶典致辭稱，面對多變外圍環境及物業市場波動，局方以靈活策略應對，並善用資源落實各項工作目標，成功於2025/26年度轉虧為盈，錄得3.28億元營運盈餘。

翻查資料，市建局2021/22年度錄得65.7億元盈餘，及後3個年度均虧損，其中2022/23年度虧損35.3億元，當中營運虧損5億元；2023/24年度虧損39.2億元，營運虧損8.3億元；2024/25年度營運虧損4100萬元，連同26.8億元減值撥備，錄得淨虧損27.2億元。局方最新公布營運帳轉虧為盈，據悉整體亦錄得盈餘，具體數字稍後公布。

睇完段QUOTE，真係要講句，仆你個街丫，我都話市建盤數今年一定冇問題架啦﹗

佢早幾年蝕，係好多收購開始左，資金分紅之類未返黎。而家返黎，米有錢賺囉。

仲有，之前唔記得講，上幾年施政報告米講咩額外地積比計劃，早兩日公佈左啦。個計劃叫咩「額外地積比率先導計劃」，內容係咁的﹕

在先導計劃下，發展商如承諾拆卸位於七個舊區、樓齡達50年或以上、且地盤面積不小於700平方米的住宅樓宇，並重建作住宅用途，將可獲提供額外20%的免補地價總樓面面積作為鼓勵。發展商可以選擇：

（i）向城規會提交規劃申請，建議加大原址重建地盤可建的總樓面面積，上限為20%。如獲批，該額外地積比率免補地價，具體執行安排是以標準金額計算額外20%地積比率的地價價值，抵銷原址重建項目的補地價金額；或

（ii）如決定不在原址重建地盤加建最多20%總樓面面積，可將額外地積比率轉化為地價價值，用以抵銷該發展商於該項原址重建項目，或位於北部都會區及全港其他地區所進行的任何土地交易，包括投地、地契修訂或換地項目所須支付的地價。有關地價金額的有效使用期為10年，其間不獲任何利息，亦不可在市場上轉讓。政府亦不會在十年限期屆滿後就任何未使用的金額支付任何贖回金、補償金或類似款項。

個項目入面講既標準金額，條LINK入面有。例如，包埋九龍城既馬頭角分區圖，個標準金額係$66,000平方米，你當係6,600平方尺，仲平過之前政府送比市建庇利街個塊地。

不過，重點係﹕我搵左陣，都唔知個計劃究竟包唔包括市建局既項目。

我既直覺係，應該包的。如果包的話，市建局日後賣樓，係每個項目可以賣多兩成，而個兩成係折頭價。

不過，就算唔包，市建局黎緊幾年，我都相信仲有錢賺的。

**********

未完。

所謂既郵政改革 (1)

林緻茵：郵政是否公共服務？ 是否必然要由政府提供？ 從香港郵政困局 看公共服務轉型

發布日期 2026年8月25日星期二

【明報文章】香港郵政自2017/18年度起，已連續8個年度錄得巨額虧損，2024/25年度虧損更擴大至逾8億元。政府早前向立法會申請撥款46億元予郵政署營運基金，用於支持其未來數年營運及翻新空郵中心。在通訊高度電子化、私人物流公司環伺的21世紀，郵政服務仍是一個不可或缺的「公共服務（public service）」嗎？這個服務是否「必然」要由政府部門直接提供？如郵政要走向私有化，又有何成功條件？

郵政營運基金的失效

郵政署營運基金在1995年成立，其初衷是改變政府部門「統收統支」的官僚常態，讓郵政署保留營運收入、自負盈虧，當年曾一度是成功的新公共行政範例。

然而在運作30年後的今天，比起其他一些成績較佳的營運基金（例如公司註冊處和機電工程署），這模式在郵政部門上失效，原因在於郵政沒有像公司註冊處般的獨家壟斷權——全港所有公司的成立、周年申報及查冊均為剛性需求，但郵政市場卻是開放的。在電子化浪潮下，公司註冊處得以壓低營運成本，利潤空間甚至比以往更穩定；機電工程署背後亦有龐大的「政府內部市場」作為穩固後盾。相對地，電子化政府的普及，反而大幅削弱了政府內部的郵務需求。

與此同時，郵政承受着「公營與私營的雙重缺點」：一方面，私人電商在市場上完全掌握主動權，形成激烈競爭；另一方面，香港郵政受萬國郵政聯盟（Universal Postal Union）及本地政策約束，郵政背負着「通用服務責任（Universal Service Obligation）」。無論盈虧，它均須維持全港的郵局網點及每日上門派遞服務。郵政署員工主要屬公務員體制，薪酬、增薪點及退休金結構高度僵化，年報更顯示其員工開支高達21億元，人力成本無法隨業務縮減而下調。

