海洋公園｜扭虧為盈錄1.18億盈餘 (5)

今日睇左唔同報紙點講海洋公園。

究竟係 海洋公園個公關勁丫，定各大報章都要說好香港故事，定係冇人睇得明或者認真理海洋公園呢﹖你睇明報或者星島或者白粉，都係大致貼返海洋公園份新聞稿出黎。

就算係信報整埋佢個損益表出黎，講海洋公園個核心業務即係經營盈餘係下跌既，不過佢都冇講出黎，只係好含蓄做左個表，要你自己睇同去諗。

相對上，經濟日報 擒日個分析幾好，基本上係我擒日講既野。有興趣可以睇下面全文，我特登貼出黎留個紀錄。又之但，經濟日報係今日出既報紙版，條題又改到同主旋律一樣，唔敢直接講「造銀行定期賺錢」，就真係精彩。

最後，我冇詳細睇份report，唔知到下面經濟日報分析講既「核數師安永對海洋公園發出無法表示意見」。但係，衣樣同樣都係我係之前個post度話，唔明佢點做減值既原因。

但，衣個唔係重點。

重點都係，衣個減值其實係2021年之前，一直都冇出現過係海洋公園業績內損益表入面。

海洋公園係21/22年度無啦啦加衣樣野落去，之後襯疫情做大幅減值，再係今年無啦啦做回撥。衣種咁既fair vaule adjustment，米係九唔搭八既化妝，根本唔應該係公營機構出現 -- 衣種已經唔係財技，都唔係用水份粉飾櫥窗，而係咩就你自己諗喇。

真係說好香港故事。

************

【分析】海洋公園靠造銀行定期賺錢？
股市19:31 2023/12/13

▲ 【分析】海洋公園靠造銀行定期賺錢？

港人北上消費成風，惟海洋公園（Ocean Park）公布2022/23業績報告，全財年罕有錄得盈餘1.18億元，如果不計及2020年獲政府30億補助金而谷起當年盈餘達到19.22億元，今次是海洋公園過去8個財年以來，首次錄得正數盈餘。

海洋公園22/23財務表現有所改善，主要靠兩項動作食糊：

（1）全年加碼敍造達近16億定存

海洋公園截至今年6月底，銀行定期存款達到15.59億元，按年增79%或6.88億，當中13.58億元是做3個月或以上定期，2億元是3個月以下。海洋公園22/23財年投資收入錄得3910萬元，按年勁升16倍，全部來自銀行存款利息收入。

單以比例計算，銀行存款利息收入相當於海洋公園盈餘的32%。

（2）園內無減值撥備 甚至撥回超過7000萬元

雖然海洋公園水上樂園2021年9月才正式營運，但公司在21/22財年已經一併將公園和水上樂園的物業、機器及設備確認減值損失17.6億元。不過，海洋公園在22/23財年稱：「我們更從減值評估中撥回超過7000萬元，反映公司前景比上一年度更為樂觀。」

不過，核數師安永對海洋公園發出無法表示意見，因為該行無法就21/22物業、機器及設備和使用權資產的減值評估相關的某些假設獲得足夠適當的審計證據，因此無法評估相關資產的可收回金額，也無法評估22/23年度確認物業、機器及設備和使用權資產的減值的撥回和折舊進行調整。

盈利趨勢未明 經營盈餘倒退2.9%

海洋公園盈餘改善，但核心業務盈利能力仍未明朗。海洋公園22/23經營盈餘按年倒退2.9%，至4.24億元，因成本開支大。經營盈餘類似一般企業的毛利概念，即是將收入減去經營成本，故也能衡量海洋公園盈利趨勢。不過，海洋公園22/23經營盈餘已經跑贏疫情前18/19財年的1.91億元。

海洋公園｜扭虧為盈錄1.18億盈餘 (4)

頭先睇到有人係網上出POST，話海洋公園今年竟然有錢賺。

睇完個post，我真係嚇左嚇埋右，所以之後特登上海洋公園網頁，等左一輪先有衣個系列第一個post既新聞稿，再之後先見到個業績。

********

坊間唔多人講，所以貼左個cctvb既報導出黎，睇下班尊貴點講野。

我冇時間之下，亦都忍唔住打兩句。結論係，海洋公園你係米出黎攪笑呀。

********

海洋公園盤數，基本上大部份 尊貴議員都睇唔明；新聞報導完喇，都大部份人唔明，或者冇留意個重點。成個關於業績既報導，最重要既係一句﹕「去年度亦從減值評估中撥回逾7000萬元」。

********

即係咩﹖

海洋公園以往年年都蝕錢，其實係因為佢有好大量投資，攪到每年個折舊都食個盈利。RTHK話咩海洋公園「去年度亦從減值評估中撥迴逾7000萬元」，其實就係講緊個折舊減值回撥。

好喇，你話點解無啦啦個減值可以咁回撥﹖我都唔明。不過，佢年報FOOTNOTE 4 係咁講﹕

睇完你明唔明﹖

我唔明架。佢最大筆數係「物業機器、設備使用權」之類，上年減值係17億，今年係撥回7千萬喎。點解個估算可以差咁遠﹖佢冇詳細講，不過睇佢行文，應該主要係個現金流預測影響喎。

well，會計師比你咁樣過，米過囉，你估以後年年都咁好景，米係咁囉；你之前幾年個減值，又點解有17億﹖你衣兩年，真係玩 估值得藝術去移動個盈利呀﹖

*******

當然，我地唔好話佢點樣利用減值做靚條數。你睇佢個損益表，其實先見真章。

佢講到今年旅客多左，所以收入多左，所以成個海洋公園管理都好左好多，大把前景whatever。

不過，你睇埋佢營運成本同埋經營營餘，再睇埋佢個operating margin﹕ 2022年收入係5.45億，2023年收入係升到8.39億；不過，2022年既經營營餘係4.36億，2023年既經營營餘反而係跌左去4.23億。

