香港﹕有力問鼎諾貝爾經濟學獎(2)

衣單野真係嘆為觀止﹗

官府話要興建東九龍線喎。不過，「由於政府預計項目扣除總開支後，總收入會少於預期投資回報，當局會以每幅1000元象徵式地價，向中標的專營公司批出3幅可發展住宅用地，作為「財務資助」」。

我先唔再講個工程。

今次批3幅地做財務資助，其實令你諗起咩呢﹖

我諗起，西九、市建局、同埋北都。

**********

即係咁，之前西九管理局財困，政府就容許西九改用途，改左個只租不賣，係唔洗補地價既情況下，容許西九將部份園區土地用地做賣地起樓，扲返百零億黎到救命。

再到上年，市建局又聲稱冇錢，政府又撥兩塊地比佢，用黎賣地起樓救命。

(不過，都係個句，唔好理市建局係2016年收購榮光街項目時話會蝕27億或者17億。咁早幾年榮光街庇利街賣左81億，咁連埋隔黎街項目，又係賣左24億。當年話兩個項目加埋個收購成本大約100億，咁而家兩個項目個中標價係低市場預期，不過市建局仲要蝕咩﹖況姐，而家榮光街項目賣緊，變左身做首岸，賣緊2萬蚊尺。咁你估發展商會賺幾多，市建會唔會有分紅﹖仲未計市建最鐘意保留商場，或者攪租金分成 -- 我仲未計個項目有幾多車位，可以賣幾多億添。)

咁而家東九龍線又話要撥多兩塊地比個中標公司做「財務資助」，你話係米嘆為觀止﹖

*************
我想講既係，政府成日話香港要轉型，要攪金融同高科技 (仲有好幾百個咩航運呀乜春中心啦)，阿波叔近排講五年規劃時，又講到，「對香港發展前景樂觀，金融與創科雙向發力、相互賦能，必然是重心之一。」

之但係，你見到，香港解決好多問題既方法，原來係好簡單﹕比塊地你啦。

原來，所有文化藝術發展、市局重建、交通基建既問題，如果係有成本問題呀，咁米比塊地你，咁米解決到囉。

所以，解決香港好多既問題，原來都係返返去地產，只要塊地值錢，扲比你去賣，就會解決到個問題。

你話咩公共資源分配，講咩財赤，其實賣地就攪掂到。

咁你話，香港政府係米真係可能有力問鼎到諾貝爾經濟學獎﹖

一招，就解決到好多問題啦喎。

咁不過，如果唔靠地產，衣招仲WORK唔WORK﹖

結論係，好多人包括官府都話，香港冇高地價政策，香港唔應該靠地產。不過，冇咁貴地價，而家個五年規劃淨係攪「金融與創科雙向發力」的話，咁好多野，就真係食曬屎鳥。

**************

衣度，根本又係呼應返我講香港財政個樣野﹕你唔係靠賣地收入，你靠咩創科返黎既稅收，真係食得屎。

**************

最後，講到衣度，有咁上下年紀既，都會sense到樣野。

當年數碼港米係咁囉。要發展數碼港，米比佢賣地囉，咁米解決到融資問題囉。

咁你話，遲下北都冇人落搭喎，咁點算﹖

而家米又有方法囉。

嘿﹗

**************

未完。