改革郵政 先釐清兩核心問題

要推動郵政改革，我們必先釐清兩大核心問題：

（1）郵政是否仍然屬一項必要服務？（2）如是必要服務，它是否「必然」要由政府部門提供？

就第一個問題，儘管傳統信件寄遞的商業價值已大減，但絕大部分市民依然會認為郵政是必要服務，承載着無可替代的公共功能，包括法律文件的正式送達、政府公文書信、偏遠離島居民的物資與信件傳遞、長者與數位弱勢社群的實體通訊權益。這種確保「不論貧富居住地，人人均享有一致且可負擔之基本通訊權」的通用服務，本質上屬公共財產（public goods）與基本權利保障的一部分。

至於這項公共服務是否必然要由政府提供？答案是否定的。公共行政學早已經區分了「服務提供者」與「服務監管者」。香港一些必要的公共服務，例如電力供應，也不是由政府直接提供。事實上，公共郵政營運成本上升，是全球性的問題。全球許多先進國家（如德國）已先後推行郵政私有化。

以德國為例，即使郵政公司已完全私有化，法律依然強制其履行公共服務責任，要求私營資本必須守住「統一郵資、全國覆蓋、法定派遞頻率」三大底線。政府的角色，就是監督私營郵政企業有沒有剝削公眾利益。

香港郵政的改革路徑，不外乎兩條：一是維持政府部門體制，但須拆分帳目、重塑關鍵績效指標（KPI），並聚焦提升優勢服務；二是全面推動私有化。

釐清香港郵政定位與KPI

倘要把郵政保留為政府部門，政府就不能再以單一的「自負盈虧」來評核其表現。郵政的帳目需要拆分為——（A）公共帳戶：將非牟利業務獨立，費用由政府一般收入直接撥款，KPI為其「普及率、市民滿意度與派遞準確率」；（B）商業物流帳戶：包裹、快遞等業務完全按市場化營運，KPI準則為「邊際利潤率、資產回報率與人均生產力」。

其次，香港郵政應深化私企做不到的獨家優勢，同時減少在本地送貨市場的無謂內耗。私營快遞屬「商業報關」，海關查驗極為嚴格，容易產生額外關稅與手續，例如台灣當局通常強制要求收件人需實名認證，並提供身分證號碼，流程繁瑣。相對之下，香港郵政走的是「綠色郵政清關通道」，對小包裹採取較寬鬆的抽查機制。

筆者在網購時，留意到日本電商網站（例如ZOZOTOWN、RUNWAY channel）與日本郵政有緊密合作，平台最推薦日本郵政的特快專遞，因其穩定性高、價錢合理。當包裹飛抵香港，便是由香港郵政接手完成清關與本地派遞。這種基於國際條約的「郵政對郵政」無縫對接機制，是私營物流公司難以全面複製的。故雖然日本國內速遞由「宅急便」等私企主導，但國際郵政網絡卻是日本郵政的絕對強項。

從日本例子可見，香港郵政不能只做被動接單的「後務管道」，而應該主動推動商業拓展，與海外電商平台及內地出海電商建立策略合作。

私有化的成功與失敗原因

隨着過去20年的「無紙化」與「電子通訊普及化」，各國各地郵政早已陸續轉型，香港郵政卻完全錯過了最好的改革時機。前郵政署長譚榮邦就曾在訪問中透露，本港郵政曾與3間國際物流巨頭洽談，卻因政府的「零風險」思維，徹底扼殺了郵政在商業市場上的生存與合作空間。可見，郵政的領導層並非沒有轉型意識，惟繁瑣程序與政府過度的趨避風險思維，卻使談判完全失去彈性。

官僚系統結構和思維，對改革構成一定阻礙。在送貨需求基本上已拱手讓予私企的今天，我們應否完全拒絕本地郵政全面私有化的選項？國際上，郵政私有化措施，有成功也有失敗例子；成功條件之一，是私有化的郵政服務能夠找到「第二增長曲線」的交叉補貼機制。以德國郵政為例，其收購DHL公司之後，成功由一家老舊的國營郵政機構，轉型為業務遍及全球的國際供應鏈巨頭，原因在於傳統信件業務（第一曲線）必然萎縮，企業唯有利用私有化後的資本市場融資與發債能力，大膽開展跨國併購，即發展「第二曲線」。

反之，失敗往往源於政府將私有化視為「甩赤字包袱」的捷徑，既不給予補貼，又要求私企硬扛虧損的公共責任，最終只會迫使私企為了股東利益而縮減服務、壓榨員工。英國郵政私有化的失敗經驗，甚至引發公眾強烈反彈及工會大規模罷工。這給香港提供了深刻教訓：倘若政府監管不足，直接將郵政拋入資本市場，最終只會引發商業利益與公共福祉的劇烈碰撞，導致服務質素下降與社會不滿。

