2026年10月20日星期二

西九文化區赤字的背後.圍威喂樂園 (3)

講返西九文化區。

講到西九文化區,佢既問題係,你唔好理佢點解有咁多不可抗力,咁多人唔可以係西九租場。

個問題係,佢成日將自己同外國博物館比較,不過就永遠都唔提,佢自己唔係一個博物館館,而係一個文化區。

你咁大個園區,可以做既野,其實係比外國既博物館多好多;你將自己同其他博物館相比,都係誤導。

衣個,係我咁耐以黎一直講既野,係西九班人最令我反感個樣野。

**********
另一樣反感既野,就係佢地既不思進取,咩都唔做,等運到。

你睇久利新衣篇文,佢其實係玩野的。佢篇文提到好多西九作為博物館增加收入既方法,咁佢係篇文既尾段都自爆左,篇文「AI又吹大咗」。

咁你唔好理佢篇文係米AI吹大,又或者有D所謂既建議其實係米九唔搭八。例如,佢篇文提到,「內地博物館近年廣泛採用 3D 打印複製遠方石窟」,咁其實香港公家博物館 (衣個就好似) 或者係城大個博物館 (衣個就肯定,事關城大十幾年前已經攪過類似既野,之後不停攪類似既野),都做過類似既野,唔需要香港故宮去引入啦。

再者,香港故宮係賣真實,賣真正既國寶展覽,又點可能玩咩3D石窟﹖

不過,久利新篇文話比你聽,其實AI求其吹,都好多野係可以發生 -- 之但係,西九係求求其其,好多野做左之後,就等運到,所有錯誤都可以重複犯錯。

************
比幾個例子。

你望下西九咁多展,佢上年埃及展好成功麻,不過開幕個禮拜迫爆左,就是但啦,話曬都係第一次咁成功。

但係,今年個「設計阿」展覽又係出現一樣情況,仲要出位到臨閉館前30分鐘都要放人入去。

咁你衣D係咩安排係咩管理﹖係米我做左個展,有人排隊好睇喎,咁你慢慢排我唔理你啦,咁呀﹖

你再望下西九,其實係2025年尾有個好成功既展覽 (﹗﹗),係叫做香港麥當勞i'm lovin' it 50週年展。個展覽我冇去到都知佢成功,因為,佢一開賣個幾日,我已經訂唔到飛﹗

之但係,個展覽係由麥當勞攪,佢都識得要預訂要分時段入場,要比返個好既體驗你去打卡。你西九班人,所謂既策展管理博物館,仲要收咁高人工,不過真係連麥當勞都不如。

而更加攪笑既係,個麥當勞展係西九自由空間入面攪的,好快賣曬飛之後,就真係攪左原訂兩個禮拜就收皮 -- 咁受歡迎,其實係延長,或者將某些場景擺去西九其他地方,又有冇考慮過呢﹖

***********
唔講麥當勞,唔講展覽。

之前講過,西九咁大塊草地,有咁多地方,其實可以有好多野做。除左成日攪D一個月一兩次既大型活動,佢淨係塊草地同附近餐廳,其實都好多野可以攪。

同我睇唔順眼既海洋公園相比,海洋公園係大策略上 (即係主題樂園運作模式) 係錯曬,但係佢係micro-mangement或者管理層係吸客新意上,其實由劉鳴煒末年開始,都見到佢地係想做野。

例如,2020年個7大主題園區翻新計劃收皮之後,海洋公園其實係開始攪水上瑜伽同埋星空露營體驗。衣D係輕資產,唔洗大量投入,但係DRAW到人流,多回頭客既活動 -- 不過係唔好彩在,推出無耐就COVID鳥。

去到COVID,海洋公園開始比狗入,衣幾年仲要攪會員狗狗日。衣D活動,未必好賺錢,不過可以利用寵物去吸引人做會員,擴大返你個恆常再加較忠心既客戶群,甚至有人可能肯捐下錢,咁點解西九唔做﹖

西九最多人流就係草地入面,你有冇見佢係草地擺下檔,送張postcard比你叫你做下會員捐下錢﹖

西九班人,搵保安叫你隻狗帶返狗帶,就識做。

講到寵物,而家海洋公園之外,而家私人寵物活動都好多花臣,早排見到衣個微風村廣告,仲痴線到收你幾百蚊係夜晚玩草地人寵電影,仲要玩左年幾兩年都未執粒,就證明有人會願意比錢。

咁你話西九攪過乜﹖佢係好早年,仲係自由野時期,都有攪免費既戶外電影。之但係,COVID期間,自由野變左做自由約之後,都好似成件事失蹤埋,自由約都唔知仲有冇,成個西九都唔知做緊乜。

西九係多左M+夜不同,或者多左好多大型戶外活動,甚至痴線到早兩個星期咁熱都係下午同你玩西九野餐。

之但係,除左衣類ROUTINE活動,或者耐唔耐有D特別但係好痴線既活動之外,你唔覺西九有咩好特別既野,或者有心去做野。

**************
即係咁,講起個心去做野,咁又講返展覽。

西九同故宮既展覽,其實係藝術界就好出名。

你唔好理九唔搭八胡恩威個D上左岸/上緊岸要倚靠權力又要扮清高個類「藝術界人士」。


個POST既COMMENT入面,有人將M+既展覽比喻為「百貨櫥窗式DISPLAY加表面解說文字」,就唔錯;再有人講到,「Hertiage Museeum同香港藝術館個別策展好過M+」,都係幾獨到。

(丫,你如果唔明咩叫百貨櫥窗式DISPLAY的話,你睇返我早兩個月講歷史博物館個新香港故事,個POST入面張相,就係櫥窗DISPLAY)

即係咁,我對M+好多藝術展都冇乜興趣,但係好開頭都去睇過佢既常設展。你睇佢個常設展,就真係唔知做乜,好多野真係得個兩行阿媽係女人既介紹。

你望下我都講過下既香港藝術館攪外銷畫展,佢好多年前做過一次外銷畫展之後,其實之後都KEEP住有做,不過每次都有小小新意,用新科技之餘,係見到成個策展背後想講既野係乜 -- 衣段字入面即係上兩句個條LINK,就有藝術館負責個展既館長訪問,佢就好清晰講到成個展既設計理念。

我特別講衣樣野,係因為,上年M+有個畢加索展,都對藝術冇興趣都有小小興趣。之但係,竟然見到有人講D咁既野,話個展覽求求其其,就真係令我算數。

咁你話,有人開名咁樣做評論,講到咁直接,你話M+係米真係好厲害呢。

************
話時話,西九畢加索展個期,你見唔見西九有好好利用衣個展覽﹖例如,你行西九近碼頭個間唔知係BOOK SHOP定咩野,間野真係長期都係擺個D所謂文創藝術野,但係永遠都唔會同佢個期既展覽配合做改變的。

西九真係由上到下,都好統一,求求其其。

唔係衣期冇錢,佢地都未必會開始攪咁多M+夜不同,或者係日頭30度同你野餐。

************
結論係,其實係冇乜野。

你見西九,其實係一個好獨特既存在。

佢既問題係,如果要返返去林緻茵個問題的話,個問題並非「是否符合公營文化基建的定位」,又或者係要問「如果過去這幾年,香港完全沒有西九文化區,這個城市會變成怎樣」。

要問既係,其實西九有咁多唔同既館,唔同既空間,佢想做既係乜野﹖

你可以話,西九M+係好似林緻茵咁講,佢既目標係「維持國際化視野與高水平藝術內容之同時」。但係,你睇佢展覽內容,我又唔覺得好高水準。

或者係,再marco去咁講,就好似上面THREAD條LINK所講,M+開頭係想做中國當代藝術COLLECTION,但係「要做好呢個collection,脈絡必須要緊貼中國近代時政發展。在後來香港環境變遷/主旋律/紅線之下,基本上沒辦法 (政治藝術,玩世現實藝術,傷痕藝術.....)」。

(唔係題外話﹕

係thread入面,位人兄衣段comment講得好好,所以上面個段,我我照copy位人兄,佢提到脈絡....紅線...沒辦法,再講埋傷痕藝術,就真係成個當代中國藝術以至M+要做好多展都必然要面對既問題。

另外,你有留意的話,西九係好早期,又真係講過佢想做當代中國藝術 -- 而佢常設展同其他展,係開頭時,又真係好多中國當代藝術的。你望下M+衣個PAGE,入面講既希克collection,就thread個comment都有人提過下,亦都回應緊上面個段quote講既脈絡問題。

即係,我唔識藝術,不過八十年代初套  苦戀 電影版就被禁到而家。衣套野個名句,「您愛這個國家,苦苦地戀著這個國家,可這個國家愛您嗎?」,就到而家更加係死罪。至於戴厚英既「人啊,人!」,係我小數睇過既傷痕文學作品,我而家都完全唔記得佢講乜。不過,衣d咁既傷痕文學,係大陸而家仲有冇人敢寫﹖

大陸都係禁左苦戀呀活著個幾套戲,D書就未禁既既。不過,係國家要安全既香港,衣d書都有機會係禁書 -- 不過,好彩好多人都唔識字,所以我剛剛查返,香港公共圖書館仲可以借到「人啊人」。之但係,佢同余華既活著,都係放左係備用書庫,要睇要借就要問圖書館去扲。嘿﹗

丫,講多句,我特登再睇下上面個希克COLLECTION,我記得當年就有人問M+,佢會點處理艾未末既作品。係M+衣條LINK入面,有艾未未既collection。你望下佢個「透視天安門」作品,由當年引起既所謂爭議,到而家都唔夠膽放張相上去網頁;而成個網頁,你睇完,都唔會知道,艾未未係乜水,有乜咁敏感,或者有乜代表性,你就會明白,我上面QUOTE個位人兄,講既「脈絡」係幾咁重要 -- 冇「脈絡」的話,好多所謂當代中國藝術,其實都係九唔搭八,你真係就咁望住艾未未個咩一虎八奶圖同類似既野,就真係唔知佢做乜春的。

當然,遲下可能冇事架啦,M+可能會整到個艾未未作品展添呀。事關,艾未未,衣幾年,真係唔知做乜腦根急轉灣~)

ANYWAY,我補完幾句之後,離左好多題添。

咁你唔好理M+個定位係點。

而家西九攪好多M+夜不同,多左好多流行文化,咁其實M+以至成個西九,又真係想點呢﹖

你米個館就唔玩前衛當代藝術,攪多D卓頭野;館外就玩多D本地流行文化,用音樂賺下錢﹖

成個西九,以至佢唔同PART,其實都唔知佢做緊乜。

**************
最後,差D唔記得講。

上年西九爵士音樂節,即係個JAZZ FEST,係免費個部份,已經有人投訴,話竟然係夜晚個PART係玩canton disco同埋九唔搭八rapper。

咁我唔知係米啦。

不過,今年JAZZ FEST,要買飛入場個PART,個頭牌,竟然係Kenny G﹗

大佬呀,唔好咁癲啦,唔係扲住個色士風就係JAZZ架...........

你咁講,謝庭峰都係香港搖滾既殿堂,黃家駒都要行開一邊啦................

你係一般人都冇咩所謂,KENNY G係JAZZ米JAZZ囉。之但係,你係所謂既香港重要文化設施,有「文化」兩隻字,就唔該分清楚咩係JAZZ囉。

唉,衣個JAZZ FEST,2024年就請到Herbie Hancock,衣D就真係JAZZ之餘,仲要係神人。

上年2025年就是但啦。

至於今年既頭牌,竟然係Kenny G,就真係估佢唔到。

所以,你話丫,西九班人,係米突然之間醒起要搵錢,所以就痴左線呢﹖

由今年JAZZ FEST,你就知道,西九既目標定位,係搵錢 -- 林緻茵講既咩文化基建,就算把啦。

最後,你唔係想唐英年陳智思上身,想將西九同外國博物館直接比較,話西九淨係指M+,M+以外既野唔關西九事丫麻。

*************
丫,唔記得講返個題想講既野添。

不過,你明架啦,西九衣類公營機構,其實以往就係退休高官圍威喂樂園,佢地駛唔駛識個公營機構既本業,就是但啦。遲下,唔知會唔會仲係退休高官樂園,不過就算唔係,都只會係兩地溶合專材既樂園。

你望下西九故宮班策展人,就知咩事 -- M+我冇睇過,所以就唔講。

又不過,丫,我之前米講過澳門美高梅個絲路展既。

衣個絲路展,米又係大陸人攪,不過佢個段數就由文字到展現方式,都好高段數。

真係,唔通專才都有唔同級別,黎得香港既,都係特別磚既﹖

*************
完。

西九文化區赤字的背後.圍威喂樂園 (2)

阿林緻茵每個星期都要係明報寫篇文。不過,如果諗唔到寫乜,係可以唔寫,或者求其搵野寫既。

佢寫衣篇西九文化區,就見到佢其實係充字數。

當佢講到,佢篇文既主旨,想探討既問題係「在財務壓力與文化使命之間,我們究竟應當以怎樣的框架,分析西九目前狀况」時,又見佢篇文不停用「?」,你就知佢係提出左個問題主旨,話要用咩框架之後,其實佢自己都係?????緊。

例如,當佢講到,「如果過去這幾年,香港完全沒有西九文化區,這個城市會變成怎樣?」時,你見唔見佢比左答案你,或者係比左咩答案﹖

原來,佢既答案係,「這些真切的文化體驗與城市記憶,並非帳面上的赤字所能抹煞」-- 佢講左成大段野,原來個答案同佢個問題,係無咩關係的。

佢成篇文,都真係吹漲。

**********
正題。

先講minor野。

佢篇文有句好UN我耳。佢講到,「審視一個文化基建的真正價值,絕不能流於短視」個段,入面提到香港迪士尼,之後再講D咁既野﹕

正如20多年前,特區政府決定引入迪士尼樂園時,公眾同樣對其龐大公帑投入提出過極大質疑。然而回看過去20年發展,樂園卻帶來了龐大品牌效應與經濟價值。

佢衣句野,就係政府一直支持入股注資香港迪士尼既理由。

佢講得出衣句野,亦都證明佢唔知香港迪士尼既歷史,以至香港迪士尼既運作方式 -- 衣點先係好多人質疑既地方。

最簡單,先講迪士尼既旅客群同埋帶黎既經濟效益。

當佢講到香港迪士尼「帶來了龐大品牌效應與經濟價值」時,如果佢唔係隨口UP,咁究竟個效應同價值係幾多﹖

佢講衣句野,我都好肯定係吹水求其UP,佢係冇查過資料。

不過,政府好多文件都有提過類似估計。之但係,全部都係吹水求其估。

例如,求其搵,你睇2016年注資迪士尼個次立法會其中一份政府回應議員提問既文件,入面文件第14段個表就講到注資之後,香港迪士尼既經濟效益係20年同40年分別係有大約200億同400億。

咁你唔好問,咩叫「經濟效益」啦。

不過,你再睇佢之段第13段個評估假設,就好有趣。份文件將到訪香港迪士尼既旅客,分左組3類,包括「基本遊客」、「專程遊客」、同埋「本地訪客」;佢係2016年既評估係,3者分別佔總遊客人數既37%、31%同31%。

佢係根據衣D假設,加埋旅客過夜日數有幾多之類,再推個「經濟效益」出黎。

咁你睇完衣個假設,你就要問,丫,香港政府一直話香港迪士尼吸引好多遊客喎。不過,原來政府個顧問報告,都只係敢估,「專程遊客」係得31%;而係總訪客人數入面,「本地訪客」原來都佔3成。

當然,你唔好睇政府假設,你再睇個實際數據。

香港迪士尼個每年業績簡介,其實都有交代本地、中國大陸、同埋海外旅客個比例。本地遊客個比例,係由2010年初既3成 (當時多大陸客,佢地佔比差不多去到50%),去到2015年打後,本地客都係佔40%訪客人數 -- 就算去到2024同2025年,本地訪客都仍然係佔40%同36% (衣個數,你唔好理COVID時期啦)。

咁你先唔好講當年政府個顧問報告個旅客分類人數假設 已經錯左  (再加埋入場人次假設都錯埋 -- COVID時邊有人入場JAK),所以佢個經濟效益分析已經錯曬。

你淨係要問,好多人口中香港迪士尼吸引左好多海外旅客。之但係,原來香港迪士尼係好倚賴本地旅客 -- 而所謂既「專程旅客」,究竟係有幾多呢,你就心照。

用另一角度,你就會更加睇到香港迪士尼對海外旅客既吸引力係點﹕你睇下香港迪士尼既入場人次,再扣返本地客個數,再除返開每年來港遊客,就大約知道有幾多黎左香港既旅客,係會去香港迪士尼。

條數好簡單﹕香港2025年有5千萬旅客,香港迪士尼有750萬人入場,當中大約有64%係海外旅客 (上面話左,2025年迪士尼有36%係本地客麻),即係有480萬入場既係海外遊客。

亦即係話,去左香港迪士尼既來港海外旅客 (唔理入面有幾多係「專程旅客」),只係佔來港旅客既9.6%。

香港唔係日本甚至東京,香港地方細,景點係得咁多。但係,香港迪士尼衣個所謂好吸引既景點,原來都只係吸到唔夠10%既海外旅客。咁究竟香港迪士尼點樣好似林緻茵所講,「帶來了龐大品牌效應與經濟價值」﹖

再者,而家好多友係網上都同你講,香港迪士尼好受日本妹歡迎,好多日本妹會坐廉航,住迪士尼或者東涌酒店,黎香港淨係禮拜六同日,去迪士尼玩兩日;酒店同迪士尼以外,香港經濟係冇乜得益的。

咁你話,衣個係反映到香港迪士尼有好強既「品牌效益」呀。但係,衣個品牌效應,又反映到係經濟價值咩﹖品牌效應,唔等於經濟價值。你要再問,就可以問埋,迪士尼衣款旅客,又究竟佔佢既客源幾多,對香港其他經濟貢獻有幾多﹖

**********
再者,我仲未講以往班尊貴同社會點解質疑香港迪士尼。

你睇返上面立法會文件條LINK,其實講左小小。

文件第8段講既管理同專利權費用,就係我之前係度提過,田北辰同好多泛民既人都係度嘈,點解無論香港迪士尼係賺係蝕都好,都要將10%既收入比返迪士尼母公司當做管理同專利權費用。

文件第18段,就係好多人由盤古初開,都質疑香港迪士尼既重點。我懶,直接COPY第18段到第23段比你睇﹕

18. 各個在美國以外的迪士尼度假區與迪士尼公司的合作安排各有其獨特性,內容亦各有不同。現於下文摘錄相關要點。 

19. 就巴黎迪士尼樂園和上海迪士尼度假區而言,政府均有參與其中,而迪士尼公司亦有擁有權。具體而言,法國政府在巴黎迪士尼沒有任何股權。在發展初期,法國政府以農地價格向迪士尼公司出售巴黎迪士尼(前稱歐洲迪士尼度假區)的用地。此外,法國政府亦提供了財務誘因(包括以低於市場利率提供約7.7億美元貸款和約 3,000 萬美元現金補助金)和基礎建設支援(包括資助興建地鐵和高速公路、安排火車在度假區入口停站,以及安排直接交通往來英法海底隧道)。另外,法國政府還曾向巴黎迪士尼提供稅務優惠。 