即係咩﹖即係你收入係多左，不過成本勁升，令到你個營利反而要跌。

衣個營運成本增加，其實唔奇。

我未有時間睇詳細睇份業績，亦應該冇咩興趣睇架喇。不過，營運成本增加，其實係好簡單既事。

一黎，人工貴，同埋請多左人，衣個係普遍所有香港公園面對既情況。

二黎，成個樂園收入同人數上升，一定係關個水上樂園事；而你要maintain一個水上樂園既日常作，其實係一件好貴既事，所以成本必然增加，係睇個收入速度追唔追得上。

***********

anyway，上面衣個圖，其實就睇得出，今次海洋公園賺錢，其實唔係因為佢經營方面扭轉以往成本高昂既問題。佢可以同人講話自己「扭虧為盈」，係因為減值回撥個7千萬。

另外，佢仲有筆大數令到佢盤數好睇好多。筆數係，「投資收入」，即係你見個表既，由2022年3.2百萬，增加到2023年既3千9百萬。

衣筆投資收入係點黎﹖又睇下個表。

海洋公園無啦啦賺左接近4千萬投資收入，原來係銀行存款利息收入。

海洋公園年年都蝕錢，點解又可以有咁大舊錢擺銀行賺咁多利息﹖原因係，早兩年政府撥款左唔知幾多比海洋公園，所以佢又可以靠利息救命。

***********

所以，睇完，你會話海洋公園做得好﹖

***********

當然，你將海洋公園今年或者舊年既表現，去同之前比較，其實又係冇意思。

點解呢﹖主要原因係，佢呈報盈利既會計準則都唔Q同左。

你見我上面CROP出黎，佢係損益表入面有 減值回撥個條數既；之後仲係個FOOTNOTE 4仲有個流金流評估再影響回撥條數架麻。

衣個處理方法，過到會計過到審計，米好合理囉，係米先﹗

不過，實情又係，佢2020/21年之前，並唔係咁樣處理物業設備減值，你可以睇下下面兩個圖。

睇到麻﹖佢2020/21年，其實係 經營營餘之後就好簡單直接，再減兩條數，分別係「財務貴用」同「其他費用」。而「其他貴用」入面，又係簡單直接整個「折舊」比你。佢個折舊係用線性法去做，冇做咩現金流評估減值回撥，冇機會比你做數。

***********

所以，如果你用返以往既會計方法去做今年盤數，佢今年可以「扭虧為盈」比你咩﹖

佢今年經營營餘係4.3億，就算再加埋4千萬投資收入，其實都頂唔順個個折舊，即係仍然要蝕錢。

***********

結論係，佢盤數，佢想點就點喇。

政府早兩年比左54億海洋公園，如果你話疫情完左遊客返黎喇，都仲係蝕錢就樣衰衰咁。

而家米皆大歡喜，報紙可以話海洋公園扭虧為盈，班尊貴又可以覺得海洋公園好成功喇。

不過，我早幾年寫個幾篇文講海洋公園，例如衣篇，其實個問題同邏輯仍然Valid。

又之但係，說好香港故事喇，米再繼續睇下海洋公園會攪成點囉，睇下用左個新會計方法之後，可以玩到幾耐囉。

水上樂園其實真係最後殺著，睇下會吸引到幾多人generate到幾多收入。不過，要維持水上樂園 日常運作係要好高成本，真係唔知兩者可唔可以抵銷，或者計完數計埋折舊定期更新之後竟然有錢賺喇。

***********

真正既結論係，頂，原來而家係香港法例下成立既機構，再加上係政府不斷比左好多錢既機構，原來都可以咁樣present條數出黎，咁真係 以結果為目標。

睇下以往有comment開海洋公園既人，過兩日又會唔會講下喇。

***********

題外話。

睇多次，海洋公園份新聞稿真係好難頂。例如，佢話「團隊齊心協力，令公司的財務狀況持續改善。截至二零二三年六月三十日，公司的銀行結餘和持有現金較去年同期增加28%，增至港幣16億8,050萬元。」

我原本想講，仆你個街丫，你入面唔計政府之前比你個幾廿億呀﹖唔係老美加息，你有咁多銀行結餘持有現金。

不過，我再得閒無事睇多次佢份年報，睇埋佢個現金流量表，你睇最尾個行，真相原來係咁﹕佢個年終現金等值物，2022年係8.4億，2023年係3.21億。

真係食屎。

如果你睇埋最頂個行「經營活動產生的淨係現金」，都係由2022年5.888億跌到去2023年3.857億，就真係要叫佢食多次屎。

***********

真係，會唔會有人認真小小咁報導或者睇海洋公園盤數呢﹖

真係拭目以待喇。

***********

完。

海洋公園｜扭虧為盈錄1.18億盈餘 (3)

海洋公園去年度業績轉賺約1.19億元 by rthk

海洋公園截至6月底止，去年度業績扭虧為盈，錄得約1.19億元盈餘，上年度則虧損約18.2億元。

去年度收入8.39億元，按年升近54%。當中，入場券收入升近57%至4.27億元，至於園內消費、商品，以及餐飲服務收入均上升。期內，海洋公園和水上樂園的訪客分別達到210萬和30萬人次，兩者均高於上年度的140萬及20萬人次。

行政總裁黃嗣輝表示，隨著防疫措施解除和恢復正常通關，香港經濟再展活力；海洋公園自2021年起推行的未來策略，亦於去年度初見成果，海洋公園及水上樂園的入場人數均按年升逾45%，訪客人均消費增長6%。

