2026年9月21日星期一

院校申請不存在財政問題

好簡單講衣樣攪笑野。

北都攪大學城,係今年初之前,其實咁耐歷史以黎,都只係講係牛潭尾攪個大學城,再強加個新醫院,為將來第三間大學醫學院做教學用途。

衣條LINK既內文就唔洗睇,不過篇文係2025年初出現,入面幅圖都顯示,其實大學城個規模係好細。當然,你睇內文,當時既大學城其實已經同原先最初相比,係再增加幾十公頃面積,去到差唔多100公頃。不過,大部份都維持係牛潭尾個位置。

施政報告將個大學城變做1000公頃規模,咁本土研究社就出黎話,北都個定位係米由科技城 (特別係新田)轉左做大學城﹖陳劍清係上面條LINK甚至咁樣講﹕

雖然政府已預留100億,供有意加入發展「大學城」的大學申請貸款,但100 億可能只夠興建幾棟大學的大樓,香港本地大學財力再雄厚,要承擔發展如此大規模的「大學城」區,也會感到吃力,若把所有資源押注在北都,必然會影響大學本校的資源分配。

陳劍清個講法,就係社會好多人講啦。

咁陳國基早兩日,就咁樣回應﹕

他指洪水橋大學城園區將率先推出三幅共佔地26公頃的土地招標,專注於智能製造、應用型專上教育及國際化人才培育。政府早前諮詢期間,已有19間本地大專院校表達興趣。

陳國基續說,首階段土地申請將優先開放予本地大學,並以產學研合作、國際與內地院校協作、引領產業發展及培育本地所需人才為四大評審標準。項目截止申請後,將由他主持的「大學城建設同發展委員會」進行審批,預計2027年年初正式批出土地。

為減輕院校財政負擔,政府除象徵式收取地價外,亦已預留100億港元貸款,協助大學興建校舍。他又指,首數年會是免息,解決院校興建校舍的資金困難,院校可以20年償還貸款,「不存在大家覺得財政上做唔到所以唔申請。」


陳國基個說法,真係可圈可點。PT FORM講兩句﹕

1. 陳國基話,諮詢期間好多本地大專院校表達興趣,就緊架啦。你之前洪水橋塊產業用地,都好多發展商表示有興趣架 -- 係睇價錢睇政府有咩要求之麻,塊地唔洗錢我米有興趣囉。比面派對,唔通我兜口兜面同你講,叫你收皮呀﹖

1.2. 最後洪水橋塊地,幾多人入標,個價係點話﹖

2. 第二點。咁你話香港各大學係米「不存在大家覺得財政上做唔到」﹖

2.1. 我記得,香港各大學其實唔係好有錢,咁GOOGLE左,其實就好易搵到;

2.2. 阿HK01係年頭先做左個全港各大院校既財政報導,講返各大院校上年既盈餘。你CLICK入去真係經典。

2.3.港大勁呀,佢盈餘有46.47億元;第二位中大既盈餘,嗯,26.37億元,差咁遠﹖第三位,竟然係浸大,有,嗯,7.56億元;第四位,城大,5.86億元;第五位理工,4.93億元;第六位科大4.57億元;第七位嶺南3.35億元;最尾既教大,登登登登,200萬元。

2.4. 我相信,衣條數應該每年唔會有好大出入,就算係科大要攪醫學院,都應該未洗用好多錢住。

2.5. 咁除左港大中大有雙位數盈餘之外,咁第三位浸大已經得返7.56億餘,你估佢儲備有幾多,你話佢發債要係北都興建科研大樓之後,每年點樣還息﹖

3. 當然,更加簡單,我又深入小小睇港大盤數。不過,唔駛睇報表住,阿張翔2025年年頭已經咁樣同你講﹕

上學年港大的財政儲備415億,張翔指港大的儲備累積逾百年而來,當中大部分在捐贈時已指定用途,不能改變,例如大學的建設新設施和項目,或是贊助教席和研究院,以及奬學金等,可以動用的可能只是利息收入,不能動捐款基金本金:「若你拿走本金,那個教授席就可能會消失,導致我們不能兌現對捐款人的承諾。」

張翔已經同你講左,就算港大有儲備,其實都係有指定用途;可以動用既,「可能只是利息收入」。所以,就算港大中大儲備條數可能好靚,但係,好多錢唔可以亂用。

3.1. 另外,我睇完個報導,就好奇怪﹕港大2025年賺46.47億元,點解2024年個財政儲備,只係得415億﹖我唔睇佢咁多年盤數,不過港大今年個財務報表,就好值得睇,亦都有小小解釋到點解出現衣個問題。

3.2. 報表顯示,港大2025年收入係171.57億元,支出係125.10億元,所以有46.47億元盈餘。不過,係收入入面,「淨利息及投資收益」有25.68億元,佔盈餘一半以上;

3.3.我再睇佢個附註6,睇下衣個「淨利息及投資收益」既breakdown。原來,衣25.68億元入面,6.26億元係銀行存款利息,有19.58億元就係「按公平值計入損益帳的財務資產之已實現及未實現淨盈利及投資收益」。

3.4. 衣19.58億元,其實都唔係好知咩黎。事關,衣份財務報表顯示左上年衣條數 -- 上年只係有9.54億元。究竟港大個投資條數,除左係唔大上落既美債之外,有咩原因個FAIRVALUE會係一年內差左10億元﹖

3.5. 亦所以,你睇港大條大數,佢上年收入同支出都係差唔多 -- 不過因為衣個投資收益項目條數差好遠,所以上年既盈餘只係有37.88億元。衣個小左10億元既盈餘,剛好就等於個投資收益小左個10億元。

 3.6.咁所以,好可能因為佢個投資收益fairvalue變化好大,咁就算港大2025年有46.47億元盈餘,所以佢咁多年儲備只係得400億元左右 -- 當然,佢衣20年不停擴建校園,就用左好多錢啦。

4.當然,唔好理港大甚至中大,其餘各大院校,如果問政府借幾十億又或者係發債,係北都興建校舍,以佢地每年賺個幾億既財政狀況,佢地可以點樣還息丫拿﹖

4.1. 好簡單一個例子﹕中大醫學院。之前中大醫學院盤數攪唔掂,最尾中大要用自己儲備,提早係今年開始,還返借左政府個40億貸款。

4.2. 中大好勁喎,今年提早還款喎﹗不過,佢係2023年時,就話中大醫院盤數唔掂,中大醫院個貸款要延遲5年先還。

4.3. 所以,大學財政狀況係點,係米所謂既健全﹖原來係要睇個市囉。個市好,成間大學個儲備好境小小,先可以填中大醫院條數。

4.4. 又再者,投資左落去個中大醫院啦,咁個投資回報係點呢﹖

4.5. 原來,又係冇錢賺 -- 中大之前又係話咩疫情影響,令到間醫院收入不似預期。但係,而家已經係2026年啦,佢係2026年5月,都仲講緊,「本財年首9個月,院方共錄得約21.47億元收入,較去年同期增加17%;未扣除利息、稅項、折舊和攤銷前虧損(LBITDA)約4,600萬元,較上一年度同期減少67%。」

4.6. 未扣利息個一批野,都仲要蝕緊4,600萬。

4.7. 你攪間醫院都可以蝕咁多年錢。你北都玩咩科研,究竟可以賺到幾多錢,黎到COVER返你借貸發債乜都好,要還既利息呢﹖

5. 丫,差D唔記得講,你睇上面條LINK,HK01講起中大用自己儲備還錢,都不忘抽水講句﹕

去年,財政預算案首度要求八大從「一般及發展儲備基金」一次性退還40億元,其中中文大學要歸還10.41億元,為八大中最多。

所以,你話北都要包裝到做大學城,話各院校都有興趣,其實即係乜﹖其中一個目標,都係打你個儲備主意囉。

***********
當然,講香港院校,其實就係廢話。你見唔見陳國基講乜﹖

佢係話﹕「首階段土地申請將優先開放予本地大學」。

當然,佢既目標,其實係一定吸大陸同外國院校 -- 成個北都,其實都係講緊衣樣野,要吸引內地同外國企業。

所以,佢話咩大學城,其實都只係將個包裝改一改,實際上要做既政治任務,其實都係冇變。

至於做唔做到,就真係,如果而家將北都包裝改完之後,個D地都仲係好似洪水橋咁冇咩人入標,又或者好似沙嶺個數據中心攪到九唔搭八,咁你話到時點算丫拿﹖

***********
最後,小小題外話。


其實,之前唔知係金發局定咩人都放風講過;跟手施政報告講完之後,又多左人講唔知咩野。

羅尚沛就話,聯繫匯率同港紙唔會消失,不過到時你唔會用之麻。

我既睇法,係類似,不過仲簡單﹕澳門。

你或者同飽去澳門,係用港幣人民幣定澳門幣﹖澳門幣消失左未﹖

聯繫匯率係可見將來都唔會消失,事關國家有人要美金丫麻。

***********
真係最後。

所以,好多野,唔需要太認真。你結合埋澳門幣黎睇,香港攪北都不停發債,其實都冇問題架。

如果將來政府不停發人民幣債,中央又全力支持,咁香港政府又用人民幣債黎還債,咁好多野米解決囉。

咁長遠既野,做乜要擔心﹖

要擔心,都唔係衣樣啦,下麻。

*************
今次衣篇,係米真係好簡單呢。

完。

2026年9月18日星期五

五年規劃.指標經濟

我話唔講施政報告JAK,咁講兩句五年規劃啦。

我之前已經預言,香港所謂既五年規劃KPI,一定係亂黎。

要睇香港,就參考下澳門攪左幾年既五年規劃係咩款。

所以,我地先睇下,澳門同香港五年規劃既主要指標,分別係D咩野。

*********
首先,我比較懶,唔COPY SCREEN,係網上搵左香港同澳門個主要指標,分別係出自AM730同明報。



衣兩幅圖,第一幅圖,即係AM730個個,係香港五年規劃主要指標,就齊曬所有主要指標。

明報個澳門五年規劃主要指標,就只係COPY左部份 -- 澳門個指標其實有35個,連城市綠化面積幾多、失業率、新興產業增加值、長者院舍護理床位、每千人口醫生及護士人口比例、再到外購能源非石化燃料比例、以至不同關口出入境車輛,都有同你做過指標。

你有興趣,就自己睇香港同澳門兩份五年規劃,頭個CHAPTER已經有個主要指標。

*********
先講兩份野既分別。

如果你睇指標數目,澳門就係多左13項。不過,澳門車輛出入境 (即係澳琴一體化個SECTION),咁九唔搭八,都有5個指標,所以指標多就唔奇。

再睇大題,香港係有3個大題,分別係「經濟、創新及建設發展」、「民生」、同埋「環境保護」。

澳門就有5個大題,分別係「經濟與產業多元」、「社會民生」、「城市建設」、「環境保護」、同埋「澳琴一體化」。

就咁睇個大題,都會睇到,澳門個寫法,就民生其他野既比例係較多。

再將兩者既寫法比較,香港係寫得虛好多。

例如,香港既主要指標入面,竟然有「全球金融中心」同埋「全球跨境財富中心」,個基準年就奇奇怪怪列明係「全球第一」、「全球第三」;個2030年目標竟然夠膽死列明係「強化全球領先地位」 -- 事實上,佢連「空運貨物吞吐量」衣個指標,都一樣夠膽死列明係「保持全球領先」。

如果真係指標,或者有意義既指標,就首先唔會用衣幾個項目做指標;其次,個2030年目標,就會寫得實D,例如「股市日均成交額超過XXXX億、上市公司數目超過XXX間、管理資產規模超過XXXXX」啦,下麻。

另外,香港好多指標個年均變化 (即係個表既第三欄),又夠膽死寫做「隨環球經濟擴張穩定增長」、「與經濟增長趨勢同步」;係「人均公共醫療衞生經常性開支」衣個指標入面,佢甚至夠膽死寫「維持上升」。

衣D,其實係指標黎既咩﹖

(雖然,大陸份五年規劃,有D項目都係咁寫 --咁就證明,大陸都知道,衣D規劃係吹水)

再者,指標目的係,要你追數,要你達成 -- 如果係隨環球經濟增長或者係經濟增長同步,咁我做乜要衣個指標﹖

你唔好話,你個仔而家3歲,你要訂立「培育子女成長指標」,咁其中一個指標就係,要佢「每年身高都隨歲數增長」。如果咁樣都係指標,我都無話可說;你話你個仔可能有罕見病咁可能唔長高呢,咁我都冇野好講。

你睇澳門,其實係經濟指標入面,好多都同樣係虛。不過,澳門佬比較誠實,佢好多經濟既「年均變化」都係寫明「不適用」,2030年個目標就係「穩定增長」,唔會同你講咁多廢話虛招。

另外,因為澳門較多民生指標,例如佢分別有每千人口對應既「醫生」、「護士」同埋「病床」數目 (香港就只有對應既醫生比例),所以澳門好多數可以提供更多實數。

我唔熟澳門,佢有D咩「領取養老金人數」、「公交分攤率」都提到個實數出黎。

**********
澳門同香港既指標分別,固然係睇到唔同社會既分別。

例如,澳門係強調返非博彩業增加值比重,又或者係澳琴一體化;香港就講更多金融、土地供應之類。

不過,你會見到,澳門係更多民生指標,指標亦都冇咁虛。

又之但係,無論係香港定澳門,其實衣D指標,就好似上面我講既「培育子女成長指標」一樣,其實都係九唔搭八。

**********
即係,你要玩指標經濟,其實就只會淪落到下面衣D情況。

你SET太受外圍經濟影響既指標,好多時就唔係自己控制,最後就只有落空。變相,你好多時訂立既指標,一係就廢話,一係就已經做曬所有預備功夫,個指標寫完出黎就一定做到。

我唔講個批假大空指標,用香港幾個有實數既指標做例子﹕

第6個指標「本地創新活動總開支佔本地生產總值(%)」,基準年 (即係2024年)係1.63%,2030年達到3%。

上網睇到,有人質疑衣個指標係米咁易達到。

我會話,政府一定做到。因為,衣個指標係包括本地研發。

本地研發有個無敵既定義,你睇統計處網頁,有話比你聽﹕「本地研發總開支涵蓋用於進行研發活動的資本開支及經常開支。資本開支包括在統計年度內為研發活動而購買土地、樓宇、機器及設備的支出」。

即係,北都攪創科園興建咁多科研大樓,全部都係創新活動開支 -- 係呀,起樓都可以係科研開支黎架。

衣D開支其實即係北都發展,即係已經計左數出黎,要投入幾多資本開支的鳥。


你再諗真小小,就算唔起科研大樓,你谷大所有咩研究咩創科基金甚至玩老千科技卷,最終都係提升到所謂既「本地研發開支相對本地生產總值的比率」。

咁要達成衣D九唔搭八既「科研開支佔本地生產值比率」,真係大把「操作空間」。



第11. 北部都會區「熟地」五年產出量(公頃)同第12. 北部都會區住宅五年落成量(單位)

衣兩個指標,唔洗問,都一定做到。而家北都好多地,已經做緊平整,你五年要做到幾多熟地幾多住宅,又點會計唔到數﹖

除非你話,我連規劃收地都未做,咁就係硬指標 -- 但係北都既地,應該全部都做曬衣批動作,古洞個D住宅賣緊添啦喎。



14. 旅遊業的增加價值(億元),基準年2024年係862億,2030年目標係1260億,個「年均變化/累計增長」係「累計增長約40-50%」

個累計增長係米好似好有型好勁呢﹖

不過,只要你睇開衣度又有記性,或者去統計處搵返選定4大行業入面旅遊條數,再GEN個圖出黎,就知咩事。我GEN埋比你﹕


見到麻﹖

五年規劃係「旅遊業的增加價值」個2030年指標,係1260億。即係,原來個指標係要返返去2018年旅遊業個高峰1205億 -- 我仲未計2018年即係12年間既通貨膨脹。

咁你話,衣個五年規劃既目標,係米好偉大,預計香港攪左咁多年無處不旅遊,都係希望香港旅遊業可以返返去十幾年前即係2018年既貢獻﹖



20. 零碳能源在發電燃料組合中所佔的比例(%)

我唔詳細寫個指標啦。不過,個指標係由而家既25%,增加到2030年既30%,衣個米係講左成10年,之前不停諮詢完再總結既香港發電燃料組合指標囉 -- 而家五年規劃,係再回帶講多次出黎。

*************
睇完衣D指標,你明香港既五年規劃指標,究竟係咩一回事未﹖

如果要好似大陸,真係要認真做指標,你SET指標時,就會要SET一D要追數先做到既指標;而個D指標,仲要唔係好似而家咁虛,仲要係虛到同你既政策目標無關。

例如,香港五年規劃有衣個指標﹕

第13.在香港修讀經本地評審全日制專上課程的非本地學生數目(萬人)

如果我要SET指標,我會點SET﹖ 

我除左會SET衣個九唔搭八對應咩「香港教育樞紐」「香港人才匯聚高地」既指標之外,我個指標仲會列明,各大專院校開左幾多指明創新科研課程、有幾多學生修讀衣類學課、衣類學課同左幾多北都公司合作轉化科研成果。

衣D,先係配合你而家九唔搭八北都既指標,衣D指標先係要追數,要資源投入 -- 你要鼓勵大學開天體量子宇宙無敵航天學士碩士課程,你米提供相關課程額外資助,規定畢業前一定要去科研機構實習,每個實習項目又提供幾千億資助,去鼓勵咩北都科研發展囉。

衣D先硬指標,先可以令到你既政策資源要配合。

(唔係題外話﹕你要睇大陸既指標經濟,其實最宏觀最大聲個份就冇咩詳細指標;要睇堅野,就要睇佢份大指標再下面既唔同政策文件。例如,2015年發佈既「中國製造2025」就唔太多指標,不過之後發佈個份技術路線圖,就好多好細既指標,連好多咩飛機呀花片呀國產化比率係幾多,都有指標。我求其搵,有興趣可以睇衣個報導。所以,大陸個份五年規劃好多指標都係吹水,不過再之後好多專家技術文件,就有好多細化指標的)