作者是公共政策顧問

原文網址：https://news.mingpao.com/pns/%e8%a7%80%e9%bb%9e/article/20260825/s00012/1787590576321

朱鎔基的遺產 (3)

香港報紙講朱鎔基，好多既切入點都係，朱鎔基點樣支持香港呀，朱鎔基講過過如果攪死香港，佢地就係民族罪人呀之類。

星島仲要整個金句回顧，就真係貫徹香港特色 -- 多快好省夠娛樂性。

咁，唔講朱鎔基同香港咁唔重要既關係，好多傳媒，尤其係即時回顧生平，都係講朱鎔基點樣做所謂既「經濟沙皇」，講佢點樣打擊通脹、大規模國企改革、再加帶領中國入世加入WTO。

不過，沈榮欽篇文講既分稅制改革，可能先係朱鎔基生平入面，最重要既一項工作成果。

*********
沈榮欽篇文，大致講左咩叫分稅制改革。

如果你睇WIKI，個WIKI竟然寫得好好，將好多沈榮欽冇講到，或者佢可能唔識或者唔留意既野，都講埋出黎。

當然，如果要純學術，好深入咁睇中國內地係八十年代開始，去到九十年代早期，衣十幾年既中央地方稅制改革，再睇埋唔同既權力搏奕，咁城大李芝蘭衣本書係絕對一流﹕

本書叫做Centre and Provinces: China 1978-1993: Power as Non-Zero-Sum。

衣本書同我係衣篇文入面講既其他書，我做學生時代真係睇到爛；係我仲有睇書或者讀書既年代為止，衣本書係講中國開革開放以黎，政府間財政制度 (即係中國中央-地方政府間財政制度) 最詳細最好既一本書。

***********
講多次，我下面落黎，講既其實WIKI都有講過下，不過我會有個綜合論述，同埋講埋我既睇法﹕分稅制既出現，其實除左財政問題之外，更加重要既係政治問題。

***********
係整個改革開放過程入面，特別係八十年代，其實都係一放一收既循環，即係一放就亂，一收就死之類。

去到八九六四，其實就係衣個循環既極致。

係經濟上，經過六四，究竟係繼續開放，定係繼續收緊，去到鄧小平南巡就解決。

不過，係政治上，經過六四，經過天鵝絨革命到東歐劇變再去到蘇聯解體，當時中國共產黨以至好多人關心既係，究竟中國共產黨點樣避免衣波革命。

你如果睇上面講分稅制既WIKI，入面有個相關連結，係講到90代年開始係大陸出現既新左派。WIKI入面提到既胡鞍鋼、王紹光、甘陽同崔之元都係好重要既人物；入面提到既汪暉我就唔熟，不過佢最出名既係抄襲風波。

而係衣幾個名入面，同分稅制改革最有關係既，係頭兩位，即係胡鞍鋼同王紹光。

新左派衣個稱呼係90年代中開始出現。

不過，王紹光同胡鞍鋼係90年代初甚至更早，其實已經開始寫野，並且係1993年出左本書，叫做「中國國家能力報告」-- 衣本書亦都被喻為促成分稅制改革既重要著作。

(丫，你睇唔同WIKI，都叫本書做「中國國家能力報告」；不過，胡鞍鋼個WIKI，就錯左，漏左中國兩隻字。又，除左大陸之外，衣本野係香港牛津出版社出既，佢係90年代有個好似係由甘陽負責既「思想與社會叢書」，入面就有一系列衣班新左，以至歐美名家好多好神奇既書)

衣本「中國國家能力報告」，其實重點關注一個問題﹕中央政府係改革開放中擁有既能力。

所以，本書講既國家能力，其實係中央政府統籌國家既能力報告。

如果你有興趣睇分稅制改革內容，或者分稅制改革既前因後果影響，你睇WIKI都可以。

不過，「中國國家能力報告」入面，其實你去返胡鞍鋼既清華研究所，而家都仲有個本書既攝要比你。其中最重要既幾段係﹕

国家能力对一国工业化进程产生着深刻影响。一个国家的经济越落后，工业化起步越晚，国家在工业化过程中所发挥的作用就愈大。因此，对于各国来讲，提高国家能力特别是提高国家汲取财政能力，也就成为最重要的国家能力，它是实现其他各项国家能力的基础。欠发达国家提高国家汲取财政能力是尤为重要的。它是摆脱贫困落后，实现经济起飞，缩小与发达国家之间差距的最主要的条件之一。