他表示，至6月底，海洋公園的銀行結餘及持有現金總值16.8億元，按年升28%；去年度亦從減值評估中撥回逾7000萬元，反映公司前景比上一年度更樂觀。

海洋公園｜扭虧為盈錄1.18億盈餘 (2)

海洋公園上財政年度扭虧為盈 稱受惠入場人次及人均消費增加 by cctvb

海洋公園上財政年度扭虧為盈，賺超過1.1億元。稱因入場人次和人均消費增加。疫後復常，帶動海洋公園入場人次回升。截至六月底的財政年度，海洋公園及水上樂園訪客總入場人次達240萬。

比經歷第五波疫情的之前一個年度多100萬人，增幅超過四成五，但仍然未及疫情前一半。 收入增幅更大，按年增長五成四；由5.4億元，攀升至近8.4億元，當中人均園內消費按年增長百分之6。 全個財政年度賺1億1,850萬元，扭轉連續兩年虧蝕。海洋公園公司主席龐建貽相信，專注保育發展能吸引旅客。

海洋公園公司主席龐建貽表示︰「疫情中一直以本地顧客為主，所以我們做的活動、體驗，全都以本地顧客為依歸。所以做了很多不同的試驗，當中亦增加很多保育及教育元素，令很多年輕人或學生也很有興趣來我們的公園，這方面對我們入場人數有幫助。」 

旅遊界立法會議員則認為，通關後園區多項推廣都能成功吸引旅客，認為改革漸見成效，應該要繼續。 旅遊界議員姚柏良說︰「商業營運方面，特別機動遊戲及餐飲其他方面，在本身未來改變可持續進行推動。主要做到不用再問政府取錢，可養到自己。」 他又指園區往後可加大力度，在保育方面發展。

海洋公園｜扭虧為盈錄1.18億盈餘 (1)

海洋公園公司錄得盈餘 加強推廣保育及教育成果顯著

2023-12-13

海洋公園公司（公司）今日公布二零二二至二零二三財政年度業績。公司推展海洋公園未來策略，持續轉型，帶動訪客人數回升和收入增長，全年錄得港幣1億1,850萬元盈餘。

入境旅遊市場在二零二三年第一季香港全面通關後才開始逐步恢復，但憑藉創造全新收入來源的策略見效，加上以保育及教育為主軸的獨特訪客體驗，海洋公園和水上樂園業務在截至二零二三年六月三十日的十二個月內重拾升軌。

復蘇之路成果豐碩
期間海洋公園和水上樂園的本地和海外訪客入場人次上升超過45%，總入場人次達240萬。收入增長更超越客流量增長，相比去年同期增長54%，由港幣5億4,510萬元攀升至港幣8億3,910萬元，而人均消費則較去年同期增加6%。

各個業務領域於二零二二至二零二三年度均見好轉，相比二零二一至二零二二財政年度，門票收入上升57%，商品收入上升55%，餐飲收入上升39%，其他園內消費上升63%。

團隊齊心協力，令公司的財務狀況持續改善。截至二零二三年六月三十日，公司的銀行結餘和持有現金較去年同期增加28%，增至港幣16億8,050萬元。

海洋公園公司主席龐建貽表示：「我們全力推進未來策略，追求創意和勇於創新，令海洋公園公司業務有所改善。團隊上下努力不懈實現創業思維，策劃別具意義的訪客體驗，革新營運模式，控制成本和提升業務運作效率，加上通關復常令市場氣氛改善，令我們取得成果。」

為保育及教育發展豎立明燈
公司在二零二二至二零二三年度繼續推展未來策略，重塑海洋公園定位，讓它不僅是個國際級休閒及度假勝地，更是野生動物救援、保育倡議和教育的重要樞紐。

為迎合公眾對大自然體驗和主題日益濃厚的興趣，我們致力提升訪客的體驗旅程，推出深受歡迎的升級或全新推出項目，當中包括「樹懶與好友」展館。這個新展館涵蓋動物棲息地、展示由人工智能所創作之動物名畫藝術長廊，以及教育展覽專區，旨在提高公眾對保育解決方案的認識，並明白可如何拯救瀕危物種免於絕種威脅。

攜手共創可持續未來
除了推出引人入勝的園內景點和活動外，公司更透過一系列以本地生物多樣性和環保為主題的外展活動，加強與學生和公眾的連繫。在二零二二至二零二三年度，公司推出了陣容鼎盛的教育項目，當中包括42個學校項目、18個家庭/公眾項目和6個企業項目，合共觸及超過1,200萬目標群眾人次。

公司亦進一步充分發揮旗下頂尖獸醫及動物護理團隊的專長，致力保護海、陸、空的各種動物。這個財政年度的其中一個焦點是協助漁農自然護理署，接收一條於八鄉發現、長1.9米的非原生鱷魚。該鱷魚在海洋公園後勤設施由公司的專家團隊護理。

作為非牟利組織，公司時刻心繫社區。我們積極推動旅遊業復蘇，並全力支持政府的「你好，香港！」和「開心香港」活動，在疫情後吸引遊客重臨香江，以及振興本地經濟。

此外，水上樂園榮獲亞洲首個「自閉友善中心」認證，而公司亦於海洋公園及水上樂園免費招待弱勢社群，讓他們寓教於樂，充分彰顯公司推廣健康生活和精神福祉的承諾。

龐建貽續稱：「二零二二至二零二三年度反映公司在疫情過後業務得以重拾動力，並加深了我們於保育、教育和社會共融方面的影響力。這有賴政府的大力支持，以及我們團隊上下一心，讓公司在勞動市場緊張的情況下，能順利恢復正常營運。然而，環球經濟持續不穩，旅遊業競爭愈趨激烈，公司前景仍充滿挑戰。我們會繼續發揮實力，落實海洋公園的未來策略，實現長遠可持續發展。」