****************
當然,我唔信指標經濟,所以上面既係廢話。

你見大陸既指標經濟,提供咩補貼誘因,最尾有咩結果﹖

你望下而家話咩新能源車內卷,新能源車就係你五年規劃既重點發展項目;你要鼓勵發展新能源車,又要刺激消費,最尾比亞迪米賣曬D車比4S店係度擺,比亞迪又扲到補貼,你又實現到新能源車每年產能既政治目標囉。

不過,衣幾年發現唔對路,就話內卷,話唔再容忍零公里二手車,就成個政策九唔搭八似想U TURN,而家市監局甚至想攪埋電池攪阿寧德時代添。

唔好講芯片,你睇新能源車,就係指標經濟既攪笑例子。

********************
最後,講返香港份五年規劃,成份野真係攪笑,係應酬成份居多。

我求其睇內文,睇我最鐘意既海洋公園同迪士尼,你估份野點講﹖

我DIRECT QUOTE呀下 (以下係出自「第三節 建設中外文化藝術交流中心」既第2.67段)﹕

專欄23 文體旅協同發展

1. 啟德體育園舉辦更多非本地藝人表演,提升香港國際化地位
• 於2030年,在啟德體育園舉行的演唱會或表演中,非本地藝人為主的比例提升至60%。

2. 推動香港迪士尼樂園提質擴容
• 透過不同類型的新設施持續提升吸引力,包括以「漫威」為主題的新園區,以及全新彼思主題娛樂體驗。爭取訂立並展開下一個中長期發展方案。

3. 提升海洋公園體驗、發揮教育保育優勢
• 打造海洋公園成為保育研學教育基地,發揮海洋公園在教育保育工作的優勢,包括推出更多以大熊貓及其他動物保育為主題的活動。提升園內的娛樂設施,包括規劃及興建全新的山上歷險主題區,進一步優化園區體驗。

成個專欄23都好有趣。PONT FORM講﹕

1. 啟德「非本地藝人為主的比例提升至60%」。

咁其實而家啟德每年攪左幾多場表理,本身個「非本地藝人為主既比例」又幾高﹖我見而家啟德大陸歌手已經好多啦喎﹗

再者,到時請唔到非本地藝人,你米用黃子華講個招囉。唐英年係沙士時期既名句係,「我相信在我有生之年,香港失業率都不會回到2.2%」,咁黃子華米話,咁件事就唔難解決啦,縮短佢有生之年米得囉 -- 啟德請唔到非本地藝人,咁請小D本地藝人米得囉。

2.上面第2點講迪士尼就經典。

香港迪士尼既營運策略,幾時由香港政府話事﹖

你寫落去五年規劃講咩「爭取訂立並展開下一個中長期發展方案」,其實迪士尼係2017年問左政府扲54億,去拆左個城堡,更新左好多設施 -- 距離上個翻新計劃就黎十年,設施慢慢失去新鮮感,就自然要翻新,咁洗乜你「爭取訂立並展開下一個中長期發展方案」﹖

就算要話事,你講既「以漫威為主題的新園區」同個PIXAR園區,其實係2024年已經講左會做 -- 而更大獲既係,雖然衣排套蜘蛛俠夠返成個MARVEL電影系列,不過「漫威」仲有幾多吸引力呢,都有多小疑問。

最後,補多句,差唔多十年前講緊土地大辯論時,迪士尼有個爭議,就係竹高灣有個迪士尼二期用地,係以認購期權方式預留左比迪士尼優先購買發展。所以,當時塊地有份契,份契列明好多野唔可做,或者好多野要迪士尼事先許何,批准你先可以做。

係2020年時,個認購期權正式完結左,個塊地理論上就可以自由運用,最尾做左方倉 -- 而家羅淑佩話迪士尼無債一身輕,話對二期用地做擴建持開放態度,就真係小佢啦﹗

迪士尼點解無債﹖點解衣幾年人流上升﹖點解樂園會賺返錢﹖

米係因為你香港政府係2017年注左資54億,比迪士尼攪擴建去吸引新客源丫麻。迪士尼用左成百億做擴建都冇債,係因為你當時出左一半錢,個筆錢係注資唔駛還比政府丫麻﹗

如果海洋公園之前攪咩水上樂園都係由政府出錢,超支幾多都唔駛還,咁海洋公園而家都「無債一身輕」架﹗

再講,迪士尼由2024年開始賺幾億,你估幾時先可以COVER返當年攪擴建個100億丫拿 (當時係政府同迪士尼公司大約每人出一半錢,加埋係一百零幾億)。

又再再講,如果真係二期用地攪個擴建,就唔係2017年個種擴建加幾個設施,而係由無到有,起多半個香港迪士尼出黎呀﹗

我求其搵,衣條THREAD友有幅圖,你望下二期用地即係竹高灣方倉既面積係幾大﹖

香港迪士尼緊係想用埋二期用地架,因為如果真係用埋二期用地,應該要投資幾百億 -- 咁政府有一半多小小香港迪士尼股份,咁任何擴建計劃就要對應返投資返幾百億。

當然,要擴建迪士尼二期,迪士尼都要出成百億喎﹗不過,迪士尼一定冇問題,事關香港迪士尼樂園面數每年賺幾億或者好似之前蝕幾十億都冇問題,因為香港迪士尼要用母公司既IP,係要比好多版權費專利費管理費。

擴建埋二期,迪士尼可以扲到既版權專利管理費,米每年更多囉。

你望下,唔止泛民,連田北辰當年都不停回帶講過衣樣野,就係迪士尼母公司唔理香港迪士尼賺錢定蝕錢,都每年收你收入既10%當係專利費同管理費。

你估而家班尊貴班咩社會人士要討論擴建迪士尼,有冇人知衣樣野,有冇人明白,主題樂園要不停擴建更新個資本開支無底深潭既邏輯丫拿﹖

見到衣幾年有錢賺,就以為係好易做既生意 -- 不過就唔記得,你係早幾年投資左成百億,所以衣兩年先每年有5到8億盈餘。

亦所以,條數就好簡單﹕你話之前2017年個輪用左100億既設施更新,即係個D咩IRONMAN冰雪奇緣,係米未來十幾年都可以繼續吸引旅客,之後每年賺返8億,最終個100億投資就可以打和丫拿﹖

當然,就好似我上個POST講觀塘延線講屯門南線,如果真係擴建迪士尼二期,班官就會同你講,唔係既,除左實際投資回報,仲有好多其他經濟回報,例如會吸引更多旅客黎香港,咁米會有更多旅客額外消費囉。

真係九唔搭八。

3. 最後,五年規劃衣個SECTION,最尾講海洋公園,就真係冇野好講。

其實,你有方法令到海洋公園唔好執粒,或者唔需要再注資,就已經好難得鳥。

**************
上面係打打下字離題。

不過,你見五年規劃入面,好多「專欄」,即係特別留意既項目或者細KPI,其實都係同上面旅遊一樣,都係九唔搭八。

比多個簡單例子,你望下專欄22講體育,佢係咁講﹕

專欄22 體育發展壯大香港體育產業規模
• 投放於體育發展的資源在未來五年累計增加20%。
• 全職精英運動員的人數在未來五年累計增加20%。
• 體育及相關活動以基本價格計算的增加值在未來五年累計增加10%。

你望下,成個欄係係米九唔搭八﹖

佢個題「壯大香港體育產業規模」,同有幾多精英運動員有幾大關係呢﹖劍擊個D熱潮野就唔講,不過多兩個體操精英運動員,就成班靚仔係公園同你玩體操跳馬呀﹖

寫個個,係米弱智架。

咁我唔理佢係米弱智,要達成衣D野又係「操作上」又好簡單,你修改下精英運動員既準則就已經攪掂。

當然,如果你話要改善體育發展,增加精英運動員,你係米要講成個體院再加民間中小學培訓運動物理治療配套體系之類﹖你除左睇佢專欄,再睇佢內文入面個兩段文字,係完全冇提過任何衣D實務野,全部都係假大空,講埋D九唔搭八既野,例如,佢內文係咁寫﹕

發展體育精英化、盛事化、專業化、產業化。透過體育學院的精英訓練系統,全面支援及提升運動員水平。充分利用啟德體育園及「M」品牌計劃,支持更多不同類別和更高級別的大型國際體育賽事和活動在香港舉辦。

佢講4個化做口號,再求其他體院兩隻字,就係規劃係政策啦﹖

********
上面既都係好民生既野。不過,你睇五年規劃個所謂經濟重點,其實都係九唔搭八。

我QUOTE多一個有睇開衣度都知咩事既專欄,同埋另一個有代表性既專欄,就收工﹕

專欄11 優化粵港澳大灣區多式聯運網絡

1. 香港國際機場東莞空港中心
•推進東莞空港中心項目,以海空聯運模式,完善兩地接駁,方便貨物流轉。

2. 發展更多多式聯運模式
• 持續優化「經珠港飛」及「空—陸—空」、「陸—空」、「海—空」,以及「空鐵聯運」國際聯程轉運模式,並發展更多多式聯運模式,加強香港國際機場與粵港澳大灣區其他城市及內地其他城市的連繫。

3. 與澳門國際機場合作進一步完善乘客流向
• 利用「海天客運碼頭」的海空聯運服務、港珠澳大橋口岸往返香港國際機場專線(封關巴士)服務等提升服務效率。

4. 粵港澳大灣區世界級機場群
• 研究進一步深化粵港澳大灣區世界級機場群的協作。
• 支持「珠江三角洲地區空中交通管理規劃與實施三方工作組」優化粵港澳大灣區外圍航路和空域結構,透過加強數據分享和新技術應用,創建更靈活的空管運行模式,提升區域流量管理效率。

衣個專欄11,睇開衣度都知,咩經珠港飛海天客運碼頭海空聯運之類,全部都係廢話,幾十億倒錢落海。

東莞個空港中心,攪左好多年,成日都聲稱好成功,不過而家都係每年處理萬零噸貨物 -- 香港最新一年空運出口既,係500萬公噸。

當然,你睇上面條LINK,話東莞個倉擴建後「逐步達至每年處理100萬噸貨量」,咁你就要問,係囉,香港機管局要同東莞市政府簽協議做物流園,將D貨由東莞直接轉去香港機場出口 -- 咁係米唔用衣種方法,東莞D貨就會去曬深圳,香港機場個處理量份額又會下降﹖

唔係的話,咁你用衣種方法,香港又要攪咩高增值物流。咁結果係,係米第時北都又要同「香港國際機場東莞空港中心」競爭呢﹖你話係米攪笑﹖

講埋下面衣個專欄,就收工。

專欄15 壯大新興產業和布局未來產業壯大新興產業為未來產業作前瞻準備及布局

• 鼓勵「產、學、研」協同發展,支持有戰略價值和高質量發展的新興產業(例如航天經濟、海洋經濟等)和未來產業(例如量子科技、具身智能等)。

• 透過市場化方式吸引各類金融資源(例如耐心資本投資)投入到前沿領域產業和科技發展,加上相關政府資助計劃及基金,壯大新興產業並布局未來產業。

• 探討港粵在航天等領域的合作。

衣個我就唔評啦。不過,衣個「壯大新興產業.....」係香港政府衣幾年非常重視既野。

你睇完佢五年規劃既HIGHLIGHT係講D咁既野,你係米覺得攪笑呢﹖

*************
總結既係,我知冇人會認真睇衣份五年規劃。

不過,衣份野係各方面黎講,都真係好攪笑的。

真係,你當香港政府好有錢有資源都好,佢衣D 指標,真係九唔搭八,講完都唔知點做。

***************
完。

2026年9月17日星期四

唔洗評施政報告 (4)

最後,我真係冇睇份施政報告。

不過,擒晚食飯時,聽到個所謂施政報告論壇,有個記者就好抵死。佢大約係話,金管局今年初就話無意增持黃金,咁點解特首而家又有個轉變,話金管局會研究增持既呢﹖

我特登搵返新聞,當時金管局應該係每年去立法會講外匯基金表現時,講左類似既野。當時係咁講﹕

黃金價格不斷飛升,市場亦關注金管局在貴金屬資產的涉獵程度。余偉文指,外匯基金的配置須兼顧港元穩定與高流動性需求,即使黃金具避險屬性,但目前仍未有大規模增持計劃。金管局副總裁李達志補充,外匯基金沒有任何貴金屬的實物投資,去年也沒有提升實金投資;強調配置要考慮5年、甚至15年的回報及風險,且會多元化投資,不會因短期市場變動而調整持倉。

金管局一直都唔扲貴金屬,其實原因好簡單。

除左係余偉文講既,「外匯基金的配置須兼顧港元穩定與高流動性需求」,咁你扲住實金就好煩。另一個原因係,貴金屬冇息收架麻﹗咁米影響外匯基金回報囉﹗阿波叔今年講預算案時,又話要轉撥外匯基金盈餘去投資北都,咁我扲多D金,每年利息收入又小左,咁我比返自己私己錢阿波叔去填數呀﹖

當然,阿家超回個記者,就更加一絕。求其搵報導,家超係咁講的﹕

《五年規劃》及《施政報告》提出研究容許外匯基金適度增持黃金,以及將現有黃金庫存,逐步轉移至港金結算公司指定倉庫。

行政長官李家超在電視論壇上指出,金管局作為政府的重要政策單位,在支持香港整體發展上很重要,除了確保對銀行和貨幣體系的管控,增持黃金以分散投資亦都值得考慮,特別是本港正建立國際黃金交易市場,朝著政府政策作出決定是正確方向,既是支持香港,亦是合理的風險管理措施。

李家超強調,香港在黃金市場發展具有優勢,不少內地單位都有黃金交易的需要,本港能夠提供相關服務,內地單位長期在港存放黃金,能夠降低交易成本,而當本港倉儲愈來愈大,亦能夠激發黃金交易市場的自身動力。

我唔知有冇人會識,會覺得唔對路 -- 金管局班老鬼可能暗啞底覺得唔對路,不過就唔會有人講。

即係,金管局由任志剛時期開始,就比人叫獨立王國,知唔知點解呢﹖

因為,金管局係要獨立運作,理論上唔受政府干預。衣個,係金管局作為維持聯繫匯率,管理外匯基金既最重要角色 -- 你唔係獨立,唔受政府干預,我點信你呢﹖

應該冇人記得,亦都冇人識得,想當年財政司同金管局其實係有封信,清楚明確兩者關係。

我竟然係金管局網頁個管治架構入面,見到梁錦松作為財政司司長比金管局總裁 (即係金融管理專員) 既衣一封信 (網頁入面話有份報告,條LINK就死左啦)。


我覺得封信會隨時唔見,比相關人事洗左,所以COPY埋係度。

封信最重要個句係,「金融管理專員須自行負責達成貨幣政策目標,包括決定有關的策略、工具及執行方式、以及確保香港貨幣制度的穩定與健全」。

「須自行負責達成貨幣政策目標」。

SEE﹖

金管局係政府架構既一部份。不過,就好似佢而家個「管治架構」頁面都仲係咁講﹕

「金管局是香港特別行政區政府架構的一部分。金管局的日常運作,在金融管理專員所獲賦予或轉授的法定權力範圍內高度自主,並輔以高度問責性和透明度。」

你如果唔係「高度自主,並輔以高度問責性和透明度」,即係有咩要聽特首講既,就早講丫。

當然,你可以話,唔係既,金管局有4個主要職能,包括維持聯繫匯率、監管銀行體系、鞏固香港國際金融中心、同埋管理外匯基金 -- 咁上面封信係講「貨幣政策目標」,即係淨係講維持聯繫匯率之麻。

咁其他職能,都未必一定係「須自行負責達成」既。

你夠膽敢講,我真係服左你。

當然,講咩都冇用,你余偉文年頭先話外匯基金唔會扲黃金,而家就轉軑話要研究,仲講到話「外匯基金增持黃金有助金市發展」,咁米係囉,你年頭未訓醒,而家訓醒左,米要研究增持黃金囉。

ANYWAY,唔該,係咁的話,你唔好再講自己係專業啦 -- 雖然你早幾年係金局管年報已經講咩由治及興大灣區已經九唔搭八。

咁你而家降到去同家超一樣LEVEL,你夠唔夠膽學家超講,「金管局作為政府的重要政策單位,在支持香港整體發展上很重要」。

如果你夠膽講,咁快手叫波叔未換屆前寫多封信比你,話以後金融管理專員既職責係支持政府、支持國家、支持香港融入大灣區啦。

小。

************
施政報告其他野,我就真係唔講啦,事關冇睇過。

我特登講金管局,係睇唔過眼,又預左冇人會講JAK。

以往十幾年,圍住金管局既角色,就有好多鬼故,絕大部份都係亂UP。不過,衣D金管局法定或者制度上既角色,官方既書信內往,就冇人識的,所以要講兩句。

************
完。

唔洗評施政報告 (3)

打打下離題,所以開多個系列。

*******
睇完之前個POST,咁你明我講乜米﹖

你唔需要睇施政報告講乜,你只要問,政府咁多大計,究竟如何做FINANCING,錢從何來就得。

*******
我開多個系列,其實係想講,有個現成新鮮滾熱咩既例子,可以同觀塘延線比較。

個例子,係屯門南延線。

屯門南延線又有份財務安排既文件。正如我一路所講,而家D文件真係九唔搭八,衣份都係。

觀塘延線份文件,起碼都有同你講唔同歷史時期既造價估算,亦都有講條線通車後既車務同其他收入係幾多,剩低要有幾多資金差額要由政府資助。

衣份文件,淨係話比你聽,屯門南延線個建造成本係158億 (按2023年7月價格),經濟內部回報率係0.6,咁就完左。

同時間,份文件有個新TERM,佢係咁講﹕

與東涌線延線項目採用相同的「鐵路加物業」模式,屯門南延線項目的財務資助形式是從物業發展用地的十足市值地價中扣除一筆固定總額,以填補鐵路項目資金差額。 政府與港鐵公司已達成協議,該筆固定總額為 242 億 138 萬元(按付款當日價格計算)。日後當港鐵公司要求 批出 物業發展用地時,會在按「設有鐵路」的基礎評定地價中扣除該筆固定總額。 這安排為港鐵公司提供足夠的財務資助和確定性,以推展鐵路項目。