强化国家能力，就是强化国家动员和汲取社会资源的能力。反映国家汲取财政能力的最主要指标：一是财政收入占国民收入的比重；二是中央财政收入占国民收入的比重。

国家能力对中国发动工业化具有最主要的影响。国家能力是一个国家实现工业化、现代化最主要的条件之一。从1750―1950年的二百年间，在世界性的工业化与现代化发展过程中，中国经济走向衰落，由世界经济最强国变为世界经济弱国，始终未能出现任何意义上的现代经济增长，迟迟不能正式发动工业化。

其中最重要的原因之一是中国缺乏一个强有力的具有明确现代化目标与意志的中央政府以及强大的国家汲取财政能力。在1949年以前，国民党政府财政收入占GNP比重从未超过7%，其国家能力十分低下。本世纪50年代以来，随着中华人民共和国的建立，中国建立了一个强大的中央政府，在极短的时间内迅速强化国家能力，发挥财政与税收的现代国家职能，财政收入占国民收入比重提高至三分之一，比国民党政府具有4―5倍的汲取财政能力，经济增长率在“一五”时期达到高速度增长，标志着中国进入现代经济高速增长的重要时代，为中国工业化的成功起步、迅速建设工业化体系创造了前提条件。国家汲取能力由小变大，中央政府由弱变强，是中国实现经济高速增长的重要原因。

――中央控制宏观经济能力下降。形成各自为政的“诸侯经济”，层层小而全，大而全，自成体系，地区封锁，贸易壁垒。经济是政治的基础，经济实力决定政治权力。“诸侯经济”将会导致政治衰退，中央权威和权力不断流失，任其发展，其后果是令人十分忧虑的。

衣幾段，其實係好代表到胡鞍鋼、王紹光、以至後來大陸新左派既思考方式；衣種思考方式，亦都同共產黨之後既施政結合，體現左係好多野身上 -- 1994年分稅制改革，只不過係一個開始。

最簡單講，整個分稅制改革，以至衣批新左派背後既哲學或者邏輯，其實都係國家主義，或者係國家資本主義。

根據衣套思路，係改革開放、經濟發展期間，社會同經濟係有好多問題。所以，中國需要一個強大既中央政府，能夠係唔同環境下調控經濟，甚至就「計劃經濟」/「經濟規劃」作出指示。係政治經濟學上，亦只有強大既中央政府先可以制衡唔同既地方利益團體，實現國家既經濟目標。

所以，分稅制改革，其實唔止係沈榮欽同好多人講既經濟或者政府財政問題。

分稅制改革，其實係一個政治經濟學，即係咩political economy既問題；當然，再更加基本既，甚至更加係單純既政治考慮，去考慮點樣增加中央政府權威，增加中央政府指導控制整個社會既能力。

********
總結既係，係衣個意義上，其實分稅制改革先可能係朱鎔基最重要既政治遺產。

如果冇1994年既分稅制改革，將地方財政權收歸中央，之後胡鞍鋼王紹光口中既“诸侯经济” -- 特別係南方各省即係廣東 --究竟會點對抗中央﹖

如果冇分稅制改革，就好似BBC回顧朱鎔基生平時既衣句，「當時中國財稅體制極其落後，各省上繳積極性低，1992年中央財政赤字1000億元，甚至到了有機關沒錢發工資的地步」，咁你話之後仲講咩國企改革，咩中國入世﹖

所以，分稅制改革，係好值得講既 -- 至於沈榮欽同好多人講，分稅制導致地方要倚賴賣地收入，要攪城投公司，甚至沈榮欽講到，「地方政府逐漸依賴出讓土地獲取收入，推高地價和房價，形成對房地產的深度依賴」，其實就太remote啦。

再者，大陸有好多吹水網，講到廣東點樣反抗分稅制改革。不過，hk01衣句，「為說服反對聲最烈的廣東省，他在兩個多月裏走遍17個省區市，瘦了5斤肉，最終以「土地出讓收入歸地方」為條件換得廣東同意」，其實就都係fact，亦都係當時既政治現實﹕當時廣東就算自己收埋好多，都貢獻左兩成以上既全國稅收；你攪改革，扲走廣東自己7成有多稅收，咁你唔搵野交換，就緊係同你死過啦。