紅海

未死，咁打下字先。

**********
今年重投股市，暫時黎講，最成功既投資，竟然係由1月坐到4月出業績就賣左既長江基建，升左大約25%。

買佢，因為股值麻，息率麻。

而家成手都係既中電信，都係一樣。不過，中電信就有額外回歸A股concept上，再加，其實佢都有些少 雲同5G，咁米扲住。不過，well，之前跌左成個月，今日終於因為改派息政策而升返。應該呢，都會hold多陣既。

中電信跌左好耐，其實就唔明既。又係成手都係既asm太平洋點解跌，就更加唔明。之前出第一季績前都hold住，出完績單日爆升就再加碼，點知最近跌返去第一季績前個d位。究竟係驚成本上升，定驚供應鏈西移返美國歐洲﹖well，兩樣都應該唔會。咁究竟跌咩﹖

************
股市之外，都冇咩好講喇。

前排其實應該講下查冊，不過政府知衰，已經將律師會計師放返去做指明人士，容許佢地查冊，但係記者就當然冇份喇。不過，係成個過程，上至金管局財匯局竟然話收緊查冊冇影響商業運作，下至唔出聲既律師會之類，其實就證明香港所謂既精英同專業既墮落。

衣篇係蘋果既comment，唔知幾時會收皮，不過都可以睇下 -- 篇文既內容，其實唔深，係業界常識；但absurd既係，衣類常識，都係得會計師公會夠膽講。

金管局係余偉文之下，真係極速折墮。

***************

又再講返，收緊查冊，就必然係政治問題，要由政治去講。即係，好多人都痴左線，話大陸查冊透明度仲高過香港。但實情係，我唔識亦都未試過係大陸查，但你米試下查下政治局常委或者習近平親戚hold咩公司，之後可以點用扲返黎既資料囉。再唔係，其實唔洗煩，已經唔洗政治局常委，你去查某個村長或者某個分局公安阿頭，之後再認真做野，就分分鐘比人玩死。

即係，香港好多做緊既野，其實都係有同樣邏輯。香港要收緊查冊，其實就係將所有權力收歸政府，即係同大陸一樣。

即係咁，以後任何法律或者政府壟斷既權力，其實都可以成為法律既武器。咁講，應該易明喇﹖係新時代下，香港既法律，好多都變曬武器架喇。

又當然，而家政府比 會計師做指明人士，其實都冇問題既，我米搵財匯局出黎做埋非上市公司會計師發牌之麻，搵人睇實所有會計師囉。等如，大律師公會主席前排投左降喇，但係，會咁易放過你﹖

又再返正題。其實，結論都好明顯既，大陸都知香港既所謂獨特價值，其實係國安法同一國一制之下，都已經收收地皮。外資要打入大陸，香港係好多方面都已經唔太重要，唔再需要經香港。

所以，將香港變成大陸金融中心，其實係必然既事 -- 香港而家係政治上甚至某程度係經濟上，都係行大陸個套架喇。但香港冇外匯管制，你外資鐘意米黎囉，我就唔信你唔黎 -- 衣個，就係習習制度自信既表現囉。

**************

要講既都講完喇。如果要講其他，其實好多係幾個月前都講左喇。至於傳媒同蘋果，其實冇咩好講。蘋果點會過到七一呀。

至於其他傳媒，大部份都係歸邊架喇。不過唔歸邊，好似now咁，就真係好難頂。

你睇now每朝早，睇下彭晴之類，而家就似黨委書記，睇實王慧麟叫佢唔好亂up擦邊球；係有意無意間，就要用「持平、不同聲音」，黎去做所謂既意見平衡。睇得多，就知道now所謂既自我審查係幾咁精彩 -- 彭晴就唔係特別想講佢，但其他等而下之，即係除左王慧麟之外既所有主持，就真係講都廢事。係許楨好小小，肯講小小貼近常識既人話。

至於其他媒體新聞，well，就更加唔洗講喇。唔講政治，講經濟，而家好多財演都未知死，夠膽妄議中央妄議時政。但係，過多排，你就會見真章。

**************
丫，橫掂打開字，臨尾都可以再講下股市。

我又係唔明，隻中金做咩差野呀。我又係年頭21蚊買，前排竟然跌到去16蚊 -- 好彩既係，近排又返返上黎。well，佢a股都60蚊喇，你唔係唔爭氣，比鬼佬係中國人既地頭繼續說三道四麻﹗你有冇民族底氣架﹗嗚嗚嗚。

***************

最後，原本諗住 完，但醒起余偉文值得講。所以，都係講多兩句。

即係咁，前排蘋果有人將金管局同證監會就疫苗既聲明，做過比較。我唔記得左條link，咁係度講一次，扲黎做引子先。

講既係，余偉文衣篇，真係奇文共賞既層次。

即係咁，你要政治表態支持政府，米去做囉。你無啦啦係最尾，講咩「更重要的是，上周立法會通過了完善香港選舉制度的條例草案，令制度本身的設計和由此而產生的公職人員能更好地為香港以至國家的整體利益服務，確保「一國兩制」實踐行穩致遠，為香港國際金融中心的持續發展提供更有力的制度保障。」。

外匯基金條例授權財政司委任金融管理專員，係去管外匯基金，係去睇去港元匯率 (拿，我已經好pro，唔係講維持聯繫匯率架喇)，係去維持金融體系穩定。金管局到上年年報為止，都話自己既四大職能係「在聯繫匯率制度的架構內維持貨幣穩定； 促進金融體系（包括銀行體系）的穩定與健全； 協助鞏固香港的國際金融中心地位，包括維持及發展香港的金融基建；和 管理外匯基金」。

金管局既職能冇要求你擦難，更加冇講到要為「國家的整體利益服務」。如果真係，咁就要講清楚，如果國家利益同香港利益有衝突，咁金管局係米唔洗理條例，又或者唔洗理自己既職能，咩都唔理就衝埋去擦鞋。