簡單講,即係政府話批比港鐵塊地最高係值「242億138萬元」。如果賣地多過衣個金額,港鐵就要將多餘款額比返政府;如果唔超過,港鐵就唔需要做任何野。

咁屯門南線塊地即係第16區有4期,咁有兩期開左標。

第一期就我攪唔掂,唔知賣幾錢,不過衣段新聞入面話市場估值係12至24億,咁我當係15億。

第二期,即係所謂既巨無霸項目,就早排開左標。新地用105億投到塊地,即係樓面尺價就$3,500。不過,有線衣段新聞就話,綜合市場預測,項目估值介乎約81億至136億元,每呎樓面地價最高4,500元。

ANYWAY,屯門第16區頭兩期加埋,港鐵係收左大約120億左右。另外兩期係細項目,加埋唔知有冇50億。

就算有50億,加埋已收既120地價,加埋都係170億 -- 而個屯門南延線建造成本,係2023年估計,就已經要158億。

即係,唔理個項目成本一定唔止158億。你計埋個分紅安排,屯門南延線都唔知有冇錢賺 -- 事關市況唔好,又或者係地點唔吸引,所以你睇胡說樓市做左個SUMMARY,話比你聽,新地中標後係有唔同期數付款方法,唔需要即時比錢港鐵;而之前何交田站分紅係35%,今次屯門站第二期只係15%。

************
咁同觀塘延線比較,又再更清楚明白係咩事。

觀塘延線就撞正樓市上升週期。

就算港鐵比高銀玩左一獲,唔知最終收幾多錢地價,不過又因為高銀玩左佢一獲,朗賢峰係2024年4月先開賣,當時已經賣緊折實呎價17,750至25,866元。之後朗賢峰去到2024年尾都仲有貨尾加價招標盤,咁你唔好理佢之後玩到之前講過既牆身藏汽水罐,究竟港鐵係朗賢峰賺左幾多﹖

你將朗賢峰同屯門南線比,都預左個結局會差幾遠 -- 就算長遠有個大商場個盤夠大有永續管理費收入都好,港鐵係屯門南線成個項目無論係風險係咩都好,都應該唔會賺好多。

靠營運,多左屯門南個唔知幾多萬個客既每年車務收入,就真係食屎囉。

即係,你公司營運你睇現金流。就算將來租務管理收入長做長有都好,而家衣一刻要興建屯門延線,你就要而家比錢承建商。

所以,要計風險,就唔係睇你將來收入點點點啦。

最後,而家第二期巨無霸個樓面尺價都$3,500,仲未計連埋商場個包括巨無霸商場既建築成本。咁,未來北都有超大量供應,你估個巨無霸賣到幾多錢丫拿 -- 已經唔計,你住深圳灣同住屯門碼頭有咩分別﹖

****************
我之前話,易思行講過政府將債務轉移比港鐵同其他公營機構。

我就話,冇咩所謂架,到時港鐵加價米得囉。

不過,實情係,有D野,又唔真係得既。事關,你興建條鐵路,係過百億投資。你賣既係古洞屯門唔知咩地,其實又會幾值錢﹖

你賣既係港島市區地,甚至遠小小大圍地都好D -- 北都地,就真係大獲的。

咁港鐵而家做咁多工程,又要更新咁多系統,究竟佢盤數會點呢﹖會唔會去到一個地步,就係獨狂加車費加管理費,都攪唔掂呢﹖

又再不過,都係個句,到時米比塊市區地港鐵囉。

****************
最後,我既總結係,你再結合埋,我上個POST講既潤澤科技之流,你就知未來成件事係幾咁危險,施政報告講既唔好願景,而係恐怖片。

即係,都係回帶,之前洪水橋塊地,中海外京東個D用10億就投到,跟手阿洪水橋產業園區主席林健鋒就話,成個發展要168億,中標發展商除左要興建住宅,加埋自行發展個物流用地之外,仲要平整多兩塊地,之後去交返比產業園區,咁就顯示中標公司對塊地好有信心。

如果好有信心,兩塊地就唔會做完平整,就比返個產業園區啦,小。

當施政報告講左咁多大計,不過錢又唔想出,又或者係冇錢,又再或者係靠發債同基金轉撥,之但係最終又再靠埋所謂既市場力量,咁最後會變成點呢﹖

*****************
未完。

唔洗評施政報告 (2)

早個星期,我見到梁天卓回帶,係衣篇文入面,講董建華同曾蔭權既房屋政策,講土地供應同埋房屋供應有時差。

睇完篇文,我原本打左幾千字,講點解唔需要評施政報告。不過,諗諗下又係回帶,所以未打完就DELETE左。

不過,見到衣個系列(1)入面梁天卓篇文,再加上擒日我又睇到篇文,咁講好多句。

*************
唔需要評施政報告,係因為,政府都冇錢,佢所有講既野,你都可以當係佢講住先,有冇資源SUPPORT去做,就係後話。

我DELETE左個篇文,其實係先講歷史。

咁,就講下歷史,不過唔會好似我原本篇文咁長氣。

*************
好多人指責曾蔭權,話佢唔理樓價升勢,死都唔肯改變「孫九招」,令到樓價由梁振英時代開始失控。

而家望返,係事實;好多蹟像顯示,政府應該係2009年就要做野。

例如,用我最鐘意既指標,你睇財政預算案,2008/09年政府土地收入係170億;當年估計2009/10年土地收入係166億。

不過,2009/10年預算案顯示,當年實際收入係373億。

之後2010/11年即係曾蔭權尾二年,政府土地收入就已經係開始600億樓上 -- 去到林鄭最瘋狂時,就已經超過1,700億。

上面衣組數,結合埋歷史,其實有好多啟發﹕

1. 曾蔭權係2011年施政報告先做改變土地政策,重推居屋之類,其實係佢睇到數,見到2010/11年土地收入已經失控,證實樓市返黎;

2. 而家望返,佢就算點保守,都應該早一年甚至兩年改變土地政策 -- 但係,如果你當時坐佢個位,你可能會有同樣保守決定,咩都唔做。原因係,2008年冰島銀行體系仆左,2009年歐債危機衣隻短命無料到黑天鵝出現﹗

當時既恆指,係由2007年既3萬點,跌到去之後2010年左右既1萬2千點。你當時望住衣張恆指圖,香港早幾年先攪掂負資產問題,咁你仲夠唔夠膽2008年大趺市做野﹖

你事後講咩都好易,不過當時環境做決策,係好難。

****************
當然,曾蔭權遲遲唔做野,有個不可預見 -- 又或者佢可能係2010/11年已經感覺到 -- 既後果。就係,政府財政超級改善。

要講政府財政改善,就要講曾蔭權一項好應該記下一功,不過而家既人唔記得既野 --  十大建設。

曾蔭權係2007/08施政報告提出十大建設,入面有部份項目係對整個城市建設都非常有用 (例如沙中線/南港島線/屯赤隧道)、某些就遲左做變左冇用或者冇做到 (例如港珠澳大橋、港深機場鐵路)、某些項目就要用幾十年但係而家開始政府力谷 (例如新界北發展計劃、落馬州河套區等)。

十大建設入面,有部份真係九唔搭八,例如港深機場鐵路或者郵輪碼頭等等。不過,如果董建華係被左仔叫做高瞻遠矚的話,咁曾蔭權衣十大建設,米令佢成為香港創科經濟轉型兩地融合之父,要流芳百世﹖

*****************
當然,曾蔭權好可能係預視政府財政會改善,先提衣十大建設 -- 只不過,回復力度未必係佢預見。

最簡單講,當時講左好耐既沙中線同南港島線就係十大建設其中一環。不過,有條好重要既鐵路,係唔包括係入面 -- 條鐵路係觀塘延線。

觀塘延線係一個好好既例子,預視當時同今日以後既基建融資問題。

政府當年規劃左觀塘延線好耐。係2011年,行政會議通過方案,政府就出左衣份觀塘延線財務安排既文件。衣份文件,再加埋日後歷史,就好精彩,point form講﹕

1. 份文件指,2007年時,港鐵估計工程總造價係42億,唔計車費同其他租務收入,政府就要資助22億 (當時價計);去到2011年,獨立顧問估計造價係53億,政府要資助33億。

2.所以,文件就建議,政府要批出何文田站用地比港鐵做資助;文件都提到,計及建築成本同埋地價上升 (兩者都係假設升幅為10%),係樂觀情景下,就算有批地資助,項目都會有1億元差額,要由港鐵補貼;係悲觀情景,港鐵要補貼11億。

3.你要再睇組數,就係典型既基建廢話。當時講觀塘延線既效益,係咁講﹕

觀塘線延線是現有港鐵網絡的伸延,對滿足黃埔、紅磡及何文田 一帶的交通需求,以及對維持香港經濟和社會的持續發展,極為重要。路政署估計,觀塘線延線通車 50 年內會產生的淨經濟效益約達 224 億元 (按二零零九年十二月價格計算)。這些經濟效益包括乘客所節省的時間、 其他公共交通機構所減省的經營成本以及安全效益。估計觀塘線延線的經 濟內部回報率為 6.9%。

政府所有基建呀資助海洋公園迪士尼既數,全部都係講衣d經濟效益。當佢話經濟效益包括「其他公共交通機構所減省的經營成本」,咁佢試下問返其他交通工具扲錢去做個項目丫。

4.份文件要睇既數就完左。

5.觀塘延線係2016年10月通車,當時埋單既工程造價,係72億。72億,較原先最終估價53億,多左35%,所以個咩獨立顧問九唔搭八既假定乜春情景,係廢話。

6.咁何文田塊地提供到既資助,就好複雜。高銀係2016年用62.82億元投得,塊地尺價係8,459,港鐵仲有固定分紅35%。不過,複雜在於,高銀潘蘇通幾年後走左佬,塊地比左鷹君,最後港鐵幾時收到錢,收到幾多錢,報導冇講,咁我都唔查。

7.但係,睇上面條數,我就當港鐵係收到高銀個62.82億。咁觀塘延線最終72億埋單,計埋分紅,唔好理利息成本,日後管理費長做長有之類,港鐵觀超延線衣個項目係大賺 -- 衣塊地,最尾做左朗賢峰,賣緊2萬到3萬蚊尺,港鐵分紅係幾多﹖

8. 就算唔理政府文件講既,計及票價及車站租務收入,港鐵本身要自行出資33億 (因為最終造價上升,港鐵可能要自行出資40億樓上)。你將衣62.82億再加分紅,港鐵係觀塘延線衣個項目上,係賺好多十億。

當然,而家講,又係everything very easy。不過,朗賢峰塊地最終賣成咁,其實係遠超政府同佢個獨立顧問估計。

用返獨立顧問個假設,係2011年時既評估,塊地係樂觀情景下,都只係值32億。

*****************
睇完上面觀塘延線既例子,你就會更加全面了解,香港既土地經濟係咩回事。

我成日話,政府財政係2010年打後,因為樓價升,土地收入上升,所以政府突然間好有錢。結果就係,好多福利可以開綠燈 (長者生活津貼同兩蚊車就係經典),而好多基建亦都可以陸續推出。

除左政府有錢,我都成日講,市建局都係因為RIDE ON樓市周期,好多重建項目先可以啟動;甚至去到2010年後期,前總監先可以心雄到講小區重建,仲可以請好多顧問,同你講好多假大空既跨區規劃。

我當時冇講港鐵,不過港鐵好多項目變得可行,其實都係因為樓市升 (其實仲有其他野係受惠樓市升值,不過我冇講到 -- 2010年好多社福設施社區會堂甚至幼稚園,其實都係包埋賣地條例入面,發展商因為見有錢賺先接受條款,幫你起埋)。

唔係樓市升,觀塘延線係冇錢賺。

再宏觀小小,唔係樓市升,港鐵同期咁多項目開始有錢賺,甚至再早小小開始既日出康城十九幾期同大圍名城已經開始賺錢,咁港鐵財務狀況就唔會突然間改善咁多,之後先可以同時間做曾蔭權講既十大建設入面既鐵路項目,即係沙中線南港島線等等。

我唔查沙中線盤數,不過大圍站上蓋就係柏傲莊2014年先招到標,但係沙中線已經開緊工鳥。所以,唔靠本身港鐵有錢賺儲備開始多,如果只係靠沙中線物業補貼唔知幾時入帳填數,就真係要幾小心先計到盤數 -- 如果要咁小心,沙中線同之後好多鐵路工程,都唔知要幾時先開到工。

如果又要反面比例子,樓市下降週期既效果就係,講左咁多年既白石角站,都係今年計到數,正式落實到個計劃。 

*****************
所以,返返去我個主題。

唔知曾蔭權係有心定無意,但係佢既房策咁遲先轉變,個最正面既效果係,政府好有錢,好多城市建設基礎發展,突然間變得可行。

以往90年代開始,其實都有玫瑰園新機場,又有新市鎮例如馬鞍山填海,再大規模既就有西南九龍填海 (成個西隧到澳海城一帶再去到荔枝角沿三號幹線都係個時填出黎) 同埋西鐵馬鐵。

但係,經歷左沙士既政府財政萎縮,同埋沙士後既香港經濟增速已經唔可以同回歸前既高速比較,香港可以係2010年打後,仍然有咁多咁快既城市更新 (已經唔講社會福利),其實真係全靠土地收入。

*****************
咁所以,其實就係回帶。

今年施政報告五年規劃講咁多大計,最簡單一句﹕錢從何來﹖

我原本都諗住聽下家超講乜。不過,唔知係新聞處定新聞統籌專員又弱智左,以往衣個施政報告專頁,係家超一路講野一路更新 -- 擒日朝早,就係家超講左15分鐘野,個專業都仲係維持係「施政報告2026年諮詢」既狀態,冇任何更新。

所以,我就冇聽佢講野 -- 以往我唔係聽,係RELOAD佢份文字文黎睇的 -- 唔知係米新聞處長長又換左做長官精英,所以連咁ROUTINE野都做唔好啦。


*****************
ANYWAY,真係唔需要睇佢份詳細野,淨係擒晚食飯聽佢講大學城,其實就反映到成份施政報告既問題,就知好多野一定做唔到。

我QUOTE信報,佢係咁講﹕

行政長官李家超晚上出席《香港第一個五年規劃》和《施政報告》電視論壇。對於隨着大學城規模倍增,政府原先為院校預留的100億元貸款額是否足夠,李家超稱,這筆資金主要用作校園區建設,相信100億元在啟動方面會有帶頭作用。

李家超指出,本港大學的成功根基在於院校自我發揮,政府的角色是批出土地,而建立大學城涉及龐大投資,政府的資源始終有限,若將所有資金全數投入大學城建設,將難以兼顧其他公共事務,政府必須量力而為、有輕重之分。

他相信,本港大學具備籌集資金的能力,亦有很多有心人願意投入資金,支持大學發展;院校亦可透過發行債券等方式引入市場資本。

家超講左D咁既野,就知佢真係唔識。

人地外國大學有「籌集資金的能力,亦有很多有心人願意投資資金」,甚至外國大學「可透過發行債券等方式引入市場資本」,係因為人地有歷史學位難求,又或者係人地本身好多真係既科研轉化商業化,真係有錢賺,所以先可以發債。

而家成班專才假學歷唔知咩學歷入香港各大學,你要咩人捐錢入學﹖你係哈佛就可能要。

你話要發債﹖回帶講多次,大陸最出名個間係清華紫光,之前破左產重左組啦。你香港有咩大學,有足夠既賺錢能力,可以發完債之後還息﹖

再者,你睇清楚佢施政報告係點講﹕

187. 新田21、洪水橋22及打鼓嶺23三個大學城的校園區總面積約300公頃,連同周邊的科技區、產業區及生活社區,三個大學城的總體規劃面積超過1 000公頃。

188. 試驗所另設有生物樣本庫,由醫管局與香港中文大學合作管理。今年年底落成的河套香港園區一號大樓會定位為大學城起動旗艦,匯聚本地和國內外頂尖大學與機構的前沿科研力量,包括「InnoHK創新香港研發平台」及其他新項目,促進「大學+研發+產業」的互動銜接。配合其戰略定位,大樓將命名為「河套學研壹號」,以「學」為本、「研」為綱、「科技」為用。此外,香港賽馬會慈善信託基金將撥備30億元,支持興建另一座綜合教學科研大樓,專注教育和科學交流及科研人才培育,提供設施予院校使用。兩座大樓相輔相成,為北都大學城加速建設揭開序幕。

大學城面積300公頃,規劃面積就超過1000公頃。咁而家就有座「河套學研壹號」大樓,之後馬會都會撥30億元,「支持興建另一座綜合教學科研大樓」。

咁好簡單,政府額外預留100億出黎丫麻。咁而家有兩棟大樓啦,其他幾十棟甚至上百棟大樓,各大學又點樣「籌集資金」呢﹖

而家各大學,就算有籌款能力,但係你叫佢籌成千億去發展個大學城﹖

再者,而家班大學校長,智商真係有問題,你見9月頭,阿浸大校長衞炳江講乜野﹖佢係咁講﹕

北部都會區大學城是高教界必爭之地。衞炳江坦言因九龍塘本部用地不足,對發展有大限制,至今未改「舉校遷都」的想法。惟當年估算遷校約需250億至300億元資金,難靠學校捐款或貸款支撐,冀政府投資協助浸大發展用地。

