2026年11月11日星期三

音樂推介.小心女星

上年係好神奇既一年。去到年尾,竟然有兩隻成隻碟都好好聽既歌。

第一隻係Kiri T既a kiridiculous distance。

第二隻係林家謙既Evergreen。

Kiri T隻碟就除左大熱既 至少做一件離譜的事 之外,成隻碟都做到風格統一,其他歌都好好聽。

(題外話,佢今年出左兩隻英文歌,兩隻都幾好,例如衣隻Not your drug。)

林家謙隻碟就唔知係米當係概念大碟,成隻碟7首歌,有D參差,不過其中三首包括四月物語、秋葉緣同埋冬季限定就超班;結尾翻唱老歌每當變幻時就更加係有心思之作。

今年,終於又有隻好神奇既碟。

Serrini剛剛出既新碟,小心女星,又係全碟都好好聽。

真係咩都唔洗講,佢下面衣首,就好似YOUTUBE個COMMENT咁講,「唔睇齋聽都知係Christopher Chak出品」﹕


首歌曲詞,都係一流。

你話serrini係米唱得勉強,我又覺得係剛剛好。

如果要「好聽」,即時諗到Moon Tang應該可以更加應付到首歌,不過可能就冇左serrini衣種味道鳥。

****************
講多句。

今次serrini隻碟同佢衣幾年最大既分別係,佢今次大部份時間專注填詞,淨係負責左三首歌既曲咁大把。

由佢係2019年出個隻邪童謠開始,都唔太合我口味。

衣隻搵唔同人合作,隻碟就多元化左,亦都冇之前個d咁想做diva既味道,所以都開始對返個隻味。除左上面首隨處惹塵埃,下面衣首都好好,去返佢較早期既味道﹕


**************
講開Christopher Chak,佢今年初幫陳宗澤寫個首急口令,又係一聽就知佢寫。

衣首歌,又係唔錯。

***************
最後,講起Serrini,金成衣幾年做左佢FANS。佢前排出POST講Serrin,又有人留言話serrini唱歌難聽。

Well,聽歌衣家野,其實一路以黎,音準拍子技巧之類,都唔係唯一標準;而家仲要講到用Autotune呀即場修音係米過火,就留返 難聽歌手俱樂部 去做啦。

Serrini賣既,都唔係衣類傳統既「唱得好唔好聽」 -- 當然,你用返自己標準,或者係傳統廣東歌標準,話佢唱歌難聽,咁又無理由反對既,是關衣d野係主觀。

不過,我已經唔講外國咁多唔同類型既音樂,唔同你講death metal同之後個D痴線野。

淨係講台灣,你聽下閃靈衣隻 暮沉武德殿(民謠版),我最近無啦啦搵翻黎聽,都仲覺得好好聽 -- 至於原曲既death metal版呢,無論係台語或者英文版呢,就我都接受到既。

所以,唔同類型既音樂,係「好聽」方面,係可以有唔同標準的 -- 而serrini既歌,我或者好多聽佢既人,就一直都唔係用傳統廣東歌既標準去睇啦。

(well,衣個都係我早兩年唔太聽佢既原因 -- 佢早兩年有時太想做diva或者有時要刻意要做d野,所以唔太合口味)

anyway,就算唔講metal,一個叫 Shane MacGowan,其實都係一個好有趣既人。

佢同Nick Cave幾十年前翻唱既What a Wonderful World,nick cave 都仲算正常,阿shane macgowan都唔知係米未醉完就走左去錄音,所以唱到成pat屎咁 -- 不過就係好arm feel的。

之但係,Shane MacGowan幾十年黎都係咁,係八十年代夠膽死咁樣上Top of the Pop,咁又有幾多人會用音準拍子技巧之類,佢話佢唱歌有幾難聽﹖

甚至有冇人會同佢講,唔該你整下棚牙,唔好唱親歌都漏風啦。

佢早兩年前死個時,係愛爾蘭仲攪到真係好似國葬咁款。D人除左記得佢成世人都係醉酒狀態之外,之後就只係記得佢既音樂,佢音樂入面既詩意,同埋佢為作愛爾蘭人既文化重要。

就好似Leonard Cohen以至Nick Cave咁款,邊有人理佢地把聲係點,係米走音,係米拆曬﹖

Leonard Cohen食煙飲酒攪到80年代中後期把聲同之前完全唔同,再去到70歲比人扼曬D錢都要走返出黎唱,唱到拍子都可以唔理,越黎越放飛自我,不過都係越老越有味道。

就算唔講佢70歲之後都仲要出黎,淨係衣個後生版本既Dance me to the End of Love,都遠遠及唔上佢衣個老左拆聲版本。

我唔係話Serrini去到衣d境地。

不過,好唔好聽,唔係只有一個傳統標準既。

****************
完。

2026年11月5日星期四

掩眼法.大廈管理.劍廿三.資訊透明(2)

我衣個系列特登開多個POST,其實係想講埋新既土地業權註冊條例,限制查冊單野。

衣單野好似同圍標冇關,不過核心問題,都係一樣的。

***********
擒日,新聞報導,話阿常秘講左衣句野,我就真係驚為天人。


先講返單野,其實就好簡單。

以往你去田土廳查冊,其實就隨時查都得,唔需要你講咩目的。只要比錢,你就可以查到任何土地業權既文件,包括買賣紀錄呀、任何釘契之類或者其他契約文書。

根據而家衣個新既土地業權註冊制度,以後要查冊,就只限於下面9項指明目的 (為左最準確,下面衣9項係出自立法會個參考資料摘要。下面衣個QUOTE,係出自附註10)﹕

該等類別包括:
(a)利便某註冊權益的處置或傳轉;
(b)根據經修訂的《業權條例》遞交申請;
(c)進行審計、對土地或物業作出估價、進行測量工作或就交易或建議訂立的交易進行盡職審查;
(d)建築物管理;
(e)為執法或規管的目的行使任何權利、履行任何職責或執行任何職能;
(f)法律程序或確立、行使或維護任何法律權利;
(g)為學術目的或就物業市場作出報告進行研究或一般分析;
(h)進行市場研究;以及
(i)為符合公眾利益而進行查冊或查閱。

你睇衣9個「指明目的」,最引起社會討論既就係第9項,「為符合公眾利益而進行查冊或查閱」。你見好多記者甚至尊貴都扮下野咁講。例如,陳凱欣就咁講﹕

曾於傳媒機構任職多年的選委界議員陳凱欣認為,正常傳媒報道應可視作一個目的,質疑新安排猶如預設框架。她強調,傳媒查冊並非出於「八卦」,而是一項工作。她舉例稱,柬埔寨詐騙集團在港持有物業,均是經由傳媒查冊揭發,促使律政司其後發出凍結令,認為查冊有助政府找到詐騙集團及違法事件。

她又指,雖然當局要求提交的資料看似簡單,例如申請時說明有人「報料」,但其實當中或涉消息來源,而且傳媒或不希望太早透露報道內容。她建議,只要是在政府新聞處轄下登記的傳媒機構法定負責人員,或總採訪主任等提出申請,便應被視為符合「公眾利益」目的。

陳凱欣質疑做法或抹殺正常報道

對於政府未有就查冊被拒設立上訴機制,令傳媒僅能透過司法覆核處理,她批評做法「可能抹殺咗一個正常嘅報道」,直言「 報道唔到就要司法覆核,有幾多間傳媒可以同你司法覆核每隻報道」。她又質疑土地註冊處處長有何背景能判定涉公眾利益。


你睇新聞睇電子傳媒,陳凱欣講得好大義凜然架。上面段字,都表面好好。

不過,你有冇睇到,佢最重要個句﹕「只要是在政府新聞處轄下登記的傳媒機構法定負責人員」。

WELL,即係,土地註冊處唔好限制傳媒查冊,甚至土地註冊處長都好可能冇資格判定咩為之公眾利益啦 -- 不過新聞處就可以判定邊個機構係傳媒,邊個機構係假傳媒,專做假新聞,同埋咩涉及公眾利益。

嘿。

***********
當然,上面既野,都講左幾日。不過,阿常秘何佩玲咁講,我真係嘆為觀止﹕

她又強調,業權註冊紀錄是為了服務物業和樓市需求而設立,「唔係便利偵查報道」,但考慮到到查冊「可能達到其他功能」,當局才會設立「公眾利益」的「兜底」查冊機制,並確保申請人所指的公眾利益高於私隱權才會批准。

佢,其實係米精神分裂﹖

以往田土廳有個紀錄比公眾查閱,係唔限任何目的,個土地紀錄係無限制設立目的。

你而家話,「業權註冊紀錄是為了服務物業和樓市需求而設立」,咁即係除左個註冊機制改變左之餘,佢個設立目的都改變左啦 -- 咁你有咩justificication去改變個設立目標呢﹖

如果你覺得要改變個設立目標,咁又點解無啦啦要整個「公眾利益」的「兜底」查冊機制  ﹖

即係衣個機制,唔係你設立目標,不過又唔知點解有需要,咁呀﹖

再者,除左公眾利益,你個9個「指明目的」入面,仲有咩學術目的呀、市場研究呀之類。衣d項目,又同「物業和樓市需求」有好大關係呀﹖

你一方面話個新制度「是為了服務物業和樓市需求而設立」,講到個SCOPE咁窄。另一方面,又整左都係係好闊既9個「特別目的」,入面有D就係完全唔關事的 (你唔係話學術目的係關事麻.....)。

咁,你知唔知自己up緊咩呢,其實﹖

*************
再當然,上面既野,其實係一般關注,另外仲有好多查冊原因,以後就收得皮鳥。

我又舉個例子。

2017年立法會財委會討論迪士尼擴建個50幾億撥款申請時,其中一樣講到既就係,董建華政府係2000年初同迪士尼簽約時,有份限制性契約,限制左迪士尼周邊既發展。

你睇當時1999年立法會文件第9段,係有mention衣樣野的,不過就係冇全份文件。

政府係咁多年黎,都冇交代個份野係乜黎,亦都冇咩人理衣樣野。

不過,係2017年,政府就唔好彩啦,事關當時就因為土地大辯論,有人提到可唔可以將迪士尼隔黎塊吉左廿年既用地扲黎起樓,甚至有人問衣份限制性契約會唔會影響當時既膠椅州人工島填海。

所以,當時就開始有人問,個份限制性契約係咩黎,究竟點寫。

政府開頭一直都冇公佈份野既內容,最後就有幾個尊貴分別上左田土廳自己搵份野出黎。

最後,政府就好有心,有人係會議上扲左份野出黎之後,就整左個回應,講左樣咁既野﹕

3. 限制性契約(Deed of Restrictive Covenant)已自 2000 年 1 月在土地註冊處登記,可供公眾查閱(註冊摘要編號:IS278911)。我們已隨本回應經立法會秘書處向議員提供限制性契約的文本。

當然,你睇返立法會相關議程既網頁,就更加精彩啦,佢係咁樣講的,我成個議程copy埋出黎﹕

3. FCR(2017-18)1*註釋符號代表2017年4月1日會議未完成審議而要順延的議程項目。 資本投資基金
總目973-旅遊業
新分目「注資香港國際主題樂園有限公司以在香港迪士尼樂園度假區第一期用地推展擴建及發展計劃」

(這項目請各委員批准開立承擔額,從資本投資基金撥出54 億5,000萬元,作為給予香港國際主題樂園有限公司的注資股本,以支持在香港迪士尼樂園度假區第一期用地推展擴建及發展計劃。)

(出席人員:商務及經濟發展局局長/商務及經濟發展局常任秘書長(工商及旅遊)/旅遊事務專員/旅遊事務副專員/旅遊事務助理專員(1)/旅遊事務助理專員(4)/發展局首席助理秘書長(規劃及地政)/經濟分析及方便營商處首席經濟主任/香港迪士尼樂園度假區行政總裁/香港迪士尼樂園度假區公共事務副總裁)

(政府當局於2017年4月20日向財務委員會提交的補充資料文件FC103/16-17(01)。文件第三段提及的限制性契約的文本,已隨FC104/16-17號文件發給委員)

我特登將成個議程連埋佢原有既link copy埋出黎。

咁你見到麻,份限制性契約文本,「已隨FC104/16-17號文件發給委員」,不過係冇link比你,一般人係網上係睇唔到架﹗

佢其他一般文件就比曬link你,你想點睇都得;唯讀係衣份文件,都仲要「保持神秘感」。

你話,如果當時已經有衣9個「指明目的」,究竟個幾個尊貴可以用咩理由,用幾百蚊去田土廳call衣份限制性契約出黎﹖佢地call唔到衣份野出黎,政府又會唔會將衣份文件正式「發給委員」﹖

而衣份文件,到而家都仲要收收埋埋,唔比你係網頁搵到,要你自己去田土廳到call出黎 -- 日後條例過左 (其實佢係先訂立後審議,條例已經過左架啦),就算傳媒可以用公眾利益call份文件出黎都好,咁你唔係傳媒只係普通人,你點call衣份野出黎﹖

衣份野唔涉及業權轉讓、都唔會同土地估值有關 (你測量師無啦啦要為衣塊地估值呀﹖);你要講學術研究,我都唔知土地註處長點樣先會評定你係米做學術研究 (本土研究社算唔算做學術研究﹖well,我都覺佢地只係一時時,咁政府班官點諗,就唔好咁老定啦你地)。

咁既話,究竟日後仲有咩人可以call到衣份野出黎﹖

班尊貴要再講迪士尼,又會唔會有人合乎「指明目的」既要求,比你call到份野﹖當然,油治及與之下既尊貴,有冇能力,或者有冇心去做衣類既野,就唔駛懷疑啦。

*****************
所以,其實除左個9個「指明目的」之外,好多時查冊,仲有好多你諗唔到既理由。

你唔係真係落手落腳做過查冊,都唔知仲可以有好多其他理由。

我再比多個小小夾硬黎既例子﹕我想查下我老豆住緊個間祖屋,究竟咩人有業權。我唔係要做任何法律程序,亦都唔涉及任何公眾利益業權登記,我純粹淨係八掛。

咁的話,我真係得閒無事查下自己既家族物業,又可唔可以呢﹖定我真係九唔搭八,要選擇「法律程序或確立、行使或維護任何法律權利」,先比我查我間祖屋既業權呀﹖

我咁選擇左,最終比你發現我唔會想做任何法律程序,又會唔會犯左你唔知邊條法呢﹖

*****************
丫,補多句。

咁你估,係而家審緊個附例委員會入面,有冇人識問上面個例子丫拿﹖如果有人問,個官又會點答丫拿﹖

正常既例,其實都可以加多個「指明目的」,例如係「其他任何土地註冊處處長信納為正當理由的目的」,跟手寫明阿處長仲要比個同意或不同意理由你,咁就可以增加返成個彈性。

不過,當然,條例唔會咁寫,唔會加個咁既clause落去,就係唔預有彈性,因為「業權註冊紀錄是為了服務物業和樓市需求而設立」。

嘿﹗

*****************
最後,你都估到我想講咩啦。

宏福調查委員會既三位人兄,包括阿陸啟康、陳健波,同埋歐陽伯權,你地真係不識時務。

當你地講到,「只要資訊透明,有組織集團便難以操控投票結果」,咁其實,而家野好多野,都唔係講資訊透明架啦,下麻。

你咁強調衣樣野,就抵你係個授權票相關建議,全部比政府同民青局推翻。

你地三條友,做咖喱啡都唔識做,真係不識時務,都唔明政府大方向。

****************
完。

掩眼法.大廈管理.劍廿三.資訊透明(1)

上個POST講到,宏福調查委員會話民青局個344章諮詢建議,同委員會建議「不謀而合」,跟手委員會仲提出幾個公開授權票內容既建議,聲稱「只要資訊透明,有組織集團便難以操控投票結果」。

不過,最後尾,民青局個344章諮詢就推翻自己既建議,亦都唔公開授權票內容比公眾參閱,所以宏福調查委員會大部份建議,都比民青局BAN Q左。

我上個POST就再講左好多野,其中重點講到,民青局個諮詢其實係掩眼法,即係同個委員會一樣,其實都係廢的,只係用黎應付一時既民意,所以唔需要對佢地有任何期望。

***********
今日我想講既係,你睇擒日光傳媒報導,話立法會有個辯論講完善大廈管理。係個討論入面,班智將就照抄大律師公會建議,講咩智方便咩電子投票。

其實,要改善大廈管理,有個好簡單既方法,真係一出手就見血封喉。

我地先睇返擒日我個POST,入面講到,其實小業主連列席管委會都好困難,344章都冇列明小業主有衣個權力 -- 我亦都講到,如果你係法例無限制容許小業主列席,都可能有好意想不到既效果。

之但係,我地再睇返擒日講既344章指南,佢係小業主列席管委會要求入面,究竟有咩建議﹖

係我擒日COPY出黎既Q&A書仔入面,民政處就話「除列席管委會會議外,業主可循其他途徑得知管委會會議的討論內容」,跟手就話可以「書面要求法團提供管委會會議紀錄的副本」。

你睇佢最新個本344指南,就係咁講,我PRINT SCREEN出黎比你睇﹕





















上面衣個指南,同個Q&A都有個講法,就係小業主可以要求法團提供管委會會議紀錄副本。

不過,衣個又係攪笑既開始,我pt  form講會清楚小小﹕

1. 最重點個攪笑位係,「會議紀錄 」。「會議紀錄」個攪笑位係,好多法團管委會秘書或者個管理公司寫個「會議紀錄」,本身都係求Q其其,紀完都好似冇紀過一樣,而民政都冇任何規範亦都唔會理你;