當然，係查冊上面，金管局就已經證明，佢地食左屎喇。如果國家有難，咁為左國家利益，係米又可以唔理條例去做野呀。

****************

講咁耐，其實唔係想講余偉文、金管局、或者專業/精英既墮落。想講既係，大環境要你點表忠係點就一回事，訓練背景出身都係一回事，大環境下咩人會成為主流又係一回事。

即係咁，我查返資料，余偉文早年係AO，跟手長期係金管局，其實係代表一種作風，或者行事手法。

你睇近排左仔不停批鬥公務員，其實傳統公務員先係阿爺要既野。

*************

公務員，特別係AO，其實最叻既真係政策辯論、反覆論證、有規有距； 換句話講，就係紙上談兵、唔敢做決定、因循守舊唔好出事。再加上馬房升職文化，其實公務員係最好既執行者，亦都係最易管既人。

如果由衣個角度，要穩定，要執行order，公務員特別AO係一流。

***************

當然，公務員體系本身已經不合事宜。最簡單例子，你睇完衣份新聞稿就知。

即係，蔡淑嫻2015年做創新科技署署長前，係律政司政務專員，再之前做好多九唔擔八野，最後2019年做創科局常秘；佢創新科技署署長既繼任人潘婷婷之前係運房局副秘書長。

即係咩﹖即係，以所謂好重要既創科局黎講，負責政策既最重要AO，都係調黎調去，再由佢地去lead政策甚至lead住下面專業職系既公務員，咁就可想而知，成個舊式英式公務員體系其實已經唔掂。

靠佢地攪政策，一係就派完錢當做左，一係就好似商經局咁比商家佬昆左都唔知﹕珍寶海鮮舫就係新近一流例子，好彩最尾唔知係米比人媽差完發現政府做左水魚，最後就擱置埋。

***************

又不過，講返轉頭，就算公務員體系有幾咁不合時宜，公務員係幾咁離地紙上談兵。但係，係收歸權力之下，你係見到有個trend出左黎。

即係，林鄭親信 馮程淑儀退休後，竟然係所謂既全球招聘下成功獲聘做西九管理局下任行政總裁，其實係好有代表性。

唔講馮程淑儀，前排商經局竟然又搵個ao去做海洋公園臨時行政總裁，又係驚為天人。又再講，西九管理局下面既故宮博物館，其實早兩年請既館長，就唔係ao，但係康文署副署長。

***************

想講既係，你可以將衣個現象interpret做，AO黨惡鬥土共，又或者係政府/公務員權力膨脹，兩者其實都可以。劉細良就最鐘意用頭個角度。但係馮程例子，其實睇到後者係比較可信。

係國安法同一國一制之下，土共真係冇價值，傳統商界等死，新香港人未上到黎。所以，睇個勢，真係一邊就靠紀律部隊改做政府同社會，另一邊就似係政府傳統精英接受改做後，權力繼續膨脹。

***************

結論係，其實都係之前講既野。林鄭，似會連任。就算唔係林鄭，都唔會係梁振英。

***************

最後，個題叫紅海，但係冇貼到題添。

咁是但喇。

投資推介(1)

信報財經新聞 2020-06-10

A09 | 中環縱橫 | 新聞點評 | By 高天佑 標示關鍵字

短中長線看國泰前途 

香港人曾經引以自豪的事物，包括海洋公園、地鐵、滙豐銀行、國泰航空（00293）等，近年相繼失色。早前海洋公園差點兒缺水斷氣要政府輸血，國泰也因受新冠疫情重創急需尋求救援，結果由港府注資多達273億元。環顧全球航空業齊齊仆直，當局今次可說是「焗救」；至於國泰獲得「救命錢」之後的前景，則要分為短、中、長期三個角度來看。

273億元公帑即是幾多錢？除以香港740多萬人口，等於每個市民「攤分」約3700元。對於「被打救」的國泰，也要分兩個角度審視，一方面乃「非戰之罪」，皆因在世紀疫潮之下，全世界航企通通「嗌救命」。但另方面，假若國泰近年業績亮麗，能予人信心可於瘟疫過後迅速復甦，那麼身為上市公司，國泰不難從公開市場上籌集資金，又何須向政府伸手？

亞洲最佳淪「因航」

事實上，國泰這些年營運表現有目共睹，由曾經的「亞洲最佳航企」地位逐漸滑落，被嘲諷為「因航」，管理層多次「炒燶期油」（燃油對沖導致嚴重虧損），3年前更被剔出恒指成分股行列，喪失維持了31年的藍籌股光環。換言之，國泰本身已經長期孱弱，再遇上疫情打擊，今年頭4個月便蝕掉45億元，讓特區政府不得不救。

國泰及時拿到「救命錢」之後能否再次起飛？短線而言（3年內）殊不樂觀，事關這場疫潮將令全球航空公司再難以找到盈利模式。身為重資產行業，航企的利潤相對於經營額及資本投入一向甚為微薄，國泰近年最好景的2015年，錄得58.7億元純利，看似不俗，卻只佔營業額（1023億元）的5.7%，或者總資產（1783億元）之3.3%。

從這角度看，航企其實比超級市場更加「微利」，國泰近十年來最「好賺」也不過如此，難怪股神畢非德多番強調「航企絕非好行業」（可是他自己經常忍不住手嘗試「執平貨」）。正因利潤回報這麼微薄，只要經營成本額外提升少許，或者運載率微跌，便隨時由賺轉蝕。在今浪疫情下要縮減航班兼「隔疏座位」，試問怎可能賺錢？若說提高票價以覆蓋成本，就不免令旅客需求下跌，何況疫情原已使總需求受壓。