阿衛校長,政府睇唔起你浸會,你唔係唔知呀麻。你之前爭第三間醫管院,真係笑到我丫。你唔係諗住,你夠阿科大葉校長暨港區人大爭呀麻﹖

再者,當年估算遷校要250至300億,你估而家要幾錢 -- 你又估下,政府就算有錢,會唔會資助你丫拿﹖

ANYWAY,衛校長米比左條數你睇囉,淨係浸會遷校當年估算都要250至300億。

而家再估算,再加上唔係興建九唔搭八既「綜合教學科研大樓」,你估興建一棟真正科研大樓,要幾多錢﹖

我之前講過既 將軍澳先進製造業中心,興建完出租率唔夠一半,不過發展成本就66億。而家大學城係要玩高端科研合作,一棟樓唔計入面既設備,點都起碼用返66億衣個數。

政府預留100億,係諗住起幾多棟衣D科研大樓﹖成個區又要幾多棟衣類設施丫拿﹖

*****************
唔講政府有冇錢發展北都,做佢所謂既發展大計。

你再睇公私營合作,我早幾個禮拜講環保園時,就同你講左晉景新能,成單野係幾咁離奇。

擒晚係THREAD,我又睇到樣精彩既野,我完整咁COPY落黎﹕

1. 沙嶺數據園今年3月初由內地「非一線梯隊」嘅潤澤科技以5.81億投得,政府聲稱,中標公司承諾首3年投資238億發展數據中心,又一次「說好香港故事」。

2. 但今日有報道指,潤澤科技計劃向銀行借200億,但由於香港銀行未聽過呢間公司嘅大名,更加擔心對方將來如何還錢,同埋點樣開發沙嶺數據園,結果談判膠著。數個月後,即今年7月,公司高層更要親自前往香港,同銀行談判。目前潤澤科技主力向中資銀行埋手,試圖利用內地生意關係推動融資。

3. 事實上,項目開標時已有人質疑有伏味,因為阿里巴巴、字節跳動等內地AI科網巨頭全無入標,甚至內地三大中資電訊商、香港兩大電訊商、騰訊雲、金山雲、新意網等亦全部無影。

4. 內地電費平,成本低,香港偏偏相反,3年投資額238億可見一斑。如果訓練同推理晶片同樣來自內地,為何捨平取貴?潤澤科技截至今年6月底總資產479億元人民幣,負債311億元人民幣,沙嶺數據園投資額相當於其總資產一半,難怪銀行有所懷疑。

你如果CLICK入去上面條THREAD LINK,個「今日有報導指」就係彭博最新9月既報導啦。咁我頭先就咁GOOGLE「潤澤科技」,又出到HK01衣個LINK喎﹕

彭博︰潤澤科技尋求200億貸款 用於本港數據中心項目|北都
撰文:黃捷
出版:2026-06-05 15:13更新:2026-06-05 15:13

彭博引述知情人士透露,中國數據中心運營商潤澤智算科技集團股份 有限公司正尋求約200億港元(26億美元)貸款,用於建設香港最大的計 算機設施。

知情人士說,潤澤科技正與多家銀行就一筆一年貸款進行初步洽談,可能 採取銀團貸款或多筆雙邊融資的形式,以支持其位於香港北部新界的數據 中心項目開發。由於事項沒有公開,

知情人士補充說,與貸款方的洽談尚處於初步階段,可能會有所變化。

我特登COPY埋大部份HK01段新聞,連個時間都COPY埋出黎。原因係,彭博今年6月已經講緊。

另一個原因係,我一睇段新聞,唔只係「項目開標時已有人質疑有伏味」、「難怪銀行有所懷疑」。

我即時第一刻諗到既係,觀音水﹗

你老味丫,上年政府物流處比間不知名公司採購觀音水,間公司都係中左標之後先搵物流搵水源之類。

而家衣間潤澤科技,都係中左標之後,先再同銀行傾貸款﹖乜唔係間公司入標時,政府就已經評估左佢財力過往經驗經營能力,甚至問埋間公司中標前其實係米已經扲到銀行條LINE既咩﹖

衣間潤澤科技,同間觀音水公司一樣,都係空手入白刃,中左標之後先開始諗個project要點攪架﹖

再者,200億咋喎﹗阿里騰訊甚至衰D既萬國數據金山雲,求其都扲到出黎啦。

***********
衣個,就係香港政府北都河套區公私營合作既典型 --- 至於阿晉景係環保園攪回收電池,你睇下佢未來幾年會做到咩出黎啦。

亦所以,而家無論係成個北都,又或者係乜春大學城,都話要公私營合作,要引進私人市場資金,最尾究竟會點﹖

我早兩日打DELETE左個篇文時,好無聊,想GOOGLE下潘蘇通走左佬之後,而家係咩境況。

一GOOGLE,我竟然見到嶺南所謂大學 個「嶺南大學潘蘇通滬港經濟政策研究所 」仲未改名。衣個就係大學籌集資金,搵人捐款既能力 -- 大佬,人都走左佬,你可唔可以搵另一個人捐錢,改左個名佢呀。

拿拿拿,上面講朗賢峰塊地,潘蘇通連誠哥都夠膽玩,最尾誠哥打官司贏左,不過贏左官司個15億一定扲唔到。咁嶺南米拿拿聲,叫誠哥幫下手囉 -- 而家董建華個治喪委員會竟然有誠哥份,咁嶺南班擦鞋仔就唔驚搵誠哥啦。

丫,咁誠哥之前捐個部抗癌機,而家公立醫院係米又可以扲返黎用丫拿﹖

*****************
未完。

唔洗評施政報告 (1)

梁天卓

今日又到《施政報告》。

每年講長者政策,最容易變成數下今年加幾多張券、幾多個院舍名額、又或者邊項津貼加幾多。但人口老化最麻煩的地方,可能不是今年派幾多,而是條數會一路愈滾愈大。

我翻查人口普查和政府開支數字:2001年,香港65歲或以上的獨居長者大約有8.5萬人;到2021年,已經升到18.9萬,二十年多了一倍有多。

更有趣的是,同期長者「獨居的比例」其實沒有升很多,由大約12.5%變成13.6%。換句話說,老人家本身多了很多,所以就算獨居比例差不多,獨居長者的「人頭」都會愈來愈多。

再看看政府開支。單計生果金和長者生活津貼,佔政府總開支的比例,由2001/02年度約1.5%,升到2021/22年度接近5%。把五個人口普查年份放在一起,這個開支比例和獨居長者人數的相關係數是0.975。

合理的解釋是人口老化同時推高兩邊——長者人數愈來愈多,需要支援的人自然愈來愈多,政府的帳單亦自然愈來愈長。

而真正麻煩的是,人口老化是大趨勢,政府有關支出只會愈來愈多。

所以今日我比較想知道的,不只是特首會再加幾多津貼、醫療券或者安老服務,而是政府怎樣看下一條數:當長者人口繼續增加,這些開支誰來付?靠政府?靠強積金和自己的儲蓄?靠家庭?還是要靠更多年輕勞動人口和移民去撐大個稅基?

條數將來由邊個埋單,可能先係真正難答嗰題。

(圖:香港長者津貼開支與獨居長者人數,2001–2021)

2026年9月14日星期一

「國安」的奧妙.禮樂制度 (3)

最後,回帶講樣野,都係有感而發,所以回帶。

衣幾個禮拜,台北吹起所謂既洋流,各大台灣非藍營係度吹奏緊沈伯洋。見到THREAD衣個POST,個POST主咁樣講野,我又講兩句。

***********
先講明,我唔熟台灣政治 -- 不過係唔熟,都要亂講,反正我唔係想講台灣。

***********
個POST係咁樣講的﹕

你們有沒有想過,不是民進黨才能找到沈伯洋,蘇巧慧,鄭朝方等等青年才俊。 而是只有民進黨能讓這些人的才能不被埋沒。 這就是民主體系和威權體系的差別。


跟手有人回﹕

沈伯洋在賓大的學長現在在做連勝文的助理,我是不相信連勝文比他學長行啦

我之前係度講過既王立戰二研究所,衣排講左好多國民黨既血統論階級問題。上面衣兩個THREAD POST,其實都係講類似既野。

我大致同意原POST既講法。

不過,其實,佢又係時間沖淡一切既體現。

即係,早十年前,台灣太陽花學運反服貿其中一個重點係乜﹖

米就係學運,其中好強調既,就係唔信任國民黨民進黨囉,所以要學生自己做主場話事。

所以,學運完左,其中主要人物攪左時代力量出黎,作為民進黨國民黨外既第三勢力 -- 至於之後時力收皮,主要人物例如黃國昌親左共,林昶佐入左民進黨,冇入時力既林飛帆就更加早時候入左民進黨,就係後話。

咁當時點解唔信任國民黨,就唔需要解釋;唔信任民進黨,就外地人可能需要解釋,不過台灣人就唔需要解啦。

最簡單,解兩句,個原因都係,一個組織掌過權,發展又耐左,自然就有彊化,唔係好多人心目中既「民主體系」。

你睇返民進黨歷史,美麗島事件其中一位超級重要人物,施明德早係陳水扁當選總統時就退黨,同樣超級重要既林義雄之後幾年又退。

你唔駛睇當時既民進黨咁多唔同派系,你淨係望返最有影響力既新潮流系,就知民進黨由黨外運動開始,遺留落黎既派系問題係幾咁麻煩,民進黨入面其實都有另類血統問題。

衣類咁樣既組織用人問題,已經令到年青一輩唔開胃,點會加入民進黨﹖

再者,你唔睇民進黨自身歷史問題,你淨係睇陳水扁執政期間既貪污問題,點樣令到民進黨2008年大敗,你就知點解當時個一代台灣後生一輩,普通都唔信任民進黨。

係去到2008年民進黨大敗,民進黨內冇人敢上台,要由非常外人既小英上台收拾殘局,最後做埋總統,成個黨既原有勢力平衡先開始打破,再加上好多老一輩既都退左退緊即將退落黎,最後先有新一批政治人物走出黎。

所以,唔係一句,「這就是民主體系和威權體系的差別」,就可以解釋,點解民進黨會出到沈伯洋以至其他新政治人出黎。

****************
不過,我想講既,其實都係,「這就是民主體系和威權體系的差別」。

*****************
任何組織體系,其實都係會因為歷史因為利益因為好多野,而有所薑化。

你話最「民主」體制既美國 -- 佢地既政黨係籌款機器,唔同英國個種真係有咁強約束力 -- 就算係共和民主兩黨,其實你都會見到所謂既資深議員,有唔同既派系,有唔同既家族,甚至背後有唔同既金主。

有組織,就會有衣D野。

不過,所謂既民主體系同威權體系最大既差別係,體系既薑化程度同埋自我修復能力,或者係回應社會變遷既能力。

你見民進黨大敗,組織要繼續生存,就要搵個核心圈外人出黎做救兵,原有體制平衡就要被打破。

你見國民黨咁多年,都仲係姓蔣姓連既出黎,就知所謂既權威體系入面,血統同某階層既利益係高於組織利益 -- 你睇當年國民黨所謂本省人王金平,做完所謂立法院院長後有咩影響力﹖甚至係佢做院長期間,又其實係邊個話事﹖

當然,你睇而家既鄭麗文,其實唔係王金平個種折衷,而只係證明國民黨成為左中國共產黨台灣支部,所以血統或者階級衣家野先開始收皮。

*****************
所謂既權威體系,其實就係咁。

要維護既,最重要既係,權威內部既穩定性。

你要維持執政,維持自身存在,你就要親疏有別 -- 就算犧牲其他野,只要組織仍然運作,作然穩定,仍然可以控制社會(或者係有足夠既「國家汲取能力」,嘿﹗),衣個先係最重要考慮。

*******************
所以,有人話,點解安保工程之前已經衰左咁多單野,而家連瑪麗醫院都衰左,都仲可以繼續投標,係因為佢個老細係葉國謙個仔阿葉亦楠。

咁,我就要為阿葉亦楠平反呀﹗

葉亦楠係2019年就已經辭任安保行政總裁啦﹗不過,間公司佢仲有冇股份或者關連人物,我就唔知啦。

之但係,我求其GOOGLE安保歷史,安保係係2011到14年有個工料測量師扼建築署錢,仲要攪到上埋庭,就一定係個測量師自把自為,同間公司絕對一定冇關係,所以可以繼續入標政府工程啦。

當然,係上面東方段新聞入面咁講,就緊係個裁判官低能,緊係個測量師自把自為啦﹕

辯方昨替四十八歲被告陳國榮求情時稱,被告因想獲得晉升以及取得年中花紅才犯案,案中誇大的款項並非歸他所有,而是由公司收取。裁判官質疑指,若此說法屬實,被告的公司理論上應該知情;辯方對此解釋,被告把相關文件交予上級和會計部門後,便不知道公司如何處理,又指公司未有向被告查問帳目差異。

***********************
我之前話,點解香港近年有咁多工業意外,咁我真心唔知。

不過,點解香港D工程做到咁,其實就真係好簡單。

你唔好講日後咩啟德輕軌或者觀塘過山鐵路做到成PAT屎會點算先,又或者唔好理D簡約公屋預製組件出咁多問題都係香港手工問題。

我之前貼過衣段新聞,講發展局點樣要求承建商減價,都係可圈可點。

即係,有咩出事時,發展局就緊係要求承建商遵守合約規定有機會向承建商索償啦。之但係,你入左標,AWARD左隻標,不過都唔該唔好理份標書點寫,幫手減下價先啦。好多野,都係再傾下先啦,唔好理份標書啦。

咁由最大出tender個位都係咁款,下面既又會點﹖

再者,唔好講國企又唔好講阿葉生之類政二代有關既公司,講到宏福阿碧嬌懷疑使用死人虛假授權書,咁拉左未﹖

應該都唔會拉啦。

事關,衣D虛假授權,講左幾多年,咁多年有拉過人咩﹖咁多民政主任收過咁多投訴,民政處有冇查過,再轉交幾多比執法部門﹖

要將個業主名冊同死亡登記處個死亡登記對一對,要搵幾多死人業主出黎,其實唔係難事,亦都唔會涉及私隱啦。

而家圍住政府既,基本上都係愛國愛港人士,都係完善管治既一部份,咁你想點呢﹖

*********************
講多樣。

都係個句。

好多人唔明咩叫第四權,唔明所謂既傳媒自由點樣監察政府,最核心個部份係點運作。

我之前都好LAYMAN咁講過,如果有蘋果,好多人都會驚狗仔隊,驚有人查,所以就算你係有關係,你點都會忍下手,或者唔會做得咁張揚 -- 就算係圍標,都唔好圍得咁過份。

另一樣冇講既係,其實,點解以往蘋果甚至明報都咁多料﹖

其中一個原因係,有好多whistler blower。

就係因為有所謂既第四權,甚至有所謂既反對派,所以先有咁多外人唔知既潛規則被爆出黎。

用遠古例子,梁錦松買車比蘋果爆出黎。如果唔係有內部「正義人士」,睇佢唔順眼既人,甚至只係簡單既政敵,傳媒又點會無啦啦發現﹖

冇咁遠古,再高級D,你話當年梁振英大戰唐英年,當年咁多野爆出黎,你話好多野係記者自己查,定係有人放風丫拿﹖

如果你而家收到瑪麗醫院既內幕,你爆比東張西望知呀﹖

好多所謂既第四權監察,其實都係同好多野有共生關係,不過間唔中就係有制衡既力量。無論係正義人士,多仇家,或者係咩都好,你知你做既野可能會出事被爆出黎,你就會謹慎,甚至忍手。

而家冇左衣樣野,所以好多野都可以爆獲爆得好離奇。

再者,又係講返成個體制最上層,你米見到陳美寶今個月頭又再去北京見百度玩蘿蔔快跑 -- 佢今年見百度,仲要見完後要見報,真係唔知見左幾多次,可能見得多過佢阿媽 (比喻黎JAK,我假設佢阿媽係度啦)。

咁你話,唔講工程,講香港試用無人車,就真係好似廣西暴龍哥個句,撞死人你響下百度個朵,就一D事都冇,不過最好就唔好撞D太出名既人,就得架啦。

當最常層都可以做SALES,唔止同你推銷祖國偉大既預製組件或者唔同科技,咁下面既人,仲咁多事﹖

***************
最後,瑪麗出事後,好多人抽返水,講我之前提過,阿發展局局長甯漢豪話工程唔一定要最高標準,甚至有人話,甯漢豪係讀英國文學出身,邊有資格做發展局局長。

大佬呀,唔好咁痴線啦。

要講工程講技術,有建築署有咁多唔同部門,講規管屋宇署署長就係建築事務監督,阿局長係管政策,幾時要係專業背景。

再者,發展局核下咁多唔同技術部門,你搵條友有齊除左一般起樓既工程牌之外,再加岩土工程師甚至爆炸品個D更加專門既牌比我睇啦。

所以,你要搵個工程師去做發展局局長,去所謂睇住工程,其實都係冇用,事關一條友只會識佢專門個範 -- 你試下問個建築師地質勘探既野丫拿。

而甯漢豪講話,唔一定要用最高標準,其實都錯唔曬。不過,問題係,佢唔止唔想用最高技術規格,佢係連好多監管都求求其其呢。

當你監管求其,下面做野既人又求其,咁最高標準,即係夠高buffer夠高容錯率。你求其,又要降低個容錯率,就食硬屎 -- 衣樣,就唔知阿局長明唔明啦。

都係個句。

唔講好多政府大樓,為左趕工,你望下路政署D路,你再望下點解而家玩親道路工程,D剪咀車都係亂擺,或者開親新路或者封親路,都要攪到撞車都唔理 -- 雖然衣D係美寶個壇,而唔係發展局負責。

最簡單例子,唔再講中九龍幹線。

你睇車CAM人,今年7月荃灣路開新天橋落主幹道,又係一開就日日撞車之後先識補獲。

再早之前,有排北大嶼山公路又係隔兩日就撞,甚至朝早撞完食完飯再撞,個原因,其實都係路政署封路,攪到可以幾個鐘內不停撞車。

咁香港人開車係衰,鐘意做快線L又鐘意貼住前車去推。不過,你見有道路改動之後,日日都撞車,咁係米要識應變下﹖

荃灣路要攪幾日先攪順條路,大嶼山就撞左成個月之後完工就算 -- 你見佢日日撞,咁係收窄條路個水馬前,放架衝鋒車係快線嚇下班快線L得唔得呢 (我唔記得個度有冇灣位盲區,不過你明我講咩就得啦)﹖