20. 至於上海迪士尼度假區,上海政府持有合營公司的 57%擁有權(即約為 130 億元人民幣股本),並出資在上海迪士尼附近興建基礎設施。此外,上海政府亦為上海迪士尼提供貸款和周轉信貸額(其財政承擔合共約為80億元人民幣)。上海迪士尼的用地屬國家擁有,由上海迪士尼的合營公司租用。 

21. 東京迪士尼度假區是一宗商業合作交易。東京迪士尼由私人公司Oriental Land Co. Ltd.全資擁有,迪士尼公司沒有任何擁有權。而東京迪士尼的用地亦由Oriental Land Co. Ltd.擁有。 

22. 香港特別行政區政府現時擁有主題樂園公司的 53%股本(約 107 億元股本)。與巴黎迪士尼樂園和上海迪士尼度假區的情況相若,香港政府提供香港迪士尼附近的基建設施和向主題樂園公司提供若干貸款(現時總額約為 11.5 億元)。香港迪士尼第一期用地的地價則以總值 40 億元的合營公司附屬股份支付,這些股份會視乎香港迪士尼經營期內的營運業績而逐步轉換為普通股。 

23. 值得留意的是,各個在美國以外的迪士尼度假區均有其獨特的發展歷程和個別情況,作出比較時應注意這些獨特的因素。然而,從上文可見,香港迪士尼與迪士尼公司的合作安排,就資本結構和提供基礎設施而言,與其他在美國以外的迪士尼度假區有相若之處,並沒有跡象顯示香港迪士尼的合作安排比其他地區的迪士尼度假區較差。 

衣幾段講既係,究竟各地政府點樣同迪士尼「合作」。

你可以望下,份文件講到各地政府都資助左唔同既迪士尼園區。不過,香港政府既資助,其實係特別多,係包括注資股本107億、再加貸款11.5億、同埋再加40億地價。根手,入文件冇提到 (或者係份文件既出現原因) 既係,係2016年,迪士尼二期擴建,香港政府又要再注資多50幾億鳥。

相對東京,份文件話東京迪士尼係由Oriental Land Co. Ltd.持有。你上網SEARCH,衣間野係日本仔京成電鐵做大股東,理論上係日本仔話事 (佢點運作我就唔深究),美國迪士尼無關係,咁東京迪士尼都應該要比專利權費,但係就唔需要比咩管理費。

你再睇法國迪士尼,雖然文件講到咁多咩稅務優惠,但係你見唔見法國政府要出好多錢去注資去比塊地佢﹖

睇埋上海,份文件都講到上海都係要比103億股本出黎。之但係,塊地係點樣安排﹖原來係,「上海迪士尼的用地屬國家擁有,由上海迪士尼的合營公司租用」。人地係租用架,唔係就咁用股本形式,比左香港迪士尼架。

衣D野,先係點解好多人話,香港迪士尼係不平等條約,點解咁多人由第一日開始,已經質疑香港政府係香港迪士尼既投資。

而家林緻茵九唔搭八,講到「公眾同樣對其龐大公帑投入提出過極大質疑」好似係錯誤,講到質疑既人冇留意到香港迪士尼「帶來了龐大品牌效應與經濟價值」,其實就係佢九唔搭八,唔知「20多年前」以至而家仍然好多質疑既人,佢地背後既論據係乜。

************
未完。

西九文化區赤字的背後.圍威喂樂園 (1)

林緻茵:西九文化區赤字的背後:公營文化機構表現 是否只看帳面

發布日期 2026年10月20日星期二

【明報文章】早前,西九文化區2025/26財政年度營運數據出爐:上個財政年度,西九基本營運赤字進一步擴大至9.98億元,按年增加約三成。面對這組數字,公眾與傳媒自然會產生各種質疑,從質疑管理層的薪酬架構、要求高管人員帶頭減薪,到憂慮公帑是否會不斷填補無底深潭。

但將西九文化區單純視為一間「蝕本企業」,並以商業公司損益表來衡量其成效,是否符合公營文化基建的定位?在財務壓力與文化使命之間,我們究竟應當以怎樣的框架,分析西九目前狀况?

西九的戰略定位

作為香港歷來最大型的文化基建,西九文化區與康文署的傳統文化設施定位有所不同——康文署側重普及藝術教育,而西九則是以面向國際藝術社群、參與最前沿的藝術文化討論為導向。

基於這個定位,西九在開拓國際網絡上確實取得進展,例如與法國龐比度中心、英國泰特美術館、美國紐約現代藝術博物館(MoMA)等50個世界各地文博機構簽署合作備忘錄,並舉辦了兩屆香港國際文化高峰論壇。節目方面,M+及故宮館藏的海外與內地巡展、港產音樂劇《大狀王》內地巡演,及吸引逾67萬人次的古埃及文明大展等,亦帶來了相當的訪客流量與國際關注。

不過,這些活動與國際連結工作,同時也會構成龐大營運開支。西九在維持國際化視野與高水平藝術內容之同時,須投入大量資源做策展、維護設施與前期準備。這也直接反映出公營文化機構難以迴避的現實:一方面要履行高水準的文化與公眾教育使命,另一方面要平衡財務收支。因此,在評估西九的效益時,我們需要回答兩個問題:第一,我們如何審視一個文化基建的價值?第二,我們如何理解「文化藝術項目的產出及影響」與「財務可持續性」之間的動態關係?

如何審視文化基建價值

每逢西九出現財務爭議,社會上總會出現兩邊意見:一邊是西九管理局力證其經濟貢獻的官方數據,另一邊則是只看帳面赤字的批評聲音。與其陷入數字的拉鋸,我們不如做一個簡單的思想實驗:如果過去這幾年,香港完全沒有西九文化區,這個城市會變成怎樣?

回顧過去數年,尤其是在疫情期間的困頓時刻,西九海濱長廊與相繼建成的展館,幾乎成了香港城市面貌的唯一轉變。當國際再度通關後,M+與香港故宮文化博物館迅速成為外地遊客來港的必到地標。內容創作上,從「貝聿銘:人生如建築」,到引發現象級熱潮的古埃及文明大展,西九確實製作出深受市民喜愛,同時能夠把香港策展風格帶到國際的展覽。在吸納全球經驗的過程中,它也實質培養了一批具備國際視野的本地策展與管理人才。這些真切的文化體驗與城市記憶,並非帳面上的赤字所能抹煞。

審視一個文化基建的真正價值,絕不能流於短視。事實上,在世界各國經驗中,任何大型公共設施——不論是文化藝術區抑或主題樂園——於規劃與建設前期,都必然經歷長期的資金投入與產出滯後期。正如20多年前,特區政府決定引入迪士尼樂園時,公眾同樣對其龐大公帑投入提出過極大質疑。然而回看過去20年發展,樂園卻帶來了龐大品牌效應與經濟價值。

西九目前連零售、餐飲等商業設施都僅建成了約3%,跟其規劃中的「完全體」尚有一大段距離。然而在未達「完全體」之前,它已經展現出相當的文化影響力與創收潛力。當未來的商業項目與演藝場館相繼建成之後,其能夠發揮的協同效應與社會回報,無疑會更大。

是財務過渡期還是結構問題?

這引伸出一個最根本的政策思考:我們對西九的期望,究竟是希望它像一間普通商業公司般「自負盈虧」?還是希望它能夠為香港帶來持續的文化與經濟貢獻,同時具備一定的自營創收能力,但承認其公共性而容許適度的制度補貼?

全世界所有公營文化藝術設施,其實都是虧蝕的。問題不在於「有沒有蝕」,而在於其本業創收能力與補貼方式。若將西九置於國際同業中橫向比較,其整體的「成本回收率」(自創收入佔總開支比例)達到40%,與美國紐約大都會藝術博物館(39%)及法國龐比度中心(36%)不相上下;規模與管理複雜度,更勝單一場館。西九營運收入按年增長19%,至7.68億港元,籌款收入亦升逾三成,證明其本業創收能力正在穩步提升。

至於「用什麼方式補貼」,目前西九是以「地產與商業項目交叉補貼」為定位。故此,與其只流於表面地評論其帳目,更關鍵問題是:「以地產養文化」的模式是否可行?目前西九只是處於「財務過渡期」,還是其虧損屬長期無法逆轉的結構問題?

當然,承認西九的宏觀效益,不意味着管理局可以對財務壓力高枕無憂。客觀而言,西九未來能否走出財困、實現可持續營運,還取決於以下條件。

西九持續發展的四大關鍵條件

第一是地產項目收益能否如期兌現。在環球經濟與本地地產市場經歷調整的背景下,2027年起陸續推出的寫字樓租賃、酒店和住宅招標,其市場估值與實際收益,是否能夠達到當初規劃的預期?這是決定西九未來能否真正實現「以地產養文化」的關鍵。

第二是高質素的內容——雖然古埃及文明大展取得巨大成功,惟大型文化機構不能完全依賴「偶發性」的超級展覽。西九未來是否能夠建立一套穩定、持續吸引高水準贊助與高質素展演的內容生產機制?

第三是捐贈與信託文化的培養。雖然西九籌款收入錄得三成增長,但香港整體的捐贈文化,跟歐美相比仍有差距。西九未來如何吸引本地及國際企業家、家族辦公室的長期大額捐贈,將是減輕財困的重要一環。

最後,國際經驗告於我們,成功的文化區不能孤立存在,必須與周邊的城市結構、地區行政、旅遊動線、商業配套結合,形成一個完整生態系統。西九需要與整個香港的「文化+旅遊」產業鏈深度融合,放大整體外溢效應。

總括而言,近10億元帳面赤字對一般市民來說確實龐大;但若放在國際文化地位提升的格局來看,我們究竟是在承擔一個沉重的財政包袱,還是在為這座城市的未來做一個值得的戰略投資?西九的帳面赤字,提醒了管理者必須在開源節流、提升營運效率上繼續努力;惟如果因帳面虧損而否定其作為香港最大文化基建的戰略價值,甚至以狹隘的短期績效指標,去束縛其藝術創新與國際交流的手腳,則是因小失大。

作者是公共政策顧問

原文網址:https://news.mingpao.com/pns/%e8%a7%80%e9%bb%9e/article/20261020/s00012/1792426803456

2026年10月19日星期一

全能政府又一鉅獻之升降機 (2)

雜誌社衣個報導角度,好多傳媒都提過下,大約係話富享邨個升降機招標過程入面,阿房委會都係有投票贊成搵出左問題既壹日。

不過,絕大多數,應該係全部既其他傳媒,都冇好似雜誌社再追問房委會,點解會有衣個決定;就算有,都係輕輕帶過,或者講到一舊舊啦。

雜誌社衣個追問同跟進報導,就好精彩啦。

******
即係咁,關於政府因為宏福之後提出好多大維修建議,我以往都係度都散收收講過幾次。

例如,衣個年頭既POST入面,我就開始講principle-agent problem。

跟手我早兩個月衣個POST話比你聽,由唔想咩獲既角度去睇,政府越介入大廈維修,維修費用就只會越貴。

原因係,由審批者既角度去睇,我緊係唔想咩獲;咁入標既人一定知衣件事,所以工程標準一定要提高,入標時一定會靚野你,後果就係,維修費會貴。

再最後,我上個月就講埋話,甯漢豪講既分拆驗樓顧問、監工顧問、同埋承建商,其實就係攪笑。

我以為我講既已經攪笑。

不過,今次升降機事件,更加係突破左我既想象。

*******
我一直既認知係,係租置公屋既任何業主大會入面,如果要做好多大維修聘請管理公司之類既決議的話,房委會以往絕大多數情況下都係投棄權票。

佢地一直以黎既解釋係,出售公屋應該係由小業主自己管理,政府唔應該有太多介入角色。

你見雜誌社既報導,都有提到衣個講法﹕

「房委會在 2025 年中起,有在租置屋邨的業主大會「適當地行使業權和投票權」。房委會解釋,是為了加強在租置屋邨長遠利益事務參與程度,更好地維護居民的福祉,共同維護屋苑的長遠利益。 」

即係,睇完衣個講法,你就確認到,原來係2025年中之前,房委會都係中立,都係投棄權票 -- 係去到2025年開始,房委會先「適當地行使業權和投票權」。

咁攪笑既係,當房委會用衣個新做法之後,竟然就一年未夠就瀨野,最後投票左比間有問題既臺日啦。

*******
衣個位係攪笑,亦都同我上面既講法有小小落差。

即係,如果房委會要行駛投票權,理論上就緊係越穩陣越好,緊係搵間評分高得黎,入標價都貴既公司。因為,就算出咩事都好,到時都唔會比人質疑,點解你要搵個次選,或者唔係最好既公司。

而家房委會偏偏選擇左個「被評為單價「過低」,「投標金額比估算投標金額低超過 30%」」既公司,我都唔知佢可以點向公眾解釋 (不過我下面會比個好合理亦好有機會係「真實既」解釋比你聽 -- 但係,衣個解釋,係唔可以同公眾講的)。

當然,而家除左雜誌社之外,冇傳媒報導,所以其實個問題根本唔存在,八萬五左啦;就算其他傳媒痴左線,有主流傳媒都報導,我又唔信而家會有人夠膽challenge政府既決定的。

不過,房委會係今次業主大會入面,比票比左間咁既公司,就真係好神奇,實有人會話,ICAC需唔需要查下。

我呢,唔認為件事一定有ICAC相關問題。

最簡單既解釋可能係,房委會冇錢,所以情願選擇間「被評為單價過低」既公司 -- 就算個標價唔合理,平就得啦,唔好理咁多啦。

件事,就係咁簡單。

如果今次係私人樓宇維修,市解局淨係幫你評標選擇維修公司而佢自己唔需要出錢的話,我都仍然好相信,市建局一定唔會搵報價低過平址入標價既公司的。

經過今次房委會瀨野事件之後,我更加相信衣個睇法。
你估呀甯漢豪見到衣單野之後,佢仲會幾落推佢個市建局維修建議丫拿﹖佢仲有唔夠一年,就收工,真係臨收工前,都要咁落力﹖

*************
之但係,ANYWAY,今次件事,就好另類咁突顯左我之前講既問題﹕你要政府介入做大維修,出事時,究竟邊個咩獲﹖

再深一層既問題係,無論係今次房委會SEVEN左,又或者將來市建局幫你評標都好,究竟最後一刻落決定要搵邊個承建商既,究竟係咩層級既官﹖

如果個選擇係出左事,個官需唔需要負責呢﹖

*************
以往既AO,一定會諗上面提到既衣個問題。

所以,咁多年黎,政府都唔會同你介入大維修。

因為,佢地唔想咩獲。

如果唔想咩獲,我就要有好多程序,好多官僚架構,「去確保公平公正」,即係唔駛個別官府人士上身。

除此之外,班官都仲有自知之名,知道自己唔夠好多「業界人士」去玩,亦都知自己要避好多嚴,最終就好多野都推唔到 (「推到」既意思係,派到錢)。

所以,就好似我上個POST咁講,好多時官府就算要派錢,都唔願意親自落水 -- 就算要落水,我都係搵旅發局呀咩數碼港呀科技園去做,有咩問題,「都係數碼港個總監貪污」,同政府無關。

(當然,你唔好問我,咁點解好多政府創科同埋環保社區基金,米又係亂派錢 -- 咁衣D基金既政策目標,就一出世以黎,就係亂派錢架麻。)

***************
結論係,都係個句,今次房委會出左事,佢當然可以話,「我都係信左市建局個獨立顧問同機電署個註冊承建商評級JAK,佢地都冇話臺日有問題」。

之但係,有其他評級更好既公司你唔選擇,你仲要選擇左個入標價低於平均價既公司,就真係好難解釋 -- 當然,我都唔知房委會或者政府內部會唔會要做決定條友解釋,之但係,都係個句,社會上面,就冇人要你解釋啦。

***************
其實仲有野可以講。

例如,今次出事後,EMSD去信要求所有註冊升降機承辦商去檢查過去10年既升降機,仲要承辦商「簽聲明書 確認10年來所處理的升降機層站門具抗火效能」。

衣個,就擺明係EMSD補獲+自保既方案,日後如果再出事,都係承辦商違反聲明書既問題,唔係EMSD係制度上既問題啦。

之但係,EMSD衣個要求,又好巧妙 -- 如果1個月後發現,過去10年有超過一半既升降機都有問題的話,咁EMSD會唔會要求檢查既年期延長去到15年甚至20年呢﹖

有D天真既工程師有衣個講法 -- 當然,正路既工程師係會咁諗野;但係政治上,衣個講法,係太天真鳥。

因為,2026年之前既10年,係2016年;2026年之前既15年,即係2011年,亦即係去到2011年開始既升降機都要檢查。

我上面衣句,係米低能呢﹖

其實,係唔低能的,原因如下﹕

衣排出曬風頭既陳帆,就做左工程師學會會長,佢見傳媒時就好有型咁同你講,如果有工程師老細要求你因為趕工而要犧牲某些安全標準,「你應該炒你老細,你唔好做,因為你做咗你諗諗你帶出嚟嘅後果係咩?如果有事故發生,你對唔對得住受影響嘅人士?」

阿陳帆真係有型。

但係,佢係2017年加入林鄭問責團隊之前,係做咩架話﹖佢由2011年開始,係機電工程署署長。

而家發現,阿臺日原來有8成既升降機都有問題。

而再根據HK01報導,阿臺日係2006年成立,你話係陳帆在任機電工程署署長甚至副署長期間,究竟有幾多升降機係有問題丫拿﹖

佢咁鐘意發表偉論,又做埋人大,咁搵個記者對枝咪比佢發表下意見啦。

所以,你話就算有咩問題都好,EMSD會唔會要承建商檢查既升降機EXTEND去到20年﹖

嘿﹗

***************
最後,阿昌哥早過星期就話,赤柱鋼根單野,係外判上判既制度問題。

衣個解釋,雖然好過坊間既解釋,之但係我就都唔係好信服 -- 當然,阿建灝規模細,判上判完可能冇下次,就可能放大左個判上判可能出現既問題 (你係新鴻基下面既分判,你做咩都唔會咁過份,都會驚下次仲有冇得合作架麻)。

又再之但係,臺日衣單野真係好攪笑。

EMSD,係咁多年都冇抽查升降機,定真係有咩問題,咁都發現唔到臺日有問題呢﹖

而臺日係米強勁到咁多年黎,所有合約都係次次都續到約,又冇其他公司新入場發現到個問題呢﹖

好多野,真係睇下有冇傳媒再追。

之但係,都要講下我致愛既梁文廣,佢真係天才。阿臺日出左事,再加上有人質疑點解係富享邨個次投票入面,點解房委會同大部份居民既選擇都唔同,阿梁文廣都仲可以咁講﹕

「梁文廣今早(19日)在電台節目中表示,過往房委會多數不會行使投票權,近年參與投票值得肯定,但建議房委會與機電署、屋宇署、市建局和房屋署等多個部門建立內部溝通機制,事先了解機電署對評估。」

阿哥,今次房委會米係睇左市建局顧問同機電署個評級,先咁樣投票囉,你仲肯定佢,仲要咁多建議,真係一流。

咁係米房委會要出多幾次事,你先會質疑房委會應唔應該參與投票丫拿。

*********************
真係最後。

你睇雜誌社另一則報導,就係咁講﹕

警方周五(16日)拘捕三人,包括一名工程承辦商負責人,及兩名簽發安全證書的註冊升降機工程師。事件由中科監察主席潘焯鴻日前在網上踢爆,並指在工程投標時,房署以較大的業權份數,影響投票結果,最終選擇了臺日電梯。

