香港﹕有力問鼎諾貝爾經濟學獎(5)

最後，補多句﹕

而家米成日講緊北都，講緊北都好吸引，講緊要發展創科引擎，甚至要做埋生質生產力既基地既。

咁其實，做乜要比幾塊地間中標公司去起樓﹖

你係北都比多幾十塊地佢去做研發做生產基地，唔係仲合乎政府而家講緊既咩發展北都官產學研結合咩﹖

你比塊地間中標公司去做返傳統發展商起樓，係米睇唔起佢地，唔想佢地係香港既創科之都分一杯羹呀﹖

所以，講到尾，其實都係切合返個題﹕好多野口講就係要咩經濟轉型，最後尾，其實都係用土地去解決的。

無論係市建、西九、以至所謂既東九龍智慧綠色集體運輸系統，講到咁有智慧，其實都係用賣地去攪掂。

所以，醫療通漲﹖社福安老開支爆升﹖要解決，其實好簡單既jak，我地有賣地經濟學架，所有野，賣地，提供財務資助，米攪掂囉，下麻。

衣個，真係偉大既經濟學理論，應該扲諾貝爾經濟學獎。

****************
半抽水。

今日明報頭條仲話，「入標後政府要求減價 業界嘆不公 財庫局稱「價格協商一直存在」 否認關財赤」，咁其實，你米比幾塊地班入左標既工程佬，做過「財務資助」安排，米攪掂曬，唔洗佢地減價囉。

你冇理由對住東九龍線就咁慷慨，其他工程就咁架麻。

嘿﹗

*************

補多句。

啟德個咩智慧綠色系統，前排宣佈左，話個招標期又延長6個禮拜啦。

啟德冇地比中標者起樓架啦，咁你估會唔會又九唔搭八撥幅唔知邊度既地，比阿中標者丫拿﹖

*************

完。