你話咁樣浪費警力﹖WELL,有排係西九龍走廊條橋,連續幾個月都擺左架警車係度。知唔知點解﹖因為個排西九法院審緊JIMMY仔。

當然,國安係頭等大事,撞車就係刺激經濟,撞完要買新車,咁唔需要處理啦。

***************
唔係題外話。

你睇上面大嶼山路政署封路攪到日日撞車條link,正常人都會問,點解要係旅遊旺季,同埋係雨季先要封路做工程呢﹖

衣個真係精警,政府米可能答你,我想架﹖你問返承建商個PROJECT MANAGER啦。

另外,個POST都有人話,你再提前整個限速牌去到80km,再加枝臨時快相燈,咁意外機率米小d囉 -- 正常人都諗到,不過,你問下政府班天才點解見到日日撞車都唔做﹖

***************
其實,上面都係回帶。

不過,我都係有感而發,同埋,打完上一篇文,心虛,想將衣個系列個重點轉移去衣篇度。

咁完左佢。

呵。

***************
完。

「國安」的奧妙.禮樂制度 (2)

馮晞乾講衣單新聞,係正常國家就一定係爆炸新聞。

不過,香港既國安法咁奧妙,就你搵湯家驊出黎,佢都唔夠膽同你講啦。

馮晞乾可以用佢覺度講。

之但係,我用另一角度去講,雖然就有類似結論,不過就有趣小小。

*********
衣單案既「詳情」可以睇法庭線衣個報導。

不過,其實都冇咩「詳情」,是關國安麻,保密麻,咁係冇咩詳細報導到出黎 -- 其他報紙電視台,就更加唔敢講太多。

要講衣單野既有趣地方,你就要講清楚一般刑事案件既程序。

一般程序係,有可能涉及刑事案件發生,天下無敵部門會展開調查;案入面會有個案件主管,即係咩officer in-charge,細野或求求其其就可能督察去做,衣D敏感小小既就可能係高級督察甚至總督察去做 (咁衣幾年都有總督察階級既精英貪污,就唔知係米要勞煩到警司添啦)。

咁完成調查麻,可能正式落CHARGE麻,大案就要比律政司既刑事檢控科研究,決定告唔告。

(警司警誡就警司決定到啦;以往如果玩不提證供起訴個d拳頭交,就好似警司都話到事的,唔洗煩到律政司)

真係告啦,刑事檢控科可能親自出庭,或者搵個外判律師去出庭,不過個案件主管都要繼續上庭作供啦。

咁睇完係衣個程序,你就要問一樣野﹕

成個檢控過程,警務處有個案件主管做搜證調查,律政司本身就有個刑事檢控科既人決定告唔告,再由刑事檢控科自己或者外判律師落場。

係衣3條友入面,冇人知衣單野涉及國安﹖

你睇法庭線個新聞,當辯方個書面陳詞話,案件涉及國安,所以要求案件閉門聆訊時,控方竟然咁講﹕

控方當時又指,暫未有足夠資料基於「維護國家安全,包括防止國家秘密」閉門聆訊,但聆訊有可能觸及相關資料,故可基於「其他正當目的」,謹慎處理。

衣句係咩意思﹖

即係,除左我上面講既把關程序,3個被告當時人都好可能甚至以常理黎計,係被拘捕調查過程期間,佢地既律師都非常極之有可能,同左個案件主管講,單野係涉及國案,應該終止調查 -- 不過個案件主管唔同意,所以繼續去查;去到刑事檢控科時,個政府律師又同樣唔同意,所以將單案排期上庭正式檢控。

最後,要去到上庭既閉門非公開方式聆訊,要個官聽完之後,先決定終止單案,咁係米好有趣呢﹖

*************
單野有趣在於,如果真係同國安有關,咁點解警隊同律政司個班精英全部都唔理,係都要擺上法庭﹖上左庭,最後發現同國安有關,咁佢地係米危害國安,將涉及國安既案件公豬於世﹖

另一樣有趣既係,其中一個被告既另一交替控罪係「假冒公職人員」罪,係假冒「香港警務處國家安全處人員」。你決定落唔落衣條控罪,咁最白痴既方法係,你打比阿國安神探李桂華,問個被告係米假冒國安,就已經可以確定係米假冒 -- 你將件案上庭,即係都十分有把握個被告係假冒國安啦。

咁既話,成個國安系統即係知道件案 (其實被告一定有講話自己做緊國安案,咁案件主管點會唔通知國安公署),之但係又比件案上法庭,即係國安系統都唔認為件案係國安案 -- 又再之但係,最後法庭話,原來件案又真係關乎國安。咁,係米即係國安公署原來唔識分咩係國安案件﹖

最後,最有趣既係,馮晞乾個POST冇講,不過佢個POST最尾patreon條link其實有小小關係﹕

早幾個月,官府為國安法訂立附例,賦予行政長官權力發出證明書,認定某些案件係米屬於國安案時,當時班官就強調行政長官證明書對法院有約束力,法院唔可以推翻。

當時阿林定國同炳強係點解釋架話﹖佢係咁講﹕

林定國補充,法院是不可以推翻行政長官證明書,因為對法院有約束力,行政長官證明書背後的理念,將判斷的權力交給行政機關,正正因為要判斷一個事情有沒有涉及到安全,往往是觸及到一些很敏感、高度機密的一些資料,強調不是一個司法機關一般行使權力的時間有能力作出判斷。

當時就話,行政長官 (或者其實即係行政機關以至執法機關啦 -- 因為係佢地調查完將資料交比行政長官架麻) 掌握好多「敏感、高機密」資料,咁「不是一個司法機關一般行使權力的時間有能力作出判斷」,所以「將判斷的權力交給行政機關」,法院就唔可以推翻個證明書啦。

咁有趣既地方係,點解係衣單案入面,當檢控方話「暫未有足夠資料基於「維護國家安全,包括防止國家秘密」閉門聆訊」時,最後個官竟然又無啦啦終止單案,或者係律政司突然撤控﹖

究竟係律政司同個案件主管原來一直發夢,認為單案「未有足夠資料」涉及國案,要去到閉門聆訊時先訓醒,係衣一刻先申請撤控丫﹖

定係,原來佢地一直都冇醒,係阿法官大人咁醒,發現單案係涉及國安,所以下令終止聆訊﹖

如果係後者,咁定國同炳強唔係話,由於國安案涉及好多敏感高機密資料,司法機關冇能力作出判斷,政府要「將判斷的權力交給行政機關」既咩﹖

而家突然間行政機關訓唔醒,司法機關睇到D資料後,又可以推翻行政機關既決定,判斷單案同國安有關,所以可以下令終止聆訊呀﹖

當然,律政司回覆法庭線係話律政司撤回控罪。不過,究竟個官其實參與左幾多呢,就真係個官同有份參與既人,先知啦。事關,律政司撤回控罪,都可能係聽完個官講之後,先撤架麻。律政司,係咁回應的﹕

「經考慮案件所有相關情況和《檢控守則》後,律政司已就相關案件撤回控罪」

*************
由上面個角度去睇,係米好有趣,話到比你聽國安既奧妙之處呢﹖

**************
當然,由結論去睇,馮晞乾個結論,其實都好合理。不過,可能有另一個更加合理同常見既形容詞。

簡單小小,我由法庭線個報導,COPY多次條控罪出黎﹕

控罪於 2025 年 10 月修訂,指他們於 2022 年 2 月 14 日至 5 月 24 日,在香港一同串謀詐騙張姓人士交出款項,以結清「深圳南坡浮法玻璃公司」與「中科創新產業投資有限公司」之間的交易,正如 3 人向張虛假地表示他們是香港警務處國家安全處人員所表明。

睇完個控罪,你就要問,點解佢地假冒國安,咁「姓張人士」就會咁順攤「交出款項」﹖另一個問題係,兩間深圳公司既交易,點解要由香港執法機關去幫手,唔係深圳攪掂佢﹖

我好合理既推論,米係,同大陸某些做法真係好類似囉。


這些案例的共同點就是,辦案機關都是跨省辦案,管轄很微弱,甚至不排除人為建立管轄權的可能,有點疑似「職業被害人」的角色來幫助辦案機關建立管轄鏈接,這些案件都是涉及經濟犯罪,能判處罰金的罪名,這就是「遠洋捕撈」一詞的由來。所謂 「遠洋捕撈」執法一般指執法機關在執法過程中,出於對個人或部門利益的追求,而採取的違背法律原則和公正原則的執法行為,涉及異地抓捕民營企業家,查封、凍結,甚至劃轉外地企業和個人財產的情況。

所以,以下落黎我原本講左既野,都係DELETE左佢。

不過,衣單案,其實更加似係,內地一個重要產業,並非只係馮晞乾所講既,「收數案」。

由衣個角度,就當然涉及「國安」啦 -- 亦可能因為涉及「國安」,幾個被告最尾去到法庭閉聆訊,先夠膽講出黎 (你明我點解要用「」架呵﹖)。

如果由衣個角度,咁我上面講既程序問題,就已經唔係重點 -- 「國安」既問題,先係重點。

即係,有班人,真係唔知咩叫溶入國家發展大局,係都要攪咁多手尾出黎,就真係犯左「國安」大忌。

************
拿拿拿,打完衣個post,我真係諗緊,應唔應該DELETE好 -- 雖然我已經DELETE左最精華個部份,盡量唔好講明的鳥。

************
未完。

「國安」的奧妙.禮樂制度 (1)

馮睎乾十三維度

見不得光的官司——誰是李雪輝?

9月7日,區域法院進行了一個不公開的提訊程序,據報以所謂「維護国安」、「觸及敏感議題」為由,禁止記者或公眾旁聽。涉案被告是傳媒所謂「兩警一男」,罪名為串謀詐騙,當中「一男」被加控假冒公職人員罪。案件自2022年9月初次提堂,拖拖拉拉,一而再再而三的押後,前日終於在法官姚勳智處理的閉門程序中,畫下「完美」的句號:三名被告全獲撤控。

案件結果曝光之日,適值董建華釘蓋之時,不禁令我浮想聯翩:假如此案發生在「建華之亂」時期的香港,會有這樣駭人聽聞的結果嗎?當然不可能——如果真的遮遮掩掩閉門提訊,然後神神秘秘全數撤控,勢必成為香港司法一大醜聞,日以繼夜被傳媒窮追猛打。今天呢?大家的反應卻是:「早估到你啦」、「犯法就係犯法,除非你係警察」,諸如此類。有了無所不能的「国安法」,社會果然「穩了」。

本案雖已塵埃落定,我等草民無權置喙,但依然有兩件事值得問問。不妨先回顧一下案情。三個被告,分別是報稱退休人士的李雪輝(作案時58歲)及兩個警員鄧栩洋(30歲)和莊港偉(46歲)。2022年,三人涉嫌串謀詐騙被捕,控罪指他們在該年2月至5月間,向張田同謊稱自己是香港国安處人員,並訛稱收到大陸国安部門消息,指張涉嫌欺詐、將遭調查,藉此要求對方付款,結清深圳南玻浮法玻璃公司與中科創新產業投資有限公司之間的交易。

首被告李雪輝另被控於2022年4月1日,在中環麥當勞道豪華閣22樓假冒公職人員(即冒充国安處人員)。案件在2022年9月首度提堂,三人均獲准保釋。據當年媒體報道,警方後來再拘捕兩人,包括另一名警員;也就是說,此案最初有三名警員落網,但最終只有兩個被檢控。2023年8月10日,案件在區域法院再訊,辯方申請押後獲批。同年10 月3日,案件在區域法院提訊,三人不認罪,法官彭中屏將案件排期2024年10月7日開審。

然而我翻查2024年新聞,卻看不見此案開審的報道。直到2025年11月10日,案件終於在區域法院開審,但甫開庭,被告李雪輝及莊港偉就聯合申請「永久擱置聆訊」。控方跟辯方商議後,認為有關申請「有機會觸及」維護国家安全問題,於是控辯雙方一起申請閉門審理「永久擱置聆訊」。控方建議法官基於《刑事訴訟程序條例》第221章中第122、123條中的「其他正當目的」,命令該部分聆訊以非公開形式進行。當時的區域法院暫委法官彭亮廷批准了。

就是在這樣的背景下,前日(9月7日)區域法院以閉門形式批准了李雪輝、莊港偉的「永久擱置聆訊」申請,讓三人的官非一掃而空。我看了這則新聞,發現兩個耐人尋味之處,希望有關人士能夠賜教。首先,本案之所以能夠閉門處理,關鍵理據就在那個所謂「其他正當目的」,但這個影響力驚人的理據到底是什麼意思呢?

「其他正當目的」一句,見於《刑事訴訟程序條例》第123條(1AA)款(d)項。第(1AA)款列明了四類目的,讓法庭可以根據特別需要,命令某個聆訊閉門進行,凌駕公眾的知情權。以下是(1AA)的原文:

「(1AA)有關目的是 ——

(a)維護國家安全,包括防止國家秘密(《維護國家安全條例》(2024年第6號)第29條所界定者)的披露;

(b)維護公共秩序;

(c)維護司法公正;或

(d)其他正當目的。 (由2024年第6號第147條增補)」

所謂「2024年第6號」,指的是特區政府於2024年3月23日刊憲實施的《維護國家安全條例》(俗稱基本法第23條立法)。也就是說,這個(1AA)條款——包括含義廣泛足以包羅萬象的「其他正當目的」這句話——原來是在2024年3月才添上去的。由此可見,李雪輝等人的串謀詐騙案,若非一拖再拖,拖到(1AA)這道「護身符」刊憲,拖到「国安法」提供保護傘,根本就不可能閉門提訊,三人也不大可能在眾目睽睽下被撤控。

值得加倍留意的是,控方提出而法官接納的閉門提訊理由為第123條(1AA)款(d)項「其他正當目的」,而非(1AA)款(a)項的「防止國家秘密的披露」。換言之,這宗涉及冒充国安警詐騙的案件,只要你看清楚細節,就知道即使公開審訊,也不會洩漏什麼「国家機密」或危害什麼「国家安全」——這不是我說的,而是控方在選擇採用哪項閉門審訊理據時,已經清清楚楚告訴大眾的一個事實:這次閉門聆訊的原因,並不符合「国安法」定義下的「維護國家安全」條件。既然跟「国安」或「国家機密」無關,那麼這個「其他正當目的」到底是什麼呢?

另一個更有趣的問題:李雪輝身為本案首被告,即主謀,有本事找來兩個現役警員合作——其實到現在我仍未弄清,這兩人是否真的国安警?冒認另一部門的人員難道不犯法?——身分應該不止「退休人士」那麼簡單,那他是誰呢?不知道是否巧合,近年有個「退休警長李雪輝」曾多次見報,身分不是詐騙犯,而是為另一案件出庭作供的證人。據報道,這個李雪輝退休前的職責,正是處理非法收數案:

「退休警長李雪輝供稱,案發時他隸屬北角分區特遣隊,負責調查收數案件」

(《香港01》:警長涉收50萬報酬 提供收數情報求O記跟又撤回 同僚形容無厘頭,2022-12-8)

「退休警長李雪輝供稱,2014年至2019年時隸屬警方『收數組』,專責處理非法收數案件。」

(《晴報》:涉收賄50萬通報收債資料 前警長否認兩罪,2022-12-9)

這個退休警長李雪輝從前負責「收數案」,無獨有偶,那個詐騙疑犯李雪輝的作案目標,也是為某家大陸企業向張姓受害者「收數」。兩個李雪輝是否同一人呢?更巧合的是,還有一個曾當警長、現時為足球教練的李雪輝,年紀跟詐騙疑犯李雪輝一模一樣。2009年5月3日《大公報》的報道〈乙組神射手──丘平楷〉說,丘平楷在2006年入職警隊後,「轉到有周志成、李雪輝等現職警員效力的丙組球隊永義」。可知當年有個警察李雪輝,曾經是永義的隊員。

順藤摸瓜,在公開資料中很容易就找到那個港警足球員李雪輝的資料——他是1964年2月出生的,資料見「中國香港足球總會」官網:

https://hkfa.com/hkpl/squad/player/detail?id=5845&lid=18196

生於1964年,2022年就是58歲,跟詐騙案疑犯李雪輝的作案歲數吻合。同名同姓同年紀,是不是同一個人呢?當然你可以說「使乜估啫,睇個樣咪知囉」,但問題來了:足球教練李雪輝的相貌確實一搜就有,可是詐騙疑犯或為別案作供的退休警長李雪輝,每次亮相不是口罩蒙面就是抱頭鼠竄,哪看得清?光看眼睛、眉毛、髮型髮線,的確人有相似,但畢竟遮住大半塊臉,也不能一口咬定是同一個人。不過考慮到姓名年紀都撞到正,你又很難相信竟是兩個人。

如果詐騙疑犯李雪輝就是以前負責「收數案」的退休警長李雪輝,那麼此案的來龍去脈就很清晰了:一個退休警長跟兩個現役警員組成團隊,憑藉自己多年的人脈經驗,利用隊友的工作之便,為大陸老闆追討欠款。咦,一種似曾相識的感覺撲面而來,不就是港版「袁松彪案」?——也許,這才是全案最「敏感」的一點。

相關文章:

「特首證明書」的奧妙

https://www.patreon.com/sefirot/posts/160741120

圖/香港01 (詐騙案首被告李雪輝)

2026年9月12日星期六

評董建華 - 無 (4)