捱過疫境搶市佔

不過樂觀來看，疫情總有消退的一日，或者有疫苗令大家不再擔心，屆時航運景氣可望全面恢復，甚至再創高峰。過程中，一些中小型航企捱不住、冇人救而被淘汰，殘存下來的玩家有機會提高市場份額。

以國泰為例，原本在本地市場最大對手是香港航空，現時後者嚴重陷困，不像國泰具有TBTF（大到不能倒）地位而獲打救，對國泰威脅肯定大減；此外，國泰在去年社會動盪期間，已趁機兼併了跟港航屬姊妹公司的香港快運。

所以中線（3年至7年）而言，國泰有望再次de facto一統本地航企江山，受惠於市道好轉，帶來一段復甦好日子。當然，國泰還有另一重隱憂，就是來自國內航企的競爭。不過在中美交惡大環境下，國泰跟香港的金融中心地位一樣，白手套角色難以被取代。例如美國早前宣布禁止所有中國航班入境當地，其「禁運名單」並不包括國泰在內，當時還曾令國泰股價彈升。放眼將來，國泰的內地航線大可更多地跟其第二大股東國航（00753）合作聯營，自己則專心經營及發展最賺錢的國際長途航線。

值得注意，在昨日打救方案公布後，不少人問道，國航何不趁機直接「買起」國泰？又有人問，港府大手筆掏出273億元，為何只是放兩個「觀察員」入國泰，而不委派人員坐進董事局？相信這都關乎要維持國泰的「香港民營航企」身份。

總的而言，國泰中線前景可以略為看好。根據拯救方案，港府買入那批總值195億元的國泰優先股，首3年息率僅3厘，之後逐年遞增，將在第五年升至7厘，最高可達9厘。這正反映了國泰的盤算，擬待中線經營環境穩步向好之後，從公開市場集資贖回該批優先股，避免「捱貴息」。

與國運齊上齊落

至於長線（7年以上）來看，國泰的前途須視乎全球化進程，以及所謂「去中國化」趨勢。假若中國和國際社會之間真的減少往來，國泰作為運載人流和貨流的航企，自然也難望興隆。國泰創辦於1946年，英文名稱Cathay Pacific的Pacific是指太平洋，至於Cathay則是「中國」之古稱，所以其全名意思為「中國與太平洋」，定位很清晰，寄寓其航班可穿梭中國跟太平洋彼岸另一大國──美國；至於後來起的中文名國泰，則寓意「國泰民安」。講到底，國泰的長遠命運無可避免跟中國國運及太平洋局勢扣連在一起，齊上齊落。

永遠懷念盛智文

衣幾日海洋公園好hit，等我講兩句。

唔計班官，下面對於海洋公園既了解，應該係全港最好。

****************

海洋公園既問題，其實係法律問題。唔了解衣個問題，其實就唔可以分析海洋公園。

香港法例388章海洋公園公司條例，其實規定左海洋公園公司，要將海洋公園管理成為一個公眾康樂及教育設施。

衣句係重點。

即係，邱騰華要將公園變做旅遊景點，其實已經違反條例。

*****************

所以，有人問，點解今次係先比錢救亡，一年後先有方案，其實重點就係，佢而家提個旅遊景點方案，其實係米過到法例個關，係好大疑問。

亦所以，今次申請54億，其實幫公園還債係掩眼法，重點係要扲錢出黎，做個檢討委員會，去檢討公園既職能，甚至要去檢討海洋公園法律地位，仲係米非牟利機構。

佢衣個動作，其實亦都confirm左，佢原方案係違法 -- 唔係違法，洗咩攪咁多野﹖

*****************

當然，佢要檢討海洋公園職能同埋法律地位，會有一個冇乜人諗到既結果﹕當年政府批地比海洋公園，係去做非牟利設施，批地條款都寫左。

如果要改用途、改地位，係米要補地價﹖巴士公司、電力公司要改批地條款，要補好好好多地價的。

所以，上面，其實先係重點。

*****************

如果唔改職能，海洋公園真係做個大d既維園，其實唔係政府目標；但如果唔改職能，將海洋公園變做維園，注資額又唔會咁大，香港人都可能buy。

但係，問題係，政府唔想咁。

攪清楚上面既問題，就會知道，海洋公園撥款最重要既，唔係咩 無底深潭、日後點回本、員工點算、以至日後點run樂園之類既注資問題。

你唔改條例，其實海洋公園就係梗局，做唔到政府想做既野，政府亦都唔肯將海洋公園做返普通公園。

*****************

當然，海洋公園實際上，或較表面既問題，其實係business model問題。你擺幾個盛智文出黎，都係死。

因為，強如 香港迪士尼樂園，有無限個ip任佢玩，亦都有幾間酒店收入，但衣幾年都蝕。

海洋公園本身係非牟利定位，連間酒店都係每年扲幾百萬使用權費 (衣樣冇咩人知，但年報有的)，根本冇錢賺，海洋公園又點可能會生存到﹖

*****************

更加大問題係，所有主題公園既經營玩法都係，不停更新設設，「買得大，賠得大」，係要睹個新增人流消費可以翻本。

但係，無論係海洋公園或者迪士尼，都係cover唔到折舊成本之餘，仲因為要開新設施，增加headcount同維修費，最後成本上升快過收入+折舊。

*****************

你睇海洋公園盤數，最重點個幾條係，收入由2008年9億升到2018年既17億，同期經營成本就由7億升到13億。

yes，海洋公園其實每年都有經營盈餘，但折舊都由1億升到去4億呢，經營盈餘減埋折舊同財務費用，就要蝕錢囉。

*****************

咁點解我用2008去做benchmark﹖因為海洋公園係2005年攪重新發展計劃，係2008年開始新設施落成。即係，「買得大，賠得大」既海洋公園玩命元年。

*****************

又再講，阿斷sir今日係fb講海洋公園，話折舊唔係重點，其實人工先係。

冇錯，人工開支條數係由2008年3.6億加到2018年7億。但係，點解人工開支會大升﹖原因，米又係因為2008年新設施落成囉 -- 我冇check實際headcount人數，都解到。