我都好奇怪,究竟潘焯鴻點解無啦啦會攪衣樣野呢﹖

ANYWAY,我想講既係,今次出事既事發點係翠屏北邨。之前我貼開圍標新聞時,其實翠屏北就係重點區啦。

咁究竟真係潘焯鴻無啦啦搵到出黎,定有人放料比佢,定係咩原因呢,就好有趣 -- 當然,衣D咁既屋邨,你入到去分一杯的話,都知咩料。

咁翠屏早兩年出左事,官府各大機構都唔去查下,就真係,問下陳帆有咩睇法啦。

*************
完。

全能政府又一鉅獻之升降機 (1)

集誌社 The Collective HK




臺日電梯「假裝」|富亨邨「換𨋢」為何投「臺日」? 房委會:考慮市建局安排顧問報告及機電署評級

全文:https://bit.ly/4k1E7Qn


臺日電梯涉嫌在沙田博康邨及觀塘翠屏(北)邨換𨋢「造假」,警方周五(16日)拘捕三人,機電署同日再揭該公司在 39 幢樓負責的升降機有同類問題。今年九月,大埔富亨邨換𨋢工程招標,房署以較大業權份數,影響投票結果,最終選擇了臺日電梯。房委會周六(17日)回覆指,當時考慮了市建局安排的顧問報告、機電工程署的評級,投票予臺日。
 
法團指未有與臺日電梯簽訂任何協定或合約

富亨邨的法團,周五在升降機貼出告示指,法團未有與臺日電梯簽訂任何協定或合約、升降機資助計劃的合法程序不受影響、市建局及相關部門,會全力支援後續安排。

翻查富亨邨業主立案法團的文件,在 9 月 12 日,投票選擇升降機承辦商進行工程,臺日電梯得到 71,570 份業權份數支持,得票率 62.39%,擊敗另外七位對手,獲選為工程的承辦商。根據文件,房委會的不可分割業權份數,為 70,572 份。

房委會指為維護居民福祉「適當地行使投票權」

房委會在 2025 年中起,有在租置屋邨的業主大會「適當地行使業權和投票權」。房委會解釋,是為了加強在租置屋邨長遠利益事務參與程度,更好地維護居民的福祉,共同維護屋苑的長遠利益。
 
房委會:投票予臺日考慮了顧問報告、機電署評級

房委會承認,在富亨邨的更換升降機工程,投票予臺日電梯(香港)有限公司。房委會解釋,是考慮了市建局安排的獨立工程顧問標書評估報告內,多項客觀準則,包括投標者相關經驗、表現評級、合規紀錄、投標金額是否合理;及機電工程署註冊升降機承辦商表現評級。

顧問報告評臺日等單價「過低」

房委會說有考慮獨立工程顧問標書評估報告。翻查相關文件,工程顧問為「香港品質保證局」。有關工程有八位投標者合資格,投票價由 3024 萬至4536 萬不等,臺日及另外三間公司,被評為單價「過低」,「投標金額比估算投標金額低超過 30%」。

按機電署評級「新輝」排名最高

在投標者承接工程能力及表現的評價上,其中一個投標者新輝,按機電署的評級標準,在安全表現獲星、服務質素表現評級獲五星,排名最高。臺日和另外五個投標者,包括日立、通力、奧的斯、迅達、蒂升,服務質素表現都是獲三星。

房委會:已建議法團暫緩批出合約

房委會續稱,鑑於近日機電署公布臺日進行更換升降機工程出現嚴重失誤事故,房委會已即時主動建議富亨邨業主立案法團,暫緩批出有關合約。
 
房署曾覆居民從多角度分析作投票決定

有居民曾質疑房署以較大的業權份數,令臺日電梯中標,擔心這公司的能力。 房署在 10 月 2 日曾回覆居民指,從多角度分析作投票決定,得悉有人對臺日的能力表示關注,指臺日已在 9.29 發聲明,就網上流傳該公司不實言論作回應。
 
博康邨、翠屏(北)邨工程 房委會投棄權票

至於沙田博康邨和觀塘翠屏(北)邨議決升降機更換工程的業主大會,房委會指,兩工程的投票,分別於 2024 年 1 月及 2025 年 3 月舉行,當時房委會有派員出席大會,在會上就有關事宜投棄權票。

出租公屋、資助出售房屋 沒聘用臺日

房委會又補充,在公共租住屋邨及資助出售房屋當中,沒有委聘臺日承辦任何升降機的新安裝或更換工程。租置屋邨當中,只有沙田博康邨及觀塘翠屏(北)邨,由臺日承辦更換升降機工程。

2026年10月14日星期三

雜談 (3)

我原本諗住求其打字,點知都好長氣,咁求其講埋幾樣想講既野。

******
我早個星期講財務黑洞同人口政策個POST,唔知做乜好多人睇,攪到我想洗左衣度。

不過,我都話明,個期既文係麻麻地,多人睇都唔係好事。

個系列既文,最麻麻既係,其實我係過度簡化,不過又冇完全清楚咁講明,我簡化左咩。

除左個個POST有講明既部份之外,我話香港政府攪既 經營帳就開支同收入都「大致相稱」,其實都係高度簡化,事實上衣期香港政府經營帳就唔太係「大致相稱」既。

香港政府既財政問題,除左係個非經營帳入面既基建開支同投資開支大幅增加之外,另一個問題就係,以往政府真係個經營帳開支同收入「大致相稱」,不過係COVID同之後就有D唔對路 -- 因為梁振英林鄭好景時期,好多社福開支都突然增加,令到COVID後好多經營開支都開始唔受控 (再加上COVID同期稅收減小,收入都唔多妥)。

最簡單講,林鄭末年將兩蚊車資格由65歲降到去60歲,之後李家超要收緊資格,就係一個好有象徵意義既舉動 -- 象徵意義係,個資格降到去60,其實係可見將來,都真係每年額外都唔係用好多錢 (同每年增加基建開支個幾百億比,個兩蚊車開支又幾多錢JAK),之但係李家超都要攪佢。

咁就證明,個經營帳開支真係要千方八計去縮。

當然,如果你要睇社福開支,長者生活津貼開支就係更加突顯左個TYPICAL既問題。

我懶,唔查預算案,就咁問GOOGLE AI,佢係咁講﹕

過去5年長者生活津貼/公共福利金相關開支與數字
2020/21年度:長者生活津貼實際總開支約為 277.41億港元。
2021/22年度:長者生活津貼實際總開支上升至 288.57億港元(同期整體公共福利金實際開支約為382.24億港元)。
2022/23年度:隨着9月合併普通及高額長者生活津貼並改以較寬鬆上限發放高額津貼金額,修訂/預計開支增至約 327億港元。
2023/24 - 2024/25年度:受人口持續高齡化及津貼金額隨通脹調整(如2024年2月上調3.3%)影響,公共福利金整體開支大幅攀升至超過 522.13億港元(截至2025年3月底,長者生活津貼個案達764,968宗,佔公共福利金約57.2%)。
2025/26年度:公共福利金計劃的整體預算經常開支進一步增至約 579.48億港元(當中長者生活津貼受惠人數已超過81.5萬宗,每月金額由2025年2月起上調至$4,250,2026年2月起再上調至$4,345)。

係人口老化特別係嬰兒潮班人開始老化之下,每年新增合資格扲長者生活津貼 (或者加埋生果金既「公共福利金計劃」啦)既人口數目係好恐怖。而因為有通脹,個津貼亦都每年調整,係冇得減的,所以,就算受惠人數唔點增加,但係衣個「自然增長」本身亦都係好恐怖。

所以,個經營帳入面既社福開支係好恐怖,亦都好難去減。

亦所以,你見政府衣幾年要將經營帳開始做到「大致相稱」,就除左好多轉撥之外,佢仲係早兩年改左稅階,減左好多扣稅優惠,同埋縮每年政府向部門1%開支。

又之但係,要KEEP住衣個「大致相稱」,係人口老化之下,個社福同醫療開支係好麻煩 -- 就算教育開支會因應人口結構而減小 (假設冇輸入專才之類啦),但係都填唔到社福同醫療條數。

所以,點解香港要1千萬人口﹖

衣個開支無可避免增加,都係一個原因 -- 唔吸納返多D勞動人口去交稅,又真係點填個社福開支﹖

**********
題外話,你見上面GOOGLE AI個段,其實係有小小問題﹕佢開頭係講長者生活津貼開支係幾多,最尾就講公共福利金基金整體開支係幾多,兩樣其實係唔同野來的。

主要分別係,公共福利金計劃 = 長者生活津貼+生果金+兩隻傷殘津貼+再加咩廣東計劃之類。之但係,後面生果金開始D數相對長者生活津貼係細數,扲既人都小好多 -- 你70歲可以扲生果金,不過好多人就本身合資格或者有辦法合資格,去扲衣個長者生活津貼啦。

*********
又再題外話。

當然,如果係衣度長期讀者,就會知道上面係MISS左樣野,即係有個重要既FACTOR要考慮﹕

睇應計制盤帳,政府而家個公務員長俸承擔額係9千億,但係衣個承擔額高峰應該係2030年就會完,慢慢跌返落黎,到時可能政府會減輕返政府負擔的;至於2030年衣個估計準唔準,就唔知啦。事關,2030年都係我隨口UP。

又再補多句﹕

我打完衣篇文,再特登搵多次曾俊華年代個份長遠財政計劃工作小組報告 (即係份報告完左之後建議設立未來基金個樣野)。

咁呢,再次證明,我都未痴呆得曬,份報告當年真係估計2032/33年之後,個退休金開支就會慢慢下跌。又之但係,你望下幅圖同段文字﹕當年估計,2032/33年PEAK既時候,個退休金開支係每年509億。

但係,你睇今年個預算案,退休金既2025/26年修訂開支,已經係519億鳥。


當然,你要係大約2013年個時,去估2025/26年既退休金開支,其實係估唔到既。事關,政府退休金/長俸,其實係會每年按通脹調整,條數係好難估的。

之但係,就算當條數真係2032/33年PEAK都好,到時個退休金開支一定超過佢估既509億啦 -- 除非打杖,香港死好多退休公務員啦。

*********
第二樣想講既,都係同香港政府財政個POST有關既,賣地。

我之前話,今年政府賣唔賣到2百億地,我都覺得可以,但係有小小懷疑。

不過,見到嘉里用成兩萬蚊尺價去投何文田塊地,我可以肯定話,今年政府賣地收入,一定係超標。

即係咁,上面條LINK阿HK01個題係咁的﹕嘉里43億奪何文田佛光街住宅地 每呎地價2.07萬、高估值上限54%。

咁呢,市場估塊地值1萬蚊,就完全可以理解;嘉里用2萬蚊去投,就真係理解唔到。

即係,你有睇開新聞都知,其實何文田都算係內地客其中一個至愛。當然,唔睇新聞都知,正常既香港人,其實又有幾多會用幾多千萬甚至億億聲,去買何文田個批新樓﹖

何文田個批樓要成千萬,個量其實又冇啟德個D咁多,不過求其搵,都見到何文田上年10月有成百宗成交,仲要普通話併音佔成個市場3成。

咁所以,何文田塊地要成萬蚊,就唔奇;要2萬蚊,就真係有D痴線囉。

ANWAY,何文田塊地已經43億,再加埋之前咁多塊地,今年賣地點都過2百億呢。

***********
第三樣想講既野,唔記得啦,事是但。

完。

雜談 (2)

未死,咁擒日又有我最愛既海洋公園新聞,咁又可以講兩句海洋公園及其他。

**********
明報篇文講到﹕

去年海洋公園入場人次達346 萬,較之前一年升約一成,但虧損卻擴大至2.75億元,單是水上樂園就蝕逾1.4億元。園方昨天介紹來年大計時,也有提及水上樂園。園方強調,今個夏天推出了不少市場推廣活動,諸如音樂祭等,為水上樂園帶來一定人流,園方將繼續舉辦不同活動,以新元素吸引訪客,今冬水上樂園也將繼續開放。問題是這些舉措及安排,是否真的可以幫水上樂園殺出一條血路。海洋公園今年的「成績單」將於本季揭曉,整體表現有機會比去年好。

明報衣段,就係評海洋公園其中一個核心 -- 核心錯誤。

之前都講過,海洋公園好耐之前已經有極大折讓既大陸旅行團飛;再早係COVID之前,其實又已經有有大把淘寶飛同埋學校免費飛;有左水上樂園之後,又有浮動票價,同埋捆綁住酒店PACKAGE既唔同門票套餐。再之外,其實公園一直都仲有長者飛同埋生日飛再加年票。

所以,你將佢全年門票收入除返入場人次,其實 人均門票收入 係遠遠低過佢正式門票既$538,或者係水上樂園既浮動票價兩舊水以上。

亦所以,你話海洋公園入場人次升幾多,再將衣個入場人次同佢既盈虧拉埋黎講,其實係無意思。事關,你唔知公園每年派左幾多免費飛或者係特價飛出黎 -- 而海洋公園收入個BREAKDOWN入面,入場卷係佔左好大部份的,即係個入場人次係好唔知點樣影響佢個收入。

跟手,明報篇文又講到﹕

海洋公園所在的南區,具備一流自然風光,交通亦便利,惟區內旅客生意近年大不如前。現在當局提出發展遊艇經濟,其中一項重點計劃是擴建香港仔避風塘,發展遊艇泊位及陸上配套設施。當局應思考如何讓海洋公園以至南區其他旅遊資源,跟遊艇經濟產生聯動效應,吸引遊客前來。這比起單靠海洋公園一己之力苦思如何開拓客路財路,成效可能更好。

其實,明報冇理由寫得咁差,事關佢係跟海洋公園發展同業績跟得較好既傳媒。

不過,唔好理啦,我想講既,如下。

雖然我成日批評海洋公園係2020年,用左唔知幾多億搵左個顧問提出既發展方案。不過,當時方案,有兩樣野係較易做,亦都應該做。

我竟然求其搵,搵到個簡單易睇既報導。

你係衣個已經放棄左既方案入面,係個7個新主題入面,其實有兩個較易處理既項目﹕

當遊人進入公園的新入口之後,便會到達蔚藍海灣。這個主題區以水為基調,除了有標誌性機動遊樂設施及依山而建的棧道和歷奇探險遊樂設施,更會新增深水灣碼頭,配合採用環保設計的觀光船,讓訪客盡覽香港南區海岸的迷人景致,以及穿梭新海濱樂園及大樹灣。此外,區內的單軌列車將由公園入口接載訪客至碼頭。

太平洋之端

將是美食愛好者的天堂,沿山崖而建的特色餐廳提供各式美饌餐飲,讓訪客享受不同衝擊味蕾的美食,同時又可欣賞港島南區一望無際的醉人海景。

唔好理入面講既乜春單軌列車接載訪客至碼頭又或者係九唔搭八遊樂設施。

之但係,衣兩個設施 -- 蔚藍海灣 同 太平洋之端 --  其實都係較易做得黎,維修成本都較細之餘,真係有海洋公園獨特之處,係可以賺錢既項目。

即係,個 蔚藍海灣觀光船,係觀光船形式同你遊船河之餘,仲可以帶人流去大樹灣個水上樂園。咁個觀光船如果做得靚,就本身都吸引,同埋可以改善到水上樂園個人流。

個太平陽之端,就更加簡單﹕大陸人冇錢都好,都會同班港女台妹全世界人一樣,成30度對正太陽,都要去芭堤雅個批懸崖海景餐廳打卡。如果海洋公園搵到兩間米芝連入去,係園入面真係攪到批「打卡-able」既懸崖餐廳,就算唔靠街客淨係得閒比人包場 (西九玩緊衣招),都一定有得做。

不過,經過水上樂園衣個絕世大伏,同埋有無處不熊貓衣個超伏,而家係阿龐健胎手上,海洋公園係要做咩話﹖

其實佢都唔係好知。知既話,就唔會早兩年講話攪熊貓館同咩新遊樂設施,跟手後者到而家都冇影,仲係得個講字。

你再睇埋明報個社評,講到「園方將繼續舉辦不同活動,以新元素吸引訪客,今冬水上樂園也將繼續開放」,你就知道,成個海洋公園都唔知點處理個水上樂園好 -- 你上兩年無啦啦冬季暫停開放,而家又無啦啦變返全年開放﹖

************
ANYWAY,我特別講返當年2020年個方案入面既衣兩個項目,其實就好簡單﹕

你明明成個政府話攪遊艇經濟,咁點解成個計劃,竟然同海洋公園無關﹖海洋公園當年都有提過類似既野,而家連明報社評咁低能都識咁講,咁你羅淑佩或者陳美寶其實做緊乜﹖唔好淨係掛住做電動車推銷員先得架。

明報最尾個段,係咁講,正正就係當年個蔚南海岸觀光船其中一樣想做既野﹕

現在當局提出發展遊艇經濟,其中一項重點計劃是擴建香港仔避風塘,發展遊艇泊位及陸上配套設施。當局應思考如何讓海洋公園以至南區其他旅遊資源,跟遊艇經濟產生聯動效應,吸引遊客前來。這比起單靠海洋公園一己之力苦思如何開拓客路財路,成效可能更好。

所以,如果明報要講得好d,就應該要話,當年其實海洋公園搵曬顧問研究,點樣用觀光船點樣攪懸崖餐廳。既然而家政府要攪旅遊經濟,係米應該結合返當年海洋公園已經研究過既方案,去帶動返成個海洋公園同遊艇經濟既發展﹖

用衣個角度,海洋公園就唔好攪咩九唔搭八既機動遊樂設施,攪好佢個高檔次餐廳仲好啦。

例如,你唔好講個d一年淨係開幾季既痴線米之連,你淨係叫唔知係米跌watt總之係訂唔到位既大班樓去南朗山山邊整個季節限定,仲要一定用遊艇或者觀光船接駁先去到既崖邊餐廳,我估都應該好多大陸佬同日本仔會去。

南朗山個景,其實真係好無敵的。



我特登補返幅圖,係GOOGLE MAP度COPY出黎。衣面南朗山係東南望返淺水灣一帶,佢近水上樂園個另一邊就向西南日落景,不過就太近水上樂園,同埋淨望海冇咁多野睇 (或者望住香港仔避風塘D樓景囉)。

當年我睇到份顧問報告簡介,唯一一個覺得個顧問有料到既建議,就係佢講到要用南朗山既山邊去做餐廳衣樣野。

***************
講完海洋公園,順手講埋西九。

西九前排出完業績,雖然係蝕得更多,不過坊間都好多人為佢講說話,講佢蝕多左,係因為最開頭政府一筆過注資差不多用完,所以以往 (因為該筆注資而產生既)龐大利息收入已經所淨無己;之但係,西九係營運方面開始有成果,收入增加,佢造血開始有成效,唔需要太為西九擔憂。