講完董建華,講其他野。

董建華死左,好多口痕友話,阿李家超過左成晚第二朝起身睇埋個天宮課堂,到第二日中午先醒起要悼念董建華喎﹗

阿追蹤黨媒就仲攪笑,搵返當日報紙,全部左報頭版都係喜氣洋洋。

董建華死訊出黎之後,係梁振英第一時間發文悼念,其他友就仲訓緊覺 -- 我仲要係第二晚,先係FB見到有個下家產,即係炳強既FB FEED,係個零鐘之前先話自己悼念阿董建華。

真係,唔好頭七先出POST。

**********
即係咁,你係米好奇怪,點解班友反應遲鈍呢﹖

又只怪我記性太好,記得一件事,似乎可以用黎解釋。

件事,竟然比我搵到source,係出自FRI一篇2015年既報導,個題係咁的﹕習近平9月訪美隨行名單不見董建華惹猜測。

內文呢,都可圈可點,我COPY成份報導出黎呀下。

COPY完,我就收工。

************
習近平9月訪美隨行名單不見董建華惹猜測

中國主席習近平今年9月訪問美國,但訪問隨行名單上不見全國政協副主席董建華,惹起猜疑。有建制派人士披露,這個香港回歸後的第一個特首,已經失寵於習近平。

發表時間: 15/06/2015 - 10:08
1 分鐘

近月來以“團結香港基金會”主席名義頻頻亮相及登廣告支持政改的董建華,表面上仍以“香港太上皇”的姿態指點江山,但根據網媒852郵報引述建制派人士消息稱,董其實已經失寵,鐵證是今年9月,習近平首次以國家主席身份到美國進行國事訪問,隨行團員名單上並沒有董建華的名字。

據報導,董建華日前在一個私人場合解釋,“多謝中央體恤”他年事已高,毋須隨團赴美。

但消息人士告訴852郵報,董建華不再隨團訪美,反映習近平已經不再看重董建華營造的所謂“中美民間外交”,至於董建華當年力薦梁振英出任特首,亦為董招來“交友不慎”的批評,加上董推動政改無氣無力,甚至有反效果之嫌,更使他在習的心目中地位,一落千丈。

董建華與習近平關係匪淺,根據報導,回歸初期,習近平任福建省長,已經常與董建華接觸。2001年,習近平更打破內地官員不準隨意訪港的成規,罕有地率領龐大經貿代表團來港招商,而董建華更以高規格接待。翌年,習近平回禮,邀請董和夫人到福建度假。2005年1月,習近平時任浙江省委書記,率浙江代表團訪港,獲董在禮賓府宴請接風。

2007年,習近平成為中共“儲君”,仍保持與老董的私交。翌年,老董自資成立“中美交流基金會”,開展所謂的民間外交。

報導指,2011年8月,習近平在北京接待美國副總統拜登,董是主要陪同成員。2012年2月,習近平訪美,董在其心目中的地位攀上高峰。鏡頭所見,董是緊隨習近平之後,第二個與美國總統奧巴馬握手的中方代表團成員。及至白宮國宴,董不但坐在主家席,與奧巴馬更只隔三個座位。根據報導,正是此時,就傳出董向習近平推薦梁振英出任特首。

報導引述建制派消息人士透露,早在去年9月,董建華率領一班包括李嘉誠在內的大富豪訪京,但卻未收到預期效果,已令習質疑其擺平香港各方勢力的能耐。及至近日董硬銷政改方案,依然不能影響民意。

**********
唔好理篇報導有幾多係真真假假,董建華係米真係「交友不慎」,係米失寵啦。

不過,習大係2015年訪美,老董個時又點會係「年事已高」呢﹖佢當年,仲不停攪緊中美交流基金會,成日去美帝呢。

ANYWAY,你見成班友,要隔日先識悼念,就知某些野,並非空穴來風。

再加上林鄭收皮後,團結基金變相等於接埋,你就知道,WELL,班友以後仲可以點食大茶飯呢﹖

**********
我打衣個POST,純粹想係讚自己記性好,成十年前既新聞都仲記得。

至於係米人走茶涼,定係失寵呢,就你自己諗啦。

不過,而家好似話有國葬,都算係比面啦 -- 係睇下到時邊個黎囉。

**********
完。

評董建華 - 無 (3)

衣幾日睇左好多人評董建華,左仔大部份都係無恥 -- 不過就連部份另類傳媒,都係無知,或者真係「時間沖淡一切」。

簡單評佢。

*********
最簡單,明報社評個種「董建華好有遠見呀,不過公務員阻住改革呀,再加上外來環境呀,令到佢既理念唔成功呀,不過佢做既野都為香港打好改革基礎呀」,衣個講法,就真係食曬屎。

用返我衣度一路講法,或者係早兩個月QUOTE過個班新左既講法,好多衣班友米有個咁既講法﹕毛澤東好有遠見架,佢增加左國家汲取能力,又發動左全民大煉鋼,為國家既工業建立基礎,為改革開放既經濟發展鋪好路。

衣個講法食屎在,我唔講政治運動,唔講更加之後九唔搭八既「工業學大慶 農業學大寨」,甚至唔講如果老毛一早收皮而較務實既周恩來掌權,成個中華人民共和國究竟會點呀下。

我淨係講全民大煉鋼。

全民大煉鋼扲曬屋企九唔搭八窗框都扲去煉鋼,煉埋成堆廢鋼都是但,不過跟手就係冇人種田冇人收成,仲要污染埋土地。全民大煉鋼其中一個結果係,之後既所謂三年災害,死幾千萬人。

全民大煉鋼大躍進時期既遺產,唔止即時死幾千萬人。你見衣排廣西水災,六藍水庫出左名。衣個水庫出名在,佢係大躍進時興建。大躍進時用既興建方法係乜,你自己睇下邪惡既BBC講乜 -- BBC仲講埋比你聽﹕

「大躍進」8年間,中國修了45410座水庫。中國工程院院士陳志愷曾指出,很多中小型水庫「沒有規劃、沒有設計,也沒有進行勘測和清基,甚至沒有溢洪道」。「大躍進」留下了大量隱患深重的水庫。

***********
咁你明我想講咩未﹖

最簡單直接講既係,董建華為廿年後既咩香港創科打好基礎,有遠見要發展中醫藥,其實全部都係廢話。

你用衣種邏輯,我不如話,當年衛奕信攪玫瑰園計劃興建新機場就係為而家香港高增值物流國際航運中心定下基礎。

再唔係,睇WIKI,衛奕信之前既尤德要攪科技大學,就一定係為左香港今日科研轉型,北部都會區發展鋪路啦。

你要幾無恥,先可以將幾十年前既建議,突然之間變成高瞻遠矚,為幾十年後既野定下基礎。

當然,董建華同衛奕信尤德唔同,後兩者提議既工程真係做到出黎。

董建華講既數碼港,都真係做到呀,不過係做左貝沙灣出黎 -- 你想好似明報個社評話,「現在數碼港確已成為本港創科發展一個重要根據地」,咁唔該你話我知,我唔理衣十幾二年時間衣個「創科重要根據地」做左咩成績出黎,究竟而家衣個重要根據地,有咩做到出黎﹖貢獻左幾多GDP交左幾多稅比政府﹖

************
不過,上面都唔係最無恥。

最無恥既係,當你評「八萬五」合唔合理,有冇咩實際經濟社會政治遺產,好多賤人就會將「八萬五」合理化幻想化,甚至會講「八萬五」都會令某些人得益,而將「八萬五」美化做天大德政 -- 就好似全民大煉鋼個款。

例如,下家產王卓祺聲稱係中大社工學系教授,佢衣篇文除左讚董建華高瞻遠矚之外,最頂隱既係衣句﹕

先說每年興建8.5萬個房屋單位。當年董生在龐大政治壓力下讓步,由房屋及規劃地政局長孫明揚推出「孫九招」回應。當時來說,這是無可厚非的做法;問題出在政府亦放棄繼續「造地」而已。若當年特區政府頂着壓力,堅持「造地」,香港的地價樓價便不會在曾蔭權任期後段開始飈升。

又例如,星島就好小小,不過左仔都係要咁講﹕

但政策是好是壞,不能一概而論。有立法會議員指,當年很多有樓一族確實受「八萬五」影響變成負資產,部分人更因此輕生,親友至今都未釋懷;然而一街之隔,租置公屋政策令基層資產急漲、改善生活,視董建華為「大恩人」,影響延伸至今,重推租置甚至成為公屋居民的熱切訴求。從這個角度看,董建華可能是「罪在當時功在後世」。

又再例如,甚至去到算係激進既RENEWS,都淨係咁講﹕

概念要先搞清楚,lesser evil 仍然是 evil,慘痛被時間沖淡了,不代表輕於鴻毛,單是沙士初期防疫不力的幾百條人命、八萬五政策造成樓市暴跌七成,負資產燒炭、跳樓新聞不絕於耳,已經足以讓董建華和一切「善」和「好」絕緣。

我用衣三個唔同說法,我想講既係好簡單。

董建華唔止係無恥,仲係麻木不仁。

唔講廿三條,佢做特首,最重要既政策係「八萬五」,所以要評董建華功過,一定係要評「八萬五」。

「八萬五」既直接後果係乜﹖

RENEWS講既「樓價暴趺七成」,係一個好簡單既數字。

不過,只要係唔後生,就有個好簡單既實例,你都可能仲會記得﹕富榮花園係1997年開賣,當時樓價大跌,差唔多4千個單位買家入面,有超過一半撻訂,即係當年無啦啦冇左幾廿萬身家。

當年香港人收入平均資產係幾多﹖無啦啦抽到居屋,要撻訂,之後仲要捱埋沙士,你話衣班人捱左幾多年﹖如果係中年人,一過唔覺意係沙士期間比人裁埋,成個人生就已經玩完。

你要再講樓價趺7成,「負資產燒炭、跳樓新聞不絕於耳」,我真係搵唔到當年燒炭自殺數字,不過你望下港大衣個表,衣幾十年既自殺率,係董建華執政到之後幾年,係發生緊咩事﹖

衣度有人話,董建華執政期間,有3000人自殺死,衣個當然就同港大個表一樣,你都唔知有幾多人係燒炭之類 -- 正如我都唔知,衣幾年人口老化,所謂既學童壓力增加,究竟同2003年比應該係點解讀。

之但係,上面THREAD條LINK,就話比你聽,「八萬五」對某班人既打擊係點,而非只係咩負資產燒碳好多人死咁冷冰既數字。

另一樣我想講既野,上面THREAD條LINK都有講 -- 我想講既係,條LINK好多COMMENT,我係唔認同的。

**********
我另一樣想講既係,麻木不仁。

董建華既麻木不仁係,1997年提出「八萬五」,之後就有金融風暴,有外力有不可抗力,令到「八萬五」加速樓下暴趺。

我估且當衣D野全部係不可抗力,董建華都無辦法改變。

咁之但係,你1997年開始見人燒炭跳樓,咁董建華政府係做左咩野﹖

我QUOTE既明報第二篇報導係話,「1998年董建華的房策完全改變,先後宣布暫停賣地9個月、停建夾屋」。

睇完衣個QUOTE,我唯一樣講既係-- 明報,你食屎啦,你咁講係扭曲緊歷史。

歷史事實係,董建華係去到2000年6月,先話「八萬五已經唔在在」。再去到2002年,先有「孫九招」。

你睇多次明報個報導,佢更加食屎既係,明報個細標題擺明係誤導你。明報個細題係講,「2000年孫九招救市 2003年樓市方見底」,不過佢內文係咁講﹕

2000年之後,樓市未見起色,時任房屋及規劃地政局長孫明揚公布「孫九招」救市,包括停止定期土地拍賣、年建2萬多公屋單位、由2003年起無限期停售居屋、終止私人參建居屋計劃、終止租置計劃等。


講多次﹕衣段,係完全扭曲歷史,所有野炒埋一碟。佢淨係個細題話,「2000年孫九招」,已經係扭曲歷史,同佢內文不乎。

實際既情況,實際既歷史,其實係咩﹖

其實係,「孫九招」係2002年先出手﹕即係董建華睇住樓價係1997年趺左一半,1999年反彈兩成,之後3年再跌多4成,董建華先至出手。

上面衣D數係出自WIKI,我懶就唔搵官方數。

不過,個現實就係,樓價跌到阿媽都唔認得,每個禮拜都有人跳樓燒炭,好多仲要係冚家產式燒炭,不過「我都係睇定D先」,1999年彈返下喎,唔好做野住,之後一年米「唔講米等於唔存在囉」-- 至於2000年之後繼續跌,仍然有人跳樓,就「我睇你唔到」,係去到2002年先真係做野。

所以,你話老董係老好人﹖

係所謂好人既話,你話金融風暴講乜都好,不過你見到衣D外力衣D所謂既不可抗力,見到樓價跌到你估都估唔到之餘,仲每日咁多人燒炭跳樓,咁你都可以去到2002年中先出所謂既孫九招﹖

「八萬五」既威力,係去到2004年都仲有工程師因為97買左樓而要燒炭自殺 (衣度我特登QUOTE文匯)。

所以,我上面QUOTE阿王卓祺QUOTE阿星島個D下家產,真係可以問下佢地﹕

阿王卓祺話,「當年董生在龐大政治壓力下讓步,由房屋及規劃地政局長孫明揚推出「孫九招」回應」。

咁阿王教授暨社工係米認為死得唔夠人多,應該要多D人燒炭,樓價再低D先仲好 -- 咁到時阿董生先會係因為社會壓力而非政治壓力讓步丫拿。

星島同坊間好多友都話,「租置公屋政策令基層資產急漲、改善生活,視董建華為「大恩人」....從這個角度看,董建華可能是「罪在當時功在後世」」。

咁,「從這個角度看」,我又想問,你係米贊成八萬五應該攪耐D,死多D中產負資產,咁但係基層生活改善,都係「罪在當時功在後後」丫。

再者,同樣類比,日本仔侵華都係中國人既「大恩人」,事關可以令到共產黨打倒國民黨,咁都應該係「罪在當時功在後世」-- 衣個,我係亂UP,不過老毛真係咁講過的。


**********
所以,有時「時間可以沖淡一切」,就真係唔係廢話。

宏福死百零人就當然要追究責任,不過成個「八萬五」再加董建華九唔搭八遲遲唔出手睇住咁多人燒炭,就原來冇問題架喎﹗

按衣D友既邏輯,董建華就算唔係「罪在當時功在後世」,都只係好心做壞事,又或者係有金融風暴不可抗力,又或者係公務員阻頭阻勢,先令佢既「高瞻遠矚」,有志未能伸之麻。

如果你同意佢衣個講法,咁你就唔好鬧而家個政府。例如,蔡若蓮衣排好有型呀,佢咁講學童自殺﹕

昨天單日出現5名學生尋短,港台於晚上播出教育局局長蔡若蓮訪問,她表示整個9月對不少同學而言都是「適應期」,「可能假期時差未調整到,瞓又瞓得唔好」,與新老師和同學都需要時間磨合,建議同學可以「由講早晨、打招呼、微笑開始,可能氣氛就會唔同咗」。她又指,當局已推出「友『晴』凝聚校園大行動」,邀請教育心理學家、社工、專家在網上為師生舉辦相關的講座、工作坊。

學童自殺,係「適應期」既問題之麻,佢訓唔到所以自殺,根本唔關政府事架喎。開親學以至衣幾年學童多左自殺,係佢地既問題,完全同政府政策無關掛。

「八萬五」時期以至後幾年都有人繼續燒炭,都唔係政府問題,係適應期問題之麻。你適應到負資產,失業又供唔到樓,米破產離婚至多全家做乞兒囉,做咩要自殺JAK。

再者,「八萬五」係令到某些人得益架麻,咁係「罪在當日功在後世」架麻 -- 咁當時幾千人跳樓燒炭死,都值得丫。

************
所以,董建華唔止係無能,仲要係無恥。

我好耐之前 -- 即係2千年左右 -- 浦開某個網上論壇,當時已經有人講,董建華唔單止係無能,仲要係心腸歹毒。

我唔記得佢當時係點講。不過,都應該同我上面既講法,差無己 -- 你經歷過當時,睇過下當時每日既新聞,而你仲有記憶的話,都應該會有衣個感覺。

************
當然,董建華既無能無恥,其實唔止衣樣。

當時金融風暴,不可抗力,不過燒炭既你就係自己不幸,董建華就去到2002年中先出孫九招去救你啦。

不過,我之前都係度講過信和既威水史都有講過,對於地產商,政府金融風暴時期,係點做話﹖

衣個左仔網站,竟然好不自覺又唔知醜地,咁樣唔覺意講左小小喎﹕

不過由於其發展模式問題,導致常常以高峰期投地,但在政府官員協助之下,卻往往錄得不少補償。例子如藍灣半島,信和在1997年3月回歸亞洲金融風暴前,信和聯同中銀及維德集團組成財團以168億投得藍灣半島地皮,創下當時地價新高,此紀錄之後20年未破。但由於樓市隨即於同年秋天下跌,財團或因面對重大損失,故決向政府改圖則,利用柴灣分區計劃大綱圖並沒有列明該地段的住宅地積比,另外當時沒有保護維港的高度限制能影響建築樓面面積計算,導致只需相關官員批准,即可以增加樓面,最終地皮可建築商用樓面面積達44,989 平方米(約48萬呎)前沒有補地價,導致政府損失約10億,審計署亦公開批評事件。

至於荃灣市區重建局項目「萬景峰」及荃新天地也是另外一個例子,該項目是和信和合作,但由於在1990年代後期收地價太高,至於推售時樓市仍未回復,導致該項目虧損近40億元,不過由於虧損關係,政府把荃灣運動場的一半地皮提供予市區重建局及信和,供其興建御凱,圖減少其虧損。

除左信和,董建華執政期間,仲有樣野燒到去曾蔭權時代。只要你有返咁上下年紀,一講就知咩事﹕

梁展文六六年加入政府,近四十年官場生涯中,臨退休前數年屢次捲入爭議事件。紅灣半島事件後一年,審計署於○五年十一月發表報告,批評梁展文於○一年額外多批建築樓面面積予嘉亨灣發展商恆基兆業集團,令發展商多建一倍單位,政府亦因此少收補地價近一億二千萬元。梁其後以前高官身份入稟高等法院申請司法覆核,挑戰報告合法性,整場風波擾攘半年才平息,而領匯上市觸礁及內購貝沙灣豪宅等事件,梁展文均成風波裡的主角。