*****************

上面用2018年條數，已經避左山竹影響。

不過，其實上面有個重點﹕個重點係，2005年個重新發展計劃，係盛智文推出黎。

所以，你話搵返盛智文返黎，可以做咩﹖

*****************

盛智文2013/14年走個陣，已經將海洋公園推到去接近770百萬人入場，你想佢再推到1千萬人﹖

用55億做重新發展計劃，再年化返做折舊，就算唔計開支增長，海洋公園唔係瘋狂吸引大陸人，迫爆公園，其實都係做唔住--當然，海洋公園係2015年開始米做衣樣野，但係唔work囉，個公園好多硬件係有限架麻。

*****************

講多次，就算唔理法例限制，海洋公園既問題，其實係buisness model問題。

海洋公園係法例上本身要用非牟利機構方式營運，其實同tourist attraction係矛盾。

係實際營運上，迪士尼係香港都攪唔掂，海洋公園會攪得掂﹖

******************

拿拿拿，我真係覺得，衣篇文係近期佳作，你睇其他大部入既評論，除左斷sir某幾個pt同埋bittermelon衣篇文 (但衣篇都只講財務，冇講business model問題，同埋最重要既法律問題) 之外，其他真係唔洗理的。

******************

最後，近幾日關於海洋公園最精彩既新聞係下面。記者識問，盛智文又答得妙。我節錄重點出黎。

******************

高層孔令成李繩宗齊退 燙手芋或內部接 被問在任借貸 盛智文：公園曾膺全球最佳

海洋公園前主席盛智文認為孔令成及李繩宗已盡最大努力，「指摘他們沒有意義」。被問他在任借貸有否令公園負債纍纍，他表示在任期間，公園曾獲全球最佳主題公園殊榮，為香港發展出地標。他說今次申請的撥款將會用於償還貸款，重新發展公園未必需要很多錢，可利用科技，「如推廣VR（虛擬實境）體驗，與鯊魚一起游泳」，或推出嶄新推廣。

政策力的急速衰退 (二)

衣排海洋公園好HIT，連王慧麟都寫左篇文，講「政策力的急速衰退」。

我認同海洋公園可以講，但大部份講既人都唔識講。

******
擒日立法會講海洋公園，最多人報導既係葉劉同譚文豪。

葉劉就話，海洋公園面對周邊競爭，注定係fail business；譚文豪就話，大樹灣項目已經超支，海洋公園所有資產都已經抵押左，所以仲邊有可能借錢還債。

其實，全部都係亂up。

*******
要評值唔值得注資海洋公園，其實係要睇盤數，背後要睇business model。

擒日有人問海洋公園仲淨返幾多現金，就知冇人睇過盤數。

而海洋公園總裁答話手持只有4億現金，報紙又大大隻字去報，我都唔知係佢報錯數定係update左定definition唔同。不過，根據2019年6月年結既年報 (footnote 9呀)，公園係有約5.4億3個月以下既存款；加埋超過3個月既定期，係有約11億。過左半年，公園會用左5億幾現金，但又一毫子都冇現金流入﹖

********
anyway，其實值唔值得注資海洋公園，係要睇盤數。

而政府冇係文件交代盤數 --無論係過去10年或者注資後既projection，都係冇盤數。衣個，先係份文件最大問題。

睇海洋公園盤數，個個都識講，公園係2014年盛智文走左之後，年年虧蝕。

衣個係事實，公園係2016開始蝕。但，都係廢話。

再詳細睇盤數，公園到2018/19年都有經營利潤。但問題係，2016年之後折舊升到3億甚至4億，再加埋財務費用，公園先要蝕錢。

衣個就係問題。

**********
海洋公園同迪士尼同所有主題公園一樣，你擺成百億落去翻新，設施落成後，就緊係好似邱騰華咁講，人數會上升；但係，折舊都會升。

係2009年，海洋公園折舊費用係1.18億左右，去到2014年就已經3.43億，再去到2019年就係4.24億。

點解會升咁快﹖因為2005年用左50億做公園更新工程，設施影響係2009年開設入帳。

*************
你要有咁大投資，其實就要睇個return on investment頂唔頂得住，可唔可以cover折舊同其他成本。

強如香港迪士尼都唔可以，都因為巨額折舊而攪到近年要蝕  (其實有其他原因喇)，海洋公園又憑咩可以回本﹖

**************
再睇海洋公園細數，係2019年既門票收入，係佔總收入超過65%；餐飲收入只係收到大約3億，即係佔收入既17%，再除埋570萬入場人次即係每人用左52蚊。

每個入場旅客淨係用左52蚊係餐飲，你係迪士尼樂園買杯野飲都唔止喇 (其實我未去過迪士尼....係亂吹)。

所以，海洋公園擴建後係多左餐廳，但文件根本冇講，公園憑咩會增加收入。

再者，迪士尼有咁多ip，賣咁多周邊商品，你海洋公園仲要賣威威司令公仔呀﹖

***************
當然，我同意王慧麟所講，一份好既政策文件係要有佢講既策略定位。但係，上面好直接既財務數據同business model，其實係要有。

但係，上次迪士尼冇，今次都冇。因為，大部份議員都唔識問囉。除左建制，泛民又好好﹖

****************
最後，王慧麟講管治衰落。

我同意。

不過，衰落既原因除左求其，仲可能有個人質素。

當然，更加大問題既係，而家公務員要忠於行政長官麻。

中西區區議會唔撐警，就黑警同民政署作為區議會秘書處都可以走人。

劉細良話，衣個係公務員幹部化。

其實，一早都係，由dq時已經公告左天下。不過因為而家整個政府要撐警，所以就成個政府都變左幹部。

當然，衰d講，衣個係另類社會評分制，你撐警就高d分，多d service咁囉。

********************
所以，政治衰落，係整個制度既衰落。

********************
真係最後，點解我會打衣篇野出黎﹖

因為，其實我真係想講海洋公園。大部份講海洋公園既人，都係唔識囉。

完

政策力的急速衰退 (一)