你望千頌C,都有幾typical類似既講法。不過,千頌C仲加多個睇法,就係西九收入上升之餘,佢未來賣樓收入應該可以頂住條數,之後再靠西九本業,可能會持續營運到。

關於西九,我之前既講法都仲係適用的。

例如,之前陳智思唐英年成日講,全世界文化項目博物館全部都蝕錢,我就話佢亂UP,事關西九除左係有博物館之外,仲有好多非文化項目既設施同公共空間,可以比你出租賺錢。


不過,我麻麻地認同千頌C個結論,係因為,我都唔記得邊個POST講過,當年西九文化區成個計劃設計係,透過出租唔同既藝術同埋商業空間,去確保有持續穩定既現金流,保證西九可以持續營運 -- 而政府同意西九管理局建議,將原本打算出租既大樓用地放寬到變成而家可賣樓,賺取一次過地價收入,就完全改變左最原先「持續穩定現金流方案」既發展模式。

當然,好似千頒C所講,一次過賣樓,係可以一次過有百幾億收入,去頂住西九未來十年既營運。

之但係,衣個就係危險位 -- 衣類公營機構一有錢就身痕,或者不思進取。

身痕就類似海洋公園,係盛智民年代見個發展好似唔錯,有錢賺,就問政府扲50幾億攪水上樂園,之後又超支又生不逢時,而家就食緊屎。

你不思進取的話,就好似以前既科技園公司或者早幾年既西九,我仲有一大舊儲備有利息收入喎,就咩都唔做,到蝕錢先開始搵野做去改善收入。

你望清楚西九,佢係衣兩年先開始叫有D野做下 -- 以往COVID後就翠竹公園HEA HEA地租比人攪演唱會,之後先慢慢有咩西九夜不同,再之後衣兩年先識用塊草地同埋故宮隔黎塊吉地攪下唔同賺錢野 (佢個點污糟都有人去既big bounce都係2024年尾先開始攪,之後就不停都係攪類似既野)。

之但係,佢對住草地米有個室內活動空間既﹖西九管理局就真係厲害。

衣個場地,上年租比人攪個完全唔吸引既3D凡爾賽,我肯定個野係冇人去;上年尾定今年頭就租比動保團體攪下領養活動都算 (你租比ROYAL CANIN再配合草地攪活動,我估佢地肯之餘,都應該有唔錯場租收入),前排仲要九唔搭八到租比人打PICKELBALL,就真係吹漲。

你話遲下衣個西九演藝中心開幕,西九係今年公佈業績就話,因為個中心開幕,好多籌備同營運成本就上升,不過將來就會有新收入。

但係,我對衣個野既盈利能力,就好懷疑。

即係,你睇千頌C講左句,又或者衣個報導都好,個演藝中心係之前新地入標營運。咁我唔查個條款係點,究竟係入完標仲係米每年新地要比幾多租金,又或者西九要出錢出力去營運幾個演藝中心入面既劇院都好。

但係,你睇成個劇院,係隔黎個幾幅住宅地未賣同埋未起好入伙之前,我都好懷疑究竟成個演藝中心所謂既商舖食肆係有冇錢賺;至於有成3個劇院,究竟有幾大需求,西九係米要貼錢去營運,我都好懷疑。

所以,當西九賣地後突然間有好大筆錢,之後又多左咁多個突然出現既劇場要「打響頭炮」,我就唔會好似千頒C咁樂觀。

**********
即係,唔係離題,你睇最近復出既大灣區國舅講西九講旅發局,我有小小認同,不過唔認同部份比較多。

我認同既係,我都講過,香港公營機構既年薪係要天價,事關要對標私人機構,所以我覺得西九馮程呀旅發局總幹事呀市建總監呀收五六百萬年薪,係合理的 (不過,機管局林天福收成千萬,就係食屎的) -- 但係,就好似阿大灣區國舅咁講,衣班人出黎既表現,有咩可能收衣個價,仲要一坐就坐足任期,個個都坐差唔多十年﹖

如果要講旅發局,我之前都提過下佢地D咩人均消費調查其實有幾攪笑,又或者佢地係COVID時冇野做到派錢都要派,總之就要用左d資助去證明自己有做野。

不過,上面既係正路分析。

唔正路,或者現實既分析係,旅發局其實係一個好典型既官僚產物,佢存在係政治需要。

如果要講,就要先了解成個政府推動旅遊既架構。

政府要所謂推動旅遊,就有旅遊事務署,下面就有個旅遊事務專員,下面仲有副專員同幾個助理專員 (丫,我都講過,羅淑佩做過助理專員做左好多年)。

你望下上面條LINK,阿專員副專員同班助理專員,佢地既職責係乜﹖除左睇住條例同埋監管局等有法定職能個助理專員之外,其他助理專員係聲稱睇住海洋公園呀迪士尼呀旅發局呀啟德郵輪碼頭呀甚至睇住幻彩詠香江等等。

你見佢地睇住個D機構,就真係睇住,睇住佢地點做到成PAT屎,又或者個d機構本身就自己識做駛乜你去睇住。

例如,你話其中一個助理專員既職責係要睇住迪士尼﹖你望下香港迪士尼公司個董事局,本身個11個董事,就有5個係官府班局長加旅遊事務專員再加財政司司長。

有咁多司長局長係個董事會入面,咁阿助理專員究竟睇d咩﹖唔通阿助理專員又要幫阿專員做阿四,去幫阿專員出董事會前做預備呀﹖阿專員坐係個BOARD度,米又係聽阿司長同局長亂UP。至於日常運作,阿助理專員點監督呢﹖佢又夠個班專業管理層熟咩﹖

所以,你見成個旅遊事務署,其實好多所謂既監督乜乜乜,係亂up。

你睇完上面條LINK,就知成個事務署本身,就唔係好多直接參與推動旅遊。最簡單咁睇,純粹講推廣旅遊,政府就將衣樣野「外判」左比旅發局做。

咁政府每年比十幾億資助旅發局,比佢去推廣旅遊,其實表面上個原因係好簡單 -- 要判比公營機構,因為人地係專業推廣旅遊,同埋人地係有個所謂既彈性。

後者,其實先係主要原因。

咩叫彈性﹖你見小至小紅書,中至所謂既海外參展推廣或者好多本地咩盛事,大至每年好多贊助好多億既盛事 (每年幾次煙花),其實都係旅發局名義去做去簽約。

要用旅發局去做,就係所謂既彈性,即係好多野同政府簽約就好煩要攪好多程序仲要有人咩飛,咁米外判比旅發局囉。

你睇單車節出事就知啦 -- 有咩事要搵人咩,就唔該旅發局出黎。

咁講完旅發局點解存在,就可以返返去正題。

以正路分析黎講,你外判得「推廣旅遊」出去,就好似阿大灣區國舅咁講,你就要問,究竟所謂旅發局既業績,又點樣定,點樣介定政府每年比十幾廿億資助佢,係米物有所值呢﹖

唔好講大灣區國舅講既單車節,個九唔搭八幻彩詠香江攪左廿年,終於今年先比人話無聊叫停。

又例如,你見香港衣幾年既所有煙花,其實都係比人話大陸人神早買枝水坐係度等,跟手睇完就搭返車返深圳。咁其實,旅發局攪煙花,其實可唔可以有多小小新意,或者唔好迫死係尖沙咀兩旁,係攪大龍鳳之餘,可唔可以係埋西九對出同東岸公園對出,都同時間攪小型煙花,分散下人流呢﹖

(題外話,你叫日本仔花火大會,要靚位就要比錢買指定席,等你唔洗一早排隊戇居居等 -- 西九班友,佢地知唔知衣幾年就算西九個位唔靚都好,都好多人去等睇煙花﹖ 你劃個位,攪指定席,甚至攪埋野餐一條龍,其實都可以諗下架麻。特別係,你而家多左個碼頭個邊空地,係多左好多地方的)

所以,我既結論係,其實同大灣區國舅又有小小唔同 -- 旅發局既出現,只係為左證明政府「有做野」,或者方便政府去做野。

咁你話咩KPI,政府就緊係唔會理啦。

又或者,應該咁講﹕你見官方文件,其實旅發局係有好多KPI,例如要攪幾多次活動,有幾多旅客來港之類。不過,衣D KPI,全部都係量度唔到,都係隨口UP個隻囉。

最簡單,你唔好睇旅發局年報或者咩文件,又睇我最鐘意睇既財政預算案。係文體旅局個預算入面,佢綱領(7)就係旅發局個資助金,入面就有一系列既預算目標同埋旅發局既工作計劃。

全部,都係廢話。

************
所以,我既結論係,其實你睇旅發局又好,再睇西九管理局,又或者係我同等欣賞既貿發局都好,衣班咁既公營機構,其實都只係官僚下既權宜產物。

佢地發唔發揮到佢地既法定職能或者成立目的,其實唔係好緊要的。

最重要既係,好似有做野,或者出事時有人咩飛,就可以的鳥。

最簡單講,你唔好睇西九馮程,你淨係睇香港故宮。香港故宮首任館長,係邊位﹖


你望下佢簡歷﹕

吳博士在文化藝術界擁有豐富的工作經驗,曾在多間博物館出任研究、策展和管理職位。他曾擔任於2000年啟用的香港海防博物館的首任館長,以及在2002至2006年間,出任香港古物古蹟辦事處執行秘書。在加入管理局前,吳博士擔任香港特別行政區政府康樂及文化事務署副署長,負責監督該署的博物館、表演藝術場地和圖書館等文化相關機構。他於香港中文大學考獲哲學博士學位,專攻香港史研究。

個簡介開頭話佢係「文化藝術界擁有豐富的工作經驗,曾在多間博物館出任研究、策展和管理職位」。不過,之後開始,成段字講既係乜﹖

原來,佢既多間博物館職位,其實全部都係政府博物館,因為佢係公務員。

阿吳先生成世都係公務員,咁個故宮博物館搵阿吳生做館長,其實同搵返康文署做管理,又有幾大分別呢﹖

咁你明我講咩未﹖

************
未完。

雜談 (1)

社評:海洋公園成保育基地 財政可持續問題待解

發布日期 2026年10月14日星期三

【明報社評】海洋公園明年迎來50周年,當局宣布將推出一系列慶祝活動及新設施,包括海洋哺乳動物保育中心,以及擴建大熊貓展館,不過財政狀况與收入問題,仍是海洋公園一大隱憂,除了保育工作開支龐大,水上樂園也是一大財政包袱。雖然園方強調,今年一連串的市場推廣活動,為水上樂園帶來一定人流,然而長期虧損局面能否扭轉,外界不無懷疑。香港「一五」規劃提出將海洋公園打造成為保育研學教育基地,如何確保公園經營狀况可持續,以及跟遊艇經濟等南區旅遊發展大計好好聯動,對園方和政府仍是一大考驗。

明年迎來50周年 政府園方推大計

海洋公園1977年開幕,數十年來承載了一代又一代香港人的集體回憶。半個世紀轉眼過去,明年1月將是公園開幕50周年。政府與園方昨天攜手為公園50周年慶典巡禮揭開序幕,整個慶祝活動將以「延續動人未來」為主題,突出「動物與人」,以及人與自然的關係。

香港「一五」規劃提出文體旅協同發展,除了積極發展遊艇經濟,亦有談及迪士尼樂園及海洋公園。規劃文件表示會推動迪士尼樂園提質擴容,透過不同類型新設施吸引旅客;海洋公園方面,「一五」規劃提到要將之打造成為保育研學教育基地。以往香港迪士尼樂園與海洋公園被視為本港兩大主題公園,然而「一五」規劃反映海洋公園的定位,將更偏重於保育與教育。海洋公園50周年,園方除了主打回憶懷舊,例如徵集舊照片,另一重點就是推出新保育及教育設施,當中最受注目的是明年1月開幕的海洋哺乳動物保育中心,3年前闖入香港境內的布氏鯨魚全副骨骼標本,將於館內展出。全新的大熊貓館,則可望於明年第三季開放。

海洋公園多年來在動物護理及保育方面碩果纍纍,大熊貓「盈盈」在港誕下「加加」與「得得」,此外,海洋公園也誕生了全球首條以人工授精方式繁殖的牛鼻鯆。這些都有賴園方保育團隊的努力。只是過去一段長時間,海洋公園基本上都是以主題公園邏輯去經營。隨着外部環境轉變,區內主題公園競爭激烈,加上過度擴張等策略失誤,過去10多年,海洋公園深陷經營危機之中,長年虧損的水上樂園,更成為了海洋公園財政問題的象徵。

去年海洋公園入場人次達346 萬,較之前一年升約一成,但虧損卻擴大至2.75億元,單是水上樂園就蝕逾1.4億元。園方昨天介紹來年大計時,也有提及水上樂園。園方強調,今個夏天推出了不少市場推廣活動,諸如音樂祭等,為水上樂園帶來一定人流,園方將繼續舉辦不同活動,以新元素吸引訪客,今冬水上樂園也將繼續開放。問題是這些舉措及安排,是否真的可以幫水上樂園殺出一條血路。海洋公園今年的「成績單」將於本季揭曉,整體表現有機會比去年好。就着水上樂園,園方今夏曾表示訪客較去年同期約有一成增長,但以此增長幅度,只怕未必可以顯著減少虧損。

政府為了協助海洋公園應付財困及轉型,先後於2020及2021年兩度注資救亡,涉款合計逾百億元,然而值得留意的是,當局最初的「重生方案」,乃是建議將公園轉型為全新度假勝地和綜合休閒區,其本質仍是靠零售餐飲撐起,然而疫後旅遊消費模式已變,這樣的「重生方案」根本行不通。當局改以保育研學教育基地作為海洋公園定位,既能發揮園方所長,亦能突出公園的賣點和特色,當然較為合理,可是海洋公園仍得面對財政可持續性的問題。

善用南區旅遊資源 聯動遊艇經濟發展

保育工作開支龐大,以上個年度為例,海洋公園相關花費便佔去整體營運開支三成。2022年起,政府連續4年為園方提供每年2.8億元保育及教育資助,相關措施已於今年6月屆滿。放眼世界,不少大型保育設施及水族館都無法自負盈虧,需要補貼才能生存,海洋公園轉型,也將面臨這方面的壓力。另外,水上樂園這個歷史遺留下來的包袱,該當如何處理,也是一個複雜問題。園方昨天交代未來一年發展大計,提到將有超過50個本地IP合作項目,聯乘本地漫畫角色等搞活動,可以彰顯本地特色,至於吸客力有多大,仍須拭目以待。

海洋公園的保育與教育功能,在香港確是獨一無二,值得繼續存在,然而園方亦須努力建立健康的財務架構,以及可持續的營運模式,當局就此需要有清晰的藍圖。海洋公園的動物及保育設施廣獲稱許,相比之下,遊戲娛樂設施則顯得較為陳舊,缺乏新鮮感。園方昨天提到將持續提升園區娛樂設施,包括規劃及興建全新的山上歷險主題區,或有煥然一新之效,不過這又是一筆龐大的投資,是否划算需要商榷。海洋公園所在的南區,具備一流自然風光,交通亦便利,惟區內旅客生意近年大不如前。現在當局提出發展遊艇經濟,其中一項重點計劃是擴建香港仔避風塘,發展遊艇泊位及陸上配套設施。當局應思考如何讓海洋公園以至南區其他旅遊資源,跟遊艇經濟產生聯動效應,吸引遊客前來。這比起單靠海洋公園一己之力苦思如何開拓客路財路,成效可能更好。

■歡迎回應editorial@mingpao.com

原文網址:https://news.mingpao.com/pns/%e7%a4%be%e8%a9%95/article/20261014/s00003/1791914063365

2026年10月6日星期二

抗生素戰士﹗載譽歸來﹗

衣排d文既質素趺watt得好厲害,靠回帶都寫得麻麻。

事關,9月尾開始咳到而家。

之前睇左兩次政府門診街症,真係仆你個街丫。

上年又係咳就去睇街症,咁上年同今年都比左枝cocillana,不過上年枝有240ml,今年得返120ml。

衣枝咁既cocillana,即係樂信化痰露,龍豐120ml枝裝都係賣你40蚊。

你政府大批採購自己入樽,駛唔駛咁縮皮呀。

除左衣兩枝野之外,今年剛剛睇個兩次都有偉大既喉糖同埋panadol,第二次加多粒piriton比你 (拿拿拿,衣個係伏線黎架),不過都係冇用的。

所以,阿波叔同你講話,「強調發展北都為增加市民收入 不會擠壓民生開支」,你真係信呀﹖

*********
最後,都仲係肺癆咁款,就今日去左睇私家醫生,佢第一件事就同我講,食piriton邊有用,不如唔好睇。

之後,佢就開左幾廿種藥再加抗生素比我。

繼上年年頭之後,抗生素戰士,又再歸來﹗

真係小。

*********
結論係,你唔好問我點解一開頭去睇政府門診。

窮囉,仲有咩解釋呢。

我鬼知感冒咁小野,政府都攪唔掂呢。政府醫生唔係望落我似18歲,就以為求其食藥,訓多兩野,感冒就會好返麻﹖

anyway,醫管局咁樣縮皮,你估真係afford唔到私家醫生既人,有病就要去多幾次門診,甚至最後要入醫院,攪到個醫療開支不跌反升丫拿﹖

衣度已經唔係講緊,定期覆診既長期病患,有幾多因為你加左價之後,而唔去睇你,最後又要入院比手尾你跟。

********
完。

一理通.財務黑洞.人口政策 (4)

上面講既係回帶。

下面講既,先係我想講既新野。

********
李家超最近又回自己帶講,香港應該升級為人口1000萬城市。

即係咁,好多人都講,其實政府或者商界又或者咩學者,係好多年以黎,都講香港要增加人口。

佢地提既理由,係咩要擴大內需、擴大人才庫呀、香港人口老化要有新勞動力呀之類。佢地會再同咩深圳上海廣州比較,話咩內地好多大城市都有千萬人口,香港都應該要效法之類。

咁你唔好理大陸點啦,事關你望下深圳一取消二線關,行政區人口就可以爆升。你話廣州人口多,你米又睇下廣州行政區係衣幾十年點變;講左咁耐既廣佛同城化,我都唔知而家成日講既廣州人口係幾多,遲下會唔會計埋佛山成個區添。

*********
當然,你睇咩香港1000萬人口,好多有質疑或者猶豫既人,無論係左中右,例如求其搵既利世民、本土研究社、以至宋恩榮,都講到香港既承受能力問題。

上面宋恩榮條LINK入面,佢甚至講到﹕

即使暫時撇開人口計算,單從土地與基建承載能力出發,「千萬人口香港」同樣面對極大限制。當前政府對房屋、交通、社會服務及其他主要基建的中長期規劃,大致是按《人口推算》估計2046年人口將達820萬規模來制定。縱使此規模遠比1000萬人為低,但現存規劃的北都、鐵路系統、公營房屋、醫療、教育設施等各方面擴展,已對公共財政及私營發展商構成沉重負擔。

以曾備受爭議、現已擱置的人工島計劃為例,其構想容量約50萬人。若香港要由820萬人口躍升至1000萬,即增加約180萬人,需要好幾個人工島級別的新發展區。這種規模的填海造地與基建投資,不論在財政負擔、工程能力、環境影響、政治阻力等方面,都遠遠超出現時香港可承受範圍。考慮到近年政府財赤擴大、樓市疲弱、建造成本高企,及私營發展商財政狀况,要在未來20年內完成數個人工島級別項目,幾乎無法想像。

