繼續。
我都係唔講東九龍線個項目住，我淨係講衣個「財務資助」安排。
****
以下講既應該係常識。
全世界鐵路、好大部份既公共交通，其實都係蝕錢。你想懶d，就可以睇下衣個farebox recovery ratio既WIKI，就全世界既鐵路營運收入都係COVER唔到開支。
個表顯示，話香港係COVER到，其實原因就係人都知﹕香港鐵路有賣樓收入。
個WIKI話日本好多鐵路都COVER到，我好懷疑係因為佢冇拆開日本鐵路酒店之類既收入。同埋，佢個表都係舊，就咁GOOGLE，疫情後日本好多鐵路既載客量都未回覆到疫前水平。
仲有，你睇個表，講大陸就淨係講地方地鐵。之但係，大陸高鐵最出名係咩﹖係佢既負債同虧損。
好多人話，高鐵虧損冇問題丫，因為佢帶動到地方經濟，帶動到人流丫麻。
係呀，虧損冇問題架 -- 如果唔洗還錢的話。
HK01衣度就話， 大陸阿國鐵係2023年終於結束虧蝕開始有盈利。不過你求其搵，大陸新浪就話，國鐵係2025年上半年又係蝕緊358億。
咁蝕錢真係唔係問題，不過新浪入面衣句，就係問題﹕
国铁集团总负债攀升至6.2万亿元，年利息支出超2000亿元，每天需支付约5.5亿元利息。高负债主因超前基建投入，而票价收入难以覆盖融资成本。
国铁集团总负债攀升至6.2万亿元，年利息支出超2000亿元，每天需支付约5.5亿元利息。高负债主因超前基建投入，而票价收入难以覆盖融资成本。
每日要比5.5億利息，跟手每年仲要不斷蝕錢。咁你話，唔比利息米得囉，反正佢都係問國企借既JAK。係喎，大家都係國企，大家睇唔到當冇數，米冇事囉。
如果係咁簡單，真係可以無數，大陸就唔洗煩要化解咩地方債，要攪咩超長期國債，仲要煩緊社保爆煲。
*********
anyway，返正題。
東九龍線既「預計項目扣除總開支後，總收入會少於預期投資回報」，雖然就講到一舊舊其實可以有好多意思，不過都係預料之內，所以政府一早講左，話會用馬游塘塊地做補貼。
而家再加兩塊地，究竟係咩意思﹖
我QUOTE既明報新聞話，「3地皮共8.8公頃 測量師料市值200億」 (報導入面阿測量師估算既基礎係﹕「張估算茶果嶺用地、啟德用地呎價可達8000元」)。不過，你睇文匯，佢係咁講﹕「市場粗略估計三地的總價值近320億至440億元」。
我好相信，茶果嶺啟德兩塊地唔止8000蚊，事關附近茶果嶺koko hill 2016年個時都要近8000蚊。咁所以，我求其扲個中間點，即係成個東九龍線項目送出黎個3塊地，大約係值300億元。
咁個問題係，東九龍線，其實預計個建設成本係幾多話﹖
(係睇跟住落黎既野，你仲要記住﹕衣度同下面講既成本，係未計營運成本的。)
張良年代既鐵路發展策略2014就估算，個成本係275億，咁一聽就知係假，事關當時早小小既西港島線，其實個造價都估係接近200億 -- 西港島線當時延伸去堅尼地城都係3公里，東九龍線道7.X公里，個難道仲要高咁多 (順天安達臣既主水平基準係幾多，個鐵路要點爬山，所有通風安全通道係要點做﹖)，所以點會275億 (仲要係2014年價格) 攪掂。
當然，東九龍線既根本問題，係技術上做唔到，或者會要近千億天價先做到，所以咁多年黎都係研究，直到李家超政府話要用輕軌用其他方式去攪啦。
咁去到李家超年代，有冇公佈過個估計造價﹖
我求其搵，文匯就精彩啦。佢係2023年既報導時，個題係咁講﹕造價低九成 東九龍建捷運惠民。你再睇埋內文，佢咁講到﹕
行政長官李家超昨日表示，早前外訪期間，考察了類似的運輸系統，部分運輸系統的造價可望低至政府原來估算的十分一，相信是科技進步令造價降低，認為值得研究。運輸及物流局局長林世雄表示，計劃明年內就東九龍和啟德項目，邀請海內外運輸系統供應商及營運商遞交意向書，以敲定細節及條款。
你睇佢內文，仲有個咁精彩既表﹕
SEE﹖
雲巴造價係每公里1億元人民幣，智軌就每公里2-3千萬 (未計高架車道成本)。