2. 同時,個「會議紀錄」係法團秘書同管委會寫架麻,佢會唔會寫明自己做緊賊,好多野我都係唔理344章規定,我搵個間「駐埸承建商」其實係我朋友個親戚隻狗個主人開﹖

3. 所以,你要索取「會議紀錄」去睇個管委會做成點,本質上就係攪笑。

4. 第二個攪笑位係,以往個Q&A雖然都係互聯網時代產物 (本野好似係2007年左右個次修訂344章之後小小出既),但係Q&A都淨係講你可以書面問法團扲管委會「會議紀錄」。

5.衣個344指南就講到明,「透過印本或電子形式,將副本提供給有關索請者」。

6. 之但係,衣個又係攪笑位啦。你發唔發現,係344指南入面,有個框,講明「複印費須由管委會釐定,為了提高管委會運作的透明度,管委會宜釐定一個較為廉宜的費用」﹖

7. 個344指南要咁寫,係因為咁多年黎,你問法團扲「會議紀要」,佢都係收你好貴,十幾蚊一頁都有。你要扲咁多年紀要,真係唔知要用幾錢 -- 所以民政係知道有衣個問題,所以份指南先講句咁既野。

8. 不過,就算講左句咁既野,甚至講埋可以用電子形式比個會議紀錄比阿「索取人」,你估有問題既法團,會點樣滿足你既需求﹖會唔會繼續DIU難你﹖

9. 民政處係個框度,都淨係大大隻字寫住,「宜釐定」咋,我收你廿蚊一頁都得呀。你唔比我請個哈佛大學畢業 (你唔好理係米哈爾濱佛教大學啦),時薪好貴既保安專門係做影印,所以成本好貴呀﹖嘿﹗

10. 而係衣個「列席管委會」同「索取會議紀錄」問題上面,就正如我上個POST所講,民青局民政署一直都知有問題,不過任何關於咩完善大廈管理修訂344章之類,民青局都係唔會觸及衣樣野,都係採取所謂既「唔好干涉法團運作」態度 -- 我民青局米至多係個指南入面,寫句野提示下法團唔好收你咁貴,咁我米做左野囉。

*****************
所以,如果我真係講話咩要打擊圍標咩完善大廈管理,其實係有法律效力既實務指引以至法例入面,做一樣野,已經可以扶返正好多大廈管理。

個樣野係,電子紀錄。

就好似上面光傳媒條link咁講,大律師公會就同你講,建議政府係業主大會投票,就要玩電子紀錄,要玩咩中央投票平台。

衣D,係可以做,不過都唔係重點。

個重點應該係,344章或者有法律效力既指引呀守則等等,其實應該要規定,你開管委會以至法團大會,唔該就全部用AI做續字文字紀錄,法團大會就甚至一定要做埋全程影像聲音紀錄。

你做衣d野,只不過係將而家做到pat屎咁既書面紀錄,做返個正規化,規範左個冇得做假。將書面會議紀錄轉做AI文字續未紀錄,冇改過任何而家既規例或者法律要求,只係改左個紀錄方法。

再者,而家宏福個聽證會入面,前排先有人講返,話「意見書疑揭圍標 屬意顧問無當選 三合會持械開會」。

當然,衣D係造謠啦,阿警司話三合會甚少直接參圍標與架麻。

不過,如果所有管委會同法團會議都有個正式紀錄,放左上去民政處SERVER,再加小業主同所謂既執法機構可以查閱,咁你估係衣類會議入面,會唔會有咁多九唔擔八,奇奇怪怪既決定﹖

如果法團會議硬性規定要由民政處負責錄影,咁的話,甚至阿碧嬌團隊,係法團大會入面仲會唔會同你鬧交,當面叫你收皮﹖又或者係,當有人質疑d授權票係亂黎個會議係亂咁開,咁民政處個聯絡主任都夠膽死話,當日大會冇咩異常情況丫拿﹖

拿拿拿,我唔查返當日會聽證會既議紀錄啦,不過為左recall返你既記憶,雜誌社係咁樣報導﹕

早前在聽證會,有居民稱民建聯區議員黃碧嬌帶同團隊成員到場,並呼喝街坊,柯煒妍指區議員會列席會議,自己曾出席宏福苑 6 次會議,「 6次都無留意到有相關情況」。她憶述 6 次會議中「比較多爭執」的是 2024 年 9 月 6 日,因時任主席鄧國權指場地時間有限、欲暫停會議,居民較激動,處方最後提供建議讓會議繼續。

當然,講返正題。

你唔好當我好似大律師公會咁天真。好多野,唔係有紀錄既場所入面去做,其實都可以轉左去第二個場到做。例如,你業主大會錄影,咁我米係門口先兇你囉,叫你返歸唔好投票囉。

之但係,法團好多人係貪得黎好蠢 -- 或者係貪左咁多年黎我驚你有牙呀個隻 -- 所以你有紀錄有錄影,就好多野都可以扲返出黎去告去做野。

再者,有紀錄,好多醒既人都會起碼係錄影時跟返規矩,唔會太過亂黎 -- 我講既跟返規矩,就唔止係法團管委會既人,而係好多「協助法團運作」既人,都會跟返規矩,做返佢起碼要做既野,或者唔會問到就隨口up。

起碼,阿民政聯絡主任仲夠唔別膽講話,「6次都無留意到有相關情況」﹖

嘿﹗

**************
當然,衣樣野,其實真係當年風雲入面既劍聖使出劍廿三一樣﹗劍廿三衣句description,「一經使出,一切皆盡失去生存權利﹗天下萬物被逼任從宰割﹗」,就真係完全適用﹗



即係咁,你如果用AI做管委會同法團會議紀要,再加埋法團大會錄影,咁你話,係管委會開會期間,坐係管委會入面既....(1)法團委員、(2)管理公司經理、(3)可能出現既法團律師,(4)係大維修時訂標書分析標書既維修顧問,再加上(5)係業主大會一定出現既民政處聯絡主任,佢地究竟仲夠唔夠膽講野丫拿﹖

我上面數既5個單位,其實可以仲有其他,不過是但啦。

不過,都係個句,係商討大維修期間,你有曬續字紀錄,紀低曬阿顧問公司同你點樣每隻字分析標書,點解會係業主大會入面建議某幾間公司,咁你仲會唔會點建議丫拿﹖

你有個咁既紀錄,真係毀天滅地,「一切皆盡失去隨口亂up既權利」。

你望返上面HK01講持戒條LINK,如果真係管委會錄曬音,仲會唔會有篇報導所講既以下情況﹕

除了宏福苑,亦列舉多區的大型屋苑。在九龍灣得寶花園,有人操控顧問評分及授權票,阻撓委聘由得寶花園業主選定的承建商「大富」。

該意見書亦提到,涉及顧問公司董事的利益衝突、倚賴顧問所提供的負面「同行評審」,該顧問正接受競委會調查,以及受大量可疑授權票左右的最終表決。


(題外話﹕係呀,係大維修承建商階段招標,維修顧問係管委會會議期間,會係同你分析標書幫你評標,就係Standard procedure亦都係佢既工作啦。不過,顧問有時會同管委會一齊預審埋標書,再加埋管理公司經理又加把口,咁佢地除左會打分數有頭幾名建議之外,仲會幫你剔除定mark實個x叫你唔好選擇某幾間公司都得架 -- 至於點解會有咁既建議,心照啦)

****************
當然,上面既野,就算有曬紀錄都好,你要圍標,其實都一樣有方法既。

之但係,係好多日常管理入面,以至小業主要清楚法團同埋管委會運作,其實你引入衣D電子野,就係最簡單快捷。

你睇多次我QUOTE宏福委員會就授權書個建議,佢地都話,「只要資訊透明,有組織集團便難以操控投票結果」。

衣D咁既增加透明度建議,係而家科技AI發展成咁之下,其實成本唔高,都唔係難事,你叫民政聯絡主任坐係個管委會扲住個電話錄左佢音已經攪掂,10分鐘內一定有個完整既續字會議紀錄比你放上網。

即係,而家AI會議紀要真係出現左好幾年,政府聲稱自己攪既AI其實都已經有衣個功能。咁點解民青局係修例唔提,甚至只係修改指引,要求阿民政聯絡主任扲住個電話,坐落去法團管委會入面錄佢老尾音﹖

唔講民青局唔講修例,係衣兩日個所謂立法討論入面,我冇聽都知道一定冇人講。

個原因,其實好簡單。

首先,第一個原因,固然係,衣樣野真係毀天滅地,有左佢之後,班民政聯絡主任真係返工就是惡夢,以後出席法團任何會議,都唔知點算好。你同呀主席講話,我而家要錄你音呀,你講錯野就你要負責啦,就真係你都唔知入唔入到個會議室門口。

二黎,我上個POST米講左囉,法團主席可能本身就係地保丫麻。

我想比個例子,諗起以前觀塘有個地保係大屋苑既主席,跟手一搵,就搵到衣個新聞﹕曉麗苑前主席拒開大會土審敗訴 要求現屆法團代付逾30萬訟費。

我原本都唔知上面條LINK衣單野,我都係求其SEARCH佢個名同個屋苑名。不過,一睇就好攪笑,咁將個新聞連埋其他野講兩句﹕

阿蘇麗珍蘇姑娘,做左唔知幾多年曉麗苑法團主席,仲做左廿年觀塘區議員。2019年收皮之後,仲繼續做法團主席,不過佢就係2020年唔肯按344章要求開業主大會,最尾被小業主告上土審之後輸左 -- 而最經典既係,輸左之後,佢被人拉埋落台冇得做法團主席之後,係幾年之後,竟然要求新法團為佢支付返當年上土審既律師費。

衣單野,真係完美既例子,講返我上個POST講既野 -- 小業主上土審,要自己比律師費,法團主席就可以用法團錢同你打 -- 甚至而家出位到,問返你新一屆法團扲錢添。雖然,我唔SEARCH後續啦,不過唔係咁都贏到麻。

(ANYWAY,蘇姑娘另一單出位野係﹕女童軍欽點事件。早兩年我睇到段新聞,都覺得,哇哈哈,女童軍喎,係咁架啦,你望下段新聞,當時女童軍會長係邊位﹖係威名遠播既梁唐青儀。你唔知係邊個,就我都幫唔到你。)

ANYWAY,米係囉,好多法團主席,本身就係地保。除左咁之外,好多法團委員,就算並非地保都好,好多人本身就係咩三會咩地區諮詢組職既人。你再睇返當年蘇姑娘,就算佢係2019年地保選舉輸左,佢2021年個屆選委會選舉,都仲係基層社團界別自動當選,做左選委,可以選特首的。

所以,衣D咩法團主席委員之類,就算唔係地保,都可能係選委,或者有資格提名地保,甚至有資格選特首。即係,佢地都係展開特區管治新篇章既一員。

咁佢地緊係唔會做違法既事 -- 就好似休班一樣,如果佢地做左違法既事,就唔係執法人員,就唔係管治新篇章既一員啦。

所以,既然佢地都係管治新篇章既一員,咁真係唔好攪咁多咩干預法團運作呀,唔好攪咁多規管呀,唔好做咁多錄影啦。

佢地一日未被發現違法,都係新篇章既一員,咁唔好攪咁多野啦。

***************
咁你明我想講咩未﹖

我衣兩日打左好多字,講左好多咩完善大廈管理之類既廢話。

不過,由始至終,其實而家官府提到,所謂既完善大廈管理,都係掩眼法;好多建議提出完之後收返,其實都只不過係,當時因為民情,我米提出囉 -- 而家民情轉左麻,你冇睇個諮詢結果咩,咁我米收返囉。

至於打擊圍標,你估係米掩眼法﹖

擒日睇有線新聞,有剪左D個辯論既尊貴發言出黎,何君堯真係食左誠實豆沙包,真係講左個「好多人」心目面既睇法出黎。我驚有線會將條片下架,咁我COPY埋段字出黎呀下﹕

選委會界別議員何君堯:「圍標都是人們想『搵啖食』,如何確保自己的位置可以取到標書進行工作,本身是一個很自然的現象;但審閱標書的那位原來根本也不按規則,這又是另一現象。所以整個制度中,投標是一個問題,考慮標書又是另一個問題。」議案在過半在席議員支持下獲得通過。

圍標既,都係想「搵啖食」,係一個自然現象之麻。對好多人黎講,圍標又有咩問題﹖

你審標書個個做得好,咁其他人圍標米圍囉,係自然現象之麻。

真係精彩。

****************
未完。

2026年11月4日星期三

修訂法例完善大廈管理喎 (4)

如果你熟344章 (講多次,我唔係真係熟的 -- 大廈管理太煩,344章太多數唔同門檻,我好憎衣D野,所以唔會認真記住的),你就會知,除左344之外,民青局係大廈管理既框架入面,仲有一批野叫咩最佳造法 (best practice)、採購守則,同埋咩344指南。

佢個best practice係衣幾年既新野,不過佢係第一頁既重要聲明及免責事項已經同你咁講﹕

2. 未能遵從本冊子所載的最佳做法並不會被視作不遵從《條例》或根據《條例》第 44(1)條發出的《工作守則》(《工作守則》)。相關各方須遵從《條例》及《工作守則》。 政府亦鼓勵相關各方盡力依循這些最佳做法。

至於佢個指南,都帶埋頭盔,又係咁同你講﹕

免責聲明
這本指南由民政事務總署編製,旨在以淺白的文字,簡述《建築物管理條例》的主要條文。對有關法例的詮釋,應以《建築物管理條例》原文為依歸。本指南只供一般參考之用,並非專業的法律意見。對於在個別情況下如何引用《建築物管理條例》,如有疑問,應尋求律師的協助。雖然民政事務總署已盡力確保本指南的內容正確無誤,但對於任何人因使用或依據本指南所載的資料而引致的責任,民政事務總署均不會負責。

*********
係衣篇文,我想講下個指南入面,就業主立案法團個管理委員會會議既程序。

先要攪清楚,業主大會就係成個屋苑定期舉行既大會,或者有咩重要事項容許全體業主出席投票既大會;管委會,就係法團委員討論日常管理事務既定期會議,344章就話最少要3個月開一次會議。

你睇上面個指南第六章,佢就有講到,個管委會會議法定人數係幾多呀、咩人可以投票呀、要有會議紀錄呀、有人索取紀錄就要點點點呀。

咁但係,一般業主可唔可以參與管委會會議﹖

份指南冇講,不過係一本民政處十幾年前出版既Q&A,就有咁講到﹕

問93: 業主可否列席管委會會議?

答: 條例沒有規定並非管委會委員的業主有權列席管委會會議。不過,如有個別業主提出要求,管委會委員可容許相關業主列席管委會會議,但這些業主無權在管委會會議上投票。除列席管委會會議外,業主可循其他途徑得知管委會會議的討論內容。條例附表2第8(2)段訂明,秘書須在管委會會議日期至少七天前,在建築物的顯眼處展示會議通知。附表2第10(4B)段也規定,管委會須在會議日期後的28天內,將經核證會議紀錄展示於建築物的顯眼處。此外,業主可以書面要求法團提供管委會會議紀錄的副本。如管委會會議關乎大型維修工程採購,管委會亦須於會議日期後的28日內,向每名業主及租客代表提供該會議的經核證會議紀錄副本。

衣本Q&A,唔知點解而家係民政處網頁消失左 (之前係網頁搵到的),我都係GOOGLE先搵返佢出黎。

衣本Q&A入面既第93條,就比到個答案你,話「條例沒有規定並非管委會委員的業主有權列席管委會會議。不過,如有個別業主提出要求,管委會委員可容許相關業主列席管委會會議,但這些業主無權在管委會會議上投票」。

衣個講法,而家都仲係適用。

**************
咁我點解會特別講衣樣野﹖

你睇衣系列(2),講鳳德邨既麻煩野,你睇文字版,就冇講到任何關於管委會既野。

不過,擒晚我睇開個咩「一線搜查」電視版,個上鏡投訴法團既小業主就話,法團主席唔比佢地出席管委會會議,因為唔知邊年既管委會上 (電視有講邊年,有埋會議紀錄,不過我唔記得啦),委員就通過決議,禁止非管委會委員既小業主列席管委會會議。

YOU SEE﹖

根據返344章,係「沒有規定並非管委會委員的業主有權列席管委會會議」。根據個Q&A第93條話,「管委會委員可容許相關業主列席管委會會議」。

之但係,衣樣唔係法例規定,只係個Q&A無啦更話「可容許」 -- 而更加攪笑既係,衣份Q&A已經係網頁內「不存在」,仲存在既指南,仲要冇提到衣樣野添。

咁而家鳳德個管委會列左個house rule,講明小業主唔可以列席管委會會議,咁點算﹖

冇咩點算,冇野可以做,事關法例冇講點處理衣樣野 -- 你有本事,就用程席召開大會,去投票推翻衣個決定,以後容許小業主列席管委會囉。

***************
咁你明我講咩啦﹖

而家344章好多野,其實個核心都係「大廈管理是業主的責任」。

好多大廈管理既規管,其實都係有個好大好粗疏既框架,之後再由主席再加上管委會去做HOUSE RULE,睇下佢地肯放幾多權力出黎。

當然,用返上面業主可唔可以列席管委會個問題黎講,政府就會同你講,政府唔應該介入咁多,事關唔同法團都有唔同既情況。

醒目既AO就更加會同你講,如果你要規定業主提出要求後就可以列席,咁可能會比「有心人」或者「大茶飯團伙」包括埋地保同你玩野,去架空真心想做野既法團管委會;而係實際操作上,亦都唔知有冇咁多地方可以比人列席,最壞既情況就會令到管委會都開唔到。

淨係由列席管委會衣個問題,就已經可以睇得出大廈管理既法例,係幾咁麻煩呢。

衣個,就係344章好多矛盾 -- 你要提高透明度增加小業主權力,就可能被大茶飯團伙玩野;你唔增加透明度維持法團權力,如果大茶飯團伙本身就已經係法團既人,就會係另一個宏福。

之但係,都係個句,你民政處而家整個諮詢出黎,表面上好似想限制法團權力,增加主管當局權力。又之但係,好多運作上,其實都係維持返法團既主導地位,甚至你要因為聲稱諮詢完就推翻自己提出既建議,就真係攪笑。

*****************
唔講上面344啦。

用最MARCO既角度,而家民青局整左個咁既諮詢總結出黎,其實最攪笑既係乜﹖

就係,你係大維修入面,就政府咁進取,代替法團去做咁多野,係維修問題上就唔係「大廈管理是業主的責任」。

之但係,係日常管理,你就仍然用返個咁既框架,仍然係法團主導,將大廈管理係唔同範疇切割出黎,咁你話係米攪笑﹖

*****************
至於鳳德邨個CASE,其實又係攪笑啦。

你睇段新聞,投訴個小業主講左好多野,咁抽幾樣講﹕

房屋署獨立審查組今年5月收到業主查詢派員入邨視察後,證實該四項設施屬非法僭建,並已發信要求鳳德邨業主立案法團及管理處安排清拆。然而,陳小姐翻查法團2026年7月13日的會議紀錄,發現法團當時已討論過要撥款二萬多元清拆銀鳳樓及黛鳳樓會址旁的僭建倉。業主質疑僭建物既然由外人興建,清拆費用理應由違規者承擔而非由居民買單,惟法團對此一直避而不談.....