衣個,就係好好既問題啦。

***********
我想講既係,宋恩榮講既問題,其實正正係李家超或者好多人眼中既,機會。

香港要發展到1000萬人口,係要有好多房屋唔同基建設施既需求。

不過,個D需求,米係北都做緊囉﹗

即係,而家攪咁多野,係北都賣咁多地,其實真係未必有需求。但係,如果人口達到1000萬,好多「剛需」就會返黎。

就算唔係北都買樓,不過都要係近市區小小既地方買樓,到時整體樓價一定會返黎,賣地收入亦都會返黎。

用人口角度,以往就話人口老化,所以要引入移民,維持勞動人口同競爭力。

之但係,用政府角度,甚至更加準確,係用政府衣幾年投資同埋財務角度,另一樣同等重要既係,稅收 -- 就算唔講咩供養比率,你香港唔增加返勞動人口,唔確保返有咁上下稅收,咁之前發左咁多債,又點還呀﹖

所以,就算唔係從兩地溶合角度去睇,李家超早幾年開始提返香港人口要過千萬,其實係佢成套施政邏輯之下,係好合理的。

你唔確保返有咁多人口,衣幾年政府做左咁多偉大基建,又點去FINANCE呢﹖

用返內地用語,你唔養足夠韭菜,唔等佢快高長大,又點可以收割呢﹖

**********
再唔係,用返我衣系列(2)個篇文,當你投資左咁多野落去北都落去創科,興建左咁大個數據中心同咁多科研設施出黎。如果到時唔夠勞動人口,唔夠人去用你攪左既基建出黎,到時全部基建既使用率都係更加under capacity,咁米係已經食屎上再更加食屎﹖

**********
所以,你見跟風最強既各大商會,例如阿中總,係之前咩五年規劃諮詢,又回帶,都要特別講香港要發展為過千萬人口大都會。

佢地D所謂建議,緊係收到風先去講架啦。

當然,你又唔好問我,點解五年規劃又冇將衣個建議納入呢,我又真係唔知。

或者,有D野,只講不做,係更加好既呢。

**********
完。

一理通.財務黑洞.人口政策 (3)

原本唔想打字,不過擒晚見到系列(2)篇文,咁就回帶打下字。

至於系列(1)阿徐立之個訪問,原本save左想講,不過唔講都冇所謂啦。

anyway,我想講既係,回帶講香港政府財務,再用人口政策做總結。

有回帶,不過係提供一個完整既架構咁樣去回帶。

**********
以往係度,其實講過好多唔同公營機構既財務野,佢地反映既係,唔同財務結構之下既問題。咁我回帶,先簡單講下。

第一個係香港海洋公園。

佢要擴建,要攪水上樂園,就係幾次唔同情況下,問政府借左百幾億。衣百幾億,係低息貸款,係要還的。

除左問政府借錢,海洋公園係2010年左右都問過中銀借錢,都係還唔到,所以最尾係2018年左右問政府借個唔知幾多億入面,其實部份係要黎還比中銀。

係海洋公園情況,如果你係徐家健或者斷sir,你就會話,海洋公園衣幾年經營越黎越好,冇問題丫;你都可以會話,海洋公園衣幾年侵蝕佢盈利既係折舊,而折舊係SUNK COST,過左去架啦,所以唔需要理會,唔計折舊海洋公園係營運上賺緊錢的。

不過,海洋公園既擴建同埋新設施係用借貸finance返黎,係要還,折舊就係側面反映衣舊野。

所以,折舊係「關事」 -- 如果海洋公園既盈利cover唔到個折舊,就代表佢之前投資落去擴建水上樂園之類既投資,係cover唔到個要連本帶利既利息同本金。

如果用財務或者投資角度,你用return on investment即係 roi 對比個 息率,就大約明上面係咩回事。

第二個係香港迪士尼樂園。

迪士尼樂園由第一日建園,再到佢要攪擴建拆左個城堡攪個新野,其實都係問政府扲錢。

不過,同海洋公園唔同,迪士尼樂園係扲錢,係注資,好大部份都係唔駛還的﹗

即係,董建華年代係一開園既時候,當時政府係有注資、借貨同埋地價等等既資助,去成立左香港國際主題有限公司。衣筆錢係百幾億,換黎既係香港政府佔新公司一半股份多小小。

去到香港迪士尼係2017年左右打後又要攪擴建,香港政府都係按股份比例去注資;上面講既擴建,就係注左57億左右。

衣個係注資,唔係借貸,所以係唔需要還款。

所以,理論上,香港迪士尼既折舊係「唔關事」-- 政府都比左出去,擴建之後賺唔賺錢,就係SUNK COST啦。

之但係,用投資或者政府財務或者納稅人角度,就都係ROI既問題,都係「關事」的﹕政府比左57億落去新擴建資產到,究竟以後香港迪士尼每年可唔可以因為擴建有盈利,幾時先可以cover返個57億投資。

當然,之前羅淑佩就隨口up話可以研究迪士尼二期擴建。不過,最近一次立法會入面,佢已經縮左,話「目前一期用地仍然足夠發展,暫未有計劃開展二期用地」啦。

不過,都係個句,你要記住,海洋公園同迪士尼係財務上最大既分別係,一個係向政府借貸,一個係要求政府注資。

所以,當好多友係網上話,二期唔擴建,就浪費左塊土地時,咁我就想同佢講,咁呀,攪二期擴建,不如攪埋公眾入股,每人十皮野,有錢賺就按比例比返你,你肯唔肯呢﹖

你要記住,之前2017定18年個次城堡IRONMAN擴建,係注資完100億之後,仲年年蝕錢,係上年同今年先開始成個樂園每年賺緊5億左右。

第三個係,市建局。

市建局既FINANCING就更加簡單。除左開局由土發局過渡之外,市建局就係靠政府注資,同埋政府得閒比塊地佢,去攪掂一旦出現營運虧損儲備唔別既情況。

第四個我想講既野,就係香港政府。

*************
香港政府既財務情況,如果你唔好理佢發咩債之類,亦都唔好理佢成立北都咁多公司要用既開支 (即係政府帳目入面既投資基金開支)。

用最簡單既角度睇,佢而家既情況係咁的。

香港政府盤數分開做經營帳同非經營帳。

經營帳就係日常營運開支同收入。開支就係公務員人工啦,外加其他恆常社福教育開支之類。收入主要係包括係一般稅收即係利得稅薪俸稅,外加印花稅差餉同埋其他比政府既費用,例如水費康文署BOOK場呀好多注冊費用之類。

基本上,恆常開支入面,係一般稅收再加印花稅差餉,就佔左絕大部份政府恆常收入。

講政府經營帳,最重點既係得一樣野﹕

因為基本法要求咩「量入為出」,再加上由殖民地時開始既公務員傳統或者公共財政紀律,所以以往衣盤經營帳就開支同收入都「大致相稱」。衣幾年就因為發債收入,所以衣條數會出現幾百億盈餘,不過就唔好理住。

所以,理論上,你睇政府條數,係可以假定個經營帳係balancing,唔需要特別理會佢。

同經營帳唔同,非經營帳就係非經常性開支同收入。開支就主要係公務工程,收入就係地價或者其他修改地契收入 (農地補地價起樓就係修改地契收入一種)。

我一路都回帶講,以往COVID前每年地價收入都過千億甚至1800億,所以當時公務工程開支每年接近1千億,都係冇問題的,仲淨左錢可以全民派錢。

而家個問題就係,每年地價收入係得百零億,黎緊幾年可能有幾百億。

不過,波叔講左,每年公務工程開支係1200億。

所以,簡單講,你當COVID開始,以至未來幾年,每年政府個非經營帳係有1000億赤字。

即係,最簡單講,由COVID開始,唔計發債的話,去到2030年,係衣10年間,政府既赤字係有10,000億,中文係1萬億。

1萬億係乜概念﹖

就係,政府係賣地最好景既時候,即係2017/18年度,當時地價收入係1,755億 ,(另加經營收入因為稅收強勁而有640億盈餘),所以政府整體財政盈餘係1,379億。

咁假定未來經營收入條數係「大致相稱」,咁即係要差唔多重溫9次2017/18年既賣地好景,先可以透過政府自身盤數 (即係非經營盈餘),去還清衣1萬億赤字。

所以,我成日話,香港唔靠賣地,唔攪掂返每年賣地盈餘有1千億以上,根本個財政赤字就衣世都攪唔掂 -- 而家要靠發債,就仲要比埋息添喎。

***********
當然,如果你唔好簡化,認真睇政府條數,政府自己個PROJECTION其實就仲更加恐怖。

都係個句,你睇最新一份財政預算案個「中期預測」,政府條數係咁的﹕




第一張圖係政府兩盤帳,你見佢經營收入因為有回撥有好多野,所以2025/26年係有5百億經營盈餘,之但係往後每年都係估百零億盈餘,就係經營收入及開支「大致相稱」啦。

第一張圖既非經營帳目,先係重點。

2025/26年既非經營以入 (主要係地價收入啦) 係355億。之但係,佢估計由2026/27年開始,每年個非經營收入都係1千億樓上,衣度應該好大部份都係咩北都洪水橋用地 (2027/28年條數突然間跌返去578億,就下面解到比你聽點解 -- 政府係今年同出年條數估過千億,係有做數的)。

而家2026/27年度過左一半,非經營收入即係賣地收入係有原先估計既幾多丫拿﹖

早兩個禮拜,係度講屯門南延線塊巨無霸地補地價金額係105億,就算計埋衣塊地,今年點樣可以達到個1,131億既非經常收入目標呢﹖

當然,我再check真d,如果淨係睇大表,上面既講法係唔準確。




再精確D,你睇埋上面個非經營收入BREAKDOWN,非經營收入裡面,原來個「基本工程儲備金」既2025/26年預計收入只係930億,即係佢估土地收入原來只係930億衣個數。

你又再睇,佢有個remark (4) 講話,衣930億,係包括埋係2026/27同埋27/28年外匯基金每年轉撥個750億。即係,佢估衣兩年賣地收入,原來只係930億-750億,即係等於180億。

不過,就算今年餘下落黎賣咩地都好,係米真係收到180億地價收入﹖

我記憶中,早排賣左幾塊地,都好似幾好價,咁衣180億都好可能達標。

不過,我有仲小小懷疑,事關,我未計,亦都唔會CHECK,究竟而家港鐵咁多項目可以容許入標發展商分期付款,咁究竟港鐵向政府補地價既時候,又係米可以按發展商既期數去分期補地價。

當然,而家政府當港鐵係提款機,高鐵延誤都要港鐵賠22億。咁所以,會唔會發展商未補價都要港鐵嘔住出黎先,就都唔奇既。

最後,佢衣兩年個數係包左外匯基金回撥。不過,佢話2028/29年開始,可以賣返近600億地。衣個數,真係非常之難相信。特別係,衣排大陸不停講境外徵稅。

上面講既收入係好困難,真係唔知點先達到。之但係,第二張圖同先係恐怖。

你見第一張圖,其實會有個疑惑 -- 點解個非經營開支,會由2025/26年既1,872億開支,升到去之後幾年既2,269億開支既﹖

阿波叔話,而家每年基本工程開支係有增加,不過係增加到1200億之麻,點解上年已經係18,72億,之後幾年要再進化﹖

原因係,第二張圖解左比你聽。

第二張圖係個非經常開支BREAKDOWN。你會見到,係「政府投資基金」入面,個開支係由衣兩年既30億左右,之後連續3年,爆到上去130左右浮動。

衣個爆升,應該就係成立個幾間咩北都咩新田科技城公司之類既投資。

你要記住,衣個「政府投資基金」係放係非組營帳,即係理論上又係靠賣地收入黎FINANCE。

***********
睇完上面政府盤數既簡化版同小小詳細版,咁無論假設政府唔發債要還返衣10年個1萬億赤字,又或者係要還返因為發債而要連本帶利既財務成本,咁政府可以點樣還呢﹖

要用賣地收入填數的話,洪水橋塊地就話到比你聽,其實賣地收入應該冇預期咁好。

要用其他收入,即係一般稅收同政府徵費等等既一般收入,咁你話比我聽點樣可以每年增加差唔多一千億收入。

當然,好多友話,香港債務佔GDP比重唔嚴重,同西方國家甚至最出位既美國比,香港債務升到去20%都無所謂。

不過,香港同其他國家有個最根本既唔同﹕

老美同日本仔之類可以用QE可以勁到財政部買債,更加可以印銀紙做通脹減債。

不過,香港係行聯繫匯率,冇正式既中央銀行,你叫匯豐幫你印銀紙買債呀﹖

香港點攪都好,最尾都要用政府自己盤數儲返黎既錢,去還債,基本上唔可能好似老美或者日本仔咁,玩到債務點都唔爆煲 -- 或者係,講爆講左十幾廿年,都仲未爆呢。

所以,我上幾個POST講,最出位就係,還掂香港政府都想用人民幣,咁香港政府遲下米不停發人民幣債,之後大陸幫你買囉 -- 雖然我唔覺得大陸會幫你香港政府。

即係,好多浦開或者浦過大陸既人,都會同你講,你上去設廠做野,大陸人幾時有當香港人係自己人﹖

又當然,更加正確既講法係,你唔係同省甚至唔係同市,都唔當你係自己人架啦。我都講過,最多歧視大陸人既地方,就係大陸。

至於國家層面,我都講過,共產黨對黨員就係「惩前毖后、治病救人」。

你唔係黨員,你睇下馬雲同阿里既下場點﹖唔係要攪內需,又要攪返AI,馬雲同阿里真係仲食緊屎。

至於係黨員,你唔小心講錯野,都可以睇下近排紅返既任志強係點。

**************
ANYWAY,所以,香港發債最大既問題係,佢真係要靠政府收入去還。

咁你見我不停講,香港賣地收入,真係衣世都唔可能返返去2017/18年既每年1,800億架啦。咁其他收入,又可唔可能﹖

都係個句。

香港經常收入最大個幾個稅收,而家利得稅就2,000億,薪俸稅就1,000億,再加印花稅上年好勁就都係得1,000億。

你要係衣4千億入面,再補返地價收入個缺口,即係要用幾多千億去補返發債出黎既赤字。

即係,你要將衣4千億一般稅收,提升到差唔多6千億先可能填到條數,咁你要加幾多稅甚至開幾多新稅種,先填到條數呢﹖

***************
最後,你仲要睇埋,其實衣個系列(2)入面講既野。

我唔知點解FB比左衣個廣告我。

但係,佢講既係好簡單﹕

而家講到AI天下無敵又講到創新係咩發展新引擎。

我先唔講你又話AI出現會令到大量中低層文職人員失業,即係減左你個稅收啦 -- 雖然衣批人既稅收貢獻唔係好多。

咁但係,你香港政府投資落去咁多數據中心咁多AI咁多創科野入面,究竟可以產新幾多盈利,提供到幾多稅收,去FINANCE你衣幾年不斷透過發債而投入既資本開支呢﹖

最更加根本既問題係,用返我上個POST講既,新加坡投資落去既AI,就算係政府層級,都係拍住GOOGLE去做AI政府。

香港政府拍住既,係DEEPSEEK定KIMI﹖

當然,應用上,都可能冇咩分別,事關過去甚至將來,都好可能繼續係要蒸餾返老美既AI。即係,到頭來一係用返老美技術,一係就因為國安,真正咁用返「自家研發」啦。

之但係,你用衣d國產野去發展所謂既國際創科中心,又會有幾大競爭力,成為到咩國際中心,之後再填返你個投資呢﹖

嘿﹗

***************
未完。

一理通.財務黑洞.人口政策 (2)

 基金事webzz

 

11小時前11小時

 ·

華爾街日報今天報導了一個很震驚的消息,就是2032年後,AI營收需要達到美國GDP的9%,如果沒有,那所有AI產業支撐起來的泡沫就會破滅。

這個數據不是亂假設的,是哥倫比亞大學教授 Van Nieuwerburgh 做了一個計算。

他把現在所有資料中心的興建計畫加總,假設每 1 美元營收能產生 0.5 美元現金流,投資人要求 10% 的報酬率,通過這樣的方式算出來的。

那為何這個數字令人震驚呢?

因為這個數字是所有電腦和軟體產業加起來總營收的兩倍。

在美國只有醫療健康(佔GDP18%)與飲食(佔GDP9%),其他都沒辦法達到這種程度。

也就是說,AI 營收得變成和全美國人飲食總支出一樣,現在砸下去的錢才回得了本。

那這可能嗎?

我們認為很困難。

不要看OpenAI 和 Anthropic 現在的合計年化營收已經到 1,800 億美元左右,每季還在雙位數成長就覺得這個數字很容易達到。

但你去市調,一個月願意花費1000美元吃飯的人願不願意每月花1000美元訂購AI服務?

我們很肯定地說,大多數人不會願意。

AI想要普及,就得便宜,想要毛利高,始終是『小眾』,而小眾始終不可能和民生必需比營收。

歷史上有過很像的例子。

1997 到 2001 年,倫敦到紐約的光纖頻寬價格跌了 96%。

網路的需求後來確實爆發了,但當年鋪光纖的公司很多都倒了。

需求是真的,只是錢沒有被當初投入鋪設的人賺到。

電腦也是一樣。

1974 到 1984 年,企業花在電腦上的支出翻了三倍,到 GDP 的 0.8%。

但之後更多人用電腦,但GDP佔比卻降低了。

為何?

因為更強的系統反而因為有規模支撐,單機的毛利開始降了。

還有一份哈佛的研究也很有意思。

AI 代理讓工程師寫的程式碼多了 30%。

但真正完成的專案數量,幾乎沒有增加。

為何?因為客戶不願意為 AI 帶來更好的服務支付更多的費用。

有鑑於此,我們認為 AI 的需求不用懷疑,但營收的成長是否能保持現在的年年100%以上的增幅,我們認為很難。

甚至現在才開始花錢建資料中心的,很可能會成為受害者。

畢竟他們看到早期的資料中心一年就能回本,但等他們拿到土地審批、GPD、記憶體可能變成3年,而現在才發現商機的,很可能需要5年,而且這都是建立在算力費用不變的情況下。

但歷史告訴我們,如果資料中心是美國下一個光纖或高速公路,那不可能維持這個利潤,如果不是,那不可能有那種規模。

在台股美股創新高,POP香檳歡慶之際,附和唱多不是更多按讚數? 