觀點
2020年1月16日星期四
王慧麟

王慧麟：政策力的急速衰退

【明報文章】筆者不算是海洋公園常客，但一年總會去兩、三次。上一次去海洋公園已是去年11月。當然，這是相當暢快但又傷感的體驗。暢快的原因是所有設施都可以好快有得玩，完全不用排隊，有些甚至可以玩完再玩。至於傷感，是因為心裏知道，一個不用排隊就可任玩的主題樂園，一定蝕到入肉。而且，即便是盡興，一些機動遊戲沒有開動，部分食肆（好難食）關門，「麥記」下午4時已說大部分包都不賣了，因為好快要下班。

百億托海洋公園 5個理由就可過關？
這個情境和前年已經相當不同。筆者前年暑假期間往海洋公園，不單要由園外老遠的停車場開始排隊，而且每次等候纜車的時間都要半小時。連旋轉木馬也要等20分鐘，買東西時售貨員自動自覺用普通話跟我對話。正因為這兩年間反差實在太大，現在海洋公園猶如晚期荔園一樣。如此光景，政府要拿出100億元來托住。納稅人就要問：是否要救亡呢？

筆者翻查政府提交給立法會的相關文件。政府要求立法會批出100億元，原因大抵如下：第一，公園已是香港品牌，消閒好去處。第二，公園有極大界外經濟效益，及公園正聘用2000名全職和2000名兼職員工。第三，肩負動物教育的重任。第四，南區自然環境有更大的發展潛力。第五，公園一直回饋香港社會。但一個100億元，近乎一去無回頭的撥款及貸款，用這5個理由就可以過關嗎？

公共政策，不是這樣「一頁紙」的理由（其他幾頁都是數據），就搞定吧？我們期望的公共政策討論，不是這麼兒戲吧？

好政策文件應思考旅遊政策、樂園定位
一份好的政策文件，至少要先討論一下，香港長遠（例如未來10年）的旅遊政策是怎樣吧？特別是，現在大家都看到，由於某一個地區的旅客忽然大量減少，導致香港旅遊生意暴跌，景點冇人。這實在是很好的契機，檢討過往太依賴某些地區旅客的情况，重新制訂一個未來短中長期的旅遊政策。於是，當政府有了這個新的旅遊政策後，就可以評估香港的各項旅遊設施的作用及目的，包括主題公園吧？

香港這麼小的地方，有兩個自稱國際級的主題樂園，已不簡單，於是，一份好的政策文件，應該要思考，如何定位兩個主題樂園呢？這個定位，有外在及內在兩個因素的牽動。外在的因素，文件至少要分析，在東南亞地區以至亞洲4小時航程內的國家，有什麼主題樂園及對手的強弱。另外，就是我們鄰近地區還有什麼直接競爭的對手，香港在鄰近地區內，以至亞洲區，利用主題樂園作為旅遊項目的優劣之處在哪裏。內部的因素呢？因為香港有兩個由政府背後投資的主題樂園，那麼，這兩個主題樂園未來是有不同定位及分工，以優勢互補的方式吸盡老中青的旅客，抑或是兩者具有高度的競爭性，製造內部市場，以互相競爭及提升績效達到最高回報為經營目標呢？兩個主題樂園的定位及發展策略，「優勢互補」抑或「相互競爭」，是兩套截然不同的定位及策略，直接影響兩個主題樂園在香港旅遊政策的作用及效果。又或者，由於亞洲及鄰近地區內已有豐儉由人的不同主題樂園，香港是否真的有需要兩個由政府投資的主題樂園呢？

在這些定位及策略都未有社會共識之前，政府建議用100億元拯救海洋公園就會遭到極大非議。之前也有旅遊界人士提過，以主題公園來吸引遊客，就像食鴉片一樣，只會愈食愈深。因為主題公園如果鬥豪鬥勁，以大型機動遊戲為例，一般機動遊戲的新鮮感只有約10年，那麼樂園每10年就要更新，更不要說每年高昂的維修費及保險費。又假如香港的兩大主題公園是以互相競爭為主，則反而導致重複投資，浪費納稅人的血汗錢。

政府管治力不彰 建制議員毫無要求
以上只是筆者作為「廢中黃絲教畜」的粗略想法。政府向立法會提交的文件，沒有提到以上的東西，就要伸手拿100億元了，真是令人驚嚇。什麼時候，政府向立法會遞交的政策文件，淪落至連政策內涵也說得不清不楚，就夠膽攤大手板問議員拿100億元？以筆者當年在政府的工作經歷，這麼低水平的立法會政策文件，早就給扔到鹹水海了。不過，這就反映了，現時政府的管治狀態：求求其其，得過且過，水分多多，實質欠奉，而議會呢？在立法會佔多數的建制派議員，也沒有對政策及文件內容提出更高質素要求，政府的態度是，反正都會通過，文件水平不堪入目，有乜所謂？

管治力急速衰敗，劣質的政策文件，只是其中一環。現在的政府、行政會議及立法會都是建制派主導，已是完全執政的情况了。完全執政就有完全責任。政府管治力不彰，連一份立法會政策文件都搞到如此求其，建制派議員對政府文件質素毫無要求，任由政策水平不斷尋底，同樣難辭其咎。

作者是時事評論員
[王慧麟]