再者，你九十年代玩分稅制，之後到地方政府玩城投公司，再玩房地產土地經濟，係好多年後既事鳥。你唔用而家既眼光去睇，九十年代大陸當時既土地，其實又值幾多錢呢﹖

*************
最後，講兩句新左派。

胡鞍鋼衣批人，其實唔知係受成長環境、本科教育、定係政治天性影響。佢地班人，基本上都係國家主義或者保守主義者。

所以，雖然佢地都會講「民主」、「權利」，不過佢地都會共產黨一拍即合。

你見胡鞍鋼同王紹光既「中國國家能力報告」推動左分稅制改革，之後胡鞍鋼主持清華國情研究中心，再到成立清華國情研究院仲做埋院長，基本上佢係真正既國師，甚至直接參與多次既五年計劃做專家委員。

你睇佢個百度，寫得詳細過wiki。相對於同期好多人，又或者後例如幾年前「因為性騷擾指控而出走新新加坡再返中大深圳分校做院長當代中國高等研究院院長」既後一輩新國師鄭永年，其實都係唔同級數，影響力都冇咁大。

亦所以，你見胡鞍鋼係習大大上台之後，全盤吹奏習大大，其實好可能同佢本性主要冇違和 -- 佢相信既，就係國家權威。

甚至係，去到2018年，佢吹大左，講到大陸已經超英趕美，攪到出現所謂既「倒胡運動」。之但係，衣班人，其實同習大大好多既理念風格都好似。

你見習大時期開始既國企回歸，再到用整個國家精力去攪咁多灣道超車，又再到covid之前不停講大國崛起民族自信，其實都係班新左派幾十年黎留低既手影。

所以，你睇上面wiki即係衣條link講既新左派，要好留意既兩點係，入面講既傳統左派或者毛派或者白紙運動入面既毛派學生，其實同衣班新左完全無關。

甚至係，wiki入面整個「社會運動」section，都同衣班國師類既新左無關。

第二樣要留意既係，wiki最尾個段「批評」﹕衣批新左，係西方基本上就係右，或者係極右。

*********
最後，其實成篇文我都係懷舊下，講下自己好多年前比較深入睇過下既野。

上面成篇文，其實有個重要既英文字冇出現過。個字係﹕STATE CAPACITY。

衣隻英文，中文譯做「國家能力」。不過，佢英文其實更加精準。

STATE，其實係「政府機關」。相對於「國家」，state係更加精準，解釋上面衣班關心「國家能力」既人，其實係講緊乜的。

**********
真係最後，差D唔記得我想講，亦都係最重要既野﹕

你見習大同地方政府衣幾年不停攪遠洋捕撈，又攪全球徵稅，再攪埋追你廿年資本增值稅，就固然係因為冇錢啦。

另一個原因係，要攪咁多高科技晶片灣道超車，其實就要錢，要財政收入，即係上面講既國家能力。

如果再吹遠小小，配合埋而家收緊高科技咩人才出境，甚至唔比外國資本投資敏感企業，就越黎越多人吹，習大大攪緊先軍政治 -- 你唔明衣個TERMS，就自己查，我廢事比埋WIKI你。

不過，WELL，唔係有2018年中美貿易戰，再有普京係烏克蘭打到成PAT屎，咁胡鞍鋼會繼續唔知真心定假意繼續配合大大，係度吹奏超美趕美。

至於台灣，就會好似我之前咁講，唔打本島都打膨湖金馬 -- 至於而家夠唔夠膽打，WELL，究竟要清洗幾耐軍隊，習大先有起碼既安全感丫拿﹖

不過，而家既另一樣安全感，係晶片，係人工智能，係要超美趕美 -- 唔係的話，你睇日後係玩無人機玩人工智能玩星球大戰，你冇衣D科技，就只可以比人玩鳥。

所以，做乜要用全國之力做衣D灣道超車﹖

唔止係經濟原因的。

**********

亦再所以，講分稅制改革，講新左派，講STATE CAPACITY，其實而家係有意義的 -- 相對上係胡溫年代，意義更大。

咁樣，你明我講咩架呵？

而家攪咁多野，其實都係要提升國家能力 以及更深層次既政治安全。所有野，同當年新左派一直以黎關心既，從來都冇變的。

**********
完。

朱鎔基的遺產 (2)

即係咁，我覺得我早兩日講市建講李家超個POST幾好。

真係話口未完，追光者就引宏福發展局證詞，講返家超 (其實再加炳強同漢豪) 當日點樣亂up，話要全面取代竹棚改用鐵架。當日家超咁快就走出黎講要取代竹棚，真係唔知係有人feed錯野比佢丫，定係佢條件反射隨口up。

不過，就算有人feed野比佢，都唔洗咁快條件反射，講到實牙實齒架麻。

ANYWAY，我原本唔想打字，廢事之前既post咁快沉低。不過，早兩日見到沈榮欽篇文 (唔知點解，FB成日feed佢d野比我的)，攪到我又想講下。

又不過，講明先，下個post開始講朱鎔基，係講好悶既歷史。放係今日，係有價值，不過係歷史價值，係有小小意義，不過冇咩實際用途的。

基本上，我之後個post，其實只係自己既一次自我懷舊。

朱鎔基的遺產 (1)