但我們還是選擇潑冷水降溫,冷靜的對任何不合理的期待,抱持極度的警覺,畢竟AI可能是歷史上最大的商機,也可能是最痛苦的泡沫。

一理通.財務黑洞.人口政策 (1)

徐立之倡基礎研究增資源 育新血扎根關鍵 指生科優勢不復 引入諾獎得主或「唔做得嘢」

發布日期 2026年10月5日星期一

【明報專訊】香港第一份《五年規劃》上月中出爐,政府在金融經濟、創科、北都、大灣區、青年、土地房屋、長者、勞工等方面,刻劃未來5年的發展藍圖和目標。本報將訪問不同界別領袖,剖析本港未來各範疇的發展路線,提出合適的政策建議,以及商界和民間團體可如何參與其中,將《規劃》中的目標帶「落地」,逐步走向《五年規劃》的願景。

香港首份《五年規劃》提及目標「優化創新科技發展體制」。香港科學院創院院長、港大前校長徐立之接受本報專訪時形容,香港多年前在「生命健康科技」範疇的確很有優勢,但「黃金時代已經過去」,他認為政府的研發開支應跟隨本地生產總值(GDP)一同增長,並增至佔GDP的1%至2%水平,才能維持香港在基礎研究的優勢,以讓更多知識產權在本地誕生,而支持基礎研究的資源應用於培養學者在本地長遠扎根發展,而非吸引外地諾貝爾獎得主來港,「錢花在新一代、仍在掙扎的人,更有意思,才真正做到培育下一代年輕人」。

明報記者 鄭律銘

「我不是說現在時期不好,而是競爭多了,就如賽跑,跑跑下很多新秀出來,是不是?」徐立之本身是分子生物學家,曾任港大校長,2015年有份創立港科院;記者邀他談香港創科,他打趣說:「香港的生命科技是我的愛好,(因此)未免會有些偏心。」

徐說,香港的優勢早於30至40年前已有,醫療方面尤其是肝、部分癌症領域做得很好,衛生亦出色,稱得上「黃金時期」,惟外圍競爭加劇,香港黃金時期已過。他以內地為例,研究經費由國家支持,不少研究中心做到世界一流,比香港規模大;相較全球,香港的「基礎研究」投放不足,「好似將識生金蛋的鵝,拎去煲湯,打算仍有金蛋,但現在金蛋不是剩下很多」。

他指出,香港的研究資助由教育局交予教資會,再由轄下研究資助局(RGC)向大學撥款;創科署轄下創新及科技基金(ITF)則大多投入於「創」而非「科」,即主要支持業界,而非大學的基礎研究。

基礎研究兩好:創專利留人才

徐立之表示,增加基礎研究的投放,對香港有兩大重要性。他說,基礎研究屬創科產業的上游,對中下游的支持非常重要,「知識產權全部從基礎研究產生,現時做科技若無知識產權,就會被人卡住脖子」,要向人支付授權費買專利使用權;能產生好的知識產權,香港在「科技創新」才有席位。

他又以金字塔為喻,指出基礎研究需在底層培育很多人才,經歷大多數的實驗失敗,才能形成「塔頂」,而現時的基礎研究開支不足,若研究員見不到基礎研究可作長遠事業發展,不少人會卻步或外流。

研究基金403億「回撥」 徐關注

徐續稱,基礎研究難產生利潤,需主力由政府支持,產業的中下游可由企業投入。對於早前政府從研資局轄下的「研究基金」回撥403億元至庫房、預留未來5年所需開支待日後再檢視,他表示關注,稱基礎研究經費能否長期投入,會影響人才去留。他認為政府的研發開支佔比應增至佔GDP的1%至2%,以維持香港競爭力。

倡研發開支增 佔GDP 1%至2%

翻查政府統計處及世界銀行資料,香港整體研發總開支在2024年為357.7億元,佔GDP 1.13%,其中政府機構的開支佔GDP 0.06%;相比之下,新加坡2022年的整體研發開支佔GDP 1.81%,內地2023年同類開支佔2.58%。

至於如何確保研究投入用得其所,徐說關鍵在於好的「同行評審」機制,資源也應集中於支持學者在本地扎根繼而獲獎,而非引入諾貝爾獎得獎者來港。他舉例,在香港研究病毒的人增多,競爭之下可產生風氣,這行業就更易「上去」,而在香港落地生根的學者更了解本地優勢,對香港發展有好處。「諾貝爾獎得獎者做得好的事,年輕時已做了,他得獎後做的事,是他的『夢想』,很多是行不通,他以名聲得到資源,但這些人來港已退休,有很多直程『唔做得嘢』,只是給錢他們來坐。所以我認為,錢花在新一代、仍在掙扎的人,更有意思,才真正做到培育下一代年輕人。」

雖說黃金時代已過,徐立之認為要做好生命健康,香港仍有很多機會,除了增加基礎研究開支,更要提供更多合作機會。政府早前獲立法會撥款60億元設「生命健康研發院」,冀促進跨院校、跨機構和跨學科合作,徐對此寄予厚望,冀能聚合研究人才。

(五年規劃系列)

原文網址:https://news.mingpao.com/pns/%e8%a6%81%e8%81%9e/article/20261005/s00001/1791136529429

2026年9月30日星期三

邁向AI時代 捉緊AI機遇

睇返擒日篇文入面其中一條LINK,我就諗起樣我一路都想講既野。

咁衣排得閒,再打兩隻字,講下施政報告,提到要發展政府AI應用衣樣野。

***********
擒日篇文入面,有條經濟日報既LINK,係講各大科網巨頭點樣係新加坡發展。

擒日就淨係LINK左,咁我而家COPY返一段出黎﹕

Google加強國家級合作

Google已與新加坡政府建立AI合作夥伴關係,未來將進一步擴大在當地投資,並深化AI技術與公共服務整合。此次合作將由新加坡數位發展與資訊部(MDDI)主導,應用範圍包括醫療、教育及網路安全等多個範疇。

Google表示,雙方合作重點包括將AI技術導入公共部門、提升數碼位基礎建設能力,以及培育AI人才與研究。

星政府年底前推新平台 助企業驗證AI機械人可行性

與此同時,新加坡政府也加碼宣布,將於2026年底前推出全新測試平台(Testbed),協助各大企業設計並驗證商用AI機械人的可行性,物流巨擘DGL、網約車平台Grab、機械人公司QuikBot、保安公司Certis等公司預計將率先使用該平台。此外,政府還將與機械人公司思嵐科技(Slamtec)、宇樹科技(Unitree)及QuikBot等合作,通過新成立的智能機械人中心開展具身AI應用試點,測試場景包括食品與包裹配送、清潔及安保巡邏等,以補充現有人工作業。

市場分析指,新加坡政治中立,加上國家龐大財政補貼及完善的數碼基礎設施,正迅速成為美國本土以外,全球頂尖科技巨頭最核心的戰略落腳點,坐穩亞太區AI競爭的中心。

即係咁,佢最尾個段就一路都係我既講法,話比你知北都要吸引咩國際企業,其實係幾攪笑啦。

之但係,篇新聞既副題,「Google加強國家級合作」,就真係好應景。

***********
應景既係,香港要發展創科麻,咁除左北都之外,政府其實係自己個架構都攪左好多野。

除左早兩年合併左「政府資訊科技總監辦公室」同埋「效率促進辦公室」,之後攪左個「數字政策辦公室」之外,今年施政報告仲要攪多個「AI專員」出黎。

你見施政報告一講衣樣野,D人關心既係咩﹖

雜誌社就話比你知,坊間關心既係,衣個D4位幾錢月薪,衣個位係咩人可以應徵。

跟手,施政報告講既咩「AI城市大腦」,班記者又九唔搭八走去問陳國基,究竟會唔會用黎做監控。

問衣樣野係多餘,你真係估佢點答﹖

陳國基既答法,亦都係妙問妙答 -- 佢係講到個AI城市大腦既落實計劃,又係九唔搭八。

***********
好多野可以講。

先講政府個「數字政策辦公室」同埋「AI專員」。

個「辦公室」其實係好攪笑的。

個「辦公室」由「數字政策專員」領導,咁首任專員係由原「政府資訊科技總監」直接變身成為「數字政策專員」,即係阿黃志光原本做開資科辦總監,就係2024年過渡成為左首任「專員」。

黃生係2026年退休,之後衣個位置就變成公開招聘。

我都無意對阿黃生不敬,事關我都同意阿方保橋所講,以往幾位科技總監都係實務型官員,係林鄭推動政府科技轉型同埋林鄭支持之下,成個資訊辦真係推動到政府新一代雲端設施同埋個大數據平台 (衣樣陣間會講),聱稱。

之但係,你成立「數字政策專員」,比阿黃生繼續做專員,其實真係一種「退休前安排」。

政府資科辦衣班高層,例如阿黃生,WIKI都寫明佢係由「1988年8月加入港英政府任職二級系統分析/程序編製主任,至2009年10月時晉升至首長級公務員的總系統經理」。衣班人,可以做管理層,不過其實係政府架構入面生存左咁耐,佢地已經同出面脫曬節 -- 就算真係有心,都應該冇力。

要佢地推動「數字政策」,就真係攪笑。

當然,由「數字政策專員」,再到今次施政報告再加個「AI專員」,其實反映既,係更加攪笑既野﹕究竟「數宇政策專員」同「AI專員」係職能係分工上,究竟有咩分別﹖

先講「AI專員」係咩職位。大部份報導都冇提,不過明報講左小小,明報係咁講﹕

《2026年施政報告》提出不少舉措涉人工智能(AI)應用,包括設立「AI城市大腦」綜合城市管理系統,以應對極端天氣和重大事件等,首階段會將保安局「緊急事故監察及支援中心」的數碼基建接入系統;政府消息稱,AI城市大腦的數據不會出境。另數字辦設「AI專員」,助各政策局及部門推動AI工作.....

衣個報導,係指「AI專員」原來又係數字辦入面既另一位新設專員職位。

咁衣位「AI專員」係負責「助各政策局及部門推動AI工作」丫麻,不過,佢同數字辦或者係數字政策專員,又有咩職能上分別﹖

我由「數字政策辦公室」個網頁入面 (我唔比LINK,你自己GOOGLE啦),COPY佢地個簡介同職能比你睇呀下﹕

數字政策辦公室

由數字政策專員帶領,香港特別行政區政府數字政策辦公室制定以數據驅動、以用戶為本和以結果為導向的政策和支援措施,帶領決策局/部門加速數字政府的發展,從而提升政府效率和服務質素,便民利商。

關於我們

數字政策辦公室於2024年7月成立。透過將當時的政府資訊科技總監辦公室及效率促進辦公室合併,數字政策辦公室糅合了兩辦公室在資訊科技和業務流程重整方面的專業知識,專責制定數字政府、數據治理及資訊科技政策。數字政策辦公室的設立是一項重要舉措,有助提升政府治理表現,推動數字政府發展,以及加強政府解決長期和戰略性問題的能力。

你望見上面個簡介同職能,阿數字辦本身就係「專責制定數字政府、數據治理及資訊科技政策.....有助提升政府治理表現,推動數字政府發展,以及加強政府解決長期和戰略性問題的能力」。

咁即係,數字辦本身就係做緊「AI專員」聲稱會做既野。

咁整多個「AI專員」,係做咩既呢﹖唔通陳國基或者政府想講,「推動數字政府發展」唔包括「推動AI政府發展」﹖

再者,如果你有睇我上面其中一條LINK,就會覺得數字辦個簡介,係好熟面口,或者有D唔對路。

我COPY返上面其中一條LINK既一段文字,引述阿陳國基點樣講AI專員或者個AI城市大腦係乜比你睇呀下﹕

陳國基指「AI 城市大腦」是綜合城市管理系統,透過大數據分析跨部門資料,以及早辨識風險和提升應急應變能力。他將在今年第四季成立和領導「AI城市大腦系統工作組」,成員包括保安局、創科局、發展局及運輸及物流局等,因應現時不同部門有監察系統以及應變機制,但各部門系統都是獨立運作,希望令數據互聯互通。

他解釋系統首階段建設會以「政府雲」為底座,以保安局「緊急事故監察及支援中心」作為應用場景,優先以相關部門數據資料接入「城市大腦」,如土木工程署 AI 山泥傾瀉警告系統、渠務署 AI 水浸監察系統、運輸署實時交通燈號調節系統,以及路政署水浸預警系統等。當局之後會改善 1823 系統,透過 AI 分析應急系統數據,如風災期間塌樹、水浸、塌棚架、危險山坡等,再推送風險預警和預測,加強跨部門應對極端天氣等情况。

你對比兩段文字,陳國基話個「AI城市大腦」係會做「綜合城市管理系統,透過大數據分析跨部門資料,以及早辨識風險和提升應急應繳能力」丫麻。

個「大腦」會做既衣D野,其實米同數字辦而家做既野一樣囉 -- 除左個名GRAND小小,有AI兩隻字之外。

所以,你話,而家係數字辦已經有個數字政策專員,咁加多個AI專員,其實有咩實質作用﹖

***********
當然,再TECHNICAL小小,如果你有留意開數字辦或者數字辦前身,即係政府資訊科技辦公室既工作,你就會聽唔明陳國基個段說話架啦。

陳國基話,「因應現時不同部門有監察系統以及應變機制,但各部門系統都是獨立運作,希望令數據互聯互通.....他解釋系統首階段建設會以「政府雲」為底座,以保安局「緊急事故監察及支援中心」作為應用場景,優先以相關部門數據資料接入「城市大腦」」。

其實,就好似我上面咁講左小小,政府係2018年其實已經問立法會扲左錢,去建立個叫做「新一代政府雲端基礎設施(雲端設施)和大數據分析平台」。

衣個野,係因應林鄭以至之前既梁振英要攪智慧城市,所以資科辦係2018年推出黎。

咁唔好睇份好煩既立法會財委會文件,衣度有個簡單立法會質詢,當時政府已經講,「資科辦在二○一六年八月發出指引,要求各決策局/部門在開發新系統或更新現有系統時,須優先使用政府雲端設施」;而各部門用左個政府雲之外,亦都聲稱可以比政府整合咩大數據,做到智慧政府,改善施政。

咁而家陳國基講咁多野,講到原來各部門個系統係獨立運作,數據係曬政府雲入面,不過原來冇做過所謂既「大數據分析平台」。

咁的話,佢講左咁耐「AI城市大腦」,其實原來唔係新野,只不過係前資科辦扲左好大舊錢,係長沙灣興建左個數據中心大樓,再攪左個政府雲端設施,最後好多政府系統都上左個政府雲,不過原本想做既智慧政府就冇做到,D數據就係咁樣擺左係度。

而家有所謂AI,就特登再將以往所謂既智慧政府變身做AI政府,開多個位,比多幾億撥款出黎,攪個「AI城市大腦」出黎。

****************
睇完上面個歷史,其實我都覺得衣個脈絡係唔會錯。即係,大致如下﹕

政府係2017年攪左個智慧城市藍圖,再係2020年整個智慧城市藍圖2.0,入面提過既野,就有美寶而家最鐘意講既智慧交通同埋智慧機場之餘,最多講既就係智慧政府。

當時講既智慧政府,係基礎設施上,就攪左個政府雲同埋所謂既大數據分析平台。政府雲就攪左,不過原來好多系統仲係唔通,所謂既大數據分析平台,原來就係出黎攪笑。

當年話同時會攪埋大數據分析平台,就冇人再提過,冇人記得件事,直到而家陳國基扲返出黎講。

****************
另外,小小題外話。

係我求其GOOGLE之下,阿醉駕黃錦輝竟然不適時務,係立法會提過質詢,問孫東會唔會做規管數據法規同KPI,去促進咩數字產業發展之類。

咁孫東回應左一大輪廢話之後,竟然話,「在技術基建方面,我們已推出大數據分析平台、新一代政府雲端基礎設施及共用區塊鏈平台,並正構建「授權數據交換閘」,促進政府內部以至政府與民間的數據互聯互通」。

WELL,我又求其搵,難得創科局仲保留左當年局長阿楊偉雄其中一篇文。當年楊偉雄既遠見眼光,想做既野,而家緊係做唔到啦。

孫東個D,耍你就得。

現實就係,當年楊偉雄以為有左政府雲,政府內部數據就可以用大數據分析。點知,而家陳國基同你講,原來而家仲係「但各部門系統都是獨立運作,希望令數據互聯互通」。

最後,攪左咁多年,就將智慧政府個名改做AI政府,想繼續推件事。

咁你話,成件事,係米攪笑。

****************
當然,回返帶,講返正題。

歷史脈絡係攪笑。

不過,為左繼續推件事,開多個位叫做AI專員,再比多幾億去推「AI城市大腦」,其實就唔係攪笑。

當我係施政報告公佈完,睇返第二日新聞,見到衣樣野既時候,第一時間諗起既TERMS,就係智慧政務。

智慧政務,其實都係早未夠十年,香港講智慧城市既時候,大陸就已經不停用衣個TERMS。

所謂既智慧政務,或者係智慧政府,最開頭就係用咩大數據平台做乜春春;去到衣幾年,就係用雲做整合做其他野。

你求其搵,騰訊雲呀華為呀百度呀,好多大陸公司都係攪緊衣D野。

咁你明我講乜未﹖

我係衣個POST既最開頭,QUOTE左段新聞,係咁講的﹕

Google已與新加坡政府建立AI合作夥伴關係,未來將進一步擴大在當地投資,並深化AI技術與公共服務整合。

香港要攪AI城市大腦,要搵AI專員,你估最後搵既係咩人,要用既係咩技術,想達到既係咩政策效果﹖

睇完我既問題,咁你知我想講咩啦﹖

咁所以,由北都發展,去到香港政府既所謂AI應用,其實你都知係咩事,好多野都係一脈相承。

你根本唔洗理AI城市大腦係米會做監控。你亦都唔駛理點解已經有前資訊辦咁多年工作再到而家有數字辦專員,我都仲要整多個AI專員出黎。

攪咁多野,你可以用大茶飯既角度去諗。不過,你都可以用兩地溶合,溶入大灣區既角度去諗。

無論係咩北都創科發展,又或者係香港政府AI應用,都係溶入大灣區。你要溶入大灣區,就要搵合適既人,去睇住件事。

*************
成件事,雖然都係回帶,不過係米好有趣呢。

你只要比較下新加坡點做AI政府,再比較下香港,就可以由睇到香港同新加坡已經選擇左兩條唔同既路﹕無論係所謂既智慧政府,到所謂既創新中心北都發展,香港都係走緊一條溶入大灣區既道路。

條路會走成點,唔洗問都知,緊係一片光明啦。

我地有一國兩制既優勢,做乜要靠GOOGLE靠美帝呢﹖

*************
完。

2026年9月29日星期二

香港北都發展之高級黑 (3)

早排睇左NOW個大嗚大放1分鐘 (衣類節目真係廢的,唔好浪費時間睇),見到阿前科技園公司主席加現新田科技園公司主席阿查毅超,係度講話咩香港北都既工業地價可以去到好低,有力同深圳比較。

睇完,我真係啤一聲,即刻轉台。

今日再睇到明報頭條訪問理大校長,攪到我興起,特登搵返當時查超講乜,跟手再打兩隻字。

丫,查毅超講乜,就衣系列 (2)  個報導就已經講左講左。

***********
即係咁,我好耐之前係度講創科,都成日講係大陸又較近香港既松山湖產業園區,講佢地點樣透過大額補貼、人才公寓、科研轉發補貼等等,去吸引初創甚至華為之類既大企業入園。

大陸好興攪衣D,松山湖之外,深圳廣州周街都要攪類似既園區。

所以,你見理大校長講咩「香港居住成本高昂」,之後講咩「政府應借鑑內地經驗,在北都推出「人才房」政策」,其實就係大陸個套。

同阿校長講既類似,阿查毅超又講,「他以今年4月批出的沙嶺超算中心用地為例,指該地價極具吸引力,甚至可與深汕的工業地價作比較,期望新田未來能以此作為參考指標」,其實都係將香港預設個比較目標,定義左同深汕或者大陸比較。

*************
衣D係米高級黑囉﹗

政府成日講香港有咩一國兩制優勢,北都有咩特別之處。到頭來,原來北都或者香港科研可唔可以成功,原來係要講成本,要鬥平,要同大陸睇齊﹗

你沙嶺超算中心地價要平,甚至平到可以同深汕工業地比較,先會係極具吸引力 -- 而成個新田科技城既地價,根據阿查毅超所講,原來都要拉埋落去同深汕個水平,咁北都先可以有發展空間。