在其中一座大樓的閣樓、本屬法團的位置被承辦商改建為「寫字樓」,用作接見生意客人,黑色大門外擺滿雜物,門內放滿樣板、公司標誌。除此之外,另一處位置更被改造成「私竇」,內設木製傢俬、床褥,甚至劃分出位置興建廁所。

清場當日,承辦商職員更因保安問題發生爭執並驚動警方,職員現場一度向警員承認該辦公室為「老細接生意見客」之用。郭先生質疑管理處為何能在無條件情況下,容許商業機構佔用公用地方進行營運。

《一線搜查》翻查近兩年的法團會議紀錄,發現該間承辦商在鳳德邨幾乎「無所不能」且頻頻中標。從2024年的鹹水喉緊急維修、大泵房及鹹水泵工程,到2025年的換紙皮石、換食水泵、雪屐場地面維修及升降機防水工程等,均由其承接。然而,其中涉款82萬港元的雪屐場地面維修工程,在超過標書合約限期一年多後仍未開工。

先講最MARCO,你估民政處知唔知衣件事﹖知左之後,做過D乜野呢﹖

跟手,大樓閣樓改左做「寫字樓」,你估有冇入則,有冇同規劃處申請改變土地用途,甚至跨張D講有冇打爆左個屋邨既PLOT RATIO呢﹖

我真係冇記錯,以往有D屋邨連個涼庭都加裝唔到,房署ICU聲稱係因為屋邨個PLOT RATIO已經爆左。衣個理由真係天下無敵,咁都諗到。

之後再講咩承辦商「無所不能」,所有工程都包辦曬。咁呢,好在房委會係今年5月開始先係租置屋邨「主動行駛權力投票」。如果唔係,就真係要問,比個咁既承辦商玩咁耐,房委會又點解唔用個權力鳥。

ANYWAY,你自己搵下資料,鳳德邨作為一個租置屋邨,以往咁多年既地保都係民建聯既大叔,位大叔仲要做過民建聯秘書長,而家退左落黎就做顧問,不過衣兩年接手個位地保都要睇佢頭。

至於位大叔係鳳德咁多年,阿法團主席同佢咩關係,我又真係唔知喎。你估阿大叔冇法團支持,又可以連任咁多界呀﹖

所以,如果你係民政個聯絡主任,見到個法團主席咁出位,你會點做﹖

你米會同佢飲茶灌水囉。

至於特首施政報告同阿民青局局長麥XX (我真係唔想打佢個名出黎污染衣度)話,要引入個咩解決大廈糾紛三層機制,由區議員及早介入,咁米叫阿民建聯地保快D介入,咁米唔洗上一線搜查囉 -- 之但係,淨係上面新聞咁講,鳳德由2024年開始出事,到而家件事攪成點,地保同民政做過咩話﹖

***********
所以,如果繼續用衣個「法團同管理公司承擔最大責任」(或者係擁有最大權力) 既mentality去修例的話,咁你話要咩改善大廈管理,都係曬氣。

你比我做土皇帝,我既權力咁大而又冇咩限制制約,甚至好多人會「好幫手」,咁就真係多謝啦,我唔做皇帝都對唔住自己啦,下麻。

************
最後,關於發展局講D咩招標顧問之類,梁天卓早排講左我講過或者想講既野,咁我節錄下﹕

這套安排,寄望政府比業主和法團更能把關。但圍標為何在這個市場有利可圖?假如牌照或資格門檻令獨立競爭者太少,每次都是幾間熟口熟面的公司碰頭,今天讓你贏、下次輪到我,便較容易維持合謀。誰減價搶生意,往後也可能被其他公司聯手報復。顧問再串連承建商,外人更難入場。預審可擋住失信或欠能力者,但條件太窄,也會趕走正經做生意的新公司。

服務局能集中專業資源,但誰監察它?若人員只求程序過關,未必像付款業主般在意價錢與質素,集中採購也可能讓承建商轉而經營與評標人員的關係。政府須交代如何讓符合安全要求的新公司入場、怎樣審核評標及工程表現,才可判斷新安排是否對症,還是把原有監察難題搬了地方。


WELL,都係我早兩個'POST回帶又回帶個句,「第時既維修大茶飯,只會由黑社會圍標大茶飯,變成另一樣大茶飯囉。」

ANYWAY,講起梁天卓,佢今日都仲係講緊強制驗樓係問題根源。

佢個講法,又令我諗返起我上年衣篇文﹕強制驗樓,只係其中一個contributing factor。

不過,最重要既因素係,政府係covid之後,無啦啦嚴正執法攪強制驗樓,同埋佢咁多年黎不停派錢,令到維修變左舊肥豬肉,先係圍標既主因。

*************
講開又講。

我上年到而家講左幾次,樓宇更新大行動點樣令到大維修變左肥豬肉,解比你聽點解好多小業主唔care比人圍標 (講多次﹕對好多合資格申請資助既小業主黎講,反正好大部份既錢都係政府出,咁圍米圍囉)。

跟手上個月,臺日升降機出事之後,見到阿江玉歡開始識問,就見到開始有人留意政府資助同工程既關係鳥。

江玉歡係咁講﹕

江玉歡發文指,假設每幢大廈最少有兩部升降機,338幢大廈最少涉及676部升降機,粗略估計換一部升降機按臺日公司的報價約80多萬至90多萬一部,若以90萬計算,單是換676部升降機所涉金額已達六億,形容為「一門大生意」。政府及市建局推出「優化升降機資助計劃」及第二輪計劃,資助合資格的舊樓業主,為升降機進行優化或現代化工程。她續指,政府投放55億港元在升降機資助計劃,而6億港元佔超過10%。

當然,其實佢都仲係唔係好識問,或者驚左唔敢問。

當佢咁講﹕

政府及市建局推出「優化升降機資助計劃」及第二輪計劃,資助合資格的舊樓業主,為升降機進行優化或現代化工程。

咁其實,衣單野批錢機構,唔係咁vague既「政府及市建局」。衣單野既責任鏈,一定係由發展局批錢比市建局,由市建局做執行;至於執行細節,資助點用,用完點樣證明完工發資助,就發展局走唔甩,事關一定要佢地同意市建局個資助發放流程,市建局先可以執行個計劃。

至於再下一步既問題,應該係,究竟個資助更換升降機價格同非資助升降機有冇價格差異﹖會唔會因為有資助,所以個工程價升左好多,變相比人圍左部份資助﹖

甚至,最核心既問題係,係米因為有資助,所以而家淨係得市建局資助既升降機工程開工﹖

衣個又係江玉歡冇問既問題 -- 係米因為有資助,所以好多工程公司,就算唔夠人手,都照加價開工,係個資助申請期內食左資助﹖

衣樣,真係好似樣。事關,個升降機資助計劃係2019同2020年做左兩輪申請,個申請時間係好緊迫,你唔快手申請,食左個資助,就比第二個食架啦。

****************
離左小小題-- 其實都冇完全離題既,事關升降機資助同樓宇更新大行動,都係同樣邏輯,所有政府資助都有大茶飯政策效果啦。

****************
丫,補多句。

梁天卓駛乜咁怕死呢當佢話,「集中採購也可能讓承建商轉而經營與評標人員的關係」。

佢淨講,數碼港衣排幾單貪污米得囉。

再唔係,好似我年頭咁,搵返廿年前市建局有條助理經理比ICAC拉左,咁米可以講明D囉。衣個係FACT,阿經理都認埋罪坐左監,咁國安唔會拉你架麻,應該。

當然,我冇話,將來個維修局或者咩招標顧問,又會重滔衣個覆卓呀下。

由治及興之後,香港又點會有衣D陋習呢。

我講既陋習,真係貪污既陋習,冇其他意思的 -- 如果你係大陸講,先會係死罪JAK。

本人絕對冇衣個意思的。

****************
完。

修訂法例完善大廈管理喎 (3)

民政局個所謂修訂咩《建築物管理條例》 (香港法例344章) 諮詢,就唔駛佢公佈,就一早知結果。

正如我之前所講,涉及授權票個d野,就講左幾十年,一路都有幫人同你講,你門檻過高,就法團會議都開唔到。阿梭角做標題黨,話民建聯反對授權票設上限,其實亦係預左 -- 預左民建聯反對,佢提既理由唔駛問,亦都係講左幾十年個樣。

之但係,講咩授權票設上限,仲要做諮詢,其實就係掩眼法,亦都係政治藝術 -- 我真係圍標,我真係碧嬌之流,你設個人取得授權票上限,米設限囉,反正我有個團隊或者大茶飯團伙,到時米多幾個團伙分返d授權票jak。

我有幾十友,每人收20份授權票,都已經幾百份鳥。

所以,政府個所謂修訂諮詢,有d野,就真係因應宏福之後民情,而推出黎既掩眼法。

又之但係,你做左個諮詢,提出咁多初步建議,之後咁多野都可以「需進一步研究」,米攪笑囉。

唔通你想話,政府自己今次尊重民意﹖

***************
當然,我睇明報或者電視新聞又或者好多網媒,都冇人對返核實返,究竟今次民青局個修訂344章諮詢結果同個諮詢建議,究竟同宏福報告建議有冇分別。

我求其睇查閱授權票個部份,宏福聽證會報告個建議係咁寫的﹕

2170. 關於會議程序,政府建議進一步說明召開業主大會、設定議程,以及取消、延期或中止會議等安排,以防立心不良的法團或管委會委員操控。 委員會認同上述建議的方向,並提出相同建議。事實上,上述建議與法律團隊在總結陳詞提出的建議不謀而合。

2171. 然而,委員會也希望提出以下幾點補充意見。

2172.首先,在設定「親自投票」的門檻和限制個人持有授權票數目上限方面,當局應取得適當平衡,既要防範某些立心不良或動機不純的人操控採購結果,同時又不致阻礙業主大會正常運作。這方面的工作留待政府在考慮公眾諮詢所得的意見,並按情況諮詢業界後,拿捏適當平衡。

2173. 其次,投票制度健全與否,很大程度取決於授權票的真確性。因此,政府建議在業主大會舉行前的一段時間,須於大廈當眼位置公開展示一份業主已提交授權票的單位一覽表,並在業主大會舉行期間,提供所有授權票供業主查閱。這樣,業主在業主大會舉行之前有機會察覺任何欺詐授權的行為。委員會進一步建議,上文的授權票一覽表應以簡單表格列明單位號碼、登記業主姓名(按實際需要適當遮蔽以保障個人私隱),以及獲委任代表姓名(按實際需要適當遮蔽以保障個人私隱)。物監局可發出適用的操守守則,讓物管公司能落實上述建議。只要資訊透明,有組織集團便難以操控投票結果。委員會認為這方面的工作應交由政府在諮詢工作結束後,因應可行性及個人私隱等考慮因素,再決定可供查閱內容的具體細節。

上面係宏福報告就「授權票的真確性」一段既建議。

我突登咁樣copy出黎,係因為﹕

1. 第2170之前既段落,係講返民青局係寫份報告時做緊個344章修訂諮詢,所以第2170段就話「上述建議與法律團隊在總結陳詞提出的建議不謀而合」:

2. 第2172既段落,就係個d咩平衡法團運作開唔開到會既廢話;

3. 第2173段就係我想講既野啦﹕佢成段建議,都係話要「須於大廈當眼位置公開展示一份業主已提交授權票的單位一覽表」,跟手仲話「上文的授權票一覽表應以簡單表格列明單位號碼、登記業主姓名(按實際需要適當遮蔽以保障個人私隱),以及獲委任代表姓名(按實際需要適當遮蔽以保障個人私隱)」。

4.咁不過,而家個344諮詢結果係話,因為私隱喎,驚資料外洩喎,所以只係容許業主查閱自己單位簽發既授權票喎。

咁的話,阿宏福調查委員會,阿陸啟康陳建波歐楊柏權,你地去食屎啦,攪完一大輪,阿家超不停講話政府會陸續落實委員會建議,咁而家有私隱問題呀,諮詢期間有7成半人有保留呀,咁你個委員會建議就去食屎啦。

你用左咁多個月咁多時間咁多人手物力同錢去做出黎既建議,民青局一個諮詢就推翻左 -- 你仲好意思係第2170段話,「不謀而合」﹖

不過,丫,你估咩人會係民青局個344章諮詢期間比意見丫拿﹖有咩人既意見,會反對宏福委員會提出個「只要資訊透明,有組織集團便難以操控投票結果」既建議丫拿﹖

***************
當然,上面既野,其實唔駛理 -- 我都話,個宏福聽證委員會,係廢的,咁仲理佢做乜 -- 而家連民青局都唔理,咁你做乜仲要理個委員會﹖

不過,我貼明報個新聞,其中一句,就顯示到今次所謂既修訂,其實個核心都係不變。

個句野係﹕

「當局稱會改從抽查核實入手,建議要求物管公司或管委會(即業主立案法團)主席抽查20%授權票。有法團人士認為物管恐難短時間大量核實,並關注取消問題票的決定權和抽樣方式,建議制訂抽查指引。」

咁你明我講乜啦﹖

****************
即係咁,係個聽證會入面,阿民政事務處副處長米話,係現時344章下,民政處或者民青局作為主管當局,其實個權力唔大,亦都甚少運用法例賦予既權力麻。阿局長麥xx係年頭亦已經話,「民政處處理法團權力與業主無異 將修例改革」。

咁好啦,今次修訂建議,有咩係增加民青局作為「主管當局」既權力﹖

明報冇講,不過你睇星島,佢係咁講﹕

此外,為加強主管當局的權力,當局建議容 10%業主在三個特定情況下向主管當局作出申請,包括(一)管委會所有職位出現空缺導致不能正常運作,而未能處理法團事宜、(二)管委會主席無合理理由拒絕按 5%業主提出的要求召開會議及(三)管委會主席無合理理由取消會議。主管當局在考慮所有相關的情況下, 認爲合適委任指明人士代爲召開業主大會,便可以作出相關委任。

對於諮詢文件中曾提出的「大廈管理上訴委員會」,因社會支持及反對意見各半,且反對者認為易與土地審裁處權責重疊,當局決定現階段不推行。任何人士如對主管當局決定感到不滿,可直接向土地審裁處申請裁決。

(先題外話﹕我特登copy埋唔關事既第2段﹕我唔知諮詢文件講既「大廈管理上訴委員會」係乜黎用乜建議運作方式。不過,小業主對主管當局決定不滿可以上土審申請裁決﹖而家好多小業主淨係不滿法團管委會,要上土審,都要自己出錢請律師 -- 而管委會就可以用法團錢請律師答辯,咁你話用土審去處理大廈管理糾紛,就真係幾perfect呢。當然,如果你贏左,有機會再向法庭申請追返管委會個人律師費,不過要係你贏左,同埋要幾多程序同時間呢。)

星島講既係,當業主係特定情況下,可以向主管當局申請,召開業主立案法團會議。

之但係,係成個大廈管理,以至344章入面,阿主管當局仲有幾多其他角色﹖

好簡單,上面講既「抽查核實」授權票,其實點解唔可以由民政事務處坐係會議上面個聯絡主任,去監察去睇住個管理公司去做﹖

法例點解唔可以賦予阿「主管當局」授權 大廈聯絡主任發現個授權票有問題時,即時停左個會議或者其他權力﹖再進取D,甚至點解唔寫明,當出現假授權時,個管理公司會負上刑事責任,除非佢地「真誠地履行職責」。