沈榮欽

【朱鎔基影響中國最深遠的政策之一】

媒體討論朱鎔基政策大多著重於他擔任國務院總理的施政，不過他擔任副總理時做的一件事，對中國的影響巨大，延續至今。

1991 年朱鎔基從上海到北京成為國務院副總理，表面上是總理李鵬提名，增加兩名副總理之一，實際上是鄧小平拉拔。

當時常務副總理姚依林身兼政治局常委，才是真正的經濟與財政金融負責人，不過姚依林和李鵬都是傳統官僚，和鄧小平路線有所差異。姚依林已經 74 歲，隔年就是十四大，本來已經將部分經濟管理權限交給朱鎔基，後來更以身體因素為由，讓朱鎔基主導經濟大權。

果然在隔年的十四大，朱鎔基罕見三級跳，從原來的中央候補委員，跳過中央委員、中央政治局委員，直接晉升為政治局常委，鄧小平視朱鎔基為實現其路線的主要推手之一。

朱鎔基反貪，但是他兒子朱雲來之後擔任了中金公司總裁兼執行長，主導中國大型國企上市與重組案而發了大財。他的國企改革影響深遠，改善國企效率，但也讓不少人失去鐵飯碗而抱怨連連，尤其是他早年工作的東北。他主導中國加入WTO，固然令中國經濟受益並成為世界工廠，但是中國不遵守規則卻讓世界受害。

除此之外，朱鎔基在副總理時期實施的分稅制，對中國影響巨大且深遠至今。

分稅制牽涉到國家稅收多少給中央，多少給地方，決定了地方經濟分權到什麼程度，以及中南海強大到什麼地步。

毛澤東掌權後實施計劃經濟，絕大部分的稅收都是中央的。但是每次中央犯大錯，中央分到的錢就會變少。比如說大躍進餓死幾千萬人之後，地方的稅收就會大幅增加；文化大革命後，地方的稅收也大幅增加。中央沒大錯時，就會慢慢把錢集中到中央。

這對中國經濟發展有重大影響，但這不是我們今天要談的，而是中央地方吵來吵去，終於在 1980 年代開始實施「財政大包乾」制度。

一開始只是在廣東、福建兩省試行，1985 年開始推廣到全國，此後中國財政就變成「強地方、弱中央」。

中國「全面大包乾」就是地方政府只要把事先和中央約定好的錢交給中央，剩下賺再多的錢都歸地方政府自己支配，這樣中央可以有穩定的收入，地方有誘因發展經濟賺更多錢。

但是只要對中國官場文化有所了解的，都可以猜出接下來會發生什麼事：地方開始鑽漏洞，避免將錢上交中央。

為了不讓中央發現地方其實很有錢，從而在下一次談判中提高上繳基數，地方政府會減免本地企業稅收，讓企業把利潤留下來，不用交稅，而是透過「企業贊助」、「集資維修」或各種名目，直接把錢花在地方的城市建設、員工福利上，形同對中央「逃稅」。

地方政府發現，只要收入列入「預算內財政」，就可能被中央按比例抽走；於是，地方政府大力發展「預算外收入」，例如地方政府巧立名目，向企業和市民收取各種「行政規費」、「集資款」、「攤派費」。

這導致「強地方、弱中央」，還發生過中央向地方借錢發工資的案例。

朱鎔基在 1994 年副總理期間推行的「分稅制」，就是要讓中央變強、削弱地方。簡單來說，錢是這樣分的：

中央稅：關稅、海關代徵的消費稅和增值稅、消費稅等。
地方稅：營業稅（後改為增值稅）、個人所得稅（後改為共享）、城鎮土地使用稅、房產稅等。
中央地方共享稅：如增值稅，一開始中央分 75%，地方分 25%。

本來在全面大包乾下，中央的錢低到只佔 22％，分稅制後，一下子跳到 56%。稅務明確而且取消了一些地方東藏西藏的錢，全國財政收入佔GDP 比重從 1993 年的 12.3% 提高到 2012 年的 22.6％，給了習近平向外擴張的資本。

而且朱鎔基老奸巨猾，財權上收後，事權卻下放。中央拿走大頭稅收，但教育、醫療、社保等支出責任仍主要由地方承擔，導致基層政府財政壓力巨大，成為「強中央、弱地方」
地方政府錢不夠的情況下，只能依賴兩種收入，一是中央的移轉收入，讓地方更聽命於中央，尤其是貧困地區，造成中國區域發展不均，有錢省份和貧窮省份差距更大。
另一則是為填補財政缺口，地方政府逐漸依賴出讓土地獲取收入，推高地價和房價，形成對房地產的深度依賴。

這是因為當年分稅制談判時，中央為了安撫地方，同意將土地出讓收入（賣地錢）留給地方政府，催生出過去二十年「土地財政」的狂飆。

在分稅制下，地方政府常年入不敷出，且《預算法》最初規定地方政府不得直接發行債券舉債。為了繞過限制，地方政府發明了「地方政府融資平台」（也就是城投公司）。

也就是地方政府將土地等資產注入城投公司，由城投公司向銀行借款或發行債券（城投債），把錢拿來修路、建新區。這些錢表面上看起來是公司債，實際上是地方政府債務，因此中國的隱藏債務才如此之高，在房地產市場泡沫破裂後，成為中國地方財政的未爆彈至今。

到此各位應該明白，外國主流媒體大力稱讚朱鎔基是中國資本主義與市場經濟推手的說法為何有爭議，朱鎔基的確推動了一些市場經濟，但他更像是鄧小平改革開放政策的推動者，國家主義一直是他施政的一個重要元素，或者說是國家主導的市場經濟，並非西方所認知的資本主義。

香港當前面對的結構性問題 (5)

以下落黎，係完全題外話。

不過，講起咩牙醫在港非法執業問題，我有樣相似既野想講好耐，咁而家講埋。

*************

其實之前都講過，你無論係裝修街市賣生果再到中港車，其實全部都係黑工多到你數唔到啦。最新個單係，中港車塞爆紅館，搶曬永東旅遊巴D生意。

你話政府知唔知，緊知架，米定時做下SHOW拉幾件蛋散囉。

除左衣D，其實成個旅遊業，應該有超大量黑工。你唔明我講咩的話，你睇衣段新聞就知﹕打擊黑導遊攝影師 兩內地女被捕。

即係，根據新訂立既第634章《旅遊業條例》，導遊同經營旅行代理商業務既定義，其實係好闊。

你睇第634第37同38條講咩叫導遊同領隊，最簡單講，「導遊服務 (guiding service)指就在香港的行程或令人感興趣的地方，提供資料、描述或解說的服務」。

再睇第634章第5條「經營內地入境旅行團業務的涵義」，其實就仲闊，佢係咁講﹕

5.經營內地入境旅行團業務的涵義
任何人如代內地旅行代理商所組織的內地入境旅行團，獲取任何以下服務，即屬經營內地入境旅行團業務 ——
(a)提供觀光或遊覽令人感興趣的本地地方的服務；
(b)提供食肆膳食或其他備辦膳食的服務；
(c)提供購物行程的服務；
(d)提供與(a)、(b)及(c)段描述的任何服務相關的本地交通接載的服務。

所以，你唔好話去尖沙咀中環睇住D大陸攝影師做生意。你去西貢東霸行一轉，見任何人扲住旗仔，基本上都係符合入境團既定義，因為佢地都係「提供觀光或遊覽令人感興趣的本地地方的服務」。

咁你話衣D團有冇係香港註冊登記，甚至淨係話衣D團個導遊有冇領牌係米黑工﹖

求其搵，之前星島竟然有報導過類似既行山團黑工導遊，不過就算入境處做野，都應該做下樣個隻。

**********
咁我想講既野係乜﹖

結論係，我唔係想講黑工，我想講既係，之前幾個post，米講過明報同咩立法會數據透視話，來港旅客消費大減既。

我好相信，衣個係實情。不過，其中一個消費減既原因，我唔記得講既係﹕大陸團以至個人遊d網紅小姐姐，衣幾年都興一條龍丫麻，即係就算自由行都好，都會搵上面講既淘寶地陪攝影師之類。

衣個問題，其實係大陸旅客好common既問題，個問題係全世界都出現。

即係，上年大陸抵制日本，唔比大陸團去日本旅遊既。咁日本仔就竟然話，影響唔大，事關大陸團好多都係一條龍服務自己人。報導入面，最重點個段係咁﹕

日本記者姬田小夏2023年11月曾在自己經營的專欄「China Report」中，針對中國企業在日一條龍服務，導致日本企業很難從龐大的中國旅客中賺到錢的現象，撰寫專題報導。內容指出「從郵輪、巴士、免稅店、飯店、餐廳，全被中國業者一網打盡」，就連物流也被中國企業搶先商機，讓當地日本企業幾乎無甜頭。

當然，上面條LINK係求其搵，冇最重點個樣。最重點既，求其搵，衣篇報導就有講﹕

然而，中國這波抵制卻是重傷自家人。因為中資企業早就在日本擁有俗稱「一條龍」的產業鏈，從住宿、交通、娛樂到餐飲，整套行程都由中資企業包好包滿，不但服務講中文，支付系統也都是用中國的支付平台完成。

知最重要個句係咩未﹖

「支付系統也都是用中國的支付平台完成」。

咁你明我想講咩架麻﹖

即係，大陸係日本仔玩個套，其實上面第一條link就話，馬英九時期既台灣已經係咁玩啦。

而係香港，都一直係咁玩，你係COVID之前攪到土瓜灣污煙漳氣專湯內地團購物點，或者係同區某些食肆，你估係咩人開既﹖我唔查唔上網搵，都估到。

你再加埋支付寶，係COVID前都唔見好多香港舖頭可以用大陸支付寶，不過COVID後就勁多舖頭可以使用，你用大陸支付寶仲有紅包可以搶。

咁究竟一個大陸旅客黎到香港，用大陸支付寶比錢，究竟香港金管局知唔知呢﹖ALIPAYHK有扲到金管局個支付工具牌照，但係大陸ALIPAY又點呢﹖

我求其上網搵，係見唔到有人講衣個問題。

當然，日本仔其實早排又講過，明報段新聞要PAYWALL先睇到，不過段INTRO係咁講的﹕

內地支付工具繞過金融體系 日研對策 引起避稅洗錢等疑慮 財相：問題嚴重

發布日期   2026年3月18日星期三

【明報專訊】內地為訪日旅客其中一個主要來源，不少日本商戶設有支付寶、微信支付等內地支付工具方便內地旅客消費，不過有日本國會議員關注，在日本使用內地支付工具時，資金不經過日本金融體系，而是在中國的支付系統和銀行之間流動，認為會引起稅務監管、洗錢和社會問題。日本財務大臣片山皋月回應，相關支付工具不在日本國內結算，沒有...............

衣d日本仔提出既問題，係香港就唔會係問題啦，我地要溶入大灣區架麻。

不過，衣度點都會影響到「內地旅客在港消費」條數，是關越多內地旅客用「大陸支付寶一條龍內循環大法」的話，咁筆錢根本就冇進入香港金融體系，咁你就好難係好多零售銷售統計數字反映出黎。

又再不過，當然既係，衣筆數又唔會真係好大，事關大陸支付寶都應該係小額交易，你去LV唔會用支付寶架麻。

又再者，你見旅發局交比立法會份工作計劃，都會有個 過夜旅客平均消費之類幾個數既，亦都有咩旅客滿意度之類。

以往旅發局就好誠實，會係份文件份面有個附註，講埋個數係點得黎 -- 不過，上面條LINK份最新工作計劃，就冇左個附註。

個附註係乜﹖求其搵，衣份旅發局出既旅遊業概況月刊就有寫出黎﹕

離境旅客調查

旅發局全年進行離港旅客調查，並透過面談訪問及電子問卷進行資料搜集，研究計劃採用系統隨機抽樣法以收集旅客的主要訪港目的，旅客的行程，消費和訪港旅程滿意度等。2025年上半年的樣本數目約78,000人。電子問卷有16種語言可供選擇，方便與來自界各地的旅客進行訪問。受訪對象為16歲或以上經香港10個主要口岸離港的海外旅客(即高鐵西九龍、香園圍管制站、香港國際機場、港珠澳大橋、中國客運碼頭、港澳客運碼頭、羅湖管制站、落馬州管制站、落馬州支線管制站、深圳灣管制站)。

離境旅客研究計劃是一項大規模研究，故此，旅發局採用了一套完善的核查系統，確保所得資料的質量。這包括為訪問員提供全面的訓練、現場督導及核查、全面審核已完成的問卷，以及將編碼、查驗正誤及審核等工作電腦化。

YES，年年旅發局講既過夜/不過夜旅客消費數字，其實都係由衣個離境旅客調查到搵返黎的。

衣個消費數字，並非統計處實數，亦都冇可能由統計處到搵方法扲出黎。不過，衣個數字咁多年都係咁做，所以都或者可信，但肯定可以比較的。

anyway，由於旅發局個「不過夜/過夜旅客平均消費」個數其實係由「離境旅客調查」，所以就同旅客消費有冇經過銀行系統無關，純粹係同旅客自己點up有關啦。

亦都所以，我講完一大輪支付寶可能產生既問題，可能低估大陸旅客在港消費。不過，個影響又可能冇想像中咁大，可能只係幾億之類 -- 就算內地劏客黑點全程用大陸支付寶交易，d專做大陸客既購物點公司，都應該有交稅掛。

或者係，佢地一直都冇交稅，所以就一直冇咩影響。

************

完。