*************
即係咁,又想睇下香港抄緊既新加坡,佢地既工業地呎價係點。

咁我懶,用GOOGLE AI求其整左個比較,是咁樣的﹕



當然,再問落去,佢就會同你講其他問題,例如新加坡有D工廈係有GST,新加坡大部份工廈都係有RAMPUP設計40呎大櫃去到公司門口之類 (除左GOOGLE AI講,而家香港嘉里個D倉有類似設施外,洪水橋講左成十年既咩現代物流設施,米攪緊衣樣野囉)。

不過,個總結就係,現時香港同新加坡既工業地或者工業園區既呎租,其實都唔係差好遠。新加坡可能貴小小,不過計埋設施之類,就好過香港。

*************
咁好啦,點解我無啦啦講新加坡﹖

冇咩既,前排施政報告出世,不停講AI既時候,追光者就九唔搭八,整左篇報導,題為﹕
施政報告高調發展AI兼設專員 國際巨頭Anthropic亞太第五站仍不選香港。篇報導個內文,可以大部份直接COPY出黎,如下﹕

與港府高調宣揚發展AI形成對比,Anthropic宣佈今年10月開設新的亞洲辦事處,落戶地點卻落在新加坡,香港再次被排除在外。這將是公司繼日本東京、印度班加羅爾、南韓首爾及澳洲悉尼後,在亞太地區設立的第5個據點。

Anthropic表示,進駐新加坡是受到當地企業對Claude的強勁需求推動。根據公司公佈的數據,按人口比例計算,新加坡使用Claude AI的水平,在全球121個國家中排名第二,是按當地人口規模推算預期水平的5.81倍。

另外,Anthropic國際業務總經理喬里(Chris Ciauri)也表示,在新加坡設立據點,意味公司可以聘用最了解當地市場的人才,並與客戶及合作伙伴共同發展。公司也形容,新加坡匯聚科技人才、跨國企業及研究機構,擁有完善的創新生態系統;當地重視利用AI提升勞動人口的技能,同時強調負責任地應用技術,亦與Anthropic的理念一致。

OpenAI將海外首個應用型AI實驗室設於新加坡

除了Anthropic,OpenAI今年5月亦宣佈,將美國以外首個應用型AI實驗室設於新加坡,計劃未來數年招聘超過200名專業人才,作為其3億新加坡元(約18億港幣)當地投資計劃的一部分。另外,Google DeepMind近年亦同樣持續擴大在新加坡的業務佈局。

新加坡因人才供應、監管環境、跨國企業集中程度及東南亞市場連接能力,逐漸成為國際AI企業在亞太區的重要基地。相較之下,香港政府雖持續在《施政報告》中強調發展AI,並透過成立研發院、增設專員及培訓公務員等措施展示決心,但至今仍未能吸引Anthropic或OpenAI等主要國際AI公司,把香港選作亞太區核心據點。


睇完個報導,我話佢九唔搭八,係因為,你講得出既AI或者咩芯片公司,例如NVIDIA之類,十幾廿年黎,一直都係新加坡有唔同層級既發展 -- 你睇衣個報導,就剛好今年中,NVIDIA GOOGLE幾間公司就同時宣佈係新加坡開研發中心。

另一樣九唔搭八既係,其實新加坡由2010年開始,佢好多生物科技之類既公司,都係由無到有,發展到而家係好多國際巨頭都係新加坡有投資。你要講科研講好多野,新加坡其實除左傳統既晶片制造,又或者係石油石化之外,係衣十幾年真係發展左好多唔同範疇的鳥。

所以,ANTHROPIC選擇新加坡而唔理香港,其實係常識。

當然,更加常識既係,香港以至更加大既市場,即係大陸可以用Claude咩﹖

阿家超同各權貴,成日話香港係大陸既門戶,又話香港係有別於內地既國際城市丫麻。

咁香港同大陸都用唔到Claude,咁ANTHROPIC黎香港做乜﹖

***********
當然,新加坡對衣D公司係有補貼。不過,你有冇問過衣D公司,甚至問下台積電去熊本時,有冇考慮過地價﹖我唔查,都知扣埋所有補貼,新加坡熊本所有地方既地價都係貴過深汕。

咁點解衣班國際巨頭唔學查毅超講,去曬深圳既﹖

阿理大校長就仲講笑。

當佢講「香港居住成本高昂」,政府要攪「人才房」,咁我都係要問,香港係好貴架,咁點解以往咁多國際大金融機構都要派咁多人黎香港﹖

所以,問題係,你盤生意有前景,有錢賺,所謂既人才就會黎。

而家你話香港攪創科,因為「香港居住成本高昂」,所以就好難攪得起。咁你心入面既創科,其實係咩﹖係華強北整假IPHONE個D野呀﹖

我唔咁離譜,正經小小,咁我就問,你香港攪個北都成個開發成本咁貴,究竟你心目中發展既科研產業轉化究竟係乜野,最尾究竟可以賺幾多錢比幾多稅,去COVER返成個北都既成本呢﹖

再者,你下面衣段就好有意思啦﹕

滕認為香港要吸引人才,空間面積是個「制約」,稱大學想招攬外地教授,對方會問實驗室空間有多少,而科研人員可能需做「中試」(由實驗過渡至工業生產的環節),需要更大空間;再者,科研成果若想轉化成產品應用,更需要比較大的物理空間製造,因此將來大學城有條件去結合產業發展,甚至與大灣區連結,形成產業鏈,讓科技轉化為商品。

如果大學城做既研發,最後係「結合產業發展,甚至與大灣區連結,形成產業鏈,讓科技轉化為商品」的話,咁其實同而家你所講既咩大韁等等有咩分別﹖

分別可能係,研發部份多小小會係香港,不過之後既轉化生產,米又係返返大陸。

*********
唔係題外話。

好多人例如阿校長同科技園公司再加政府都話,香港住屋成本開支貴,生活成本高,所以要攪人才公寓要有補貼。

丫,真係你老味丫,係唔同時空,當你講香港吸引力時,你又會話香港稅率低稅制簡單,係好吸引人才。

咁即係咩﹖

原來,人才會因為你租樓貴,就唔黎香港;香港稅率低過大陸歐美全世界都好,都因為租樓貴,我就唔黎架啦,咁呀﹖

*********
所以,講返正題。

我既結論,其實就好簡單。

當家超話咩北都收成期,為香港咩未來發展新引擎既時候,衣班最前線真係去做野既人,就會同你講,其實我地既競爭對手目標,都係大陸。

我地要發展,唯一辦法,就係同大陸一樣,鬥平,鬥多補貼。

唔靠平,北都就做唔起;靠平,點樣收返北都成本,就你既事啦。

再用返大陸個套,不斷鬥平,攪補貼資助,最尾發生咩野﹖

都係個句,你望早多幾年既太陽能版,再到衣幾年既電動車,米知咩事囉。

**********
亦所以,無論係阿理大校長,又或者係查毅超,都真係高級黑黎架。

香港發展北都,係因為有一國兩制既優勢架麻﹗

我地又駛乜靠地價夠平,攪咁多補貼,先發展到創科中心既JAK﹗

************
最後,補多句。

之前我講松山湖,講既係香港科技園公司係香港科學園或者工業邨,可以點參考大陸個玩法。

不過,如果你唔只限於科學園範圍,而要係成個北都玩衣種無限補貼無限鬥平,你邊有資源同大陸鬥﹖

再者,科學園工業邨都係面積有限,甚至好多地已經有曬基建。不過,北都係由無到有,有龐大開發成本 -- 個成本仲要唔係靠儲備,而係靠發債換返黎。

咁的話,你要去賭,去跟大陸個遊戲規則去玩大陸個套﹖

你睇阿理大校長係訪問最尾個段,米知口講咩都無用,行動就最實際。佢係最尾一段,係咁講的﹕

政府早前預留100億元貸款讓院校在大學城興建校舍,《2026年施政報告》未有就金額「加碼」。滕錦光說,以大學的規模「當然是多一些比較好」,但難評價100億是多或少,需視乎政府在北都的定位。他笑言資源分配是每間院校「共同面臨」、「滿有挑戰性」的問題,需發揮「創新思維」解決。

阿校長,北都咁有前景,你問政府借曬100億都冇問題啦﹗你借完,攪咩科研轉化,配合埋大灣區產業鏈,就實有錢賺,實還到個100億連息架麻﹗

嘿。

************
真係最後,補返最重要個句。

查毅超講咩以「沙嶺超算中心用地為例,指該地價極具吸引力,甚至可與深汕的工業地價作比較」,其實佢講既時候,係米仲未知個超算中心已經伏伏地可能出事﹖

超算中心地價咁低,其實米反映到個問題囉 -- 塊地投資回報成疑,攪到比個九唔搭八既公司渾水摸魚,又玩空手入白刃成功投到,最後而家唔知係米中電加政府出手,件事先攪得掂。

價格,係反映現值。

你「地價極具吸引力」,只係反映塊地上面將來做既生意,係食得屎咁解架咋。

阿天才。

當然,如果塊地既地價係有補貼,將來生產既產品又有補貼,又或者可以用唔同方法再呃多D補貼,咁地價係可以好低既 -- 衣個米係電動車既故事囉。

換成大陸官方說法,即係,另一個內捲的故事。

************
完。

香港北都發展之高級黑 (2)

新田專注先進製造業 查毅超:地價「有得傾」

政府全力推進北部都會區發展,新田科技城有限公司主席查毅超昨透露,佔地達210公頃的新田科技城將專注發展中下游的先進製造業,冀吸引芯片、無人機及新能源汽車等高新產業落戶。他表示,目前正與一至兩間高新科技龍頭企業接洽,預計首批約2.5公頃土地最快可於今年底完成平整。對於面對周邊地區的激烈競爭,查毅超強調,新田科技城的地價「有得傾」。

查毅超在電視節目表示,新田科技城的地價「有得傾」。他以今年4月批出的沙嶺超算中心用地為例,指該地價極具吸引力,甚至可與深汕的工業地價作比較,期望新田未來能以此作為參考指標。此外,他鼓勵海內外企業善用CEPA優勢,只要產品在港達致30%附加值,即可享免關稅優惠進入內地龐大市場。

正與高新科技龍頭企業接洽

在開發模式上,他明言不會採取「政府全資興建再出租」的單一做法。他指出,近日由六大企業合組財團投得的洪水橋片區,對新田科技城起了示範及「強心針」作用,未來期望能與科企及金融等服務業合組夥伴共同發展。至於政府注資的100億元起始資金,除用於公司營運外,亦可能用於支援第三方進行基建,以加快發展進度。

未來融資安排方面,他表示對發債持開放態度,但強調必須建基於具備還款能力的商業模式,絕不能讓政府承擔債務。對於外界憂慮「產城融合」最終會演變為地產項目,他重申園區發展以創科為絕對核心,雖會探討興建人才公寓等配套,但絕不會將大比例土地用於發展出售住宅。

發佈時間:03:00 2026-08-30 HKT

來源網址 : 新田專注先進製造業-查毅超地價有得傾 | 星島頭條

https://www.stheadline.com/daily-hongkong/3609592/

香港北都發展之高級黑 (1)

【留學香港系列】港「住得貴」礙大學城招人 滕錦光倡設人才房策 稱由實驗變產業 需由校園拓展社區

發布日期 2026年9月29日星期二

理工大學校長滕錦光應邀出席本報「留學香港——大學校長訪談系列」,形容居住成本是吸引企業與人才留港生活的「痛點」,政府應借鑑內地經驗,在北都推出「人才房」政策,讓科研人員以低廉租金居住,提升香港招攬科技企業及人才的競爭力。

滕又說2022年已向政府提出興建大學城的概念,北都部分用地能以大學為核心,由內到外推展至一般社區,配合政策的推動,將大學科研轉化成產業,「不是說有個大學城,它就自動會成功」。

明報記者 范灝民 黃振豪

政府自2023年提出北都大學城概念,本月中《五年規劃》明確提出建設3個大學城,其中「洪水橋大學城」3幅用地今年底截標。特邀主持何順文教授在訪談中問及大學城應有的發展模式及戰略作用,滕錦光分析道,香港的基礎研究雖屬世界頂尖水平,但受限於土地資源及市場規模,科研人才難將研究變成產業,不少本身在港「孵化」的創科企業,例如理大培育的海柔創新、科大生創辦的大疆創新等,最終都選擇到內地城市擴大生產與市場,日後大學城毗鄰內地,應能促進兩地「產學研」之間的流動及解決科研轉化問題。

洪水橋先招標 理大「捉緊時間」研新參數

滕錦光強調,理大會盡最大努力、積極參與北都計劃及支持大學城發展,雖已籌劃多個方案,但投資北都屬重大決策,招標內容亦剛出爐,會捉緊時間研究新的參數與用途定位。他預料理大會安排實驗室、工程及技術相關的研究人員進駐北都,為校園「擴容」,但未有考慮放棄紅磡校園。

倘人才住屋成重擔 企業考量進駐成本相應增

內地在1990年代開始發展大學城,例子有成功有失敗;談及香港如何避免步向後者的命運,滕錦光強調「不是說有個大學城,它就自動會成功」,提到2022年未有大學城概念時,他曾就北都土地提出建議,稱北都應以大學或大學城為核心,再逐層向外拓展至應用及轉化研究機構、科技園區、創科產業用地、「人才住屋、醫療及教育服務」以至一般社區,才可令科研成果從實驗室走入產業鏈的過程變得暢順。滕又說,香港居住成本高昂,政府有必要仿效內地設「人才房」政策,供科企或科研人員低價住屋,提高科企投資大學城、香港對科研人才的吸引力,否則來港者需獨力負擔成本,「公司招人的時候,(員工要求的)價格就貴了」,企業要考慮的進駐成本亦隨之提高。

翻查資料,深圳為協助人才應付住宿,會提供免租居住、容許租住「公租房」等。當地今年起推行《深圳市青年人才住房支持實施辦法》,讓青年人才租住過渡房屋,租金標準是市場參考租金約60%,最長租3年,或是發放每月1250元人民幣的「安居補貼」,最長兩年,二擇其一。

滕認為香港要吸引人才,空間面積是個「制約」,稱大學想招攬外地教授,對方會問實驗室空間有多少,而科研人員可能需做「中試」(由實驗過渡至工業生產的環節),需要更大空間;再者,科研成果若想轉化成產品應用,更需要比較大的物理空間製造,因此將來大學城有條件去結合產業發展,甚至與大灣區連結,形成產業鏈,讓科技轉化為商品。

100億難言多或少 資源分配「滿有挑戰」

政府早前預留100億元貸款讓院校在大學城興建校舍,《2026年施政報告》未有就金額「加碼」。滕錦光說,以大學的規模「當然是多一些比較好」,但難評價100億是多或少,需視乎政府在北都的定位。他笑言資源分配是每間院校「共同面臨」、「滿有挑戰性」的問題,需發揮「創新思維」解決。

原文網址:https://news.mingpao.com/pns/%e8%a6%81%e8%81%9e/article/20260929/s00001/1790613042757

2026年9月28日星期一

廢話幾句

下面既野,係衣幾日打開,一次過擺出黎。唔同文都有時差,不過是但啦。

************
擒日勞福局出左個人力推動中期更新,跟手就有好多報導,全報都殺曬介紹咁報導,講到咩文員過剩,但係又好詭異地,講到好多其他行業又缺人。

所有報導都將政府既中期更新報告照單全收。

咁你知我一直都唔信衣D政府研究,所以有個好簡單既驗證方法﹕睇下佢份報告點做,同埋將佢前後幾份報告比較下。

類似既人力推算,就應該係政府一直都有攪。

不過,李家超要輸入外勞,所以係2023年就特別整左個有唔同既人力推算報告,之後再係擒日整左個2026年中期更新。

咁我唔好複雜長氣,唔講佢點計算人力供結,淨係講佢點樣計算人力需求。你見下面幅圖,係出自佢2026年份更新﹕



幅圖係講政府點樣編制評估個人力需求,2023年同2026年基本上都係一樣咁做。

你睇佢「2028年推算」右邊個欄,其實就好有趣。佢聲稱有用推算模型、卓面研究 (!!)、業界諮詢 (!!!)等等。

你如果睇佢份報告內文既methodology,佢甚至係咁講左4個步驟﹕

步驟一:運用統計模型得出初步結果根據統計處的人力統計數據、政府決策局和部門以及主要機構的人力研究,我們首先確定各經濟行業和產業在基準年及過往年份的人力需求實際數字。然後運用時間序列模型分析歷史數據,推算未來趨勢,以獲得2028年人力需求的初步推算結果。

步驟二:參考諮詢結果、問卷調查結果和其他資訊,審視初步結果根據廣泛的數據和資訊檢視並調整初步推算結果,當中包括業界諮詢和問卷調查結果,其對象涵蓋各個選定行業,共一千多名持份者參與諮詢,包括商會、公營機構、專業團體、企業代表及有關的諮詢委員會委員等。我們通過面談、焦點小組、持份者論壇和電子問卷,並提供特備的行業資料便覽,引導與會者更聚焦地發表對行業未來人力需求的具體見解,包括空缺率及預計未來會聘請的職位、業務營運自動化及數碼化的影響、預期出現的新機遇(例如與內地融合)和挑戰、未來高需求職業和重要技能等。其他參考資訊包括從業員及招聘機構數據的大數據分析,以及有關未來就業趨勢的文獻研究等。鑒於經濟轉型、人工智能和數碼化的迅速發展,以及預期出現的新機遇和挑戰,這一步審視尤為關鍵。

咁步驟三同四都係D咩定量定性分析,就唔COPY出黎。

不過,上面講個幾段,係米好有趣呢﹖

佢先用time series即係咩時間序列模型,去估未來唔同行業既人手需求。

但係,跟手又會用業界調查、問卷調查去做調整,「引導與會者更聚焦地發表對行業未來人力需求的具體見解,包括空缺率及預計未來會聘請的職位、業務營運自動化及數碼化的影響、預期出現的新機遇(例如與內地融合)和挑戰、未來高需求職業和重要技能等」。

佢用衣D咩業界調查,做所謂既adjustment,去睇下AI或者對未來經濟前景 (「例如與內地融合」﹗),會點樣影響個2028年人力需求。

不過,你而家問僱主,衣D咩「預期出現的新機遇.....未來就業趨勢的文獻研究等」會點樣影響未來幾年以至去到2028年既人力需求,其實就係攪笑。

即係,好多私人機構都會每季公佈香港PMI或者僱主招聘意慾既調查結果,因為衣D「心態」上既野,其實唔止每季,可能隔過星期,你望住公司盤數都可能會變。

如果勞福局將衣D咁既「心態」去擺落佢個推算到,你話得出黎個結果會係點丫拿﹖

你再問香港僱主使用AI既情況,我都好相信,過去幾年,係唔同時間,其實個差別係好大﹕同老美之類唔同,香港咁多中小企,加上AI發展冇老美咁普及 (香港正常情況下點用chatgpt同claude? 高盛就直頭禁埋香港員工用claude),咁究竟AI係香港使用既情況係點﹖可以有幾普及﹖

份中期更新仲講到,AI令到初級職位係未來幾年差唔多完全消失,我真係非常極之懷疑。起碼,你見明報引述勞福局咁講,我懷疑佢講既情況,起碼係2028年都唔會出現﹕

陳國輝又稱有六成中型及大型企業正採用AI,小企業亦逐步採用,未來AI人才需求將增3至4倍,金融和進出口貿易業以及文書人員最受影響,雖暫無大裁員,但金融業有兩三成人手屬文書行政,有可能要重組;全港44萬文職人員雖不會全遭AI淘汰,但人手需求將大減,或要轉行。