而家稅務條例 (你自己望「第50AAW.保障公職人員」) 以至好多類似既條例,都有衣個條款,去免除公職人員執行法例時既法律責任,所以衣個唔係新野;甚至,好多唔同涉及專業人士既例,都有衣類exemption clause的。

我上面隨口UP要咁寫,其實個原因好簡單﹕衣類大廈管理授權票出現糾紛時,你估個管理公司會企係邊面丫拿﹖阿主席同你講,個張授權票冇問題架啦,咁你係個管理公司經理,你會點做丫拿﹖

當然,好多聯絡主任,見到阿法團主席原來同時都係阿議員,咁你都知個聯絡主任會點做。

之但係,係成個機制,理論上阿聯絡主任就係最中立,你唔係法例賦權佢做更多野,到出事時,你米繼續講「係現行法例下,主管當局既權力係非常之有限」囉。

你唔加強「主管當局」同民政聯絡主任既權力,比佢可以理論上去制衡法團主席,令到阿聯絡主任可以去比壓力個管理公司,咁你估個管理公司會點樣處理點樣去核實問題授權票﹖當出問題時,管理公司會點樣做到所謂既「公正」,而非只係聽命於法團主席﹖

***********
又當然,其實仲有好多野可以做。

例如,講到授權票係米只限於親屬授權,我本來冇乜意見,我都認同你限死親屬,就會有問題。

之但係,你諮詢文件咁樣提個親屬授權建議出黎,之後用九唔搭八既方式否決自己既建議,就去食屎啦。

我又引述返明報,當個諮詢結論話,「文件引述意見稱難界定親屬定義和核實業主與獲授權人的親屬關係」,跟手阿趙恩來好似認同咁話,「夫妻與子女以外的親屬無文件核實關係」咁我就會話,要解決衣個問題,其實係好簡單﹕

你係個授權書上,寫明一句法定聲明,確認獲授權人同被授權人係有某個聲明既親屬關係,之後加埋個簽名,就解決到件事。

當有人質疑個授權有問題,要查時就簽名個人舉證,證明個關係;證明唔到,就個授權無效,再加控獲授權人違反344章,或者違反《宣誓及聲明條例》。

係呀,如果你聰明,又或者聽過下類似既野,其實以往好多人會去民政處做宣誓,去宣誓證明夫妻關係,扲住民政處份宣誓聲明,再返大陸民政局攪個老婆落黎一家團聚。

你可以望下民政處衣份表,就係根據《宣誓及聲明條例》去宣誓。

用同樣概念,當民政局話咩「難界定親屬定義....親屬關係」,你就去食屎啦,你核下民政事務處米做緊衣樣野囉。

你話放係大廈管理法團會議個CONTEXT難執行我都算,你而家一野話難以界定核實,就真係食曬屎。

最簡單,如果有任何「親屬授權書」被質疑,米暫定無效,當日會議唔計;絕大部份情況下,一票都唔會有決定性影響;就算有影響,你米之後裁決完先計個結果囉。

至於要點裁決個「親屬授權書」係米真實反映親屬關係,有冇違反《宣誓及聲明條例》,其實有幾難﹖你問清楚個授權人,個條獲授權人係米你夫妻父母兄弟,其實已經好大機會處理到大部份情況;你再問埋當時人既親戚仔女甚至要求證物 (民政處就會問你有冇任何三書六禮大陸擺酒既相),咁都會攪得掂囉。

衣D涉及《宣誓及聲明條例》刑事,如果咁都有人夠膽做假,而天下無敵執法部門又調查唔到,就我都冇野好講啦 -- 再者,你而家「不合謀確認書」,米又係用緊衣條聲明條例,用緊衣個法律工具囉。

ANYWAY,最重要既,都係個句﹕

衣個《宣誓及聲明條例》,其實係你一直用開既方法去「界定....核實...親屬關係」,比人扲份聲明返大陸申請內地人來港一家團聚。你一直都用緊,一直都承認衣個方法,咁你就唔好話係授權票上,冇方法去介定親屬關係囉。

*****************
所以,其實我想講既就係,你點改344章都好,而家大廈管理咁多問題,個問題仲要係源自大廈管理框架入面,最大權力既法團主席同埋管委會。

而當你係諮詢文件提出咁多建議,之後又因為諮詢完就收返,咁就擺明之前係要HEA民意,最終都係唔想做野。

即係,你所謂既諮詢,都係掩眼法囉。

如果民青局作為主管當局唔介入更多,大部份野維持現狀,你所有野都繼續倚賴個主席,咁個主席其實都仲可以繼續慢慢同你玩,繼續做土皇帝。

*****************
未完。

修訂法例完善大廈管理喎 (2)

一線搜查|鳳德邨業主揭承辦商霸公用地起私竇見客 多項工程爛尾兼拖欠巨款 清拆費仲要居民埋單?

有線新聞 2026年11月03日

繼換𨋢工程引起爭議後,黃大仙鳳德邨近日爆出公用空間疑遭承辦商長期非法佔用,並僭建成「寫字樓」及雜物倉。有業主自發搜證,又指涉事承辦商包攬全邨大大小小工程,惟部分工程爛尾且長期拖欠屋苑費用,質疑管理處與業主立案法團對相關違規行為置若罔聞,甚至企圖將僭建物的清拆費用轉嫁予邨內居民。

雜物倉內放床、快餐店招牌 法團竟擬動用公款清拆

鳳德邨業主陳小姐(化名)向《一線搜查》節目組提供搜證片段,顯示兩個僭建的雜物倉內,除了堆滿大鋅盆、木門、廁所門外,更有大量非屋苑常規維修所需的裝修材料,甚至赫然出現其他快餐店的招牌、床墊、風扇及結他等私人物品。另有兩個苗圃亦被擺滿花盆與大量雜物。業主郭先生(化名)曾向民政事務處查詢何人批准興建相關僭建物,惟對方回應稱不知情。

房屋署獨立審查組今年5月收到業主查詢派員入邨視察後,證實該四項設施屬非法僭建,並已發信要求鳳德邨業主立案法團及管理處安排清拆。然而,陳小姐翻查法團2026年7月13日的會議紀錄,發現法團當時已討論過要撥款二萬多元清拆銀鳳樓及黛鳳樓會址旁的僭建倉。業主質疑僭建物既然由外人興建,清拆費用理應由違規者承擔而非由居民買單,惟法團對此一直避而不談,「點解清拆費要我哋畀?究竟邊個起?起嗰個係咪應該由佢哋負責,而唔係用我哋居民去畀呢啲錢呢?但係一路都冇人答過我哋,因為我哋一直都搵唔到法團,法團亦都唔想同我哋講嘢,亦都唔會理我哋。」

閣樓變承辦商寫字樓見客 私竇驚現木家具、未完工廁所

隨着業主深入追查,更發現該工程承辦商在邨內的佔用範圍遠不止於臨時倉。在其中一座大樓的閣樓、本屬法團的位置被承辦商改建為「寫字樓」,用作接見生意客人,黑色大門外擺滿雜物,門內放滿樣板、公司標誌。除此之外,另一處位置更被改造成「私竇」,內設木製傢俬、床褥,甚至劃分出位置興建廁所。

管理處在接獲業主查詢後未有正式回覆,但隨後有人突擊「清場」,從一樓搬走雪櫃及跑步機等大型電器。清場當日,承辦商職員更因保安問題發生爭執並驚動警方,職員現場一度向警員承認該辦公室為「老細接生意見客」之用。郭先生質疑管理處為何能在無條件情況下,容許商業機構佔用公用地方進行營運。

包攬全邨大大小小工程兼爛尾 欠逾60萬特許費

《一線搜查》翻查近兩年的法團會議紀錄,發現該間承辦商在鳳德邨幾乎「無所不能」且頻頻中標。從2024年的鹹水喉緊急維修、大泵房及鹹水泵工程,到2025年的換紙皮石、換食水泵、雪屐場地面維修及升降機防水工程等,均由其承接。然而,其中涉款82萬港元的雪屐場地面維修工程,在超過標書合約限期一年多後仍未開工。法團會議紀錄雖載明將向承辦商發出律師信中斷合約並重新招標,但陳小姐質疑管理處工程部監督不力,未有對工程爛尾實施任何罰則,「究竟呢間公司嘅規模係咪能夠承接咁多嘢?一路畀工程佢,畀工程佢,但係佢又做唔到嘅時候,亦唔使有任何罰則。」

更令人震驚的是,該承辦商自2023年8月起承接屋苑太陽能板工程,負責將轉化電力售予電力公司,合約規定承辦商每月須向屋苑支付6萬元固定特許費用。然而該工程中途停工,承辦商自去年3月起便停止繳交費用,累積拖欠逾60萬款項。業主痛批管理處連番換人卻從未主動追討欠款,任由對方享受特權。陳小姐:「點解佢哋冇交錢,你哋冇人跟?佢哋工程進度你哋冇人跟?管理處究竟做緊乜嘢?點解之前嘅工程主任冇人去跟佢爛尾?點解管理處冇人去追呢啲錢?」

另外,屋苑升降機長期故障早前亦成為焦點,根據業主提供的資料顯示,去年黑色暴雨期間,其中一座樓宇七部升降機有六部因水浸損壞,緊急招標進行防水維修,最終仍由該間承辦商投得,工程費用約44萬元。一間工程公司多年來承接屋苑大大小小工程,部分項目卻出現爛尾、拖欠特許費用的情況,而相關跟進似乎不足,究竟這間承辦商與法團有何深厚關係?《一線搜查》節目組將於下集繼續為大家追蹤報道。


HOY 78:《一線搜查》

播出日期:逢周一至五

播出時間:晚上8時HOY 77首播、8時半HOY 78重播

WhatsApp報料熱線:68960931

節目重溫請<按此>

修訂法例完善大廈管理喎 (1)



建議 諮詢後變「再研究」 五成反對設持票上限 擬改抽查入手

發布日期 2026年11月4日星期三


【明報專訊】宏福苑大火引發業主大會授權票爭議,政府昨日公布《建築物管理條例》建議修訂方案,3項原針對授權票制度的建議經諮詢後決定「持續研究」,包括設每人持授權票上限之建議遭逾五成人反對,未能就上限門檻等達廣泛共識;原擬限制親屬或同一屋苑業主才可作獲授權代表,遭近七成人反對。當局稱會改從抽查核實入手,建議要求物管公司或管委會(即業主立案法團)主席抽查20%授權票。有法團人士認為物管恐難短時間大量核實,並關注取消問題票的決定權和抽樣方式,建議制訂抽查指引。

建管條例修訂 公眾諮詢收550份意見

民政及青年事務局今年2月提出修例,8月諮詢公眾一個月,接獲550份書面意見。局方考慮公眾意見及宏福苑火災獨立委員會報告後,昨向立法會民政及文化體育事務委員會提交修訂方案,強調新增規定須切實可行,會與律政司敲定修訂條文細節,盡快提交條例草案。

諮詢文件中部分修改授權票(委任代表文書)制度的建議經諮詢後暫不推展。當局原擬設每人持有授權票上限,其中50伙以上大廈,每人持有不多於大廈單位2%或20份授權票,惟建議遭逾五成人反對,未能對上限門檻、如何識別及處理超出數目的文書等達廣泛共識,亦有不少意見認為加強抽查及核實才治本。當局因此決定先從抽查核實入手,同時研究引入電子授權票,適時推展修訂。當局表示,中長線會研究推行網上業主大會及電子投票等範疇的可行性。

限授權親屬同苑業主亦暫擱

長遠研網上業主會電子投票

當局原建議僅准許業主親屬或同一屋苑其他業主等特定人士擔任獲授權代表,惟公眾諮詢中近七成人反對。文件引述意見稱難界定親屬定義和核實業主與獲授權人的親屬關係,亦可能對在港無親屬及不認識其他業主、不常居於屋苑者不便,決定進一步研究建議可行性及運作安排,將來再考慮。

原建議授權票可填寫投票指示,亦有七成人反對,考慮到此舉會提早公開投票意向及難追究代表沒按指示投票等,當局稱要進一步研究。至於在業主大會開放予業主查閱所有授權票,因私隱外泄風險等而遭七成半人反對,最新建議只許業主查閱其單位的授權票。

當局引述獨立委員會報告稱,投票制度健全很大程度取決於授權票真確性,故建議引入抽查機制,包括要求物管公司抽查核實,若大廈沒聘用物管,則由管委會主席負責,建議抽查20%授權票或20份,以較多者為準;如不足20份則全數核實。當局同時規定業主及獲授權者提供聯絡電話號碼,以及要求被授權者在授權票確認是從業主取得。

法團:持票上限難執行 倡訂抽查指引

身兼荃威花園法團秘書的全港業主反貪腐反圍標大聯盟發言人趙恩來認為,設持授權票上限具操作困難,如有人獲30張,應有合理機制決定取消哪10張,以及釐清屬法團、物管或業主決定,料難劃線,認同現不宜推展。他說,夫妻與子女以外的親屬無文件核實關係,圍標集團亦可購單位以招攬授權,難限制獲授權者身分。

新方案要求物管或管委會主席抽查授權票,趙認為物管難限時內大量抽查,例如未必可聯絡不在港的授權者,亦質疑物管由法團委聘,若無客觀標準取消涉問題的授權書,將惹爭議。他認同可試行抽查,「做多好過做少」,但須交代抽樣方法,憂有圍標集團控制的物管只查持反對聲音的業主,建議就此制訂清晰執行指引。

物業管理公司協會前會長陳志球認為,修例增加物管責任是挑戰,但業界現實時普遍會抽查授權票,部分抽查比例高於20%,會核姓名及單位等資料,有疑問亦會致電授權人,認為操作不難;他又認同可研究用科技協助核查。他不擔心負責抽查的物管公司與投標者有利益衝突,稱法例與物監局監管足夠,業界不會明知故犯。


明報記者

(宏福苑大火報告)

原文網址:https://news.mingpao.com/pns/%e6%b8%af%e8%81%9e/article/20261104/s00002/1793729079126


2026年10月30日星期五

宏福報告 -- agenda setting的藝術

我就冇睇,亦都唔打算睇 宏福份報告。

不過,擒日到而家睇左咁多新聞,睇埋林妙茵點講,我都挖曬頭 -- 所有評論,竟然都係跟返政府個agenda setting黎到評喎。

*********
即係咁,先睇多次,我之前都貼過,咁貼多次宏福個委員會既職權係乜﹕

行政長官於二○二五年十二月十二日宣布就大埔宏福苑火災成立獨立委員會,其職權範圍如下:就大埔宏福苑起火、火勢迅速蔓延和造成的人命傷亡及財產損毀,審視 –

(1)成因和導致火災發生的情由;大廈配置的消防裝置及設備,及其有效運作的監督和責任問題;有關的樓宇維修工程的施工安全要求、標準、監督和日常維護制度是否足夠;針對樓宇維修工程,現行安全標準的用料清單是否全面,有關的驗證和檢測制度是否有效;各環節的監管人員(包括政府部門人員、授權負責的專業人士及承建商等)的角色和責任承擔;和上述問題相關的責任。

(2)針對大型樓宇維修工程,審視 –
有關工程各環節有否不適當的相連利益、角色衝突、不當的合謀串連等系統性問題;及有關工程有否涉貪圍標,違規招標的問題。

(3)就上述兩項事宜,檢視現行相關法律的規管及懲罰是否足夠。

(4)就上述(1)至(3)的事宜,提出建議。

你望清楚上面,第(1)項職權,係講直接火災相關問題。

第(2)項職權,就唔係直接講火災,而係講大維修工程點解會出現咁多問題。

聰明又睇開衣度既你,就會知我下面係想講乜野啦。

**********
ICU同房屋局死緊,係因為佢地負責房委會物業既大維修。所以,佢地一定係有直接責任。

正如我之前講過幾次,走火通道「生口」問題真係常識,十幾年前修左消火例之後,屋宇署係2010年左右已經開始要求所有私人舊樓,都要封曬後樓梯個批可以開關既窗,全部要換曬做「謹窗」;好多舊公屋,都終於係2024年開始要玩封走廊窗。

咁房屋局ICU又點會唔知衣樣係法例要求呢 (因為係度講過好多次,我原本唔諗住貼LINK,不過都係度貼一條啦),容許宏福係大維修時攪「生口」呢。

跟手個D咩先知會承建商先再做巡查,就是但啦。

跟手屋宇署都係有問題,事關理論上佢地係有派人入ICU去做指導,去確保ICU係根據返屋宇署既標準去做執管。

衣樣我都講左啦 -- 佢地派左人入ICU,不過ICU原來乜春都唔知唔識,就屋宇署緊係有責任啦。

至於委員會期間講到,屋宇署原來要為ICU做AUDIT,咁我就唔知;不過原來冇做,咁屋宇署就死多錢重啦。

再跟手勞工署要上身,就有D攪笑。唔係個勞工署乜春主任係煙頭問題答得衰,勞福局都唔應該上身。

你睇衣三個部門,都係同宏福個委員會入面,職權(1)火災相關問題有直接原因啦。

****************
第四個同火災有直接關係既部門,就係消防處。

消防處係有好多問題架,落獲有責任就一定架啦。

不過,我到而家,都唔同意個委員會講完,之後阿炳強執口水尾講既,消防處係有預防火警既「兜底」責任。

即係,純粹講個條《消防安全(建築物)條例》,條例係有寫明消防同埋屋宇署係有唔同執管角色;行政上,消防處真係一直同屋宇署有分工,消防係唔會睇好多熟於屋宇署範疇既裝置 -- 我搵返我之前評條例個POST比埋你睇,我到而家都認為我係正確理解的。

如果你要好似阿杜淦堃係個委員會上咁講,又或者好似阿炳強執佢口水尾咁講,又或者可能好似宏福個報告咁講 (我冇睇份報告,不過我估佢都係咁講),消防係對「防火」有「兜底」責任 -- 其實即係變相既無限責任的話,咁消防就應該仲勁過國安。

用返上面個例子。《消防安全(建築物)條例》個修訂係2007年通過左,房署去到2024年先開始要封曬舊式公屋走廊既窗。

咁用無限責任衣個講法,消防署係米應該2007年開始,就要求房署封曬所有窗﹖

而房署係2024年先開始做野,我肯定大把窗都仲未封。咁用返炳強講既「兜底」責任,消防處或者保安局係米應該即刻出MEMO,指令房屋局房署房委會,係一個月內封曬所有公屋走廊既窗﹖

唔講窗,而家講緊好多升降機冇左個防煙條,衣個又係預防火警好重要既裝置。咁而家冇左衣樣野,又關唔關消防個「兜底」責任事呢﹖

根據杜淦堃引用既香港法例第95章《消防條例》,佢地既演繹係消防係有無限責任架麻,咁升降機事件入面,消防係米又要做野呀﹖

升降機我會之後再講。

ANWAY,我想既係,消防要負既責任,又係委員會第(1)項職權既範疇,即係宏福火災既直接原因。

*********************
咁好啦,上面4個部門,就係宏福報告點名既4個部門,亦都係咁多傳媒評論既重點。

不過,嗯,宏福委員會第(2)個職權,講既大維修工程既咩不當的合謀串連呀、角色衝突呀、圍標呀之類既問題,冇部門要負責既﹖

當然,就咁睇新聞,份報告係有較多篇幅講市建局招標妥之類既問題,講到點解成個市建局都係廢的。之但係,針對大維修工程所謂既圍標問題,真係淨係市建局要負責曬﹖

********************
點解要有職權(2)既邏輯,其實係好簡單,一般人都會明,咁我用PT FORM去講﹕

1. 由2016年翠湖圍標甚至再早時間,其實全香港人都知,因為大廈維修係肥豬肉 (回帶講多次﹕維修變左肥豬肉,係因為「樓宇更新大行動」個資助),所以吸引左好多顧問公司、承建商黎搵食;當中,又有好多黑社會之類既人,無論自己開公司又好,同衣類公司合作都好,總之維修就係涉黑;

2. 至於有幾多管理公司同衣班大茶飯團伙有關係,你米睇下翠湖開始既CASE囉 -- 就算可能冇關係,不過衣D管理公司係靠同法團關係先有得續約,咁佢地係任何爭議入面,會「幫」小業主定法團,就常識都諗到;

3. 再去到大型屋苑既法團法律顧問,佢地係受聘於法團,佢地既服務合約亦都未必包括埋大維修同你睇合約。咁你話,大維修時有任何法律問題,佢地有冇責任 -- 就算佢地係好正直係公義既化身都好,個法律顧問都可能係冇責任,因為佢地合約係唔一定會包;就算包都好,法團冇比指示,咁佢地就唔駛做野,事關法律顧問係睇顧客指示;

4. 上面講左好多唔同PARTIES,而家到最重要個個﹕淨係顧問公司同承建商再加黑社會,其實都唔一定分到肥豬肉。所以,衣班人除左會係唔同大中小型屋苑買個單位落釘之外,就一定會自己入埋法團,或者比錢法團去收買又好咩都好,總之最後結果就係圍到條標;

5.圍到標之後,跟手工程先會求求其其 -- 大佬,你法團收得我錢,我緊係快手求其完工似樣就算架啦。條標圍左啦,賺既係咁多啦,你仲叫我買幾多次棚網,又要我分期做工程確保安全 (宏福個委員會其中一樣批評既野喎),分薄我圍標得返黎既利潤,你就去食屎啦﹗

上面衣幾點,係職權(2)既範疇 -- 係因為大廈管理出問題,之後有圍標,所以最尾D顧問公司同承建商先夠膽亂黎,再導致火警既直接成因。

當然,冇圍標,都可能會令到承建商求求其其。但係,好多個委員會調查期間發現既野,都未必真係會出現,就算求其都好,都未必咁過份。

所以,就好吊鬼啦 -- 點解職權(1)入面,有4個政府部門要負責,阿局長甚至要落台。

係職權(2)涉及圍標之類既範圍,就冇人要落獲﹖

舉個例﹕就算你話市建局唔係政府部門都好,不過發展局係監督市建局。

跟手幾十年黎,每次係民間係立法會都有人話圍標問題嚴重,之後出黎解畫,話市建局已經做左好多野,有效打擊圍標既,係咩野人﹖

米係發展局局長 -- 由阿波叔開始,講到甯漢豪早幾年都仲講到,而家政府係好有效打擊圍標。

而我就咁納新聞,發展局被批評既,主要係佢對屋宇署認可人士之類既監督問題,而唔係市建既問題。

之但係,成個大廈維修圍標問題,由樓宇更新大行動制造左件肥豬肉出黎,再到市建局扮有睇住件資助點行,扮到點樣幫小業主,最後原來係圍標圍左十幾年 -- 比人扼既唔止係小業主,仲係包括埋咁多年好多個億既樓宇更新大行動既公帑資助。

連埋其他咩長者維修自住物業再加升降機等等好多資助,十幾年黎,衣度係過百億公帑 -- 你望下,黃偉綸做發展局長時,係2019年已經話增撥105億做維修,咁係樓宇更新大行動1.0同之後幾年既2.0,其實又係比左好多億出黎。

咁係衣個角度,市建局做到成PAT屎咁,咁發展局局長唔係有好大責任,唔需要因為圍標問題,以至咁多年黎浪費左幾多公帑比人圍左唔知幾大部份,而要同何永賢一齊落台﹖

************
當然,跟手下面我都係回帶。

你睇返上面我個5點,其實都係個句﹕成個宏福既問題,以至委員會職權(2)寫明既咩圍標利益衝突問題,其實都係個3個執法機構負責既範疇。

即係,警務處、廉署、同埋競委會。

之但係,嗯,擒日到而家既新聞,好似冇咩人講佢地既﹖

咁我打衣篇文之前,係冇睇份報告,不過我都想睇下份報告點講天下無敵部門。所以,我PRINT SCREEN COPY埋出黎﹗



係呀,成份宏福報告,講到佢職權(2)係要探討圍標呀利益衝突呀等等不當行為,不過提到天下無敵部門既責任問題,就只係兩頁。

原因係,我之前米特別打左好多字講過囉,阿委員會主席陸啟康米講左,唔會傳召警務處囉,淨係會要求佢比份書面證供囉。

你睇下上面衣兩頁,委員會報告就警方角色個結論係點﹕

據警方表示,從宣傳、教育及防罪角度而言,「復安居計劃」已達到基本目的,教育讓業主認識就大廈管理事務、反競爭行為及相關罪行而言,因資訊部不足而可能出現的隱患。然而,警方承認這方面的工作仍有改善空間。

個結論係,「復安居計劃」既基本目的已經達到左喎﹗不過,工作有改善空間喎﹗

見到衣個結論,我真係要投訴陸啟康同成個委員會。

你睇返當日警方份供詞,佢地係點講話﹖我唔COPY返成份供詞出黎,你有興趣可以睇下我當時衣個POST,個POST入面,阿警司係書面上講左樣好緊要既野,當時傳媒都有重點講過下。段野如下﹕

28. In general, bid-rigging activities involve collusion amongst a wide range of stakeholders, including homeowners, MC members, PMCs, consultants, contractors, and so-called estate concern groups. Triad involvement takes many forms, including direct involvement and discreet approaches through front persons, influence over “concern groups" or participation via indirect links with consultants or contractors. It may be inaccurate to assume that triads are always the dominant driver or that they are significantly involved because many bid-rigging schemes are organized and executed by ordinary market players, with triad elements engaged only at particular stages, or not at all. When someone has to “do the dirty work" and the use of some forms of suppression and/or violence is essential, triads would then become the “enforcer". Having said that, intelligence indicated that a small number of triads had set up and were operating their own consultant and contractor companies to participate in building maintenance works.

都係個句 (to be100% fair,我下面係引述部份都係照copy衣份警司供詞)﹕

警司係佢個供詞入面,係有咁講﹕

25.Maintaining RenoSafe is essential because it provides the necessary platform for exchange of information and intelligence, as well as ensuring concerted efforts in tackling bid-rigging. Having said that, recent reviews identified some potential areas for improvement. These would be discussed at Part C below. 

衣段,即係委員會報導講既,警方工作有改善空間囉。

之但係,唔好攪笑啦,阿警司個供詞最重要,亦都關乎你職權(2)個點係我上面quote個段長英文,我節錄quote多次出黎﹕

It may be inaccurate to assume that triads are always the dominant driver or that they are significantly involved because many bid-rigging schemes are organized and executed by ordinary market players, with triad elements engaged only at particular stages, or not at all.

你唔傳召佢出席聽證會丫麻,咁佢衣份供詞就係代表警務處既唯一證詞啦。衣份證詞,亦即係代表警務處對你職權(2)所調查既野既立場啦。

阿警司衣段野咁重要,咁點解而家你份報告,會將衣個最重要個點唔知點解收埋左唔包括,即係點呢﹖

你唔召佢出庭就已經攪笑;佢份證供寫左句咁既野就更加攪笑;而家你份委員會報告有個咁既結論,呀警司段咁精警,反映執法機構點睇黑社會同圍標關係 既說法竟然唔放落份報告入面,就真係天下無敵攪笑。

********
其實,我都係回帶jak。

即係,宏福之前,無論係警務處、廉署、又或者係競委會,真係一年都拉唔到幾多單大廈圍標。代表警務處既警司仲係份聽證會供詞同你講,黑社會係大廈圍標案入面,仲要唔係好多參與。

跟手,宏福出事之後,就拉左幾多百人,有幾多單可能涉及圍標案,當中仲有大量黑社會參與。

衣個前後對比,只係一方面顯示,無論係咩警方競委會係個委員會講既野,其實都攪笑;另一方面就係,點解之前咁難拉人,但係宏福之後,個個都好似福爾摩斯上身,一年內拉到咁多人呢﹖

究竟係法例上有問題,定以往資源上有問題,定還是係以往執法優次有問題呢﹖

你成個委員會既職權(2)就係要探討衣樣野。

不過,你就係唔傳召人上黎,咁所以冇傳召既部門米唔需要負責囉,咁米天下太平,你職權(2)既野米是是但但,淨係個4個點左名既部門米要負責囉。

所以,而家好多評論,係只用返成個委員會既議事方式設定左既結果黎到評論,即係跟返佢個AGENDA SETTING去評,米攪笑囉。

************
最後,另一樣AGENDA SETTING既攪笑位置係,委員會職權(2)係要檢討利益衝突要探討圍標丫麻。

咁就算佢傳唔到黃碧嬌都好,但係正如我上面POINT FORM個度咁遘,圍標係必然涉及大廈法團入面既人先會成事 -- 現實上,今年競委會同警務處終於拉人啦,入面好多都係大廈法團委員丫麻。

咁好啦,大廈法團,即係涉及大廈管理,亦即係涉及《建築物管理條例》,亦再即係涉及民政事務處同佢上級既民青局啦。

而家咁多做法團既人因為涉嫌圍標比人拉左,你所謂負責協助大廈管理,甚至條例既主管當局,即係呀民青局,原來係大政策上,係冇問題,係冇任何責任架﹖

而唔講大政策,淨係講實務執行上,係委員會審訊期間,民政處個大廈聯絡主任都好有型咁講,收到阿徐滿甘投訴黃碧嬌個電郵之後,不過開唔到電郵入面個錄音,所以就冇跟進啦。

咁你就要問,無論係委員會上面阿聯絡主任既做法 (小部份涉及佢個人,大政策上就涉及民政事務總處有冇任何收到投訴既指引),以至所謂民青局每年用左咁多億去做「協助私人大廈管理」,再去到過往點樣修訂執行法例改所謂既「完善大廈管理」,原來民青局都係冇責任架喎﹗

過往幾十年黎,咁多大廈法團收左咁多維修顧問同承建商既錢,之後大維修攪左咁多PAT屎出黎,最後玩到宏福大火,原來民青局唔關事架喎﹗

咁你話,衣個AGENDA SETTING,係米好神奇呢 -- 如果你有留意宏福個會,佢都係九唔搭八搵個民政事務署副署長上黎,話係條例入面佢地乜都做唔到,咁你米知道,係喎,佢地真係條例之下咩都做唔到,咁米冇責任囉。

係咁的話,每年比咁多錢民政署攪大廈管理,用黎把托呀﹖咁多年出咁多事,民政局就淨係睇住,原來都係冇責任呀﹖

所以,要講政策上既責任,特別係委員會職權(2)上面,民青局一定大過勞工處好多十萬倍。

再講,要純粹講宏福火警上既執行責任,如果你話勞工處係巡查煙頭有責任的話,咁民政處係成個大廈管理以至業主大會點樣批出合約,又可以話冇責任﹖

唔講位聯絡主任點樣處理個電郵投訴,淨係講「死人授權票」,其實民政處係一定有個業主名冊,佢地有冇收過投訴,或者有冇諗要主動對下個名冊呢﹖亂咁授權、假冒授權,其實講左十幾二十年,咁民政署有冇諗過要點處理呢,定還是好似而家咁,「哦,原來有業主發現有死人授權票呀,咁我米轉介囉」,咁呀﹖

而家個宏福委員會點左消防、ICU、屋宇署同勞工處出黎,不過就冇點民政處,我都真係覺得係天下無敵囉 -- 無論係職權(1)既火警直接責任,又或者係職權(2)既圍標問題,民政處民青局竟然係冇任何責任喎。

又或者係,更加準確係,就算民政處有責任都好,都竟然唔洗點名喎﹗

天下無敵部門就冇出席,你吹佢唔漲。但係,民政處係有出席,講到成PAT屎咁,都可以甩身﹖

我唔係話要佢個局長落台,不過而家連名都唔洗點,就真係精彩。

**********
所以,成份報告,我真係唔打算睇,事關成個委員會既行事方式,已經先天豁免左某些部門唔需要負責 -- 佢都冇出席個會,冇比你盤問,亦都冇機會回應,咁又有咩責任﹖甚至個供詞求其UP,都唔會有責任的,事關你都冇機會盤佢。

你再睇返而家所謂點名4個部門,再有4個局比人針對住,我都會話,你圍標除左係警務處廉署同競委會等幾個執法部門之外,負責大廈管理執管《建築物管理條例》既民青局死左呀﹖

民青局或者以往既民政局呀民政事務處都會話架,如果發現大廈管理入面有其他違法問題,會轉介去唔同既執法機構 -- 咁都係回帶個句,今年拉左咁多法團委員,甚至早排HK01同你講話有前區議員同地區人士聯同黑社會食緊維修大茶飯,咁你民青局係米死左呀,所以一直以黎咁多法團有嫌疑,你都睇佢唔到呀﹖

不過,都係個句,上面既野係HK01講架咋,阿警司話黑社會甚少參與大廈維修架。

講情報能力,冇理由HK01仲勁過警務處架麻,HK01又亂作故仔啦。

**********
最後,擒日家超出黎講左好多咩改革,咁可以講兩句 --  不過好多之前我都講左,咁唔長氣。

政府要成立維修局取代市建局招標妥,我第一時間既反應就係,咁阿市建復修部總監阿王思敬,係米可以正式收皮﹖

佢之前老屈競委會,話提供參考價有可能違反競爭條例,就即時比競委會收佢皮,話佢亂UP,話公營機構唔受競爭條例管啦 (競委會一直都爭取取消個公營機構豁免,衣個係有留意開競爭法都知既常識來的)。

而阿總監同日辣興埋申訴專員,最後總監要收返係聽證會既供詞,就證明佢係一個人材,市建局絕對唔會推卸責任。

之但係,政府要攪個維修局之餘,仲要整多個「樓宇大型維修專家小組」去訂標準,咁冇咩既,就好似我之前咁講,我一定要SET個「合理、安全、大家住得開心又安樂」既標準比你 -- 你有冇錢就你既事,技術可唔可行都唔係問題 -- 好多野,有錢就一定可行架啦。

比個例子。

你記唔記得我係度講多次既消防水缸﹖回帶簡單講﹕

又係個條2007年既建築物消防安全條例,就要所有住用大廈安裝消防水缸,就算你係60年舊樓得個4層都好,都要用幾百萬裝個水缸(我冇記錯既話,3層或以下既就豁免左的)。

你話舊樓LOADING做唔到,裝個水缸就會塌樓﹖法例黎架,做就做啦,有錢加大廈LOADING米做到囉。

當然,事實上係,條例過左差唔多10年,去到2015年左右,都有千幾棟舊樓係違緊法,做唔到個工程。

最後,係2018年左右,消防終於投降,攪左個試驗計劃,做左個折衷式花灑系統同用街喉做代替;上個月,消防終於將衣樣野正式化,入面仲同你講,「系統工程結構較小、不易受空間限制,對比傳統系統,工程時間將由6至8年減到3至5年,工程費亦由300萬至600萬元降至150萬元」。

嘿﹗

一棟60年4層舊樓,原本裝個水缸,係要3百萬。你係業主,你會唔會做﹖

就算我當你棟樓係有6層12戶,而家減左價只係要你用150萬去做消防工程整個花灑系統,每戶要比10幾萬,你都一樣係要食屎 -- 你消防要比10幾萬咋喎,仲有政府強制驗樓同其他野,個度又係10幾萬呢。

同埋,最重要個樣係,棟樓60年啦,你仲要我出咁多錢,要我攪咁多野﹖

不過,經過宏福之後,而家消防有「兜底」責任,佢仲要係條消防例既主管當局添。咁而家消防已經好好心,整左個折衷平價辦法比你架啦,咁你快D科水,如果唔係告到你坐監啦。

你唔科水,到時你棟舊樓又大火消通頂,跟手又比人話點解冇水缸,咁消防又會比人講多次,指責冇做好「兜底」責任鳥 -- 當然,就算再黎多次大火,阿處長同阿局長,都唔會有事既。

anyway,返正題。

咁你明未﹖

而家政府個改革話,搵人代你請顧問,搵人同你做維修標準,咁我既標準緊係要「合理、安全」架啦。

咁到時個價會係點﹖

我都講左好多次 -- 你試下賣PRINTER比私人公司同政府,政府個價會點丫拿﹖

**********
真係最後。

政府另一個建議係,解散ICU成立衣個「公營房屋樓宇管制組」,再加上屋宇署改做「區長制」,就真係精彩,亦都係一個最大既政策問題。

關於個管制組,上面明報條LINK係咁講﹕

黃偉綸說,管制組將以個別維修項目為基礎,統籌及綜合處理規管工作;管制組會就每個項目設專責團隊,團隊會安排一名聯絡專員聯繫項目的業主立案法團,透過一站式溝通及服務協助居民。

咁其實,ICU除左管大維修問題之外,仲會處理好多強制驗窗,家居裝修等小型工程。咁衣D工程,究竟會點處理﹖

之前我都QUOTE過人講,ICU其實唔係好多友,但係每年有好多萬宗個案。究竟係人手有限之下,點做咁多野呢﹖

我之前都係度引過前房署副署阿馮女士,佢都係講過同一樣野。

跟手,屋宇署改做「區長制」,其實都係同樣問題。以往要用誠信制,係因為英國佬遺留落黎又好,係因為咩都好,最大問題就係,政府始終人手有限,唔該所謂既專業人員誠信監督,又可以用咩制度去管工程﹖

你睇近排既升降機,又係同一個大政策問題 -- 當個社會咁多工程都係靠誠信,咁你話而家誠信制度有問題啦,咁要用另一套制度取代啦,又可以點做﹖

全香港有咁多萬部升降機,如果唔靠自律規管再加抽查,你叫機電署要點做呢﹖

************
而家打字時,甯漢豪同黃偉綸就係度講緊野。頭先納左野,其實個方向就好簡單﹕當政府屋宇署入場,多左咁多突擊巡查,你估個合規成本係點﹖

當然,而家全世界都會話,人命關天。

之但係,都係我回帶個句﹕第時既維修大茶飯,只會由黑社會圍標大茶飯,變成另一樣大茶飯囉。

*************
真真係最後。

我都話左我冇睇份宏福委員會報告。

不過,上面寗漢豪同黃偉綸講野條LINK話﹕

獨委會的報告指,圍標行為當中有人有三合會背景,「如此齷齪的業內生態已到了無法容忍的地步」。保安局長鄧炳強表示,自己會統籌打擊樓宇維修工程圍標「聯合特遣隊」,隊員包括警方有組織罪案及三合會調查科、廉政公署、競爭事務委員會,會展開聯合調查和執法行動,打樓宇維修工程圍標。他指,可針對嫌疑人,按條例傳召問話、要求提交資料或物料、凍結資產,沒收犯罪得益等。

WELL,個警司係宏福份證詞,唔係咁講架喎﹗

成個聽證會入面,衣方面既專家證詞,即係警方唔係咁講,不過廉署同競委會就係咁講,咁個委員會報告憑咩野得出衣個結論,「如此齷齪的業內生態已到了無法容忍的地步」,否決左阿警方既證詞呢﹖

嘿﹗

********************
最後,結論啦。

其實我想講既係,今次個AGENDA SETTING,擺明係邊個平時做得差既,就順手炒左佢啦;至於有人照既,就唔好點佢名啦。

我原本只係想講個咁簡單既結論,不過就長氣,distracted左去第二度。

不過,衣個先係重點﹕

當你份所謂既調查報告,其實係進行中已經有個咁明確既方向,或者係AGENDA SETTING,到最尾個結論,米係咁囉,所以駛乜咁認真呢。

****************
完。

2026年10月20日星期二

西九文化區赤字的背後.圍威喂樂園 (4)

頭先係衣個系列(3)入面,我就補左好多句關於艾未未;大家之前冇睇到既,真係要睇多次個POST,就會RECALL返你既記憶 -- 西九既定位,係香港咁安全既環境之下,係幾咁九唔搭八,幾咁難做原先定位。

補完之後,我就諗住收皮,唔再講M+同西九。

點知,剛剛係THREAD度,竟然睇到有人講M+既衣個POST。

個post講既係,擒日係星期一,不過係重陽假期,M+竟然唔開門,個POST主竟然要摸門釘﹗

個POST有COPY埋M+個開放時間。

咁我都覺得你地唔會CLICK個THREAD POST架啦,所以我自己又COPY埋係度,比你望下。


你望下,M+正常時間係星期一休館。

不過,佢都寫明,「本館於公眾假期如常開放,如有特別安排將另行公佈」。

咁佢個特別安排,AT LEAST係今日,係冇講擒日重陽節as a 公眾假期係會有特別安排,係會唔開的。

係咁的話,擒日係公眾假期,M+又點解會唔開﹖

我真係好支持THREAD個條友KEEP住投訴M+。

********
另外,係我印象中,政府所有博物館圖書館泳池之類,其實都係寫明,「公眾假期如常開放」,至多會係將個休息日順延一日,甚至唔補返個休息日都得。

政府圖書館博物館,都好似淨係年初一二唔開,同埋會係大除席之類既特別日子,出個特別通告,話比你聽佢會提早關門。

M+而家咁樣玩法,公眾假期都無啦啦唔開,就真係無敵。

ANYWAY,就算佢原來有「特別安排另行公佈」但而家因為過左期就剷左 。

不過,都冇理由重陽會唔開;而你睇THREAD個POST,係冇人提過M+有註明到「任何特別安排」。

所以,我都話,M+真係好出色。

********
補一句﹕我CHECK返,THREAD原POST位人兄擒日CAP左圖,M+擒日係冇任何特別安排的。所以,唔需要好似我上面咁樣,去同情地理解,去試圖為M+講好說話,去提出佢地可能曾經有過任何特別安排通知。

********
最後,西九行政總裁阿馮程,佢做過康文署署長 (我驚記錯,CHECK埋,WIKI都係咁寫),佢唔係咁特立獨行到咁,唔玩政府康文署博物館圖書館泳池個套,所以就算M+係大時大節,總之撞正星期一都要放假閉館呀麻﹖

定係,佢所有星期一係公眾假期都咁好彩唔駛返工,冇行開M+個邊,所以唔知M+原來係公眾假期都可以唔開門﹖

阿馮程,真係厲害。

**********
另外,我都好奇,香港故宮又係咩玩法,所以特登睇下佢網頁。

點知,香港故宮就係星期二休館,不過又係講明公眾假期除外。

之但係,你睇下佢個中文排版方法﹕


佢咁樣排版,將「星期二」三隻字同公眾假期個段分開做兩行,之後將「休館」兩隻字放係最尾,就真係痴左線。

 (拿拿拿,我上面睇既係DESKTOP網頁版。之但係,如果你用手機CLICK入去個手機版,佢個排版係一樣咁衰的 -- 甚至係仲衰,你自己試下就知)

你要好老套或者老派個套,就會話,有咩理由將一句句字咁樣分開做兩行,冇左個「行氣」 (我幾十年之前開始做類似既野時,有人就講過衣個TERM。雖然我到而家都唔明衣個TERM點解,不過就意會到佢講咩。衣個TERM,而家應該失傳左,求其搵,上網都唔見有人講鳥)。

由設計或者正常人既角度,就要考慮個排版點樣先會更加「直覺」,唔會斷開一舊舊。

所以,正常設計師就會用下面衣個方法去排﹕

「星期二(公眾假期除外)、農曆年初一及年初二﹕
  休館」

用衣個方法,先會將佢唔同「星期幾」個館既開放時間統一返,再加上清楚咁將「(公眾假期除外)」衣個條件同「星期二」放埋同一行,咁先夠「直覺」,先會一睇就明。

故宮網頁而家衣個排版方法,又係天才。

***********
當然,更加天才,以至係更加宏觀既問題係,點解M+同故宮既休館日,會係分開,分別係星期一同星期二呢﹖

係米要慳人手,星期一M+做完大清潔,就同一班人星期二去故宮做清潔﹖

康文署D圖書館,好多大型既主要圖書館,甚至係普通圖書館都冇休息日;不過D小型圖書館,多數都係星期四休息,個別小部份唔知點解星期一休息 (衣個我真係頭先CHECK過黎,事關我去開既都係冇休息日,或者係星期四先休息)。

之但係,M+同故宮唔係小型圖書館喎﹗你唔會要同一日去唔同既小型圖書館架麻﹗所以圖書館幾時休館,個協調問題冇咁重要。

但係,M+同香港故宮唔同休息日,就真係徹底顛覆我既認知﹕

大佬,外地遊客黎香港唔係好多日,去西九睇M+同故宮,就緊係近近地一日攪掂佢架啦﹗

我係外地遊客,而家星期一去故宮,不過你同我講星期一原來M+係唔開,你要我特登抽多日過黎﹖

我黎香港三日架咋,我住係金鐘PP架,咁就要連續兩日過海,比左兩日你西九呀﹖我原本諗住一日去西九另一日去迪士尼,而家係米我三日都留係西九同港島呢﹖定係要我趕頭趕命,走個日上飛機前都要再黎西九多一次呀﹖

定係,你唔係咁高估自己,以為我會M+要行足一日,所以第二日先有時間去故宮又行足一日呀麻﹖

就算唔係外地遊客,你係本地人,帶住兩個仔,諗住特登平日放日假去西九HEA下睇下文化野,點知原來你唔好彩星期一放假,就淨係去到故宮但係去唔到西九。

你話,就算對本地人黎講,衣個安排都係幾咁SHIT呢﹗

阿馮程,同埋成個西九管理層,佢地既思維,真係顛覆我既想象﹗

佢地唔係諗住,安排唔同休館日,咁遊客點都會有是但一間館睇麻﹖

如果佢地真係咁諗,就真係出位,異於常人。

***********
結論係,所以,我都話架啦,西九班人真係唔知做乜架。

連衣D咁小既事,但係對旅客對來訪參觀市民咁重要既事,佢地都可以攪到咁,就證明佢地幾有心去做好成個文化區。

兩個館,係同一個文化區,原來可以各自為政,冇人做協調架喎。

你兩個館,唔係康文署個D無太大關連性既館,個休息日可以唔同,都冇乜所謂 (你唔好同我講話,歷史博物館同科學館係正對面,都係有關連呀下)。

但係,M+同故宮都係你同一個文化區下既館,文化區SELL既係整體,就緊係要統一要有協調架啦,下麻。

************
補多句。

如果最後發現,原來以往M+就算星期一係公眾假期都會照常開放,不過擒日就唔知點解冇出MEMO提返全世界要返工,而全世界又覺得冇問題的話,咁我就真係冇野好講﹕

公眾假期要開館既話,唔係要有特別安排,要加派保安加派所有人手既咩﹖如果擒日真係原來係要開館,又點會冇人發現衣樣野,最後無啦啦閉左館呢﹖

如果真係咁,就成個M+所有人都係天才。

丫,唔通,負責決定個館開唔開既天才係專才,以為重陽節補假就唔係公眾假期,所以星期一就照樣閉館﹖

又之但係,無理由全世界都係專才,唔知補假都係公眾假期,真係所有人都唔出聲架麻﹖

嘿﹗

************
結論係,再講佢地都曬氣。

不過,我真係好想知,M+會點樣覆THREAD POST主個投訴。

完。

西九文化區赤字的背後.圍威喂樂園 (3)

講返西九文化區。

講到西九文化區,佢既問題係,你唔好理佢點解有咁多不可抗力,咁多人唔可以係西九租場。

個問題係,佢成日將自己同外國博物館比較,不過就永遠都唔提,佢自己唔係一個博物館館,而係一個文化區。

你咁大個園區,可以做既野,其實係比外國既博物館多好多;你將自己同其他博物館相比,都係誤導。

衣個,係我咁耐以黎一直講既野,係西九班人最令我反感個樣野。

**********
另一樣反感既野,就係佢地既不思進取,咩都唔做,等運到。

你睇久利新衣篇文,佢其實係玩野的。佢篇文提到好多西九作為博物館增加收入既方法,咁佢係篇文既尾段都自爆左,篇文「AI又吹大咗」。

咁你唔好理佢篇文係米AI吹大,又或者有D所謂既建議其實係米九唔搭八。例如,佢篇文提到,「內地博物館近年廣泛採用 3D 打印複製遠方石窟」,咁其實香港公家博物館 (衣個就好似) 或者係城大個博物館 (衣個就肯定,事關城大十幾年前已經攪過類似既野,之後不停攪類似既野),都做過類似既野,唔需要香港故宮去引入啦。

再者,香港故宮係賣真實,賣真正既國寶展覽,又點可能玩咩3D石窟﹖

不過,久利新篇文話比你聽,其實AI求其吹,都好多野係可以發生 -- 之但係,西九係求求其其,好多野做左之後,就等運到,所有錯誤都可以重複犯錯。

************
比幾個例子。

你望下西九咁多展,佢上年埃及展好成功麻,不過開幕個禮拜迫爆左,就是但啦,話曬都係第一次咁成功。

但係,今年個「設計阿」展覽又係出現一樣情況,仲要出位到臨閉館前30分鐘都要放人入去。

咁你衣D係咩安排係咩管理﹖係米我做左個展,有人排隊好睇喎,咁你慢慢排我唔理你啦,咁呀﹖

你再望下西九,其實係2025年尾有個好成功既展覽 (﹗﹗),係叫做香港麥當勞i'm lovin' it 50週年展。個展覽我冇去到都知佢成功,因為,佢一開賣個幾日,我已經訂唔到飛﹗

之但係,個展覽係由麥當勞攪,佢都識得要預訂要分時段入場,要比返個好既體驗你去打卡。你西九班人,所謂既策展管理博物館,仲要收咁高人工,不過真係連麥當勞都不如。

而更加攪笑既係,個麥當勞展係西九自由空間入面攪的,好快賣曬飛之後,就真係攪左原訂兩個禮拜就收皮 -- 咁受歡迎,其實係延長,或者將某些場景擺去西九其他地方,又有冇考慮過呢﹖

***********
唔講麥當勞,唔講展覽。

之前講過,西九咁大塊草地,有咁多地方,其實可以有好多野做。除左成日攪D一個月一兩次既大型活動,佢淨係塊草地同附近餐廳,其實都好多野可以攪。

同我睇唔順眼既海洋公園相比,海洋公園係大策略上 (即係主題樂園運作模式) 係錯曬,但係佢係micro-mangement或者管理層係吸客新意上,其實由劉鳴煒末年開始,都見到佢地係想做野。

例如,2020年個7大主題園區翻新計劃收皮之後,海洋公園其實係開始攪水上瑜伽同埋星空露營體驗。衣D係輕資產,唔洗大量投入,但係DRAW到人流,多回頭客既活動 -- 不過係唔好彩在,推出無耐就COVID鳥。

去到COVID,海洋公園開始比狗入,衣幾年仲要攪會員狗狗日。衣D活動,未必好賺錢,不過可以利用寵物去吸引人做會員,擴大返你個恆常再加較忠心既客戶群,甚至有人可能肯捐下錢,咁點解西九唔做﹖

西九最多人流就係草地入面,你有冇見佢係草地擺下檔,送張postcard比你叫你做下會員捐下錢﹖

西九班人,搵保安叫你隻狗帶返狗帶,就識做。

講到寵物,而家海洋公園之外,而家私人寵物活動都好多花臣,早排見到衣個微風村廣告,仲痴線到收你幾百蚊係夜晚玩草地人寵電影,仲要玩左年幾兩年都未執粒,就證明有人會願意比錢。

咁你話西九攪過乜﹖佢係好早年,仲係自由野時期,都有攪免費既戶外電影。之但係,COVID期間,自由野變左做自由約之後,都好似成件事失蹤埋,自由約都唔知仲有冇,成個西九都唔知做緊乜。

西九係多左M+夜不同,或者多左好多大型戶外活動,甚至痴線到早兩個星期咁熱都係下午同你玩西九野餐。

之但係,除左衣類ROUTINE活動,或者耐唔耐有D特別但係好痴線既活動之外,你唔覺西九有咩好特別既野,或者有心去做野。

**************
即係咁,講起個心去做野,咁又講返展覽。

西九同故宮既展覽,其實係藝術界就好出名。

你唔好理九唔搭八胡恩威個D上左岸/上緊岸要倚靠權力又要扮清高個類「藝術界人士」。


個POST既COMMENT入面,有人將M+既展覽比喻為「百貨櫥窗式DISPLAY加表面解說文字」,就唔錯;再有人講到,「Hertiage Museeum同香港藝術館個別策展好過M+」,都係幾獨到。

(丫,你如果唔明咩叫百貨櫥窗式DISPLAY的話,你睇返我早兩個月講歷史博物館個新香港故事,個POST入面張相,就係櫥窗DISPLAY)

即係咁,我對M+好多藝術展都冇乜興趣,但係好開頭都去睇過佢既常設展。你睇佢個常設展,就真係唔知做乜,好多野真係得個兩行阿媽係女人既介紹。

你望下我都講過下既香港藝術館攪外銷畫展,佢好多年前做過一次外銷畫展之後,其實之後都KEEP住有做,不過每次都有小小新意,用新科技之餘,係見到成個策展背後想講既野係乜 -- 衣段字入面即係上兩句個條LINK,就有藝術館負責個展既館長訪問,佢就好清晰講到成個展既設計理念。

我特別講衣樣野,係因為,上年M+有個畢加索展,都對藝術冇興趣都有小小興趣。之但係,竟然見到有人講D咁既野,話個展覽求求其其,就真係令我算數。

咁你話,有人開名咁樣做評論,講到咁直接,你話M+係米真係好厲害呢。

************
話時話,西九畢加索展個期,你見唔見西九有好好利用衣個展覽﹖例如,你行西九近碼頭個間唔知係BOOK SHOP定咩野,間野真係長期都係擺個D所謂文創藝術野,但係永遠都唔會同佢個期既展覽配合做改變的。

西九真係由上到下,都好統一,求求其其。

唔係衣期冇錢,佢地都未必會開始攪咁多M+夜不同,或者係日頭30度同你野餐。

************
結論係,其實係冇乜野。

你見西九,其實係一個好獨特既存在。

佢既問題係,如果要返返去林緻茵個問題的話,個問題並非「是否符合公營文化基建的定位」,又或者係要問「如果過去這幾年,香港完全沒有西九文化區,這個城市會變成怎樣」。

要問既係,其實西九有咁多唔同既館,唔同既空間,佢想做既係乜野﹖

你可以話,西九M+係好似林緻茵咁講,佢既目標係「維持國際化視野與高水平藝術內容之同時」。但係,你睇佢展覽內容,我又唔覺得好高水準。

或者係,再marco去咁講,就好似上面THREAD條LINK所講,M+開頭係想做中國當代藝術COLLECTION,但係「要做好呢個collection,脈絡必須要緊貼中國近代時政發展。在後來香港環境變遷/主旋律/紅線之下,基本上沒辦法 (政治藝術,玩世現實藝術,傷痕藝術.....)」。

(唔係題外話﹕

係thread入面,位人兄衣段comment講得好好,所以上面個段,我我照copy位人兄,佢提到脈絡....紅線...沒辦法,再講埋傷痕藝術,就真係成個當代中國藝術以至M+要做好多展都必然要面對既問題。

另外,你有留意的話,西九係好早期,又真係講過佢想做當代中國藝術 -- 而佢常設展同其他展,係開頭時,又真係好多中國當代藝術的。你望下M+衣個PAGE,入面講既希克collection,就thread個comment都有人提過下,亦都回應緊上面個段quote講既脈絡問題。

即係,我唔識藝術,不過八十年代初套  苦戀 電影版就被禁到而家。衣套野個名句,「您愛這個國家,苦苦地戀著這個國家,可這個國家愛您嗎?」,就到而家更加係死罪。至於戴厚英既「人啊,人!」,係我小數睇過既傷痕文學作品,我而家都完全唔記得佢講乜。不過,衣d咁既傷痕文學,係大陸而家仲有冇人敢寫﹖

大陸都係禁左苦戀呀活著個幾套戲,D書就未禁既既。不過,係國家要安全既香港,衣d書都有機會係禁書 -- 不過,好彩好多人都唔識字,所以我剛剛查返,香港公共圖書館仲可以借到「人啊人」。之但係,佢同余華既活著,都係放左係備用書庫,要睇要借就要問圖書館去扲。嘿﹗

丫,講多句,我特登再睇下上面個希克COLLECTION,我記得當年就有人問M+,佢會點處理艾未末既作品。係M+衣條LINK入面,有艾未未既collection。你望下佢個「透視天安門」作品,由當年引起既所謂爭議,到而家都唔夠膽放張相上去網頁;而成個網頁,你睇完,都唔會知道,艾未未係乜水,有乜咁敏感,或者有乜代表性,你就會明白,我上面QUOTE個位人兄,講既「脈絡」係幾咁重要 -- 冇「脈絡」的話,好多所謂當代中國藝術,其實都係九唔搭八,你真係就咁望住艾未未個咩一虎八奶圖同類似既野,就真係唔知佢做乜春的。

當然,遲下可能冇事架啦,M+可能會整到個艾未未作品展添呀。事關,艾未未,衣幾年,真係唔知做乜腦根急轉灣~)

ANYWAY,我補完幾句之後,離左好多題添。

咁你唔好理M+個定位係點。

而家西九攪好多M+夜不同,多左好多流行文化,咁其實M+以至成個西九,又真係想點呢﹖

你米個館就唔玩前衛當代藝術,攪多D卓頭野;館外就玩多D本地流行文化,用音樂賺下錢﹖

成個西九,以至佢唔同PART,其實都唔知佢做緊乜。

**************
最後,差D唔記得講。

上年西九爵士音樂節,即係個JAZZ FEST,係免費個部份,已經有人投訴,話竟然係夜晚個PART係玩canton disco同埋九唔搭八rapper。

咁我唔知係米啦。

不過,今年JAZZ FEST,要買飛入場個PART,個頭牌,竟然係Kenny G﹗

大佬呀,唔好咁癲啦,唔係扲住個色士風就係JAZZ架...........

你咁講,謝庭峰都係香港搖滾既殿堂,黃家駒都要行開一邊啦................

你係一般人都冇咩所謂,KENNY G係JAZZ米JAZZ囉。之但係,你係所謂既香港重要文化設施,有「文化」兩隻字,就唔該分清楚咩係JAZZ囉。

唉,衣個JAZZ FEST,2024年就請到Herbie Hancock,衣D就真係JAZZ之餘,仲要係神人。

上年2025年就是但啦。

至於今年既頭牌,竟然係Kenny G,就真係估佢唔到。

所以,你話丫,西九班人,係米突然之間醒起要搵錢,所以就痴左線呢﹖

由今年JAZZ FEST,你就知道,西九既目標定位,係搵錢 -- 林緻茵講既咩文化基建,就算把啦。

最後,你唔係想唐英年陳智思上身,想將西九同外國博物館直接比較,話西九淨係指M+,M+以外既野唔關西九事丫麻。

*************
丫,唔記得講返個題想講既野添。

不過,你明架啦,西九衣類公營機構,其實以往就係退休高官圍威喂樂園,佢地駛唔駛識個公營機構既本業,就是但啦。遲下,唔知會唔會仲係退休高官樂園,不過就算唔係,都只會係兩地溶合專材既樂園。

你望下西九故宮班策展人,就知咩事 -- M+我冇睇過,所以就唔講。

又不過,丫,我之前米講過澳門美高梅個絲路展既。

衣個絲路展,米又係大陸人攪,不過佢個段數就由文字到展現方式,都好高段數。

真係,唔通專才都有唔同級別,黎得香港既,都係特別磚既﹖

*************
完。

西九文化區赤字的背後.圍威喂樂園 (2)

阿林緻茵每個星期都要係明報寫篇文。不過,如果諗唔到寫乜,係可以唔寫,或者求其搵野寫既。

佢寫衣篇西九文化區,就見到佢其實係充字數。

當佢講到,佢篇文既主旨,想探討既問題係「在財務壓力與文化使命之間,我們究竟應當以怎樣的框架,分析西九目前狀况」時,又見佢篇文不停用「?」,你就知佢係提出左個問題主旨,話要用咩框架之後,其實佢自己都係?????緊。

例如,當佢講到,「如果過去這幾年,香港完全沒有西九文化區,這個城市會變成怎樣?」時,你見唔見佢比左答案你,或者係比左咩答案﹖

原來,佢既答案係,「這些真切的文化體驗與城市記憶,並非帳面上的赤字所能抹煞」-- 佢講左成大段野,原來個答案同佢個問題,係無咩關係的。

佢成篇文,都真係吹漲。

**********
正題。

先講minor野。

佢篇文有句好UN我耳。佢講到,「審視一個文化基建的真正價值,絕不能流於短視」個段,入面提到香港迪士尼,之後再講D咁既野﹕

正如20多年前,特區政府決定引入迪士尼樂園時,公眾同樣對其龐大公帑投入提出過極大質疑。然而回看過去20年發展,樂園卻帶來了龐大品牌效應與經濟價值。

佢衣句野,就係政府一直支持入股注資香港迪士尼既理由。

佢講得出衣句野,亦都證明佢唔知香港迪士尼既歷史,以至香港迪士尼既運作方式 -- 衣點先係好多人質疑既地方。

最簡單,先講迪士尼既旅客群同埋帶黎既經濟效益。

當佢講到香港迪士尼「帶來了龐大品牌效應與經濟價值」時,如果佢唔係隨口UP,咁究竟個效應同價值係幾多﹖

佢講衣句野,我都好肯定係吹水求其UP,佢係冇查過資料。

不過,政府好多文件都有提過類似估計。之但係,全部都係吹水求其估。

例如,求其搵,你睇2016年注資迪士尼個次立法會其中一份政府回應議員提問既文件,入面文件第14段個表就講到注資之後,香港迪士尼既經濟效益係20年同40年分別係有大約200億同400億。

咁你唔好問,咩叫「經濟效益」啦。

不過,你再睇佢之段第13段個評估假設,就好有趣。份文件將到訪香港迪士尼既旅客,分左組3類,包括「基本遊客」、「專程遊客」、同埋「本地訪客」;佢係2016年既評估係,3者分別佔總遊客人數既37%、31%同31%。

佢係根據衣D假設,加埋旅客過夜日數有幾多之類,再推個「經濟效益」出黎。

咁你睇完衣個假設,你就要問,丫,香港政府一直話香港迪士尼吸引好多遊客喎。不過,原來政府個顧問報告,都只係敢估,「專程遊客」係得31%;而係總訪客人數入面,「本地訪客」原來都佔3成。

當然,你唔好睇政府假設,你再睇個實際數據。

香港迪士尼個每年業績簡介,其實都有交代本地、中國大陸、同埋海外旅客個比例。本地遊客個比例,係由2010年初既3成 (當時多大陸客,佢地佔比差不多去到50%),去到2015年打後,本地客都係佔40%訪客人數 -- 就算去到2024同2025年,本地訪客都仍然係佔40%同36% (衣個數,你唔好理COVID時期啦)。

咁你先唔好講當年政府個顧問報告個旅客分類人數假設 已經錯左  (再加埋入場人次假設都錯埋 -- COVID時邊有人入場JAK),所以佢個經濟效益分析已經錯曬。

你淨係要問,好多人口中香港迪士尼吸引左好多海外旅客。之但係,原來香港迪士尼係好倚賴本地旅客 -- 而所謂既「專程旅客」,究竟係有幾多呢,你就心照。

用另一角度,你就會更加睇到香港迪士尼對海外旅客既吸引力係點﹕你睇下香港迪士尼既入場人次,再扣返本地客個數,再除返開每年來港遊客,就大約知道有幾多黎左香港既旅客,係會去香港迪士尼。

條數好簡單﹕香港2025年有5千萬旅客,香港迪士尼有750萬人入場,當中大約有64%係海外旅客 (上面話左,2025年迪士尼有36%係本地客麻),即係有480萬入場既係海外遊客。

亦即係話,去左香港迪士尼既來港海外旅客 (唔理入面有幾多係「專程旅客」),只係佔來港旅客既9.6%。

香港唔係日本甚至東京,香港地方細,景點係得咁多。但係,香港迪士尼衣個所謂好吸引既景點,原來都只係吸到唔夠10%既海外旅客。咁究竟香港迪士尼點樣好似林緻茵所講,「帶來了龐大品牌效應與經濟價值」﹖

再者,而家好多友係網上都同你講,香港迪士尼好受日本妹歡迎,好多日本妹會坐廉航,住迪士尼或者東涌酒店,黎香港淨係禮拜六同日,去迪士尼玩兩日;酒店同迪士尼以外,香港經濟係冇乜得益的。

咁你話,衣個係反映到香港迪士尼有好強既「品牌效益」呀。但係,衣個品牌效應,又反映到係經濟價值咩﹖品牌效應,唔等於經濟價值。你要再問,就可以問埋,迪士尼衣款旅客,又究竟佔佢既客源幾多,對香港其他經濟貢獻有幾多﹖

**********
再者,我仲未講以往班尊貴同社會點解質疑香港迪士尼。

你睇返上面立法會文件條LINK,其實講左小小。

文件第8段講既管理同專利權費用,就係我之前係度提過,田北辰同好多泛民既人都係度嘈,點解無論香港迪士尼係賺係蝕都好,都要將10%既收入比返迪士尼母公司當做管理同專利權費用。

文件第18段,就係好多人由盤古初開,都質疑香港迪士尼既重點。我懶,直接COPY第18段到第23段比你睇﹕

18. 各個在美國以外的迪士尼度假區與迪士尼公司的合作安排各有其獨特性,內容亦各有不同。現於下文摘錄相關要點。 

19. 就巴黎迪士尼樂園和上海迪士尼度假區而言,政府均有參與其中,而迪士尼公司亦有擁有權。具體而言,法國政府在巴黎迪士尼沒有任何股權。在發展初期,法國政府以農地價格向迪士尼公司出售巴黎迪士尼(前稱歐洲迪士尼度假區)的用地。此外,法國政府亦提供了財務誘因(包括以低於市場利率提供約7.7億美元貸款和約 3,000 萬美元現金補助金)和基礎建設支援(包括資助興建地鐵和高速公路、安排火車在度假區入口停站,以及安排直接交通往來英法海底隧道)。另外,法國政府還曾向巴黎迪士尼提供稅務優惠。 

20. 至於上海迪士尼度假區,上海政府持有合營公司的 57%擁有權(即約為 130 億元人民幣股本),並出資在上海迪士尼附近興建基礎設施。此外,上海政府亦為上海迪士尼提供貸款和周轉信貸額(其財政承擔合共約為80億元人民幣)。上海迪士尼的用地屬國家擁有,由上海迪士尼的合營公司租用。 

21. 東京迪士尼度假區是一宗商業合作交易。東京迪士尼由私人公司Oriental Land Co. Ltd.全資擁有,迪士尼公司沒有任何擁有權。而東京迪士尼的用地亦由Oriental Land Co. Ltd.擁有。 

22. 香港特別行政區政府現時擁有主題樂園公司的 53%股本(約 107 億元股本)。與巴黎迪士尼樂園和上海迪士尼度假區的情況相若,香港政府提供香港迪士尼附近的基建設施和向主題樂園公司提供若干貸款(現時總額約為 11.5 億元)。香港迪士尼第一期用地的地價則以總值 40 億元的合營公司附屬股份支付,這些股份會視乎香港迪士尼經營期內的營運業績而逐步轉換為普通股。 

23. 值得留意的是,各個在美國以外的迪士尼度假區均有其獨特的發展歷程和個別情況,作出比較時應注意這些獨特的因素。然而,從上文可見,香港迪士尼與迪士尼公司的合作安排,就資本結構和提供基礎設施而言,與其他在美國以外的迪士尼度假區有相若之處,並沒有跡象顯示香港迪士尼的合作安排比其他地區的迪士尼度假區較差。 

衣幾段講既係,究竟各地政府點樣同迪士尼「合作」。

你可以望下,份文件講到各地政府都資助左唔同既迪士尼園區。不過,香港政府既資助,其實係特別多,係包括注資股本107億、再加貸款11.5億、同埋再加40億地價。根手,入文件冇提到 (或者係份文件既出現原因) 既係,係2016年,迪士尼二期擴建,香港政府又要再注資多50幾億鳥。

相對東京,份文件話東京迪士尼係由Oriental Land Co. Ltd.持有。你上網SEARCH,衣間野係日本仔京成電鐵做大股東,理論上係日本仔話事 (佢點運作我就唔深究),美國迪士尼無關係,咁東京迪士尼都應該要比專利權費,但係就唔需要比咩管理費。

你再睇法國迪士尼,雖然文件講到咁多咩稅務優惠,但係你見唔見法國政府要出好多錢去注資去比塊地佢﹖

睇埋上海,份文件都講到上海都係要比103億股本出黎。之但係,塊地係點樣安排﹖原來係,「上海迪士尼的用地屬國家擁有,由上海迪士尼的合營公司租用」。人地係租用架,唔係就咁用股本形式,比左香港迪士尼架。

衣D野,先係點解好多人話,香港迪士尼係不平等條約,點解咁多人由第一日開始,已經質疑香港政府係香港迪士尼既投資。

而家林緻茵九唔搭八,講到「公眾同樣對其龐大公帑投入提出過極大質疑」好似係錯誤,講到質疑既人冇留意到香港迪士尼「帶來了龐大品牌效應與經濟價值」,其實就係佢九唔搭八,唔知「20多年前」以至而家仍然好多質疑既人,佢地背後既論據係乜。

************
未完。

西九文化區赤字的背後.圍威喂樂園 (1)

林緻茵:西九文化區赤字的背後:公營文化機構表現 是否只看帳面

發布日期 2026年10月20日星期二

【明報文章】早前,西九文化區2025/26財政年度營運數據出爐:上個財政年度,西九基本營運赤字進一步擴大至9.98億元,按年增加約三成。面對這組數字,公眾與傳媒自然會產生各種質疑,從質疑管理層的薪酬架構、要求高管人員帶頭減薪,到憂慮公帑是否會不斷填補無底深潭。

但將西九文化區單純視為一間「蝕本企業」,並以商業公司損益表來衡量其成效,是否符合公營文化基建的定位?在財務壓力與文化使命之間,我們究竟應當以怎樣的框架,分析西九目前狀况?

