2026年11月19日星期四

立法技術文.中大條例寫錯字.不止文盲咁簡單 (4)

我原本都冇諗住講班智將修訂中大條例既弱智野。不過,擒日見到追蹤黨媒,有段講起立法會既新聞,就真係激起私既鬥志。

追蹤黨媒講既,係星島衣段新聞﹕電話卡詐騙老是常出現 議會「兩連問」相映成趣。

段新聞係咁講的,我節錄幾段出黎﹕

電話卡詐騙問題困擾不少市民,立法會今日舉行大會,第二項口頭質詢由社福界議員陳文宜提出,問及租借或售賣電話卡的漏洞及法律罪責問題,要求政府交代修例工作進度。不過,類似問題其實在上周大會已有另一議員提出,有代議士也疑惑,為何要一問再問呢?

根據《議事規則》,立法會議員就質詢的預告期限為7個工作天,換言之上周一就要確認本周質詢內容,因此議題重疊屬巧合,不涉「參考」。然而考慮到每次大會口頭質詢次數有限,議員一年只有約2次機會抽中,若議題重疊,似乎浪費了一次寶貴機會。據聞,有政黨昨開會預備時,黨領導見到質詢主題與上周相同,也感到奇怪:「又問?」

有資深議員則指,連續兩次大會質詢相同議題不違反議規,秘書處一般只會就同一次大會上的相同議題作把關;又指近年對於內容相類近的質詢,盡量從寬處理。實際上,一些重大議題如宏福苑大火、新冠疫情等,眾多議員關注,因此經常出現「問完又問」情況,只要盡量從不同角度提問,也可能獲得新資訊。

立法會今年初亦曾發生質詢「撞車」事件,莊豪鋒、陳紹雄各有書面質詢問及中大醫院財務安排,縱使二人用字略有分別,但當時醫衞局答覆幾乎是「複製貼上」,令兩位主角大呼無奈。

真係你老尾丫。

阿資深議員話,「連續兩次大會質詢相同議題不違反議規,秘書處一般只會就同一次大會上的相同議題作把關;又指近年對於內容相類近的質詢,盡量從寬處理。」,咁就證明成個體制都墜落啦。

UM....你望返油治及興之前,邊會有咩從寬處理﹖正常既人,都會同你講,有人幾個月前問左類似既野啦喎,你要完全唔同角度先得架喎。

當然,而家有冇正常既人,就難講。

不過,今次主角尊貴,係陳文宜。你唔識佢,係正常,事關佢最出名既新聞係﹕被點名未適應議員角色 陳文宜認需要改善 將加強訊息發布和溝通。

yup,佢係社聯行政總裁,仲係功能組別社福界議員。

所謂既口頭質詢機會好寶貴,咁作為社福界議員,就算佢重覆上個禮拜先有人問過既問題,都可能係佢界別黎講,係好重要既呢。

不過,佢問既問題,是咁的﹕

以下是今日(十一月十八日)在立法會會議上陳文宜議員的提問和署理商務及經濟發展局局長陳百里博士的答覆:

問題:

  據報有人以不同方式將已登記的電話智能卡交予詐騙集團。由於租借或售賣電話卡不屬罪行,電話卡登記人可藉不知情作辯解,逃避詐騙刑責。就此,政府可否告知本會:

(一)有否研究已實名登記電話卡流入詐騙集團的常見方法,並評估證明電話卡登記人干犯詐騙罪行的舉證門檻及可行方案;

(二)鑑於政府去年表示,會於本年就打擊不當使用電話卡向本會提交條例草案,有關的進度為何;會否在立法前推出行政措施堵塞相關漏洞,例如要求電訊商核查短期大量登記電話卡或頻繁轉換登記人的個案;及

(三)據悉部分司法管轄區透過「責任前移」的方式防範詐騙(即要求風險管控能力最強一方承擔預防責任),包括向把電話卡轉交詐騙集團的人士施加刑責及限制其登記新電話卡,或要求金融機構分擔詐騙損失,當局會否考慮引入責任分配原則,以及就損失分擔機制展開公眾諮詢並納入修例研究範圍?


喂,阿哥,你係社福界功能組別議員黎架,而家咁多咩照顧雙老隱閉長者照顧者死左冇人知之餘,政府仲不停話佢地既措施好有成效。

前排先有單 朗晴邨獨居翁化骨|街坊憶死者壯健「日日落街」 近數月再無露面,跟手早個月仲有單出位到 德朗邨阿婆比個外傭打死左,你係段新聞仲扮評論。

你扮講完,識唔識起碼係個口頭質詢度跟進﹖

你唔識都好,都問返D社福野丫,而家走去問電話卡﹖

你就算問電話卡,可唔可以拉埋去長者騙案呀,呀哥﹖

*********
結論係,你唔好理衣班人點解咁想做尊貴,亦都唔好問佢有冇能力做尊貴。

我淨係想問,就算你唔係尊貴,你係所謂既多年資深社工,係社聯既行政總裁,如果你真係關心所謂既社福問題,你有咩理由見到咁大個機會,係正式議事場合,當面去問班官,你都要放棄衣個機會,求其問九唔搭八電話卡詐騙﹖

衣班人,係大茶飯團伙個班人就固然下家產啦。

而就算你唔係大茶飯團伙 (衣位女士可能或者唔係掛 -- 雖然社福界其實本身就係政府FUNDING寄生虫,即係另類大茶飯團伙),你都唔該,可唔可以認真小小。

就算唔CARE唔洗對得住立法會尊貴既身份,不過都可唔可以對返住社工衣個身份呢﹖

當然,其實佢咁既表現,又唔奇,事關我一直對好多社工都冇咩太大好感的。

***********
又ANYWAY,衣個系列都唔錯 -- 我指既係上一篇,講條修訂草案既技術文,係米長知識,知道咩係起碼既law drafting技術同埋程序呢﹖

***********
完。

沒有留言: