我擒日原本想講兩個旅遊野。
**********
第一個係機管局接手新世界11SKIES單野。
衣單野一出，好多人又講咩鄭志剛志大財疏呀，今次機管局要出手救新世界之類呀。係程總裁個FB入面，程總裁都係咁既論調。
衣D，係廢話。
不過，係程總裁個THREAD入面某些留言，就有返D水準。
有個留言仲講左個重點，大約係，機管局都有責任，事關無論係T2定亞博二期，全部都工程延期。
結果係，一方面攪到11SKIES冇人流，另一方面成個商場係比唔同工程地盤圍住，聲稱條連接橋仲未見影，地面想入去個商場都難。
**********
即係咁，2022施政報告講亞博二期擴建幾時攪掂﹖NOW話係力爭2027年喎。而家呢，肥局長係2025年既年頭講過2028年會攪掂，不過我係唔信。
我唔信既原因係好簡單﹕亞博二期擴建其實由遠古林鄭時期已經講緊要研究，不過因為疫情期間要攪乜春方倉先拖到2022年施政報告入面落實；跟手，唔好唔記得，機管局做親所有工程都有延誤，咁亞博又點會係例外﹖
相關既係，T2其實都係延期。
你見2024年個時，彭博出左個報導，話T2同三跑中跑道重置全部延期，當時運輸物流局幾勇猛反駁。不過，報導入面講既「原定於今年底完工的新二號客運大樓預計於2026年才能準備就緒」，最終係幾時啟用呢﹖
所以，THREAD個留言講得正確，你與其話係鄭志剛問題，不如你問下，點解扲到個項目之後，所有配套都唔對現﹖
點解係得新世界阿鄭生傻仔左，個商場就如期落成，其他配套就口輕輕有排先見影﹖
你可以話，佢信政府同機管局就係低能，比佢地扼左；不過，唔好淨係blame the victm先得架。
話時話，「信政府」，有錯既咩﹖
************
小小離題。
醒起，上面講既，其實一般坊間資料，係仲有小小唔準確。事關，早兩日睇樓聲機個FB，佢就咁講﹕
【樓聲獨家！二號客運大樓抵境大堂，最快明年才啟用，11 SKIES 想要旅客麻煩等多陣】
本港多家媒體近日報道，香港國際機場二號客運大樓（T2）新旅客離港設施正式於2026年5月27日投入服務，主要服務廉航旅客，首批15間航空公司，當中包括香港航空、香港快運航空及大灣區航空等，將分階段遷入，預計6月10日前全面完成，迎接暑假旅遊旺季！
近日小編到T2望過，發現人流不多，小編再向消息人士打聽，他說原來T2現時僅開放離境大堂，希望可以服務旅客離港，不過抵境大堂仍然有部分工程仍在進行，如果順利的話，估計要待明年中甚至明年底才能落成，到時旅客才可以經T2抵港。
即係，你睇咩陳美寶網誌甚至睇機管局自己個新聞稿，都係話T2開始運作，或者機管局都要強調「二號客運大樓離港程序首日運作暢順」。
咁不過，原來入境客，係要用返T1離境。
咁結論係，機管局又真係冇錯喎，T2真係2026年啟用喎，信政府真係冇錯架喎，咁出境設施開左，都係啟用丫。
不過，樓聲機成個報導都值得睇，我上面只係COPY左頭兩段，仲有兩段冇COPY，大約係再講白D，T2出境設施開始運作，不過出境設施未開，就根本就幫唔到11SKIES。
************
不過，樓聲機成個報導都值得睇，我上面只係COPY左頭兩段，仲有兩段冇COPY，大約係再講白D，T2出境設施開始運作，不過出境設施未開，就根本就幫唔到11SKIES。
************
講返正題。
其實，可以再講深入小小。
當年攪11SKIES，除左係比政府同林天福昆左，聽左佢地講咩「從城市機場到機場城市」之外，其實最攪笑既係，政府同班左仔再加唔知係真心定假意既商家佬，竟然相信所謂既「橋頭經濟」。
求其搵，想當年，早到係2013年，九唔搭八陳含殯就係立法會講衣樣野 (求其再搵，佢同門劉江華係2012年已經講添)；跟手梁振英係2014年施政報告都正式落埋ORDER比政府，話要係港珠澳係大嶼山攪「橋頭經濟」。
所以，HK01係上面條LINK話咩機場城市其實應該要追溯返去回歸初期甚至彭定康年代，你可以話正確。
之但係，機場城市衣個雞棚正式開工，其實個「理論基礎」係由「橋頭經濟」衣個所謂既論述開始，之後新世界先會落搭。
「橋頭經濟」，就等同「低空經濟」好多類似既terms，都係類似雞棚，引人落搭，過左熱潮，就冇人再講。
你見衣幾年，政府同坊間普遍都冇人再講「橋頭經濟」衣樣野。你自己上網睇，仍然講衣樣野最多既，係機管局，佢都仲用緊衣個TERM黎到攪所謂既SKYTOPIA，用衣個TERMS去搵所謂既投資者。
當然，機管局點解要繼續講衣樣野﹖
成個所謂既「機場城市」，要攪遊艇攪咩港版築地要攪成千億，其實最大既賣點就係連接港珠澳大橋，仲幻想緊咩大灣區幾多千萬人口，有幾大個市場。
佢唔講衣樣野，個所謂既機場城市，又邊有吸引力﹖你玩遊艇，會由日本美國遊落黎香港呀﹖而家講遊艇，唔係講遊輪呀下。
當然，當你繼續講橋頭經濟講大灣區市場，咁，就好似我上年講機管局講林天福，佢個咩「經珠港飛」，有143萬人用未話﹖
**************
講到衣度，你就知我想講咩呢﹖
機管局出手接管11SKIES，其實唔係要救新世界。
機管局出手，係要救自己，救機場城市個PROJECT，同埋救政府。
之前講到咩機場城市，講到成過千億計劃，如果11SKIES收皮，或者賤賣左比鬼佬玻佬，咁你話點呢﹖
個機場城市既PROJECT，係落埋2024年施政報告。雖然以往施政報告好多野都係講完就算，不過你咁大個PROJECT，未開始就收皮，咁家超真係情可以堪。
雖然係人都知家超唔識攪經濟。不過，機場城市仲連埋港珠澳再加大灣區個論述一齊，如果11SKIES咁快收皮，「咁米冇得連任」﹖
不過，ANYWAY，林天福真係一個人材，絕對識時務，配合到老細ORDER。
用幾千億攪機場城市，用唔知幾多億收購返11SKIES﹖
我幫佢整句設計對白﹕「SO WHAT﹖ 又有咩所謂，都唔係我既錢。」
所以，佢做機管局行政總裁時，米值千幾萬年薪囉。
*****************
第二樣想講既，簡單D，係啟航1331。
我之前米講過，阿尊貴梁文廣入左中旅，負責啟航1331衣個所謂既青年旅舍既。
我對衣單野念念不忙，前排見中旅出業績，都想搵下個 啟航既入住率，點知年報就冇講。
不過，上兩個月，阿樓聲機又做左幾個啟航既故仔，仲有個SUM UP係度添﹗
咁唔好理阿啟航既入住率，不過樓聲機講到啟航成個垃圾場廢墟咁款，入面仲QUOTE過報導話有人係個旅舍入面製毒。
咁真係想問下，阿梁文廣尊貴其實負責左咩野呢。
*****************
最後，上面講起「橋頭經濟」同「低空經濟」，前排北京全市禁左無人機，就攪到網上都開始多人轉口風，講到無人機都未必真係有發展既。
咁我廢事搵返大陸網，咁求其搵，見到BBC竟然有個類似既報導，都係用返大陸人自己講，諗緊所謂既「低空經濟」其實係米講到咁有前景。
你早兩個月上網，見到好多大陸人講咩，話低空經濟得個講字呀，獲利能力成疑呀，北京禁完之後全國都要睇定呀。
當時就世界末日。
不過，早兩日發改委又出聲要發展無人機，跟手全網又改口風，又講咩新基建7萬億賽道。
咁我想講乜﹖
如果你睇得明BBC個報導，就知我講乜鳥。個重點係衣句，「我能看到這個產業的前景，但我也真的很擔心它作為政治任務的那一面被放大。」
即係乜﹖
即係，中央有指示，有規劃，地方緊係要執行。就好似佢係個訪問入面講到，你九唔搭八三四線城市政府冇錢都要用幾廿億買幾百架eVTOL，就緊係有用架啦，你唔好問咁多啦。
至於有冇需要，有冇獲利能力，買完有冇錢還﹖
用返我上面林天福句設計對白﹕「SO WHAT﹖ 又有咩所謂，都唔係我既錢。」
你睇下上面「7萬億賽道」條LINK，最尾個段大陸D官點講﹕
「站在规划方的角度，参与广东多个地市低空规划的地方国资负责人给出了更直白的建议：“现在就是窗口期红利，国资必须开放资源、引入民企，这是硬任务。民企只要合规、有能力、愿意合作，就能快速拿到资源、拿到项目、拿到订单。但这种红利期不会太长，三五年后一定会进入规范化和优胜劣汰。所以我的建议很朴素：短期抓住机会、选对场景、合规落地、赚稳钱；长期控好风险、建好壁垒、熬到拐点。」
用普通人日常語文就係﹕
衣個係政治硬任務，你冇錢都要幫我埋單。如果唔係，就我老細埋我單，或者我埋你單，你話我會選邊樣﹖而家你幫我埋單，扲到項目，係冇錢賺，有排你蝕架，你米慢慢「建好壁壘，熬到拐點」囉 --- 如果真係到拐點，真係有大錢賺，咁到時我就反壟斷你，慢慢再割多次九菜先﹗
114. 我們正積極拓展貨源，推動來自內地內陸省市的貨物沿鐵（路）、海（路）、陸（路）和江（河）的多式聯運，經香港運往國際市場。現時，重慶和成都的貨物已經循鐵海聯運，經深圳鹽田港或廣西北部灣，再分別以駁船或「天天班」班輪服務轉運至葵青港上船，充分發揮港口之間優勢互補，並達致互惠共贏。
而家中遠海控玩既中歐班列，就真係海鐵聯運，經中亞運貨去東歐，人地真係有需求先咁玩。
****************
ANYWAY，好多野都係宣傳，唔需要太認真的。
ANYWAY，好多野都係宣傳，唔需要太認真的。
例如，香港政府近年不停講C919，陳美寶仲要吹水，講到「香港有利國產飛機透過融資租賃方式進國際市場」。
不過，連成日唱好祖國既HK01都竟然講話，「C919去年交付量僅15架未及預期 引擎供應成產能瓶頸」。
HK01講既，其實都係轉載內媒。
內媒係有盲目唱好，做足宣傳。不過，都好神奇，有D係由財經角度，再詳細講上面既野。
又之但係，好多野，都係口號，係宣傳黎既JAK。
要出真金白銀，都冇乜所謂 -- 如果要出既，唔係我錢，又有咩所謂﹖
**********
最後，醒起，講起「橋頭經濟」，近幾年又有個新TERMS啦﹕
「鐵海陸江」立體聯運體系，或者「空鐵聯運」/「海空聯運」。
「鐵海陸江」立體聯運體系，或者「空鐵聯運」/「海空聯運」。
你係大公文匯呀，所謂既智庫呀，甚至施政報告呀，都會睇見衣D，又係雞棚味濃。
你睇下2025年施政報告，係點講個咩體系﹕
114. 我們正積極拓展貨源，推動來自內地內陸省市的貨物沿鐵（路）、海（路）、陸（路）和江（河）的多式聯運，經香港運往國際市場。現時，重慶和成都的貨物已經循鐵海聯運，經深圳鹽田港或廣西北部灣，再分別以駁船或「天天班」班輪服務轉運至葵青港上船，充分發揮港口之間優勢互補，並達致互惠共贏。
而家中遠海控玩既中歐班列，就真係海鐵聯運，經中亞運貨去東歐，人地真係有需求先咁玩。
咁你而家香港話玩鐵江海聯運﹖阿特首話「積極拓展資源」，重慶成都既貨去到鹽田港再駁黎葵青先出海﹖
問心，有幾多野要唔鹽田直出，要特登經香港呢﹖佢講既係米大陸有野要運去伊朗北韓，所以要經香港呀﹖
當然，講上面堆野真係，WELL，團結基金衣幾年成日講既「倡建灣區機場聯絡線」，「將香港從地理末端轉型為大灣區空鐵聯運核心節點」，先係大茶飯。
當然，講上面堆野真係，WELL，團結基金衣幾年成日講既「倡建灣區機場聯絡線」，「將香港從地理末端轉型為大灣區空鐵聯運核心節點」，先係大茶飯。
佢講既「空鐵聯運」其實係乜，有冇真正需求，要用幾多百億千億，其實係唔需要理的。
**********
完。
沒有留言:
發佈留言