西九的戰略定位

作為香港歷來最大型的文化基建,西九文化區與康文署的傳統文化設施定位有所不同——康文署側重普及藝術教育,而西九則是以面向國際藝術社群、參與最前沿的藝術文化討論為導向。

基於這個定位,西九在開拓國際網絡上確實取得進展,例如與法國龐比度中心、英國泰特美術館、美國紐約現代藝術博物館(MoMA)等50個世界各地文博機構簽署合作備忘錄,並舉辦了兩屆香港國際文化高峰論壇。節目方面,M+及故宮館藏的海外與內地巡展、港產音樂劇《大狀王》內地巡演,及吸引逾67萬人次的古埃及文明大展等,亦帶來了相當的訪客流量與國際關注。

不過,這些活動與國際連結工作,同時也會構成龐大營運開支。西九在維持國際化視野與高水平藝術內容之同時,須投入大量資源做策展、維護設施與前期準備。這也直接反映出公營文化機構難以迴避的現實:一方面要履行高水準的文化與公眾教育使命,另一方面要平衡財務收支。因此,在評估西九的效益時,我們需要回答兩個問題:第一,我們如何審視一個文化基建的價值?第二,我們如何理解「文化藝術項目的產出及影響」與「財務可持續性」之間的動態關係?

如何審視文化基建價值

每逢西九出現財務爭議,社會上總會出現兩邊意見:一邊是西九管理局力證其經濟貢獻的官方數據,另一邊則是只看帳面赤字的批評聲音。與其陷入數字的拉鋸,我們不如做一個簡單的思想實驗:如果過去這幾年,香港完全沒有西九文化區,這個城市會變成怎樣?

回顧過去數年,尤其是在疫情期間的困頓時刻,西九海濱長廊與相繼建成的展館,幾乎成了香港城市面貌的唯一轉變。當國際再度通關後,M+與香港故宮文化博物館迅速成為外地遊客來港的必到地標。內容創作上,從「貝聿銘:人生如建築」,到引發現象級熱潮的古埃及文明大展,西九確實製作出深受市民喜愛,同時能夠把香港策展風格帶到國際的展覽。在吸納全球經驗的過程中,它也實質培養了一批具備國際視野的本地策展與管理人才。這些真切的文化體驗與城市記憶,並非帳面上的赤字所能抹煞。

審視一個文化基建的真正價值,絕不能流於短視。事實上,在世界各國經驗中,任何大型公共設施——不論是文化藝術區抑或主題樂園——於規劃與建設前期,都必然經歷長期的資金投入與產出滯後期。正如20多年前,特區政府決定引入迪士尼樂園時,公眾同樣對其龐大公帑投入提出過極大質疑。然而回看過去20年發展,樂園卻帶來了龐大品牌效應與經濟價值。

西九目前連零售、餐飲等商業設施都僅建成了約3%,跟其規劃中的「完全體」尚有一大段距離。然而在未達「完全體」之前,它已經展現出相當的文化影響力與創收潛力。當未來的商業項目與演藝場館相繼建成之後,其能夠發揮的協同效應與社會回報,無疑會更大。

是財務過渡期還是結構問題?

這引伸出一個最根本的政策思考:我們對西九的期望,究竟是希望它像一間普通商業公司般「自負盈虧」?還是希望它能夠為香港帶來持續的文化與經濟貢獻,同時具備一定的自營創收能力,但承認其公共性而容許適度的制度補貼?

全世界所有公營文化藝術設施,其實都是虧蝕的。問題不在於「有沒有蝕」,而在於其本業創收能力與補貼方式。若將西九置於國際同業中橫向比較,其整體的「成本回收率」(自創收入佔總開支比例)達到40%,與美國紐約大都會藝術博物館(39%)及法國龐比度中心(36%)不相上下;規模與管理複雜度,更勝單一場館。西九營運收入按年增長19%,至7.68億港元,籌款收入亦升逾三成,證明其本業創收能力正在穩步提升。

至於「用什麼方式補貼」,目前西九是以「地產與商業項目交叉補貼」為定位。故此,與其只流於表面地評論其帳目,更關鍵問題是:「以地產養文化」的模式是否可行?目前西九只是處於「財務過渡期」,還是其虧損屬長期無法逆轉的結構問題?

當然,承認西九的宏觀效益,不意味着管理局可以對財務壓力高枕無憂。客觀而言,西九未來能否走出財困、實現可持續營運,還取決於以下條件。

西九持續發展的四大關鍵條件

第一是地產項目收益能否如期兌現。在環球經濟與本地地產市場經歷調整的背景下,2027年起陸續推出的寫字樓租賃、酒店和住宅招標,其市場估值與實際收益,是否能夠達到當初規劃的預期?這是決定西九未來能否真正實現「以地產養文化」的關鍵。

第二是高質素的內容——雖然古埃及文明大展取得巨大成功,惟大型文化機構不能完全依賴「偶發性」的超級展覽。西九未來是否能夠建立一套穩定、持續吸引高水準贊助與高質素展演的內容生產機制?

第三是捐贈與信託文化的培養。雖然西九籌款收入錄得三成增長,但香港整體的捐贈文化,跟歐美相比仍有差距。西九未來如何吸引本地及國際企業家、家族辦公室的長期大額捐贈,將是減輕財困的重要一環。

最後,國際經驗告於我們,成功的文化區不能孤立存在,必須與周邊的城市結構、地區行政、旅遊動線、商業配套結合,形成一個完整生態系統。西九需要與整個香港的「文化+旅遊」產業鏈深度融合,放大整體外溢效應。

總括而言,近10億元帳面赤字對一般市民來說確實龐大;但若放在國際文化地位提升的格局來看,我們究竟是在承擔一個沉重的財政包袱,還是在為這座城市的未來做一個值得的戰略投資?西九的帳面赤字,提醒了管理者必須在開源節流、提升營運效率上繼續努力;惟如果因帳面虧損而否定其作為香港最大文化基建的戰略價值,甚至以狹隘的短期績效指標,去束縛其藝術創新與國際交流的手腳,則是因小失大。

作者是公共政策顧問

原文網址:https://news.mingpao.com/pns/%e8%a7%80%e9%bb%9e/article/20261020/s00012/1792426803456

2026年10月19日星期一

全能政府又一鉅獻之升降機 (2)

雜誌社衣個報導角度,好多傳媒都提過下,大約係話富享邨個升降機招標過程入面,阿房委會都係有投票贊成搵出左問題既壹日。

不過,絕大多數,應該係全部既其他傳媒,都冇好似雜誌社再追問房委會,點解會有衣個決定;就算有,都係輕輕帶過,或者講到一舊舊啦。

雜誌社衣個追問同跟進報導,就好精彩啦。

******
即係咁,關於政府因為宏福之後提出好多大維修建議,我以往都係度都散收收講過幾次。

例如,衣個年頭既POST入面,我就開始講principle-agent problem。

跟手我早兩個月衣個POST話比你聽,由唔想咩獲既角度去睇,政府越介入大廈維修,維修費用就只會越貴。

原因係,由審批者既角度去睇,我緊係唔想咩獲;咁入標既人一定知衣件事,所以工程標準一定要提高,入標時一定會靚野你,後果就係,維修費會貴。

再最後,我上個月就講埋話,甯漢豪講既分拆驗樓顧問、監工顧問、同埋承建商,其實就係攪笑。

我以為我講既已經攪笑。

不過,今次升降機事件,更加係突破左我既想象。

*******
我一直既認知係,係租置公屋既任何業主大會入面,如果要做好多大維修聘請管理公司之類既決議的話,房委會以往絕大多數情況下都係投棄權票。

佢地一直以黎既解釋係,出售公屋應該係由小業主自己管理,政府唔應該有太多介入角色。

你見雜誌社既報導,都有提到衣個講法﹕

「房委會在 2025 年中起,有在租置屋邨的業主大會「適當地行使業權和投票權」。房委會解釋,是為了加強在租置屋邨長遠利益事務參與程度,更好地維護居民的福祉,共同維護屋苑的長遠利益。 」

即係,睇完衣個講法,你就確認到,原來係2025年中之前,房委會都係中立,都係投棄權票 -- 係去到2025年開始,房委會先「適當地行使業權和投票權」。

咁攪笑既係,當房委會用衣個新做法之後,竟然就一年未夠就瀨野,最後投票左比間有問題既臺日啦。

*******
衣個位係攪笑,亦都同我上面既講法有小小落差。

即係,如果房委會要行駛投票權,理論上就緊係越穩陣越好,緊係搵間評分高得黎,入標價都貴既公司。因為,就算出咩事都好,到時都唔會比人質疑,點解你要搵個次選,或者唔係最好既公司。

而家房委會偏偏選擇左個「被評為單價「過低」,「投標金額比估算投標金額低超過 30%」」既公司,我都唔知佢可以點向公眾解釋 (不過我下面會比個好合理亦好有機會係「真實既」解釋比你聽 -- 但係,衣個解釋,係唔可以同公眾講的)。

當然,而家除左雜誌社之外,冇傳媒報導,所以其實個問題根本唔存在,八萬五左啦;就算其他傳媒痴左線,有主流傳媒都報導,我又唔信而家會有人夠膽challenge政府既決定的。

不過,房委會係今次業主大會入面,比票比左間咁既公司,就真係好神奇,實有人會話,ICAC需唔需要查下。

我呢,唔認為件事一定有ICAC相關問題。

最簡單既解釋可能係,房委會冇錢,所以情願選擇間「被評為單價過低」既公司 -- 就算個標價唔合理,平就得啦,唔好理咁多啦。

件事,就係咁簡單。

如果今次係私人樓宇維修,市解局淨係幫你評標選擇維修公司而佢自己唔需要出錢的話,我都仍然好相信,市建局一定唔會搵報價低過平址入標價既公司的。

經過今次房委會瀨野事件之後,我更加相信衣個睇法。
你估呀甯漢豪見到衣單野之後,佢仲會幾落推佢個市建局維修建議丫拿﹖佢仲有唔夠一年,就收工,真係臨收工前,都要咁落力﹖

*************
之但係,ANYWAY,今次件事,就好另類咁突顯左我之前講既問題﹕你要政府介入做大維修,出事時,究竟邊個咩獲﹖

再深一層既問題係,無論係今次房委會SEVEN左,又或者將來市建局幫你評標都好,究竟最後一刻落決定要搵邊個承建商既,究竟係咩層級既官﹖

如果個選擇係出左事,個官需唔需要負責呢﹖

*************
以往既AO,一定會諗上面提到既衣個問題。

所以,咁多年黎,政府都唔會同你介入大維修。

因為,佢地唔想咩獲。

如果唔想咩獲,我就要有好多程序,好多官僚架構,「去確保公平公正」,即係唔駛個別官府人士上身。

除此之外,班官都仲有自知之名,知道自己唔夠好多「業界人士」去玩,亦都知自己要避好多嚴,最終就好多野都推唔到 (「推到」既意思係,派到錢)。

所以,就好似我上個POST咁講,好多時官府就算要派錢,都唔願意親自落水 -- 就算要落水,我都係搵旅發局呀咩數碼港呀科技園去做,有咩問題,「都係數碼港個總監貪污」,同政府無關。

(當然,你唔好問我,咁點解好多政府創科同埋環保社區基金,米又係亂派錢 -- 咁衣D基金既政策目標,就一出世以黎,就係亂派錢架麻。)

***************
結論係,都係個句,今次房委會出左事,佢當然可以話,「我都係信左市建局個獨立顧問同機電署個註冊承建商評級JAK,佢地都冇話臺日有問題」。

之但係,有其他評級更好既公司你唔選擇,你仲要選擇左個入標價低於平均價既公司,就真係好難解釋 -- 當然,我都唔知房委會或者政府內部會唔會要做決定條友解釋,之但係,都係個句,社會上面,就冇人要你解釋啦。

***************
其實仲有野可以講。

例如,今次出事後,EMSD去信要求所有註冊升降機承辦商去檢查過去10年既升降機,仲要承辦商「簽聲明書 確認10年來所處理的升降機層站門具抗火效能」。

衣個,就擺明係EMSD補獲+自保既方案,日後如果再出事,都係承辦商違反聲明書既問題,唔係EMSD係制度上既問題啦。

之但係,EMSD衣個要求,又好巧妙 -- 如果1個月後發現,過去10年有超過一半既升降機都有問題的話,咁EMSD會唔會要求檢查既年期延長去到15年甚至20年呢﹖

有D天真既工程師有衣個講法 -- 當然,正路既工程師係會咁諗野;但係政治上,衣個講法,係太天真鳥。

因為,2026年之前既10年,係2016年;2026年之前既15年,即係2011年,亦即係去到2011年開始既升降機都要檢查。

我上面衣句,係米低能呢﹖

其實,係唔低能的,原因如下﹕

衣排出曬風頭既陳帆,就做左工程師學會會長,佢見傳媒時就好有型咁同你講,如果有工程師老細要求你因為趕工而要犧牲某些安全標準,「你應該炒你老細,你唔好做,因為你做咗你諗諗你帶出嚟嘅後果係咩?如果有事故發生,你對唔對得住受影響嘅人士?」

阿陳帆真係有型。

但係,佢係2017年加入林鄭問責團隊之前,係做咩架話﹖佢由2011年開始,係機電工程署署長。

而家發現,阿臺日原來有8成既升降機都有問題。

而再根據HK01報導,阿臺日係2006年成立,你話係陳帆在任機電工程署署長甚至副署長期間,究竟有幾多升降機係有問題丫拿﹖

佢咁鐘意發表偉論,又做埋人大,咁搵個記者對枝咪比佢發表下意見啦。

所以,你話就算有咩問題都好,EMSD會唔會要承建商檢查既升降機EXTEND去到20年﹖

嘿﹗

***************
最後,阿昌哥早過星期就話,赤柱鋼根單野,係外判上判既制度問題。

衣個解釋,雖然好過坊間既解釋,之但係我就都唔係好信服 -- 當然,阿建灝規模細,判上判完可能冇下次,就可能放大左個判上判可能出現既問題 (你係新鴻基下面既分判,你做咩都唔會咁過份,都會驚下次仲有冇得合作架麻)。

又再之但係,臺日衣單野真係好攪笑。

EMSD,係咁多年都冇抽查升降機,定真係有咩問題,咁都發現唔到臺日有問題呢﹖

而臺日係米強勁到咁多年黎,所有合約都係次次都續到約,又冇其他公司新入場發現到個問題呢﹖

好多野,真係睇下有冇傳媒再追。

之但係,都要講下我致愛既梁文廣,佢真係天才。阿臺日出左事,再加上有人質疑點解係富享邨個次投票入面,點解房委會同大部份居民既選擇都唔同,阿梁文廣都仲可以咁講﹕

「梁文廣今早(19日)在電台節目中表示,過往房委會多數不會行使投票權,近年參與投票值得肯定,但建議房委會與機電署、屋宇署、市建局和房屋署等多個部門建立內部溝通機制,事先了解機電署對評估。」

阿哥,今次房委會米係睇左市建局顧問同機電署個評級,先咁樣投票囉,你仲肯定佢,仲要咁多建議,真係一流。

咁係米房委會要出多幾次事,你先會質疑房委會應唔應該參與投票丫拿。

*********************
真係最後。

你睇雜誌社另一則報導,就係咁講﹕

警方周五(16日)拘捕三人,包括一名工程承辦商負責人,及兩名簽發安全證書的註冊升降機工程師。事件由中科監察主席潘焯鴻日前在網上踢爆,並指在工程投標時,房署以較大的業權份數,影響投票結果,最終選擇了臺日電梯。

我都好奇怪,究竟潘焯鴻點解無啦啦會攪衣樣野呢﹖

ANYWAY,我想講既係,今次出事既事發點係翠屏北邨。之前我貼開圍標新聞時,其實翠屏北就係重點區啦。

咁究竟真係潘焯鴻無啦啦搵到出黎,定有人放料比佢,定係咩原因呢,就好有趣 -- 當然,衣D咁既屋邨,你入到去分一杯的話,都知咩料。

咁翠屏早兩年出左事,官府各大機構都唔去查下,就真係,問下陳帆有咩睇法啦。

*************
完。