審計署發表報告指梁展文○一年擔任屋宇署署長期間,在地政總署反對下,仍然向嘉亨灣發展商額外多批建築樓面面積,加上該地盤地契不清晰,沒有訂明將公共交通總站計入建築面積內,結果令發展商增建多一倍單位,政府因而少收近一億二千萬元。

即係咁,而家睇返當年梁展文事件,真係要懷疑係佢既作風,定係有更高層次既授意。

不過,有樣野可以確定既係,係董建華年代,就算你唔講數碼港變貝沙灣,不過係「八萬五」最困難既時期,中產負資產可以跳樓,不過發展商就一定要救。

所以,好多人話咩曾蔭權年代開始地產霸權官商勾結,就唔該睇清楚歷史先。

董建華,先係始祖,先係佢衣一系列既措施,先令到日後所謂既特區管治官商勾結指控點都唔可以劃清界線。

當然,補多句﹕你可以話,殖民地都有官商勾結,老董唔係始祖 -- 不過,你要講到老董咁高瞻遠足,又要講到特區之後香港人當家作主,就唔該,唔好同殖民地比較。

************
結論係,要評董建華,你就算唔提廿三條唔提數碼港唔提沙士處理手法,甚至唔提佢退任之後指指點點,先捧梁振英後推林鄭月俄。

你淨係睇佢當年點處理「八萬五」既問題,見到咁多人跳樓都淨係同你講早晨,唔知幾耐先同你講「已經唔存在」,再去到2002年6月先同你講「孫九招」,就已經可以推翻好多經唔起歷史考驗既廢話亂UP。

你話「八萬五」都對某些人係好事﹖咁我唔問你八萬五班負資產跳樓係米都跳得好有價值,不過你快D學毛澤東,去感謝日本仔侵華啦。

你話「八萬五」係金融風暴令到佢唔成功﹖你見到個風暴黎緊,完左,之後咁多人死,你都唔改變政策,我真係唔知咩叫「不可抗力」,咩叫「一日最衰都係金融風暴」。

你話董建華係老好人﹖你係佢面前跳樓,佢都可能淨係同你講早晨 -- 除非你係信和係中銀係大發展商,佢就會係你跳樓之前救你。

至於你話,班公務員阻住佢改革,咁我唔會否認。之但係,殺市政局又殺得咁快手,沙士黎緊攪到要封淘大都仲咁有心力攪廿三條,之後仲有好多九唔搭八數碼港,咁其實公務員阻住左佢幾多野呢﹖佢自己本身又有幾多責任呢﹖

************
最後,明報個社評真係好UN耳,真係下家產既典藏,尤其係衣幾句﹕

對於長遠解決香港居住問題,本可起到釜底抽薪之效,未料到之後亞洲金融風暴來襲,樓市泡沫爆破,大批市民淪為「負資產」,「八萬五」政策亦不得不擱置。

當然,董建華政府在中央力挺下,成功頂住亞洲金融風暴,守住聯繫匯率、擊退國際炒家,已是殊不容易

真係回帶都講多次。

「八萬五」「不得不擱置」,唔係1998年「亞州金融風暴來襲」先擱置,係等左好幾多年,去到2002年先孫九招。

再講金融風暴,同中央力挺有春關係﹖

中央政府做得最好既,就係有自知之名,唔春理董建華既求救,叫香港自己攪掂 -- 衣樣唔係我講,係董建華自己講的。

**************
未完。





評董建華 - 無 (2)

八萬五宏願消 樓市瀉民望挫 「不講即不存在」 當年輿論斥重大政策轉變不交代

發布日期 2026年9月10日星期四

【明報專訊】「八萬五」既是董建華任內最爭議的施政,同時是對香港樓市最大影響的房策。董建華在1997年上任,正值樓市熾熱期,為遏止樓價飈升,他宣布「八萬五」建屋政策,訂下1年興建8.5萬個住屋單位、10年內達至七成自置居所比例的目標。惟翌年遇上亞洲金融風暴,樓市急轉直下,由1997年的高峰至2003年的低位,樓價急瀉六成,負資產業主在高峰時多達逾10萬戶。

上任房策宏圖:10年七成置業 公屋3年上樓

董建華提出的「八萬五」建屋目標,當中包括每年興建5萬個公營房屋單位,目標是令基層可以安居,只是港人的「安居」願望,一直未成。董建華在房策上的宏圖大計不止八萬五,他上任後同時提出縮短公屋輪候時間至3年、未來10年出售25萬個公屋單位、10年增建2萬個夾心階層單位等安居目標,但是單位未及建成,八萬五便遇上亞洲金融風暴,1998年董建華的房策完全改變,先後宣布暫停賣地9個月、停建夾屋。

不過,樓價跌勢仍「流血不止」,2000年的樓市較97年高峰期跌了逾五成,董建華再推救市房策,包括先公布減售居屋,同年加碼至停售居屋半年,並計劃在4年內,將1.6萬個居屋單位轉為公屋出租等。

樓市高峰跌五成 2000年稱八萬五不再存在

自1998年至2000年的一系列房屋政策,與八萬五的建屋目標背道而馳,董建華在2000年接受部分傳媒訪問,被問到八萬五政策是否已不存在時,他當時回應說:「從98年就再沒有講過八萬五這個字眼,那你說還存不存在?」

有關說法等同為八萬五政策「蓋棺」,但同時引起社會嘩然,因重大政策轉變,政府未曾正式交代,而董建華民望亦有如樓價大瀉。

2000年孫九招救市 2003年樓市方見底

2000年之後,樓市未見起色,時任房屋及規劃地政局長孫明揚公布「孫九招」救市,包括停止定期土地拍賣、年建2萬多公屋單位、由2003年起無限期停售居屋、終止私人參建居屋計劃、終止租置計劃等。惜樓市未及回氣,香港再經歷2003年SARS爆發,樓價直插谷底,直至疫症過後,樓市始逐漸復蘇。

接任董建華特首職位的曾蔭權,上任初期延續「孫九招」房策,至2011年的《施政報告》始宣布復建居屋,但他在任期間樓價已上升不少。至近年,住宅樓價和租金高企,房屋供應長期短缺,樓價嚴重脫離一般市民的負擔能力,納米樓更是有價亦有巿,而近年亦有論述稱,若當年堅持八萬五,樓市應大不同。

任內公屋上樓曾縮至1.8年 2021年底5.8年

其實董建華的房策並非一事無成,他上任後提出縮短公屋輪候時間至3年,在他任內算是「超額完成」。1997至98年度,公屋輪候年期約為6.6年,其後一直縮短,至2004至05年度更縮短至1.8年,然而,停建居屋政策一度令房委會面臨財困。公屋輪候年期一度在2022年回升到6.1年的高峰,到了今年6月,計及簡約公屋的綜合平均輪候時間回落至4.8年,與董建華年代仍相差甚遠。
明報記者
(董建華逝世)

原文網址:https://news.mingpao.com/pns/%e8%a6%81%e8%81%9e/article/20260910/s00001/1788976078330

評董建華 - 無 (1)

社評:倡導香港改革高瞻遠矚 董建華鞠躬盡瘁為家國

發布日期 2026年9月10日星期四

【明報社評】香港首任行政長官董建華辭世,享年89歲。董建華宅心仁厚,胸懷家國,1990年代初踏足政壇以來,一直以貢獻國家、服務香港為己任,「一國兩制傑出貢獻者」這一榮譽稱號,體現了中央對他的肯定。董建華作為本港第一任特首,為香港順利回歸並實現平穩過渡,寫下歷史一頁;任內提倡的一系列政策,包括發展高科技產業、增加房屋供應解決居住問題等,現在回看都極具先見之明,反映了他的高瞻遠矚,奈何當時香港內外不利改革的主客觀因素太多,令到他的改革抱負無法一一實現。韶光荏苒,近年香港改革再上路,告慰前人的最佳方式,莫過於好好把握眼前機遇,令香港發展得更好。

「愛國至誠愛港至深」
一國兩制傑出貢獻者

明年是香港回歸祖國30周年,歷任行政長官大多出身政府體系,亦試過由專業界別人士擔任,而董建華則是唯一一位商界出身的特首,在任前後近8年,2005年3月請辭。之後他擔任全國政協副主席,繼續為國家及香港建言獻策,另外又運用其人脈關係,協助中美關係發展。2019年,董建華還獲中共中央總書記、國家主席習近平頒授「一國兩制傑出貢獻者」國家榮譽稱號獎章。

董建華是公認的「好好先生」,為人謙厚,富責任心,多年來為國事與港事不辭勞苦,鞠躬盡瘁。中央港澳辦昨天就董建華逝世表示沉痛哀悼,形容他一生「愛國至誠、愛港至深」,現任行政長官李家超與前特首們亦紛紛致哀。

中央恢復對香港行使主權,是國家民族復興路上一個重要里程碑。董建華作為香港首任行政長官,領導特區政府成立,為「一國兩制」、「港人港治」的實踐開創先河,確保了香港平穩過渡,這本身已是相當重大的歷史貢獻。他在1997年7月1日中華人民共和國香港特區成立慶典發表演說,提出要致力提高香港國際金融中心地位、促進高增值及高科技產業發展,另外又提倡改革香港教育制度,以及大舉增加房屋供應。凡此種種,皆反映了他勵精圖治的抱負,只是改革香港之路遠比想像崎嶇。

董建華上任後推動的多項長遠政策,諸如「八萬五」建屋計劃、實施母語教育、發展資訊科技及中醫藥中心等,其實都很具前瞻性,然而實際推行起來,卻遇上不少困難和挑戰,「八萬五」無疾而終正是一例。1990年代中,香港樓市炒風熾熱,公營房屋供應亦追不上需求。董建華提出每年供應不少於8.5萬個公私營單位,目標是10年內全港七成家庭可以擁有自置居所、公屋平均輪候時間縮短至3年,對於長遠解決香港居住問題,本可起到釜底抽薪之效,未料到之後亞洲金融風暴來襲,樓市泡沫爆破,大批市民淪為「負資產」,「八萬五」政策亦不得不擱置。

當然,董建華政府在中央力挺下,成功頂住亞洲金融風暴,守住聯繫匯率、擊退國際炒家,已是殊不容易,然而經此一役,香港經濟元氣大傷,人心躁動不安,政府財政壓力沉重,節流措施不受歡迎,2003年SARS疫情爆發,更屬始料不及。外部嚴峻挑戰不斷,持續消耗特區政府的政治能量,不利改革的推行;來自內部的掣肘,同樣令到改革舉步維艱。

董建華商人出身,擔任特首之前,政治歷練相對有限,對官場運作邏輯認識不深,亦缺乏駕馭複雜局面所需的政治手腕,回歸初期特區的政治制度設計,亦未足以確保特首施政能夠盡量減少固有勢力的羈絆。董建華雖有改革雄心,卻未獲公務員系統積極配合與支持,甚至出現拖後腿的情况,即使後來推出高官問責制,亦難挽回頹勢。與此同時,社會上也有不少力量抗拒董建華所提倡的改革,一句「High Tech揩嘢,Low Tech撈嘢」,道出了當時商界熱中炒賣圖利、冷待高科技發展的態度。如果當年香港有致力創科發展、推動經濟多元化,避免過度依賴房地產,現在就不用追趕得那麼辛苦。

除了「八萬五」,董建華任內還有一件未能完成的大事,就是23條立法。若說「八萬五」辦不成是經濟環境使然,23條立法則是如何駕馭複雜政治局面的問題。現在回看,倘若當年成功立法,香港往後的政治發展,也許會相當不同,然而當年政治形勢與社會客觀環境不足以令23條立法通過,亦屬不得不承認的事實。香港經歷了反修例風暴,現在的政治生態與氛圍,與回歸初期別若天淵,然而社會多元多樣的獨特性,無論任何時候都要致力維護。

任內改革障礙多
時勢發展證遠見

董建華就任特首近8年,對香港其中一項重大貢獻是發展專上教育,將香港適齡青年入讀大學或專上學院的比例,由最初約14%大幅提升至接近50%,為香港持續發展培養了大量人才。雖然當年他所推動的數碼港,曾被質疑淪為地產項目,然而經過多年發展,現在數碼港確已成為本港創科發展一個重要根據地;儘管當年建設中藥港的構思,因為得不到商界支持而不了了之,然而現在香港已有中醫院,中醫藥發展也愈益得到重視。凡此種種,皆印證了董建華的遠見。

「香港好,國家好;國家好,香港更好。」這是董建華的名言,背後反映了香港與內地唇齒相依的關係,只是當年仍有很多人抱着「區隔心態」看待兩地,又或一味想中央推出多些惠港措施,沒有認真想過融入國家發展大局。時移世易,香港發展現已踏入新時機,發揮香港所長,貢獻國家所需,既是香港保持繁榮穩定之道,也是香港在民族復興路上的使命。董建華這一金句,現在依然適用。

原文網址:https://news.mingpao.com/pns/%e7%a4%be%e8%a9%95/article/20260910/s00003/1788976084984

2026年9月2日星期三

兩句時事 -- 小小又係市建局 (2)

之前係郵政第二個POST入面,講起政府個「額外地積比率先導計劃」。

我當時就話,個計劃唔知包唔包市建 -- 雖然我傾向佢係包。

咁 米 就係個POST度回,話包。

我都仲係疑惑。

咁今日明報有人寫左篇咁既文,我都仲係疑惑。

疑惑既原因係,無論係發展局個新聞稿定係個聯合作業備考,都係冇提市建局受唔受理。

佢個中文新聞稿係咁講﹕

在先導計劃下,發展商如承諾拆卸位於七個舊區、樓齡達50年或以上、且地盤面積不小於700平方米的住宅樓宇,並重建作住宅用途,將可獲提供額外20%的免補地價總樓面面積作為鼓勵。

個英文聯合作業備考,都係咁既意思﹕

Under the Pilot Scheme, if an owner commits to pull down an old residential building on an eligible redevelopment site in the seven designated areas with more pressing redevelopment needs1 and redevelop it mainly into residential uses, it can obtain additional 20% land premium-free PR/gross floor area (GFA) as bonus (bonus PR). 

照字面去睇,應該係拆卸舊樓前,如果個業主承諾左咁咁咁,之後再向城規會申請,最後就可以獲額外地積比。

咁的話,如果市建展開左個項目,如果未拆樓,咁佢係收購前甚至招標前未承諾個一堆野,之後先再搵發展商招標,咁究竟佢合唔合乎資格呢﹖佢係米可以招左標,先再向城規會申請﹖

我覺得係得既。

不過,又,如果佢拆左棟舊樓,先再招標,之後再同城規會申請,就令我懷疑佢係米合資格,亦都令我疑惑,究竟個標價係要點出 (雖然市建一般都唔會折左樓先招標既)。

而又再不過,佢好多項目,其實係展開左,做埋人口凍結,咁係米又合乎個計劃﹖佢係個先導計劃推出前,其實就展開左個項目架喎 -- 佢係可能未招標正式搵發展商。

另外,新聞稿同埋作業備考 (我淨係納左開頭幾版) 講既「樓齡達50年或以上」,都令我有疑惑。例如,市建九龍城個盤,咁好多50年樓,不過有D係40年,甚至有棟係計劃宣佈時只有25年樓齡;而個盤入面,係扲左棟市政大廈同公園,咁又點算,係米要將個盤劃開好多份,有D份數或者地盤係合乎資格,有D就唔合乎﹖

咁的話,我求其納,個計劃好似冇講清楚,衣D重建盤係點計算,係米按百份比計定點 -- 衣個,亦都係令我疑惑,個計劃適唔適用於市建項目既原因。

不過,都係個句,我直覺覺得,市建係合資格參與個計劃;成個計劃,係益市建局的。

***********
唔係題外話,講返篇文。

至於我上面QUOTE個篇文,佢又係講到市建有好多問題之類,又係講咩「但大型重建由收地、賠償至發展,往往歷時十數年」。

佢衣個係市建既官方講法。

佢係篇文提裕民坊,咁真係要講多次﹕你懶,就自己睇WIKI,觀塘市中心重建計劃2007年宣佈啟動法定程序,2009年第一期既觀月樺峰就招左標,第二同三期既凱匯就2014年招埋標,咁個時間唔而需要10年啦。

(當然,觀月樺峰其實係政府送比市建既前巴士站用地啦....)