咁好簡單數學，用李家超講法，而家要300億元既財務資助，咁之但係「部分運輸系統的造價可望低至政府原來估算的十分一」，咁即係，原來用重鐵，我唔理個營運成本啦，咁原造價估算要3000億呀﹖
你再睇返今次個東九龍線輕軌，無論係用雲巴定智軌都好，文匯話每公里最多都係用1億人民幣，咁東九龍線全長7公里左右，咁我加埋通漲，當佢路軌要用20億啦。
咁而家個財務資助要成300億，咁即係話，減去個20億路軌，佢興建車廠其他月台隧道出入口做埋營運，要200幾300億呀﹖
你話，之前吹到咁大，講到國產技術咁勁，就係米攪笑呢﹖
睇完上面，你就知道，實際工程開支條數，真係點都計唔到 -- 你唔好唔記得，佢係輕軌，唔係重鐵，聲稱成本係重鐵既十分一，都要衣個造價呀下。
而上面講既300億財務資助，其實係講唔清楚，包唔包括資助埋日後營運開支的。
(丫，唔係題外話﹕咁之前張良鐵路發展講既275億，就算計埋通漲，原來都係超級極之亂UP架﹖而家阿家超話，原造價估算要3000億呀﹗)
******************
我繼續KEEP住講財務。
你睇HK01，早個月係議會就已經有個所謂既議員關注，問緊日後票價點定，營運商「賺完離場」點算之類。
我直接quote，阿周小松係咁問﹕
周小松再舉例問及，中標公司可能在十年內已經發展沿線所有物業，若然其獲利後退場不做，政府會怎樣處理。
咁政府當然係九唔搭八求其回應啦。
不過，你估，政府會唔會要求個營運商將部份賣樓既錢，擺落一個類似custodian account既野入面，去防止佢興建完個項目，賣完樓之後就走佬丫拿﹖
我肯定唔會。
不過，衣個都唔係重點。
重點要問既係，政府點解要比3塊可能值300億既地佢，而唔直接注資或者資助間公司﹖
理論上，你賣地扲返300億之後再將個300億注入間公司，同你撥地比佢自己攪，其實係一樣。
咁點解要攪咁多野呢﹖
個原因，係好簡單﹕唔好聽，同埋唔想上身囉。
即係，同撥地比市建局一樣，其實你一野注資幾百億落去，理論上個結果都係一樣。
之但係，真金白銀話比300億出黎起條咁既鐵路，就真係會有人問，係米值得。你撥地，米小D人問，米易D過關囉。
同埋，你撥地落去，日後公司可以好似市建咁，同你玩分紅呀，玩賣斷呀，又好多野可以玩既，咁好多野就唔洗政府自己上身既 -- 當然，如果玩出事，到時要再撥地，都冇咁難聽啦。
******************
當然，上面既，其實都係廢話。
最終極既問題係，如果要用300億資助興建條咁既所謂觀塘過山線，咁其實你將個東九龍線沿線既車路全程擴闊，整多條專用車道做BRT巴士專線代替咩運巴，咁其實要幾多錢呢﹖
再唔係，其實而家成日講咩四順秀茂坪同安達臣交通問題，其實都係繁忙時間新清水灣道同協和街塞車 (其實都係新清有問題；秀茂坪同安達臣人都可能唔覺有問題添，事關佢地大把方法落山)。
咁如果將個300億化身做交通補貼，早上730之前出門就可以免費搭26同27號巴士落山 (甚至補貼埋每程比10蚊你早D返工返學落山食早餐)，將個巴士車流量個峰值拉平，你估係米已經解決到個問題﹖
300億，其實可以做到好多野的。
***************
衣度，就係成條東九龍線既成本效益問題，點解張良係2014年講完之後，其實冇再講過衣件事。
最簡單講，就算你話新清水灣道再加彩虹交匯處塞車係死症丫麻。
咁其實，彩虹邨重建，咁唔可以諗方法去處理個死症既咩﹖
你要用好多億起條橋由彩雲清水灣八號開始，穿過彩虹直出太子道，其實都可以架 -- 你有300億，再加上成個彩虹地盤比你玩，就真係咩都有可能，你要起條勁深行車隧道穿過埋觀塘線都應該得添。
你要用幾百億攪條咁既智軌，其實個成本效益係邊，解決到既係咩問題，而家要處理既其實又係咩問題﹖
**************
未完。
沒有留言:
發佈留言