*********
拿拿拿,我早幾日打衣篇文時,其實又長篇大論,比較左2023年同2026年兩份報告既人力推算數字,講比你聽,兩份推升算數字點解會出現好奇怪既問題。

不過,諗諗下覺得煩,就DELETE曬佢。

最簡單講個結論﹕

2026年份中期報告入面,無論係咩先進裝備中心、創新中心、貿易中心、航空樞紐之類,個2028年人力推算需求,都係revise downward。

即係,同2023年個份報告比較,所有「八大中心」既人力需求預測,都係下降。

再睇埋份中期報告,有幾個「中心」2026年既實際工作人口,其實已經超過2028年預測。

當然,勞福局會同你講,衣幾個「中心」既實際就業人數係已經超過2028年需求預測,但係而家職位錯配,所以都要繼續有人手短缺,要輸入衣幾個行業專才呢 -- 例如,而家有好多係非技術人員,過兩年就會被取代架啦。

咁我唔詳細講衣D數。

不過,更加根本既問題就係,衣D咁既「中心」人力需求,其實係由政策帶動,究竟最終係米有咁多需求﹖

正如李家超早兩日比人問,點解佢份五年規劃有咁多「預期性」指標,點解個批「預期性」指標點解用咁多攏統字眼,咁李家超同消息人士米咁講囉﹕港易受外圍影響故預期性較多。

所以,當佢要做好多人力推算,就講到去百位數既預測;要做五年規劃,就同你講香港易受影響,所以多D預期性指標,個咩人均收入呀貨物出口呀,都係同經濟增長同步之類。

政府既龍門,係咁擺架啦。

************
再當然,更加根本既問題係,香港有經濟增長,河套區又發展緊,其他產業園又差唔多開工,科學園又咁多野攪,咁點解最新份人力需求中期報告,入面包括埋個創科中心,預測個人力需求竟然小左呢﹖

阿家超早個月先講,北都創科開始收成期啦喎﹗

係米話一句AI減小人力需求,所以就連個乜春創新中心既人力需求推算,都係小左﹖

嘿﹗

************
亦所以,其實,唔需要對衣份人力推算太過認真。

衣份報告,其實只係justify返,點解要有行業輸入外勞計劃,又或者點解要有高材通。

當然,你再詳細考究,其實都係攪唔掂架 -- 高材通話係要吸納高端人材,不過個計劃係純粹講你係米合資格大學畢業,又或者年薪係米250萬以上。

上面講既資格,其實並無對應返上面講既「八大中心」所欠既人才。

所以,有D野,就真係攪唔掂的。

*************
講起科研,之前就講過,孫東同家超四五年前開始,不停聲稱香港既優勢係,有國際環境,又可以結合內地優勢之類。

其中就特別講到,河套區以至北都可以玩「數據過河」,用大陸大量數據去發展生物科技同AI之類 -- 好多友會同你講,就係香港人口細,唔夠數據,玩唔到生物科技丫麻。

我之前都講過,衣D全部都係美好的幻想;「數據過河」,真係講幾年都攪唔掂。

不過,早兩日,終於有風聲出黎啦。港深創科園阿行政總裁終於咁樣出黎講﹕

園區亦快將試行「數據過河」項目,並取用內地醫療數據測試。馬惟善披露更多細節,表示港深政府目前已呈建議書至中央審批,園區內有若干公司參與試行,「數據過河」亦有一套特定機制。「只有我們香港園區內、經過審核的『白名單』租戶或孵化企業,才能取得醫療數據。其次,不同公司或學者如因科研原因,需要取得內地醫療機構某些數據,他們需要自行對接內地單位,再經河套深港特定機制,傳至香港園區使用。」

你睇完,係米覺得攪笑呢。

我都話,大陸任何數據都係國家機密,攪d咁既野都要「中央審批」,最後仲要係只限「醫療數據測試」,仲要只係白名單租戶先可以用數據 -- 阿總裁話,其他企業「需要自行對接內地單位」,即係唔係自己人,亦即係衣世都唔會扲到數據。

所以,當阿總裁係同一個訪問話,「我們希望招聘世界各地知名的科研專家及大學,一同推動香港生命健康發展」。咁你就要問,美國佬或者日本仔大學係米白名單入面丫拿﹖日本仔醫療科研好勁架,你同唔同佢合作,比中國人既最原始健康數據佢地睇﹖

所以,你話北都玩創新有咩優勢,係米攪笑﹖

至於阿總裁內文講,河套區好多大樓都已經出租,就係廢話﹕你估每尺幾錢租﹖租戶組合有咩人﹖我估佢衣世都唔夠膽公佈。

再者,科學園出租率咁多年都好高,咁又點﹖

*************
補多句﹕我唔記得睇咩新聞,亦都唔記得係孫東定創科園區個行政總裁即係常秘講,話數據過河既難度比預期大。我真係心諗,你唔係咁唔識國情呀麻﹖

再者,又好老實,我係大陸大把科研機構,我有咩都可以係大陸做 -- 你話要國際人才要咩,咁你米返上黎大陸囉。我一開聲,大把人仆到黎。最簡單例子,之前因為千人計劃而被老美判刑個位哈佛教授,而家去左邊﹖米去左深圳,仲係深圳攪埋實驗室囉。

咁你話,佢做乜唔黎河套區,要返大陸呢﹖

*************
又再講返正題,唔好太多題外話。

當政府話而家失業率唔高,高才通或者輸入外勞計劃冇影響香港人,咁點解同香港一般人既觀感差咁遠﹖

唔再詳細講,你望下個失業率breakdown﹕ 無論係按年齡,又或者係按行業,個breakdown都好精彩。

同時,個breakdown亦都解釋到,點解一般人會認為個經濟係咁差,失業率係咁高。

例如,衣個表係按年齡計既失業率。你拉到最下面,最新一期經調整整體季度失業率係3.8%丫麻 (個表係寫4%添,應該係未adjusted),不過15-19歲失業率就係15.5%。

青年失業率一直都高,不過15.5%係covid後既新高,個trend係由2023年既9%左右升到而家。

你再睇20-29歲最新一期失業率,個數竟然去到9.1%,其實係好難明既野。就算你話而家多人做咩SLASHER,不過點可能升到9.1%,跟手仲話經濟大好﹖

另外,衣個20-29歲失業率條數,又係2023年既5%左右升上黎;你再睇返2018年之前,衣個數大約都係5-6%浮動,未試過去到9.1%的。

再者,上面衣個20-29歲失業率係季度數字。如果睇全年數字,衣個數已經分別升到係2024年既6%同2025年既7%鳥,即係超過左2018年之前既5-6%區間 -- 個trend即係睇埋最新季度數字,係9.1%架下。

唔講歲數,講行業。

衣個表係按行業劃分,「建造」失業率係6.1%、「零售」係4.9%、「餐飲服務活動」係6.8%,衣D全部係最基層最多人既行業,你亦都容易接觸到,所以一般人會感覺個市唔好。

你再睇個行業大類,失業率最低既係邊類﹖係「公共行政、社會及個人服務」,失業率係2%。

亦即係,同香港GDP一樣,都係食政府或同政府相關既行業最好景,失業率就最低。

咁睇完上面幾個簡單數,「建造」、「零售」同「餐飲服務活動」失業率都好高喎,咁點解仲輸入外勞既。

咁政府就同你講,「建造」業有好多唔同工種,咁有D真係缺人丫麻。「零售」就調整緊架啦,有更嚴格既輸入外勞措施架啦。甚至,你見我上面明報篇新聞,勞福局個官竟然咁講﹕

陳國輝稱,近年餐飲業轉型,中式酒樓大減,日式餐廳及外賣平台興起,有資深中菜廚師因工作時間、薪金及工作性質,拒到日式或韓式餐廳工作,舉例稱「做了幾十年中廚,到日本餐廳切菜是有困難」;有婦女過往只能在酒樓做上午「媽媽更」以便照顧孩子,但經營模式已變,她們亦無法做「全日更」,在勞工處招聘會這類應徵者僅少於5%接受取錄。

其實,都係個句,好多時,個問題係薪金。

你唔輸入外勞,迫好多行業加薪,咁就自然咩「媽媽更」都變「任你更」或者「自由任你更」。你唔見而家UNIQLO甚至無印,都多左好多AUNTIE出黎咩﹖

問題係,你想個社會點樣運作。

*****************
題外話﹕衣個係好方法學既問題,不過係好重要的。

當個官特別講「媽媽更」個問題,咁如果真係「經營模式已變,她們亦無法做全日更.......僅少於5%接受取錄」的話,咁當衣班「媽媽更」婦女幾個月都搵唔到工,最後決定唔搵工,即係離開左個勞動人口定義的話,咁佢地米唔算失業,咁米會減小返個失業率﹖

咁衣個情況,成幾年架啦喎,但係個餐飲失業率都仲係咁高﹖究竟佢講既「媽媽更」「僅少於5%接受取錄」,咁其實,「仍然實際求職」既「媽媽更」人口係幾多,對個失業率有幾高影響呢﹖

你要記住,失業率定義其中一個好重要既元素係,「有找尋工作」--如果「媽媽更」個批勞動人口停止搵工,究竟仲包唔包括係勞動人口呢﹖

你睇統計處,佢都係咁講 -- 雖然佢下面由「不過...」開始之後個句,唔知係米新加定係點,我好懷疑以往統計處有冇「不過....」衣個元素﹕

失業人士是指所有符合下列條件的15歲及以上人士:
(a)在統計前7天內並無職位,且並無為賺取薪酬或利潤而工作;
(b)在統計前7天內隨時可工作;以及
(c)在統計前30天內有找尋工作。
不過,一名15歲或以上的人士,如果符合上述(a)和(b)的條件,但沒有在統計前30天內找尋工作的原因為相信沒有工作可做,則仍會被界定為失業,即所謂「因灰心而不求職的人士」。

*************
又再題外話。

所以,好多問題,係要睇長小小時間線,先知個問題係邊。

顏寶剛最近又有講青年失業率,高天佑都講幾次 (冇比錢信報,唔知佢內文講乜)。

不過,你要了解失業率係米問題,或者產生緊/反映緊咩問題,其實就要好似我上面咁樣,睇長小小時間,同其他時間做對比,先知而家個失業率係米有問題。

即係,用返上面個數,15-19歲青年失業率既問題,其實幾十年前沙士時期仲高,係政府2005年左右發明左副學士之後,青年失業率先由沙士既30%下降去到2010年開始既20%樓下,甚至去到2018/19年最低既10%。

之但係,點解個失業率係COVID時期上升,之後會係2023年又跌到去9%,再係衣幾年慢慢上升到而家既15.5%,又再超過返2018/19年既低位﹖

20-29歲失業率條數,同樣都係好有類情況。

衣個,即係同以往好景時比較,再比較埋個TREND,先係要問既問題,亦都係點解而家覺得個失業率有問題既原因。

*************
講返我上面提到既,「你想個社會點樣運作」。

我想講既係,我之前都講過下,不過好似冇講清楚。

最簡單既例子係,香港飲食業以往發展好強勁,香港人好習慣出街食飯,所以咁多年黎係咩美食天堂。

全世界除左大陸台灣之外,好小地方會係咁 -- 你移民左去英國美國,就更加睇到衣樣野。你睇好多香港人在日本既YOUTUBE,佢地都話日本仔除左禮拜五去居酒屋之外,都好小夜晚出街食飯。

個原因係,香港飲食業工資低丫麻﹗就算其他成本貴,餐飲消費都可貴可唔貴,所以香港人就算唔係中產或者有錢佬,都會成日出街食飯囉。

你去美國,唔講咩漢堡包指數,你求其食餐飯都要收你20%貼士添呀。

你去日本狂食,都係因為匯率問題,你先會瘋狂和牛;你代入返日本仔衣幾年最擔心既食品通脹問題,就知佢地唔止出街食,連屋企煮都覺得貴。

講返香港。

大陸同香港其實一樣,大陸仲要佢人工低之餘,大陸既生物科技都令到食物廢水成本超級低,所以出街食飯平過你煮。

所以,香港作為一個成熟發展地區,你究竟想成個經濟結構點行,財富係點分配,衣個就係問題﹖

當然,如果輸入外勞係另有考慮,再加上又唔需要考慮選票,就冇咩要考慮啦。

又再當然,就好似我之前講香港經濟,甚至你應用落大陸都得﹕香港內需唔掂,多店舖執粒,原因就好簡單。

勞動人口入面,個批做旅遊零售餐飲既唔係搵好多錢,不過佔勞動人口最大比例。衣班人見到失業率咁款,跟手又多外勞,你叫佢地出黎消費,幫你政府提振內需﹖

嘿。

*******************
講完上面早幾日打完再加剛剛補完既野 (!),咁講下早兩日見到單新聞。

明報有段新聞,個題係中電伙潤江智算建設沙嶺數據園區。

我睇完,都睇唔明中電除左提供 供電方案之餘,究竟點樣「伙」阿潤江智算。

我睇埋中電個新聞稿,都係睇唔明。

不過,中電就醒。

之前民建聯班友講乜水電特供,要係大陸入返d平價電比北都創新公司。而家,中電就同你講,我伙左潤江智算啦,你米繼續講囉,到時我唔玩,沙嶺個超算中心死左,就你負責。

我好相信,中電出衣段新聞稿,入面仲要加埋創科局阿署理局長個名,之後潤江再係新聞稿咁講﹕

在沙嶺項目推進過程中,香港特區政府給予了全方位的保障和支持,中華電力團隊在供電規劃、工程建設及協調工作方面提供專業高效的支援,讓我們切身感受到多方協同攻堅的強大合力。

咁其實,即係香港政府同中電都可能做左唔同形式既擔保或者其他野,令到衣間九唔搭八公司終於問銀行借到錢囉。

中電,真係高手呢。

********************
衣排又好多人講起狗。

早兩日毛守kent比魚護署告,話佢「沒有妥善管控狗隻」、「過期狗牌」,跟手好多人又痴曬線。

即係咁,好多動保或毫無保留支持毛守既人就話,好多義工會登記做浪浪主人,係因為你絕育放回後,如果冇晶片冇登記做主人,隻狗比魚護拉左,就會人道毀滅,所以點都要掛名有個登記主人。

好多動保既人,就話衣個唔係鑽法律漏洞,係政府迫市民咁做去保護動物。你睇天行足跡個fb,個所謂討論真係精彩。

即係咁,狗要有晶片要有登記主人,就係出事時可以搵返個主人,搵返要為件事負責既人 -- 無論係狗咬人、蕩失路、比車車都好。

動保人講得正確架,而家政府唔肯做絕育放回,所以就好多義工幫狗做完絕育就登記做掛名主人。

咁不過,個問題就黎啦﹕今次毛守KENT係因為風頭火勢就比人告啦。

又不過,報導聲稱有4000隻狗係用佢名義登記。咁只要有一隻狗咬死其他狗,或者咬死有人養既寵物貓,咁你話佢又需唔需要負責﹖定還是,因為佢係好心掛名,所以係佢名下既狗咬死其他寵物,咬死我隻貓,不過佢都唔需要負責﹖

之前元朗有隻狗咬死隻比熊犬,好多人就話責任唔係隻狗到,要罰都要罰個主人。咁如果當時咬死隻比熊犬既狗,原來係絕育放回既狗,咁又要唔要追究「主人」責任﹖

即係,你攪絕育放回,其實冇咩問題。好多人話,狗絕育後攻擊性降低;不過,衣樣野係有幾成把握講出黎呢﹖魚護之前係長州同元朗做過狗隻絕育放回試驗計劃,不過最後試完就完左。

你自己睇下上面阿 天行FB最近既POST,佢都有講埋,而家香港義工做絕育放回,好多時會加埋「繼續餵狗」既選項 -- 你繼續餵,狗就有領地意識,就要保護自己地盤,就會咬入侵者。當然,天行冇講,不過一定有義工講既係,你唔餵絕肯放回既狗,咁佢冇野食周街行一係就比車車死,一係就攪其他民居,比其他人打死﹖

所以,好多人話,個問題係政府唔肯攪絕育放回,先迫到義工要為狗登記 -- 我用另一個角度就係,政府緊係唔想上身。魚護署個頭幫隻狗攪絕育放回,隔兩個禮拜隻狗咬傷人或者咬死你隻狗,咁係要魚護署作為「主人」去負責呀﹖

衣個先係成個問題重點。

當然,其實又返到去之前我講既問題。

養狗要領牌,或者要有謹慎責任,其實先係解決到好多問題。

不過,問題就係,你要攪衣套,實際上就執行唔到 -- 除非你見親冇登記冇主人既狗,都殺曬佢啦。

所以,結論係,單野冇得攪的。

*********
衣幾日仲有好多有趣新聞,不過好多都唔記得。

咁是但,完左佢啦。

**********
丫,醒起,甯漢豪真係不愧為女中豪傑,係講個樓宇維修預審名單時,竟然夠瞻死咁講﹕

在費用方面,現時招標服務每戶僅收數十元至一百元,全新服務新增不少把關工作後,服務費會略增,但佔總維修費比例極小。甯漢豪相信在多重把關下,大維修費用不應高於現在,更可做到明碼實價,防止承建商圍標以低價中標後再要求加錢。至於社會討論的「代辦」服務,她表示坊間對「代辦」有不同定義,而新服務已代辦招標評標,若要「一條龍」替業主決定所有工程細節,則仍需收集社會意見。

她續指,若由同一顧問兼任驗樓與監工,極易出現串聯或「打龍通」情況,驗樓時或會誇大樓宇問題,令工程範疇變大藉此獲利。將兩者分拆後,避免「自己驗自己醫」情況,從根源上消除利益衝突。

佢而家將個預審制度劃做三樣,分別係「驗樓顧問」、「監工顧問」、同埋「承建商」。之但係,點解分開左驗樓同監工顧問,就可以避免到「打龍通」、「自己驗自己醫」﹖

你試下扲份「政府驗身顧問」報告,再去香港私家醫院,甚至返大陸醫院去睇下有咩要跟進,咁就會阻止到個「手術顧問」亂黎﹖

都係個句,強制驗樓係有指定項目。假如「驗樓顧問」跟返成個強制驗樓計劃去睇你層樓,最後淨係話你D公家渠有問題,要大維修搭棚去換曬所有渠。咁之後接手個「監工顧問」有冇責任或者有冇權又再或者有冇違反指引,可以提你,你搭開棚就順手換曬D紙皮石,廢事隔幾年要換就搭多次棚,淨係搭棚都要再用多幾十萬。

衣個多口提一句,究竟係專業定係打龍通定係好心做壞事定係咩呢﹖

衣D,係好STANDARD既大維修問題,你分開左唔同名單,係有意義,不過個意義有幾大,係米佢講到咁完美﹖

至於佢話,個維修費用一定做到明碼實價,防止到「以低價中標後再要求加錢」﹖你問下阿發展局旗下既工程,做唔做到衣樣野丫拿。

題外話。

之前宏福聽證會,阿警司米話黑社會甚少參與大廈維修既。不過,點解衣排係拉圍標時,拉左咁多黑社會既﹖

嘿。

**********
完。