成個項目,第四五期攪咁耐,「往往歷時十數年」,我之前都講過,係因為逆權侵佔官司既問題 -- 衣個問題,最重要個點係,市建局之前冇諗過會出現衣樣野,所以先攪咁耐處理。

你睇上面引個段新聞,係我求其搵的,不過內文都有簡單解釋﹕

因應深水埗青山道/元州街的重建項目內的一名樓梯鋪佔用人,早前成功向法庭以逆權侵佔的方式取得業權,昨日召開的市建局董事會特別研究賠償機制,建議容許成功以逆權侵佔方式佔有項目大廈共用空間的業權人,能夠享有一般業權人的賠償待遇,但做法卻不適用於觀塘市中心重建項目第五區之違例建築佔用人。

唔係個間樓梯舖佔用人贏左場官司,成個觀塘市中心重建就唔需要考慮新賠償機制,唔需要成個計劃攪咁耐,唔洗十年就已經攪掂鳥 -- 個計劃要拖到而家,仲要係因為唔好彩 -- 裕民坊其實2018年左右攪掂,不過之後因為樓市跌,招標唔掂,先再拖到今時今日。

又至於上面QUOTE個篇文講咩「根據《城市規劃條例》第16條提出申請規劃許可....5年時間可謂相當緊絀」,就算把啦,而家城規程序縮短左咁多,加上大家都識做,好多規劃許何都好快攪掂。

再者,兩成喎﹗多兩成地積比喎﹗即係市建九龍城項目原計劃興建既樓面面積係 275,952平方米,即係而家樓面面積既3.77倍。

如果放寬兩成,即係多左5.5萬平方米,咁即係而家樓面面積既幾多倍﹖﹗

咁再簡單D,衣個放寬左既5.5萬平方米,即係超過55萬平方尺。

根據個「額外地積比率先導計劃」,九龍城個補價標準金額係每尺大約$6,131。 

我當你連埋建築費成本要1萬蚊尺(已經係好多),賣就賣到1萬5千蚊 ,咁衣度即係每尺賺5千蚊。即係,你將衣5千蚊尺,再乘返多出黎既55萬平方尺,咁衣個額外補地價既結果係,成個盤係額外淨賺多27.5億。

結論係,有錢,就咩都得啦,幾廿億喎﹗

(題外話﹕補定先,上面條數,其實係有偏差的。

即係,根據政府文件,個補價標準金額其實係每平方米66,000 -- 政府好多時用米唔用尺的。上面衣個每尺$6,131補價標準金額係出自東方 -- 1平米方等於10.764平方尺衣D咁煩既野,我唔計,COPY東方算啦。

不過,最重要個點係,我懶,一直都將1平方米等於10平方尺的。所以,上面放寬左既九龍城項目額外樓面總面積,其實係接近60萬尺,而非只係55萬尺的 (即係﹕放寬左5.5萬平方米X10.764)。

所以,額外補地價淨賺,其實超過30億,而非只係27.5億的。

另外,上面衣個賣樓價1萬5千蚊尺,係超級保守 -- 佢對面啟德最貴既「天璽.天」,唔知做而家乜玩到平均2.5萬蚊尺,貴既甚至3萬蚊樓上;成個啟德,最平個D咩嘉匯都要2萬蚊。咁市建個九龍城項目係宋王台站,猛車邊又係太子道西傳統豪宅區邊皮,1萬5千蚊真係超級保守 -- 事實上,而家九龍城項目附近賈炳達道個幾個十零年私樓,都要萬3蚊尺。)

***********
第二樣想講既,係西藏。

簡單講,好多人講話尼泊爾同大陸既比較,講咩訊息透明度之類。

要幫大陸講野既人,有好多唔同講法。

不過,最簡單講,你唔記得東航墮機啦﹖

當時墮機,個乘客名單米因為所謂既私隱,所以冇公開到囉。,

至於個調查報告係點﹖我之前米係度講過,係因為國家安全,所以國家民航局唔公佈丫麻 --最尾係有外國記者問左美國國家運輸安全委員會,之後老尾個委員會先公佈左個結果。

咁,米係囉,你要將大陸同尼泊爾既救災透明度相比﹖唔好講笑啦。

東航墮機,至多都係國企前解放軍軍官做機長之類既問題,咁都會因為國安理由,而唔公佈個名單以至調查結果。

咁,而家講既係,吉隆喎﹗西藏喎﹗仲要一帶一路喎﹗

你鬼佬記者扲到入藏函入西藏先算啦。

*************
補多句郵政。

其實呢,之前計郵政條數時,我米話郵差郵務員合計總薪酬大約係21億,之但係年報寫住,加埋其他郵務監督,總薪酬先係21億。咁所以,我可能高估左郵差薪酬。

不過,其實,當時寫寫下,我發覺得可能唔錯得太遠。

事關,年報係2024年既數字,我用既郵務員薪酬就係2026年最新數字,兩者係有落差 -- 而整個香港郵政既人手,係衣幾年都跌,之但係有通漲有跳POINT,咁兩年既總薪酬係可以上升。所以,我估既數,未必高估好多。

我早兩日寫個時已經發現衣樣野。

不過,要解釋就太煩啦,所以而家補返算。

************
最後,仲有野講,不過唔記我,就講樣好笑野。

民建聯班智將一直都話,大陸電費平,唔該買多D大陸電啦。

之前都講過,就算你當佢地班智將真心都好,重點係,中電可以買大亞灣甚至同南方電網完全聯網,買曬大陸電都冇問題。之但係,港燈冇衣樣野架麻﹗

而家港燈同中電係有限度聯網,就算而家好似攪緊加強聯網,不過你要港燈入大陸電,根本冇可能,亦要好大投資。

更加攪笑既係,前排李先知有個咁既標題,聞風筆動:「北都水電專供走廊」倡議 料影響2033中電利潤管制談判/文:李先知,內文係咁﹕

【明報文章】政府正在制訂香港首個五年規劃及《施政報告》,民建聯上周向政府遞交《香港五年規劃及施政報告-智算產業發展倡議》政策倡議書,提出在北部都會區構建「水電專供走廊」,在電力方面推動與南方電網合作簽訂長期低價綠電協議,建設北都區智算中心專屬輸電通道,目標將電價降低30%至40%。知情者表示,由於政府與中電有利潤管制協議,現階段引入內地電網或會引來法律挑戰;但不排除政府與中電商討下一個利潤管制協議時會提出這個問題。


睇完真係笑到我丫。

真係洗乜知情者講。

最現實既問題係,南方電網賣綠電比你,電費會平咩﹖

想當年用東江水救粵海投資,救完啦,不過水費幾時平過﹖

再者,都係我之前個句,中電而家話係北都已經興建左幾個變電話,足夠北都未來十年使用。咁你北都引入「水電專供走廊」丫麻,咁個批變電站米轉曬做博物館囉 -- 不過佢地每年都要扲返8%投資回報。

咁個批變電站發唔到電,做左博物館,不過都照樣問非北都用戶 -- 即係你同我 -- 繼續扲返8%回報,即係繼續加電費,就真係正。

仲有,政府要兩電攪乜氫能測試,我係中電就拿拿聲換曬D機組,跟手鼓勵你買多D大陸電﹕我換曬機組,入曬帳,唔洗發電都有8%回報,真係躺平都有著數。

當然,唔SEARCH返啦,前排港燈公佈業績,阿CEO定唔邊個好有形咁講,港燈設施老化啦,夠使用年期啦,都需要更新設備;而好多設備想當年係繁忙路段地底,更換要好多錢好多時間。

咁你米引入「水電專供走廊」囉,調低個准許利潤囉。

中電同港燈都一樣,唔計發電機組都夠期,仲要配合政府碳中和,再加上佢好多野都夠期,你米CUT佢利潤囉。你CUT佢利潤,佢米慢慢先同你換設備,等佢壞左先算囉 -- 到時停電又乜春,你就唔好嘈。

你唔想成日停電,又想要電費平,咁你米政府自己或者搵大陸公司收左兩電個資產之後,再拿拿聲換囉 -- 不過,有冇大陸公司有能力買曬兩電資產,之後仲要咁偉大減埋個電費﹖

最後,講埋個現實,即將要面對既問題出黎。

你睇中電份管制協議 (港燈都類似,所以只睇中電),其實每樣資產都有個使用年期,變電站雜項就25年,電纜就60年,架空線就60或者45年。

所以,好多上世紀70年代新界或者都市發展既電纜電線,無論係個管制協議既使用期,又或者實際上設備既使用年期,其實都就黎到期,要換的鳥。

另外,如果你話,個設備未夠期都唔好用啦,我地而家用天然氣啦,慳返個投資啦﹖咁份管制協議好清楚講明﹕

倘若任何一方認為某項實際或建議的指明市場變化,會導致產生擱淺成本,則各公司應與政府忠誠商討,而各公司應實行政府合理地要求實行的措施,以儘量減低該擱淺成本的數額。

關於上文第(1)款提及的措施所不能減少的擱淺成本(下稱“擱淺成本餘款”),各公司應從市場收回,而數額及機制須按第(3)款的規定和議定實行。在該協議沒有達成的情況下,則須按第9 條規定實行。

你唔同意唔想賠比兩電,就要仲裁鳥 -- 要仲裁,除非個官係家超炳強或者係西環派黎,否則的話,政府都祇有輸硬。

亦所以,我成日講,中電有好多北都投資已經入左帳,已經收緊你電費作為回報。

你日後北都全部輸入大陸電,玩「水電專供」,又唔想中電加電費要其他用戶食左北都既資本投入,咁中電米同你講,「因為市場變化」,令到北都個批投資左既變電站「產生擱淺成本」,咁米政府賠返比中電囉。

咁政府冇錢,米加稅囉。

嘿﹗

所以,民建聯班友,真係弱智,並不是扮的 -- 當然,要兩地溶合,要國家支援,就係政治正確,講下又有乜所謂。

至於佢地諗唔諗到或者有冇諗過電費或者「擱淺成本」既問題﹖

我相信係前者,即係智力既問題。

**************
最後,講起大陸電,諗 起樣野。

早排有則唔顯眼既報導,講咩全港首個新能源車電池回收設施啟用。

段新聞入面,就話係有間叫晉景新能既公司,去做衣個項目。

咁之前文匯有個報導,我唔比LINK,不過佢係咁講﹕

晋揚國際(香港)董事總經理郭可兒表示,位於屯門環保園的回收廠,整座投資額約4,600萬元,其中1,500萬元由特區政府資助,其餘由晋揚國際出資。預料廠房初期每年可處理約1萬噸舊電池,每年可生產約5,000噸鋰電池黑粉,其後電池處理量將提升至約3萬噸。由於集團廠房採用專利技術,電池回收率達97%,比一般傳統方式的78%回收率高出19個百分點。雖然廠房不涉及後期的黑粉提煉,但強調未來目標是處理多元產品以切合香港需要。

郭可兒補充,整座電動車電池回收廠面積約10萬方呎,預計鋰電池黑粉生產線將於上半年試產及運作,未來會繼續深化生產線。以每顆電池重約350至750公斤估計,即每年大概可處理約2萬架車輛的電池。目前本港大部分電動車都採用三元鋰電池及磷酸鐵鋰電池,集團的生產線可處理此兩款電池。

她續指,預計整座廠房回本期約5年至7年。除了黑粉生產,廠房未來亦會有智能拆解、梯次利用及有其他產線陸續出現。其中,梯次利用是指檢測過舊電池後,如果發現該電池仍可利用,便會將之循環再用,製造小型儲能系統再賣出市場,將電池生命周期延長多5年。

睇完段新聞,我既感想係好簡單﹕間公司投資個3,100萬,再加政府資助1,500萬,成個項目「回本期約5至7年」,衣個項目真係正常人邊會做呀。

之後既感想係,衣間係咩公司。

求其搵,哦,原來之前係做建築,根手轉型做環保,再根手衣兩年先再轉型做電池回收。

咁明啦。

即係,你睇比亞迪,佢聲稱做電池回收,其實都係將仲用到既電池做儲能或者比沖電設施去用,淨返唔知幾多先要黎回收,事關回收真係唔值錢,或者係個成本太高唔MAKE SENSE。

咁而家政府出資助,係環保園入面有衣個電池回收設施,咁又有人明知個回本期要5至7年都肯去做,咁米要拍手歡呼囉﹗

不過,你望下晉景新能由今年6月宣佈項目之後既股價,再睇佢之前年年都蝕剛好幾千萬去到上年先有錢賺 (起碼AASTOCK條LINK講既近5年),咁你話,佢支持政府,係米正確呢。

當然,衣間野,除左近年轉型,轉到去攪電池回收,早個月仲用2億股份再加20億現金,去聲稱收購大陸雲計算公司添。佢今年先開始賺錢,就可以簽份收購協議,仲要玩埋雲計算 (如果單野真係攪掂的話),就真係無敵。

ANYWAY,至於我一SEARCH佢個名,跟手有個suggested search係 晉景新能lihkg,之後竟然出左個連登POST叫做「微訊雞又開工了」。

咁我唔貼LINK啦。咁微訊雞做野,同間公司又可以冇關係既。

總之,佢肯幫政府做電池回收,唔理回本期係要幾耐都去做,就真係支持政府。

我真係好想知,有冇人會講下衣間野個背景。衣期支持政府既,都係好有趣的。

不過,我就冇心冇能力去查的。

*********
完。

兩句時事 -- 小小又係市建局 (1)

陳雅妍:市區重建模式:由「自助餐」走向「廚師發辦」

發布日期 2026年9月2日星期三

【明報文章】香港樓宇老化問題日益嚴重,過去10年,全港樓齡達50年或以上的樓宇,每年平均增加500多幢,但市建局及私人市場每年平均只能重建約160幢。舊樓增加速度,遠高於重建速度,單靠現行模式,難以應付未來的城市更新需要。

早前政府推出「額外地積比率先導計劃」,讓合資格私人住宅重建項目,獲得額外20%免補地價樓面面積;發展商亦可選擇將有關額外地積比率套現,用作抵消原址重建或其他土地交易地價。當局最新《聯合作業備考》已進一步交代計劃的適用條件、申請程序及安排,令政策框架更為清晰。

過往市建局的大型市區重建模式,較像5星級酒店的自助餐——由市建局先準備「食材」,包括收地、整合業權、清拆地盤、處理城規程序,再把大型項目推出市場。這種模式可一次過整合較大範圍,有利規劃公共空間、交通、社區設施及樓宇佈局,避免逐幢重建形成「牙籤樓」。

但大型重建由收地、賠償至發展,往往歷時十數年。當項目推出市場時,早年訂立的規劃條件,未必仍切合市况及投資意欲;一旦遇上市况逆轉,項目可能需要修訂,市建局亦需承擔更高的時間、土地和市場風險。觀塘裕民坊重建,正反映大型市區更新面對的時間和市場風險;花墟重建的討論亦說明,重建不應該只是推倒重來,更牽涉原有社區網絡、生活肌理、地方記憶等。

政府的新措施,可以理解為將市區更新由「自助餐」轉向「廚師發辦」——當局不再預先整合所有地盤,而是由市場按個別項目的需要,自行組合重建方案,靈活運用額外發展潛力。這或可以提高市場參與度,不過發展商亦須自行處理整合業權、規劃申請、補地價、承擔市場波動等風險。

額外兩成樓面 未必足以「變魔術」

上述先導計劃涵蓋長沙灣、馬頭角、旺角、西營盤及上環、荃灣、灣仔、油麻地,共7個指定地區。合資格地盤須包含樓齡達50年或以上的住宅元素,並以住宅為主要重建用途,地盤面積不小於700平方米。額外地積比率一般按相關分區計劃大綱圖(Outline Zoning Plan)訂明的最高住宅地積比率或樓面面積計算;如規劃圖未有相關限制,則參照《建築物(規劃)規例》的上限。地政總署會根據指定地區訂立及更新標準地價,以計算額外地積比率價值。

然而,即使增加20%樓面面積,亦未必足以抵消高昂的收購、拆卸及建築成本。市建局收購住宅物業所採用的「7年樓齡」補償機制,在樓市下滑及調整期內,容易陷入「高買低賣」困境。這不僅使市建局面臨嚴重虧損,更會拖慢整個市區更新步伐。現時市區較具發展潛力的地盤,大多已經陸續重建,餘下項目不少面積較小、業權分散,或受規劃、交通及保育限制,屬於重建難度較高的「雞肋地盤」。

更重要的是,增加地積比率不能簡化為「加高」、「加密」。舊區道路交通、排水及社區設施,均有承載限制。倘若重建只是單純「拆舊建新」,卻未能改善行人環境、公共空間和社區配套,居民生活質素未必能相應提升。

先導計劃為期5年 時間相當緊絀

申請人可以選擇把額外地積比率直接用於原址重建,或採取套現安排。如果選擇原址使用,申請人須取得城規會批准之後,才可向地政總署提交申請修訂地契。另一選擇是將其價值抵消地價,亦可用於北部都會區,及其他地區的政府賣地、地契修訂等土地交易。對於現時受高度、密度或設計所限制的舊區地盤,容許將增加的樓面面積轉移,或把額外發展潛力轉化為地價抵扣,提供更量身訂做及具彈性的「廚師發辦」發展選擇。

該先導計劃的申請期定為5年。申請人須提交地契修訂申請,並根據《城市規劃條例》第16條提出申請規劃許可,取得城規會批准。這個安排,意味5年期限不止是「入紙」限期,也涵蓋規劃研究、技術評估和佈局設計圖(Master Layout Plan)所需的前期工作。對涉及規劃、交通和多項環境評估報告的項目而言,5年時間可謂相當緊絀。

《聯合作業備考》亦列明,尚未使用的額外地積比率價值,可由原址地契修訂書簽立日起保留10年,用於日後合資格的其他土地交易。10年有效期為發展商物色「接收」項目提供彈性,也避免必須即時將舊區發展與另一項土地交易綑綁完成。值得注意的是,作業備考內的「地契修訂」,包括換地。換言之,透過換地推進原址重建項目,同樣須面對先導計劃5年申請期及其後完成換地條款的要求。對於需要處理多幅土地、補地價或其他複雜安排的個案而言,時間管理將是成敗關鍵。

市場不怕嚴謹 而是缺可預測性

《聯合作業備考》已就資格、計算方式、原址使用和有效期提供較清晰框架,釐清計劃的發展細節。然而,5年限期能否完成城規申請、業權整合及換地,仍待個別實際發展項目驗證。市場最擔心的不是規則嚴格,而是程序欠缺可預測性。政府應進一步加強跨部門協調,加快部門間的處理安排,並密切檢視5年期限是否足以應付複雜重建項目的實際需要。

由「自助餐」走向「廚師發辦」,不代表政府可以撒手不理,也不代表市場可以「任意點菜」。當局仍須提供清晰規則、跨部門協調及合理時間框架,才能夠使市場真正有信心投入這場高難度的舊區重建發展。

作者是註冊建築師

(本網發表的時事文章若提出批評,旨在指出相關制度、政策或措施存在錯誤或缺點,目的是促使矯正或消除這些錯誤或缺點,循合法途徑予以改善,絕無意圖煽動他人對政府或其他社群產生憎恨、不滿或敵意)

[陳雅妍]

原文網址:https://news.mingpao.com/pns/%e8%a7%80%e9%bb%9e/article/20260902/s00012/1788281195696